رواية فتاة انحنت من أجل الحب الفصل الثاني والثلاثون 32 بقلم دودو محمد
رواية فتاة انحنت من أجل الحب الجزء الثاني والثلاثون
رواية فتاة انحنت من أجل الحب البارت الثاني والثلاثون
رواية فتاة انحنت من أجل الحب الحلقة الثانية والعشرون
فى المدرسه عند سامح وروز
خرجت روز وجهاد من المدرسه علشان يروحو
وفى الوقت كانت عبير وقفه هى والشله بتاعتها
عبير / بس بس انتى يا حلو منك ليها
روز / امشى علطول يا جهاد متعبرهاش
جهاد / م.م.ماشى
عبير / وقفت قصادهم وقالت لا والله عاملين نفسكم مش سامعنى
جهاد / عايزه ايه يا عبير
عبير / اوعو تكونو مفكرين نفسكم قدرتو تاخدو منى حاجه انا عايزاها سامح ليا انا ومحدش هيقدر ياخدو منى فاهمين
روز / اوه يا حرام تصدقى انك صعبانه عليا سامح مين ده اللى بتاعك سامح خطبنى من بابى وهيلبسنى الدبله قريب اوى وهيبقى خطيبى رسمى قدام الكل
عبير / بغيظ بتحلمى يا حلوه انا مستعده اقتلك فيها اصل انا متعودتش أفرط فى الحاجه بتاعتى بسهوله
جهاد / عبير كل شئ قسمه ونصيب والمستر بيحب روز وروز بتحبه يبقى بلاش مشاكل وبكره ربنا هيكرمك باللى تحبيه ويحبك
عبير / هههههههههه حلو كلام ستى ده وقربت من جهاد ومسكتها من هدومها وقالت خليكى انتى بعيد يا قطه
وفى الوقت
ده جه اسلام
اسلام / فيه ايه بس يا بنتى هو انا كل ما اجى الاقيكى مسكه فى فيها
عبير / اصل الاشكال الزباله دى متجيش غير بسك
روز / والله ما فى حد زباله غيرك انتى
اسلام / اوبا ايه المزه الجامده دى يخربيتك يا عبير المدرسه اللى انتى فيها ملغمه مزز كده ليه وقرب من روز ومشى أيده على وشها وقال الجمال ده مستحيل يكون من هنا
جهاد / بصت على اسلام وحبست دموعها
وفى الوقت ده خرج سامح من المدرسه وشاف اسلام بيمشى أيده على وش روز
روز /بعدت وشها عن أيده وقالت بعصبيه انت واحد مش محترم
اسلام / ليه بس يا مزه
سامح / راح عندهم ومسكه وقال انت ازاى تمد ايدك عليها يا حيوان
اسلام / ضربه وقال شئ ميخصكش
سامح / ضربه وقال يخصنى لما تمد ايدك على خطيبتى يبقى يخصنى انت واحد و**** وقعد يضرب فيه
اسلام / وهو بؤقه بينزل دم قال هههههههه لما انت راجل اوى كده كنت احكم على اختك اللى كانت نايمه فى حضنى وعلى سريرى
سامح / اتعصب اكتر وقعد يضرب فيه وهو مش حاسس
اسلام / وقع فى الارض من كتر الضرب ووشه كله دم
جهاد / اول ما اسلام وقع على الأرض دموعها نزلت منها وطلعت تجرى عليه وحطت راسه على رجليها وقالت اسلام ارجوك فوق لالالا اوعى يجرالك حاجه اسلام انا اموت ولو حصل ليك حاجه
روز / بصت لجهاد بأستغراب وراحت عندها وقومتها وقالت امشى معايا يا جهاد
جهاد / بدموع مقدرش اسيبه وهو كده يا روز
سامح / بعصبيه جهاد امشى قدامى اوصلكم
جهاد / بدموع مقدرش يا مستر مقدرش
سامح / بعصبيه جهاااااد امشى بقولك
روز / مسكتها وقالت امشى يا جهاد معايا تعالى
جهاد / مشيت وهى بتعيط وبتبص على اسلام
عبير / كانت وقفه وهى خايفه من سامح ودموعها نازله منها خايفه على اخوها واول ما سامح مشى طلعت تجرى عليه وقعدت تخبط على وشه وتقول اسلام قوم يا اسلام علشان خاطرى قوم اوعى يحصلك حاجه وبصت للبنات وقالت بزعيق انتو واقفين تتفرجو عليا تعالو ساعدوني اقومه احطه فى العربيه بسرعه
البنات طلعو يجرو وحاولوا يقومو ويحطوه فى العربيه مقدروش جابو رجاله من الشارع ساعدتهم وحطو فى العربيه وركبت عبير العربيه ومشيت تجرى بيها على المستشفى ونزلت تجرى دخلت المستشفى وشويه وجم الممرضين وحطو اسلام على السرير النقال وحطوه فى اوضت الكشف وجه الدكتور كشف عليه وشويه وخرج
عبير / راحت جريت عليه وقالت خير يا دكتور
الدكتور / متقلقيش هو فقد الوعى بسبب العنف ده من ايه
عبير / ها د.د.دى بلطجيه طلعو علينا وضربوه
الدكتور /اه تمام عمومآ الجروح سطحيه مفيش اى خطوره عليه وشويه وهيفوق عن اذنك وسابها ومشى
عبير / بدموع ماشى يا سامح ودينى لادفعك تمن اللى انت عملتو ده غالى اوى انت والبرنسيسه بتاعتك ودخلت عند اسلام الاوضه وقعدت جنبه لحد ما يفوق
______________________________
فى شقة امير
كان واقف فى البلكونه وبيكلم نفسه وبيعاتب زهره بس قطعته أمه وقالت
امينه / انساها وركز فى اللى جاى ليك يا أمير
امير / قصدك ايه يا امى
امينه / مراتك حامل يا ابنى
امير / بصدمه حامل ازاى ده
امينه / هو ايه اللى ازاى مراتك حامل زى الناس ايه الغريب فى كده
امير / ها م.م.مش قصدى انتى عرفتى ازاى
امينه / نفسها كانت بتغم عليها كتير وبترجع شكيت تكون حامل نزلت جبت ليها اختبار حمل وعملته وطلع شكى فى محله وطلعت حامل
امير / دخل قعد على السرير وقال بدموع مستحيل يا امى مستحيل
امينه / قعدت جنبه وقالت ليه مستحيل يا حبيبى ده اللى مفروض يحصل وربنا بعته ليك علشان ينسيك وجعك ويخليك تفوق لنفسك وللى جاى يا حبيبى
امير / عمرى ما هقدر انسا زهره يا امى
امينه / لازم تنساها يا أمير انت كده بتظلم مراتك وهتظلم اللى جاى وهتهملو
امير / امير بدموع مش لازم ده يحصل يا ماما مش لازم انتى متعرفيش حاجه
امينه / لاء فاهمه يا أمير مراتك قالت ليا
امير / بصدمه قالت ليكى قالت ايه
امير / قالت انك قربت منها مره واحده وبس ومش عايز تقرب ليها تانى وبتنيمها هى على سرير وانت بتنام على سرير حرام عليك يا امير عمرك ما كنت ظالم كده هى مش ذنبها حاجه انك تعمل فيها كده علشان بتحب حد تانى مراتك ليها حقوق عليك وبعدين دى بنت عمك قبل اى حاجه وعمك امنك عليها يبقى بلاش تظلمها وعيشها حياة طبيعيه زى اى اتنين يا أمير كفايه ظلم فيها
امير / بضحكة سخريه هى قالت ليكى كده
امينه / ايوه
امير / خلينى ساكت احسن يا امى بلاش اتكلم
امينه / هتتكلم وتقول ايه ما انا شايفه كل حاجه بعنيه انت من ساعة ما اتجوزتو مشفتكش مخرجها ومفرحها زى العرسان الجداد علطول سايب ليها البيت ونازل وحتى لو قعد فى البيت يا قاعد معانا كلنا بره يا قاعد مع شريف مش بتقعد معاها خالص
امير / بضحكة سخريه خلاص بقت هى الضحيه وانا اللى ظلمها وباجى عليها
امينه / انت شايف غير كده يا امير
امير / ايوه يا ماما لازم تعرفوا حقيقة جوازنا انا تعبت من يوم ما اتجوزتها وجيت على نفسى كتير وخسرت حب عمرى بسببها انا اتجوزت سهى علشان هى كانت متج
سهى / دخلت قطعته وقالت خ.خ.خلاص يا مرات عمى سبيه براحته بكره لما ابنه يجى هينسيه كل حاجه وحطت ايديها على بطنها
امير / بص ليها بغيظ
امينه / وقفت وقالت انا هخرج واسيبكم تتكلمو مع بعض يمكن خبر حملها يغيرك يا أمير ربنا يهديك يا ابنى وخرجت وقفلت الباب وراها
امير / وقف وراح عندها ومسكها من دراعها وقال بعصبيه انتى حامل ازاى نفسى افهم ها
سهى / بألم دراعى يا أمير وبعدين ما انت عارف حامل ازاى انت نسيت الليله اللى قضيتها معايا
امير / والله وهو الحمل مستنى الليله دى علشان تحملى منى
سهى / ا.ا.ايوه حصل الحمل من الليله دى وبعدين ليه مش تعتبرها اشاره من ربنا ليك علشان تنسا حب زهره ونعيش حياه طبيعيه مع بعض زى اى اتنين
امير / انسى يا سهى أننا نعيش مع بعض علطول انتى اكبر غلطه فى حياتى دمرتيها وعيشتينى اكبر مأساه فى الدنيا كنتى سبب بعد زهره عنى حب عمرى راح بسببك وجايه بكل سهوله تطلبى منى انساها واعيش معاكى عادى انتى ايه يا شيخه مفيش دم خالص من كام يوم كنتى بتحبى ريان وهتموتى عليه واول ما مات سلمتى نفسك ليا بكل سهوله وعايزه تعيشى معايا حياة طبيعيه وعادى زى اى اتنين انتى اكبر ورطه اتورطها يا شيخه
سهى / لازم تنسى زهره وتعيش معايا انا ومسكت أيده وحطتها على بطنها وقالت ليه جنب ودنه علشان انا ام ابنك اللى جاى
امير / سحب أيده منها وبعد عنها وقال بتحلمى يا سهى عمرى ما هنسا زهره لأنها هى قلبى حبها بيمشى فى دمى إنما انتى واحده رخيصه واللى فى بطنك هاخده منك وهرميكى رمية الكلاب لما اعرف أهلك حقيقة جوازنا ايه
سهى / قعدت على السرير وحطت رجل على رجل وقالت أثبت أن انا مكنتش بنت بنوت انتى اتجوزتنى ونمت معايه وحصل اللى حصل ههههههههههههه وفى بطنى طفل منك
امير / مسكها من شعرها وشدها وقفها وداس على سنانه وقال بعصبيه عايزه تعيشى معايه صح هعيشك معايا يا سهى بس هخليكى تندمى ندم عمرك انك فكرتى تلعبى معايه وبرضه هفضل احب زهره وهى هتفضل كل حياتى إنما انتى ولا حاجه فاهمه ولا حاجه وحدفها على السرير وفتح الباب وخرج
سهى / بغيظ ماشى يا امير ومشيت ايديها على بطنها وقالت انا اللى معايا الورقه الرابحه وهنشوف فى الاخر هتبقى مع مين
____________________________
مر اسبوع بدون احداث تذكر
امير / اتجنب الكلام مع سهى نهائى ونقلو الفيلا وبيجهز لافتتاح الشركه الجديده ولسه بيتعذب من بعد زهره عنه
سهى / بتحاول تقرب من امير بكل الطرق
زهراء / الجروح لمت من عندها وبقت تتحرك طبيعى بعد ما كانت بتساعدها الممرضه اللى جابها عاطف ليها وبتحاول تبعد عن عاطف بأى طريقه ولسه بتتعذب من بعدها عن امير
عاطف / بيحاول ميقربش من زهره الفتره دى وسيبها براحتها وبينام فى اوضه لوحده بعيد عن زهره علشان ميضيقهاش و بيسافر الاسكندريه كل يومين يتابع الشغل ويرجع تانى فيلا القاهره بيدخل كل يوم بليل وزهره نايمه يقعد يبص عليها شويه ويخرج براحه من غير ما هى تحس
سامح / علاقته بروز بتطور وحبهم لبعض بيزيد
روز / سعيده جدآ مع سامح بس حزينه على صديقتها جهاد
جهاد / حزينه جدآ ورافضه تكلم اى حد ومش بتروح المدرسه طول الفتره دى
أحمد / عايش سعيد جدآ مع ساره وحبها بيزيد فى قلبه كل يوم اكتر من اليوم اللى قابله بس حزين على أخته وبيحاول يعرف السبب بس هى رافضه تكلم حد
ساره / سعيده جدآ مع احمد واتقربت اكتر ليه الفتره دى
محمود / كالعاده بيرخم على ريم بس بيعشقها ومش مصدق نفسه أن الخطوبه وكتب الكتاب هيتعملو فى نفس يوم لميس وشريف
ريم / فرحانه جدآ ومش مصدقه نفسها أن اخيرآ هتكون مرات محمود حب عمرها واللى عاشت تحلم بيه سنين كتيره وزعلانه أن محمود مشى من الشقه وبعد عنها بس كل يوم بيجى يخدها بالعربيه الجديده بتاعته ولسه هى وشهد بيشدو مع بعض كل يوم فى المكتب علشان محمود
اسلام / بعد ما خرج من المستشفى استحلف لسامح وحلف لينتقم منه و اخد أخته وسافر عند ابوه اسبوع يرفهو عن نفسهم
شريف / حضر كل حاجه للخطوبه وكتب الكتاب وبيكلم كل يوم لميس وبيطمن عليها سعيد جدآ معاها وبيكلم زهره كل يوم فى التليفون يطمن عليها
لميس / الدنيا مش سيعاها من الفرحه ومش قادره تصدق نفسها انها اخيرآ هتكون ملك شريف وجهزت كل حاجه خاصه بالخطوبه
______________________________
اشرقت شمس صباح يوم جديد بنورها الساطع فى سماء العاصمة لتبدء زهراء بفتح عيونها على صوت بيلار
بيلار / ماما يا ماما اصحى يلا
زهراء / ………….
بيلار / يا ماما اصحى بقى وخرجت من على الباب ندهت ابوها وقالت بابا يا بابا ماما مش راضيه تصحى
عاطف / طلع مخضوض عليها ودخل يجرى على الاوضه وقال زهره يا زهره وخبط على وشها
بيلار / يا ماما اصحى بقى
زهراء / فتحت عينيها على صوت بيلار وقالت صباح الخير يا حبيبتى
بيلار / صباح النور يا ماما انا بصحيكى من بدرى وانتى مش عايزه تردى عليا
زهراء / معلش يا حبيبتى مسمعتكيش
عاطف / صباح الخير
زهراء / اتخضت اول ما سمعت صوته وبصت وراها وقالت ا.ا انت هنا من امته
عاطف / من قبل ما تصحى
زهراء / شدت الغطا عليها وقالت ممكن تطلع بره لو سمحت عايزه اقوم مش هينفع اقوم قدامك
عاطف / بيلار انزلى تحت يا حبيبتى واحنا جايين وراكى
بيلار / حاضر يا بابا وخرجت من الاوضه ونزلت
عاطف / راح قفل الباب
زهراء / شدت الغطا عليها اكتر وقالت بخوف ا ا.انت قفلت الباب ليه
عاطف / راح قعد جنبها على السرير ومسك ايديها وقال مش ناويه تسامحينى يا زهره
زهراء / شدت ايديها وقالت عاطف ارجوك سبنى براحتى لو سمحت اطلع بره
عاطف / مشى أيده على كتف زهره العريان وقال انا بقالى اسبوع سيبك على راحتك ومش بحاول اضيقك يا زهره بس الوضع طول اوى وانا كذا مره اقولك أن عملت كده من غيرتى عليكى
زهراء / ارجوك مش عايزه اتكلم فى الموضوع ده مش كل ما احاول انسى اللى انت عملتو فيا تيجى تتكلم فيه وتفكرنى بيه
عاطف / ماشى يا زهره مش هتكلم معاكى فيه تانى بس برضه انتى ارجعى اتكلمى معايه زى الاول وبلاش الخوف و الكره اللى بشوفهم فى عنيكى ليا ده
زهراء / ما هو انا مش الى هدوس على الزرار بتاعها وتمحى اللى حصل منك معايا انا كنت هموت فيها يا عاطف وبتحاسبنى على حاجه انت قبلت بيها من الاول مضحكتش عليك وغشتك انا من اول يوم قولتلك أن انا بحب ام
عاطف / قطعها وحط صوبعه على شفايفها وقال ششششش متكمليش ارجوكى مش عايز أفقد اعصابى وأرجع اتعصب تانى عليكى يا زهره
زهراء / وقفت وقالت بعصبيه انت كل شويه تهددنى وتقولى أفقد اعصابي عليكى أفقد اعصابى عليكى انا تعبت مستحيل تكون واحد طبيعى تيجى تضربنى لحد ما كنت هتموتنى وترجع تانى تحايل فيا وتقولى متزعليش اصل غيرت عليكى انا عايزه افهم حاجه واحده بس انت تغير عليا بتاع ايه احنا جوازنا يا عاطف جواز مصلحه وكان فيه اتفاق على كده ومن اول يوم قولتلك أن هنا فيه امير وبس وصعب انساه وشورت على قلبها وقالت ده بتاع امير ومستحيل اى حد تانى يقدر يدخل فيه اه يا عاطف بحلم بيه كل يوم واه مانعه نفسى منك علشان انا اخد عهد على نفسى من زمان اوى أن جسمى لامير وبس عمرى ما هسلمك نفسى واللى عايز تعملو اعملو ياريت تموتنى وتريحنى من ام العذاب ده انا خلاص تعبت ومبقتش قادره استحمل كل ده حرام بقى ارحمونى وقعدت على الكرسى وقعدت تعيط
عاطف / شدها وقفها
زهراء / فكرت أنه هيضربها زى ما متعود بس اتفاجئت أن شدها فى حضنه
عاطف / شدها فى حضنه وقال شششش أهدى يا زهره انا عارف ان قسيت عليكى بس غصب عنى والله وخرجها من حضنه وبص فى عينيها وقال زهره انا عارف ان جيت عليكى ووجعتك وان انا اتفقت معاكى أن هتعيشى معايا تربى الاولاد وبس بس اللى حصل مش بأيديه زهره ا.ا انا ح.ح.حبيتك وده غصب عنى وده سبب ان اتعصبت عليكى واذيتك بالشكل ده غيرت عليكى لمجرد أن شوفتك بتحلمى براجل غيرى
زهراء / بأستغراب حبتنى طيب امته وازاى
عاطف / راح قعد وقال حبيتك من اول مره شوفتك فيها بس مكنتش متوقع أن ده حب قولت إعجاب ده علشان فيكى من مراتى كتير ولما جيتى عشتى معايا اتشديت ليكى اكتر وبقيت احاول ابعد عنك علشان متعلقش بيكى اكتر من كده وكنت بقضى اكتر وقتى بره الفيلا بس اتأكد اكتر أن انابحبك لما ش.ش.شوفت اعلان فى الجريده فيه صورتك معرفش ايه خلانى اداريها عنك ومقولش ليكى خوفت ا.ا.ايوه خوفت لتمشى وتسبينى بس القدر كان ليه كلمه تانيه وخلى امير يتعرف عليكى وترجع ليكى الذاكره قلبى ساعتها كان بيتقطع عليكى كنت بصرخ من جوايا بأعلى صوت وبطلب منك متمشيش وتسبينى بركان كان جوايا علشانك يا زهره ولما مشيتى ومرجعتيش حسيت أن انا روحى راحت منى حسيت أن فيه حاجه نقصانى ط.ط.طيب انتى عارفه لما جيت ليكى عند أهلك مش علشان الاولاد عايزين يشوفوكى لاء يا زهره دى كانت حجه انا جيت علشان كنتى واحشانى جيت وكان عندى امل انك ترجعى معايا ولما امك طلبت منى اتجوزك سكوتى مكنش رفض ولا بفكر لاء ده كان ذهول معقوله تكونى ليا بالسهوله دى علشان كده وافقت علطول وبعد الساعات اللى هتروحى معايا الفيلا وتبقى ليا علطول واخد عهد مع نفسى ان انا هحافظ عليكى ومش هجرحك واوجعك وهنسيكى كل ماضيكى وهعيشك اسعد واحده فى الدنيا دى صدقينى يا زهره الاعتراف ده مش سهل عليا ارجوكى بلاش تخلينى اندم أن اعترفت ليكى بحبى
زهراء / بضحكة سخريه ومراتك اللى انت بتحبها بسرعه كده نسيت حبها لاء واضح انك وافى جدآ
عاطف / لا مش ناسيها يا زهره بس انا وسكت شويه وقال زهره انتى عملتى فيا حاجات كتير حلوه وغيرتى فيه حاجات وانتى مش حاسه ا.ا.انتى وسكت شويه وقال ا.ا.انتى داويتى جوايا جرح كبير من غير ما تحسى
زهراء / بأستغراب جرح ! جرح ايه ده
عاطف / راح عندها وقال كل واحد عنده جوه منه اسرار محدش يعرفها غيره وانتى كنتى سبب فى لم الجروح اللى جوايا من غير ما تحسى
زهراء / بس اللى بيحب حد عمره ما يجرحو ولا يأذيه وانتى جرحتنى اوى واذتنى جامد يا عاطف وانا صعب انسا اللى انت عملتو فيا بسهوله
عاطف / بعصبيه مش قادره تنسى اذيتى ليكى لكن قادره تنسى اللى عملو فيكى امير رغم أن اتجوز واحده غيرك ومبصش لحبك ليه لسه بتحبيه لكن أنا علشان غيرت عليكى واتعصبت عليكى مش قادره تنسى صح وراح عندها ومسكها من دراعتها الاتنين وقال بترجى ارجوكى يا زهره بلاش تعملى فيا كده صدقينى انا بحبك اه عصبى وغيرتى صعبه بس مفيش حد كامل ساعدينى وانا هتغير علشانك بس اوعدينى ان عمرك ما هتسبينى وبصلها بترجى وقال ارجوكى يا زهره ارجوكى انا محتاجك جنبى
زهراء / بصت ليه وسكتت شويه وبعدت عنه وقالت عاطف سبنى اخد وقتى علشان اقدر انسى وغمضت عينيها وقالت بصعوبه ا.ا.انسى امير ومع الوقت هتعود عليك
عاطف / راح عندها ومسك وشها بأيده وبص فى عينيها وقال انا هصبر عليكى العمر كله بس اوعدينى انك مش هتبعدى عنى
زهراء / بدموع ارجوك بلاش تضغط عليا اكتر من كده ارجوك يا عاطف
عاطف / مسح دموعها وبسها فى راسها وقال مش عايز اشوف دموعك فاهمه
زهراء / بعدت عنه وقالت عن اذنك وسابته ودخلت الحمام ووقفت وراها الباب وحطت ايديها على بؤقها وقعدت تعيط
عاطف / بص على باب الحمام واتنهد وخرج من الاوضه ونزل
_____________________________
فى فيلا امير
فى اوضت ساره
صحيت من نومها على صوت تليفونها بصت عليه لاقته رقم احمد ابتسمت وردت عليه وقالت
ساره / صباح الخير
أحمد/ صباح العسل على عيونك يا عمرى كله
ساره / امممممم انا كده هاخد على الدلع ده علطول
أحمد / ملكيش دعوه اتعودى براحتك وبعدين انتى لسه شوفتى دلع ده لما نتجوز هتشوفى الدلع على أصوله
ساره / احمد اتلم
أحمد /هههههههه حاضر المهم مجتيش ليه
ساره / انا لسه صاحيه على صوت التليفون وبعدين انا مش هعرف اجى علشان الفيلا هتتحضر لخطوبة محمود وشريف وانا لازم اساعدهم
أحمد / اممممم خلاص هاجى انا انا خلاص اخد اشوف عيونك كل يوم الصبح
ساره / هههههههه علشان كده دورت على فيلا جنبكم علطول
أحمد / فرصه وجت لحد عندى اضيعها لاء طبعآ لازم استغلها احسن استغلال
ساره / هههههههه استغلالى اه صح لسه البت جهاد قافله على نفسها ومش راضيه تكلم حد
أحمد / بزعل ايوه مش عارف مالها دى حتى بتحب الضحك والهزار تملى معرفش ايه حصلها
ساره / اخلص بس من خطوبة محمود النهارده وابقى اقعد واتكلم معاها واشوف مالها
أحمد / إن شاءالله
ساره / هقفل بقى معاك وانزل اشوف بيعملوا ايه تحت
أحمد / ماشى وشويه وجايلكم
ساره / اوك مستنياك باى وقفلت معاه وحضنت التليفون وافتكرت اول يوم اتنقلت فيه الفيلا
___________________________
فلاش باااااك
وصل امير الفيلا ومعاه أمه وأخوه واخته وسهى ودخلو الخامسه الفيلا واتعرفو على الاوض وكل واحد حط الشنطه بتاعته فى الاوضه اللى اختارها ونزلت ساره وهى حزينه وقالت
ساره / مش عارف ليه سبنى الشقه اللى فى الحاره ما كنا عايشين فيها ومبسوطين
محمود / والله عندك حق يا ساره الواحد مش حاسس بالراحه اللى كان بيحس بيها فى الشقه
امير / بكره تتعودو عليها
وفى الوقت ده جرس الباب رن
ساره / راحت تفتح واتفاجئت وقالت ا.ا احمد
أحمد/ بصوت واطى عيون احمد
امينه / مين يا ساره
ساره / د.د.ده أحمد
أمير / تعال يا احمد
ساره / بأستغراب انت عرفت مكانه ازاى
أحمد / اوعى كده بس ودخل سلم عليهم كلهم
ساره / كانت واقفه مستغربه
أمير / احمد هو اللى ساعدنى أن الاقى الفيلا دى وساعدنى فى فرشها
ساره / بأستغراب ازاى يعنى
أحمد / مفيش فى يوم امير اتصل عليا وقال إن هو عايز يشوفنى وانا نزلت ليه وطلب منى أن اشوف ليه فيلا فى مكان مناسب وحلو وكانت فى فيلا فى نفس الشارع بتاعنا معروضه للبيع اخد امير عليها وشافها وعجبو الفيلا والمكان واشتراها من الناس وانا اللى نزلت واخترت الفرش ده ايه رأيكم فى ذوقى
امينه / جميل يا ابنى عقبال ما تفرش شقتك يارب
أحمد / وهو بيبص على ساره قال يارب يا ماما يسمع من بؤقك ربنا
ساره / اتكسفت وبصت على الأرض
امير / بجد احمد راجل ووقف جنبى ومسبنيش لحظه واحده
أحمد / عيب ياامير احنا مش اخوات ولا ايه وبعدين انا فرحان أن احنا بقينا جيران
امينه / ربنا يسعدك يا حبيبى
أحمد / طيب هسيبكم انا ترتاحو وابقى اجى ليكم فى وقت تانى
أمير / ده مكانك اى وقت تيجى فيه ووصله لحد الباب وسلم عليه
أحمد / بصوت واطى زى ما اتفقنا
أمير / اكيد طبعآ منستش فاكر كل حاجه والاتفاق ماشى زى ما هو
أحمد / حبيب قلبى
أمير / حبيبى يا ابو حميد
أحمد / خرج من الفيلا
ساره / بأستغراب هو انتو كنتو بتقولو ايه
أمير / بشكره على وقفته جنبى
ساره / انا تعبانه هطلع انام بقى تصبحو على خير
الكل / وانتى من أهله
____________________________
بااااااك
فاقت على صوت سهى وهى بتقول
سهى / ساره يا ساره انتى يا بنتى
ساره / ايه فى ايه عايزه ايه
سهى / بقالى ساعه بنادى عليكى وانتى ولا هنا
ساره / سرحت شويه كنتى عايزه ايه
سهى/ بتقولك مرات عمى اصحى يلا ورانا حاجات كتير
ساره / ماشى انزلى وانا جايه وراكى
سهى / اوك بس متتأخريش وخرجت من الاوضه
ساره / قامت دخلت الحمام اتوضت وخرجت أدت فرضها ونزلت ليهم تحت وقالت صباح الخير
كلهم/ صباح النور
أمير / انتى قولى مساء الخير بقى ايه النوم ده كله احنا بقينا الضهر يا بنتى
ساره / الصراحه مش عارفه ايه النوم ده كله
محمود / انتى اصلا من يوم ما ربنا خلقك وانتى بتحبى النوم الكتير
ساره / هههه خفه اصل وانا فى بطن امك كنت مش بعرف انام من واحد رزل كان مشاركنى فى نفس المكان
محمود / ده انتى ليكى الشرف إن كنت مشاركك فى بطنها ده انتى محدش يطيقك ساعتين معاه فى مكان واحد محال انا استحملتك تسع شهور مره واحده ده غير طبعآ مستحملك كأخت ده فى حد ذاته انجاز عظيم ليا والله يا بنتى
ساره / بنأدم مستفز وسابته وراحت تاكل
محمود / ارحمى يا اما هتنفجرى من كتر الاكل
ساره / ملكش دعوه وقعدت تاكل
سهى / امير عايزه اقولك حاجه
أمير / بص ليها ومردش عليها
امينه / روح يا ابنى شوف مراتك عايزه ايه
أمير / وهو بيدوس على سنانه حاضر يا ماما وراح عند اوضت المكتب ودخل وقال ليها بقرف ادخلى
سهى / دخلت وقعدت على الكنبه
أمير / داس على سنانه ورزع الباب ودخل قعد من غير ولا كلمه
سهى / امير ا.ا انا كنت عايزه اطلب منك طلب
أمير / ها
سهى / ا.ا النهارده بابا جاى علشان يحضر الخطوبه بتاعة محمود ارجوك بلاش حد فيهم يحس بحاجه ارجوك
أمير / بقرف يعنى عايزه ايه
سهى / يعنى قدامهم عاملنى بطريقه احسن من كده بين ليهم اننا مبسوطين مع بعض ارجوك يا أمير
أمير / ليه خايفه يعرف حقيقتك ويقتلك
سهى / راحت عنده وقعدت على ركبتها ومسكت أيده وقالت لاء مش خايفه من الموت صدقنى انا خايفه يبعدنى عنك
أمير / شد أيده ووقف وقال ربنا يسهل يا سهى
سهى / وقفت وراحت عنده وقالت انا عارفه ومتأكده انك بتكرهنى ولا عمرك هتحبنى بس ارجوك بلاش تبعدنى عنك علشان خاطر ابنك اللى فى بطنى
أمير / داس على سنانه وقال بلاش الشويه دول علشان مش هتصعبى عليا لانك واحده غشاشه ومنافقه وكفايه عليا صدقتك مره يا سهى وبصلها من فوق لتحت وخرج وسابها
سهى / صعبت عليها نفسها قعدت على الكرسى وقعدت تعيط
____________________________
فى فيلا روز
كانت قاعده فى اوضتها وبتكلم سامح فى التليفون
سامح / حضرى نفسك بقى علشان اجى اخدك بليل
روز / حاضر هتيجى تلاقينى جاهزه أن شاءالله
سامح / عقبالنا يارب بس يكون فرح علطول اصل الصراحه مش عارف هستحمل ازاى تبقى جنبى ومش واخدك فى حضنى
روز / بكسوف سامح ايه اللى انت بتقولو ده
سامح / قولت ايه بس انا بقولك على اللى مجننى طول ما نبقى مع بعض ببقى عايز ادخلك حضنى ومخرجيش منه ابدآ
روز / سكتت ومردتش عليه وداست على شفتها اللى تحت بسنانها
سامح / انا متأكد انك دلوقتى بدوسى على شفتك بسنانك صح
روز / بكسوف احم ا.ا.ايوه
سامح / انا حذرتك كذا مره بلاش الحركه دى المره الجايه لو عملتيها قدامى هكلها انا بشفايفى فاهمه انا الحركه دى بتجننى وبتخلينى نار من جوايا
روز / سامح بطل قلة ادب
سامح / ده انتى جننتى سامح واللى جابوه يا شيخه
روز / ههههههههه
سامح / بتضحكى روحى يا اختى جهزى نفسك سلام
روز / ههههههههههه باى
وقفلت معاه وقامت من على سريرها وقعدت تلف وهى حضنه التليفون وتقول بسعاده بحبك بحبك بحبك اوووووووى واتنهدت وباست التليفون ودخلت الحمام تاخد شاور
_____________________________
انتهى النهار وجاء الليل وبدأت المعازيم بالتجمع فى فيلا امير
أمير / دخل الاوضه عند محمود وشريف وقال ما تخلص منك ليه علشان تروحو تجيبو العرايس الناس وصلت وانتو لسه بتجهزو
محمود / يا عم ما براحه علينا وبعدين العرايس لسه مخلصوش يبقى احنا نستعجل ليه
أمير / يا راجل يعنى مش مستعجل دلوقتى امال كنت قرفنه وعمال تستعجل انك تخطبها ليه
محمود / يا راجل قول كلام غير ده ده انا هموت واتجوزها دلوقتى قبل شويه انا اقصد يعنى أن هما لسه شويه فى البتاع اللى هما فيه ده
شريف / انت عارف ايه اكتر حاجه عجبانى فيك يا محمود
محمود /وهو بيعدل اللياقه قال ايه
شريف / انك جبان وبترجع لوراه فى ثانيه هههههههههههههه
أمير / هههههههههه
محمود / بتضحكو عليا ده على اساس انكم مسيطرين اوى بلا نيله مفيش راجل دلوقتى بيسيطر
شريف / عيب عليك انا الحمدالله مسيطر وكله تمام
محمود / انت ليه محسسنى أن ريم دى مش اختك وعمال تقومنى عليها
شريف / اقومك على اختى ايه انت بس فكر تزعلها هعلقك من قفاك
محمود / ازعل مين يا عم انت توصى اختك عليا أن هى اللى متزعلنيش
امير / بطلو لك ويلا اخلصو
شريف /انا خلصت خلاص
محمود / وانا كمان يلا بينا ونزلو الاتنين راحو عند ريم ولميس فى مركز التجميل ودخلو علشان يخدوهم
شريف / راح عند ريم وبسها من راسها وقال طالعه قمر يا ريمو ربنا يسعدك يا حبيبتى
ريم / ميرسى يا أبيه
محمود / هات يا ابا عروستى وروح عند عروستك
شريف / بلاش بدل ما اخدها معايه وميبقاش فيه جواز ليك
محمود / حبيب قلبى يا شيفو وانا اهون عليك برضه
شريف / ايوه كده ارجع لواره وباس أخته تانى وسابها وراح عند لميس
محمود / مبسوطه اوى باللى اخوكى بيعملوا ده وبتضحكى
ريم / ههههههههه اخويه يعمل اللى هو عايزه براحته
محمود / والله ماشى يا ريم يا بنت ام ريم
ريم / طيب ايه
محمود / ايه
ريم / مش واخد بالك من اى حاجه
محمود / واخد طبعآ وضحك
ريم / بصت على الارض بكسوف
محمود / واخد بالى من البت اللى جوه دى قمر ماشاءالله
ريم / كشرت وقالت نعم
محمود /ايه مش هو ده اللى قصدك عليه
ريم / بصت ليه بغيظ وقالت مش هو يا محمود وخلى البنت تنفعك ومشيت قدامه وسابته
محمود / خدى يا بت وربنا بهزر ووقف قدامها وقال اكيد واخد بالى من القمر بتاعى يا ريمو انا مش مصدق نفسى كلها دقايق وتبقى مراتى حلالى ياااااااه انا فرحان قوى
ريم / بكسوف على فكره انت غلس ودمك تقيل اوى
محمود / يا بت عينى فى عينك كده ده انتى وقعه لشوشتك فيا
ريم / بصت على الارض بكسوف وضحكة
محمود / ااااااه اطولك بس ده انتى هتموتى يا سوسو تعالى يا ضنايا فى ايدى ومسكها من ايديها وركبها العربيه وركب هو الجنب التانى
عند شريف ولميس
شريف / راح عند لميس وبص عليها من فوق لتحت بأعجاب ومسك ايديها وبسها وقال طالعه زى القمر يا قلبى
لميس / بكسوف ش.ش.شكرآ وانت كمان طالع جميل
شريف / بحب بحبك اوى يا ليمو ومش مصدق نفسى انك خلاص هتبقى بتاعتى وملكى انا
لميس / بحب وانا بعشقك اوى يا شريف واخيرآ حلم عمرى هيتحقق وهبقى مراتك وهعيش الباقى من عمرى معاك
شريف / قرب منها وبسها فى راسها وقال ربنا يخليكى ليا
لميس / بكسوف احم ي.ي.يلا بينا
شريف / هههههه ماشى يلا بينا ومسك ايديها وراح ركبو العربيه وراحو على الفيلا
___________________________
فى فيلا امير
وصلت زهره وعاطف على الفيلا ونزل عاطف من العربيه وراح فتح الباب لزهره وفى الوقت ده كان امير واقف بيستقبل الضيوف وشاف عاطف وهو بينزل من العربيه وبيفتح الباب لزهره واول ما زهره نزلت خطفت قلبه بجملها وحس بوجع فى قلبه لما شاف زهره بتحط دراعها فى دراع عاطف اتنهد بوجع وحبس دموعه فى عينه
زهراء / اول ما نزلت من العربيه وشافت امير قلبها واجعها واتنهدت بحزن وكتمت دموعها فى عينيها وحطت دراعها فى دراع عاطف وهى بتبص على امير
عاطف / قرب من ودن زهره وقال اياكى تتكلمى معاه فاهمه
زهراء / بخوف ح.ح.حاضر
ووصلو عند امير
عاطف / مد أيده وقال مبروك
أمير / وهو بيبص لزهره سلم عليه وقال بقرف الله يبارك فيك
زهراء / كانت بتحاول تبعد عينيها عن عين امير علشان ميشوفش الدمعه اللى فى عينيها
عاطف / مسك ايد زهره وبسها وقال يلا يا قلبى
زهراء / بضحكة توتر ي.ي.يلا
أمير/ بص على ايد زهره وهو عاطف بيبوسها وقفل ايده جامد وغمض عينه وقال اتفضلو
عاطف / دخل هو وزهره وقال ياريت تفكى التكشيره دى علشان محدش ياخد باله من حاجه
زهراء / ح.ح.حاضر وحاولت انها تضحك ودخلت سلمت على امها وعلى الكل جوه وقعدت على الطرابيزه اللى عليها امها وامينه وساره وسهى
عاطف / سابها ومشى يقعد فى مكان تانى بعيد عن الستات
سهى / كانت بتبص على زهره بغيظ
ساره / عامله ايه يا زهره
زهراء/ بكسره كويسه يا ساره
ساره / على فكره انتى واحشتينى اوى ووحشتنى قعدتى معاكى ومش عجبنى البعد اللى ما بنا يا زهره انتى عارفه أن انا طول عمرى بعتبرك اختى ومتربين مع بعض ومكنش بيفرق ما بنا غير النوم وسعات كمان كنت بنام معاكى
زهراء / بدموع انتى اللى اخترتى البعد يا ساره مش انا
ساره / انتى عارفه السبب يا زهره
زهراء / ما بلاش نتكلم فى مواضيع قديمه يا ساره
ساره / وقفت وراحت عند زهره وحضنتها وقعدت تعيط وقالت عمرنا ما كنا بعاد عن بعض كده يا زوزو انا كنت بموت علشانك اقسم بالله
زهراء / بدموع قالت وانا كنت مصدومه منك اوى يا ساره معقوله اهون عليكى اوى كده قدرتى تنسينى وتبعدى عنى بسهوله يا ساره
ساره / ربنا يعلم أن انا عمرى ما نسيتك وتملى بفكر فيكى ومشغوله عليكى
نبيله / انتو اخوات وعلطول كنتو بتزعلو من بعض وترجعو تتصالحو تانى بس المرادى بعدو خالص عن بعض
امينه / يا اختى خلاص اللى فات مات وهما فى الاخر اخوات وملهومش غير بعض
زهراء / مسحت دموعها ورجعت قعدت تانى وساره قعدت جنبها
سهى / كانت متغاظه جدآ وبعدين حطت ايديها على بطنها وقالت اااااه
امينه / مالك يا حبيبتى
سهى / بكدب مش عارفه يا مرات عمى عندى مغص جامد
امينه / علشان النهارده عملتى مجهود جامد وانتى حامل اطلعى اوضك افردى ضهرك شويه على السرير
سهى / لالالا خلاص يا مرات عمى انا هستنا لما الفرح يخلص واطلع مع امير
زهراء / اتصدمت لما سمعت كده وحبست دموعها فى عينيها وقالت احم م.م.ممكن بس ادخل الحمام
امينه / ادخلى يا ساره معاها وريها مكان الحمام
ساره / حاضر تعالى يا زوزو وحطت ايديها على كتفها وبستها فى خدها ومشيت شاورت ليها على الحمام وقالت وانا بره هستناكى
زهراء /بضحكة حزن م.م.ماشى ودخلت الحمام وبصت على نفسها فى المرايا ودموعها نزلت منها وقعدت تعيط وتهز راسها يمين وشمال رافضه اللى سمعته وقالت ليه ليه يحصل كل ده ليه امير هيكون اب لطفل تانى مش منى مش كان وعدنى أن انا بس اللى هكون ام أولاده كان تملى يرسم ليا احلام وفى الاخر كل ده طلع سراب وبقى اب لطفل من واحده تانيه غيرى اه يا قلبى اللى بيتقطع من جوايا ااااه يا وجع قلبى على حب عمرى الصبر من عندك وغسلت وشها وظبطت المكياج بتاعها وخرجت من باب الحمام واتفاجئت بأمير قدامها اتوترت وحاولت تمشى بسرعه بس امير وقفها وقال
أمير / مبسوطه معاه
زهراء / غمضت عينيها وحبست دموعها ولسه هتمشى
أمير / بتضحكى معاه زى ما كنتى بتضحكى معايه قلبك بيدق ليه زى ما كان بيدق ليا
زهراء / مقدرتش تتحكم فى دموعها اكتر من كده ونزلت منها وبصت ليه وقالت ايوه يا أمير سعيده ومبسوطه معاه وبيحصل اكتر من اللى انت قولته ده لان هو جوزى
أمير / قرب منها وتكلم جنب ودنها وقال حلوه فلوسه اللى سبتينى علشانها صح وبعد عنها وقال بس بصى اهو ربنا كرمنى وبعت ليا فلوس كتير وبقى عندى فيلا وعندى شركه وبدل العربيه اتنين وتلاته
زهراء / بدموع واهم حاجه أن ربنا هيكرمك بطفل تفرح بيه مبروك
أمير / اتصدم لما عرف أن زهره عرفت وقال الله يبارك فيكى عقبالك
زهراء / قريب قريب اوى يا امير
أمير / اتعصب وزقها على الحيطه وقرب منها وقال انتى ليه غاويه تعذبينى ليه تملى بترتاحى لما بتوجعينى عيرتينى بفقرى لما كنت فقير وكسرتى رجولتى لما روحت جبتك من على سرير راجل غريب ومستمره فى وجعى لحد دلوقتى لما روحتى لراجل غيرى انتى ليه بتعملى فيا كده ليه
زهراء / زقته وقالت انت جاى تحاسبنى بصفتك ايه ها بأمارة ما بعتنى لاسلام ولا لما رجعت ولاقيتك متجوز واحده غيرى انت اللى بعتنى يا أمير مش انا
أمير / قرب منها تانى وقال بصوت واطى انا مبعتكيش يا زهره لاسلام انتى اللى بعتى نفسك ليه لما كذبتى علينا كلنا وروحتى عنده الفيلا وسمحتى يبقى فيه باب مقفول عليكى وعليه وبسبب استهتارك وغبائك ابوكى مات ولما انا اتجوزت كنتى انتى اللى بدأتى البعد وروحتى بعيد وبرضه قبلتى تعيشى مع راجل غريب فى فيلا لوحديكم ولو كنت مشوفتكيش هناك كنا فضلنا ندور عليكى العمر كله بعتى أهلك علشان الفلوس علشان تعيشى فى فيلا وتجيبى هدوم كتير وتعيشى الحياة اللى بتحلمى بيها
زهراء / كانت مش مركزه فى ولا كلمه من قرب امير ليها وكانت بتاخد نفسها بصعوبه
أمير / شافها فى الحاله دى مسك وشها بين ايديه وبص على شفايفها ولسه هيقرب منها علشان يبوسها دخلت عليهم ساره وشافتهم بالوضع ده
زهراء / زقت امير ووقفت وهى متوتره ورجعت شعرها لوراه وقالت احم س.س.ساره ه.ه.هفهمك
ساره / احم متقوليش حاجه يا زهره وكويس أن انا اللى دخلت عليكم محدش تانى عمومآ انا جيت اقولك أن العرسان جم والمأذون هيبدأ يكتب الكتاب
زهراء / م.م.ماشى ا.ا.انا جايه معاكى وبصت على امير بدموع ومشيت مع ساره
أمير / عااااااا لييييييه كل ده بيحصل ليه وقعد على الكرسى ودموعه نزلت منه
عاطف / دخل وقال العياط ده لنسوان مش للرجاله
أمير / مسح دموعه وبصله بغيظ وقال انت ايه جايبك هنا ها
عاطف / اصل بدور على مراتى زهره وقالو ليا انها فى الحمام جيت أشوفها مشوفتهاش بما انك قاعد هنا كده
أمير / بقرف لسه خارجه
عاطف / اصل مقدرش استغنا عنها وجودها فى حياتى شئ اساسى
أمير / قفل ايده بغيظ وقال اهى عندك بره اشبع بيها وزقه وخرج
عاطف / بغيظ ماشى يا زهره حسابنا فى البيت وخرج وراه امير
____________________________
فى الجنينه
وصل العرسان والمأذون
وقعد شريف جنب المأذون والجنب التانى محمود وحطو أيديهم فى ايد بعض وبدأو الاتنين يقولو وراه المأذون وقال
المأذون /بارك الله لكما وبارك عليكما وجمع بينكم فى خير
سامح / اخد الورق ومضت عليه ريم
محمود / راح عند ريم ووقف قدامها وبسها فى راسها وقال مبروك يا احلى زوجه فى الدنيا
ريم / بكسوف الله يبارك فيك
محمود /بصوت عالى حد يقرصنى يا جدعان انا بجد اتجوزت ولا بحلم
الكل / ضحك على كلام محمود
عند شريف
كان قاعد جنب المأذون زى ما هو متحركش وجه ابو لميس وقعد الجنب التانى وحطو أيديهم فى ايد بعض وقالو وراه المأذون
المأذون / قال بارك الله لكما وبارك عليكم وجمع بينكم فى خير
شريف / راح عند لميس وحضنها ولف بيها وقال بصوت عالى بحبببببببببببببببببك
الكل صفر ليهم وصقفو ليهم
ووفى الوقت ده وصل ابو سهى عمى امير
سهى / طلعت تجرى عليه وقالت بدموع بابا حبيبى واحشتينى
حسين / انتى اكتر يا بنتى عامله والحمل عامل معاكى ايه
سهى / مشيت ايديها على بطنها وقالت الحمدالله يا بابا وبعدين سلمت على حسام وصلاح اخواتها وقالت امال فين ماما ليه مجتش
صلاح / ماانتى عارفه امك متقدرش على المشاوير البعيده دى
سهى / اصلها واحشتنى اوى
حسين / ابقى اخلى امير يجيبك الصعيد تشوفيها
سهى / أن شاءالله تعالو ادخلو يلا ودخلو سلمو على الكل
حسام /بص لساره بحب وقال اذيك يا بنت عمى
ساره / بقرف كويسه
حسام / ايه لسه مفكرتيش فى موضوعنا
ساره / انا سبق وقولت مش موافقه
أمير / منورنا يا عمى
حسين / المكان منور بأصحابه يا ابنى قولى سهى عامله معاك ايه
امير/ بص لسهى بقرف وبعدين بص لابوها وقال كويسه يا عمى
سهى / خافت لامير يتكلم ويحكى الحقيقه ولما قال كويسه اتنهدت براحه وحطت دراعها فى دراع امير وقالت امير مفيش منه اتنين يا بابا طيب اوى اوى وبيحبينى موت
حسين / ربنا يسعدكم يارب
أمير / بص بغيظ لسهى وقال ربنا يخليك يا عمى
عند زهراء
كانت قاعده على الطرابيزه اللى عليها امها وسامح وروز وعينيها على امير واول ما شافت سهى بتمسك دراع امير دموعها نزلت منها وفى الوقت ده جه عاطف وقال
عاطف /فينك يا حبيبتى بدور عليكى وبسها فى راسها
زهراء / مسحت دموعها بسرعه وبعدت راسها عنه وقالت ها ا.ا انا موجوده يا عاطف دخلت الحمام وجيت
عاطف / ماشى يا حبيبتى
أمير / كان متابع اللى بيحصل واتغاظ لما عاطف باس زهره من راسها
وفى الوقت ده طلب الدجى العروسين يجو على الاستتج علشان يرقصو سلو مع بعض
راح شريف ولميس
ومحمود وريم
عند شريف ولميس
بدأو يرقصو وهما بيبصو لبعض من غير ولا كلمه
لميس / بكسوف بتبص ليا كده ليه
شريف / مش مصدق نفسى معقول انتى خلاص بقيتى مراتى
لميس / لاء صدق يا قلبى انا بقيت مراتك حبيبتك وحياتك كلها
شريف / وعد منى يا لميس هعيشك اسعد واحده على الأرض ولا عمرى هوجعك ولا اجرحك
لميس / وانا وعد منى هكون معاك على المره قبل الحلوه وحياتنا محدش هيعرف حاجه عنها غير انا وبس وهقف تملى فى ضهرك وعمرى ما هقبل انك تقع ابدآ
شريف / بحبك اوى يا لميس واخدها فى حضنه و ضمها جامد
عند محمود وريم
محمود / زوجتى العزيزه اخيرآ قدرت المسك من غير ما تشتمينى
ريم / بكسوف علشان انت دلوقتى حلالى وبقيت جوزى
محمود / طيب بالنسبه ان انا بقيت جوزك مش ناويه تقوليلى بقى بحبك
ريم / احم يعنى مش جوزى اوى ل.ل.لسه الفرح
محمود / نعم يا اختى هو ايه اللى مش جوزى اوى امال المأذون ده كان بيعمل ايه متخلنيش اتجن واحلف عليكى انك مش مروحه مع أهلك انتى دلوقتى فى الشرع وفى القانون مراتى ومن حقى احكم عليكى
ريم / والله طيب ورينى كده هتحلف ازاى
محمود / عليا النعمه بحبك
ريم / هههههههههه يا راجل
محمود / يا عيون الراجل يا قلب الراجل يا دنيت الراجل كلها
ريم / اتكسفت وبصت فى الارض
محمود / قولى بقى حرام عليكى
ريم / بكسوف وصوت واطى بحبك
محمود / ايه مش سامع
ريم / احم ب.ب.بحبك
محمود / شالها ولف بيها وقال وانا بعشقكككككك
ريم / بكسوف محمود نزلنى
محمود / نزلها وبسها فى راسها وحضنها وكمل رقص
وفى الوقت ده الد جى طلب من الكابلز يشارك العرسان الراقصه
سامح اخد روز وراح يرقص
عاطف / مد أيده لزهره وقال تعالى نرقص
زهراء / احم انا تعبانه ومش عايزه ارقص
عاطف / بتحذير قومى يا زهره
زهراء / قامت بخوف وراحت مع عاطف ترقص
أمير / شاف زهره وهى رايحه مع عاطف اتغاظ وبص عليهم بغيظ
عاطف / قرب من زهره وبدأ يرقص معاها وقال انتى شوفتى امير ولا اتكلمتى معاه
زهراء / بخوف ل.ل.لاء ل.ل.ليه
عاطف / أصله كان جوه فى نفس الوقت اللى كنتى انتى فى الحمام
زهراء / احم م.م.مشفتهوش وبصت على الأرض وكانت خايفه ومتوتره
عاطف / قرب اكتر ليها ورفع وشها ليه وبص فى عينيها وقال مصدقك طبعآ يا قلبى وقرب من شفايفها وبسها بوسه طويله
زهراء / دموعها نزلت منها وحاولت تبعد عنه بأى طريقه
أمير / لما شاف كده اتجن ولسه هيقوم ويروح ليهم
سهى / مسكته من دراعه وقالت تعال نرقص يا حبيبى وشدته من ايديه وراحو يرقصو
زهراء / قدرت تبعد عن عاطف وشافت امير وهو بيرقص مع سهى
عاطف / شد زهره فى حضنه
زهراء / قعدت تبص علي امير ودموعها نازله منها
أمير / كان بيرقص مع سهى وعينه على زهره وعاطف
عند سامح وروز
روز / انت ليه من ساعة ما جيت تخدنى وانت عمال تبصلى كده
سامح / مش قادر اصدق ان الجمال ده كله معايه وبين ايديه
روز / بصت ليه بكسوف وقالت احم وعلى فكره انت طالع حلو اوى
سامح/ بجد
روز / هزت راسها وقالت ايوه
سامح / الدور الجاى علينا أن شاءالله فى الخطوبه
روز / إن شاءالله
سامح / بحبك اوى يا روزتى
روز / بكسوف وانا كمان
سامح / وانتى كمان ايه
روز / احم وانا كمان ب.ب.بحبك
سامح / نفسى اخدك فى حضنى واضمك واعرف الناس كلها أن انا بحبك
روز / هههههههه مجنون
سامح / مجنون بحبك
عند ساره
كانت قاعده وبدور بعينيها على احمد سمعت حسام بيقول ليها
حسام / ما تيجى يا بنت عمى نرقص زيهم
ساره / بغيظ ونرقص مع بعض بتاع ايه
حسام / وفيها ايه يا ساره دا انتو حتى هنا عندكم عادى
ساره / ما تحسن ملفظك يا اخى ايه عندنا عادى شيفنا ماشين بنحضن فى الشباب فى الشارع
حسام / مش القصد انا اقصد أن الرقص السلو ما بين اى بنت وشاب عادى هنا فى القاهره مش زى عندنا فى الصعيد
امينه / قومى ارقصى مع ابن عمك يا ساره
ساره / ايه يا ماما اللى بتقوليه ده
حسين / وفيها ايه يا بنتى ده ابن عمك
ساره / بغيظ يعنى ايه ابن عمى ده علشان ارقص معاه
امينه / قومى يا بنتى بلاش توجعى قلبى
ساره / بغيظ حاضر يا ماما حاضر وقامت مع حسام وهى متغاظه
عند أحمد
كان لسه رايح لساره علشان يرقص معاها بس اتفاجئ بيها وهى قايمه ترقص مع ابن عمها حسام بص ليهم بغيظ ومشى وسابهم
ساره / شافت احمد وهو خارج ومتعصب زعلت واتغاظت من حسام
حسام / ايه يا بنت عمى فينك بكلمك ومش بتردى عليا
ساره / عايز ايه من امى بقى يا لهوى على اللزقه السوده دى
حسام / بقولك ما تيجى نتجوز وانا اوعدك هعيشك اسعد واحده على الأرض
ساره / يا ابنى كام مره اقولك مش بفكر فى الجواز دلوقتى افهم بقى
حسام / خلاص نخليها خطوبه دلوقتى والجواز فى الوقت اللى هتكونى مستعده فيه
ساره / عااااااا يا دين النبى على الغلاسه
حسام / على فكره انا مش غلس ولا حاجه بس من يوم ما شوفتك وانا مش بفكر فى حاجه غير فيكى يا صرصور
ساره / اولا انا أسمى ساره مش صرصور ثانيآ بقى انا مش بحس بأى حاجه اتجاهك ياريت تنسانى وشوف واحده غيرى تسعدك وتحبك إنما أنا لاء وسابته ومشيت
وانتهى اليوم وكل واحد روح على بيته
____________________________
فى فيلا عاطف
وصل عاطف وزهراء الفيلا ودخلت زهره على اوضتها وقفلت الباب واترمت على السرير وافتكرت امير وهو مقرب ليها وافتكرت لما كانت سهى بترقص معاه ودموعها نزلت منها وقعدت تعيط واتفاجئت بالباب بيتفتح عليها مسحت دموعها بسرعه وقالت
زهراء / عايز ايه يا عاطف
عاطف / انتى كنتى بتعملى ايه جوه مع امير
زهراء / ها و.و.ولا حاجه ا.ا.انا مشفتهوش
عاطف / انا متأكد انك شوفتيه يا زهره
زهراء / ب.ب.بقولك مشفتهوش
عاطف / قعد جنبها على السرير ومسكها من بؤقها وقال بعصبيه متكدبيش انتى كنتى جوه وهو كمان كنتو لوحديكم كنتو بتعملو ايه مسك ايدك باسك اخدك فى حضنه
زهراء / اه يا عاطف محصلش حاجه من ديه
عاطف / انا متأكد أن هو لمسك يا زهره ومتأكد انك معترضيش وسبتيه يلمسك
زهراء / هزت راسها بمعنى لاء وقالت بدموع حرام عليك متظلمنيش ولسه هتقوم
عاطف / شدها ونيمها على السرير ونام فوقيها وقال انا احق بيكى يا زهره جسمك ده بتاعى انا فاهمه بتاعى
زهراء / ابعد عنى متلمسنيش ابعد
عاطف / ليه ها علشانه هو صح انا اللى جوزك يا زهره انا اللى احق بجسمك ده انا اللى بحبك بجد وقطع الهدوم من عليها وقعد يبوس فى وشها وهو مش حاسس بأى صريخ من زهره وقام شدها على السرير وربط ايديها فى السرير وقلع القميص بتاعه ونام فوقيها وقال حان الوقت اللى تكونى فيه مراتى رسمى
زهراء / بدموع ارجوك يا عاطف بلاش تعمل كده ارجوك
عاطف / مكنش سامع صوت زهره وعمال يبوس فيها بس فى الوقت ده جرس الباب رن بعد عنها وفكها وقال انا جاى ليكى وهاخد حقى فاهمه ولبس القميص بتاعه
زهراء / قعدت بخوف على السرير وضمت رجليها على صدرها وقعدت تعيط
عاطف / بص ليها بصه طويله ونزل
زهراء / افتكرت أن اللى بيرن الجرس ده حد من اهلها قامت بصعوبه ولبست هدوم على جسمها من الدولاب وفتحت الباب ونزلت واستغربت لما شافت الاولاد بيجرو على واحده وبيقولو ماما ماما
عاطف / ملك انتى ازاى خرجتى
