رواية جمعنا القدر الفصل الثاني 2 بقلم زينب محروس

بعد أن ابدلت لها صباح ملابسها ونزلوا سويا إلى غرفة الطعام كان عامر يجلس على مقدمة الطاولة وبجانبه ايسيل وبجانب ايسيل مروان جلست صباح بجانب عامر من الجهة الأخرى واجلست قدر بجانبها وبعد أن انتهوا من تناول الطعام وجدوا إحدى الخادمات تخبرهم بأن هناك رجل يريد أن يقابل عامر

عامر : مقالش اسمه ايه ؟

الخادمة: بيقول اسمه أشرف يا بيه

عامر وهو يقوم : هو فين دخليه

الخادمة : فى الصالون يا بيه

عامر طب روحى انتى

وذهبوا جميعا إلى الصالون

عامر : ازيك يا أشرف

أشرف: الحمد الله تمام ازيك يا صباح

صباح : انا تمام انت عامل ايه ومروة عاملة ايه وحشتنى

أشرف: الحمد الله مروة كويسة دى لو تعرف انى جاى كان زمانها جاية قبلى

صباح : سلملى عليها وعلى الولاد

أشرف: يوصل ان شاء الله ثم وجه كلامه إلى عامر : بخصوص قدر

عامر بانتباه : مالها قدر عرفت حاجة عن أهلها

أشرف: اه للأسف ماتوا في حادثة من اسبوع

عامر : لا حول ولا قوة إلا بالله طب ملهاش قرايب ؟

أشرف: مفيش غير عم ومهاجر ومحدش يعرف عنه حاجة قدر لازم تروح دار أيتام

صباح : لاء انا مش هسيبها دى هتعيش معانا هنا

عامر : وانا كمان رأيى زى صباح ومش هسيبها

أشرف: براحتكم انا لازم امشى دلوقتى

صباح : خليك شوية

أشرف : معلش مرة تانية عشان مروة بعد إذنكم

وبعد أن ذهب أشرف نظر عامر وصباح إلى قدر التى كانت تبكى فى صمت

احتضنتها صباح وهى تبكى على هذه الطفلة التى أصبحت يتيمة وفقدت أهلها فى هذا السن الصغير

قدر من بين بكائها: يعنى انا كدا مش هشوفهم تانى يا طنط

صباح وهى تمسح دموع قدر : هما راحوا عند ربنا يا حبيبتى بس هما اكيد شايفينك ومش عايزينك تعيطى وهما دايما هيفضلوا فى قلبك ومعاكى ومن النهاردة انا مامتك وعامر وباباكى

احتضنها عامر وقال : احنا عيلتك يا حبيبتى

ايسيل و مروان : واحنا اخواتك

صباح : يعنى احنا من النهاردة عندنا ٣ ولاد مش اتنين .

أصبحت قدر فردا من هذه العائلة لم تشعر يوما بأنها وحيدة عوضوها عن الحنان الذى افتقدته وخصوصا صباح فهى كانت حنونة معها ولم تشعرها يوما بفرق بينها وبين أولادها وهى وايسيل أصبحوا مثل التوأم لم يفارقوا بعدهم ابدا ورفضوا أن تكون لكل واحدة غرفة منفصلة وفضلوا أن يظلوا معا فى غرفة واحدة

مرت الأيام والسنين وسافر مروان للخارج ليكمل تعليمه أنها لم ترى مروان يوما بأنه أخا لها بل تراه حبها اما بالنسبة له فهى مثل ايسيل لا فرق بينهم هذا ما يعتقده او هذا ما يظهره.

قدر عمرها 5 سنين ، مروان ١١ سنة ، ايسيل 5 سنين )

قدر شعرها ناعم كالحرير يشبه الليل فى سواده عيونها زرقاء كالبحر شفاه حمراء كالكريز

بعد مرور 15 عام على وجود قدر فى هذا المنزل سوف يعود مروان من الخارج بعد فراق خمس سنوات ، سعادتها لا تكتمل بدونه .

ترى هل سيكون رجوعه هو سبب سعادتها أم للقدر رأى أخر ؟

داخل غرفة باللون الوردى تشبه غرف الأميرات تتحرك فتاة بملل وهى تحاول أن تحرك شعرها الحريرى الأسود من على وجهها لتنتفض فجأة .

قدر : يا نهار مش فايت مروان زمانه جاى .

ثم نظرت إلى السرير المجاور لسريرها .

قدر : قومى يا زفتة اخوكى زمانه جاى قولتلك بلاش نتفرج على الأفلام والزفت دى اخرة السهر .

ايسيل بنعاس : لسة بدرى نامى وانا هصحيكى الساعة ٨ خلاص بقا نامى وسيبينى أكمل الحلم .

قدر : قومى يا نيلة ٨ ايه قال ٨ قال الساعة دلوقتى عشرة يا اختى .

ايسيل : يا بت .. ….. .. عاااا انتى قولتى كام

قدر : عشرة يا اختى .

ايسيل : عشرة وقاعدة قومى بسرعة راحت علينا صلاة الضحى قومى بسرعة خلينا نصلى .

قدر : ماشى يلا بسرعة انا هاخد شور واتوضى وانت كمان بس متدخليش تنامى جوا زى كل يوم كويس ان فيه حمامين هنا .

ايسيل : هوا انا بتاخر دا انا سريعة خمس دقايق واكون خلصت .

قدر : وانتى هتقوليلى ما انا عارفة انك سريعة عايزة ساعتين بس .

ايسيل : طب انا داخلة اهو خمس دقايق بالظبط وتلقينى قدامك .

قدر : ماشى اما نشوف

بعد نصف ساعة

قدر : ها خلصتى ولا لسة

ايسيل : خلاص طالعة اهو فى ايه دا الخمس دقايق لسا مخلصوش لسا دقيقة

قدر : خمس ايه يا روح طنط دا انا خلصت وصليت وقرأت الورد بتاعى وانتى لسة جوا انا نازلة وانتى لما تخلصى وتصلى حصلينى .

ايسيل : استنى بقا عشان ننزل سوا زى كل يوم انا خارجة اهوه .

قدر : طب انجزى بقا أنا هقعد فى الفراند على ما تخلصى .

خرجت قدر إلى الفراند وهى تفكر فى مروان لقد اشتاقت له كثيرا سوف تراه اليوم بعد فراق خمسة سنوات ترى هل تغير أم ظل كما هو ترى هل اشتاق إليها مثل ما اشتاقت له سوف تخبره اليوم بأنها تحبه لا داعى للانتظار فلا فرق أن قالت هى أولا أو هو .

ايسيل : إللى واخد عقلك كلها شوية ويوصل .

قدر بانتباه: ها

ايسيل : ???????? وصلتى لفين يا حبيبتى

قدر بغباء : وصلت لفين ازاى

ايسيل : ???????????????? دا واكل عقلك خالص

قدر : هو مين

ايسيل : مروان هو فى غيره عنيكى مش بتجيب قلوب دا إللى لما تفكيرى فيه

قدر : ???????? مروان

ايسيل : ها مروان يلا يا اختى ننزل

قدر : يلا ولما ننزل عند ماما مش كل شوية تقعدى تلمحى بالكلام قدام ماما

ايسيل : طب ما هى عارفة يا اختى وبابا كمان عارف ايه الجديد

قدر : الجديد انك بتحرجينى

ايسيل : ???????????? ماشى مش هتكلم خالص

قدر : طب يلا

ونزلوا إلى الصالون وجدوا صباح تشاهد مسرحية العيال كبرت .

ايسيل : صباح الخير يا صبوحة

صباح : بنت احترمى نفسك بلعب معاكى انا ولا ايه

قدر : صباح الخير يا مامى

صباح : صباح الفل والياسمين عليكى يا قلب ماما

ايسيل : يا عينى عليا ماليش فى الحب جانب .

قدر : ???????????????????????? لاء مالكيش .

ايسيل : طب مش هرد عليكوا .

قدر : بابا فين يا ماما .

صباح : راح يجيب مروان

ايسيل : ماما يا ماما

نعم : يا روحى

ايسيل : دلوقتى روحى

صباح : وهى فى واحدة تقول لمامتها ياصبوحة

ايسيل : الله مش بدلعك

صباح : عشان تدلعينى تقوليلي صبوحة

ايسيل : طب أقولك ايه يعنى

صباح : قوليلى يا لمبى

ليضحكوا جميعا

قدر : ???????????????????? مش قادرة

بتضحكوا على ايه ضحكونا معاكم ( هذا الصوت جعل قلب قدر ينبض بشدة هذا هو صوت معشوقها نعم هذا صوته لتلتفت خلفها لتزيد ضربات قلبها أكثر فأكثر تكاد تقسم أنهم يسمعون صوت ضربات قلبها .

اهذا حقا مروان لقد زادت وسامته اضعافا هذه العيون رمادية اللون وهذا الشعر البنى الكثيف وملامحه الرجولية.

لتفيق من شرودها على صوت ايسيل : عاااااا مروان وحشتنى و احتضنته ( تمنت قدر لو يحق لها أن تحتضنه مثل ايسيل ولكن هذا ليس من حقها )

صباح : اوعى يا بت عشان اسلم على اخوكى

مروان و هو يقبل يدها و رأسها: عاملة ايه يا ست الكل وحشتينى .

صباح : انا الحمد الله يا حبيبى انت إللى عامل ايه .

مروان : الحمد الله تمام يا امى

مروان : ايه يا قدرى مش عايزة تسلمى عليا

قدر : ازاى يا مارو وانا اقدر برده انت عامل ايه

مروان : انا كويس انتى إللى عاملة ايه

قدر : انا زى القردة قدامك اهوه

مروان : بلاش القرود الله يكرمك انا شبعت مقالب

ايسيل : ???????????? اشمعنا يعنى

مروان : ما كلمة قردة دى دايما كان وراها مقلب

قدر لاء اطمن : مفيش مقالب ولا حاجة توبنا إلى الله

مروان : أحسن حاجة عملتيها يا قدرى

قدر : انت لسة فاكر

مروان : وانا اقدر انسى

مروان وهو يشاكس ايسيل : ايسيل انتى مش عايزة تتجوزى بقا .

ايسيل بمرح : ليه عندك عريس .

مروان: موجود .

ايسيل : اشجينى سمعاك طالما من نحيتك يبقى اكيد عسل وعضلات و حلو كدا زيك .

مروان : بصى يا ستى هو فعلا عريس مش هيتعوض بس فيه مشكلة صغيرة .

قدر : ايه المشكلة ؟

مروان : أولا هو تخيين حبتين تلاتة وعنده خمسين سنة ومتجوز اتنين و …..

ايسيل : بسسسسسس لهو لسة فى باقى العرسة خنقته البعيد .

الجميع :????????????????????????????????????

صباح : قوم يا حبيبى خدلك شور وغير هدومك على ما الأكل يجهز

مروان : حاضر يا امى

وصعد مروان إلى غرفته أخذ شور وابدل ملابسه ونزل اليهم وجدهم يجلسون فى غرفة الطعام

فجلس بجانب امه ووالده على راس الطاولة ايسيل فى مقابل صباح وقدر فى مقابل مروان وبدأوا فى تناول طعامهم حتى قاطعهم مروان

مروان : بابا انا عايز أخطب

صباح : بجد انا موافقة وعامر اكيد موافق

قدر : الحمد الله انا شبعت انا هطلع الجنينة

مروان : استنى يا قدر …… ها يا بابا .

عامر : وانا موافق .

ايسيل : قول بقا هى مين احنا نعرفها

مروان : اه كلكوا تعرفوها هى تبقى ……….

يتبع…..