رواية جحيم أنس الفصل الحادي عشر 11 بقلم أحمد نبيل
رواية جحيم أنس الجزء الحادي عشر
رواية جحيم أنس البارت الحادي عشر
رواية جحيم أنس الحلقة الحادية عشر
غرفة نانيس
تتساقط دموع انس على وجنتيها وهى تنظر الى صور نانيس
تحدث نفسها : أنا اللى اخترت غلط … انا اللى غلطانة
تسمع انس صوت باب الشقة ينفتح
تقف انس وتسرع الى الخارج
تجد سيد يفتح الباب ويدخل
انس : بنتى فين
تدخل نانيس وهى ترتدى فستان زفاف ابيض ومعها حمادة
سيد (وهو يشير نحوهم بيده) : الف مبروك يا انس بنتك اجوزت
تتسمر انس مكانها دون حراك وتتسع عينيها عن أخرها ثم تمسك رأسها وتسقط مغشيا عليها
………………………………….
في الطريق
كريم يستقل سيارة مع أحد أصدقائه
كريم (وهو يمسك هاتفه) : ردى يا ماما في ايه
صديق كريم : مالك يا بنى في ايه
كريم : من ساعة ما مشينا من الجامعة بحاول اكلم ماما مش بترد
صديق كريم : ممكن تكون مشغولة ولا حاجة … اهدى بس او كلم باباك او اختك
كريم يحاول الاتصال مرة أخرى بأنس دون رد منها
كريم : بقولك ايه كنسل المشوار بتاعنا ده وودينى البيت
صديق كريم : يابنى انت مش قولت انك وصلت لقصة الفيلم وحددت الميعاد النهاردة مع الجروب كله عشان تعرضها
كريم : مش وقته دلوقتى أنا مش مطمن ودينى البيت بسرعة أو نزلنى اخد اوبر من هنا
صديق كريم : خلاص اهدى هوصلك
يتجه صديق كريم بسيارته الى بيت انس
……………………………………..
بيت انس (غرفة نانيس)
حمادة يجلس بجوار نانيس على سريرها
حمادة : امك دى أوفر أوى يا نانى يغمى عليها وهى شايفاكى داخله بفستان ابيض وعريس زى القمر زى
نانيس : بقولك يا حمادة فكك من الهرى دى احنا عارفين انها مش هتتقبل اللى حصل من الأول بس هي مسبتليش حل تانى
حمادة : بس باباكى ده حاجة تانية الاندرويد بتاعه اخر فيرجين
نانيس : أبو السيد ده حبيبى مش ابويا لأ ده صاحبى الانتيم وميقدرش يرفضلى طلب أو يزعلنى
حمادة (وهو يقترب منها) : طب ايه بقى مش يلا يا موزة
نانيس : ايه مستعجل على ايه وبعدين مش النهاردة
حمادة : ايه مش النهاردة … بقى عايزانى اسيب قطعة الكريم شانتيه اللى قدامى ديه واعدى الليلة عادى كده … مش كفاية قبلت نجوز ونقعد هنا
نانيس : ده كان شرطي وانت وافقت
حمادة (يخلع جاكيت البدلة) : طب حتى ندوق حتة من الكريم شانتيه
يحاول حمادة تقبيلها
نانيس (وهى تبعده عنها) : قولتلك مش النهاردة يا حمادة
…………………………………..
يصل كريم البيت ويجد سيد يجلس في الريسبشن ويدخن سيجارة
كريم : ماما فين
سيد : انت مفيش في دماغك غير امك طب اسال على ابوك
كريم : يعنى حضرتك اللى بتسأل علينا أو مهتم بينا ما انت علطول بره
سيد (وهو يدخن السيجارة) : بقولك ايه ياواد انت أنا عامل دماغ ومش فاضى انطحك خش أمك جوه في اودتها
يسرع كريم الى غرفة انس
يفتح الباب ويدخل
يجد انس على سريرها تبكى
يسرع نحوها كريم
كريم (وهو يقبل يدها) : مالك يا ماما في ايه
انس (وهى تبكى) : انا اللى غلطانة يا بنى انا اللى غلطانة
كريم : حصل ايه ياماما
انس : انا اللى اخترت غلطت … أنا خلاص عرفت مين كان عايز يقتلنى … أبوك واختك قتلونى
كريم : ياماما ابوس ايدك فهمينى حصل ايه
يدخل سيد عليهم
سيد : انت لسه فى المناحة ديه … هو ايه اللى حصل يعنى … ده بدل ما تفرحى يا حضرة الناظرة
تنظر له انس بنظرة احتكار وغضب كبيرة
كريم (يصيح) : حد يقولى فيه ايه حرام عليكو
سيد : امك اجننت وكل ده ليه عشان وافقت ان اختك تجوز
كريم : ايه اختى مالها
سيد : اختك اجوزت ايه مسمعتش واجوزت أحلى جوازه
كريم : اختى انا اجوزت
انس (وهى تبكى) : حسبى الله ونعم الوكيل فيك … حسبى الله ونعم الوكيل فيك
كريم : ماما هو بيقول ايه … هو أنا سمعت صح ولا ده تخريف
انس : ابوك جوز اختك عرفى وجابها هى واللى اجوزها هنا
يلتفت كريم الى سيد بدهشة كبيرة
كريم (يتمتم) : اختى أنا اجوزت عرفى وانت موافق
سيد : أنا ابوها وانا حر
يندفع كريم الى الخارج نحو غرفة نانيس ويحاول فتح الباب
الباب مغلق
يطرق الباب بقوة وهو يصيح : افتحى الباب … افتحى
يلحق به سيد ويمنعه
سيد : ايه هتجنن انت كمان انا راجل البيت هنا واللى هقوله هيمشى
يدفعه كريم عنه ويحاول فتح الباب بقوة
ينفتح باب غرفة نانيس ويجد حمادة مع نايس فى سريرها
يتسمر كريم مكانه ثم يندفع نحو نانيس ويصفعها على وجهها ويجذب حمادة من ملابسه ويجذبه الى خارج الغرفة
تصرخ نانيس ويحاول حمادة ابعاد كريم عنه
يتدخل سيد ويمنع كريم
سيد : لو مبطلتش اللى انت بتعمله ده تخرج بره البيت ده ومترجعش تانى
كريم : ماما كان عندها حق … مكنش المفروض ترتبط بواحد زيك
يصفعه سيد على وجهه بقوة
سيد : طب اخرج بره
كريم : انت أب انت … أنا ميشرفنيش تبقى أبويا
يصفعه سيد على وجهه مرة أخرى
تخرج انس من غرفتها وهى تصيح
انس : عيب … عيب يا كريم ده ابوك يا بنى مهما عمل
كريم : انتى اللى بتقولى كده يا ماما بعد اللى عمله
انس : ايوه ده ابوك ومينفعش تقف قدامه كده
سيد : انتى وابنك عايزين تقعدوا في البيت ده تقعدوا بشروطى غير كده لأ … البيت ده بيتى وأنا اللى أقول مين يقعد ومين يمشى … فاهمين
انس : يلا يا كريم معدش لينا قعده فى البيت ده
ينظر كريم الى سيد بغضب كبير في حين تتابع نانيس وحمادة ما يحدث دون تدخل
………………………………..
شقة عابدين
تصل سيارة ملاكى منطقة عابدين وتتوقف امام احدى البيوت وتنزل منها انس وكريم ومعهم حقائبهم
انس )وهى تنظر الى البيت) : مكنش لازم نسيب هنا … بس انا اللى غلطانة
كريم ينظر اليها ولا يعلق
يدخل الاثنان البيت ويصعدان الى الشقة الموجودة فى الدور الثالث
تحاول انس فتح الباب بالمفتاح الخاص بها
الباب لا يفتح
تحاول مرة اخرى دون جدوى
كريم : فى ايه يا ماما
انس : الباب مش عايز يفتح
كريم (وهو يأخذ المفتاح من انس) : طب خلينى اجرب
يحاول كريم فتح الباب دون جدوى
ينفتح الباب مرة واحدة ويظهر خلفه رجل يرتدى ملابس منزلية
الرجل (بصرامة) : انتوا مين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم أنس)
