رواية حين التقينا الحلقة الثانية 2 بقلم شيماء جمعة
 |
| رواية حين التقينا الحلقة الثانية 2 بقلم شيماء جمعة |
رواية حين التقينا الحلقة الثانية 2 بقلم شيماء جمعة
بعد ما اتفقت خلود ومروان ع اللي هيعملو
حد بيخبط ع الباب
مروان : اتفضل
خلود : محترم
مروان : ما تتهدي بقا
خلود : مبعرفش
يدخل عدنان عليهم
اذيكو يا ولاد عرفتو تتكلمو مع بعض ولا اي
قبل ما يرد مروان خلود ردت
خلود : طبعا يا حج حتي شوف الواد مروان احلو كده وبقا حاجه تركيه قمر كده مكنتش قولتلي من زمان بدل ما عمال تتحايل عليا كده
مروان وهو بيحط أيده ع رأسه : انتي بتقولي اي يخربيتك هتودينا ف داهيه بتقولي اي
عدنان : يعني نجهز معاد نقرأ الفاتحه
خلود : ولي ما نقراها دلوقتي واحنا قاعدين يالا بسم الله
مروان : لا إله إلا الله لا كفايه كده
معلش يا عمو اصل خلود كانت بتهزر معايا من شويه وشكلها بتكمل هزار يعني
عدنان : أنت هتقولي يا ابني بنتي وانا عارفها والله
خلود : المهم يا حج يالا خليني اروح أنا
عدنان : هتصل بالسواق يجي ياخدك
خلود : عاوزه اتمشي
عدنان : لا يا خلود السواق هيجي ياخدك يروحك
خلود وهي بان عليها الحزن بس بتحاول تخبي : حاضر
اتصل عدنان بالسواق واخد خلود روحها
خلود روحت دخلت اوضتها غيرت هدومها وقعدت باصه ف المرايه شويه بتفتكر ماضيها وحلمها اللي نفسها تحققو وبتقول لنفسها
قريب إن شاء الله هتتحل هتتحل يا خلود اصبري
مروان وعدك ويمكن الخطوبه اللي مش حباها دي تيجي ف صالحك وتحققي حلمك بسببها
بتنام ع السرير وتغمض عنيها محاوله منها أنها تستريح بس ف منظر بيحصل أدامها واللي مش قادره تشيلو من دماغها ( منظر الحادثه والعياط والدموع ) بتفتح خلود عينيها بسرعه وهي بتعيط كل ما افتكر وبتقول أن شاء الله هقدر انسي
بعدها بيومين جه مروان ونعمان البيت
خلود خرجت وقعدت معاهم وبعدها سابو مروان و خلود لوحدهم
مروان : المفروض النهارده قرايه فاتحه وكده
خلود : اه للاسف يعني
مروان : داه أنا ميه واحده تتمناني
خلود : روح للميه أنا مش عاوزه
مروان : بجد نفسي اعرف أنا عملتلك اي عشان تكرهيني كده
خلود : ما بقولك لو مهتم كنت عرفت
مروان : يا ستي اعتبريها قعده اعتراف وقولي
خلود : لا عادي مفيش بس انت قفوش وهتقضي ع حياتي الفرفوشيه
مروان : انتي بتقولي اي
خلود : فاكر لما كنا صغيرين واجي اهزر وتزعقلي كنت رخم اوي أنا مش عاوزه واحد نيننني قفوش وشايفني تافهه اوي لدرجه ان أما اهزر يزعقلي
مروان : واحنا صغيرين بقااا إنما دلوقتي بقيت فرفوش
خلود : والنبي لو قلبت قرد ما هصدقك
مروان : عندما تعاني اضطرابا في مشاعرك يكون من المستحيل أن تركز في شئ أو تتذكر اي شئ أو تتخذ أي قرار
انتي عارفه مين قال كده
خلود : فيرا فايفر
اي داه انت فاكر
مروان : مش كنتي بتقولهالي زمان كنتي فيلسوفه عصرك ف سنك الصغير اهو شوفتي فاكر اهو وفاكر هزارك بس انتي عارفه اشمعني اختارت الجمله دي وقولتهالك عشان عارف ان اللي انتي عشتيه مش سهل وعملك اضطراب في مشاعرك انتي مش كرهاني انتي خايفه تتعلقي بحد تاني
خلود عينيها دمعت ومتكلمتش
مروان : تذكر أن المشاعر التي لا يتم التعبير عنها لا تموت ابدا أنها تدفن حيه ثم تطفو فيما بعد أكثر قبحا عليك أن تعبر عن مشاعرك ولا فإن تلك المشاعر ستاكل قلبك مش انتي اللي كنتي منزله المقوله دي واللي كاتبها شين كوفي
خلود : انت عارف كل داه منين
مروان : ما انتي لو مهتمه كنتي عرفتي وقالها بطريقتها
خلود ضحكت ع طريقته
مروان : العب شوفتي ضحكتك اذاي
خلود : انت اتغيرت اوي يا مروان كنت مبتحبش الضحك والهزار
مروان : كنت بقا تعرفي أن كان فعل ماضي ولا متعرفيش يا متعلمه با بتاعت المدارس انتي
ضحكت خلود ع كلام مروان
مروان : ضحكت يعني قلبها مال
خلود : لا وكمان بتقلش
مروان : خفه دمي بقا مش عارف اعمل فيها اي والمهم يعني احنا دلوقتي هنقرا الفاتحه فتره صغنونه كده تكوني حققتي حلمك وكل الاجرائات خلصت وعملتي اللي نفسك في وهنقول أن مستريحناش وكل شئ قسمه ونصيب
خلود : احم اه وانت تروح تشوف البنت اللي بتحبها وانا اعمل اللي عوزاه وأكمل حياتي
مروان : اه بالظبط الله ينور عليكي
خلود : هنقول اي موافقه
قبل ما يكملو دخل نعمان وعدنان
قعدو شويه يتفقو ع شويه حاجات و يتكلمو شويه وبعدها قروا الفاتحه
نعمان : ع نهايه الاسبوع أن شاء الله هنعمل الخطوبه تليق بالعيلتين
خلود : بس انا مش عاوزه اعمل حاجه كبيره يعني احنا نعلن الخطوبه وخلاص مش لازم فرح وقاعه وكده
نعمان : لا اذاي الكلام داه بنت عدنان وابن نعمان لازم يتعملوهم فرح يليق بيهم
اتفقو ع معاد الخطوبه وبدؤا التجهيزات
نزلت خلود هي ومروان عشان يشترو فستان الخطوبه
مروان : انتي عاوزه الفستان منين اكيد ليكي احلامك وتخيلالتك اللي رسماها ف دماغك
خلود : لا أنا عاوزه حاجه بسيطه فستان بسيط مش مليان شغل
مروان : خلود وبسيط
خلود : انت تعرف انت ف الذوق اي اساسا يا ابني داه البسيط داه اشيك مليون مره من اللي كله شغل وكده
مروان : والله ع راحتك انتي اللي هتلبسي مش انا
خلود : محدش طلب رايك اصلا
يا شيخه منك لله لمي لسانك شويه بقا
مروان بضحك : اه لمي لسانك شويه عشان قربنا نوصل ولو فضلتي ع الحال داه هتفضحينا أدام الناس
خلود : وانا كنت عملتلك اي يا بيه شايفني محترمه وكيوت اذاي متكلمتش انت اللي بتتكلم من الصبح اظلمني بقا
مروان : بقيت أنا الظالم دلوقتي
خلود : انت الظالم والجانب المظلم ف روايه احدهم
مروان : أنا عملتلك اي
خلود : لا ولا حاجه اركن العربيه كده ع جنب أنا هشتري الفستان من هنا
مروان : بس داه مكان ميلقيش بمقامك ف المجتمع وبعدين البنات ف اليوم داه بتنقي افضل مكان وتروح تشتري منه
خلود : يا عم انت ايش فهمك ف الحاجات دي انت اركن ع جنب بس قولتلك عاوزه حاجه بسيطه
مروان : طيب امري لله
خلود : ولا اله الا الله
مروان : محمد رسول الله
خلود : استغفر الله العظيم من كل ذنب عظيم
مروان : وان لله وان اليه راجعون
خلود : استغفرك ربي و اتوب اليك
مروان : انزلي انزلي هنعد نرد ع بعض للصبح
خلود : الاه ذكر الله يا مسلم ذكر الله
مروان : يالا يا خلود انزلي
خلود : تمام يا بيه
مروان : صبرني يارب
دخلت خلود المحل هي ومروان
اتيليه كبير مليان فساتين اشكال والوان ولكن مروان شايف أن خلود من مستوي اجتماعي اكبر
خلود خرجت وهي قايسه فستان لونه بيبي بلو بسيط جدا عليه بعض الفراشات بنفس اللون ع كم من اكمامه و مش منقوش اوي بس ظاهر عليها حلو جدا
مروان ركز معاها شويه ومع الفستان
خلود : أحم احم اي رايك
مروان : لم أري جمالا مثل هذا قط
خلود : اقلب المترجم ع مصري والنبي يعني عجبك خلاص
مروان : احم اه حلو
خلود : مش قولتلك ذوقي البسيط اشيك ميه مره من المبهرج
مروان ف نفسه هو بصراحه انتي اللي حلتيه بس قال اه عندك حق
خلود للبنت اللي شغاله ف المكان لو سمحتي خلاص تمام هناخد داه
البنت : تمام يا فندم تحبي نعدلك في حاجه
خلود : لا هو ذي ما هو عجب البيه كده
مروان : صبرني يارب بيه اي يا بنتي انتي
خلود : بس بس اسكت انت
مروان : حاضر حاضر اتخرست
اخدت البنت الفستان عشان تجهزهولوها وبعدها بشويه جابته
خلود : تسلمي يا قمر
البنت : تحت امرك يا فندم
خلود : يالا يا بيه
مروان : وربنا ليا اسم
خلود : عارفه يا بيه
مروان : يالا يا خلود يالا
خرجو الاتنين من المحل ودخلوا مكان تاني اشتروا منه الخمار وغيرو اشترو منه الجزمه وهكذا
خلود : قولي بقا انت متعود تخرج فين
مروان : لما بحب اخرج بروح كافيه مثلا من المعروفين أو ..
خلود : بس بس متكملش تعالي أنا هخرجك أنا النهارده
مروان : نعم
خلود : اسمع كلامي والنبي نفسي ف الخروجه دي من زمان
مروان : حاضر يا ستي
خلود بدأت تقول لمروان هيمشي اذاي ويروحو فين وشويه ووصلو لكورنيش النيل
مروان : طيب فين المكان اللي هنروحو
خلود : هنا
مروان : هنا فين
خلود : ما تنزل يا عم وانت تفهم
مروان نزل من العربيه هو وخلود بعد ما ركنها
خلود : هنتمشي هنا
مروان : هي دي الخروجه
خلود : بس انت متعرفش حاجه دي احلي من ميه خروجه والله ونركب المركب كده ياااه
مروان : بتريقه ياااه
يالا يالا أنا هاهودك وخلاص
بدؤا يتمشو شويه والغريب أن خلود كانت فرحانه جدا شويه ولقت غزل بنات وأشترت وكانت فرحانه بيه كأنها طفله
مروان قاعد بيراقب حركات خلود وضحكتها وطفوليتها وبيبتسم
بعدها ركبو مركب الاتنين
مروان : أنا عارف ان انتي نفسك تخرجي كده من زمان
خلود بفرحه كبيره : حقيقي فعلا أنا مش مصدقه
احم اسفه انفعلت شويه
مروان : لا عادي
خلود : بس انت عرفت منين
مروان : اقول بردوا
خلود : ما انتي لو مهتمه كنتي عرفتي لوحدك
مروان : بالظااابت يا اختي
خلود : تسلم جدا يا مروان أنا مش متخيله أن خرجت كده تاني بدون ما حد يقيدني
مروان : العفش يا اختاااه
خلود : امم بعد ما نطلع من هنا هنروح ناكل ايس كريم
مروان : لا الا داه
خلود : بلييييز
مروان : ما انتي عارفه ي ستي لا مبكلهوش
خلود : خلاص حاضر
مروان : هو أحنا ممكن اه نروح ناكل بس مش هتجبريني اكل معاكي
خلود : عنك ما كلت هاكل أنا
مروان : لماضه لا تنتهي
خلود : مبقاش خلود لو معملتش كده
خرج مروان وخلود من المركب وراحو قعدو ع الكورنيش وخلود جابت ايس كريم وقعدت تاكل ومروان جاب قهوه وقعد يشرب
شويه ركبو العربيه وروحو البيت
بعد ما خلود نزلت من العربيه
مروان : خلود بقولك صحيح
خلود : نعم
مروان : أنا كلمت عمو ووافق
خلود : مروان قول انك بتهزر بجد يعني فعلا هقدر اعمل كده ( عينيها دمعت )
مروان : اتبسطي يا ستي حبيت بس افرحك تصبحي ع خير
خلود : وانت من اهل الخير
ركب مروان عربيته ومشي
دخلت خلود البيت وهي مبسوطه بقالها كتير متبسطتش كده دخلت أوضتها نامت ع سريرها وافتكرت اخر مره خرجت فيها وأنها قدرت تخرج تاني غمضت عينها شافت مروان قدامها ضحكت بدون ما تفهم اي السبب وقالت ف نفسها شكرا ليك بجد
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
