رواية الحب القاتل الفصل الثانى 2 بقلم رويدا القاضي
 |
| رواية الحب القاتل الفصل الثانى 2 بقلم رويدا القاضي |
رواية الحب القاتل الفصل الثانى 2 بقلم رويدا القاضي
بعد للي صار روحت معصبة للحوش خشيت طول للدار وسكرت ع روحي .
ماما:نور بنتي خيرك ماتبيش تتعشى شن مضايقك.
أنا:مافي شئ ياماما تعبانة ونبي نرقد بس لا أكثر ولا أقل.
ماما:باهي تعالي قعمزي معانا شويا مشتاقين نشوفك.
انا طلعت ونفكر نقول لي جعفر ولا نسكت كان نتكلم وتصير مشكلة وكان بنسكت بتزيد تغلط فيه أكثر.
بابا:خيرك يانور اليوم واظح عليك مضايقة
شن فيك.
أنا:لالا مافيا شئ غير دوشة المحاضرات قعدا في رأسي.
ماما:مدي يدك وسمي كولي كويس .
كليت وانا مش حاسة شن ناكل ولا شن ندير معاش نحس بنكهة شئ.
أنا:بابا نبي نمشي لحوش عمي توا .
بابا:عند من تبي تمشي نرفعك .
أنا:لالا مانبيش نتعبك توا نكلم ضياء وأنس ايجو يرفعوني.
ماما:حتى انا بنمشي مشتاقة نشوف حنان وسمية ليا هلبا عليهم.
بابا:باهي تمام خلاص اتصلي بيهم.
انا:الو أنس وينك انت توا.
أنس:مكسد أنا وضياء في الحوش تبي حاجة نور.
أنا:تعالى ارفعني انا وماما عندكم .
أنس:تمام مسافة الطريق ونكون عندكم ألبسي عباية أولاد خالي عندنا.
أنا:أوف في الكلية عباية وفي الحوش هلبا عليا.
أنس:بلا كلام زايد والله انجي نلاقاك طالعة بلا عباية والله ماتركبيها معايا السيارة.
أنا:انشالله مرة ثانية تتطلع فالح في مرتك هكي .
أنس:إنتي مرتي ????هههه سكري الخط يامريضة.
أنا:????شن البصارة البايخة اهيا.
لبست عباية وحطيت عطر وجهزت روحي قعدت في الصالة أنا وماما.
????وصل أنس وضياء.
ماما:كيف حالكم هكي ماتقولوش انحو نشوفوا ماما مريم كان مش من نور والله مانشوفكم.
ضياء:والله يوميا نسأل عليك في نور.
أنا:بلا جوك لما تسأل فيا نقولك كان تبيها تعالى للحوش شوفها.
أنس:حقك عليا انا والله المستشفى والعيادات معاد ملحق .
ماما:ربي يفتحها قدامكم .
شويا ووصلنا لحوش عمي مصطفى نزلت ماما وضياء.
انا كيف نازلة شدني أنس من يدي.
أنس:شن للي مدايرته في عيونك .
أنا:شى رموشي هكي شن نقطعهم مثلا حالة راك.
انس:والعطر للي صباته عليك شن .
أنا:خيرك ياأنس شن فيك راني جاية عندكم مش طالعة للشارع.
أنس:ضرب باب السيارة وعيط عليا مش قتلك عندنا اولاد خالي.
أنا:لالا هكي هلبا عليا حول بنخش.
انس:بصوت عالي خليك هنيا وامتا نقول خشي خشي.
طلع دخان من السيارة ولعه نعرف انه يدخن لما يضايق بس.
أنا:شن بنتفرج عليك وإنت دخن علاش مثلا .
أنس:كان الدخان للي يطلع منه يطلع فيه عليا
وع وجهي .
أنا:????خنقتني شن مجنون.
أنس:توا اقلبي وجهك خشي مع فيك عطر .
أنا:حقود مسموم خزي وبديت نعيط جعفر ضياء.
جعفر:خيرك يانور وجهك أحمر وريحتك ذخان.
أنا:أسأل المريض انس توا يقولك قريب قتلني بالذخان متعه حاله.
وخشيت طول .
جعفر:خيرك شن الحركات هاذي للي دير فيها لنور الأيام.
أنس:ماعندكش علاقة أنت خليك في حالة الحب للي إنت فيها.
جعفر:اصحى نور اختك وين تبي توصل بي الشئ للي دير فيه.
أنس:مش أختي بنت عمي وحر حول من قدامي توا.
جعفر:مش رح ناقشك توا عندنا ضيوف لكن توا نديروا يوم ونقعمزوا أنا وأنت وضياء .
خشينا مرت خالهم إسمها هند كيف حالك يانور وكيف حالك مريم .
ماما:بخير الحمدلله .
ماما سمية:تعالي هنيا جنبي اشتقتلك .
أنا:حتى انا اشتقتلك إنت وبابا مصطفى.
طبعا نساوين عمي نضبح عليهم ماما وعمامي بابا.
شويا وخش أنس وعيونه حمر يخوف.
أنس:هوا هذا ناقصها دلع هيا دلعو البنات وبعدين تحصلوا فيهم.
ماما سمية:خيرك إنت والله ماتتحشم هاذي نور بنتي.
ماما:خيرك ياأنس شن فيه قولي كان ضايقاتك بحاجة.
أنس:أسأليها توا تقولك شن دارت.
ماما:تكلمي خيره أنس شن درتيله نعرف انامستحيل يعصب هكي.
أنا:سبحان الله ماتقول أنا بنتك هذا يحسابني مدايره كحل وبعدها قعد يهزب فيا لأنه درت عطر.
ماما:ايه عنده حق وانتي غالطة .
ماماسمية:مش غالطة وأنس هذا توا يعرف حسابه من بوه كيف يزعل نور.
أنس:????والله يافرخة نور لما نحصل عليك وتوا تشوفي.
هند:هههه????بالك يحبك يانور ويغار من محمد ولدي.
أنا: ????شنى لالا احنا خوت وهما كلهم هكي.
ماما سمية:ومن زيه كان حصل نور القمر.
أنا:نستأذن شويا نبي نكلمك ضياء ع محاضرة اليوم.
وطلعت من جنبهم اتصلت بي ضياء وقتله تعالا في الصالة الإستقبال متع الرجال نبيك بروحك.
جاني ضياء وكنت قبل نبي نحكي حتي لي أنس لكن هوا مولي دراه كبد حالة.
ضياء:شن فيه يانور .
أنا:أسمع راني كل مرة نشوف في نسرين توقف مع واحد.
ضياء:قولي لي أنس .
أنا:لكن خايفة تصير مشاكل بسببي.
