رواية هلع الفصل العاشر 10 بقلم آية
رواية هلع الجزء العاشر
رواية هلع البارت العاشر
رواية هلع الحلقة العاشرة
سما>> انت تعرف انه لو احمد شافك ح يحطك فالغرفة اللي جنبنا؟؟
رسلان >> ماركبتش الا لما شفته راقد فسياره
صكرت الدار على رندة ومشيت خطوتين وصبيت ورسلان ورايا
سما >> ليش جاي ؟
رسلان>> عشان نخششلك شعرك هضا جوا
سما >> كنكم كلكم جنكم وذباحكم فهل ايشرب والشعر
رسلان>> كلنا من 😒
سما >> مش موضوعنا توا شن تبي
رسلان>> كنك لابسه هكي ؟
سما >> انا فشنو وانت فشنو 🙂
رسلان>> طلعتي اللبسه والضي طافي ولا شن ؟ كنها البلوزة قصيرة والاكمام مرفوعه ؟ و الشعر هو اللي مغطي المحرمة هضا شنو
سما >> ايشرب مش محرمه 😒
رسلان>> اللي هوا ! سقميه باه لا وتسأل عليش جاي ، جاي نحق فالمنظر هضا
سما >> اول شي احكي بشوية وماتعليش صوتك ثاني شي يعني هذي غيره ولا شنو ؟ مش فاهمه انا
رسلان>> غيره من ؟ حد قالك طايح بوجي ولا شن! بس مدامك ان شاء الله خطيبتي و ه تكوني مراتي ف يبقى تحترمي الشخص اللي ح تكوني ع اسمه ومجبور نتبع لبسك ووين ماشيه وجايه عشانك قعدتي مسؤوله مني ! وصلت ؟ ولا بتقعدي رافعه خشمك
سما >> ماجبرتكش انك تخطبني مدام مش عاجبتك ولا عاجبك شكلي ولا لبسي انهيها مازلنا ع البر
رسلان اللي كان يحكي ب اعصاب>>مش ح تبطلي انتي من العناد و تصكير الراس ؟ لو بنفسخ را فسخت مش واحل فيها من جهة تقولي وافقت عشان عمي وعشان بنهرب من الضغط ومن جهة تقولي افسخ!وبعدين انتي ليش قاعده اصلا ليش بنات عمك مشن وانتي لي قعدتي
سما>> موسى خلاهن يمشن وانا احمد خلاني نقعد شن التعقيد هضا
رسلان>> طبعا في كل قصة لازم انتي فيها ، مع سالمة فازعه انتي ومع رندة انتي وانظر شن اخري برضو ح تكوني انتي
//
“سما”
كنت نشوف فيه وهو يحكي وما نبيش نكثر كلام عشان كان صوته عالي و كان عقلي وتفكيري كله في أحمد الي لو يركب ويشوفه ح يدير قصة وانا مش ناقصني وبرضو كان رسلان متنرفز مني بكل و اول مره يحكي معايا بالاسلوب هضا ماننكرش اني خفت منه وقتها ، رفعت يدي و قدمت الايشرب قدام ونزلت اكمام البلوزة وبحتت فيه
سما >> هكي تقدر تمشي ؟
رسلان >> قدامي ع الغرفه وصكري الباب
سما >> زودتها راه🙂
رسلان>> مازال هادي هضا كله ف خشي خير ما نقربع المستشفى على راسك “حبيبي الواعر🥹”
خشيت وانا مش فاهمه شن الحالة النفسية هذي جاي يتأمر ويمشي وماننكرش اني ما كنتش طايقته وقتها وفنفس الوقت خايفه منه ماكنتش حابه نشوفه هكي رغم اني نرفع في ضغطه صح بس كان ديما صبور معايا
رندة دوبها ناضت>> كنك
سما >> رسلان كان هنا
رندة ضحكت>> ياعيني
سما >> بطلي را نكمل عليك🙂
رندة>> سيمو تو نحن بروحنا عارفتك ماتبيش تحكي قدام لا البنات ولا عميمه ولا خوخه ولا الحد ديما شايله همك بروحك وكل ما حد يسألك تقولي تمام ، بس انتي تمام ؟
سما >> مش مهم نكون تمام اهم شي ميرا اتريح و اللي خلانا نقعدو مطرطشين هكي ياخذ جزاه بعدها ح نقولك انا تمام
رندة>> عطي روحك فرصة قربي الرسلان حبيه ، الحب يخليك تشوفي كل شي سمح مش معنى هكي انك تسيبي القضية و انك تنسي مافيش حد فينا نسى يلي صار لا جديده ولا احمد ولا بابا ولا عميمه ماحد فينا تخطى خيمة العزا وفجعتنا وقتها ولا ح نقدرو ننسو كيف عميمه سهام انهارت وخشت مستشفي ومعش طلعت بس كلنا بدينا نشوفو حياتنا هذي الدنيا شفتي ميرا اخر فترة بدت تقرب لموسى رغم انه كلنا عارفين كيف جابتله الجلطه😂
ضحكت >> انتي بس نوضي بسلامة ومعش تخوفينا عليك وكله ح يمشي والله بإذن الله انا واثقة في رحمة ربي ومتأكدة انه ح يقربلي كل خير
رندة>> وانا متأكده انه ح يقربلك رسلان🙊😂
سما >> قتلك المحقق مايبيش ياخد اقوال ما اقوال اخرى
رندة ضحكت>> خلاص عاد مش عرس هو 😂 مع انه خاطري نشوفه بكل
سما >> شوفيه بالطيب فكونا من التحقيقات والجرائم بس😂
رندة>> بلكي يجي بالطيب ليش لا ❤️
//
//
“رسلان”
مش عارف شن خلاني نمشي غادي وشن خلاني نفترش و نهزب بس بعد ما شفتها والمستشفي كان مليان اشكال دكاتره ع ممرضين ومرضى و ناس تراجي ما قدرتش ما نهزبهش خصوصا على لبسها اللي كان يجلط 🙂 وطولة لسانها معايا
طلعت من المستشفي بعد ما سقمت لبستها وواضح انها تمشي فيا عشان خايفه من تسير مشكلة ويجي عمها وتبيني نمشي
طلعت للسيارة وماشي شور الشغل ع رنت تلفوني
اسير >> وين انت ؟
رسلان>> ماشي شور الشغل
اسير >> نخطم عليك ولا بتروح طول
رسلان>> عندي حسابات بنصكرهن ونطلع
اسير>> تي اوكي حسابات وهني ع اساس مليون لي بتحسبهن
رسلان >> ران تخفف في دمك!
اسير >> بصراحه اه 😂
رسلان>> خطاني “وصكر عليه”
//
//
مر الدكتور ع رندة وطمنهم على حالتها الصحية انها كويسه، بس رندة كانت حالتها سيئة من جوا كانت كل ما تغمض عيونها تذكر زياد وتشوف شكله وتخاف
طلعنا برندة للحوش التمينا عليها
كان موسى يحكي مع احمد قدام الباب
احمد >> خلاص قلنا كلمة
موسى>> انت عارفني كويس وعارف اني مسكت اعصابي عشانك وعشان شغلك
احمد >> وانا ما قصرتش معاه خذا الضرب لي فيه النصيب مني و فالنيابه ح ياخذ جزاه خلاص
موسى >> يعني مش ح تخليني نشوفه 🙂
احمد >> موسى طلعلي زياد من راسك وخلي قضيته شوري اساسا ماسكها المحقق ربيع يعني مستحيل ح يخليه يطلع ان شاء الله شنو
موسى >> لو طلع ح نخش انا بداله اصلا بعد ما نرتكب فيه جريمة
احمد >> تي اهدالي ازف حتى انا كنت مستغرب الهدوء لي كنت فيه فاليومين لي فاتن
موسى >> ماكنتش نبي نخوفهم ونخوف ميرا
احمد>> والله بطله ميرا اللي عقلاتك 😂
موسى ضحك>> خلاص خليني نطلع باتي مستلم البنات
احمد بحت فيهم >> خليني نمشي نحز 😂
طلع موسى ومشى احمد شورهم
عاشور >> خلوها اتريح وحسابك معايا بعدين
احمد>> كان في حاجه احكيها معايا انا |ملف القضية عندي و البنت مش غالطه حتى ١٪ هو الي مريض ومش طبيعي
خوخه>> وعلي شن بتحاسبها بلكي هي اللي قالت له اخطفني ؟ 😒 تعالي ياجديده خشي تريحي
عاشور سكت ، وفاطمة خذت رندة وخشت بيها جوا وخشت خوخه معاهم وعميمه منى
احمد بحت فينا >> مافيش داعي حد يعرف بالموضوع اه وفكنا من الدوا بين صحباتكن ولا الاي حد خلاص انسوها القصة مانبوش فضايح ماحدش ح يفهم القصة كيف ما صارت اصلا كلهم ح يقعدو يألفو
عاشور بحت فميرا وروان>> وحتى الجامعة فوتنها هالاسبوع اصلا
سالمة>> انا عندي امتحانات
عاشور>> تو من حكالك انتي اصلا جامعتك مش معاهن
سالمة >> نحساب كلنا😒
سما بصوت واطي>> هضا بيدير موضوع من كل حاجه تو شن ذنبها رندة
ميرا>> كان ما يقوللها وقفي جامعة بكل بس
سما >> عادي يديرها ، خطرها حكالي عالحوش هضك اليوم
ميرا بحتت فيها >> حوشنا ؟؟ يبي يبيعه صح؟ اصلا انا مستغربه كيف لحد توا مسيبه هكي
سما >> وطي صوتك بعدين ما خليتش وهو مش ح يبيع بس بيدير اي شي يحرقلي بيه دمي عشان يخليني نطفش من هنا
ميرا>> تطفشي شنو محد قاله يقعد وكيل علينا يخلي خالو مجيد يعني
سما >> هو خايف من المسؤوليه شوفي كيف وجه بعد قصة رندة الوان الوان عمي عاشور من يومه مش متاع مسؤوليه عشان هكي يبيني نجوز و عقولته هكي يتريح عليا
ميرا>> وانتي ح تجوزي يعني توا ؟
سرحت بعقلي شويه في رسلان اليوم وكيف كان يحكي معايا >> مانعرفش والله ماعاد عرفت شي
ميرا>> خلينا بس نخشو توا حذاهم جوا
خشيت انا وميرا بجنب رنده اللي مازالت تحت تأثير الصدمة ، وعشان هكي خليناها تقعد لوطا وقعدنا حواليها كلنا عشان ما تقعدش تفكر بروحها واتخيل وكلنا اصلا كنا مصدومين من اللي صار
في المطبخ كانت عميمه مني وخشت روان
منى >> روان ما بيتش نحكي قدام خوالك بس رد بالك الموضوع مش ساهل خطف و قضية وانتن فجامعة مع بعضكن ومعقوله مافيش وحده فيكن حكت
روان >> يا ماما والله ما حد فينا كان متوقع اللي صار هضا كله واخذين الموضوع انه شخص معجب و خلاص
منى>> واهو شفتي شن صار ، من بعد ما عدا باتك و اطلقت عشانك وانا ماعنديش شي فالدنيا غيرك سيبت شغلي و رفضت نجوز و ندير اي شي عشان بس نربيك ونكبرك و نجوزك نفرح بيك
روان >> تو شن دخل بس طلاقك من بابا في تربيتي في خطفت رندة ، ماما عارفتك والله خايفه عليا وما تبيش بابا يشمت فيكي انك ما عرفتيش تربيني او قصرتي معايا، بس طززر معش تفكري فيه بكل خلاص انا كبرت اشتغلي وسوقي وشوفي حياتك
منى >> نعرف انه باتك ما دخلش بس انا نبي نشوفك ديما احسن وحده
روان >> انا كويسه مادام انتي معايا و قاعده في وسط اجمل عيله فالدنيا ما تخافيش عليا
طلعت روان من جنب امها لاقتها ميرا
ميرا >> كنك ؟
روان>> نفس السيرة ماما كل ما تسير حاجه تجي على طول تبدا محاضرات ولازم تجيب سيرة بابا وانها تعبت عشاني وبلا بلا بلا
ميرا>> مازلت انا ح نروح ونتهزب من موسى 🙂 وعمو عاشور بعد يركبن البنات ح يهزبهن ، فوتي ما تضايقيش روحك
روان >> مش مدوره بالنسبة ليا كان نلقى معش تجيبلي سيرته بكل
ميرا >> تعالي نمشو حذا البنات يهدرزن مع خوخه
روان >> هي
//
//
في الليل عند رسلان
اسير>> صار مشيتلها فالمستشفي باه روان قاعده 🫢
رسلان بحت فيه >> قالت لي كانت قاعده وروحت
اسير>> ياريتني جيت بلكي طقيت فيها
رسلان>> يعني مبدري وانا نحكي ما فرقش معاك غير روان قاعده ولا لا ؟
اسير>> امالا بيفرق معايا سما زعلت ولا لا 😂شدخلني ب النكد متاعكم
رسلان>> تعرف تصبي من وجي ؟
اسير >> لا والله قول بس ياراجل الواحد يبصر😂 المهم تو انت عليش زعلان؟
رسلان>> مش زعلان بس لبزت فالكلام واجد
اسير>> هضا جوك انت بعد تفصل تقعد تفترش ومعش تفطن الكلامك
رسلان>> باه ماقتلكش حلل شخصيتي انا 🙂
اسير>> رن وتأسف ساهله
رسلان>> ايوه عشان تحساب روحها انه هي الصح وانا الغلط وتزيد ترفع خشمها اكثر من اللي هي فيه 😒 بعدين من امتي انا نتأسف 🙂
اسير >> خلاص معناها خليها هكي ومعش حترد عليك و حيكبر الموضوع و اتفركش وانت ماتبيش هكي
رسلان>> والله ماعد نعرف انا شن نبي اقسم لك بالله قعدت البنت هذي نحس فيها مسؤوله مني لعند خلاص
اسير >> عقبال ماتقعد روان مسؤوليتي 😌
رسلان ضحك >> انا ف شرق وانت فغرب🙂
//
//
فالليل فحوش موسى وميرا
ميرا>> ليش ما خليتني نبات يعني ؟ البنات كلهن مع رنده
موسى>> بعد اللي صار اليومين هذينا مازال تلاطعي
ميرا>> وانا شن دخلني باللي صار كله من المريض النفسي مش عارفه من وين طلع لنا
موسى>> معش تجيبي سيرته ع لسانك خلاص انتهي
ميرا >> موسى باه قتلك
كان موسى يمشي شور الدار وميرا وراه سلح التيشرت وهي واقفه
ميرا وجها انحمر >> تحشم شنو هضا
موسى ابتسم>> مش كنتي تحكي مابيتش نصكر الباب ونقاطعك ” وقرب منها ومازال ما لبس”
ميرا >> استر روحك البس باه
وبرمت وموسى ضحك ع العباطه ولبس وطلع للصالة
موسى>> كملي شن كنتي بتقولي
ميرا>> الجامعة يعني شن ح يسير فيها ؟
موسى>> هو السمستر في نصه اصلا لو وقفتكن انتي وروان حرام بس الاسبوع هضا مش ح تمشن
ميرا>> وليش اسبوع
موسى>> را نقول ما فيش بكل
ميرا>> انت ديما هكي ما معاكش نقاش بكل
موسى>> اكثر حد موسعله بالي انتي راه
ميرا>> امالا برا كيف اتعامل كان هذي وسعة بال
موسى>> تيح اكثر واحد شايف كيف بسرعه ما نولع وع طول نفصل
ميرا>> معناها تبيلي هديرزه مع تيح حسيته حافظك اكثر من هلك
موسى قرص خدها >> تبيلك تهدريزه مع جدك عارفتيه جدك الله يرحمه ؟ تو تهدرزي معاه
ميرا بحتت فيه ورفعت حاجبها >> نموت يعني ؟
موسى >> نموت انا قبلك لاني مش ح نقدر نعيش بدونك ومعش تجيبي السيرة هذي
ميرا نزلت عيونها وتوترت
موسى >> رقت عليك الحراره ولا شن😂
ميرا>> اه شكله حنخش نغسل وجي 🙄
وصبت هربت من حذاه ، غسلت وجها وجت لقاته قاعد على تلفونه فالصاله
ميرا>> مع منو تحكي ؟
موسى بحت فيها ورد للتلفون >> مع حد نتفرج
ميرا>> على شنو 😒
موسى >> علي بنات سماح 🙂 على شنو يعني يا ميرا ؟ نقلب فالفيس
ميرا>> >> يعني ماتحكيش مع بناتو؟
موسى >> ولو حكيت ” وحط تلفونه جنبه”
ميرا بحتت فيه >> عادي يعني بس قولي مش نحن اصحاب
موسى >> لا نحن مش اصحاب
ميرا>> كيف يعني ؟
موسى >> انا راجلك وانتي مراتي
ميرا >> موسى عاد 😒
موسى>> شن تحسابيني بنقولك خوت ولا شن😂
ميرا>> ماتوهش الموضوع قولي
موسى >> تو انا مش فاهم مش انا مشفارق عندك ؟ وماعنديش ياموسى مشاعر نعطيهن لكي ؟ شن همك لو نحكي ولا ما نحكيش
ميرا >> يعني انت مش حتهتم لو انا حكيت ؟
موسى رفع حاجبه >> حكيتي مع من ؟ 🙂
ميرا ماقدرتش تقول الكلمة اصلا 😂خافت يجيها كف على وجها وسكتت
موسى >> ايوه بلا كلام ما لش لزمه سلم بنتي و ماتحاوليش تنرفزيني
ميرا>> به بنقعد هنا بنتفرج عالتلفزون
موسى >> وانا قتلك صبي ؟
قعد موسى شويه حذاها بعدها جا صبي
ميرا>> وين ماشي
موسى >> بنخش نرقد
ميرا >> ارقد هنا جنبي
موسى >> مش فاهم كنك تنابشي اليوم بس حاضر 😂
رد موسى و اتكي على كرسى الصالة جنب ميرا اللي كانت هي بروحها مش عارفه عليش ادير هكي
//
//
في نفس الليله عند احمد اللي تلفونه كمل شحن ، خش الداره علق التلفون في الشحن ومشى يدوش بعد يوم كان مليان جري و خوف ودوريات
طلع وارتمي ع السرير وخذا تلفونه ، فتحه عشان يعدل المنبه ، بحت في جهة المكالمات لقى من ضمنهم ضحى رانه عليه وقت الحوسه لي صارت مبدري ومش فاطنلها
حط ع رقمها وبدون ما يشوف للساعه الي كانت ١ فالليل رن عليها ، رنه اثنين ثلاثه اربعه جاه صوتها وهي شبه راقده
احمد>> ماتقوليش واعيتك
ضحى>> كنت دوبي كيف غفيت
احمد>> سامحيني والله ما بحتت فالساعه بكل اليوم كله مشغول في عرم قصص وتوا كيف شفت مكالمتك انشغلت نحساب فيه حاجه
ضحى >> ان شاء الله خير فيه حاجه ؟
احمد ابتسم >> انتي نعسانه والكلام مفترش حتى لو حكيتلك مش ح تصحصحي
ضحى >> كنت رانه بنقولك انه كلمتني ممرضة نعرفها من الي تشتغل غادي وقالت لي في دكتور امراض نفسيه وعصبيه ح يجي يشوف حالات معينه ف قلت نقولك عشان تمشي غادي وتسأل لانهم ح يختارو حالات يعرفوهن وهكي بالواسطه يعني وهو الدكتور كويس بكل ومعروف مرات يقوللكم حاجه تطمنكم
احمد>> خلاص تمام بكرا ح نزرق غادي نشوفهم
ضحى>> قولي شن يسير
احمد ابتسم>> جايه انتي غادي ؟
ضحى>> ما قتلك مش شغلي غادي
احمد >> قصدي يعني قلت مرات تجي الصاحبتك ولا حاجه 😒😂
ضحى >> لالا 😂
احمد >> تصبحي على خير
ضحى >> ما تبيش تحكيلي في شن كنت مشغول
احمد >> ارقدي بس مش حتستوعبي شي بصوتك هضا😂
ضحى ضحكت>> قدامك الخير
صكر احمد وهو مبتسم >> ازعمه الفرخه سما عندها بعد نظر ؟ 😂
حط التلفون جنبه ورقد على طول من كثر التعب
//
//
عند رسلان الي كان يرن عليا، وطبعا ما ردتش 🙆🏻♀️
قعد يرن ويرن لحد ما مليت ورديت
سما >> مش واضح اني مانبيش نرد ولا شن ؟
رسلان>> لا واضح
سما >> معناها عليش الاصرار ؟
رسلان>> عشان تردي 😂
سما >> ران عشان تستعبط ولا شن؟
رسلان>> لا ران بنقول يعني انه مش قصدي الكلام لي قلته مبدري
سما>> اي كلام فيهن بزبط ؟ عشان لبزت واجد
رسلان>> اكيد مش ع لبسك و محرمتك يعني عشان مازلت عند كلامي
سما >> باهي امالا ع شن
رسلان>> ع الاسلوب يلي حكيت بيه ، نظرة الخوف اللي فعيونك مني ومن عصبيتي خلتني نرن
سما>> وعليش ؟
رسلان>> عشان مانبيش نكون انا الشخص اللي تخافي منه نبي نقعد انا اللي تمشيله لما تقعدي خايفه من الدنيا كلها
توترت من كلامه بس مسكت روحي >> انا ماخفتش منك انا خفت انه احمد يركب و يدير قصة ويكبر الموضوع لانه غير انك جيت بدون ما تقوله غير انه منبه علينا انه مايبيش حد يعرف بالقصة عشان الموضوع ما يأثرش على رندة
رسلان>> بس انا متأكد شن شفت فعيونك ونعرف انك خفتي مني
سما >> مش متعوده حد يعلى صوته عليا حتى بابا الله يرحمه ماعمرش هزبني تخيل ؟ كنت لما ندير حاجه يقولي سما خشي دارك ومعش تطلعي لحد متعرفي غلطك “ومسكت دموعها”
رسلان تنهد >> خلاص ياستي حقك عليا
سما >> ماتعرفش تقول اسف طبعا كبريائك ما يسمحش😒
رسلان>> حتى انتي غلطانه راه ومازلت عند كلامي😒
روان >> سيمو تعالي معانا حذا رندة خوخه تهدرزلنا
سما >> خلاص نشوف روان شن تبي
رسلان>> خطرها را اسير مازال يسأل فيا عليها لو بتحكيلها
سما >> مانظنيش روان تبي
رسلان>> لو سألت عالموضوع قوليلها مازال العرض قائم بلكي نوفقو راسين بالحلال😂
سما >> وفق راسك الاول 😒
رسلان>> بدينا فالغلط😂
سما ضحكت >> تصبح على خير
رسلان>> مش زعلانه ؟
سما ابتسمت>> لا
رسلان >> معناها تلاقي الخير
صكرت سما الخط وهي متلخبطه
//
//
ع الساعه ١ الظهر هكي كان اخر يوم امتحانات السالمة رنت ع احمد بعد كملت عشان يروح بيها
سالمة>> حميدا انت وين
احمد>> يييييه نسيتك بكل ح نكلم موسى يجيك انا عندي مشوار
سالمة>> عليك قصة قوله ما يطولش اه لانه شمس فوق راسي
احمد>> تم
صكر احمد وكلملها موسى
موسى >> تي ما قتلك عندي شغل فالشركة انا وتيح معايا ازف باتي قعد اخر فتره معش يجي و انا خذيت الشغل كله
احمد >> انا فالمستشفي عند ام البنات انت قريب مكان الشركة من الجامعه ياراجل هو اخر امتحان
موسى>> كنك فالمستشفي ؟
احمد>> تو نروح ونكلمك امشيلها بس
موسى>> ماتسكنش 😒
صكر موسى >> تيح بنمشي نجيب البنت من الجامعه تعال معايا
تيح>> تو نكلم اي حد يروحني
موسى >> ما انا خذيتك من الحوش وسيبت سيارتك نخطمو عليها و نحطك و نروح انا وياها خلاص هكي هكي مش حنرد للشركه
تيح >> تمام
عشر دقايق ووصلو في سالمة اللي كانت فوق انها مش حاله فالامتحان فوق ما الشمس سطرتها كانت ماشيه وما تحقش من في فالسياره
فتحت الباب القدامي >> ساعتيييييين عشان تجيني انحرقت حرق من الشمس شن هضا ما قتلي خمس دقايق
موسى >> لاوره 🙄 مطول لسانك
فطنت سالمة التيح خبطت الباب وركبت لاوره
موسى>> كسرتي الباب
سالمة>> ما فطنتش ، كيف حالك يا تيح
تيح>> الله يسلمك الحمدلله كيف حالك انتي
سالمة>> الله يسلمك
موسى >> شن درتي فالامتحان؟
سالمة>> المادة هذي حالفة ترافقني طول العمر
موسى >> قصدك ما حليتيش ؟ حيعلمك 😂
سالمة >> هذي ثالث مره نخش لامتحانها ونحصل فيه
تيح ابتسم>> شن المادة؟
سالمة>> كيمياء تحليلية
تيح>> ما جربتيش تخشي مركز فيها؟
موسى>> انا اللي خوها ما سألتهش 🙂
تيح >> خوها الثاني انا وسألت 😒
سالمة ضحكت عليهم >> خشيت السنة لي فاتت بس السنة هذي ما خشيتش مليت منها
تيح>> في دكتور كويس فالصيدله يعطي في واحد من المراكز لي قدام الجامعة
موسى>> من امتى طلعت مثقف باه ؟😒
تيح >> صح رفقتك تفشل بس مازلت نعرف ناس مثقفه🙂😂
موسى وصل عند حوش تيح>> انزل انت وثقافتك
تيح رفع عيونه فالمرايا>>حندز ال موسى اسم الدكتور والمركز احتياط بس بلكي تنجحي وما تستحقيلش
سالمة>> من الحل لي زي وجي والله ما نضني😂
تيح >> هي اوكي انا
موسى>> لا بلكي خاطرك تهدرز اخرى
تيح نزل وصكر الباب بالقوه عشان ينرفزه
موسى>> دا
نطت سالمة بجنب موسى >> خوذ منه الرقم لانه شكلي ح نخش عالدور الثاني
موسى>> تهدرزي كنك ما خذيتيه بروحك
سالمة>> من وانت صغير ونحن نعرفو تيح صاحبك لو مش كويس راك مش مخششه وسطنا ناسي انه كان يبات عندنا زمان ؟ 😂
موسى>> بلااااا مطول لسانك😂
سالمة >> تكي خوذلنا شوكلاطه انا والبنات 🙆🏻♀️
موسى>> اللهم طولك ياروح
//
//
عند أحمد فالمستشفي مشى يسأل على الدكتور اللي قالت له ضحى عليه بس استغرب لما شاف ضحى
أحمد قرب عندها >> مش قلتي مش ح نجي
ضحى>> يعني في شغل هنا وجيت
احمد ابتسم >>شغل ؟
ضحى>> اكيد مش جايه عشانك 🙄
احمد رفع حاجبه>> الدكتور وين ؟
ضحى >> خش ع غرفتها
أحمد >> كيف صار اختاروها من ضمن الحالات
ضحى>> عشان هكي انا جيت حطيت اسمها من ضمنن الحالات هضا شغلي يعني
أحمد >> متعبينك معانا ديما
ضحى ابتسمت >>ديما نقولك لا مافيش تعب
احمد>> قاعد معاها ؟
ضحى>> اه قول هكي لهم ١٠ دقايق
احمد >> اوكي لو عندك شغل شوفيه انا قاعد هنا
ضحى>> انا جايه عشان الحاله هذي بس
احمد >> لا هكي انتي دايره فيا معروف كبير ولازم نرده لكي
ضحى >> مرات ح نستحقلك ماتخافش 😂 اول حد يدره كبدي ح نقولك عشان تحطه فالشيله
احمد >> كيف عرفتي شن نشتغل
ضحى>> احمد جيران نحن راه ! صح فنهاية الشارع بس جيران 🙄
احمد >> صح نسيت😂 | اي خدمة ادللي
شوية وطلع الدكتور من عند سهام ام البنات
خشت ضحى و احمد معاه للمكتب
الدكتور >> كنت حاب اني نطمنكم عليها بس للاسف نفس التشخيص يلي عندكم ماقدرتش نجيب جديد
ضحى>> يعني نفس الشي ؟
الدكتور>> ايوه المريضه خاشه في حالة هلوسات و رافضة تصدق الواقع مش حتقدر تطلع من هنا عشان ممكن تأذي نفسها ومحد ح يفطنلها يُفضل تقعد هنا فتره لحد ما ممكن ربي يدير معجزته
احمد >>يعني فيه امل
الدكتور >> زي ما مكتوب فالملف ٥٠٪ ، بس الصحة الجسدية كويسة الاعضاء و المناعة وكل شي تمام الموضوع نفسي وعقلي
طلعو هما الاثنين من جنب الدكتور واحمد تعقد من الكلام
ضحى>> سامحني بس كنت نحساب انه ح يعطيكم امل اول ما سمعت بيه انه جاي خطرلي نقولك ع طول
احمد>> المهم ماتحكيش للبنات شي لا سما ولا ميرا لانه سما بذات عارفه انك تحكي معايا ومرات تاخذ رقمك ولا ادورك في اي مكان واطق فيك عشان ديما تسأل فيا عليكي
ضحى>> مش ح نحكي شي حرام خليهن ع نفس وضعهن خير ما يتأملن عالفاضي
مسح احمد على وجه>> ربي يقدرني نكون معاهن ويقدرهن يصبرن علي الكارثة اللي جتهن هنا الاثنين انا مش عارف كيف عايشات لحد توا من كثر الصدمات الي خذنهن حتى دكتور نفسي خايفات منه خايفات يخشن معش يطلعن زي امهن صايرلهن خوف من كل شي
ضحى >> ربي ماينسش حد وانت ربي يعينك لازم تقوي روحك عشان تقدر تقويهن
بحت فيها احمد >> تعبتك معايا سامحيني
ضحى>> تقول تعبتك مرة اخرى ح نزعل والله
احمد ابتسم>> رقمي عندك اي حاجه دوريني سوا ضروريه ولا مش ضروريه
ضحى >> تمام
احمد>> اي حاجه اي حاجه مش ضروري شور مستشفي و هكي
ضحى ضحكت >> نفس ما قتلك اول ما حد يدره كبدي ح نقولك ع طول 😂
أحمد >> فالخدمة 😌 “غمزلها وطلع”
//
//
روح موسى للحوش بعد ما حط سالمة فحوشهم
موسي>> بنيتي ويين ؟
ميرا طلعت من المطبخ جت عنده وابتسمت >> طولت
موسى>> طلعت من الشركة مشيت روحت بسالمة
ميرا>> صح نسيت امتحانها اليوم
موسى >> ماحلتش 😂
ميرا>> تحكي جد ؟ هذي المادة نفسها
موسى>> هي اه طول الطريق وهي تنق وتشكي وتيح وسعلها باله وصدعولي راسي هما الاثنين
ميرا بحتت فيده>> جبت غدا ؟
موسى>> لا مش قتلك سالمة تنق قالت لي نبي شوكلاطه انا والبنات وحسبتك
ميرا خذتها منه >> كويس انك حسبتني عشان لو سمعت انك جبتلهن وانا لا ح ندير مناحه
موسى>> عشان هكي جبتلك عارفك وعارف هبالك😂
ميرا>> يعني انا هبله ؟😒
موسى>> وعبيطه😂
ميرا>> وانا اللي متعبه روحي وقاعده مالصبح ندير فغدا 😒
موسى >> انتي اديري في غدا ؟
ميرا>> بتبدا اتهزا ؟ 🙄 انت طولت ماه وتحشمت كل فتره وشويه هلك يدزو قلت نخش ندير حاجه
موسى>> باه وشن درتي
ميرا >> لا ماهو
موسى>> ما عرفتيش اديري صح 🙂
ميرا>> حاولت والله يعني ع الاقل المحاولة تكفي 😂كلمت سما ما عرفتش شي وزادت لخبطتني
موسى>> هابا ما لقيتي الا سما 😂 مريض ع ميت متكي
ميرا وعيونها دمعن>> موسى والله حاولت عاد 😭 بس ما عرفتش
موسى ضحك>> خليني نطلب حاجه ناكلوها عشان حنموت من الجوع
ميرا بحتت فيه >> ماتقولش الامك باهي
موسى>> امي كان قلتلها ح تنجلط😂عابيه عليك تسوي
ميرا>> موسسسسسى😭
موسى>> عدي اغسلي وجك 😂 حنطلب
ميرا>> زعلت باهي؟
موسى >> في حد يزعل من بنيته؟
ميرا هزت براسها >> لا ” ومشت دغري من جنب”
توترت ميرا غسلت وجها و موسى زي العاده رن ع المطعم وطلب سندوتشات
//
//
بعد كم يوم كانن البنات يهدرزن مع بعضهن
رندة>> بنات ماحد حكالكن شن صار فالخارب اللي فالحبس؟
سما>> لا معش تفكري فيه خلاص الموضوع عند احمد والشرطه
روان>> اساسا م فيش تحقيق كل شي باين وواضح وانتي عطيتي اقوالك
رندة>> مش قادره نغمض عيوني ليا اسبوع كل ما نغفي نشوفه ، قعدت نخاف نرقد والله
سما >> رندة هذي حاجه وصارت و هو فلحبس واحمد مستحيل يخليه يطلع
رندة>> اصلا حتى ربيع قالي مش حنخليه يطلع
سما >> ربيع المحقق؟
روان>> محقق ما محقق 😂
رندة>> كان كويس بكل معايا هو اللي خش عليا اول واحد وطلعني وبعد فتحت عيوني كان عندي ياخذ ف اقوالي
سما >> معناها عارفه شنو | لما تغمضي عيونك تخيلي ربيع بما انه هو اللي نقذك و طلعك ف كل ما تذكري القصة حاولي تشوفي وجه ربيع عشان ما تخافيش
رندة >> ح نحاول
على خشت عاشور >> سما كذا تعالي نبيك
سما بحتت فالبنات>> يستر الله 🙄
سالمة>> ما نعرفش ما حكش شي قدامنا
صبت سما عند عاشور
سما >> نعم ؟
عاشور >>
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هلع)
