رواية عشقي الجزء الثاني الفصل التاسع والعشرون 29 بقلم ياسمين مصطفى

خالد: لا مستحيل… مراااد….

خالد اتحسس نبضه لقاه لسه بس ضعيف جدا

وشاله بسرعه ودخله العربيه بتاعته….وطلع بيه علي اول مستشفي قابلته…..

ف المستشفي…..

وصل خالد بسرعه للمستشفي…واول ما الممرضين شافوه جابوا الترولي بسرعه ودخلوه العمليات فورا…..لانه اكيد عنده كسور……

وخالد فضل يلف ف الممر من اوله ل اخره…ف النهايه هيفضل ابن عمه…وجاله اتصال من سيرين….

خالد:الو….

سيرين:انتوا فين…..

خالد:في مستشفي السيوفي….

سيرين:مكانها فين دي….انطق بسرعه…..

خالد:”””””””””

سيرين:طيب طيب انا جايه حالا….

وقفلت مع خالد وقالت ف نفيها….

سيرين:لازم ارجع كل اللي انا عملته…لازم كل حاجه ترجع زي الاول واحسن…وكملت بدموع…وهحاول ارجع حب مراد ليا تاني…..

وراحت بعربيتها ع المستشفي بعد ما سألت الطريق منين….

**************************

اما في بيت قاسم….

نور بصدمه:اييييه….انت…انت بتقول ايه….انت واعي…وكانت هتعيط

جمال بضحكه:اييه انا بهزر معاكي…. متزعليش….بس فعلا في حاجه لازم تعرفيها……

نور:الحمد لله وقعت قلبي….هتقولي انك ضابط ف المخابرات العامه

جمال:فعلا….انا ضابط مخابرات….

نور:لا انت اكيد بتهزر….

جمال طلع من جيبه حاجه كدا زي بطاقه….:معاكي المقدم جمال عز الدين نور….

نور بفرحه:الله جوزي ظابط…ماشي يا ظبووطه….

جمال:انت مش متضايقه….

نور:لا واتدايق ليه…انت ظابط يعني المفروض تكون راسك مرفوعه…انتم رجاله…مش بتناموا عشان تحموا الحدود مش كدا ولا ايه….

جمال:دا انتي متابعه بقا…..

نور بمرح: عارف احمد عز..  انا كنت بحلم يجيلي واحد زيه….

جمال قرب منها وزنقها ف الحيطه وقال بغيره:اممم..وانا احسن ولا هو ياست نور…

نور وهي بتزقه براحه:ازاي بس يا ابو الجماميل….انت احسن طبعا…اقعد كدا بس وصل ع النبي…..

جمال مسك ايديها وباسها وقال:انا حبيتك من اول مره شوفتك فيها…مش ف الجامعه لا….شوفتك قبل كدا ف النادي…كنت دايما الاقيكي تهزري وتتضحكي مع الموظفين…استغربت من دا جدا…لان اي واحده ف مكانك بتبقي متكبره…لكن انتي غير…انا مكنتش بحب اىوح النادي دا…بس انتي لفتي نظري وبقيت بروح هناك كل يوم عشان اشوفك….كنتي بتروحي االنادي تقرأي الروايه…تطلبي عصير فراوله….وتحطي الهاند فري  وتسمعي اغنيتك المفضله للمطرب المفضل احمد جمال….وبعد كدا….تروحي تقفي عند حمام السباحه شويه…وبعدين تروحي عند الجنينه…وتلاقي هناك عم رؤوف الجنايني…تاخدي منه الورد….وبعدين تروحي تقعدي تحت الشجره…ومفيش دقايق وواحده من العمال تجيبلك نسكافيه……كنت بدقق ف اقل التفاصيل…ف كل تفاصيلك…الصغيره قبل الكبيره…لكن…لكن مره واحده اختفيتي…معرفش ايه اللي حصل…اتضايقت جدا…كان نفسي اشوفك جدا….وبعدين جاتلي قضيه..انهم بيبيعوا مخدرات ف الجامعه….ان العيال الديلر دول بيرحوا الجامعه بس مبيتمسكوش…..وانا طبعا بحكم شغلي مسميني رجل المهام الصعبه……روحت هناك وكنت براقب كل حاجه بتحصل…واتصدمت جدا لما شوفتك هناك…..واتضايقت اكتر لما شوفتك انتي وادم خاصه انكوا توأم غير متشابههه……مشيت وراكوا بعربيتي عشان اعرف عنوانكوا…وبعدين لمحت لوحه ان فيه شقه للايجار….انا قبل ما اروح اي مكان ببقا دارسه كويس جدا…انا عارف ان شقتي هي شقه الاستاذ محمود خليل….لكن انا لحظت لما سألت….قالولي ان الشقه اللي فوق عم رضوان مش حد ساكن فيها…..اتبسط جدا…وعملتي نفسي عبيط وروحت سألته…عم رضوان فكر ان الشقه دي ابوكي باعها…..وعطاني المفتاح…لحظت ان نظاام البيت دا مختلف جدا…واتكلمت مع القائد المجهول وعرفته مكاني بعد ما طلب مني اني اختفي لاني قربت اتكشف….وسكنت قدامكوا…واتبسطت جدا لما شوفتك ع السطح….ويشاء القدر ان المجهول دا….يبقي مراد خالك…..مراد هو اللي كان بيديني الاوامر…زي ماهو اللي طلب مني امشي من ع الصحرواي…وقالي ان فيه هناك شاب لازم تنقذه..وقالي البس حمايه…بس انا كنت عامل فيها اسد وملبستش…..واحسن حاجه حصلت ف الموصوع ان انتي مراتي دلوقتي…..

نور بدموع وبسمه:انا بحبك اووي….

جمال:ايييه….

نور:بحبك….

جمال حصنها جامد وهو بيقول:اخيييرا…اخيييرا اعترفتي…وطلع الدبله من جيبه ولبسهالها وقال ف نفسه….

جمال:والله عم قاسم دا عسل اووي.

ومرت الساعات و كل واحد قاعد مع مراته لفتره طويله…ف دخل قاسم الاوضه وقال…

قاسم:شباب…هااا كفايه بقا ولا ايه…..بقالكوا  اكتر من.7 ساعات….

جمال بغيظ:حضرتك منمتش ليه…

قاسم ببسمه صفرا:مش هنام غير لما اطمن ان كل واحد ف اوضته….

ادم:يابابا ما احنا  هنخلص ونمشي….

قاسم:اتفضلوا ورايا يابهوات كفايه كدا….اظن ان كل واحد كان عنده كلمه قالها…..نحترم نفسنا بقا

خرج وراه الشباب بغيظ منه….

فقال قاسم:اتفضلوا كل واحد علي اوضته….

الشباب بخبث:طيب

قاسم بخبث اكبر:لا ثواني…انا مش همشي الوقتي كل واحد يدخل اوضته….وطلع المفتاح…

نور بصدمه:ايه يابابا هتقفل علينا …..

قاسم ببسمه:اه معلش بقا…اتفضلوا…وبعين انتوا عايزين ايه اقفل الباب افتح الباب…..انتوا هتناموا وتصحوا تلاقوا الباب مفتوح…

جمال بخبث:هنخرج عشان نجيب اكل لو جعنا….

قاسم ببسمه خبث:لا ياجمال…ف كل اوضه تلاجه فيها كل اللي انت تحتاجه مفيش حاجه برا

جمال:خلاص عايز اتفرج ع التليفيزيون….

قاسم:اوضتك فيها تليفزيون صغير……ويالا كل واحد علي اوضته يابهوات…

دخلوا كلهم اوضهم وهما زعلانين…..اما قاسم ف ابتسم وفضل قاعد ف الصاله شويه…..

*الابواب كلها بتفتح بمفتاح واحد بس اللي هو مع قاسم *

قاسم لاحظ ان باب بتاع اوضه جمال بيحاول يتفتح…

قاسم بهمس:ماشي يا كلب….

.

ونجح جمال فعلا انه يفتح الباب…

جمال ببسمه:هههه…مفكر نفسه يقدر يضحك عليا….وراح عند اوضه نور ونجح بردو ف انه يفتحها…لكن استغرب لما لقاها نايمه وجسمها كله متغطي حتي وشها…..

جمال قفل الباب براحه وراح عند نور وهمسلها….

جمال بهمس:نور….نوري…اصحي يا حبيبتي….انت مغطيه وشك لي….عاااااااااااااا…..

وكان اللي نايم مكان نور هو قاسم….قام قاسم من ع السرير ومعاه الخرزانه…..ف ضرب بيها جمال علي كتفه….

جمال:اااه ايه ياعمي….

قاسم:بقا ياكلب…انا اقول روحوا ناموا وانت عايز تقابل البت بليل….دا انا قاسم يالا هاااا…..هتكبر عليا….وضربه علي وشه براحه وهو بيقوله روح نام ياشاطر…..

جمال:طب فين نور طب….

قاسم برخامه:نور ف الجناح عند عشق…روح اوضتك يابيه….

جمال نام علي سرير نور وقال:لا انا هنام هنا….

قاسم خرج وهو بيقول:براحتك وقفل عليه الباب بس مش ب المفتاح…..

قاسم ف نفسه:اكيد الحيوانات التانيه دول هيخرجوا بردو دول مش ساهلين…اديني قاعدلكوا يا كلاب ومش هنام…عيال ناقصه تربيه….

وبعد ساعه تقريبا…..

كان باب اوضه جاسر بيتفتح…..

ف قاسم قام  مكانه واستخبي ورا الحيطه….

جاسر:جايلك يا فروحتي….ولسه هيلف لقا قاسم ف وشه…

قاسم:فروحتي هااااا…..

جاسر بتوتر:ايه يابابا حضرتك لسه صاحي ليه….

قاسم:اما انتوا شوبه كلاب بصحيح….انا مش عايز اتزفت… ادخل اوضتك يا استاذ….ومتتعبش نفسك فرح عند عدي…ادخل نام….

جاسر دخل اوضته بغيظ من ابوه….

قاسم:لما نشوف الاتنين التانين هيعملوا ايه…..

وبعد 10 دقايق…..

خرج يزن من اوضته….وهو بيبص حوليه….ولكن فجأه قاسم طلعله….

يزن:بسم الله الرحمن الرحيم…بابا…ايه اللي مصحيك لحد دلوقتي…..

قاسم:هو كل اما حد يشوف وشي يقولي انت لسه صاحي ليه….انت ايه اللي مخرجك من اوضتك…وجبت المفتاح دا منين…..

يزن:بص يابوب….انا قدرت اهكر كاميرات الببت وعرفت انت بتعين المفاتيح فين واخدت واحد…

قاسم:امممم حرامي يعني…ولسعه ب الخرزانه خو جا يا كلب….

يزن:ااااه..وانا مالي يالمبي..

قاسم ضربه تاني:لمبي..ادخل جوا ياحيوان…وااه بعت روضه عند عم رضوان…ريح نفسك بقا ومتحاولش تخرج تاني…..

يزن دخل الاوضه وهي متغااظ من ابوه….

قاسم:اكيد ادم العاقل اللي فيهم مش هيخرج لان هو….اي دا…

ولسه مكملش الجمله لقي باب ادم بيتفتح…..

قاسم:بسبسبس….

ادم بيبص حوليه مش شايف حاجه….

قاسم:بسبسبس…..

ادم سمع الصوت جاي من اوضه القطه….ف راح هناك…هو معقول حد خرج وبيبسبس للقطه….ف دخل الاوضه…لقي اللي بيشده ويقفل الباب وكان قاسم

قاسم:وانا اللي قولت انك انت اللي عاقل ومش هتخالف كلام ابوك…همممم قولي كنت رايح فين….بصراحه….

ادم:كنت رايح اشرب…..

قاسم ضربه ب الخرزانه:بتضحك علي ابوك اللي كبرك وعلمك وخلاك راجل ملو هدوومك…..كنت رايح فين الصراحه….

ادم:اااه براحه….كنت رايح لمي…..

قاسم:ههههه…لا ياحلو انا سبقتك مي دلوقتي عند خالها….خليك انت ف اوضتك بقا عشان متزعلش…..وخرج وسابه وقال….

قاسم.:مفيش حد بينصرني ف البيت دا غير مراد اه والله….وفتح باب اوضه مراد براحه…لكن سمعه بيقول…..

مراد بتسبيل:عيونك دول ولا لينسز ياجميل…..بقولك ايه ما تجيبي بوسه….اااااااااااااه….وقام من ع السرير بتضربني ليه بس ياوالدي….وبعدين نزل تحت السرير

قاسم:انت هتموتووني نااااقص عمر…والله ما خارج غير لما اربيك يا مراد يبن عشق …مين دي يا واطي اللي عايز تديها بوسه…..ياوواطي…وقعد ع السرير…ومسك قلبه بتمثيل اااااه قلبي..ااااه….قلبي…

مراد قرب علي ابوه بخوف:ماللك انت..انت كويس…..

قاسم مسكه مره واحده وقاله:مسكتك يا كلب البحر انت……

مراد بهمس:اقولك علي سر….

قاسم:همممممممم

مراد:انا اللي قتلك موفااسا….

قاسم:موفاسا مين…ولااااااا متغيرش الموضوع….كنت بتكلم مين….

مراد بحزن مصطنع:انت دايما بتشك غلط فيا يا والدي…انا كنت بكلم جدو معتز…..

قاسم:جدو معتز…الوقتي….

مراد:اااااه والله العظيم…كنت بكلمه…ورفع شاشه اللاب حتي شوف…بس هو قفل…..

قاسم:خلاص ياحبيبي انا اسف وخرج من الاوضه….

مراد رفع شاشه الاب تاني وقال ب ارتياح….

مراد:الحمد لله يا سوزي…ما اخدش باله اني بكلمك…انا ف دقيقه رنيت علي جدو….هااا كنا بنقول ايه بقا…..

قاسم دخل تاني الاوضه بسرعه وقال:كنت بتقولها متجيبي بوسه ياكلب…وضربه ب الخرزانه مراد طلع يجري ع الحمام…..

قاسم:مااشي ياتور….انا مستمستنيك هتروح مني.فين….مفيش واحد ف ولادي عااااقل يااارب….ليه….لييييه…..

مراد من الحمام:قدرك بقا يا والدي هنقول ايه…..

قاسم:اخرس يا ابن الكلب….يا كذااب…

*************************

اما ف المستشفي…وصلت سيرين  بسرعه……

سيرين:خالد…هو…هو فين مراد….

خالد بحزن:مراد ف العمليات…ربنا يقوموا ب السلامه….

سيرين بحزن:ياااااارب……

وبعد مرور حوالي ساعه….خرج الدكتور وهو مرتاح جدا ف قال….

الدكتور ببسمه وعمليه .:حظكوا حلو جدا…ان المريض الكسور اللي فيه مش خطيره اووي…بس انتوا عارفين ان الحادثه صعبه…الحروح هتبقي عميقه شويه…بس كل حاجه مع عمليات التجميل هتبقي كويسه…وهيتنقل غرفه عاديه حالا عن اذنكوا…..

سيرين:الحمد للله يااارب…الحمد لله….

وبعد ما نقلوا مراد للاوضه العاديه دخل خالد وسيرين الاوضه اللي مراد فيها وهو نايم..

خالد:انتي اكيد مأكلتيش حاجه…هروح اجيب اكل لان لو القائد صحي وعرف انك مأكلتيش ممكن رقابتي تطير فيها….وخرح من الاوضه وقعدت سيرين جنب مراد ومسكت ايده وفضلت تعيط..

..سيرين ببكاء:انا بحبك اوي يامراد…معرفش لو كان حصلك حاجه بسببي كنت هعمل ايييه….قوووم يا مراد قوووم بقا…وفضلت تعيط شويه كتير  لحد ما نامت علي السرير…

دخل خالد لقاهم كدا…خرج وقفل الباب عليهم….وفضل قاعد برا….

************************

في صباح يوم جديد ف بيت قاسم….ف يوم مليئ ب الاحداث والصعوبات والحزن

صحي قاسم وطبعا كلهم خرجوا وكل واحد بيحسس علي جسمه مكان الضرب اللي قاسم ضربهولهم….

قاسم ببسمه صفرا:هااا…شباب..استمتعوا بجد امبارح صح….

جمال وهو ماسك دراعه:ااااه انت هتقولي…

يزن:كان يوم جبار…

جاسر:امممم اووي..

مراد:دا انا اخدت ضرب…انما ايه عنب….

ادم:احم..احمم

البنات:هو ايه اللي حصل….

الشباب:لا ياوالدي ابوس ايدك

قايم:مفيش حاجه…وكمل بجديه كبيره…..دلوقتي فاروق ابو مي ف طريقه لينا…..يعني لازم حد فينا يخرج يقابله…هخرج انا وعم رضوان….

جمال:كلنا هنخرج معاك…..

قاسم:دا راجل صعيدي وبيتعامل ب السلاح….

عسق ببكاء:سلاح….سلاح ايه يا قااسم…قاسم والنبي ما تخرج…..

قاسم ببسمه مطمئنه:لا ياعشقي لازم اخرج

…كل حاجه هتبقي تمام….

جمال:احنا ي اما هنخرح كلنا يا اما بلاش…..

قاسم:لا ياجمال…

عشق:خلاص مفيش،حد خارج…

عز الدين:اسمع الكلام يلا قاسم احنا عيله واحده وكلنا هنخرج معاك….

عدي:انا هخرج معاك يل قاسم مش هسيبك لوحدك احنا اتعاهدنا اننا هنبقي مع بعض علي الحلوه والمره……

قايم:تمام هنخرج بس بلاش تهور هااااااااا………ماشي ياكرم….انت وكااارم….

كرم وكارم:تحت امرك يا قاسم بيه…..

وفعلا كلهم خرجوا من تحت وطلعوا فوق…..وقاسم قال….

قاسم:هما طالعين حالا….من فضلكوا استقبلوهم احسن استقبال….بلاش شغل الحوارات دا….

وفعلا بعد دقايق….الباب خبط…ودخل منه فاروق ومعاه هشام ابن اخوه…مي خافت من نظراته واستخبت ف حضن ادم اللي حاوطها…وهي كانت بتعيط بصمت…..

فاروق:هي دي الامانه يارضوان……

رضوان:هو ايه يافاروق…بنتك كويسه اهي وسعيده ومبسوطه…..

فاروق بيدور علي بنته لان اللي كانوا موجودين كتير

فاروق:هي فين قليله الحيا……وبعدين بص جنبه لقاها ف حضن ادم……

قااروق بغضب شديد:ايه السفاله وقله الادب دي…….بتحضني واحد غريب عنك…..

قاسم بهدوء:ومين قالك انه غريب عنها…اتفضل استريح…..

فاروق بغضب:بلا استريح بلا زفت…..وطلع سلاحه وقال الواحد لازم يغسل عاره بيده….

قاسم نزل السلاح بسرعه بخوف علي ابنه اللي مخاوط مي بجسمه كله….

قاسم:جرا ايه يا استاذ فاروق..انت ف بيتي وبترفع السلاح علي ولادي وبعدين عار ايه…بنتك مرات ابني علي سنه الله ورسوله….ومفيش لا اي حاجه عيب ولا حرام..واتجوزت وكان وكيلها عم رضوان…..وكان فيه شهوود…عاار ايه بس…

فاروق بصدمه وهو بينزل سلاحه:انت جوزت بنتي من ورايا يارضوان….

رضوان:مي معزتها زي بنتي ب الظبط…لانها فعلا بنتي اللي مخلفتهاش…انت قولت مره واتنين ومليون انك هتجوزها لهشام….من غير ما تاخد رأيها…انت ترضي ان حد يغصب عليك حااجه…كله ب الغصب الا الجواز يا فااروق…هي موافقه علي ابن قااسم…وانا فرحتلها اووي لاني عارف قاسم وتربيته لولاده…ادم هيصونها مش كل هيصبحها يب علقه ويمسبها ب علقه…اوزن الاكلام يا اخويا عشان تفهمه……

فاروق:قصدك ايه اني مبفهش….

رضوان:يعني هو دا اللي همك ف الكلام…خد سلاحك  وابن اخوك واطلع برا البيت دا…مي خلاص اتجوزت واللي انت كنت ناوي تعمله فشل…..لانها متجوزه…وبرضااها…ومن اللي بتحبه…..

وفجأه طلع هشام سلاحه وصوبه علي ادم…..وقال

عشام بغضب:اللي تخرج عن طوعنا….تبقي عاار لينا اجتلها يا عمي ولا اقتلها انا……وفجأه طلع يزن وجاسر جمال السلاح وصوبوه علي هشاام…

قاسم بغضب لولاده:نزلوووا سلااااحكوا….نزلوووه فاااهمين…مش احنا اللي نرفع السلاح علي حد يا ولاد قاسم..الموضوع هيتحل من غير سلاح انا قولتلكوا ايه هاااا….نزلوا السلاح…يزن:بس يابابا….

قاسم:يزن انا قولت ايه….

هشام:مش عتقتلها ياعمي انا….هقتلها….بس قبل ما اقتلها هقتله هو….

ادم حضن مي جامد وهمسلها:كل حاجه هتبقي بخير…

قاسم شايف ان دا نفس الموقف اللي اتكرر معاه قبل كدا….بس بدل مايا هشام…وف لمح البصر…ضربت رصاصه من مسدس هشام…ولكن صابت جسم قاسم اللي وقف قدام ابنه ف لمح البصر…..

لحظه صعبه…صعبه علي حبيبته وامه عياله عشق وهي بتشوف جوزها وحبيبها قااسم اللي احتواها من وهي صغيره…لسانها عجز عن الكلام….

لحظه عدي صاحبه وهو شايف صحبه بينام ع الارض وحوليه دمه…وبيقول ف نفسه لاااا احنا م اتفقناش علي كدا ياااقاسم….

لحظه

رسيل وزينه اللي حضنوا عشق بسرعه…لانها دخلت ف انهيار….

لحظه ولاده…ولاد قاسم اللي اسمهم هيخلد ف

التاريخ….جاسر…كان شايف ان المعلم..وقدوته الاول…بيموت.حتي الكلمه مش قدار يستوعبها…..

يزن:كان مصدوم جدا…ازاي..ازاايى دا حصل…كل دا حصل ف ثواني….

لحظه ادم:اللي نزل مره واحده ع الارض وحط راس ابوه علي رجله…وفضل  ينادي عليه وهو بيدمع….

لحظه مراد…اللي..اللي مش قادر بوصف المنظر دم….دم كتير وهو عنده فوبيا من الدم…لاا متسبنيش يابابا..انت كنت صاحبي…..

وهنا اخيرا لحظه نور…اللي كانت مصدومه جدا وهي شايفه ابوها غرقان ف دمه واخواتها حواليه…..مش قداره تستوعب ازاي دا حصل..وامتي…امبارح كان لسه بيحضني…وبيقولي مبروك يا عروستي…لاااا انت مش هتموت دلوقتي….

اما ب النسبه لروضه ومي…فكانوا منهارين جدا…روضه بتعتبر قاسم ابوها…..ومي اللي فصلت تأنب نفسها انها السبب ومش بتقول غير الكلمه دي…

عم رضوان ف فضل يعيط علي قاسم…فارووق زعل جدا…انه ازااي…نا مكنش قصدي قت…اناكنت هحل الموضوع سلمي.

اما ب النسهبه لهشام:…انا…انا مكنش قصدي اقتله هو…هو اللي جه ف وشي مره واحده انا مش قصدي اقتل دا……

……..: لاااااا قاااااااسم…. لا مستحيل قاسم متسبنيش… انت وعدتني اننا هنفضل مع بعض….

نور بصدمه: بابا…. لا… لا…

حضنها جمال وداري راسها ف صدره لان منظر دم قاسم كان فظييع…..

جري عليه عدي صاحبه وابنه جاسر…. وشالوه بسرعه للمستشفي… اما يزن ف راح مسك فااروق وهو بيحاول انه يخنقه وكذلك ادم اللي مسبش هشام….

يزن: اقسم بربي لو ابويا حصله حاجه هيبقي التمن هو حياااتك فاااهم…..

ادم فضل يضرب ف هشاام: ليه… ليه عملتوا فيه كدا… ابويا زنبه ايه انه يتقتل…. وبعدين قربه منه جاامد عشاان مي… مراتي ومش هتنازل عنها مهما حصل….

وف دقايق البوكس وصل وقبض علي فاروق وهشاام…

اما ف العربيه اللي فيها قااسم…عدي مسك تليفونه ورن علي رقم واحد….

عدي بدموع:الو..الو انت موجود ف مصر…..

…….:اه مالك ياعمي انت كويس….

عدي:انا محتاجك….ممكن تروح مستشفي الجوهري بسرعه…..

….:انا هناك فعلا….في حاجه ولا ايه….

عدي:لما ابقي اجيلك….سلام دلوقتي

**************

اما ف المستشفي….

عدي كان بيجري هو وجاسر وهما شايلين قاسم

عدي بغضب: تروووولي بسسسرعه……

ووصل كل الدكاتره اللي شغالين ف  المستشفي… وكانت المستشفي كلها مقلوبه لما عرفوا ان مالكها قاسم الجوهري متصاب وبين الحيا والموت

يتبع …..