اسكريبت لعنة جمال العيون الفصل الثاني 2 بقلم شهد محمد

باستغراب بترد:عريس ايه انا متقدمليش حد اصلا من ساعة آخر مرة

بعصبية:اللي قاعد مع ابوكي ياختي و بيتفق معاه في المسجد و قال ايه عايز كتب كتاب بروح أمه عليا النعمة من نعمة ربي لو ما اترفض لأقتلهولك يا تمارا

بهدوء:متخافش انا معدش ليا نفس لحاجة اصلا و احب افرحك أن انت السبب

=بكرة تفهمي كل حاجة تصبحي على جنة

قفلت و انا مستغرباه بصراحة بغض النظر عن أنه بيراقب من بعيد و بيعرف كل اخباري بغض النظر عن أنه بيتحول من حال ل حال بغض النظر عن أنه مجاش اتقدملي طالما هو عاوزني بغض النظر عن كل دة انا معنتش فاهماه

معملتش بلوك للرقم و دي اول مرة تحصل من ساعة ما عرفت خراب،دخلت نمت و في صباح اليوم التالي حصل:-

عزت:تمارا حبيبتي ممكن اتكلم معاكي شوية

ادعيت اني معرفش هو عاوزني في ايه:اكيد طبعا يا بابا اتفضل،خير

عزت:جاسر جارنا متقدملك قابلته امبارح و انا بصلي الفجر و طلبك مني قولتله هاخد رأيك الأول 

تمارا بتنهيدة:و الله شكرا انك هتاخد رأيي بس يا ريت تقتنع بيه

عزت:انت عارفة اني مستحيل اغصبك على حاجة و اللي انت عايزاه هيكون أن شاء الله انا معنديش أغلى منك يا تمارا

بابتسامة:و الله انت اللي فيهم يا حاج ع العموم إللي تشوفه انا كدة كدة مش فارقة معايا

عزت:لازم يفرق معاكي مش انت اللي هتعيشي

و الله يا بابا انا مش عايزة اتجوز اصلا و قولتلكو قبل كدة بس شكلكوا زهقتوا مني

عزت:انا لو عليا مش عايزك تسيبيني بس امك بقي

~امي زهقت????

عزت:نفسها تفرح بيكي

~تمام اللي تشوفه خليه ييجي،عن اذنك هروح الشغل

عزت:ربنا معاكي يا روحي

في الطريق للمستشفى جاتلي رسالة من نفس رقم امبارح

بغضب:ايه اللي انت هببتيه دة

~اتكلم عدل يا خراب ع الصبح انا مش طايقة نفسي

=سبق و قولتلك يا تمارا بلاش تتحديني عشان محصلش حاجة تندمي عليها

بتأفف:انا مش عارفة آخرة اللي انت بتعمله دة

=اسمعي اما اقولك بقى العريس دة مش مظبوط و صدقيني هتندمي عليه

You blocked this contact 

استغفر الله العظيم يا رب توب علينا من الوَش اللي ع الصبح دة

في المستشفى غرفة ٨٠٧

لا دة احنا بقينا عال خالص يا عم محمد

عم محمد:البركة فيكي يا دكتورة ربنا يباركلنا فيكي يا رب

بإبتسامة:تسلملي يا زوق،يلا بقى شد حيلك عشان تخرج من هنا و لا استحليت المستشفي

هتصدقيني لو قلتلك اني استحليتها و مش عايز امشي اصلي هقعد مع مين ما الدنيا بقت باهتة و ملهاش طعم من بعدها يمكن لو قعدت هنا يهونوا عليا مش عايز احس اني لوحدي

بإبتسامة حزينة:مين قالك انك لوحدك دة انا هبقي كل يوم عندك اصلا عشان نفطر سوا و تعملي الشاي بلبن اللي بحبه و الله ملوش طعم غير من ايدك

بإبتسامة:تعرفي انا لو كان عندي بنت مكنتش هتبقى حنينة كدة

و انت فيك كتير من بابا-

ربنا يباركله جاب بنت زي البدر يا تيمو

بغرور:طبعا انا قمر اصلا 

طيب يا ستي يلا اديني الحقنة بقي

طب شمر دراعك و بلاش ملامح الوش العابسة دي عشان اركز اش حال كانت ايدي خفيفة و مبوجعكش

بضحك:دي طقوس لازمة للحقنة انا لو معملتش كدة مش هحس بمفعولها

تمارا اديته الحقنة بحذر شديد عشان متوجعهوش فهو قال:تسلم ايدك 

بالشفاء العاجل أن شاء الله 

خرجت تمارا و لقت يوسف واقف بيتفرج عليهم من الشباك و سرحان

قطعت سرحانه بحمحمة:احم خير يا استاذ يوسف

كل خير ان شاء الله انا بس كنت عند دكتور عاصم ببلغه بميعاد تسليم الاجهزة

هو انت اللي هتيجي تسلمه مش المندوب

يعني اخلي المندوب يجي يصطبح بالطلة البهية دي و انا لا طب يرضى مين

احمرت فهو قال بابتسام:بس انا اول مرة اشوف دكتورة بتتألم لألم المريض

بتلقائية:طبعا ألم المريض بيوجعني اصلا شعور الألم دة معدي

على كدة بتخافي من الدم بقي-

جدا

نعم-

اه و الله بخاف منه بس لما بلاقي أن اللي قدامي ممكن يموت أو يجراله حاجة و انا في ايدي انقذه بتغلب على خوفي

عارفة شعور ايه كمان معدي-

ايه

بإبتسامة:شعور الضحك-

ضحكت تمارا فهو ابتسم:اهو شوفتي معدي ازاي

عاصم بنداء:تمارااا

بضيق:هو مبيندهش غير عليكي و لا ايه-

عن اذنك هشوف في ايه شرفت يا استاذ يوسف

مشيت تمارا و هو قال في نفسه:اقنعها ازاي اني مش استاذ انا رجل أعمال و الله????‍♀️

تليفون تمارا رن باسم بابا

عزت في الفون:تمارا،جاسر جاي النهاردة بالليل يا ريت تيجي بدري

تمارا:ايه الميعاد دة بس مش كنتو خليتره آخر الاسبوع

عزت:معلش بقى هو اللي حدد الميعاد

ماشي يا بابا هحاول اجي بدري أن شاء الله 

عند عاصم في المكتب

تمارا بتدخل تلاقي مجموعة من الدكاترة عند عاصم و هو بيقول:طبعا يا دكاترة انتو عارفين ان احنا داخلين على صفقة أجهزة طبية و كدة فانتو هتتقسموا مجموعتين مجموعة هتشرف عليتركيب الأجهزة و مجموعة هتشرف ع المرضي، دكتور رامي حضرتك هتاخد قسم الأجهزة و معاك دكتورة نجلاء و دكتور نعيم و الفنيين و الممرضين

دكتورة تمارا حضرتك هتاخدي بقيت الدكاترة و هيبقى اشرافكم ع المرضي

الجميع:تمام يا دكتور

عاصم:تقدروا تتفضلوا

تمارا كانت لسة واقفة فعاصم استغرب و قال:فيه حاجة يا دكتورة

في نفسها:طب انا هقوله ازاي اني عايزة استأذن بدري

عاصم:دكتورة تمارا دكتورة تمارا تمارا تمارااا

ايوة يا فندم

في ايه يا تمارا سرحان في ايه-

انا بس كنت يعني عايزة استأذن بدري شوية النهاردة

-للأسف مش هينفع عدد الدكاترة اللي موجودين في المستشفى النهاردة قليل و مش هينفع تمشي احتمال اصلا تاخدي وردية تانية

ايوة بس دة مش.. 

صوت ممرضة من برة:حالة طوارئ بسرعة حد يلحقنا في جرحى كتير

بتجري تمارا على برة و تدخل اوضة العمليات عشان تستعد لإجراء عملية جراحية لمصابي الحادث

كانت تمارا متوترة لأن اول مرة تحصل حادثة تخلف وراها مصابين بالشكل دة منظر الدم و الناس اللي مغمى عليهم منظر يخوف بس كان لازم تتغلب على خوفها عشان تنقذهم

بعد العملية

خرجت تمارا من اوضة العمليات دايخة بعد ساعات من العمل المتواصل جوة

كانت هتقع لولا عاصم اللي سندها و قال:تمارا انت كويسة

بصتله بتعب و هزت رأسها ب آه فهو قال:طب تقدري تروحي دلوقتي عشان ترتاحي انت تعبتي جدا النهاردة بس يا ريت تروحي تنامي شكلك مرهق خالص و مبتناميش

بتعب:هي الساعة كام يا دكتور

عاصم:7:30 اشمعنا

تمارا لقت تليفونها بيرن و كان المتصل هدى:انت فين يا بنتي اومال لو كنت هتيجي متأخر كنت عملتي ايه

تمارا مش عارفة ترد بأيه و الدنيا بتلف بيها جامد و مصدعة و مش عارفة تعمل ايه و فجأة لقت النجدة

كندة دخلت من باب المستشفى و راحتله

تمارا:كندة انت ايه اللي جابك هنا و.. 

كندة:مش وقته خالص يلا عشان خالتو هتعمل مننا شاورما

سحبت كندة تمارا لحد العربية(و اللي هي عربية عزت اصلا و هي اخذتها من وراه عشان تجيب تمارا) وجابت عصير ل تمارا عشان الهبوط اللي حصلها دة فتمارا قالت:انت وقعتيلي من السما و الله بس جيتي ليه

كندة خرجت الموبايل من الشنطة و ورته لتمارا و اللي كان فيه رسالة من رقم غريب

“تعالى خدي بنت خالتك من المستشفي و ياريت ترتاح عشان شكلها تعبان” 

تمارا بصت ل كندا بذهول:تفتكري.. 

هو يا تمارا هو، بيراقبك من بعيد،بيتهيألي لازم تحطي نهاية المهزلة دي

عايزاني اعمل ايه يعني يا كندة اقولهم انا بيجيلي رسايل تهديدات اني لو مرفضتش العريس هيحصل كارثة 

بغضب:لا نفضل ساكتين كدة و عاملين زي العروسة اللي بيحركها من فوق،بقولك ايه انت لازم تعرفي هو مين أو تقولي لاونكل عزت أو حتى سامح المهم متستكتيش اكتر من كدة

رسالة من رقم غريب وصلت على تليفون تمارا:اتمنى تكوني بخير يا تيمووو

تمارا ل كندة:دة هو اعمل ايه

الرقم:مش محتاج اقولك ان العريس اللي عندكوا في البيت دة يترفض يا تمارا دة لو عايزة الليلة دي تعدي على خير

تمارا:و هييجي منين الخير يا خراب طول مانت في حياتي

خراب:مش هكرر كلامي يا بنت الناس البنى آدم دة ميلزمكيش انت بتاعتي انا و بس

تمارا:و لما انا مهمة اوي عندك كدة مش بتيجي تتقدملي ليه مش راضي تعرفني انت مين ليه عاملهالي مفاجأة يا سي زفت 

خراب:لاحظي انك بتغلطي و هزعل و انا زعلي وحش

-اتفلق يا خراب و هعمل اللي انا عايزاه انا زهقت

=يبقى انت اللي جبتيه لنفسك يا تمارا

You blocked this contact

تمارا:يدخل موسوعة جينيس في الاستفزاز و الله

كندة:عشان كدة بقولك لازم نخلص من استفزاز دة لازم نعرف هو مين انت مش شاكة في حد

-بالعكس انا حاولت ادور في علاقاتي على حد اعرفه فيه نفس طريقة كلامه مش لاقية بتنهيدة:انا تعبت و الله

~متخافيش أن شاء الله خير

اوعي يكون بابا أو ماما عرفوا اني تعبت يا كندة

بثقة و غرور:عيب عليكي يا بنتي انا لما عرفت سرقت العربية و جيتلك

بضحك:و نعمة النزاهة و الله زمان بابا بيلف على العربية دلوقتي

ابوكي قاعد مع جاسر فوق و مستنينك على أساس انك جوة و كدة جاسر ميعرفش انك مجيتيش

بس انا جهزتلك لبس و حضرت عصير و عملت كل حاجة ياكش يتمر

تمارا:ربنا يخليكي ليا يا كوكي،و طالما جهزتي اللبس و كل حاجة تمام يبقى ندخل من الباب الوراني عشان اجهز واطلعلهم يا رب الليلة دي تعدي على خير

يتبع….