Uncategorized

رواية ليل الفصل الثاني والثلاثون 32 بقلم ياسمين خالد

 رواية ليل الفصل الثاني والثلاثون 32 بقلم ياسمين خالد

رواية ليل الفصل الثاني والثلاثون 32 بقلم ياسمين خالد

رواية ليل الفصل الثاني والثلاثون 32 بقلم ياسمين خالد

عبدالله بجمود وحِقد:في إنك حرامى ياأنس .
_أنس بسخريه:بجد أنا حرامي!إتصدق مكنتش أعرف ،ها وإيه كمان !
=عبدالله زاد حِقدهُ بسبب اللامُبالاه إللي كان فيها أنس:عمري ما شوفت حرامي وبارد كده بجد .
_ انا حرامي ياعبدالله !
=عبدالله بدون رحمه :اه حرامي وزباله ومتزين بوش الملاك البرئ ياحرام وكل الموظفين بتحبك ،ومستر محمد اللي واثق فيك ده حرام عليك تعمل فِ كده 
_اه يعني مش انت إللي قولتلي دور علي المفتاح وحطوا ف مكتبك ومستر محمد ف الإداره وحطوا ف درج مكتبك عشان ده مفتاح الخزنه ميضيعش!
=عبدالله ب مكّر وب حقد:أنا يابني!انت إزاي مخادع كده !انت ليه أناني ! انت ليه عاوز تكسب حُب كل الناس ف قلبك وتبقي شاطر وناجح ليه عاوز تلفت إنتباه الكل ليك ما تسيب حاجه ياأخي لغيرك..
‘أنس ربع إيدو وب إبتسامه: كمل ياصاحبي كمل .
_عبدالله بنبره كلها كرهه : أنا مش صاحبك ، من ساعه ما جيت هنا الشغل واتقابلنا وشوفت الحب ف عين كل الناس ليك ..انا بكرهك وبكرهك أوي كمان 
_أنس بسلام نفسي وبكل هدوء:كل السواد إللي فِ قلبك طلع ولا لسه!
= ….
_أنس:كنت متزين بثوب الصاحب الجدع ،الأصيل ،الرجوله ، اللي بيقف جمب صاحبهُ اتاريك حَيّه وانا اقول بردو بقالي فتره بسمع فحيح الحيّه بس مش شايفها!!أتاريها بتدبر وتخطط عشان تبُخ سمها فِ وشي ف وقت معين.. هوب سبحان الله تطلع إنت الحيّه بسِمها بكُل أذاها!خساره كِلمة صاحبي إللي ف يوم قولتهالك ..خساره كل يوم وكل ساعه وثقت فيك وفتحتلك قلبي فيهم، خساره كل جمله ناهيتها بكلمه ياض عيب إنت “أخويا”،عايز أشوف مُبرر واحد لأي شخص وثق ف شخص وخانهُ او طعنهُ ف ضهروا وخذلهُ وخان ثقتهُ وكان بيترمي ف حضنه وقت زعله وبيطبطب عليه وهو جواه غل وحقد وهو بيطبطب عليه بيطبطب ب إيد كلها شوك بتجَرَح فيه من غير ما يحس عشان فاكر انه ساند ف حضن شخص مآمنلهُ ..
بس للأسف ياعبدالله كل خططك فشلت ‘ضحك بِ إنتصار’
_عبدالله بذهول وب إرتباك: قصدك إيه ؟
=’مسح وشهُ فِ هدوء ‘ : هقولك ..
من يوم ما إنت جيت الشغل من فتره قصيره مستر محمد قالي أنا مش مرتاحلهُ الولد ده وقتها إستغربت ،إنه ليه بيقول كده علي شخص من غير ما يتكلم معاه ، وقتها قولتله أنا اللي هتعامل معاه وهفهموا الشغل وقدام مش مرتاحلهُ ف هيبقي فِ تاتش  بينكم ، وقتها اتعرفت عليك وفهمتك كل حاجه ، وكل يوم كان مستر محمد بيفهمك أكتر عن اليوم إللي قابلهُ كان دايما بينصحني ياإبني بلاش ، زمايلي كلهم إللي واقفين وراك دول يقولولي ياإبني بلاش هتدلدع وأنا أبدا إزاي !! لا ده كويس انتو اللي عينيكم كخه بس ، حصل منك موقف والتاني وكنت بعدي وأقول ميقصدش ياحرام ذّله لِسان ..إبتديت أخد بالي بس عملت فيها عبيط .
‘حط إيدو فِ جيبهُ بثقه ‘ لحد ما إتأكدت إن مينفعش أقول علي حد طيب وغلبان مهما حاول يبينلي ده ..
أول حد جيت ف بالي وقت ما كنت مخنوق روحتلك وحكيتلك همي، ويصادف اليوم اللي نازل اقابل أمي فيه سمعتك بتقول لِشخص ما ‘نهاية أنس قربت وانا اللي هاخد حقنا ب إيدينا عشان أطفى الغل إللى جوايا’..وقتها إتصدمت ، مكنتش عارف أخش انا اللي اخلي نهايتك علي ايدي واضيع مستقبلي! ولا نلعب مع بعض ونمشيها بالحب بقي ونشوف مين اللي هيكسب!
 دخلت الحمام غسلت وشي خدت نَفس طويل عرفت وقتها إن ربنا طلعني فِ الوقت ده بالذات علشان أعرف حقيقتك ،طلعت ف وشك وإبتسمت ولأول مره كنت اتضايق من نفسي وأحس إني مُنافق،اول ما ضحكتلي بادلتك نفس الضحكه وضحكتلك،وقتها قولتلي ..
_______
‘Flash back’
_بنبرة حِقد :نهاية أنس قربت وانا اللي هاخد حقنا ب إيدي عشان أطفى الغِل إللي جوايا ..
‘أنس بذهول’ ..مشي من عند باب اوضه عبدالله ودخل الحمام غسل وشه وقرر انه يلعب معاه بطريقته لحد ما يعرف ده مين وعاوز ايه وعاوز يقتلني ليه!
‘طلع من الحمام وهو بينشف وشه ‘ .
_عبدالله ب ابتسامه: صباح الخير .
=انس ب حذر:صباح النور 
_صاحي بدري ليه انت نازل؟
= اه نازل 
_مش هتقولي مع مين!
=لا .
_هعرف بردو ها .
=هاخد لبس من عندك 
_الدولاب عندك اختار براحتك.
= تمام 
_انت ف حاجه مزعلاك !
=ياعم لسه صاحي بس مقريف بس حبه 
_اجهزلك فطار!
= انس بيطبطب علي كتفه وب ابتسامه مُزيفه : كتر خيرك ،شكرا علي وقفتك معايا عمري ما هنسهالك أبدا 
_عبدالله بخداع:ياعبيط إنت أخويا متقولش كده 
‘أنس من جواه بيسأل نفسهُ ،معقول فِ خداع كده ! ‘..ابتسم ودخل الاوضه ..
قفل عليه الاوضه اختار اللبس اللي هينزل يقابل بيه سهيله
_________
‘Back’
_’انس بيمسح علي شعروا ، فضل رايح جاي ف المكان ك نوع من انواع التوتر لِ عبدالله وقف قصادوا مره واحده واتكلم بلُغز : بس إتصدق وقتها بردو مكنتش عارف انت ناويلي علي إيه! لحد اللحظه اللي عرفت إنك مراقبني فيها ومعاك البنت اللي كنت باعتها عشان اكلمها وتمسك عليا غلطه وأطلع الشخص الخاين المُخادع .
=عبدالله ب نظرات إندهاش : انت بتقول ايه !
_________
Flash back
‘ف الكافيه’.
_ماما انا مش مطمن للبنت دي وحاسس ان عبدالله هو اللي باعتها علشان يوقعني فِ غلط كبير وخصوصا بعد إللي حكيتهولك ده ، انا همشي وراها يمكن أوصل لحاجه وهجيلك علي طول .
_سهيله بخوف:متبعدش ياأنس عشان خاطري 
=حاضر ياماما .
‘بيمشي ورا البنت وبيحط إيدو علي كتفها ،البنت بذعر :مين !!
_أنس ب إبتسامه : انا اللي كنتي عاوزه تقتليه حالا 
=البنت بخضه وبتلعثم ف الكلام: لأ إنت ..إنت فهمت غلط 
‘بيمسكها من معصمها بقوه وبنظره شر بيجز علي سنانهُ وبنبره تهديد بيقول:هترجعي معايا علي الترابيزه وهتحكي كل حاجه ولو فتحتي بؤك وزعقتي انتي اللي هتروحي ف ستين داهيه 
_البنت بخوف : حاضر ، هعمل كل اللي انت عايزوا .
‘ البنت راحت معاه بقله حيله ..قعدت معاه علي الترابيزه ..دموعها نزلت 
=انس: بتعيطي ليه ! هو انا لسه عملت حاجه .
_حقك .
=تشربي حاجه !
_لأ شكرا .
=اتكلمي .
_انا موده عندي 19 سنه بنت طلعت الدنيا من غير أب كبرت لاقيت مامتها شايله مسؤليتها وتعليمها وعمرها ما قصرت في يوم، امي محيلتهاش غيري ولا انا حيلتي غيرها كبرت والمسؤليه كبرت معايا والشقى كبر امى قبل آوانها وكمان بقت مريضه قلب خليتها قاعده ف البيت وابتديت انا اللي اشتغل بس ، اي شغل الاقيه ، عامله نظافه ، شغل ف مصنع اي حاجه..كانت الامور كويسه لحد ما أهل بابا طردونا من البيت وقالوا ملناش وِرث واحنا معناش فلوس نوكِل محامي يجيب حقنا خرجنا من البيت وجيبنا شقه إيجار ابتديت كل قبض اخدوا اشيلوا مع امي واخد علي قد مصاريف المواصلات فقط ونجمع الايجار وف يوم كنت نازله ادي الايجار للست البوابه لان من يوم ما سكنا ف العماره وهي قالت ان صاحب العماره بيسيبلها الايجار ك مساعده ليها ، المهم ف يوم نازله بديهولها قابلت عبدالله ف العماره وعرفت وقتها انه ابن صاحب العماره وقال ان هو اللي هياخد الإيجار وان الست خلاص مشيت مبقتش موجوده، سالته وقتها ليه راحت فين ! رد ب إرتباك وقال مشيت وخلاص ..
بعدها بكام يوم عرف تفاصيل كتير عن حياتي وابتدا انه يهددني ب امي انه هيقتلها لو مسمعتش كلامه، خلاني كام مره اتقابل وانت معاه عشان تعرف إني حبيبته ، عشان يكمل باقي خطته .
=اللي هي ايه !
_ كان عاوزني اقابلك النهارده علشان اقنعك اننا نتكلم ، وكمان اختار الوقت ده بالذات علشان عرف انك متخانق مع حبيبتك ف هتوافق بيا وبعدها طلب اني  ..
_انك ايه !
= اني اتعامل معاك من غير خجل ويكون ف كلام بينا خارج ووقتها امسك عليك الاسكرينات دي وهو هيهددك بيها .
_طب وانتي مخوفتيش علي نفسك!
=قالي مش هيبين شكلي ولا هيأذيني انا ده لو ف اي اسكرينات شات من اكونتي ، قالي هيأذيك انت وبس ف شغلك والاحسن ،انها تكون مكالمات بصوتك علشان ده هيبقي دليل قوي علشان ممكن الاسكرينات محدش يصدق ويطلع هو الضحيه اللي صاحبه غدر بيه مع حبيبتهُ..وصلني النهارده وراقبناك وانت جاي هنا وقالي اطلعي .
=متعرفيش ايه الطريقه اللي كان ناوي يفضحني بيها يعني قدام اهلي ولا صحابي ولا ف شغلنا .
_البنت بخوف: خايفه اقولك هو يإذينا 
=متخافيش قبل م أنفذ أي خطوه هآمنلك مستقبلك وهديكي مبلغ تخرجي برا القاهره خالص انتي ومامتك 
_حضرتك بتتكلم بجد!
=اه والله ، بس قولي .
_ قالي انه ناوي يخليك تطلع حرامي قدام صحابك ف الشغل 
= ‘بيضحك بسخريه’ : إزاي هو انا عبيط هروح اسرق!
_ لما سالته ازاي قالي انا هوقعوا مع صاحب الشُغل نفسهُ ، هطلب منه انه ياخد مفاتيح الخزنه علي لسان مستر محمد وتحطها ف درجكك ووقتها هو هيكتم الصوت اللي هيظهر ف فيديو كاميرات المراقبه وهيقص الحتت اللي بيكلمك فيها وهيجيبك بس وانت بتاخد المفاتيح وبكده هتتفضح وهتمشي من الشغل خالص وانت مكسور وكل الناس بصالك ب إستحقار ولما سالته بتعمل معاه كده ليه الولد شكله بيحبك ، قرب مني ب كرهه كان باين ف عينه ..وقالي لاني بكرهه انا هعذبه قبل ما اموته هخليه يتمني كل يوم الموت هبعدوا عن كل حاجه بيحبها هكسر بنفسهُ وبعدين هحسر أهله عليه .
_وثق فيكي ازاي علشان يحكيلك كل ده !
= الحقيقه هو واثق علشان ماسكني من نقطه ضعفي وهي أمي ،عارف اني مقدرش أتكلم ولا أفتح بؤي علشانها ، عارف اني ماليش ضهر ولا عيله ولا سند واللي معندوش أب ولا عيله زي اللي ماشي عريان و مكشوف للناس كلها تطعن فيه وتيجي عليه عادي وعارف ان مفيش حد هيساعدني حتي لو حكيت لحد ف عشان كده كان بيحكي وهو مطمن وواثق ولما كلمته دلوقتي هددني انه هيمشيني من البيت وكمان مكنش معايا الايجار ادفعه ، خايفه علي أمي ليعمل فيها حاجه 
_متقلقيش ، مش عارف اشكرك ازاي علي كل المعلومات دي انا فعلا كان ممكن اروح ف داهيه وهتإذي لو معرفتش كل ده ،هديكي مبلغ تسافري اي محافظه تاني وتلمي هدومكم  وحاجتكم ف اسرع وقت انا هديكي فرصه يومين  وهقعد معاه يومين مش هحسسوا ب اي حاجه واكيد هو هيعمل كده ف اول يوم هننزل فيه الشغل مع بعض 
_ايوه فعلا هو قالي كده ، متشكره جدا لحضرتك.
=انا اللي متشكر..
‘بتاخد الفلوس وبتمشي ‘
_____ 
سهيله: هتتصرف ازاي يابني!
_هعرفك كل حاجه ف وقتها متقلقيش يلا ننزل نتمشي وناكل الايس كريم .
=يلا ياحبيبي .
__________
‘Back’.
_______
مستر محمد : طلعت مُغفل ياعبدالله فاكرني هصدق حاجه زي كده ! فاكر صحاب أنس هيصدقوا أصلا !كنت فاكر إنك هتعرف تلغى الصوت ! كنت فاكر انك لما تيجى تقولي انس حرامي هصدق ، انس ابني ..
_انس بثقه : كل اللي حصل حكيتهُ لمستر محمد .
______
Flash back .
_ ده اللي حصل وكنت عاوز حضرتك تساعدني .
= حتي لو مكنتش حكيتلي انا عمري ما اصدق عنك كده ، هخلي عمار يمسك كاميرات المراقبه مع عبدالله ويوم م يعمل كده هجمع صحابك ف الشغل وهوريهم الفيديو الاساسي وهو بيقولك بنفسه اعمل كذا كذا ووقتها هو اللي هيطلع كذاب ، بس هو ليه بيعمل معاك كده !
= مش عارف ، مظنش انها غيره وبس الموضوع اكبر من كده بكتير 
_متقلقش انا معاك .
_______
‘Back’.
_مستر محمد: شغل الفيديو الاساسي ف كل شاشات الشركه ياعمار .
‘عمار بيفتح الفيديو اللي فيه عبدالله بيقول ل انس هات المفاتيح وحطها ف دُرجك ..نظرات الاستحقار من الناس اتحولت كلها لِ عبدالله ، ملامحه اتحولت للون الإسود من كتر الغضب والعصبيه اللي كاتمها جواه ..
انس كان بيبصله نظرات إنتصار  ممزوجه ب ابتسامه
عبدالله مشى وهو بيجز علي سنانه غادر المكان وهو بيبص ل أنس بكل شر ،بيضغط علي إيدو بقوه من شده عصبيته ..
‘أنس بيحضن مستر محمد وبيقول: شكرا لحضرتك انك وقفت جمبي 
= هفضل اكررهالك انت ابني كتير ولا ايه ياولد .
_ وانت ف غلاوه بابا ربنا يعلم ..
=خلي بالك من نفسك ياحبيبي ، واي حاجه حصلت كلمني 
_حاضر .
=كمل شغلك يلا ..وانتو كمان ياجماعه كملوا شغلكم .
‘الكل بيدخل مكتبه ‘.
_انس بيتصل بسهيله وبيقولها بنبره كلها فرحه: ياأمى إنتصرت عليه بجد مش مصدق نفسي .
=بجد ياحبيبي! انا كنت خايفه عليك جدًا ، كنت خايفه يإذيك او يإذي البنت .
_لا متقلقيش انا زي الفل ، وموده بعتتلي مسدج قالتلي انها سافرت وخلاص هتكسر الخط بس خدت رقمي ف ورقه ع لو احتاجت حاجه .
=طب الحمدلله يابني ، بس لحد دلوقتي معرفش ليه كان عاوز يقتلك اكيد الحقد ميوصلهوش للقتل؟
_في لغز ياأمي ومسيروا هيتحل انا قولت افرحك.
=فرحت يابني والله ربنا يفرح قلبك ويبعد عنك الاذي .
_ يارب ياامي .
=خلص شغلك وروح البيت ها يااما تيجي عندي اياك تثق ف أي حد تاني إنت فاهم!
_حاضر .
____
انس استاذن بدري من الشغل ومشى ..
__________
علي الجانب الآخر .
____________
_ تيتا فاطمه : ياليل والله خفيت وبقيت زي الفل ده انتي مش بتأكلي رحيم ف بؤهُ زيي كده .
= رحيم: عشان هي مدلعاكي وسيباني شوفتي .
_تيتا فاطمه : اهو شوفتي الواد زعلان .
=رحيم: يابطوط ده انا لو ماما مدلعتكيش هدلعك انا 
_ تيتا فاطمه :ياروح قلبي متحرمش منك يارب ،ويارب ما اموت قبل ما افرح بيك واشوفك عريس.
=ليل : ربنا يباركلنا ف عمرك ياتيتا وتفرحي بيهم ف حياتك .
_يارب ياحبيبتي ، مؤمن لسه مجاش من الشغل !
= لأ لسه والله 
_وعائشه مجتش من الكليه ؟
= لأ قالتلي هتيجي علي ٥ مثلا عندها تدريب ف مدرسة النهارده .
_ربنا معاها وينجحها يارب 
=يارب .
__________
علي الجانب الأخر عند ‘عائشه’
_ياحبيبي جننتني مش كده ..حد 2 ف مخك و 1 علي إيدك 
_أبله عائشه انتي بتعصبيني .
= ‘بتضرب علي قلبها ‘ بعصبك! طفل صغير القامه طويل اللسان بيقول للميس بتاعته بتعصبيني !
_ بلغه طفوليه :ايه اللي بتقوليه ده ياميس !
= اسمك ايه !
_ ليه ! عاوزه تخطفيني ! ماما قالتلي مقولش اسمي لحد ولا امشي مع حد عشان ميخطفنيش ، انتي عاوزه تخطفيني علشان اموت صح !.
= ياروحي بعد الشر عليك لا ، مامي قصدها ان لما حد غريب يقولك كده متردش عليه لكن انا الميس بتاعتك حبيبتك تقولى عادي 
_’بيرفع حاجبيه ويضيق عينيه بمكّر : يعني اقولك ومش هتخطفيني!
= لأ هاكلك بس .
‘بتهزر معاه كإنها بتاكله ‘، ‘بيضحك بهستيريه’ .. بيقول وهو بيضحك”:خلاص ياميس بغير من بطني خلاص هقولك 
_طب ها قول وانا هسكت .
=إسمي أنس .
_’اختفت ضحكتها ،وكإن الصدف حالفه لتفكرها ب أنس ف كل مكان ‘.. .
=سأل بغضب: اسمي وحش!
_فك التكشيره دي ، انت اسمك احلي اسم ف الدنيا ، اقولك سر !
=قال ب اهتمام : اه قولي .
_قالت بصوت خافت : انا بحب واحد إسمه أنس بس هو زعلان مني وانا عاوزه اتجوزوا وأكله كده من كتر ما هو واحشني
= ضحك ب انتصار : وانا كمان بحبك ياميس وخلاص مش زعلان منك انتي حبيبتي 
_’عائشه ضحكت بهستيريه’ : لأ هو انت فهمت غلط .
= اختفت ضحكته :قصدك ايه !
_ لا متكشرش تاني ،قصدي يعني ان انا بموت فيك ومش عاوزاك تزعل منى ابدا .
=ضحك وقال: حاضر ياميس ، انا بكره هجيبلك خاتم وهتجوزك بيه زي ما بابا اتجوز ماما كده بالظبط .
_ وهتجيبلي ورد كمان .
=اه بتحبيه أحمر !
صوت بيقاطع إجابتها علي أنس
_ : أه هي بتحبهُ أحمر زي اللي انا جايبهُ كده 
_عائشه بذهول : أنس !
=الطفل أنس ببراءه :نعم ياميس .
_ عائشه ب إرتباك : لأ مش انت ياأنس ، أنس ده .
= الطفل انس: هو انت اسمك انس ياعمو !
_اه اسمي أنس ، وهو انت بقي علشان اسمك أنس ف هتتجوزها بدالي !
= الطفل انس بغضب : لا انا بس اللي هتجوزها هي قالت انها بتحبني أنا مش صح ياميس !.
‘عائشه سرحانه ف أنس ‘ ..
_أنس ب ابتسامه: الولد بيكلمك .
= ‘فاقت من شرودها ‘ نعم ياحبيبي !
_هتتجوزيني انا مش عمو ده صح !
‘بصت لِ أنس وهي مُتعمده تقول الجمله وهي بصالهُ”: ولا عمري هتجوز غيرك ياأنس .
_ أنس بدهشه : بتقولي إيه ! .
= قالت ب ارتباك : انا مش بكلمك انت انا بكلم انس الصغير ده 
_’ أنس بيرفع حاجبيه وبيوطي علي الارض بحيث يكون نفس طول انس’ ..شايف يااستاذ انس انت عملت ايه ! عاوز تاخدها مني بعد كل السنين دي ! هتكون مثلا بتحبها قدى !
=رد الولد بتحدى: لا انا بحبها أكتر منك ، انا بحبها قد البحر الكبير ده كله اللي الناس بتعوم فيه عارفوا ولا مش عارفوا بقي؟
_لا عارفوا ، اعتدل ف حركته وقال لعائشه: لا الولد طلع بيحبك اكتر مني بقي خلاص انا متنازل عن حقي اتجوزيه هو  .
= يعني انا حقك !.
_أنس بصوت خافت علشان انس الصغير ميسمعش: حقي ، وانا حقي مبفرطش فيه 
_الولد بذكاء: بتقولها ايه ها !.
=’بيكح ‘ احم : كنت بقولها انس ده مش هتلاقي احسن منهُ ف الدنيا اتجوزيه .
_شاطر ياعمو انا كده بحبك ،قد البحر بردو .
= طب ما تتجوزني انا كمان قدام بتحبني قد البحر! .
_الولد بذكاء: ازاي يعني اتجوزك وانا ولد وانت ولد
‘بيضحكوا ‘ 
=انس:برافو عليك ياانس 
_والده انس ب ابتسامه : ها ياميس انس عامل معاكي ايه !
=لو كنتي اتاخرتي شويه كنا هنكتب الكتاب خلاص 
‘بيضحكوا’ 
_ هو احنا نطول لو كان كبير شويه كنت هجوزهولك علي طول .
=انس الطفل بمشاكسه: انا كبير وهتجوزها اصلا .
_والده انس: طب هستأذنكم همشي بيه قبل ما تحصل معركه هنا  
=عائشه ب ابتسامه : اتفضلي .
‘بيمشوا ‘.
_عائشه: جيت ليه ياأنس!
= علشان وحشتيني .
_بس انت موحشتنيش .
=كدابه اوي وباين ف عيونك متنسيش ان انا اللي مربيكي اينعم مطمرش فيكي تربيتي بس يعني أهو بعرفك من عيونك .
_ طيب امشي .
=ما انا همشي وهاخدك معايا .
_انت مش سايب البيت ! ارجع بقي مطرح ما كنت  .
= مالكيش دعوه انتي ،يلا لمي حاجتك ويلا  .
_مش همشي معاك .
= يلا ياحبيبتي ربنا يهديكي .
_ لأ مش يلا أنا مش هروح معاك 
=’مسح علي وشه واتكلم ب هدوء : يارب صبرني ، خلصي ومش هكررها تاني .
_’لمِت حاجتها ومشيت معاه بقله حيله’
=مش هتاخدي الورد !
‘خدتوا ‘ ..
_بمناسبه ايه !
= بمناسبه اني جاي أراضيكي ، رغم زعلي منك.
_انت اللي زعلان !
= احنا الاتنين غلطنا ، وجرحنا بعض بكلام يأذينا ، انا سيبت البيت ومشيت وحتي مفكرتيش فيا ولا سألتي عليا ، ولا حتي رودينا 
_كنت بسال عليك ماما .
= وانا كمان كنت بسألها عليكي ، انتي مصدقه اني اعمل كده !
_ لا ياأنس .
= امال جرحتيني ليه بالكلام !
_علشان إتوجعت .
= أنا موجوع اكتر منك ، انا اتظلمت ، انا متاكد ان مازن اللي عملها أصلا بمساعده عبدالله صاحبي .
_ مين عبدالله ! .
‘بيحكيلها كل حاجه ‘.
= معقول ف ناس كده !
_ اه معقول جدًا كمان ، اتصدمت بجد فيه بس الحمدلله عرفت أخرج منها علي خير 
=بس لسه الخطر مواجهك انت مش عارف رد فعله هيكون ايه !
_ بالظبط كده ، بس انا جاهز ف اي وقت .
= انا هبقي جمبك .
_شفقه ولا خوف .
= ايه شفقه دي ! خوف طبعا .
_ بتخافي عليا ليه وانتي مش بتحبيني !
= يلا نروح .
_ ما تردي !
_اقول ايه !
= بتخافي ليه وانتي مبتحبنيش!
_بحبك زي اخويا 
= طيب ، بالمناسبه ..البنت اللي ساعدتني دي انا أُعجبت بيها جدا وخصوصا بعد وقفتها جمبي ف قررت اخطبها 
_’الدموع اتجمعت ف عيونها ‘ مبروك ، يلا نروح .
= مالك !.
_هيكون مالي!
=شايف دموع ف عينك !
_لا دي دموع الفرحه بس مش اكتر ، اكيد بردو هتحس بنفس الشعور لما اتخطب ولا ايه !.
= ومين قالك هتتخطبي لغيري!
_ انت عندك انفصام!
= لا بتعامل مع حلوفه مبتحسش ..انطقي ، قولي اني علمتك الادب ف الاربع ايام اللي فاتوا قولي ان غيابي فرق ف حياتك انطقي قربت اتجنن بسببك حرام عليكي .
‘بتضربه علي قلبه بعِتاب”: متقولش هتخطب دي تاني ، قلبي بيوجعني ، اه بحبك ياأنس ، بحبك وتعبت ف غيابك ، الايام عدت عليا كإنها 4 سنين مش 4 ايام تعبت وحسيت ان كل حاجه ف عيني وحشه ، وقتها عرفت اني بحبك ، لما كنت بسمع جمله افرض خطب! ، واتخيل انك مع غيري كنت بدخل اوضتي واعيط ، مش قادره استوعب ابدا ده
= جعفر إتكلم أخيرا !
_ اتصدق انك مش محترم ياأنس ،امشي بكرهك.
= اياكي تقوليها تاني بكرهك دي فاهمه .؟
_ ما إنت مستفز اوي .
=بس ايه رايك ف الورد الجميل القمر الحلو السكر المسكر ده !
_دي كلمتي ها !، وعمتا الورد مش حلو اوي يعني 
= طب هاتي اوديه لموده .
_بعصبيه: احترم نفسك ومتجيبش سيره بنات تاني علي لسانك فاهم!
= بتغيري !
_ …..
=ما تردي بتغيري!
_ايوه بغير .
=انس بمشاكسه: عارفها انا القصيده دي بتاعت الجخ و ..
‘بتقاطع كلامه بضربه علي كتفه ،سبقته بخطوات ..بيوقفها “وهو بيضحك: طب خلاص خلاص مش هجيب سيره بنات تاني 
_ ولا تهزر مع بنات ف شغلك ، وتمسح كل ارقام البنات ، وتكتفي بيا انا بس فاهم!
= فاهم ، بس انا حتي لو حواليا بنات الدنيا عمري ما هبص لغيرك يابت انا عاااشق .
_ ‘بتضحك ‘ ايوه عارفه انا الحبتين دول 
“بترفع حاجبيها وبنبره تحذير”، بس عارف لو قفشت رقم بنت عندك هعمل ايه !
_هتعملي ايه !
=….
_ها هتعملي ايه ياعيوطه!
= هموتك وهموتها 
_ هتموتينا عشان ارقامنا بس؟
= ده عقاب كده سهل علي الماشي
_ امال لو ناويه تعاقبينا هتعملي إيه!
= بتضخم صوتها زي الأشرار:هعذبكم انتو الاتنين هخليكم تتمنوا كده ارحمكم ومش هيبقي عندي رحمه .
_ طب شوفي القطه اللي وراكي دي بتقول ايه كده !
_عائشه بذعر:فين ! فين!
= انس بيضحك: عيله هبله اوي والله بتخاف من القطه وفاكره نفسها زعيمه عصابه .
_عيب عليك متشكش ف قدراتي .
=لا انا مش شاكك أنا مُتأكد.
_ واد ياأنس !
=نعم.
_’بنظرات شك ‘ قميص اسود ، بنطلون اسود ،وساعه وبرفيوم حلو ، مسشور شعرك لابس سلسله ومدخلها جوا القميص ،فاتح أول زُرارين من القميص ! ليه كل ده ها !كنت بتقابل مين قبل ما تجيلي ياأستاذ انس!
_ بجد يعني شياكه وهعجبها!
=…..
_ما تردي !
= أه هتعجبها .
_طب الحمدلله ، كنت خايف والله 
= يلا روحني .
_ يخربيتك ، ياريتك ما اعترفتيلي انك بتحبيني بتغيري اكتر مني والله مظبط نفسي كده علشانك هو انتي اي حد ولا ايه !
=بعصبيه: طب اقفل ياحبيبي القميص لحسن يجيلك برد ولا حاجه ، وميتفتحش كده تاني فرحان بعضلاتك ما شاء الله .
_ اهو ، اهو ياعائشه قفلتهم ، يلا نروح يابومه يااللي مبوظه اللحظات السعيده .
= هطلع عليك غيرتي  المكبوته بقالها قرون .
_ ايه ده ايه ده ! قفشتك يعني بتغيري ، وبتغيري يعني بتحبيني امال ليه بقي كنتي مطلعه عيني يعني مش فاهم !.
= علي فكره شعور الغيره كان جوايا عشان كنا قريبين من بعض لكن فعلا معرفتش احدد غير لما بعدت عني .
_ تموتوا ف جلد الذات ياساتر.
= امشي ياأنس ، امشي عشان مزعلكش .
_ نص شبر بتتكلم 
= حوش عمود النور اللي ماشي جمبي 
_ امشي وبطلي لماضه .
= حاضر همشي عشان احنا ف الشارع بس .
_جدعه ربنا يهديكي .
= ويهديك .
_احنا كده علاقتنا هتكتسح علاقه عمتو لميس وعم معتز .
=مفيش احلي من علاقتهم والله ، اتمني نكون زيهم فعلا وندخل قلوب الناس زيهم .
_ان شاء الله هيحبونا وهندخل قلوبهم ..يلا عشان نركب ونروح .
=بفرحه:بجد هتروح البيت معايا!
_اه هنروح سوا 
=ياااه وهنرجع نرخم علي بعض تاني ياااه ده انا هطلع عينك ياانس 
_بس ياحبيبتي ، بس 
=هتشوف ياأنوس .
_’بيضحك’حلوه أنوس دي، بس متقولهاش قدام حد بدل ما أكسر سنانك .
= لا تقلق يابني .
_بقلق بعديها .
‘بيضحكوا وبيمشوا ‘ 
_________
علي الجانب الأخر ف غرفه رودينا 
_يعني هتيجي تتقدملي يامازن ولا لأ !
=فكك بقي مني 
_يعني ايه فكك مني دي فسرهالي !
=يعني فكك مني يارودينا 
_انت بتكلمني انا كده يامازن!
= اه بكلمك انتي كده ، سلام بقي .
______
‘بيقفل معاها ‘
_اوف بت خنيقه أوي بجد .
=بنت ف الديسكو بدلال: هي دي خطيبتك !
_ لا طبعا ، بس لازقه فيا وخنقاني بجد .
= ولا يهمك سيبك منها  وانبسط وانسي خالص كلامها .
_ ماشي ، واحد ويسكي تاني لو سمحت .
=كفايه ، هتكون سكران ومش حاسس بنفسك .
_ لا متقلقيش انا جامد اوي ف الشرب وأعجِبك .
=ماشي 
__________
بعد مرور ساعتين .
___________
ليل وهي بتحضنه : وحشتني أوي ياأنس .
_وانتي كمان ياليل اوي .
=مصدقتش نفسي لما عائشه بتصل اطمن عليها عشان اتاخرت وقالتلي انها معاك .
_ انس: الواحد مالهوش غير بيته بردو .
=مؤمن: عارف لو سيبت البيت تاني هعمل فيك ايه!
_قلبك ابيض ياعمي .
=وحشتني ياجزمه ..
_وانت كمان والله ، رحيم فين وتيتا فاطمه !
= بيصلوا المغرب .
_ خلاص هطلع أسلم علي بابا لحد ما يخلصوا.
=ماشي وانزل عشان هتتعشى معانا .
_حاضر .
‘بيطلع علشان يسلم عليهم بلغه عتاب”: هان عليك ابوك تسيبوا ياجزمه ؟
=حقك عليا يابابا ، كنت محتاج افصل شويه عن كُل ده 
_متسيبش بيتك تاني وف أي وقت محتاج تتكلم وعندك مشكله تعالي وإتكلم معايا 
= حاضر يابابا .
_ساره خرجت من الحمام وب انبهار : هااا أنس !!! 
جريت عليه وخدتهُ ف حضنها اخص عليك ياأنس كل ده !
= دول هما أربع أيام بس !
_ودول قليلين يعني!
= لا ، وحشتيني اوي ووحشني اكلك ونصايحك ليا .
_خلاص هعيط ، انا هدخل دلوقتي وهحضرلك الاكل كله اللي بتحبه .
= ليل عزماني والله ، بكره ياستي هناكل سوا عشان تحضري براحتك مضغطش عليكى دلوقتي.
_ ماشي ياحبيبي ، غير هدومك وخد دش وإنزل.
=حاضر ، هي رودينا فين!
_ ف اوضتها 
= بلغه سخريه: اصيله رودينا اوي كانت كل يوم بتسال عليا ..
_ساره: طبعا يابني مش اخوها .
= انا بتريق ، مرفعتش مكالمه تليفون عليا ولا قالتلي عامل ايه حتي 
_ معلش اكيد كانت مشغوله ف المذاكره.
= بجد والله! يمكن ..مروان فين !
_ مع صحابه تحت .
=ماشي 
_مكلمكش هو كمان!
=كلمني بصراحه .
_طب الحمدلله ربنا يهديكم علي بعض يارب .
=امين يارب .
________
‘بياخد شاور وبينزل من غير ما يعاتب رودينا ‘ .
________
_يوسف لساره: ايه اللي غَير رودينا كده !
=مش عارفه يايوسف هي بقت انطوائيه شويه .
_ في حد في حياتها .
= اكيد لو في حد ف حياتها هتحكيلي
_ بجد والله ! متاكده !
= اه متاكده انا مصحباهم وهما مش بيخبوا عني حاجه 
_ماشي ياساره ، قومي حضري العشا وانا هدخل اتكلم معاها  .
= ماشي ياحبيبي ، وكلم مروان يجي يتعشى .
‘تليفونها بيرن’
_ ايوه ياسوسو ياعسل .
= مش قولتلك متقوليش سوسو دي يامروان بتعصبني .
_ حاضر مش هقولها تاني ، بصي ياسوسو انا عند خالتو ليل تحت بتعشى .
= ماشي، ولما تطلعلي يابتاع مياده ها .
_ بتسيحيلي وبابا جمبك ها طب والله لما اطلع ياسوسو سوسو سوسو سوسو .
‘بتقفل ف وشه السكه ‘ ، اتوحمت فيه علي ايه ياربي بس .
_يوسف بيضحك: مين مياده دي !
= واحده عاوز يخطبها .
_ حلوه ‘بيغمز’
= لم نفسك ، ياراجل حتي عيب عليك بقولك إبنك عاوز يخطبها .
_ ما انا بطمن علي ابني ، شوفتي دايما ظلماني .
= لا متطمنش ولم نفسك شويه 
_لسه بتغيري اهو ! ياااه وحشني جنانك وانتي غيرانه .
= ما انا جناني تطور وبقيت احدف اي حاجه جمبي ف وش اللي يعصبني ، خاف علي وشك ها 
_ خلاص قلبك ابيض ، يلا روحي .
= ماشي .
________
ف غرفه رودينا..يوسف بيخبط .
_ادخل .
=يوسف ب ابتسامه: الجميل عامل ايه!
_ الحمدلله يابابا 
= بقيتي بتقعدي لوحدك كتير ليه ! حد زعلك!
_ لأ .
= متأكده!
_اه يابابا 
= انس جيه .
_طب كويس .
‘يوسف استغرب من رد فعلها التلقائى ‘ ..
سأل ب استغراب: هو انس زعلك ف حاجه!
= هيزعلني ف ايه !
_امال ف ايه مالك مش شايف انك فرحتي خالص .
= يعني هو يابابا كان مسافر مثلا!
_ من الواضح انك متغيره اتجاهه اخوكي 180 درجه وهو معملكيش حاجه.
= تمام.
_ده ردك !
=بابا من فضلك عاوزه انام .
‘يوسف خرج من اوضتها وهو متضايق من رد فعلها ، حضنت عروستها ونامت ‘ 
___________
علي الجانب الأخر عند ليل 
ف المطبخ .
_______
انس:ضحك وهزار مش عاوز ، تاكلي وانتي ساكته ، ابتسامه كده حتي مش عاوز اشوفها .
_ايه الاوفر ده ! كل ده علشان الدكتور هيتعشى معانا فيها ايه بنعمل ثواب 
_اجر الثواب مش هتاخديه ف ضحكتك ياختي 
= البسمه ف وجهه أخيك صدقه .
_بنبره تحذير: عائشه هتعصب عليكي.
=صوتك ميعلاش عليا .
_ليل: نتعشى ونشوف الحوار ده الناس برا ياأنس يابني ، خلوا يوم حلو بينكم تفتكروه لما تتنيلوا تتجوزوا يارب انا تعبت من العلاقه دي خلاص ، يابني دي لسه قايلالك بحبك النهارده خاف علي نفسك لتسحبها وتقولك مش عاوزاك .
_اتصدقي ياماما عندك حق ، امشي برا يلا ، انا هتجوز الدكتور اللي برا ده علي الاقل عالج اخويا واحنا يعتبر دكاتره زي بعض .
=بعصبيه:شايفه بنتك ! ولما اتعصب عليها محدش يزعل
_ليل: بتنكشك والله ، وانتي اتلمي بقي هو ماسك نفسه عليكي بالعافيه ياساتر .
= لا ياراجل وماسك نفسك ليه! هات اخرك كده ووريني هتعمل ايه !
_ ماليش آخر يا عائشه ، وإتلمي ها ، إتلمي 
=طب خلاص علشان وشك إحمر ، هسمع الكلام 
‘تراجعت وعدلت خمارها ، ‘ بس بمزاجي ها انا هعمل كده علشان ده الصح مش علشان اوامر حضرتك ياأستاذ انس .
_ لسانك الطويل ده عاوز يتقص .
= طب خد طلع طبق البشاميل ده حطوا قدام الضيوف .
‘بيرفع حاجبيه’ 
_يلا متنحش بقي خنقتني من اول يوم انا خلقي ضيق اصلا وحوارات الارتباط والجواز دي مكنتش بتاعتي والله 
=لسه هنفخك بس أصبري عليا .
_نينينيني 
——– 
‘بيجهزوا الأكل علي السفره ‘
‘بيتجمعوا كلهم ‘
_دكتور حازم : متشكر جدا لحضرتك يابشمهندس مؤمن والله تعبتو نفسكم ، تسلم ايدك يامدام.
=مؤمن: متقولش كده ده اقل واجب والله .
_ليل: بالهنا والشفا .
=أنس بيخطف نظرات للدكتور بيشوفه بيبص علي عائشه ولا لا وف كل مره بيفشل انه يمسك عليه انه بيبص عليها ‘.
___________
‘علي الجانب الأخر عند لميس ‘
—–
‘بتدخل البلكونه علي معتز ، بتلاقيه بيشرب البقسماطه علي انها سجاره ، وسرحان اوي ومندمج وبيتأمل ف النجوم ..قاطعت شروده لميس لما قالت : اتصدق وانا بقول الدماغ دي اكيد مش دماغ بانجو ، طلع الحوار اكبر بكتير ، دماغ بقسماط .
=خضتيني علي فكره 
_شوف يااخي بقالك ساعه ونص بتنفخ ف البقسماطه مش راضيه تخلص طب كنت قولي حتي اجيبلك حشيش اهون عليا ما اخش الاقيك ماسكها ومستكنيص كده علي الاقل كنت هقول للعيال ابوكم بيشرب حشيش لكن اقولهم ايه دلوقتي بيشرب بقسماط!
=قلبك ابيض بقي واستري عليا .
_ هتجلطني يامعتز خلاص .
=بمشاكسه : بقولك ايه ياقمر ياجميل انت ما تيجي تتاملي معايا ف النجوم اللي ف السما دي 
_ رايق انت النهارده ها !
=اوي 
‘بتقرب جمبه وبيبصوا علي السما ‘..
‘بياخدوا نفس طويل ‘ ..
_لميس: سبحان الله ، راحه نفسيه لما تبص علي حاجه من صُنع الله ، السماء من غير عِمدان متزينه بالنجوم ، المطر اللي بينزل يسقى الزرع والشجر ، رحمته علينا ف كل وقت بنحس ان الدنيا ضاقت بينا خلاص ومفيش مخرج ..بتلاقي شُعاع نور بينورلك طريقك من تاني وبيدلك علي الطريق الصح .
بسم الله الرحمن الرحيم.
_ ألم نشرح لك صدرك ووضعنا عنك وزرك الذي انقض ظهرك ورفعنا لك ذكرك فإن مع العُسر يُسرا إن مع العسر يسرا فإذا فرغت فأنصب وإلي ربك فأرغب .
_العُسر بيجي معاه يُسر ولا يظلم ربك أحدًا ، بزعل اوي لما بتبطل تصلي احنا جينا الدنيا دي علشان نعبد ربنا ..علشان نفوز بالجنه ، الجنه اللي مفهاش زعل ولا حُزن أبدا يامعتز .
_وعد هصلي عشان يكون ربنا جمعنا دنيا وجنه مع بعض .
= ربنا يهديك ويصلح حالك يارب .
_يارب 
__________
‘ف بيت ليل ومؤمن’
‘بيشربوا الشاي ‘
_سليم أخو الدكتور حازم: عارف يارحيم ماما ماتت إزاي !
رحيم بفضول : إزاي !
=قال ب دموع 
ف يوم كنت راجع من المدرسه وماما عامله شاي بلبن بابا جيه من الشغل بدري
“Flash back”
__________
=جيت بدري ليه!
_بعصبيه: وهو كان بيتك هتحكميني اجي امتي !
= انا مقصدش انا بطمن بس عليك .
_ حضري لقمه اكلها .
= حاضر .
‘بتجهز الأكل ‘ .
_ اتفضل 
= ايه ده!
= سخنتلك الاكل بتاع امبارح.
“رماه علي ايديها اتلسعت ” ..
سليم انكمش وقعد علي جمب .
_ “الام بتجز علي سنانها “.. طب انا عملتلك ايه !..
“ماسكه ايديها من شده الآلم “
= عملتي ايه ! انا تجهزيلي اكل بايت!
_طب ما انت مسيبتليش مصاريف النهارده !
“سليم بيعيط بهستيريه” .
“الام بعصبيه” ربنا ينتقم منك ، انا بكرهك ، ربنا ياخدك بجد شوفت عملت ف الواد ايه ! مش عارفه لو حازم كان موجود كان عمل فيك ايه 
_انتي بتهدديني ب ابنك !!
“بيقرب عليها وبيلف ايدو حوالين رقبتها لحد م استسلمت ووقعت علي الارض .
________
“Back.
_______
كان وقتها عندي 7 سنين لسه فاكر شكله وعروقه نافره ووشه احمر من كتر الغل والشر ، مكنش ف ايدي حاجه غير اني بعيط ، حازم كان ف الكليه ..
قرب عليا وبنبره تهديد : عارف لو نطقت هعمل فيك ايه .
“جري علي المطبخ ، وجاب سكينه سخنه .
“بص ايدي لسه معلمه مطرح الحرق” ..
لسعني وانا بصرخ جامد وماسك ف جثه امي ، ومفيش حد كان ساكن ف عمارتنا كان المكان لسه جديد والناس فيه قليله ..قالي هتقول ل حازم لما يرجع ان امك جت اغمي عليها ! وبس تعرف تقول كده !عارف لو قولت حاجه غير كده هخنقك زيها وتموت انت فاهم!
=وقتها عيط جامد ، موجعنيش لسعه السكينه قد ما قلبي كان واجعني من موت امي وهي جمبي طفل فقد امي بقيت اساله طب هي ماما ماتت ولا هتصحي تاني .
_ قالي بجمود وشر : ماتت  ومش هترجع تاني خلاص ، ولو اخوك سالك ايه اللي ف ايدك ده هتقوله اللبن كان سخن واتلسعت منه ..فضلت اقوله طب خلي ماما تقوم وانا مش هقول لحد والله ، ضربني بالقلم من قوه القلم نزفت من مناخيري ..حازم جيه كان مخضوض من المنظر وسالني قولتله نفس اللي قالي اقوله وقتها حاول يعمل دور الضحيه وانه زعلان علي ماما وعملوا تصريح الدفنه ودفنوها   ..
وف نفس اليوم بليل حازم دخل عليا الاوضه .
__________
Flash back .
_سليم ياحبيبي ممكن تبطل عياط!
= ماما ماتت ياحازم .
‘بيحضنه وبيعيطوا ف حضن بعض ‘
_ ماما بابا اللي موتها صح ياسليم!
= سليم بنظره كلها خوف وهو جسمه بيترعش : ما انا قولتلك الصبح.
_متخافش قولي الحقيقه متخافش 
= بابا هو اللي موت ماما .
” حكاله اللي حصل ” .
حازم بعصبيه ..كنت عارف ان هو اللي عملها ..
“سمعوا صوت الباب بيتقفل.
_________
“Back”
_____
عرفنا وقتها انه هرب لما سمعني حكيت لحازم لانه عارف ان حازم مش هيسكت ولحد الان حازم بيدور عليه..اللي حكيتوا ده سر بينا يارحيم!
=حاضر ياسليم ،متزعلش ربنا يرحمها وربنا هيجب حقكم  .
_يارب ان شاء الله .
دكتور حازم: مش يلا ياسليم!
= يلا . 
” بيروحوا بيتهم ، ورحيم بيفكر ومتخيل اللي حصل لام سليم دخل اوضته وهو مضايق ..قرر انه ميقولش لحد زي ما وعد سليم.
________
_ انس : تصبحوا علي خير انا هطلع انام بقي.
“وانت من اهل الخير يارب”.
_______
بيطلع علي السلم ..
بيلاقي مازن طالع وهو مش متزن بسبب اللي شربوا ..
_قرب عليه انس بغِل : مش مكسوف علي دمك يازباله ! سُكري ومؤذي ومبتحبش الخير لغيرك ! انا مش عارف انت طالع كده لمين ها!
= بصوت سكران وحركات جسمه مش متزنه وبيتحرك يمين وشمال وانس ماسكوا من القميص : اهلا انس بيه ! محبوب العيله كلها ، اللي واخد حبيبتي مني 
= انس بعصبيه: متجيبش اسمها علي لسانك ياقذر ، عائشه حبيبتي من يوم ما وعيت علي الدنيا انت اللي اناني .
= بنفس الصوت والحركات: اه فعلا عندك حق انا اللي اناني ، وهاخدها منك 
‘بيضربوا بالقلم’ ..
محدش يقدر ياخدها مني ، انطق انت اللي عملت الاسكرينات علشان توقع بيني وبين عائشه!
= مش هقولك “بيضحك ضحكه شريره”
_ قول يامازن هموتك ف ايدي!
_ ايوه انا اللي عملت كده ، انا اللي هكرت الفيس بتاعك وانا اللي بعت الاسكرينات ل عائشه بس مكنتش لوحدي .
= امال مين معاك..
_بعند وهو بيضحك نفس الضحكه الشريره: مش هقولك..
= “مسكوا من ايدوا بقوه ،ابتدا يتآلم “.
_ خلاص هقول سيب ايدي 
= اديني سيبتها ، قول !
_ تخيل كده ممكن يكون طلب مني كده وساعدني اعمل ده !
= انجز يامازن !
_ قرب عليه وبنظره كرهه : اختك رودينا ياأنس 
= انس بصدمه : اختي !.
_____
قاطع كلامهم تليفون انس مكالمه من امه .
_ الو ياماما .
_ صوت عياطها 
= امي فيكي ايه ..
_ صوت شرير نفس صوت الشخص اللي طلع لأنس ف بيت عبدالله وبضحكه شريره قال: عاوز تلحق امك تعالي ف العنوان اللي هبعتهولك ف الرساله قدامك ساعه لو مجيتش ..هات كفنها معاك.
_ سهيله بعياط: اوعي تيجي ياأنس ، اوعي ..
يتبع..
لقراءة الفصل الثالث والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى