رواية أشواق وحنين الفصل الثلاثون 30 والأخير بقلم زهرة الريحان
 |
| رواية أشواق وحنين الفصل الثلاثون 30 والأخير بقلم زهرة الريحان |
رواية أشواق وحنين الفصل الثلاثون 30 والأخير بقلم زهرة الريحان
بص بعينه بيدور عليها شاف عرفان واقف معاها كان هيتجن من اللي شايفه
إيه اللي جابه هنا وإيه اللي موقفها معاه في لمح البصر كان عندها
يازيد : مساء الخير سيد عرفان
عرفان رد عليه التحيه
يازيد ونار الغيرة والغضب طالعه من عنيه قال ل منال
يازيد : إنتي إيه اللي طلعك وحدك مش متفق معاكي اوصلك
منال وهي بتتلاشا النظر في عنيه خوفا من غضبه الثأر
أنا صدعت من صوت الدي جي ماتحملتش طلعت
يازيد : سلامتك طب يلا اوصلك
عرفان : خلاص يا باشمهندس أنا هوصلها في طريقي
يازيد : وحضرتك تعرف منين أن منال هنا هو بيسأل بدافع الغيرة مش واخد باله بيقول إيه فتنحنح وقال أقصد يعني هو عمي أمين بعتك تاخدها
عرفان : أولا أنا معرفش مكان منال
ثانيا عم آمين مكلمنيش في حاجة زي كده أنا كنت في بيوتي سنتر اللي قدام شويه معدي من هنا شوفت منال واقفه عديت عليها آدي كل الحكايه
يازيد : طيب مانعطلكش عن مصالحك أنا هوصلها
وعدت عم أمين زي مخدتها أجبها
عرفان : لاه أزاي تاجي دي لا يمكن يحصل أبدا أنا هوصلها
يازيد حس بغيرة عرفان علي منال بس مش غيرة عاشق لا غيرة واحد علي بنت خالته منه وهو يعتبر غريب برضوه عنها فهو أولا… فسكت ركبت منال مع عرفان وهو حط كل غيظه وغضبه في عجله العربيه ضرب رجله جامد فيها هو بيقول طيب يا منال اصبري عليها
**********************
وصل عرفان قصره بعد موصل منال بيتها قابل أمه فقال مساء الخير يا حجه
وجيهة : مساء الهنا يا ولدي كنت فين ده كله وأيه اللي فى إيدك ده
عرفان بارتباك : ده …ده يا أمه
وجيهة : أيوه ده إيه إنت مش مجمع كلمتين علي بعض ليه أيه اللي في يدك ده
عرفان : ده فستان وكام طقم أكده
وجيهة بمكر وبتسامه : دول لاختك مريم
عرفان : أباي عليكي إنتي خابره زين دوال لمين بس بتحبي تحرجيني أكده والسلام
وجيهة : هههههههههههه ربنا يصلح حالك يا ولدي اطلعلها قبل متنام لسه البنت بدور مطلعلها الوكل
طلع عرفان عندها خبط المره دي علي الباب سهام من جوه تعالي يا بدور
عرفان فتح ودخل وقال بس أنا مش بدور ممكن أدخل
سهام شافته قامت مفزوعه راحت آخر السرير وقالت مانت دخلت أهو عايز إيه تاني اتفضل أخرج بره
عرفان كان أصلا جاي يتأسفلها شاف طريقة كلامها ادايق وكبرياءه منعه فقال
أنا مش جاي أحب في جنابك ولا جاي لسواد عيونك خدي ده البسيه بكره ورماه في وشها وكمل كلامه علشان تليقي باسم عرفان بيه وسط الحريم مش بعمل كده لسواد عيونك
سهام : شكرا مش عايزه مش هحضر أصلا
عرفان : الفستان عندك بلاوازمه وابقي متلبسيهوش وتنزلي بيه…..
وسابها وطلع بيكلم نفسه إيه ده هو في كده مخ إيه ده
************
تاني يوم معاد حفله وسام
الكل متجمع في جنينه ???? القصر عرفان واقف يستقبل الضيوف هو ومحمد و وسام والحج وهدأن دخل جاسر من بوابه القصر استقبله عرفان
محمد ل وسام إيه اللي جاب البيه ده هنا
وسام : عازمه عرفان علشان يصلح الموقف بينكم
محمد بحده : ومين قالك أني عايزه يتصلح الموقف أنا
وسام : بقولك إيه أهدي كده وخلي الليله دي تعدي علي خير
محمد : انا داخل جوه بدل مرتكب جنايه النهاردة
وسام مسك ايده تعالي بس سلم وادخل لسه مخلصش كلامه ونادم عرفان عليه
عرفان : محمد تعالي سلم علي الدكتور جاسر ده ضيف عندينا
محمد راح ل عنده ومن غير نفس قال : أهلا
بدله جاسر السلام بنفس نبره الصوت الاتنين مش طايقين بعد خالص
وسام خاف الجو يتعكر خد جاسر وقوله تعالي معايا أعرفك علي باقي الضيوف وخده ومشي من قدامهم
محمد ل عرفان اقدر أعرف جايبه ليه ده هنا
عرفان : أنا مش عارف أنت إيه اللي قالقك منه
محمد : مش مرتحله كده وخلاص
عرفان : هو ده السبب ولا غيران
محمد : …..ساكت
عرفان : أطمن يا واد عمي مريم عمرها ماهتكون غير ليك
وسابه دخل يشوف سهام لحد دلوقتي منزلتش ليه طلع عندها خبط ودخل يفكر هتعاند معاه زي كل مره بس أتفاجأ من اللي شايفه قدامه ملكة جمال فستان بسيط جدا بس عليها في منتها الجمال حورية خارجه من البحر تاه في جمالها
هي كمان شافته أرتبكب جامد كأن أول مره تشوفه لابس بدله تاهت في وسامته
ساد الصمت بينهم فتره….. قطع الصمت ده صوت بدور وهي بتقول
بدور : ست هانم الحجه وجيهة بتقولك استعجلي وانزلي الحريم كلاتها تحت بتسأل علي مرات عرفان بيه
بصوت مهزوز قالت: طيب يا بدور هلف الطرحه وانزل بتلف تجيب الطرحه
عرفان شدها ليه وقالها : أستني
سهام : في إيه مش سامع عايزه انزل
عرفان لاحظ آثار عنفه معاها اخر مره لما كان عندها علي رقبتها مال عليها باسها في نفس المكان وقال آسف
سهام لأول مره متبعدوش عنها يمكن حست بصدق كلامه واسفه
عرفان كمل كلامه وقال : أوعدك مش هتتكررر تاني ومسك ايدها لبسها خاتم الجواز وباس إيدها وخدها ولسه هيقرب من شفايفها قطعتهم مريم
مريم : إيه دا كله يا سهام كله ده بتلبسي
مريم شافت عرفان والوضع اللي كانوا فيه اتحرجت جامد وقالت
مريم : أسفه بعد ازنكم
عرفان بعصبيه بسيطه مافيش حاجه تعالي انا كده كده كنت طالع وكمل كلامه. …… بيت إيه ده اللي الواحد مش عارف يقول كلمتين علي بعض
ضحكت مريم علي كلام أخوها وقالت لسهام هو أنا جيت في وقت غلط ولا إيه وبتغمزلها
سهام اتكسفت جامد ودارت كسوفها وهي بتلف طرحطتها يلا مريم الحجه وجيهة زمانها خاربه الدنيا علينا
مريم :هههههههه يلا يا ستي
أنا قولت برضوه أبيه عرفان ميتقاومش يا بنتي ده عليه كارزما
سهام : انتي ريقه أوي والله وسابتها ونزلت تجري علي تحت من كسوفها
********************
نزلت سهام خدها عرفان يعرفها علي االموجودين
كان موجود منال وأمين سميحة دخلت جوه عند الحريم
وأمين راح عند الحج وهدأن
فضلت منال بس في الجنينه شافها يازيد راح لعندها
يازيد : واقفه لوحدك ليه
منال : أبدا كان معايا بابا سابني راح عند صاحبه
إنت عامل إيه
يازيد : يهمك أوي
منال : عادي يعني ده ماكنش سؤال
يازيد : ليه سبتيني وخرجتي يوم الحفلة
لسه هترد عليه جه عليهم عرفان ماسك أيد سهام
عرفان : أحب اعرفكم الدكتورة سهام ….مراتي
يازيد : الف مبروك تشرفت بمعرفتك
منال اتاخدت شوية بس رجعت اتمسكت بسرعة وقالت
منال : ألف مبروك
سهام : الله يبارك فيكي
عرفان : عقبالك يا باشمهندسه
منال : بس أنا فعلا مخطوبه
عرفان : ومين سعيد الحظ ده وحصل أمتي
سهام بصت علي يازيد اللي هو نفسه في زهول وقالت : الباشمهندس يازيد خطيبي// وحصل أمتي دلوقتي حالا قالتها بطريقة واحدة مجروحه في كرامتها عايزه تنقذ اللي فاضل منها مش عامله حساب
للي واقف جنبها مجروح من افعالها بتستغله
كان هيبقي أسعد راجل في الكون لو اللي قالتله ده
ملوش أهداف
شاف أمين الجو متوتر عند بنته راح عندها
عرفان أول مشافه قال : مبروك ل منال يا عم أمين
أمين بص لبنته باستغراب ويازيد شافها متوتره مش عارفه تقول إيه
لحقها يازيد وقال : انا اسف يا عمي كلمت منال قبلك
أنا طلبت أيدها وهي وافقت ده بعد ازنك طبعا
أمين عارف دماغ بنته وعارف أن يازيد بيكدب
وأكيد هي لما شافت سهام مع عرفان عملت كده
وسبق وعملتها قبل كدة فحب يعاملها بنفس طريقهتا
اللي هيا يحطها قدم الامر الوقع فقال :-
أمين : وأنا موافق يا بني بس بشرط كتب كتاب ودخله مع بعض
يازيد : وأنا موافق يا عمي
*************************
منال ل يازيد بعد ما مشي أبوها شكرا أنا أسفه أنا مش عارفة أصلا
عملت ليه كده لو حابب الجواز يكون فترة
وبعد كده نطل
يازيد : متكمليش أنا معملتش كده علشانك
عملت كده علشان الرجل الطيب اللي فتحلي بيته
مايحسش بلحرج من بنته قدام الناس
لاكن إنتي من النهاردة ملكيش أي وجود
إنتي انسانه أنانية مش بتفكري غير في نفسك وبس
مفكرتش باللي عملتيه ده جرحني قد ايه
لدرجة دي إنتي إنسانه استغلاليه…. أنانية
استغلتي حبي ليكي أسوأ إستغلال
أنا اللي المفروض اتأسف ل قلبي اللي حب واحدة زيك
************************
محمد طول اليل شايف مريم بس هو قرر يتجهلها
خالص كفايه باقي زل وأهانه دي ماكنتش غلطه
غلطها استاهل عليها كل ده منها
عينه جت في عنيها / لو كانت العيون بتتكلم كانت
قالت علي شوقه وحنينه ليها
أشوق وحنين ليها ميتوصفش هي كمان بتبادله نفس
النظرات بشوق اكبر وحنين فايض بس لما يجتمع
الحب مع الكبرياء يا هل ترا مين اللي بيفوز
(الحب أم الكبرياء )
**********
جاسر لقي مريم واقفه لوحدها في الجنينه رحلها
جاسر : مساء الخير
مريم : مساء النور دكتور جاسر ازي حضرتك
جاسر : الحمدلله وكمل كلامه إنتي اللي عمله إيه
أخر مره رجلك اتلوت منك ومعرفتش أطمن عليكي
مريم : أنا كويسه الحمد لله // انا اللي بعتذر لحضرتك علي اللي عمله محمد
جاسر : خلاص يا أنسه مريم حصل خير
جاسر : مريم
مريم : مممممممم
جاسر : بصراحة كده ومن غير مقدمات انا معجب بيكي وبشخصيتك وبذكائك وبجمالك طبعا
مريم اتكسفت منه جامد ومش عارفه تقول إيه
جاسر : لو طلبت إيدك يا مريم توافقي ؟؟
(كله ده وعيون من بعيد تقدح نار مراقبه كل اللي بيحصل )
*********************************
وسام شاف جاسمين وسط الحريم بعتلها رساله قالها تطلعله بره في الجنينه وصلت رسالته قرتها وفعلا رحتله في الجنينه وسام أول مشافها جري عليها وبلهفه قال : وحشتيني وحشتيني أوي اليومين اللي مشفتكيش فيهم مش قادر يا جاسمين علي بعدك كفايه كده انا هروح اطلب إيدك دلوقتي من عرفان ايه رأيك؟
جاسمين بكسوف : علي فكره أنت مستعجل أوي وناسي اني عندي كليه.. وكليه طب مش كليه عاديه دي سبع سنين
وسام : كملي وأنتي في بيتي علي زمتي شايله اسمي وأنا عمري مهعطلك عن حلمك ولا نجاحك انا هساعدك كمان في تحقيق حلمك
جاسمين : …..ساكته
وسام : علشان خاطري وافقي
جاسمين :أبتسمت
وسام بفرحه : ضحكت….يبقي قلبها مال وخلاص الفرق مابنا اتشال ههههههه
جاسمين : هههههههه أنت بقيت شاعر كمان كنت مخبي الكلام الحلو ده كله فين
وسام : ليكي وعلشانك خبيته إنتي أجمل حاجة
حصلت لي يا جاسي
جاسمين :أول مره تقولي جاسي
وسام : ومن النهاردة إنتي أسمك فرحه علشان انتي
فرحه عمري اللي جايه
جاسمين : هههههههههههه كفايه يا وسام أنا حاسه نفسي في حلم
وسام خدها من أيدها وقال تعالي نخلي الحلم حقيقة
وراح بيها عند عرفان والحج وهدان ومحمد كلهم كانو مجتمعين
وسام : عمي وهدان أنا بطلب أيد جاسمين منك
وبص علي عرفان وقال بعد ازنك يا عرفان
عرفان : لا خد راحتك يا حضرة الظابط الليله ليلتك
الحج وهدان : وأنا معنديش مانع
محمد : بص علي أخته لقه القبول باين في عنيها فراح قال
الف مبروك يا وسام واحنا مش محتاجين نسأل العروسة
واضح أنها موافقه
جاسمين : هنا اتكسفت جامد وقالت بعد ازنكم
وسام : يعني ينفع نكتب الكتاب الخميس الجاي
الحج وهدان : هههههههه أنت مستعجل قوي كده ليه
وسام : طيب وهنستني إيه
الحج وهدان : إحنا نعمل خطوبة وبعد سنه نكتب كتابكم
وسام : عمي أنا عايزها تبقي مراتي علي إسمي والفرح بعد السنه أيه رأيك
محمد : خلاص يا بابا خطوبة ولا كتب كتاب مش فارقه
وسام : مأزون البلد هنا نخلي الفرح فرحين ونكتب الكتاب
وهدان : لا ده كده الجنان بنفسه
وسام : علشان خاطري يا عمي توافق
عرفان : روح يا وسام هات المأزون
وهدان : طب بس
محمد : خلاص يا بابا سيبهم يفرحو
عرفان : بكره ولا النهاردة ولا بعد سنه مصيرهم لبعض يبقي ليه التأجيل
وهدان : مدام أنتو شايفين كده علي بركه الله
اتعالت الزغاريت بعد كتب الكتاب
وجيهة خديت جاسمين في حضنها وبركتلها
وفاطمه بركت ل وسام
والكل مبسوط
وسام تسمحيلي مراتي يا ماما حضرتك وخداها في
حضنك وبركتيلها
أنا كمان عايز أبارك ولا إيه وشد إيدها وطلع بيها الجنينه
وجيهة : هههههههههههه جيل أخر زمن لا عاد خشه ولا حياء
كلهم هنا ضحكو
وسام مع جاسمين في الجنينه
وسام : بقيتي مراتي علي إسمي لسه جاي يبوسها
صوت من بعيد نادم عليه
الشخص : وساااااام
وسام بيلتفت يشوف مين شافها قالها. أنتي إيه اللي جابك هنا
البنت : إيه يا وسام المقابله دي حد يقابل مراته كده
جاسمين : بصدمه إيه ……مراته
البنت : أيوه مراته إيه الغريب في كده
جاسمين : وساااااام إيه اللي بتقوله ده
اللي بتقوله البنت ده صح
وسام:………….ساكت
جاسمين : رد عليا صح اللي بتقوله ده……..دي تبقي
مراتك
وسام : نزل راسه في الأرض وقال أيوه
جاسمين لسه هطنطق سمعوا اصوات ضرب نار وصريخ جامد
طلعوا يجري عند صوت الصريخ لقو سهام حاضنه عرفان وبتبكي. …..وعرفان سايح في دمه
عرفان شايف دموع سهام قالها متبكيش
دموعك غاليه عليه قالها وفقد الوعي تمام
وجيهة بتبكي بحرقه علي ولدها وتقول قتلك يا ولدي
دي البداية # مش النهاية
يازيد هيعمل إيه مع منال
مين البنت دي اللي اتجوزها وسام؟؟
واتجوزها ليه أصلا؟ ؟؟؟؟؟؟
مين اللي قتل عرفان؟ ؟؟؟؟
ومات ولا عايش؟ ؟؟؟
مريم ردت علي جاسر قالتله إيه وفقت علي طلبه ولا لا
ده اللي هنعرفه في الجزء التاني من القصه
الجزء الثاني & حب وكبرياء
تمت…
لقراءة باقي فصول الرواية : اضغط هنا
نرشح لك أيضاً رواية سجينة زوجها للكاتب أحمد سمير حسن
