رواية عشقي الجزء الثاني الفصل الثاني والثلاثون 32 بقلم ياسمين مصطفى

وبعد اسبوع اخر في فيلا قاسم….

وبالتحديد ف الصاله الخاصه ب لفيلا..كانوا كلهم بيفطروا….

يزن بزهق:كان لازم يعني نرجع الفيلا…..

قاسم ببسمه:موحشتكش ولا اي….

يزن:لا مش كدا…لكن انا كان نفسي نبقي هناك اصل انا اتعلقت ب المكان اووي…..

قاسم:المكان بردو….ما علينا…النهارده كلهم معزومين عندنا وهنشوف  بقا فرحكوا هيبقا امتي….وطبعا زي ما طلبتوا مش عايزين فرحكوا يبقي مع بعض…..

جاسر:بابا اوعي تفكر اننا مش حابين نبقي مع بعض انا واخواتي عشان حاجه…مش كدا ابدا كل واحد فينا عايز الليله تكون خاصه.بيه

قاسم بتفهم:ايوا يا حبيبي انا عارف قصدك….وكمل ببسمه انا ان شاء الله هخلي الايام دي اسعد ايام ف حياتكوا…..

نور ببسمه:احنا بنحبك جدا يابابا ربنا يخليك لينا وميحرمناش منك ابدا ابدا….وتفضل دايما وسطنا…..

عشق ببسمه:ياااارب….

قاسم:ويديمكوا ف حياتي يااارب…..طبعا نور حبيبتي انتي وفرح لازم تبقوا مع ماما ومتسيبوهاش خالص….

فرح:اكيد…انا وماما هنبقي معاها….

رسيل:طبعا….

يزن:وانا طلبت روضه وزمانها جايه….

ادن:اي دا بجد انا كمان طلبت من مي انها تيجي عشان تساعدهم…ولا الحقيقه هي اللي طلبت وانا وافقت…..

قاسم*مكنش له لزوم يا ولاد….

الجرس ضرب وقال يزن….

يزن:اكيد هما…

ادم قال:انا اللي هفتح وقام يجري…..

يزن جري وراه وقال….

يزن :وربنا ما حد هيفتح غيري….

عشق بتنهيده:ربنا يهديكوا…..

اما عند باب الفيلا….

يزن:اتأخرتوا كدا…اي دا مراد…وحضنه

مراد ببسمه:ازيك يا يزن…

يزن:انا تمام وكمل ب امتعاض ازيك ياسيرين

سيرين بحزن:انا تمام…..

ادم:مراد واحشني….

مراد:عامل اي يا عريس

ادم :انا كويس جدا …تعالي اتفضل…..

مراد دخل وهو ماسك ايد سيرين وهو بيقول ….

مراد :طبعا هدخل هو انا هتكسف ولا حاجه …..وبعدين دخل لمكان الفطار ….وحضن قاسم اللي قاله ببسمه.

قاسم :كل دا تأخير …بس ماشي هعديها.  .

مراد ببسمه :انا مكنتش فاضي كنت بقضي شهر العسل يا اخويا ….

عشق بصدمه :ايييه ….شهر اي يا اخويا لمؤاخذه ….

يزن :جااسر الحق امك هتقلب علي كيداهم اهي …..

قاسم :عشق حبيبتي اهدي يا روحي وانا هفهمك كل حاجه …

عشق :اركن انت كدا يا قاسم …مين دي اللي اتجوزتها ان شاء الله ….

بص مراد لسيرين اللي عنيها متعلقه برسيل.  …..

مراد ببسمه :سيرين . …

عشق بصدمه :نعم ….مجتوز واحده ف عمر بنتك ….انت اتجننت ….

مراد :عمر بنتي اي بس يا عشق…دا الفرق ١٠ او ١١ سنه يعني مش كتير اووي ناس كتيير جدا بيتجوزا اكبر من فرق العمر دا ……

عشق :لكن ازاي يا مراد ….دا انت مقولتش لحد خالص….انتوا اتجوزتوا ف السر بقا …..

مراد ببسمه وهو بيبص لسيرين :سر ايه …احنا متجوزين قدام الناس وقدام ربنا …دا حتي قاسم وجاسر كانوا من الشهود الموجودين …..

قاسم :الله يخربيتك. ….انت جاي تخرب عليا……وبص لعشق واتكلم بجديه ….عشق مراد مش صغير….مراد كبير وكبير اوي كمان وواعي للي هو بيعمله ….اكيد مش هيعمل حاجه غلط ….وبعدين مش انتي كنتي بتتمني انك تجوزيه …واديه اتجوز ….والاهم من دا …انه اتجوز اللي بيحبها…….

مراد ببسمه عاشق وهو بيبص علي سيرين اللي سرحانه ف رسيل :طبعا بحبها …وبحبها جدا كمان …..

قاسم ببسمه :خلاص بقا يا عشق….

عشق ببسمه :يا حبيبي انا مش معترضه علي جوازه من اللي بيحبها …وانا كمان بحب سيرين انا معترضه علي فكره جوازه من غير ما يقولي ….او حتي انت تعرفني يا قاسم …اخر جمله قالتها بلوم ل قااسم …..

نور :خلاص بقا يا ماما ….مش مراد اتجوز ودا اللي احنا كنا عايزينه ….احنا عايزين اي اكتر من كدا ……

عشق  ببسمه :خلاص يا جماعه ….وبصت لسيرين بحب …اهلا بمرات اخويا القمر ….

بصت ليها سيرين بحزن :اسفه علي اي غلط حصل مني ….

عشق حضنتها وقالت :خلاص يا حبيبتي انسي الماضي بقا …

مراد بجديه كبيره :دلوقتي لازم الاوراق كلها تتكشف قدام الكل عشان نبدأ حياتنا من غير….ولا كدبه …

سيرين بخوف :لا يا مراد ارجووك …..عشان خاطري …..

مراد بجديه :لا ياسيرين كفايه كدا نخبي …لازم كلهم يعرفوا الحكايه …احم الحكايه بدأت لما….وحكالهم الحكايه كلها …..ودلوقتي وصلنا لاهم نقطه وهي ان سيرين تبقي بنت رسيل ……

رفعت رسيل عنيها بسرعه ف عين سيرين ….وقالت بصدمه ….

رسيل :لاااا مستحيل ..ا.نا انا معنديش بنات غير فرح ….يستحيل تكوني هي ….يستحيل تكوني هي …..

حضنها عدي بسرعه لانها هتدخل ف حاله انهبار…..

عدي :رسيل حبيبتي اهدي يا عمري اهدي…..اهدي عشان نفسهم كل حاجه.  …

مراد بجديه اكبر :لازم تعرفي يا رسيل هانم ان سيرين بنتك اللي وهموكي انها ماتت …لكن هي  اتخطفت ….مماتتش…ازاي حضراتكوا مش ملاحظين الشبه الجبار اللي بين الام وبنتها. ..

رسيل بصراخ :متقولش بنتها …قالولي بنتي ماتت من ساعه ما ولدتها ….بنتي ماتت…..ماتت من وهي صغيره …بعد العمر دا كله جااين تقولولي انها عايشه ..البنت اللي ربتها علي اساس انها بنت اخويا ….طلعت بنتي …..وبنت …وبنت اساامه ….ازااي حد يفهمهاالي …بقا بنتي اللي المفروض ماتت من زمان …من اول ما اتولدت اربيها ف بيتي…وانا معرفش انها بنتي …..

عدي :رسيل اهدي كفايه كدا….متقلقنيش عليكي….

بصت رسيل ف عين عدي وقالت…

رسيل :انت كنت عاارف. …..

عدي :انا اسف يارسيل بس انا كنت خاايف عليكي …..

رسيل زقته وقالت بوجع :كنت خايف عليا من ايه …من اني انهاار….واديني انهارت مش يمكن لو كنت قولتي …كنت هبقي رايقه شويه …مش احسن ما اعرف من حد غرييب يا عدي ……

وبعدين بصت لسيرين وقالت

رسيل بحزن كبير :انتي بنتي ….اللي حرموني منها سنين ….وقتلوا فرحتي بعد ما خلاص كنت فرحانه انك نورتي الدنيا….كنت بعد الايام عشان اشوفك فيها ….كنت بستني بفارغ الصبر بطني وهي بتكبر وببقي فرحانه لاني خلاص هبقي ام …وف اليوم اللي ولدتك فيه قالولي …قالولي انك موتي نتيجه ولاده مبكره.   ..بس لاا…انا مكنتش مصدقه …كنت عارفه انها مترتبه …وحضنتها جامد وقالت لكن دلوقتي لأ محدش هبيعدنا عن بعض ابدا…..كان احساسي ليكي من ساعه ما دخلتي بيتي كان كله حب …..كنت بحبك من كل قلبي …حتي لما كانت فرح تضربك كنت ازعقلها. …..كأنك اختها ب الظبط…كأنك لييه ما انتي اختها فعلا…..اختها اللي فكرت انها ماتت …مسكت اديها وبعدين راحت ناحيه فرح وحضنت الاتنين وقالت بصوت عالي وهي حاضنه بناتها وبتبص ف عيون عدي…..

رسيل :انا هاخد بناتي وهسافر ..مش هقعد ف مصر ولا ثانيه واحده….وكملت ب انهيار مش هسمح ل اي حد انه يأذيهم من تاني…..عدي متقربش …هقتل نفسي لو قربت مننا انت فااهم …..

وف لمح البصر كان عدي قريب جدا من رسيل …وقال

عدي :انا اسف…..ويعدين ضربها جاامد ب دماغه. …وبعدين رفعه علي كتفه وهو بيقول……

عدي :اسف بس لو معملتش كدا كنتي هتنهااري وانا مقدرش علي بعدك عني انتي وبناتي……عن اذنكوا واخد رسيل وخرج من فيلا قاسم لفيلته …..

اما فرح فبصت لسيرين بحب شديد وحضنتها وهي بتقول …..

فرح :اختي حبيبتي …..

ردت لها سيرين الحضن بحب ودموع وهي بتقول :اسفه علي كل حاجه وحشه حصلت مني…..

فرح بحب :وهو ايه اللي حصل منك …ابتسمت سيرين  بفرحه  كبيره جدا ان خلاص انهت مشاكلها  مع كل عيله قاسم ……وانها هتبدأ حياه جديده مع معشوقها الاستاذ مراد بيه الاسيوطي……

مراد ببسمه :اخر حاجه بقا ….انكوا لازم تغرحوا…..سليم خلاص ليل انتهي منه …ومايا كذلك…يستحيل يخرجوا من السجن تاااني ابدا الا اذا ليل طلب منه دا……ومستحيل ليل يخرجه تااني……

جرس الفيلا رن …ف قام مراد الصغير يفتح ولقاهم …روضه. مي ….

مراد :مسا مسا ع الناس الكويسه …

مي بمشاكسه :صهري العزيز….

مراد :صهرك ….

مي :ابن حمايا …

روصه زقتها :يشيخه اطلعي من الجو دا وافتكري انك مصريه …اجيبشن يعني…..

مراد :ادخلوا….وكان هيقفل الباب لكن مسكه جمال…..

جمال :كدا يا دودو تقفل ف وش  جوز اختك

مراد :سهله طلقها. ..وسابه ومشي…..

جمتال :اي دا الواد عايز يخرب علي اخته …وبعدين يستحيل اطلقها…دي العين والنيني انا مصدقت اتجوزها …قال اطلقها قاال ..الواد دا عبيط ولا حاجه.  …وبعدين دخل بسرعه….

قاسم ببسمه:ازيك يا روضه …ازيك يا مي ….

ردواالسلام ….

جمال :مفيش ازيك يا جمال …

قاسم :لا مفيش….

جمال :تشكر يا عمي العزيز. ….

قاسم :اتفضلوا علي اوضه المكتب عايزين نتكلم ف شويه حاجات…او ب المعني الصحيح نتكلم ف حاجات تخص فرحكوا……

جمال :الله عليك يا عمي يا جاامد هو دا الكلام …..

قاسم وهو بيدخل اوضه المكتب :متخلوش الواد دا يدخل ….

جمال :استني بس نتفااهم …وبص لجاسر ويزن وادم ..طبعا انا جوز اختكوا مستحيل تسمعوا كلام ابوكوا…..

ضحكوا عليه ودخلوا كلهم الاوضه فقال قاسم ….

قاسم :خلاص يا جماعه…كفايه كدا مشاكل وقرف….نبدأ بقا حياتنا الجديده اللي مليانه حب وسعاده……مراد عمل فرحه ف فيلتي انا وعشق وانا مش عارف وافقت ازاي بس معلش….وكمل ببسمه …اما انتوا ف انا عاملكوا مكان معتبر يليق ب اولاد الجوهري…..

يزن ببسمه :عارفين مفجآتك ….دايما بتبهرنا …

قاسم ببسمه خفيفه :جرا ايه يا ولد هو انا اي حد ولا اي.   .

يزن :لا طبعا العفو ….دا انت قاسم الجوهري. .هههه …

جاسر :احم بما ان انا الكبير ف فرحي هيتم الاول ……

قاسم ببسمه :طبعا الافراح هتم من الكبير للصغير….بس لازم تعرفوا ان هيكون فيه مده كبيره بين الافراح والتانيه …يعني جاسر هيتجوز بعد يومين تلاته …بعدها شهرين تلاته يزن ….

يزن :نععم شهررين تلاته اي بس…..

قاسم :وبعدك هيبقي ادم ب اعتبار انه اكبر من نور ب خمس دقايق ….هيبقي بعدك بحوالي شهرين بردو ..ونور بعد ادم ب

قطع قاسم كلامه لما شاف نظره جمال ليه فقال …

قاسم بتحدي :نور فرحها هيبقي بعد خمس سنين…..

جمال :نعم …..دا انا هتجوز علي نفسي …انا هتجوز اول وااحد…..

يزن:شهرين تلاته ايه …انا هتجوز بعده بيومين ….او 3 ساعات كفايه لما يغيروا …..

ادم :انا قاعد ساكت بس انا اسف هتجوز قبل جاسر …مش هستني ست شهور. ..معقول يا نااس الكلام دا….

جمال :لاا انا مش هستني اكتر من كدا ….

قاسم بصوت عالي :بسس اخرسوا خالص ….مسمعش نفس واحد فيكوا فاهمين ….

مراد الصغير :خلاص اعملوا فرحكوا مع بعض وريحونا ….

يزن :انا موافق احسن ما استني شهر…..

ادم :وانا موافق مش احسن ما استني 6شهور….

جمال :وانا كمان مش احسن ما استني خمس سنين بحالهم ….

جاسر :تؤتؤتؤ اسف….الليله دي بتاعتي لوحدييي…..اونلي….

يزن :اسمع يا جاسر….انت لو موافقتش هنخطف فرح وابقي اتجوز مع نفسك بقا…وانت عارف اننا نقدر نعملها…..

فرح:وافق يا جاسر واهو الفرحه تبقي ٤…..

جاسر بتنهيده :خلاص ماشي…انا موافق….

حضنه جمال وادم ويزن …ورفعوا وفضلوا يقوله هيييه …

جاسر :لااا….سيبوني يا ولاد ****هقع هتكسر ..ومش هحضر فرحيي…وفرحكوا انتوا كمان هيتأجل …..

اول ما سمعوا اخر جمله نزلوه بسرعه …..وقالوا اسفين ….

قاسم :انتو ا مستعجلين علي ايه …مستعجلين ع الهم ….

عشق :بتقول حاجه يا حبيبي….

قاسم :ها…لا ابدا ياحبيبتي..انا بقولهم انتوا مش مستعجلين ليه…يجوا يشوفونا مبسوطين ازاي…

مراد الصغير :حتي مبسوطين اخرها طين….

عشق كانت هتتكلم لكن مراد الصغير قاطعها وهو بيقول….

مراد :ولد عيب كدا …..سلام يا حجه …ومشي وسابهم ….

عشق:عجبك ابنك دا….

قاسم :ايه يا عشقي..ما انتي كنتي هتقولي كدا فعلا……

عشق :يالا يا بنات عشان تساعدوني….سيرين وفرح روحوا لمامتكوا اكيد محتاجاكوا….

وفعلا سمعوا كام عشق وراحوا لفيلا عدي …

*****************اما في فيلا عدي….

كان عدي قاعد بحزن جنب رسيل وهو ماسك ايديها ….

عدي :رسيل حبيبتي…..انتي فوقتي ياعمري…..

رسيل ببكاء :شووفت ايه اللي بيحصلي ياعدي…..

عدي :خلاص يا حبيبتي …..انسي الماضي…بناتنا بقوا معانا….احنا هنعوز ايه اكتر من كدا…انسي الماضي يا حبيبتي

..وفكري ف المستقبل ….اهم حاجه انهم بقوا ف حضننا….

دخلت فرح وحضنت مامتها وقالت….

فرح :الحمد لله انك بخير يا مامي……

باست رسيل راس فرح …وبصت ناحيه الباب لقت سيرين حاطه راسها ف الارض بحزن….قامت رسيل من كانها وراحت ناحيه سيرين ورفعت راسها ….وقالت رسيل بدموع….

رسيل :حرموني منك ياحبيبتي …..حرموني منك ….بس مهما حصل مش هبعد عنك لحظه …..خلاص اهم حاجه اننا بقينا مع بعض …….

سيرين بدموع :طول الوقت مفكره اني هقدر انتقم منك …مكنتش اعرف اني بنتقم من نفسي…..وان انتي…انتي امي الحقيقه ….مش مرات ابويا اللي كانت وهماني انها امي…وان انتي مرات ابويا….دمروا حياتي يا طنط ….

رسيل بدموع :ماما….قوليلي يا ماما زي زمان …..كنتي زمان بنتي ب الروح …اكن دلوقتي بنتي ب الدم ….بقيتي ب الدم بنتي …قوليلي يااماما….

سيرين حضننها وقالت :مااما . …

حضنت فرح ابوها وفضلت تعيط ف حضنه اما رسيل كانت حضنه سيرين وهي منهاره ….ماهي حاجه مش سهله انك تشوفي بنتك اللي وهموكي انها ميته وبتربيها طول  حياتك ….وانتي متعرفيش انها بنتك …حاجه معقده…..

عدي :خلاص يا رسيل يا حبيبتي كفايه بقا عيااط …واخدها ف حضنه وهو لسه حاضن فرح ….وبعدين بص لسيرين اللي حاطه راسها ف الارض بحزن لان عدي عمره ما اعتبرها زي فرح ….وفي لمح البصر كانت سيرين معاهم جوا دايره الاحضان دي……

عدي همسلها:انتي دلوقتي بنتي …زي فرح ب الظبط مع اني كنت بعتبرك كدا بس انتي اللي كنتي بتفهمي …غلط..لانك مكنتيش قبلانا……لكن دلوقتي كل حاجه هتتغير ..انتي بنت رسيل يعني بنتي….قوليلي يابابا…….

سيرين بصتله بدموع فرحه من كلامه :مقدرش …

عدي بحنيه :يالا يا حبيبتي قوليلي يا بابا ….

سيرين ببكاء :بابا…..

حضنها عدي تاني ….ورسيل كانت بتعيط هي وفرح ….فقال عدي….

عدي :خلاص بقت كفايه دموع….عندنا افرااح ….

فرح :هي ليله واحده قرروا انهم هيعملوا فرحهم ف ليله واحده ….

كان عدي هيتكلم لكن تليفونه رن وكان قاسم …..

قاسم :بقالك 3 ساعات عندك بتعمل ايه يا خلبوص.  .

عدي :بعمل ايه يا اخويا ..ا.نا واقف ف وصله العياط المستمر بين بناتي ومراتي يا حبيبي …

قاسم :طب يالا يا صاحبي عشان عزومتي لسه فيه تفاصيل عايزين نعرفها عشان افراح الاولاد……

عدي :طيب با قاسم …جاايين حالا…..

وفعلا بعد عياطهم اللي استمر بردو طلي منهم عدي انهم بروحوا فيلا قاسم وبعد شويه كانوا كلهم ف فيلا قااسم …..

وبعد ساعات قليله …..

قاسم :ها يا جماعه خلصتوا الاكل …..زمانهم جااين ……

مي :لمؤاخذه يا عمو هما مين دول…..

قاسم :دا حسام صاحبي وابن عم عشق وعز ابو جمال ….

مي :طيب تمام ……

وبعد شويه …فعلا كانوا كلهم موجودين ……

قاسم :اهلا ازيك يا حسام …والله مصر كلها نورت بيكوا…..

حسام :منور بيك يا قاسم …

قاسم :هو فين فارس

حسام :فارس مع مراته بتولد….عقبال عيالك….ابتسم قاسم بحنيه وهو بيتخيل  شكل احفاده ….الله اكيد هيكون شعور حلو وحد بيناديه ب جدو…..

عشق ببسمه :قاسم حبيبي سرحت ف ايه بقالي ساعه بني عليك …..

قاسمببسمه :بفتكر شكلنا واحنا جدو وتيته ياعشقي…..وكمل بصوت عالي اتفضلوا يا جماعه ….

وفعلا قعدوا كلهم وكان قاسم بيبص ب حنيه ل اولاده واصحابه …..قاسم كان شايف حب جاسر ل فرح وهما بيضحكوا …ويزن وغيرته المجنونه علي روضه لدرجه انه ساب كرسي فاضي بينها وبين مراد اخوه …..وادم ومي ومشاكستهم لبعض واخيرا جمال المجنون وحبه لبنته ونور عينه نور…وشايفه وهو بيهتم بيها وبيحاول يأكلها….ووقع نظره علي عز وزينه االي كسا وشهم ملامح الكبر…ولكن حبهم لسه مستمر وبيكبر اكتر واكتر…..وحسام اللي نسي تماما امر عشق وبقي يحب مراته ميار ويهتم بها ….واخيرا صاحبه اللي تعب جدا ف حياته …هو ومراته رسيل وفضل يبصلهم بحب كبير …مهما حصل هيفضلوا يحبوا بعض ….وبص بردو لمراد اللي مستسلمش  لما سيرين رفضته وفضل يجري وراها لحد ما اخيرا أتموا جوزاهم ……وبص علي مراد وضحك لما شافه حاطط اديه الاتنين علي خده وهو بيبصلهم بحزن….

مراد بصوت عالي :ياااارب ارتباط لمراد ياارب…..

ضحكوا كلهم عليه …..ودعا قاسم ان عيلته تفضل كدا محفوظه دايما

يتبع …..