رواية غرام الرعد الفصل الثلاثون 30 بقلم رحمة أشرف

رحمه بدموع. رعد

رعد بصلها بحب مخلوط بشوق جزبها من خصرها لحضنه وهو ينظر لها بابتسامه جميله فقط

رحمه بدموع وتوتر .. رعد ابعد لو سمحت ابعد

رعد بيبصلها و مبتسم قرب منها وهمس .. الله العظيم وحشتيني اوي يا مجنونه

رحمه بعصبية .. انا مش مجنونه .. وابعد بقا .. علشان والله هصوت والم عليك الناس ..

رعد بابتسامه .. طيب اسكتي وعيشي الحظه .. وارقصي عدل

رحمه بعصبية. لحظت ايه وبعدين مبعرفش ارقص ابعد بقا

رعد بابتسامه..بقولك ايه.

رحمه لا رد

رعد بابتسامه.. ردي بقا بكلمك

رحمه بعصبية. نعم عايز ايه

رعد بابتسامه و وقاحه وهو بيغمزلها . قربي شفايفك حمرا أشوفها مالها

رحمه انصدمت من جرأته ووجهها احمر جامد وقالت بتوتر.. بطل قلت ادب يا بش مهندس

رعد بابتسامه… ماشي ماشي ..

رحمه بصتله . .انت ليه ضحكت عليا

رعد بهدوء . رحمه مش ابويا الي قتل عمك.والدليل أن ابويا انقتل قبل ما انتي تيجي ب6 سنين

رحمه انصدمت و سكتت وبعدين قالت بتوتر… ازاي والصور ..

رعد بهدوء. البش مهندس ادهم الجارحي .كان عنده توأم يا رحمه عمي اسمه عمر الجارحي . بس ده كمان اتوفا من سبع سنين

رحمه بتوهان . انت هتضحك عليا تاني .

رعد بجديه… انا عمري ما ضحكت عليكي .. قبل كده ولا ابعد كده

رحمه بدموع. لا انت كداب اوي علي فكره. … لا وممثل شاطر كمان

رعد بصلها شويه وسكت بعدين قال بهدوء .. طيب … يا رحمه انتي تحبيه ..

رحمه بصتله وهي ساكته…

بعد شويه الاغنيه خلصت

رحمه سابتهم ومشيت قعدت بعيد عنهم

رعد وهو يسلم على اسامه بابتسامه .. ازيك

اسامه بمرح .. تمام يا صاحبي .. وانت

رعد وهو ينظر لرحمه بحب ..  الله قلبي مغلبني شويه

اسامه ضحك ..ههههه قصدك رحمه

رعد بابتسامه .. ايوه هو في غيرها مطلع عيني … .. اروح اشوفها بقاا واجي

اسامه بابتسامه..اشطا يا صاحبي ..

رعد اتجه لرحمه وقعد جنبها. كل سنه وانتي طيبه  يا قلب رعد

رحمه بصتله وسكتت

رعد بابتسامه… مش عايزه هديتك

رحمه بصتله بعصبية مش عايزه منك حاجه امشي يا رعد لو سمحت .

رعد شبك أيده في اديها وقبل يدها .. قومي..

رحمه بتوتر. علي فين

رعد قام وشدها ليه وشالها غصب … مكان هيعجبك..

رحمه ضربت علي صدره جامد . ابعد عني نزلني

رعد بابتسامه..ااااه.. طيب ليه بس كده… متخفيش مش هخطفك

رحمه بعصبية. يعني انتي معملتهاش . ما انت عمتها ..

رعد اخد نفس عميق وخرج من المطعم وقعد رحمه في العربيه وركب و اتحرك لمكان مجهول

عند زهراء ومروان واكل

مراد بابتسامه . يابنتي انطقي بقا. قلتي ايه

ريوان بعند ..انسي يا بس مهندس يا بتاع السكرتيره …

مراد بصدمه ..بتاع ايه

ريوان ضربته علي كتفه ..بتاع السكرتيره يا بابا. ايه شوفتك وانت بتقولها مش هتحن ولا ايه يا قمر.

مراد بتوتر… دي كانت نزوه

ريوان بعصبية. ماشي يا بتاع النزوه سلام. ومشيت

مراد حط ايده علي شعره بتوتر

❤️،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،,❤️

عند رعد

وقف العربيه عند شارع مظلم

رعد بابتسامه. انزلي

رحمه بصتله وبعدين بصت قدامها بعصبيه.  مش هنزل

رعد اتنهد ونزل من العربيه وراح عن باب وفتحه ودخل رأسه ليها بصلها بحب .. انزلي

رحمه بعصبية. يوووه بقا لا قلت لا

رعد اخد نفس عميق وهو يشم ريحتها الحلوه وبعدين فجاه شلها رفعها من الكرسي

رحمه بخضه ..رعد رعد نزلني

رعد بهدوء .. حطي راسك علي كتفي علشان هتتخبطي

رحمه بعناد .لا

رعد بصلها بعصبية فهي خافت ولفت أيدها علي رقبته وحطت راسها علي كتفه وهو خرج بيها من العربيه وهي لاتزال تضع رأسها علي كتفه رعد بصلها لقاها مغمضه عينيها بصلها بحب  ووقف بيها قدام بيت متوسط الحجم لاكن يبدو أنهو غالي الثمن .ومزين باجمل الزينه  وهي لاتزال كمان هي

رعد بابتسامه.. انا عارف اني وحشتك بس احنا وصلنا

رحمه فتحت عينيها وبصتله بعصبية وبعض الصدمه.  نزلني

رعد بابتسامه.. ليه ما تخليكي كده شويه

رحمه ضربته علي صدره بغيظ ……قليل الادب

رعد بابتسامه . طيب بصي علي البيت هيعجبك

رحمه بعناد وهي تغمض عينيها . لا

رعد قرب بأس يعونها وهمس.. علشان خاطر رعد…

رحمه فتحت عينيها بصدمه وبعدين بصت للبيت وصدمتها بقت صدمتين البيت من دورين جميل جدا لونه هادي .. وفيه زينه هاديا بالون البنفسجي لونها المفضل وفيه يفطة مكتوب عليها بعشقك يا غرام الرعد

وفيه ورد كتير في المكان .. رحمه بصتله بصدمه وقالت بتوتر.  م.مين..غرا..غرام الرعد دي

رعد بابتسامه وهو يضع جبينه علي جبينها ..انت قلب وعقل رعد .  بقيت مغرم متيم بيكي .انتي . .. بقيتي غرام الرعد وبس ..

رحمه دموعها نزلت . طيب.طيب نزلني

رعد نزلها ومسح دموعها .. طيب انا جايبك هنا علشان تعيطي.

رحمه بهدوء . بيت مين ده

رعد بابتسامه. البيت ده شاف قصة حب البش مهندس ادهم ومراته  .. وعايز بداية قصتي انا وانتي قصت غرام الرعد تبقا في البيت ده …. فيه كل طفولتي وذكرياتي الحلوه والوحشه ..بس معتقدش إن كان ايه ذكريات وحشه .. كان فيه كل حاجه حلوه. امي ابويا كان فيه دفئ وحنان وحب … كان فيه ظهر يا رحمه. عمرك حسيتي انك ملكيش ظهر يسندك .. عمرك حسيتي ان حد جه اخد منك كل حاجه ومسبش حاجه خالص ..

رحمه كانت بتبكي علي الوجع الي في صوته

رعد مسح دموعها تاني وابتسم .. بس تعرفي كل حاجه اتغيرت من وقت ما جيتي انتي… لقيت كل حاجه كنت مفتقدها .. ونيس حب حنان دفئ كل حاجه كنت محتاجها وكانت نقصاني انتي الي ملتي مكانها .. بحبك يا ري ري

رحمه مسكت أيده الي كانت علي خدها ورعد كمل كلامه .. تعالي ندخل ..علشان عايز اوريكي حاجه

رحمه بدموع. هو هو انا ممكن اخد اليفطه معايا البيت

رعد ضحك .. عيوني اليفطه وصاحب اليفطه تحت امرك تعالي يلا.  وسحبها وهو ماسك ايديها للبيت

رحمه شافت بيت كبير اوي من جوه ليه سلالم بتودي للدور التاني كان المكان جميل اوي اوي يعني ومتزين احلا من الي بره وفي كل مكان فيه كلام حب زي .. “كنت اعلم بأن الله لم يتركني الا ويعوضني.   وكان عوضه هو اجمل ما في الكون “

بحبك يا ري ري

غرام الرعد .. اسمك إلي انحفر في اعماق قلبي

 .رحمه فضلت تلف حولين نفسها بانبهار وبعدين بصت لرعد. كل ده ليا انا ..انا طيب يعني انا مش حلوه زي البنات الي عيونها خضره وشعرها اصفر وبنات فورتيكا دي

رعد ضحكت .. عرف انها دخلت علي صفحته الشخصيه وشافت كرستينا ..اولا دي كرستينا .. عميله من شركه اسمها المؤيدي  … ودي صوره للاخبار وبس .. بس بين عليكي متابعه وغمز

رحمه بتوتر.  لا متابعه ولا حاجه مش علشان دخلت علي صفحه الشخصيه بتاعتك الف وخمسين مره بالغلط يبقا متابعه

رعد ضحت بصوت عالي وانخطف قلب رحمه واتوترت

رعد بصلها . تعالي اقعدي انا.

رحمه قعدت علي الكنبه .. أهو جيبني انا ليه بقا

رعد طلع تلفونه وجاب فيديو… ومد أيده لرحمه … اهوو شوفي الفيديو ده  وقرري  هتعملي ايه.. بعدها.. قبل يدها. وحشتيني على فكره.. وكمل بابتسامه. بحبك يا مجنونه

رحمه بصتله بخجل وكسوف وبعدين اخدت التلفون وهي تحاول تداري ابتسامته وفتحت الفيديو   ورعد قام من جنبها ومشاا اختفي في البيت

رحمه بتتفرج على الفيديو بدموع

كان فيه حامد وهو بيقول كل حاجه وهو وعمر الجارحي الاخ التوأم للبس مهندس ادهم هم  الي قتلو عمها مش ادهم الجارحي

حامد بتعب… انا حامد باشا المنياوي .. اعترف أن مش البش مهندس أدهم الجارحي الي قتل محمود يونس انا وعمر الجارحي الي قتلناه انا حامد المنياوي الي قتل محمود يونس وعمر هو الي خطت لكده بعد موت ادهم.  عمر التحم شخصيت ادهم علشان يعرف ياخد الاملاك كلها لوحده

انا وادهم وعمر ومحمود كنا عاملين شراكه مع بعض وبعدها الفلوس كتر في أيدي طمعت فيها لوحدي فحولت اقتل محمود يونس .بس فشلت…. وحولت اقتل ادهم الجارحي وفشلت لحد ما نجحت وقتلته هو ومراته وابنه حطيته في ميتم وبعدين اتجهت لمحمود علشان اقتله أهو كمان تاني. بس فشلت … وانكشفت من عمر .. ساعتها هو الي قالي علي خطته تبين أن محمود انتحر مش انقتل ونفزت فقتلت محمود ولبستها في أدهم الي مات وكده طلعت من القضيه سليم وضربت عصفورين بحجر واحد …بعدها حسيت ان عمر هيكشفني بس بعديها قال إننا نقسم الفلوس وهو يسافر بعد ما جابر الجارحي طرده من البيت .. أخد مراته وسافر وانا كملت هنا في مصر .. واتجوزت وخلفت  أنا حامد باشا المنياوي .. انا قتلت ادهم الجارحي ومحمود يونس

الفيديو خلص

رحمه قامت وقفت و افكارها بتروح وتيجي ودموعها نزلت مش عارفه تفكر في ايه وازاي كل ده حصل.  وازاي هي قالت كلام قاسي لرعد .. مع انها المفروض تشغل دماغها شويه.  ازاي ادهم الجارحي يقتل عمها وهو ميت قبل ما تيجي علي الدنيا.  وعمها مات وهي عندها ست سنين

فضلت تدور علي رعد حوليها مش موجود . راح فيه

رحمه بصوت باكي. رعد .. رعد انت فين رررررعد

رحمه بدموع وانهيار . رعد انا اسفه علشان خاطري اطلع.

رعد طلع من الحمام وهو بينشف شعره … في ايه يا رحمه مالك

رحمه جريت عليه وحضنته جامد جدا ودموعها نزلت.  انا انا اسفه والله اسفه ..

رعد بعد عنها بزعل مصتنع . لا مش مقبول… انتي عارفه انتي قلتي ايه. قلتي اني كذاب.  اني ممثل شاطر اني بلعب بمشاعرك

رحمه مسكت أيده . انا اسفه

رعد بص الاتجاه التاني وسكت

رحمه بدموع ومسكت أيده بندم … رعد انا اسفه… والله اسفه.  أنا ماكنتش زعلانه علي أن ابوك قتل عمي. ..علشان انت ملكش ذنب … أنا زعلانه علي انك خبيت عليا مع انك قلت انك مش هتخفي عني حاجه تاني … انا اسفه. كنت بعمل كده… علشان اشوفك هتسبني ولا هتفضل متمسك بيا .. كنت بتدلع عليك يا رعد

رعد بصدمه …يعني ده كان دلع عليا مش زعلانه

رحمه بتوتر وابتسامه وهي تمسح دموعها ….تؤ تؤ دلع

رعد بصدمه. يا راجل .وانا الي كنت زعلان علي زعلك .

رحمه عيطت وقعدت علي الارض . ما انت مبقتش تحبني

رعد نزل لمستواها..طيب مين الي كان رافض يكلمني

رحمه بصتله ..انا

رعد ..مين الي قال مش عايزه اشوف وشك تاني

رحمه بدموع. انا

رعد بابتسامه.. ومين الي قال ابعد عني يا بش مهندس

رحمه بدموع اكتر. انا

رعد بابتسامه..يبقا مين الي يزعل انا ولا انتي

رحمه بدموع تفرك في عينيها. انا

رعد ضحك وسحبها من خصرها لحضنه وهمس.. طيب خلاص  اهدي .

رحمه بدموع. لسه بتحبني

رعد شدد عليها في حضنه.. قولي بقيت بعشق نفسك .يا ري ري

رحمه همستله بحب كبير وخجل .. بحبك يا رعدي

رعد فضل مصدوم شويه وبعدين طلعها من حضنه .. قلتي ايه

رحمه بكسوف ..لا بس بقا

رعد قبل يدها ..علشان خاطري .قلتي ايه

رحمه بحب وهي تنظر لعيونه الرماديه ..بحبك يا رعدي بحبك

رعد بضحك .مين رعدي ده انا اسمي رعد

رحمه شددت علي أيده وحضنت دراعه .. لا انت رعدي وبس ..بحبك يا رعدي

رعد حضنها جامد وهو بيحمد ربنا .. علي التعويض الي ادهوله حضنها بكل ذرة حب .. بكل عشق … رعدك رعدك …..بحبك يا غرام الرعد

❤️””””””””””””””””””””””””””””””””””””””””””””””””❤️

عند زهراء ومروان ..

شويه وجابو تورته وكانت محطوت عليها صوره لزهراء

الكل. سنه حلوه يا جميل ..سنه حلوي يا جميل

زهراء طفت الشمع هي وريوان و ريتاج مع بعض

مروان اد هديته لزهراء الي كانت عباره عن خاتم الماظ جميل اوي وصغير مش كبير

مروان وهو بيلبسها الخاتم … بحبك يا زهرة قلبي

زهراء بكسوف . احم شكرا يا بش مهندس

مروان بضحك..بش مهندس

مروان بهمس ليها. بكره هتبقي في بيتي ..يا جميله

زهراء بنفس الهمس ..لم يجي بكره ده

أم ريوان ومراد

مراد قرب منها وهمس . اسف

ريوان بصتله وبعدين جات تمشي مسك ايديها

مراد بعصبية. هو فيه ايه بقا هو انا هجري وراكي .. ماقلت اسف.  وبعدين .. انتي عارفه انا  مين.  مراد سالم الالفي يعني … البنات تتلقح تحت رجلي وانا ولا اعبرها .. مش هتيجي واحده زيك وجريني وراها

ريوان بصتله بصدمه والدموع في عينيها سحبت ايديها من أيده بزعل… وانا مطلبتش منك تحبني يا بش مهندس .. وثانيا .. انا بكرهك يا مراد .. وبصتله ومشيت بعدين عنه

مراد ضرب رجله في الأرض بعصبية وراح لمروان ..

ريتاج .. طيب يا طنط جيه… طيب متعرفيش ماما فين .. …. طيب. جيه.. خليها عندك وانا خمس دقائق و هكون عندك ..وفصلت

اسامه ..في ايه

ريتاج بتوتر . انا لازم امشي…دلوقتي .. اسفه جدا وكانت فرصه سعيده ..

اسامه .. طيب استني اوصلك

ريتاج بعصبية. هتوصلني بصفتك ايه. لو سمحت. متتجاوزش حدودك معايا .. انا مش عارفه ليه كل بيدخل في الي ملوش فيه ..

اسامه بصلها بعدم فهم وصدمه بس قال بأسف.  انا اسف يا انسه ريتاج . بس شايفك متوتره فقلت اوصلك .. علي العموم اسف. ومشي

ريتاج وقفت عايزه اروح تتاسف وفي نفس الوقت المشكله الي في البيت ..بس جريت لزهراء

ريتاج بابتسامه خفيفه . انا لازم امشي يا حبيبتي ..

زهراء بابتسامه.. هتروحي فين وبعدين ما احنا هنمشي سوي استني.

ريتاج .معلش علشان في موضوع في البيت ولازم امشي..

ريوان بحزن .استني خديني معاكي .. انا كمان تعبانه وعايزه امشي

مراد واسامه واقفين جنب بعض بيبصلهم

مروان . طيب تعلو يلا نوصلكم …

زهراء بابتسامه..تمام يلا. هي رحمه فين

مروان بابتسامه..رعد هيبقا يوصلها يلا

الكل ركب العربيه

مراد ومروان والبنات في عربيه واسامه استأذن أنه هيمشي وفعلا مشي بعربيته

زهراء بهمس ..هو في ايه

ريتاج بهمس . بابا وماما اتخانقو وبابا طلق ماما

ريوان وزهراء ..نعم ..

مروان باستغراب..في حاجه

زهراء . لا يا حبيبي . بنتكلم بس.

مروان بابتسامه..ماشي.

ريوان باستغراب ..طيب وامك فين

ريتاج بتوتر وحزن ..عند طنط سها الي جنبنا

زهراء طلعت تلفونها ورنت علي  امها .. الو يا امي. عامله ايه يا حبيبتي

الام ..اتاخرتو ليه يا بت انتي

زهراء بضحك .بقا أنا بقولك يا حبيتي. تقولي يا بت. ماشي يا امومه.المهم.عمو سليمان . طلق طنط صابرين

الام بصدمه. ايه أمته ده

زهراء .. اه لسه من شويه وريتاج زعلانه فهنروح معاها علشان… نحاول نصلح الأمور … وانتي تعالي بتاكسي تتكلمي مع طنط صابرين

الام .. تمام يا حبيتي .. روحو معاها متسبوهاش ..يا زهراء

زهراء. سلام يا عيون زهراء

الام بضحك . سلام يا ختي…

زهراء لريتاج .ماما في الطريق لهناك وان شاء الله مش هيحصل حاجه ..

ريتاج دموع. يا رب

????،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،????

في غرام الرعد

رحمه قاعده علي الكنبه وماسكه البوم الصور .. مين دي

رعد بيبصلها بتوهان . حبيبتي

رحمه بغيره. نعم

رعد فاق لنفسه. في ايه

رحمه بعصبية.. بقولك مين دي تقول حبيبتي

رعد بص علي الصوره لقاها بنت.. اه دي فاطمه بنت عمي. عمر. بس اتوفت من زمان انا اكبر منها بسنتين

رحمه بابتسامه. ماشي بحسب كنت اقتلك

رعد شدها لحضنه وبص لعيونها .. وهون عليكي .

رحمه هزت راسها بلا زي الاطفال .. لا

رعد بأس جبينها وضحك

رحمه بعدت عنه .. وكملت انها تتفرج علي الصور… دول مين ايه ده ده شبهك اوي .وبس عيونه زيك .والشبه زي الصور الي ورهالي الراجل ده ..

رعد اخد منها الصور . بصي يا ستي. ده البش مهندس ادهم .. ودي مراته الي هي امي اسمها بص لرحمه ..مش فاكر .. المهم أن دي امي

رحمه بحزن .هو انت ليه مبتقولش بابا وماما

رعد بابتسامه. مش عارف ممكن علشان عمري ماحسيتهم ….. فرت دمعه من عيونه بس مسحها بسرعه وبص لرحمه .. استني هوريكي عمي ..  اهو يا ستي. ده بقا عمي عمر

رحمه شالت الصور م أيده وحضنته بحزن بعد ما شافت الدموع الي كانت في عنيه .. لو مش عايز تفتكرهم مش مهم اشوفهم .. انا مكتفيه بيك انت

رعد طلع من حضنها ومسح دموعها . لا يا حبيتي.   عادي…

رحمه قالت بهزار . عايزه اشوفك وانت صغير

رعد ضحك .. ثواني ..وفضل يدور في الصور .. أهو. شوفي

رحمه  بصدمه. اييه ده انت

رعد بابتسامه.. اه مش شبهي

رحمه بصتله.. اصلي الصراحه .. كنت بحسبك هتبقا مكشر وعصبي وكده يعني.. لا بس طلعت ظريف ولطيف وعمري ما اتخيلتك صغير

رعد ضحك علي كلامها .. يعني انا جيت علي الدنيا كبير …. لا اكيد كنت صغير ولطيف وظريف  .بس.. الدنيا هي الي بتبني الشخصيتك يا رحمه … وانا شفت كتير في حياتي. فا علشان كده بقيت كده بقيت البش مهندس رعد الجارحي .. غول معمار .. الوحش النائم ..

رحمه ابتسمت ليه .. انا بحب شخصيتك اوي علي فكره

رعد قرب منها بخبث .. لا وانا بحبك اكتر  علي فكره متعرفيش كده

رحمه بتوتر . رعد بطل قلت ادب عيب يا حبيبي كده

رعد وهو ينظر لشفتيها.  طيب بعد حبيبي دي منش باعد وقرب منها اوي

رحمه كانت متوتره مع قربه ..

لاكن قطع لحظتهم رنين تلفون رحمه ..

رحمه بتوتر. رعد التلفون بيرن ابعد ..

رعد كان كل مغيب عن الوعي.  سيبك منه

رحمه بابتسامه..مينفعش ابعد بقا… رعد ابعد ..وزقته

رعد بعد وحط أيده علي وجهه بغضب

رحمه بصتله وضحكت علي شكله وردت علي ريتاج

رحمه بابتسامه .قلبي

ريتاج بدموع. انتي فين

رحمه باستغراب . مالك يا عمري… انتي كويسه مالك بتعيطي ليه

في الوقت ده رعد كانت بيبوس في اديها ويبصلها

ريتاج بدموع ..  بابا طلق ماما .. يا رحمه

بحاول انا زهراء وريوان نصلحهم مش راضيين

رحمه بصت لرعد بعصبيه لانه بيبوس باطن اديها.. طيب يا حبيبتي اهدي وانا جيه أهو يا حبيبتي.  خليكي مع طنط صابرين علشان هتبوظ الدنيا.  سلام

ريتاج. سلام

رعد شدها ليه .  هتروحي فين

رحمه بتوتر. طيب ابعد علشان اعرف اتكلم

رعد بابتسامه ..خليكي كده و اتكلمي

رحمه بتوتر وخجل .بصو يا سطا. لازم امشي علشان ريتاج محتجاني .. انا عايزه امشي. ..

رعد بابتسامه ….تمام هوصلك .. وبعدين انا كمان عايز ارتاح علشان مسافر بكره

رحمه بصتله بصدمه .مسافر

رعد بابتسامه. اه ما انا قلتلك

رحمه بدموع ..بس انا فكرتك بتقول كده علشان ممشيش

رعد بابتسامه . لا يا قلبي ..مسافر….. روسيا بكره بليل أن شاءالله

رحمه .. هتتأخر هناك

رعد بابتسامه. شهر

رحمه حضنته.. هتوحشني اوي

رعد ضمها ليه بحب .. وانتي يا عيون رعد .

????،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،????

عند ريتاج

ريتاج بدموع.. بس يا ماما ..علشان خاطري خلاص بقا.

صابرين بدموع وانهيار .. طلقني .ومفكرش فيا ..

ريتاج بتمسح دموعها ..طيب اهدي يا حبيبتي. بابا بيحبك ومش هتهوني عليه

صابرين بدموع. ما خلاص هنت .. وطلقني

ساره ماما زهراء ورحمه باستغراب.  طيب و ليه تقفي تزعقي قصاده

صابرين. امال اسيبه يزعقلي وانا ساكته

ساره بتفهم. يا حبيبتي. انتي عارفه ان سليمان بيحبك .. بس هو لم بيزعقلك بتبقي انتي عامله حاجه غلط .وبعدين مش بالزعيق يا صابرين …. لقتيه متعصب مترديش وهو لم يهدأ هيجي يراضيكي .بس انك تقفي قصاده كده .. فا انتي بتصلحي الغلط بغلط

صابرين بدموع .يعني انا الي طلعت غلطان في الاخر

ساره بابتسامه. انا ملقتش كده .انتو الاتنين غلطانين .. ولازم واحد فيكم يتنازل دلوقتي ويروح يصالح التاني علشان الموضوع ينحل

صابرين . يبقا هو الي يتنازل ..

ساره قامت بعصبية. انت حره بقا. ودخلت البلكونه وزهراء وريوان وريتاج راحو لسليمان يتكلموا معاه

????،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،????

في الطريق لبيت ريتاج

رحمه بفرح… اليوم انهرضه احلا يوم في حياتي كلها اقسم بالله

رعد بابتسامه ويبوس اديها .. يارب ديما فرحانه كده

رحمه بصتله بحب.. بحبك اوي علي فكره

رعد ضحك .. بعشقك يا

رحمه بفرح. يا ايه

رعد بابتسامه وبصلها .. يا غرامي

رحمه انكسفت ووجهها احمر وبصت الاتجاه التاني

رعد باستغراب. رحمه

رحمه بضحك.. اسكت علشان انا عامله مكسوفه دلوقتي

رعد ضحك جامد علي جنانها .. وربنا مجنونه

رحمه بصتله ..وقف هنا بقا.  وصلنا ..شكرا اوي ..

رعد بأس ايديها .. خليك بالك من نفسك

رحمه بابتسامه. حاضر. سلام

رعد حضنها وهمس . بحبك يا غرام الرعد

رحمه بنفس الهمس.. علي فكره انت كل مره تحضني و احم.. مع انك قلت مش هجيب جنبك غير لم تبقا قدام الكل مراتك

رعد خرج مع حضنها.   وفاضل مين ميعرفش انك مراتي.  تقريبا مستشفي الجارحي كلها عرفت انك مراتي. ومروان وريوان وزهراء ومراد واسامه وريتاج. فاضل مين

رحمه قربت منه وبهمس… ادخل من الباب يا بش مهندس. احنا بنتنا مش اي بنت .. يا باشا

رعد قرب وجهه ومنها .. دي ست البنات كلها ..

رحمه ابتسمت ونزلت وهي مكسوفه .. سلام .ومشيت وهي تشاورله وبتضحك .

غافله عن من كان يشاهدها من بعيد وهو مصدوم فكانت ساره والدتها الي شافتها وهي نازله من عربيه وبتضحك واتخيلت راجل قاعد في العربيه بس مش عارفه تشوفه .. دموعها نزلت.  هل بنتها الي ادتها ثقتها كلها .  تعمل حاجه زي دي …. مسحت دموعها ودخلت جوه

الباب بيخبط ..دق دق

ساره بهدوء. انا هفتح  وراحت تفتح .

رحمه بابتسامه . ايه ده دي ساره هنا. حضنتها .. اقسم بالله وحشتيني

ساره بهدوء . وانتي كمان يا حبيبتي.. ادخلي

رحمه باستغراب. مالك يا امي

.الام.. كويسه يا رحمه.  شوفي خالتك صابرين .

رحم دخلت لصابرين . مع اني زعلانه منك وشايله كتير منك. بس متهونيش عليا.  اسيبك وانتي مطلقه. يا وليه دانتي المفروض تفرحي… وهي تقعد .الله ياني يقطع الجواز وسنينه السوده ي اختي .. دانا ياختي بصحي من الساعه 9 الصبح انضف واغسل وامسح.. وأحضر الغدا للبيه. ااااه يا عصعوصتي ياني

صابرين ضحكت وهي بتمسح دموعها . مجنونه…

رحمه بابتسامه .. قوليلي يا ختي عمل فيكي ايه الرجل الي من غير قلب ده …  كل الرجله كده يختي.   اااه اااه..مفاصلي. عضمي. جسمي. الواحد ياختي عايز قطع غيار بني ادمين

الكل. هههههههه

صابرين ضحكت ….. هههههه دا انتي مصيبه

رحمه قامت.  هروح اشوف سلومتي بقا ..

صابرين بعصبية. سا ايه يا ختي

رحمه بغمزه . سلومتي. ايه مش بقا سنجل. بأس ….. يعني خلاص هروح انا بقا استغل الجو. قصدي .ارجعكو لبعض. .. وهي تقوم من علي السرير.  ااااه يا مفاصلي..خدي بايدي يا ختي. .. دانا زي مامتك برضو

زهراء وهي تشدها.تعالي يا حجه قومي

رحمه وهي ماشيه قلت لساره… بقا عنك عروسه. أهو جوزيها بقا ..

الكل .هههههههه

عند سليمان

رحمه دخلت … قلي عملتلك ايه الوليه النكديه دي ..معلش معلش يا خويا…. كلهم كده… مبيطمرش فيهم حاجه .اخص عليها وليه خاينه

سليمان ضحك .. تعالي يا مجنونه ..

ريوان وريتاج وزهراء دخلو  وراها ..

رحمه وهي قاعده.. اه اه يا رجلي. قلي يا  سليمان يا خويا .. الواحد مبقاش قادر يا خويا…  نطلع من الصبح علي الشغل في عز الحر ونيجي بليل علشان نوفر ليهم الكل واشرب وفي الاخر احنا الي غلطانين

سليمان ضحك . يخربيتك … عقلك مفوت اقسم بالله

رحمه بضحك.. وآلله يا سليمان يا خويا وماليك عليا حلفان .. السنجله جنتله…. سيبك من الوليه دي .. خليها هي تروح بقا تتحوز حد تاني وتخلف… وانت عيش حياتك سنجل فنتل عنتل .

سليمان بغيره ..هي مستحيل تتجوز

رحمه بخبث وهي تقوم من علي الكنبه. ااااه يا عمودي يا فكري …

زهراء وريوان وريتاج ميتين ضحك ..

زهراء  بضحك.. فكري ههههههههه اسمه فقري يا جاهله

رحمه بضحك ياختي. أهو كله بيسند الظهر .. ها يا عمي. نقول مبروك

سليمان. علي ايه

رحمه بابتسامه وضحك…. علي الطلاق

سليمان بحزن .  مش هطلق انا بحبها

رحمه بصت للبنات وغمت

ريتاج جريت علي ابوها وحضنته .. هترجعها

سليمان بابتسامه.  اه يا روحي. انا اصلا مقدرش اعيش من غيرها.

رحمه بضحك. اااااه السنجله بتضرخ يا الزاويه

الكل هههههههههه

????،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،????

عند مروان ورعد ومراد واسامه

رعد قاعد بياكل عنب هو ومروان وبيبصو لمراد واسامه الي قاعدين سرحانين

رعد بص لمروان باستغراب ومروان رفع كتافه بمعني مش عارف.

رعد بجديه. لا بقا هو في ايه

مراد واستمع فاقو من شردهم ..في ايه

مروان باستغراب. مالكم انتو الاتنين

مراد . مالنا يعني

اسامه باستغراب.  ايوه مالنا

رعد رف حاجبه … طيب كنتو سرحانين في ايه

مراد بحزن بدأ يحكي كل حاجه حصلت بينه وبين ريوان

مروان بصدمه. نعم .وانت ليه تقولها كده يا مراد

مراد بحزن ..انا متعود أن كل البنات بتحري ورايا .. لم ريوان تقلت عليا اتعصبت وقلت كده بعصبيتي

رعد وهو بياكل عنب بكل برود .وانت يا حضرت الظابط

اسامه تنهد وحكي كل حاجه .. وبعدين اصلا انا كنت عايز اوصلها مش اكتر. وطلعت بت شايفه نفسها كده… مفكراني انا اسامه ماهر هبصلها هي

رعد ببرود. بس انت قلت انها مقلتش انك بتبصلها ..هي بس رفضت توصلها .

اسامه بتوتر. ها.  سيبك منها بقا

مراد بحزن.  طيب وانا اعمل ايه

رعد باستفزاز وبرود ..انساها

مراد بعصبية. رعد بطل ام الاستفزاز و  البرود ده بقولك متنيل  بحبها اوي

رعد مسكه من لياقت قميصه بعصبية… صوتك لو علا عليا تاني.  هقطع لسانك ده

مراد بخوف .خلاص يا غول.. انا قايم اروح بكرامتي احسن

مروان فك مراد من ايد رعد. ……خلاص بقا ي رعد… وانت يلا خليك قاعد ام نشوف هنتصرف ازاي ..

مراد ومروان واستمع بصو لرعد الي بياكل عنب ولا هو هنا .. رعد

عد بصلهم. اممم  .. لقاهم بصله بترجي فهم…. لا انسو .. مليش فيه. هو انا كنت خلفتكو و نسيتكو

مراد بترجي. بالله عليك يا رعد بقا ..لقيلي حل الي هتروح مني

رعد وهو يتجه للثلاجه.. انا مالي .. مش انت الي متسرع.  زي اخوك

مراد بص لمروان وبعدين بص لرعد.. اعتبره مش اخويا ولقيلي حل بقا

رعد بيشرب عصير مانجا … تصدقوا العصير ده حلو اوي … عايزين

اسامه ومروان ومراد … رررررعد

رعد ضحك ..لا

????،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،????

عند بيت ريتاج

رحمه دخلت لصابرين والبنات وراها ..وقعدت علي السرير. بحزن مصتنع

رحمه بحزن. بصي يا صابرين يا اختي .. مش نصيبك. هنقول ايه كل حاجه قسمه ونصيب…  سليمان ابننا مش عايزك. قال أنه

صابرين بدموع ..أنه ايه. اوعي تقولي أنه هيجوز عليا

رحمه بصتلها بحزن… سلين ..اسمها سلين.  سين وسين وكده يعني .. بس البت ايه فرتيكه ..عيونها خضر وشعرها اصفر زي الشمس …. وشفيفيها. دا الي شفيفها . دي جاهزه للبوس علي طول…. ربنا يعوض عليكي

صابرين عيطت.  كده يا سليمان. كده. تكسر قلبي. .. دانا بحبك

سليمان دخل من الباب. وسليمان كمان بيحبك اوي

الكل ما عدا صابرين وساره ….ههههههههه

صابرين بصدمه. سليمان.  وجيت عليه وحضنته.  متتجوزهاش يا سليمان علشان خاطري .. انا بحبك اكتر منها

البنات انسحبوا لبره وسبوهم

????،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،????

في قصر الجارحي

رعد نايم علي الكنبه ومراد ومروان واسامه مكتفينه ومراد قاعد علي ظهره.

رعد ضحك .يعني كده هتعرف يعني

مروان بزهق… قول بقا يا رعد .. يعمل ايه

رعد بعصبية.. يابني انت وهو اعقلو بقا وانتو مش صغيرين .. علشان احل مشاكلكم

مروان بضحك… انت اكبر واحد فينا يعني مسؤول عننا

رعد بعند. مش هتكلم

مروان .. انا بفكر كلنا نطلع نقعد فوقه احسن

رعد .  طيب خلي الحيوان ه ينزل من علي ظهري وانا هقول ..

مروان بأمر .. انزل يا مروان

مراد بضحك .ما تخليني كده شويه…

اسامه ضحك .اننزل يابني….. بدل ما يقلب علينا. احنا مستغلين فرحته بأن رحمه اعترفت خلاص .. والله  لو عملنا فيه كده في يوم تاني كان قلب علينا البيت… ربنا يستر

رعد .  طيب سبوني وانا هدفنكم بالحياه يا حيوان منك ليه

مروان بخوف. انزل يا مراد ..

مراد نزل وأسامه ومروان ومراد جريو كل واحد استخبي ورا كرسي

مروان بخوف من ورا الكرسي .. اي حركت غدر.  هنضرب في المليان

اسامه بضحك . يا وحش كنا بنهزر معاك

مراد بنفس الضحك . ياسطا. احنا بنقدم الكفن

رعد مكنش موجود ..

مروان بص من ورا الكرسي.  الله هو راح فين.

مراد واستمع بصو برضو. ولقوش رعد ..

رعد من وراهم ضرب رصاصه من المسدس في السقف

مروان ومراد واسامه انخضو وبصو وراهم بخوف لقو رعد واقف بكل شموخ وعصبيه وماسك المسدس

رعد بعصبيه .. المسدس ده فيه رصاصه واحده . وزي ما تيجي بقا.

مروان ومراد وأسامه خافو وجريو في البيت كل واحد في طريق .

ورعد بيدور عليهم

مروان من ورا الكنبه.  رعد اهدي دانا مروان صاحب عمرك

رعد جبهم التلاته وقفهم قدامه  وهو قاعد علي الكنبه ورافع عليهم المسدس … بقا أنا البش مهندس رعد الجارحي. يتعمل فيه كده.  دانا هشويكو

رعد شاور بالمسدس علي مروان… روح هات عصير مانجا من التلاجه

مروان . بس

رعد بعصبية.  انجز

مروان بخوف. ماشي ..ومشا

رعد شاور علي مراد… انت.  تعالي بقا اعملي مساج اكتفي .. علشان معسلق

اسامه ضحك .هههههههه ..ورعد بصله بعصبية فسكت

مراد راح يعمل لرعد مساج .. ربنا علي الظالم والمفتري

مروان جه بالعصير ..

رعد .. خليك بقا ماسكها ….. وانت و شاور علي اسامه … اعملي اكل علشان جعان

اسامه . طيب ما تطلب وتخلصني

رعد بعصبية. نفذ الي قلته يلا

اسامه بخوف. حاضر

????…………………………………………………………………………………….????

في بيت رحمه

الام دخلت من الباب ورحمه وزهراء وريوان وراها بعد ما رجعو سليمان وصابرين لبعض تاني

رحمه ضحكت .. والله كان يوم حكايه …. لاكن تنصدم بصقعه قويه علي وجهها من ساره

رحمه بصدمه ودموع ..ماما

زهراء بصدمه .ماما في ايه

ريوان مسكت رحمه . في ايه يا ماما ليه كده

ساره بعصبيه قربت من رحمه .. مين الي كنتي نازله من عربيته ده

البنات انصدمو

رحمه بدموع. ماما انا .. قطعها صفعه قويه  من ساره ..

ساره بعصبية… متكذبيش .. انا شفتك وانتي نازله من عربيته ….

يتبع…..