روايات

رواية غرام الرعد الفصل الثالث والثلاثون 33 بقلم رحمة أشرف

 رواية غرام الرعد الفصل الثالث والثلاثون 33 بقلم رحمة أشرف

رواية غرام الرعد الفصل الثالث والثلاثون 33 بقلم رحمة أشرف

رواية غرام الرعد الفصل الثالث والثلاثون 33 بقلم رحمة أشرف

فتحت الظرف لقت فيه ورقه كبيره وورقه صغيره.. فتحت الورقه الكبيره.. وانصدمت وبصت لمروان بصدمه..
مروان باستغراب..  في ايه
رحمه بصدمه.. دي دي ورقة جوازي انا ورعد الي خلاني امضي عليها..
مروان باستغراب.. و مصدومه ليه
رحمه.. ثواني بس كده أتأكد.. فصلت تقلب في العقد.. هو هو يا بني انا متاكده
مروان ضحك.. طيب يا مجنونه.. يلا علي حصتك.. وانا هروح علي الشركه.. أبقي بوسيلي زهرتي
رحمه بضحك.. يابني احترم نفسك .. دانا اختها ..
مروان بابتسامه.. ما علشان اختها بوسيها …
رحمه بضحك… امشي يلا .. وفعلا خرج مروان أم رحمه فكانت ماسكه الورقه بتبصلها .. بعدين قعدت علي الكرسي وفتحت الجواب الصغير
لقت فيه رساله من رعد بخط الايد ..
رعد  .. وحشتيني اوي يا غرام الرعد.. لو معاكي الرساله دي ..يبقا انا سفرت…. وحشتيني وهتوحشيني .. يا ري ري … عارف ان بداية قصتنا بدأت غلط من الاول… وعارف ان الي حصلك بسببي .. انا اسف يا عيون رعد … علي فكره عقد الجواز الي معاكي ده . متسجلش في المحكمه .. محبتش نبدا حياتنا انا وانتي . بغلط …. تعرفي يا غرامي .. نفسي نتجوز. ونجيب بنوته .  شبهك … وهسميها ري ري. علي فكره . نفسي يبقا ليا عيله صغيره مكونه من انا وانتي وأطفال .. و الواد مروان .. علشان غلبان ..
كانت دموع رحمه تعرف طريقها الي وجنتيها .. لاكن ابتسمت .
رعد بحب …. عايز بيت الجارحي يبقا بدل بيت البش مهندس رعد الجارحي.. يبقا . بيت عائلة الجارحي …. معاكي عقد الجواز .. إحرقيه قطعيه .  مبقتش.ليه لازمه … ولا كان ليه . علشان انا كنت من الاول متأكد من حبك ليا .. عارفه ازاي. .. هقولك.. عيونك الي بتلمع لم تشوفني .. ولا خدودك المقلبظه دي الي بتحمر لم اقرب منك … ولا توترك معايا في الكلام لم اقولك قد ايه انا بعشقك .. كل ده كان بيسبتلي انك لو حتي معجبه بيا… كنت مبسوط اوي من اعجابك بيا … عارفه مكنتش عايز امشي واسيبك .بس الشغل شغل .  سلام يا حبيتي.  خلي بالك من نفسك. توقيع رعد
رحمه مسحت دموعها وحطت الورقتين في الحقيبه وطلعت لفصلها
ريتاج باستغراب. مالك .  بين عليكي معيطه ليه
رحمه بابتسامه. مفيش يا حبيبتي .  كويسه ..يلا بينا
ريتاج بابتسامه. يلا البت زهراء مستنيه تحت .. من بدري
رحمه بابتسامه.  طيب يلا بينا
نزلت رحمه وريتاج عند بوابة الخروج . لقو زهراء واقفه بتولع
زهراء بعصبيه. ما لسه بدري. انتي وهي. وانتي يا هانم مش عارفه أن امك هتسألك علي كل كبيره وصغيره ولا ايه .. يلا يلا ..
رحمه راحت باست خدها وهي بتضحك. دي مني ليكي .و باستها تاني . ودي من حد تاني بقا
زهراء باستغراب.  من مين
رحمه غمزت . مرمر
زهراء انكسفت .. وانتي شوفتيه فين ده
رحمه بصت لريتاج وضحكو. طمطمايه بتتكلم اول مره اشوف طمطمايه بتتكلم
زهراء ضربتهم الاتنين.. طيب يلا ياختي منك ليها .
????????????????????????????????????????????????????
في شركة الالفي
مراد كانت مشغول في الملف الي في أيده لاكن تفكيره في ريوان.  لحد ما حس بالباب بيدق
دق دق
مراد بانتباه .. ادخل
دخلت سالي السكرتيره بضحكه خبيثه.  مرادي .
مراد بقرف . في ايه يا سالي
سالي قربت منه وبدأت تلعب في دقنه الخفيفه .. وحشتني
مراد بزهق.  طيب ابعدي بس كده. و اعملي حسابك اننا في الشغل.
سالي بابتسامه مايعه وهي تدير الكرسي لي قاعد عليه مراد ليها وتمسك كلفت البدله وتسحب مراد علشان يقف .. ليه بس يا روحي …..
مراد سحب الكلفت من أيديها… معلش يا سالي.  مخنوق شويه
سالي قربت منه وحطت ايديها علي صدره وهي تقول بمياعه .. سبني افرفشك .. ورفعت نفسها ليه لتقبل شفتيه .. وهنا يدخل ريوان ومروان وينصدمو
ريوان انصدمت وخبت عيونها باديها.. عااااا
مراد بعد عن سالي بخضه وهو يضع يده علي شفتيه .. ريوان .. مروان انت بتعمل ايه هنا
مروان بكل هدوء .  سالي انتي مرفوده.. اطلعي بره .. بصوت عالي .. اطلعييييي براااااا
سالي انخضت وخرجت .
ريوان بتوتر وهي تحاول تمسك دموعها .. طيب طيب. انا همشي. حضرتك ده الملف الي طلبته مني… وخرجت وهي غير مصدقه من الي حصل.   اخدت شنطتها وخرجت من الشركه كلها متجهه للبيت
مروان لسه محافظ .علي هدوءه.. وانت كمان اطلع بره ..
مراد بحزن.  مروان انا والله ما كان قصدي
مروان بتهديد .قلتلك قبل كده علقاتك الغراميه دي بره البيت والشركه وانت غبي . اطلع بره قبل ما افقد اعصابي عليك
مراد اخد مفتاح العربيه وكان هيخرج. وقفه صوت مروان .. مراد
مراد بصله لاكن أنصدم بلكمه قويه علي وجهه من مروان  لتجعه ينزف ..
مروان بعصبية… انتي حيوان و زباله اطلع بره .
مراد بصله وخرج وهو في قمت غضبه الشديد استقل سيارته وساق باقصي سرعه ..
أم مروان فا كسر كل الي علي المكتب .  غبي غبي هيفضل طول عمره غبي
❤️❤️❤️❤️❤️❤️❤️❤️❤️❤️❤️❤️❤️
في بلاد الاجنبيه عند رعد
معتصم بابتسامه .. وانت ناوي تعمل ايه بقا
رعد بتفكير. مش عارف. بس أن شاءالله هتتحل. المهم عملت ايه في موضوع الحفله ده
معتصم بابتسامه حنون … مراتي مصممه عليها يبقا تتعمل. .. يلا لحلح نفسك كده وشوفتك واحده تيجي معاها الحفله أصلها كبلز
رعد ضحك. لا يا عم اعفيني .. انا مبحبش جو البنات ده ..
معتصم بابتسامه.  والله انت الي خصران.  دي احلام كانت جايه … وبين عليها منمره توقعك .. المره دي
رعد ضحك.. هي البت دي مزهقتش مني بقا.
معتصم بغمزه . وانت برضو بنشبع منك يا رعود .. وربنا انت لو بنت ما كنت سبتك تعدي كده .  غير و معلقك
رعد مسكه من لياقت قميصه بعصبية .. ما تحترم نفسك بقا بدل وأقسم بالله ما اخيلك نافع الا حاجه
معتصم بضحك ..لا وحياتي .  دانا قدامي ليله طويله بكره.
رعد ضحك.. طيب يلا يا خويا… علشان الشغل.
معتصم . هييييح يلا بينا .
قبل ما يمشو تيجي بنت عليهم  كانت جميله اوي تلبس لبس فاضح جدا جيب جلد قصيره اوي سوده وعليها بلوزه بالون الاسود وهي تظهر جزء من بطنها ورفعه شعرها لديل حصان  و ميك اب خفيف والروج فاقع
البنت بابتسامه . كنتو هتمشو من غيري .. ولا ايه
معتصم بابتسامه . وده تجي يا حوحو ولا ايه
البنت بصت لرعد بإعجاب .. اهلا يا بش مهندس .. نورت البلد والله
رعد بعدم النظر لها .. منوره باهلها يا انسه احلام
احلام بابتسامه حزينه .. مش هتطلبلي حاجه ولا ايه يا معتصم
قصع كلامهم رعد الي قام وقف.  معلش  مشغولين ضروري.   يلا يا معتصم
معتصم قام باحراج ..اسفين يا احلام انتي عارفه بقا الشغل شغل.
رعد مشي ومعتصم وراه أم احلام فا دموعها نزلت بحزن عميق والم في قلبها.
خارج المطعم
معتصم ..كان ممكن تجبها بطريقه احسن من كده يا رعد جرحتها كده
رعد بزهق . فهمتها كأم مره انا مبحبكيش.  انا مبحبش حد.. وهي برضو مصممه ودلوقتي .. انا مبقاش قلبي معايا بقا مع حد تاني فهمت
معتصم وهو يهز رأسه.  ايوه ايوه.  ايه . قلت ايه قلبك مع  واحده
رعد بابتسامه وغمزه..  واحلا وحده
معتصم بهبل.. فين وأمته وازاي وليه.. واسمها ايه
رعد وهو يصعد علي السياره.. مش واقته يلا
معتصم وهو يصعد بجانبه.. لا وقته ونص علي فكره..
❤️❤️❤️❤️❤️❤️❤️❤️❤️❤️❤️❤️❤️
في بيت رحمه
رحمه وزهراء وريتاج قاعدين بيتكلمو كلام بنات وكده
رحمه مسكت العقد قدامهم … رعد سابلي دي مع مروان ..
زهراء باستغراب.. ليه
رحمه بابتسامه.. قالي انه مبقاش ليه لازمه  واني ممكن اقطعه أو احرقه
ريتاج باستغراب.. وهتعملي ايه
رحمه اخدت العقد من زهراء .. هاتي ..وراحت شقاه نصفين ..
ريتاج بتفكير.. احرقيه احسن علشان محدش يشوفه ..
رحمه هروح احرقه في البلكونه بدل ما نعمل حريقه  هنا انا لسه غسله السجاد .
زهراء وريتاج. هههههههه ..
رحمه راحت البلكونه وحرقت الحقد وهي بتدعي ربنا يرجع رعد بخير .. بعد ما العقد اتحرق وبقا رماد رحمه بتبص من البلكونه لقت ريوان جيه وهي منهارة من العياط دخلت البوابه ورحمه جريت لبره راحت فتحت الباب لقت ريوان متوتره وبتحاول تفتح الباب مش ايديها  بترتعش ..
رحمه بخضه..  مالك
ريوان دخلت .. مفيش ..
ساره قبلتها في الصاله .  ايه ده ريوان مالك يا روحي .
ريوان بحزن مفيش يا امي .بس حصل مشكله كده في الشغل وانا اتوترت وجيت…
ساره بابتسامه حنون . وتقومي معيطه.. هو انتي صغيره يا حبيبتي .انتي كبرتي حلي مشاكلك واعتمدي علي نفسك
ريوان حضنتها.  ربنا يخليكي يا روحي  … هدخل انام شويه
ساره . روحي ريتاج جوه مع اخواتك ..
ريوان . ماشي. ودخلت هي ورحمه
رحمه قولي بقا مالك
ريوان بدموع وهي بتخلع الحجاب من الحر .. دخلت المكتب عليه لقيته بيبوس السكرتيره .
زهراء ورحمه وريتاج ..ايه .مين ده
زهراء بغيره. اوعي يكون مروان والله هموته
ريوان ضربتها علي رأسها . ولو مروان هعيط عليه ليه يا حيوانه. الزفت التاني.   مراد
رحمه بابتسامه خبيثه.  ايوه يعني بيبوسها فين بالظبط
ريوان بغيظ.  رحمه انا خلقي في منخيري
ريتاج.  بس انتي وهي. طيب عملتي ايه اول ما شفتيهم
ريوان . مدخلتش لوحدي انا قبلت مروان علي باب المكتب ودخلنا سوي علشان كده مخبطش علي الباب . دخلنا لقينا الاستاذ مقضيها مع السكرتيره.  مروان رفد السكرتيره أم مراد فمتكلمش خالص …
قطع كلامها صوت رنين تلفونها وكان مراد .
رحمه ضحكت. هههه دي مسمياه . استاذ بتاع السكرتيره ..
ريوان . ملكيش دعوه.  انتي. وفصلت في وجه مراد
وهو بيرجع يرن تاني وتالت ورابع
رحمه اخدت التلفون بسرعه وردت وهي متعصبه
مراد بلهفه . ريوان انا
رحمه بمقاطعة. مش ريوان… رحمه ..
مراد باستغراب. رحمه ممكن تديني ريوان
رحمه بعصبية …ليه..
قطع كلامهم هم الاتنين ريوان الي اخدت التلفون وردت.  نعم يا بش مهندس
مراد بفرح نسبيا . ريوان. ممكن نتكلم انا وانتي.  لو سمحتي
ريوان بحزن. اظن يا بش مهندس.  ان انا وحضرتك . مينفعش نتكلم لأنه عيب وحرام..وانا اسفه . أن دخلت علي حضرتك من غير ما ادق الباب .. وان شاء الله بكره الصبح هتلاقي ورقة استقالتي علي مكتبك
مراد . ريوان انت مكبره الموضوع علي فكره …
ريوان بدموع. لا مكبره ولا حاجه يا مراد … انتي في شركتك ومن حقك تعمل الي تعمله.  وانا مينفعش اقعد في مكان شايفه فيه حاجه مش كويسه. سلام يا بش مهندس .. وفصلت في وجهه
رحمه حضنت ريوان. معلش يا حبيبتي.
ريتاج بهزار. تعرفوا انا نفسي في ايه دلوقتي
الكل.ايه
ريتاج بغيظ.. استاذ ابو غمازه .. وامشي كده من جنبه ولا اديله اي اهتمام
البنات..ههههههههههه
❤️????????❤️????????❤️????❤️????❤️????❤️
في بيت الالفي
مروان بزعيق. انت مش قد المسؤوليه الي ادتهالك ..
نهي . في ايه بس يا مروان. مراد عمل ايه
مروان بزعيق. ابنك ده مستهتر .. وطايش.. اسمع يلا . دخول الشركه تاني مش هيحصل . ولو طلت احبسك في البيت هعملها. فاهم
مراد بصله بعصبية.  علي فكره انا مش عيل صغيره .. علشان تعمل فيا كده
مروان بص لنهي. لو سمحتي يا امي . عقلي ابنك
مراد بزعيق .. انت احسن مني في ايه .. انت … ماشي مع بنت اصغر منك …. قولي احسن مني في ايه .  انا الي احسن منك في كل حاجه … وانت غيران طول عمرك غيران … ياخي دانت واحنا صغيرين وانت بتاخد كل حاجه حتي لم كبرنا . اخد امي مني .. ودلوقتي شركة ابويا … اسمع يا مروان. انت ملكش الحق انك تقولي اعمل ايه ومعملش ايه .. فاهم …  وانت مش ملاك البرئ يعني الي مش بيغلط… بتحب بنت اصغر منك . مع انك عارف أنه غلط .  وياترا ايه الي حصل بقا بينكم .عشا
قطع كلامه لكمه قويه من مروان بالانقض عليه بالضرب المبرح ونهي تحاول تفك بينهم
مروان بعصبية .. هتجيب سيرتها وربنا ادفنك هنا يا مراد .
مراد كان هيضرب مروان وقفته نهي بصوت عالي
نهي بصوت عالي. مراااد ..هتمد أيدك علي اخوك الكبير
مراد بصلهم بعصبية وخرج من البيت كله
نهي بدموع.  مروان مروان روح وراه علشان خاطري.  مروان.
مروان طيب يا امي. خليكي هنا وانا هشوفه… لاكن قطع كلامه رنين تلفونه وكان مراد
مروان بضحك.اهو بيرن أهو. وفتح عليه …ايه مش قادر تعيش من غيري
مراد بتعب . م. مروان..أن.انا عملت .. حادث .
مروان اتبرجل مكانه .. ايه طيب طيب انت فين
مراد بتعب .. مش بعيد عن البيت كتير.
مروان . طيب خليك مكانك انا جي..وجرا لبره . امي خليكي هنا وانا هروح لمراد علشان عايزين وجي علي طول
نهي.  في ايه يا مروان .  يابني متوقفش قلبي
 ❤️????❤️????❤️????❤️????❤️????❤️????❤️
  في بيت رحمه بليل ريتاج رجعت البيت و رحمه وزهراء وريوان  نايمين علي السرير وهم بصين للسقف
رحمه ..هتفضلو سكتين كده
زهراء بزهق.. هنعمل ايه يعني يا بنتي .. اقوم ارقصلك يعني
رحمه بضحك .ياريت والله .قومي ..دلعيني
ريوان وزهراء ضربوها علي وشها بخفه.. بطلي قلت ادب
رحمه بحزن .. رعد وحشني اوي ..
زهراء بابتسامه.  ده لسه ماشي من  يومين بس يا بنتي
رحمه بصدمه ..ايه ده بجد … هيييح امال انا حسه أنه غاب كتير ليه
ريوان.. بنات
رحمه وزهراء بصولها . ايه
ريوان بتردد.. قلبي مش مطمن.. و خايفة مروان يعمل حاجه لمراد ..انتو مشفتوش كان عامل ازاي
زهراء بابتسامه.. مروان عمره ما هيزعل مراد منه .  وبعدين مش قلتي ملكيش دعوه بيه
ريوان بزهق ..ما المشكله اني بحبه.  اعمل ايه
رحمه بضحك .. عديمة كرامه
زهراء بابتسامه.. طيب يلا انتي وهي تصبحو  علي خير …
رحمه فتحت تلفونها وبصت علي الرسائل الي بعتاها لرعد ظهر عنها انه شاف الرسائل بس مردش..
رحمه باستغراب. بنات
زهراء وريوان بنوم ..اممم
رحمه بزعل. رعد من ساعة ما سافر وهو مش بيكلني ولا بيرد علي مسجاتي .  وانا قلقانه اوي
زهراء بنوم .. ممكن يكون مشغول
رحمه لا أنا هفضل وراه .. مايمكن يكون بيخوني
زهراء وريوان . ههههه انتي حره. ونامو
رحمه دموعها اتجمعت في عينيها بحزن لان رعد مبيردش علي مسجاتها ولا مكلماتها ليه ..
رحمه وهي كتبت ماسج بعد ما يأسة…تصبح علي خير يا رعدي ….. وفصلت الفون ونامت ودموعها بتنزل بحزن فتحت الفون تاني لقت ان رعد شاف رسايلها ومردش عليها برضو رمت الفون بعصبية علي المخده ودخلت في حضن زهراء ونامت وهو حضنين بعض
يتبع…..
لقراءة الفصل الرابع والثلاثون : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى