رواية أولاد عمي الفصل السادس والعشرون 26 بقلم منة وائل
 |
| رواية أولاد عمي الفصل السادس والعشرون 26 بقلم منة وائل |
رواية أولاد عمي الفصل السادس والعشرون 26 بقلم منة وائل
مجهول :خلاص حاضر هخلص عليها وهجري مع السلامه
تهاني :اهو طلقني وسبلي العيلين انا اللي بصرف عليهم ده حتى مفيش لا نفقه ولا اي حاجه
نورهان :ربتا يسامحه
تهاني :تقصدي ربنا ياخده
نورهان :ههههههههه انتي مغلوله منه توي
تهاني :اوي اوي والله
نورهان :حسبي يا تهاني عاااااااا
مجهول :شششش مش عاوز اسمع نفس لو فتحتي بوقك هقتلك انتي
نورهان بدموع :طب انت عاوز اي منها سيبها هتموت في ايدك
مجهول :ما هو ده المطلوب خليكي زي ما انتي وما اسمعش نفس انا هاخدها ولو فكر حد يجي ورانا هيكون محصلها
نورهان :هي عملتلك اي سبها بقا حرام عليك هتموت في ايدك يا حسااام حساااام
قام بضرب المسدس على رأسها وقال :ما قولت اسكتي بقا
نورهان :ااااااااه
حسام :انت مين وعاوز اي سيبها
تهاني :لا يا حسام بيه ابعد هما عاوزني انا ابوس ايدك خالي بالك من عيالي مالهمش غيرك بعدي وقول لعبد الرحمن بيه اني بشكره اوي
حسام :قولتلك سيبها لأنك كده كده مش هتخرج سليم من هنا
المجهول :هههههه لا هخرج وبيها محدش يجي ورايا سمعين
رعد من خلفه : ولو قولتلك ان اللي بيدخل قصر العرباوي بيخرج متكسح هتقول اي
نظر المجهول خلفه وجد رعد ونادر ثم قام رعد بضربه بقدمه وقع السلاح من يده وقام رعد بضربه في وجهه عدة لكمات
رعد :نادر
نادر :ايوا يا كبير
رعد :كبير اي انت كمان فاكرني نخنوخ خد الحيوان ده المخزن واقفل عليه كويس لحد اما نجيله
نادر :حاضر يا برنس، قدامي يا دهول قدامي
تهاني :ربنا يخليك يا رعد باشا ربنا يخليك انت والبهوات
رعد:ماتقوليش كده يا تهاني انتي زي اختنا وبعدين مين الناس اللي بتجري وراكي دي
تهاني :بيتهيألي عبد الرحمن بيه هو اللي يقولكم على الموضوع ده لانه هو عارف كل حاجه
حسام :ده الموضوع في جدي بقا يبقا لازم نفهم في أي
رعد:مااحنا هنفهم دلوقتي
نادر :تم الحيوان في المخزن والرجاله بتروقه لحد اما نيجي
رعد :تمم يلا يا بينا على جدو عشان نفهم في أي
حسام :هودي نورهان على اوضتها وهحصلكم
نادر :تمم
بقلمي منه وائل
❣️❣️❣️❣️❣️❣️❣️❣️
في فندق برفكت في اسكندرية
معاذ :اقعدي
ساره :حاضر
معاذ :تاكلي اي؟
ساره :انا هتكول اي
معاذ :اممم، ياجرسون جرسون
الجرسون :تحت امرك يا فندم
معاذ :هاتلنا اتنين نجرسكوا وأسكلوب
ساره:ايوا بس لوسمحت الأسلوب يكون مشوي
معاذ :اه وانا كمان وهات اتنين عصير، انتي عاوزه عصير اي؟
ساره :لمون بنعناع
معاذ باءستغراب :هاتلها الليمون ده وانا هاتلى برتقان
الجرسون :حاجه تاني يا فندم
معاذ :لا شكرا، اي البتاع ابو نعناع ده
ساره :ههههههه ده لمون بنعناع مثلج اسمه اصلا سموزي
معاذ :هههه لا والله عليكم حاجات يا بنات انتوا
ساره:الحق ده سليم جاي علينا
معاذ :اه منا اخدت بالي، اعملي نفسك زعلانه منه لما يجي وكأنك مش شايفاه ماشي
ساره :ماشي
معاذ :وخدي السماعه دي حطيها في ودنك دي أتنين في واحد يعني تسمعني وانا اسمع اللي بتقولوا عشان متأكد انه هيحاول يزحلقني عشان عاوز يتكلم معاكي
ساره :ماشي
سليم :احم مساء الخير
معاذ بقرف :مساء النور
سليم :اي مالكم في حاجه مضياقكم والا اي
معاذ :لا مفيش حاجه انت اللي فيك حاجه
سليم:لا بس انتوا لسه ماجهزتوش للحفله
معاذ:اه هنتغدي ونطلع نجهز
سليم :طب معلش يا احمد ممكن تقوم تقول للراجل اللي هناك ده لو جالي اي اتصال يقول مش موجود عشان عاوز اقعد معاكم واتعَغدي معاكم ممكن؟
معاذ وهو ينظر لساره :اه طبعا ممكن حاضر وبالمره اقول للجرسون انك عاوز زينا مش كده
سليم :اه تمم مفيش مشكله
معاذ :تمم
سليم :بصي انا عارف انك زعلانه مني اوي يا فيروز بس صدقني انا مش عارف انا عملت كده ليه بجد انا اسف اوي
ساره :لو سمحت سيب ايدي انت ما راعتش شعوري يعني لو احمد مكنش جه كان ممكن يحصل حاجه
سليم :لا والله ابدا مكنش هيحصل حاجه انا كنت هبوسك بوسه بريئه من إعجابي بيكي مش اكتر
ساره :مفيش حاجه اسمها بوسه بريئه او مش بريئه في النهايه هي بوسه
سليم :معاكي حق انا اسف بس هو انتي قولتي حاجه لأحمد
ساره :لا طبعا انا لو كنت قولتله كان بهدل الدنيا
سليم :طب الحمدلله سماح بقا ماتزعليش وعشان أبين اعتذاري ممكن تقبلي ده مني هديه
ساره :اي ده
سليم :يعني حاجه مش مقامك كده خاتم الماظ
ساره باءنبهار:واو ده جميل جدا، للأسف مش هقدر اقبل هديه زي دي.
سليم :ليه بس؟
ساره :عشان هاخزها ليه واقول لأحمد اي
سليم :قوليلوا اي حاجه انتي يعني مابتلبسيش الماظ اكيد بتلبسي وهو مش هيدقق يلا بقا اسمحلي البسهولك
معاذ في اذنها :ماتاخديش حاجه
ساره :اعمل اي طيب
سليم :ها بتقولي حاجه
ساره :لا ابدا اتفضل
سليم : شكله يجنن على ايدك
معاذ بغيظ :طيب ماشي، تمم والرسوم جاي حالا باالاكل
سليم :بشكرك جدا
معاذ :على أي بس احنا اخوات
سليم :اكيد طبعا
نظر معاذ لساره نظرات حارقه ونظر للخاتم
نظرت له ساره برعب ثم نظرت للجهه الأخرى وقالت بهمس :ربنا يستر ربنا يستر
بقلمي منه وائل
❣️❣️❣️❣️❣️❣️❣️❣️
في منزل شروق
ناديه:انتي بتقولي اي يا شروق نقاب اي اللي البسه يابنتي هو النقاب لعبه عشان نلبسه شويه ونقلعه تاني
شروق :معلش ونبي يا ماما انتي لازم تساعدني عشان نحل الموضوع ده وناخد حقنا
ناديه :طب انا عاوزه افهم ازاي هتتصرفوا في يوم كتب الكتاب لما يشوفوا بطاقتك وبطاقته ماهما كده هيعرف ا كل حاجه طب فلنفترض انكم هتزوروها
، ما كده هيبقا جوازك باطل يا بنتي ومينفعش يكون جوزك
شروق :يا ماما في فتره الشهر دي انا هحاول اوصل للورق وكل حاجه وهقدر امضي على الحاجات دي كلها بيع وشري وكدا مش هنحتاج للجواز اصلا
ناديه :اه فهمتك بس يابنتي دا مهما كان ابن عمك ومالوش ذنب في كل ده جدك وعمك ومرات عمك هما السبب حتى ابوكي يابنتي مالوش دعوه
شروق:كلهم في مركب واحده ياماما كلهم رموكي و رموني في عز البرد مع انهم عارفين ان كان ممكن يحصلنا حاجه وقال اي بعد السنين دي كلها بابا بيدور علينا ده لما يشوفوا حلمه ودانهم، انا هوريهم هعرفهم فعلا بنت العرباوي تربيتهم هتعمل فيهم اي، هبخ سمي اللي هما غرزوا فيا عليهم
بقلمي منه وائل
❣️❣️❣️❣️❣️❣️❣️❣️
في محل الملابس
معتز :اي رايك في ده؟
حور :………..
معتز :طب ده طيب
حور :انت عمال تختار وبتسال رأي على اساس اننا عرسان بقا وكدا
معتز :اومال احنا اي؟
حور بقرف:ده انا مغصوبه
معتز بزهق :طب انا اعمل اي اكتر من كده انا هصلخ غلطتي وهعوضك وكمان هخليكي زي اي عروسه، غلطت وبتحمل غلطتي
حور:تقدر تقولي انا بعد اما انت تطلقني هعمل اي هعيش حياتي ازاي ونظره المجتمع ليا بعد اما اكون مطلقه، وأكملت ببكاء انا ادمرت
نظر لها بحزن وقال :انا اللي دمرتك وانا اللي هبنيكي تاني واوعدك ان كل حاجه هتبقا كويسه
حور :مفيش حاجه بتدمر بتتبني تاني
معتز:هتشوفي، انا هروح اجيب حاجه نشربها ونقي الفستان اللي انتي عاوزاه
حور :يارب انا خايفه ومتلغبطه اوي
شاب :اي ياقمر بتعيطي ليه بس هو مشي وسابك تعيطي
حور وهي تمسح بكائها :انت مالك انت واوعى من وشي
الشاب:الله الله انتي بتتشطري عليا انا ماتتشطري عليه هو اللي عيطك
حور :انت مالك انت يا حيوان
الشاب :انا حيوان يا مرا انتي
حور :اااااه ايدي اوعي سيب ايدي حد يلحقني يا ناس، معتزززز
معتز :ليك قلب تمد ايدك على حرم معتز العرباوي
وقام بضربه على راسه
بس بس اي اهدوا حيوان وغلط وعلمته الادب
الأمن :مايصحش اللي حصل ده
معتز :لا وهو يصح يمد ايده على مراتي مش كده تحبوا نروح قسم معنديش مشكله
الشاب وهو ينزف دم من أنفه :خلاص انا اسف اسف والله بلاش قسم
معتز :يلا غَور من هنا، تعالي
حور وهي ترتمي في احضانه وتبكي :ماتسبنيش لوحدي لوسمحت
معتز وهو يمسد على شعرها :ماتخافيش عمري ما هسيبك ابدا
حور بعد ما أدركت انها في احضانه:اا.. انا اسفه معلش
معتز وهو يبتسم :بتعتذري على أي انتي هتبقي مراتي ها اختارتي حاجه؟
حور :لا بس اللي هتختارهولي هاخده
معتز :ماشي انا شايف ان ده هيبقا حلو عليكي
حور باءبتسامه:هو جميل فعلا خلاص هاخده
معتز :تمم هاتي لو سمحت الفستان ده بالاكسسيورز بتاعه وجزمته
البنت :حاضر يا فندم
معتز :اشكرك يلا بينا نروح ندفع ونستلمها
حور :ماشي
بقلمي منه وائل
❣️❣️❣️❣️❣️❣️❣️❣️
في قصر العرباوي
رعد :اي سليمان المحلاوي وانت ازاي تأمن لها ياجدو
عبد الرحمن:يابني اللي خلاها ماقتلتنيش ساعتها يبقا اكيد هي فيها حاجه كويسه وانها ملهاش ذنب في كل ده وبعدين بص على عيالها يعني لو هي قتاله قتله مش هصعب عليها ولا هتحكلي كل ده وعلى فكره يا حسام ضرب النار اللي كان عليك انت وهي ده كان من سليمان دول رجالته عرفوا انها حكتلي كل حاجه وعاوزين يخلصوا منها
نادر :وعرفوا منين بس يا جدو
حسام :اكيد فيه جاسوس في القصر
عبد الرحمن :ما اهو ده بقا اللي عاوزكم تعرفوا اعرفولي مين الجاسوس اللي في البيت
رعد :ما تقلقش يا جدو هنعرف كل حاجه، نشوف بس الواد اللي مرمي في المخزن حكايته اي وتبعهم والا لا
عبد الرحمن :ماشي بس بلاش قتل يابني
رعد :حاضر يا جدو
……….. في غرفه مشيره
نورهان :مالك مكشره ليه كده
مشيره بحزن :يعني شوفتي معتز راح لعروسته النهارده يجيبوا الفستان والحاجه بتاعه الخطوبه ونادر مطنش خالص تقدري تقوليلى هلبس اي في الخطوبه وفاضل ٣ايام بس
نورهان :يابنتي يمكن بس الشغل واخد كل وقته
مشيره :ايوا وانا فين يعني ماليش حق انا كمان
نورهان :طب ماتقوليله
مشيره: ولا هقول ولا اعيد مش عاوزه حاجه، المهم سيبك مني هو حسام
نورهان بخجل :ههههههههه اه
مشيره :ايوا بقا ههههه، وانتوا قولتي اي.
نورهان :بصراحه انا حبيته اوي وحبيت اهتمامه بيا وحبيت وجوده جنبي مش عاوزه استغني عنه فقولتله بقا
مشيره :طب ليه ماقولتوش لبابا يمكن تعملوا الخطوبه معانا
نورهان :يابنتي هو انتوا مش عاوزين تفهموا اني رجلي دي مش هينفع اكون في الخطوبه كده ده انا هحضر خطوبتك بالعافيه
مشيره :اه اه صح معلش نسيت خلاص لما نخفي بس بجد انا مبسوطه اوي والله يا حبيبتي
نورهان :حبيبتي اي مشمش
وقاموا باءحتضان بعضهما
بقلمي منه وائل
❣️❣️❣️❣️❣️❣️❣️❣️
في فيلا سليمان
حياه :انا هتجنن هتجنن
سليمان :اهدي يا حياه في أي يابنتي
حياه :معرفش يعمل حاجه البرشام اللي جبتها من امريكا راحت
سليمان :خلاص يا حبيبتي جربي غيرها
حياه :لا لا خلاص باظت الحكايه دي انا عارفه انا هعمل اي مش البيه هيتجوز السكرتيره
انا هحصره عليها وهسومه بيها وساعتها هقدر اخد منه كل حاجه
