رواية حمل غير منتظر الفصل الرابع 4 بقلم منصور سيد
رواية حمل غير منتظر الجزء الرابع
رواية حمل غير منتظر البارت الرابع
رواية حمل غير منتظر الحلقة الرابعة
وزاد على ذلك انه سيطر على تفكيره أنها ممكن تأذي أولاده لو طفلتها اتولدت مصابه باءذى فعلا نتيجة ضربه ليها انتقاما منه لطفلتها
وايضا فكرة ان يكون له ابنه مولوده بأعاقه بسببه جعل نفسيته تزيد سوء وكان يرى ان تموت قبل ان تولد بهذه الاعاقه افضل
حتى سول له الشيطان ان يخطط لذلك حتى كانت يوم خارج المنزل عند الدكتور الذى تتابع معه الحمل ودخل هو المطبخ ليغلى لبن ويعمل شاي
وقام بوضع اللبن على البوتجاز وسمع تليفون بيرن فخرج ليرد على التليفون فوجد رقم صديقه
رد على التليفون الو رد عليه صوت غريب غير صوت صديقه وقال له صديقك فى سياره خبطته وجريت
واحنا اتصلنا على الرقم ده لان لما سألناه قبل ما يفقد الوعى نكلم مين قال نطلع اسمك ونكلمه
وهو دلوقتى على الطريق قريب من مستشفى السلام واحنا اتصلنا على الإسعاف هتيجى تخده
قفل معاهم ودخل بص على أولاده عشان ياخدهم معاه لقاهم ناموا قفل عليهم باب الغرفه وجرى يشوف صديقه ايه جراله ونسي خالص اللبن اللى على البوتجاز ونزل
راح لصديقه فى المكان اللى بغلوه بيه لقى الإسعاف اخدته راح على المستشفى وفضل هناك لحد ما اتطمن عليه من الدكتور انه هيبقى كويس وهو فى الانتظار افتكر انه سايب اللبن على البوتجاز
ساب الدنيا وجرى بكل سرعه وهو هيتجنن ووصل وطلع الشقه وفتح الباب ودخل وجد الشقه كلها الغاز منتشر فيها دخل على غرفة أولاده موجدهمش بالغرفه دخل على المطبخ وجد اللبن مغرق البوتجاز بس الغاز مقفول فضل يبحث عن أولاده فى كل مكان موجدهمش اتصل على شروق قالت له انا فى المستشفى انت ازاى تنزل وتسيب الغاز مفتوح أولادك كانوا هيروحوا فيها بس الحمدلله ربنا ستر وانا رجعت فى الوقت المناسب
شريف:انتى فى أنهى مستشفى
شروق احنا خلاص خارجين اهو ما تقلقش الحمدلله أصبحوا كويسين
نزل شريف استناهم تحت واول ما وصلوا اخد أولاده فى حضنه وفضل يبكى
ويقول اولادى حبيبي انا اللى كنت هموتكم انا اسف
وقام بص لشروق وقال ليها اشكرك ياشروق انتى انقذتى اولادى وشيلتيهم الاثنين وانتى حامل ونزلتى بيهم وماخوفتش على حملك
شروق:هو انا وقتها كان فى عقل افكر فى حمل ولا غيره انا اول ما دخلت الشقه وشميت رائحت الغاز وفضلت انده عليكم مردتوش عليا اتجننت ودخلت غرفة الاولاد لقتهم نايمين على السرير عقلى طار حاولت اصحيهم ما استجبوش ليا شلتهم وجريت بيهم بسرعه زى المجنونه
والحمدلله ربنا ستر دول زى اولادى ياشريف انا اتوليت امرهم من وهما بيرضعوا وبعدين دول امانه فى ايدى وانا رضيت بيها يبقى لازم ارعاها
شريف:شكرا ياشروق انا مش عارف اقولك ايه
شروق:ما تقولش حاجه
واخدت من ايده طفل وطلعت على الشقه
وشريف اخد الطفل التانى وطلع وراها
وبعد ما قلبه اتطمن على أولاده سابهم مع شروق ورجع لصديقه على المستشفى
يشوفه فاق ولا لسه ولما وصل كان صديقه فاق واتنقل لغرفه
طلب من الدكتور ان يدخل له يتطمن عليه والدكتور وافق له ودخل له وجده فايق
شريف:يا ابن الايه خضتنى عليك وبسببك كنت هتسبب فى موت اولادى بس الحمدلله ربنا ستر
انت عامل ايه دلوقتى
صديقه:الحمد لله ربنا ستر اهو كسر فى الكتف وكدمات بس الصدمه اللى اخدتها فى راسي دى هي اللى كانت هتضيعنى بس ربك ستر
بس قول لى ايه حكاية انك كنت هتتسبب فى موت أولادك بسببي دى
شريف:هحكيلك بعدين انت شكلك لسه تعبان استريح بس دلوقتى
صديقه:ما تتعبنيش قول ياشريف ايه اللى حصل
شريف:انا لقيت تليفونك بيرن برد حد قال لى انك عملت حادثه قفلت على العيال غرفتهم وهما نايمين ونزلت جرى من خضتى عليك وكنت ناسي خالص انى سايب اللبن على البوتجاز
واللبن لما فار طفىء النار والغاز ملىء الشقه واولادى نايمين
لولا ان شروق رجعت فى الوقت المناسب وشالتهم الاثنين وجريت بيهم على أقرب مستشفى ولحقوهم كان زمانهم بعد الشر
صديقه:الحمدلله ربنا ستر معلش ياشريف يارتنى ما كنت قولت ليهم يتصلوا عليك
شريف:ازاى بقى هو احنا لينا غير بعض والحمدلله عدت على خير
صديقه:الحمدلله بس تعرف شروق زوجتك بصراحه بمائة راجل وجدعه عشان تشيلهم الاثنين وتجرى بيهم وهى حامل وكان كل اللى هممها أنها تنقذ حياتهم بصراحه يعنى مافيش واحده تعمل كده دى كان ممكن تفقد جنينها ورغم كده ما فكرتش غير فيهم
عرفت ان اللى فى بالك ده مالوش اى اساس وانك مريض وعاوز تتعالج اسمع منى ياشريف انت لازم تروح لدكتور فى اسرع وقت قبل ما تضر اعز الناس إليك
شريف:اقولك على حاجه انا قبل الموضوع ده كنت بفكر انى انى
صديقه:تانى ياشريف عاوز تأذي زوجتك وبنتك تانى حرام عليك افرض ضرتها تانى وربنا أراد أنها تخرج للحياه مش حرام عليك تعمل فى بنتك كده هو انت فاكر ان حياتها بايدك انت اسمع منى ياشريف انت تنزل من عندى على الدكتور قبل فوات الأوان
شريف:ماشي ياعم بس اهدى انت بس واستريح وربك يعمل اللى فيه الخير
صديقه:مافيش فايده فيك ياشريف بس اعرف حاجه بقى انت لو مرضك ده سول ليك انك تعمل حاجه فى زوجتك تانى انا اللى هبلغ فيك المره دى انت سامعنى
شريف:انا هنزل ياعم انت الكلام معاك بقى يحرق الدم الحمدلله انك كويس وانى اتطمنت عليك سلام
صديقه:اسمع منى ياشريف والله هبلغ عنك
شريف:اهدى انت بس واستريح
ورجع شريف على الشقه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حمل غير منتظر)
تعليق واحد