اسكريبت أنا بكره أبويا وأخويا الفصل الثاني 2 بقلم شروق محمود

الاب: من ست شهور كان حمزه تعب أوى وخدناه وروحنا للدكتور

مازن:ايوه انا فاكر اليوم ده بس انتم قولتولى أن الدكتور قال مفيش حاجه وان حمزه بيدلع وكده

الاب بإبتسامه :مفيش حد بيمثل المرض يا مازن اى حد يقلك انا مريض بيبقى فعلا مريض 

_يعنى حمزه تعبان طيب ماله؟

كمل بابا كلامه بدموع اول مره اشوفها فى عِنيه بابا اللى طول عمرى بتعلم منه ازاى اتحكم فى نفسى بيعيط 

_اخوك عندو القلب ومحتاج عمليه فى اسرع وقت ونا مش معايا اعملها لما كنت بقولك أننا خرجين كنا بنروح للدكتور عشان نتابع معاه وعشان نشوف لو ممكن يعمل العمليه على نفقة الدولة ولا لا 

_والعمليه دى تتكلف كام

_فى حدود مئة ألف جنيه غير مصاريف العلاج وغيره

_وانت معاك كام يا بابا

ابتسم بسخرية وكسرة: ما يكملش عشرة ألف جنيه غير انى مش عارف هكمل الشهر منين غير مصاريف دروسك غير أن فى مشاكل فى الشغل وغيرو و غيرو

_والحل؟

بدموع وامل: الحل عند ربنا هو عالم بحالنا وهو الرزاق يا ابنى 

_ونعم بالله يا بابا

_مازن انا عمرى ما افرق بينك انت واخوك طول عمري انتم الاتنين مكانه وحده فى قلبى 

رديت عليه ولسه جوايا ذرة غيره :لا يا بابا بس كان فى حاجات كتير بتفرق بنا وملهاش علاقه بمرض حمزه

_زى ايه؟

_مثلاً لما تفضل تهزر معاه بلساعات وساعة ما اتكلم انا بتزعقلى 

قال بيأس وهو خارج من الاوضه :حقك عليا يا ابنى كنت مضغوط وبطلع زهقى عليك 

“كنت بحاول وقتها اجيب لنفسى اى حجه ابرر بيها غيرتى لأن بعد اللى سمعته من بابا حسيت نفسى غبى اوى وماعنديش دم ياااه بقى كل ده بيحصل معاهم ونا كل اللى شاغل بالي الفسح والضحك وحاجات تانيه كتير تافهه …… فعلا زى ما بيقولوا الحقيقه ليها وجوه كتيره بس احنا اللى مش شيفين لو كل واحد فينا عذر التانى ماكنش ده حالنا ….. اعذروا اهلكم يا جماعه اهلكم عمرهم ما كانوا اعدائكم بيغلطوا فى حقنا ايوه بيغلطوا فى حقنا بس عن جهل منهم أن الحاجه دى غلط بس هما بيحبوكم ربنا ما وصاش على الوالدين من فراغ

وانتم اوعى فى يوم تفرقوا بين عيالكم ولو فى ابسط شئ لأن هى بتفرق معاهم وبيخدوا بلهم منها أوى و شارك ولادك الكبار فى مشكلك اكيد هيفهموك وهيحولوا يسعدوك حبوا بعض وبينوا لبعض الحب ده”

بعد ما بابا مشى سمعت العشاء بتآذن فروحت الجامع عشان اصلى روحت له مهو انا مليش غيروا بروحله ونا فرحان ونا زعلان ونا مضايق ونا بكل حالاتى اصل مفيش حد هيفهمنى قده … ونا خرجت من البيت  حمزه فضل ينادى عليا عشان نصلى مع بعض بس انا خرجت ومردتش عليه مكسوف منه مش قادر احط عينى فى عينه فى الوقت اللى المفروض أقف جنبه فيه وابقى سَنده كنت اكتر حد بيئذيه 

روحت الجامع وصليت وعيط عيط كتير مشاعر كتير جوايا حزن على حمزه وغضب من نفسى وعجز عشان مش قادر اعمل حاجه  ورجاء من ربنا عشان يساعدنا 

خلصت صلاه ونا كلى امل فى ربنا أنه هيساعدنا وقمت عشان امشى و ايه ده؟ دى شنطه 

ببص اشوف بتاعت مين مالقتش حد الفضول خدنى أن اشوف فيها ايه بس ايه ده ؟دى دى فلوس … دى فلوس كتير اوى يااااه يا رب انت كريم اوى اوى 

فرحت اوى وخدت الفلوس وركبت تاكسى عشان اروح عشان البيت بعيد عن الجامع

روحت البيت ونا فرحان اوى عشان خلاص لقيت الفلوس اللى هنعمل بيها عملية حمزه

_بابا ماما حمزه 

الجميع: نعم فى ايه ؟

_انا لقيت الفلوس اللى هنعمل بيها عملية حمزه

حمزه بفرح: بجد هيييه يعنى انا هخف

الام بفرح :يا مانت كريم يا رب الف حمد وشكر لك يا رب

الاب :استوا كده .. انت لقيت الفلوس دى فين ولا جبتها منين ؟

حكيت لهم اللى حصل

ماما :ده رزق لينا عشان ربنا عالم بحالنا

حمزه :ربنا عارف انى تعبان وعشان كده بعتهم

الاب بجديه :قوم معايا نروح نرجع الفلوس دى لصاحبها

بصيت لبابا بصدمه:ليه يا بابا يعنى ربنا باعت الفلوس دى لينا نقوم إحنا نرفضها

بابا:مفيش حاجه اسمها كده اكيد صاحب الفلوس دى بيدور عليها دلوقتى انت ما تعرفش هو كان عاوزها ليه ولا هيعمل بيها ايه 

قولت لبابا بغيظ :يا بابا انت فى ايدك تعمل عملية حمزه وتعيشنا سنه قدام يا بابا فكر 

بابا بصرامه: هى كلمه تعال معايا نرجع الفلوس دى لصاحبها يلااا

حمزه بدموع:يعنى انت هتسبنى اموت يا بابا هو الراجل صاحب الفلوس ده أهم منى ؟

بابا بتأثر : لا يا حمزه مفيش حد فى الدنيا دى كلها اهم منك انت واخوك بس ما ينفعش اعلجك بفلوس حرام 

_يا بابا حرام ايه بس هتلاقى صاحب الفلوس دى واحد من الناس اللى معاها فلوس كتير يعنى دول مش هيأثروا فيه اسمع بس تعال نعمل العمليه

بابا قام وقف وقال بكل صرامه: قوم يلا معايا عشان نرجعله الفلوس انشالله يكون معاه فلوس الدنيا والآخرة هنرجعهم ليه برضو

نزلت انا وبابا من البيت ونا كلى غيظ منه يعنى فى ايديه كل الفلوس دى وهو اصلا محتاجهم اوى وبرضو عاوز يراجعهم بجد مش فاهمه

روحنا الجامع وسألنا شيخ الجامع لو فى حد سأل على فلوس فقال إن فى واحد إسمه احمد كان بيسأل عن شنطه هنا وقال لينا أننا هنلاقيه فى المستشفى وعرفنا مكانها ونروح له فين 

روحنا المستشفى وسألنا لحد ما وصلنا لواحد وبابا بدأ يتكلم

بابا: حضرتك استاذ احمد

_ايوه انا احمد

_حضرتك نسيت الشنطه دى فى الجامع وابنى لقاها ورجعنا انا وهو عشان نديهالك

بدموع: ربنا يخليه لك وما يوريك فيه شر أبداً والله ربنا هو الَاعلم بحالى الفلوس دى انا كنت واخدهم سلفه من الشركه اللى بشتغل فيها عشان اعمل لبنتى عملية زرع كليه عشان تعبانه اوى ومفروض تعمل العمليه دى فى اسرع وقت  وروحت لربنا اصلى ركعتين عشان يوفقنى تقوم الفلوس تضيع منى 

وكمل بندم واسف : ساعتها الشيطان لعب فى دماغى وهيئلى انو … إن يعنى ربنا اتخلى عنى 

بابا:لالا يا جدع استغفر الله العظيم استغفر ربك يا استاذ احمد بقى فى حد يقول كده برضو 

_مش عارف جه فى بالى كده ازاى بس ربنا الحمدلله رجعهم ليا تانى 

*ولك أن تتخيل شعورى ساعتها انا مش بس كنت هاخد الفلوس بتاعت عمليه البنت وممكن تموت ودخل حزن فى قلب عيله كامله  لا ده انا كمان كنت خلى بنى ادم إيمانه بربنا يضعف انت متخيل يعنى ايه واحد ييجى فى باله أن ربنا اتخلى عنو معناها كبير اوى لو تفكر فيها

وطول الوقت طبعا نظرات من بابا بيقولى شوفت كنت عايزنى اعمل ايه *

احمد:اتفضل يا استاذ ده حقك عشره فى المئه من الفلوس لانك لقيتهم 

بابا:عيب عليك يا راجل بقى ده اسمه كلام روح يلا لبنتك فرحها واعمل لها العمليه 

_ربنا يعمر بيتك وما يحوجك لحد أبداً ربنا يحبب فيك خالقه وما يوريك شر فى عيالك يا رب 

الراجل مشى ونا سألت بابا بفضول 

_بابا هو انت ما خدتش الفلوس منه ليه؟

_يعنى انت مش شايف حال الراجل وأنه محتاج الفلوس دى العمليه وكمان وخدها سُلفه أقوم أنا اخد منه فلوس طيب ده يصح

_طيب ما انت كمان عندك حمزه محتاج عمليه قلب ومحتاج الفلوس برضو 

ابتسم بابا وقال :ربك كريم يا ابنى زى ما كرم الراجل الطيب ده هيكرمنى برضو وهتشوف

قالى الكلام ده بكل ثقه وكإنه عارف ومتأكد أن الفلوس خلاص فى جيبه فعلاً الثقه بالله دى شئ عظيم جداً

خرجنا من المستشفى و روحنا البيت 

عدى يوم واتنين ومفيش جديد وبابا بيحاول يجمع الفلوس بأى طريقه بس مش عارف لحد ما فى يوم واحنا قاعدين نفكر في الفلوس وكلنا زعلنين رن جرس الباب وقمت افتح

_ايوه مين حضرتك ؟

_انا دكتور فارس ممكن اتكلم معاك انت ووالدك شويه 

دخلته جوه وقعدت معاه انا وبابا وبدأ الكلام

فارس:انا دكتور فارس اخصائي قلب وجراحه

بابا :أهلاً بيك يا ابنى 

فارس :هدخل فى الموضوع على طول من يومين شفت حضرتك انت وابنك فى المستشفى وقفين تتكلموا مع واحد وبصراحه الحديث جذبنى وبدأت اسمع كلامكم وبعتذر جداً لحضرتك على تدخلى بعدها فهمت أن ليك ابن عايز يعمل عمليه فى القلب وان اسمه حمزه روحت دورت فى دفاتر المستشفى ولحسن حظى مالقتش حمزه غير واحد بس ودرست حالته وجاى استأذن حضرتك فى أن عايز اعمل العملية دى على حسابى وهتكلف بكل المصاريف وارجوك ما تحرمنيش من أن اساعدكم

وقتها عينى دمعت ايوه فرحه كبيره كلنا كنا فرحانين وحمزه عمل العمليه وبقى كويس 

يااااه يا اخى ده ربنا طلع كريم اوى وعوضه كبير وعمره ما ينسى حد كل ده حصل واحنا مفكرينه صدفه انا دلوقتي بس عرفت أن ما فيش حاجه اسمها صدفه كله ربنا اللى ببعمله وبيبعتنا لبعض عشان بعض انا اساعدك وانت تساعدني ربنا كريم بس انت قول يا رب

يا رب????