رواية أنقذني من الموت الفصل الثاني 2 بقلم ميار ممدوح

انا عرفت انا هعمل اي…

وفجأة

الباب كان بيخبط جامد

– افتحي يا زفتة

~…

– انتي ياحيوانة مبترديش ليه

فضلت تتكلم ومفيش رد بردو

– تعالي ي محمود شوف بنتك مبتردش ليه لايكون جرالها حاجة

_ان شالله تتحرق انا مليش دعوة

– ده علي اساس اني خايفة عليها يعني انا عايزة ادخل الحمام

فضلت تفتح الباب ومفيش اي استجابة

في الاخر زقته جامد لحد ما اتكسر

– الحق ي محموود بنتك مش موجودة

_راحت فين الداهية دي

– هربت.. هربت مننا ي محمود هي فاكرة اي اننا هنموت عليها دي قليلة الادب و متخلفة بتهرب من بيتها!! خليها بقا تقعد في الشارع

_والله انا مش هسيبها

فضلوا يحاولوا كتير يدوروا عليها بس ملقوهاش

ف حتة تانية*

فضلت أجري طول مانا ماشية في الشارع مش عارفة اروح فين ولا اجي منين معنديش ولا هدوم ولا اكل ولا حتي معايا فلوس، بس هربت من السجن اللي كنت فيه.

كنت بجري وانا منهارة ومش قادرة اركز من قلة النوم بنام ساعتين بس وعينيا مليانة دموع، انا اي اللي خلاني هربت هو اه ارتحت من اللي بشوفه بس هتعملي اي ي ست وعد وانتي مش لاقية حتي مكان تقعدي فيه، لا لا انا مش قد اللي عملته ده، بس لازم اجمد كده،فضلت أجري كتير اوي.

فجأة

اتخبطت ف عربية.

كنت حاسة بدوخة وعيني عمالة تقفل وتفتح ومش قادرة لحد ما اغمى عليا.

=انتي كويسة؟؟

~..

+يابني دي مغمي عليها تعالي بسرعة موديها المستشفي

=ماشي يلا

في المستشفي*

فضلوا مستنين في الانتظار لحد ما ييجي الدكتور ويطمنهم

=خير يادكتور هي عندها ايه

# هو حضرتك زوج المريضة؟

=لا

# طب ممكن اتكلم مع أي حد من قرايبها

=لا مفيش حد هنا قريب ليها، بس ممكن تقولي هي عندها ايه

# للأسف المريضة عندها كانسر في الدم من شهر، بس هي ليه مكانتش بتتعالج؟!

=عندها ايه؟؟

# زي ما قولت لحضرتك فوق وكمان نسبة علاجها متوسطة وتقدر تخف بس لو بدأتوا علاج من دلوقتي، عن اذنكم

=اتفضل يا دكتور

+ خير يا ابني حصلها حاجة؟

=لا يا ماما بس طلع عندها كانسر في الدم

+ ايه؟؟ ياساتر يارب

=طب هنعمل ايه يا ماما

+ ناخدها البيت معانا لحد ما نعرف بيتها و نوديها

=طب مش هنقولها انها عندها كانسر

+ اكيد هي عارفة

=انا هدخل اشوفها صحيت ولا لا

+ ماشي ياحبيبي

=ممكن ادخل اشوفها يا دكتور

# اكيد اتفضل بس متطولش عشان متتعبش

=تمام

في الاوضة*

فوقت بس حسيت اني مش قادرة اتكلم من التعب ومش عارفة انا فين لقيت واحد دخل.

=عاملة ايه دلوقتي كويسة؟

~هو انا فين؟!وانت مين

=انتي في المستشفي

~مستشفي ليه ايه اللي حصل

=انا خبطتك من غير ما اقصد انا اسف بس كان باين عليكي دايخة

~اه افتكرت، هو انا همشي امتي.

=لما تتعالجي الاول وبعدين نوصلك بيتك..

بخوف~لا انا مش عايزة اروح البيت ارجوك لا

=ليه بس ايه اللي حصل

~..

=طب ممكن تيجي معايا انا و ماما البيت لحد ما تشوفي حتة تقعدي فيها

~لا انا كده هتقل عليكوا كفاية انكوا تعبتوا نفسكوا وجبتوني المستشفي انا متشكرة ليكم جدا.

=لا العفو ده واجبي

=ممكن أسألك سؤال يا..

~وعد، اسمي وعد.

=اسمك جميل اوي

~شكراً.

=حكايتك ايه؟

~انا اسفة بس مش هقدر احكيها.

=لا عادي اللي يريحك

مامته دخلت..

+ ازيك يا حبيبتي عاملة ايه دلوقتي

~الحمدلله يا طنط انتوا تعبتوا نفسكوا بجد.

+ولا تعب ولا حاجة ياقلبي احنا اسفين عشان خبطناكي انتي كويسة دلوقتي؟

~ربنا يخليكي يا طنط.

~ممكن حد يجيبلي الدكتور.

=حاضر

الباب بيخبط..

~اتفضل يا دكتور.

# الف سلامة عليكي يا انسة وعد عاملة ايه دلوقتي

~ الحمدلله يا دكتور. هو انا ممكن اخرج دلوقتي عادي؟

# تخرجي ازاي بس لما تتعالجي الاول

~مش انا اتعالجت خلاص.

# انتي اتعالجتي من الخبطة بس لسه متعالجتيش من المرض

بصدمة~مرض!! مرض ايه؟؟

# هو حضرتك متعرفيش انك عندك مرض الكانسر ؟

~عندي ايه؟؟!!!!!

يتبع…..