Uncategorized

رواية رفقا بالقوارير الفصل السادس والعشرون 26 بقلم ميادة مأمون

                                         رواية رفقا بالقوارير الفصل السادس والعشرون 26 بقلم ميادة مأمون 

رواية رفقا بالقوارير الفصل السادس والعشرون 26 بقلم ميادة مأمون

رواية رفقا بالقوارير الفصل السادس والعشرون 26 بقلم ميادة مأمون

بدء الفرح ونزلت انا ورامي القاعه نستني دينا وهي نازله في ايد بابها عشان يسلمها ليه

ودخل عصام وهو ماسك في ايده ندي اللي كانت لابسة فستان قصير اوي ومكشوف بطريقة مقززة وحاطة ميك اب كامل

بس برغم كل اللي هي عملاه ده ماعرفش ليه شكلها كان حزين اوي

ولقيته جاي بيها علينا بصيت لرامي وسألته

هي ندي قاعدة مع عصام في ڤيلته يا رامي

اه يا خويا شوفت الخيبة

اه شوفت البت دي عشان الفلوس تعمل اي حاجة

طب اسكت بقي احسن جاين علينا

يا عريس الف مبروك يا حبيبي

الله يبارك فيك يا عصام عقبالك

ربنا يخليك يا حبيبي ازيك يا قاسم

اهلا ازيك يا عصام

انا كويس اوي اوي يا حبيبي مش هاتسلم علي ندي ولا ايه

طب بلاش تعالي انتي يا ندي سلمي علي رامي وقاسم واعتذري ليه علي اللي حصل بينكم

مبروك يا رامي

الله يبارك فيكي يا ندي عقبالك

ازيك يا قاسم

اهلا

انا اسفة وبعتذر ليك علي اللي حصل

وانا قبلت اعتذارك يا ندي بس

اظن انك غلطتي اوي واتعديتي حدودك مع حد يخصني اوي

حد زي مين الكلام كان بيني وبينك ومكانش في حد معانا

والكلام اللي قولتيه لوعد هانم مراتي انتي نسيتي غلطتي معاها ازاي وقولتلها ايه

بصتلي بغضب وهي بتقولي

انا مغلطش في حد يا قاسم و مش هاعتذر لحد تاني واذا كان علي شغلي مش عايزة ارجعه

لاء يا ندي هاتعتذري

التفتت لعصام اللي قالها الكلمتين دول وهو بيبصلها بمكر

لكن يا عصام

لكن ايه احنا قولنا ايه بقي قاسم صاحبنا ومانقدرش نزعلة

حاضر يا عصام

كلامها حسسني اد ايه هي مكسورة ومجبورة تسمعله

بس قولت اصلا هما الاتنين لايقين علي بعض

شايف انكم بقيتو متفاهمين اوي مع بعض عن الاول

ضمها ليه بجراءة واحنا واقفين وفي نفس الوقت مزهولين منها ومن سلبيتها دي معاه وانها حتي ماحاولتش تصده

ياعم امسك الخشب وقول ربنا يهديها وماتقلبش عليا تاني

ربنا يهديكم انتو الاتنين يا عصام

صحيح يا قاسم نسيت أقولك مبروك علي جوازك بس بصراحة انا مستغرب انت ليه كنت مخبي علينا

والله دي حاجه تخصني لوحدي يا عصام

حقك يا برنس بصراحه تخبيها هي شخصيا وعد دي قمر

نعم بقولك ايه ياض انت اوعي اسم مراتي يجي علي لسانك او حتي بس تفكر

مسكني رامي قبل ما اتهور وامد ايدي عليه

اهدي يا قاسم وتعالي معايا دينا نزلت اهه ألحق ده عمو ماسك ايد وعد كمان

/////////////////////////////////

صحيح دينا كانت جميله في فستانها وبهرت كل الناس بجمالها الهادي

لكن ملكة قلبي خطفت عيون الكل بجمالها الطبيعي وفستانها الطويل والرقيق في نفس الوقت

بس اللي خلاني بغلي الروچ الاحمر اللي زين الكرزتين بتوعي وعيون الرجالة اللي كانت عليهم

واخيرا اخد رامي عروسته من بابها وشاور ليا عشان

اتقدم ليه وهو ماسك وعد في ايده وقالي

تعالي خد عروستك في حد يابني ادم انت يبقي متجوز القمر والجمال ده كله ومايعملش ليها فرح

انت بخيل يا قاسم ولا ايه

شوفت الدموع لمعت في عنيها وانا كمان من جويا زعلت بس قولت احاول أدارى حزننا

معلش يا عمو احنا ظروفنا مختلفة شوية يعني ماكناش هنلاقي ام او اب يفرحولنا كده

رد عليا والد رامي اللي جيه وقف معانا

اخس عليك يا قاسم واحنا روحنا فين مانتو ولادنا برضو

اه طبعا يا عمو دي حاجة تشرفنا جدا

والد دينا قالي: طب يلا بقي خد عروستك وروحو افرحو مع اصحابكم

اخدتها من ايديها وقعدنا علي تربيزة لوحدنا

قاسم مالك وشك متغير كده

ايه اللي انتي حطاه في وشك ده يا وعد

انا مش حاطة حاجة والله مافيش غير الروچ بس

وليه تحطي روچ

الله ما كل البنات حاطة مكياچ كامل اهيه جات عليا انا بقي

وعدددددد انتي مش زي حد والكلام اللي اقولة يتنفذ والروچ ده تدخلي الحمام تمسحيه

حطت وشها في الارض بزعل

حاضر يا قاسم

طب ماتزعليش كده اظن يعني المفروض تفرحي وانتي شايفني هاموت من الغيرة عليكي

لاه بعيد الشر عنك ياخوي

خايفة عليا اياك

طبعا وانا ليا مين غيرك اخاف عليه

واه يا بت فدوة علي كلامك الحلو قومي اغسلي شفايفك بدل ما اقطفهم اني قصاد الناس دي كلها واللون الاحمر ده يتحط ليا اني وبس

ملامحها اتحولت في ثانية وبقت طايرة من الفرحه

حاضر يا ديب تعالي وديني عشان مش عارفه الحمام فين

حاضر يا قلب الديب

اخدتها وخرجنا بره القاعه اللي اتقبلت مع مدير الفندق علي بابها وكان معاه رجل اعمال كبير

قاسم باشا انا كنت جايلك عشان اعرفك علي ………. وتقعدو مع بعض تتفقو علي المشروع

اه اهلا وسهلا بحضرتك

شورت لحد من الجرسونات اللي واقفين عشان يجي يعرفها طريق الحمام وارجع انا مع العميل المهم ده تاني

وعد روحي معاه وانا هارجع واظن هاتعرفي ترجعي مش كده

اه طبعا عن اذنكم

دخلت تاني وسيبتها وانا مش واخد بالي من التعبان اللي كان مراقبنا هو الحية اللي معاه

/////////////////////////////////

يلا يا ندي دي فرصتك تروحي وراها عايزك تشيلي من دماغها اى زعل بينكم وتفهميها كويس انك

خلاص مابقاش في بينك وبين قاسم اي حاجه فاهمه يا ندي

عصام بلاش خلاص انا مش عايزة من قاسم حاجه

ابوس ايدك انا مش أده

انا بقي أده ولازم اعلم عليه زي ماهو علم عليا واخدك مني يا بطة

اخد مين يا عصام مانت عارف كويس اوي انك كنت اول واحد يلمسني

والله الحاجات دي مابقتش ماضمونه اليومين دول يا حبي

يلا بقي مش هانضيع الوقت في الكلام عايزك تخرجي من الحمام وانتي مسكاها في ايدك وجايبها تقعد معانا

سابته وراحت وراها وشافت الجرسون واقف مستنيها بره قالتله

روح انت انا هارجع انا والهانم الفرح

ودخلت ليها لقيتها بتغسل وشها

الله ازيك يا وعد انتي هنا

رفعت وشها شافتها واقفه وراها

انتي شايفه ايه

شكلك لسه زعلانة مني

وانا ازعل ولا افرح منك انتي ليه بقي انشاء الله

يعني عشان كنت بحاول اضيقك كل شوية بكلامي

انتي لالا كلامك ده ولا يعنيني في اي حاجه

ندي كانت هاتتراجع عن اللي هاتعمله بس طريقة وعد استفذتها وخلتها تكمل كلامها

طب انا بعتذرلك يا وعد عن طريقتي معاكي وعن الكلام الكدب اللي كنت بقوله ليكي

خلاص ياندي قولتلك مافيش حاجه

مثلت انها هاتبكي وقالتلها

طب ياريت بقي تفهمي قاسم الكلام ده وتخليه يرجعني الشغل احسن بصراحه انا من غير مرتبي ده مش هاعرف اعيش

طب خلاص ماتزعليش وتعيطي انا هاقوله اننا اتصالحنا وهاقوله كمان يرجعك الشغل

يعني خلاص بقينا اصحاب

اه طبعا بس يا ريت بقي تبقي في شغلك سكرتيره وبس وتبعدي عن قاسم خالص

ههههههههههه لاء ماتخفيش انا من ساعة ما عرفت انك مرات الديب فهمت كويس انك ديبه زيه

ايوة بالظبط كده خافي مني بقي يا ندي

ههههه طب يلا نرجع بقي الفرح سوي

////////////////////////////////////////

رجعت معاها لقتني واقف مع مجموعة رجال اعمال كتير

اتكسفت تيجيلي ووقفت مش عارفة تعمل ايه

الله مالك وقفتي ليه

اااصل قاسم واقف مع رجالة كتير وانا مكسوفة اروحله بصراحه

طب ماتيجي تقعدي معايا علبال مايخلص كلام معاهم

لاء انا هارجع اقعد علي التربيزة بتاعتنا

طب وليه تقعدي لوحدك تعالي يا بنتي مش احنا خلاص بقينا اصحاب

اه طبعا بس اقولك تعالي نروح نصقف للعروسة وهي بترقص مع عريسها

نصقف ونرقص معاهم كمان تعالي يلا

/////////////////////////////////////

كنت مراقبها بعنايا وهي راجعه مع ندي ولحد ما

وقفت تصقف ليهم وتضحك وندي وقفت وراها وحجبت رؤيتي عنها خالص

وماشوفتش عصام اللي جيه جانبها وفاجئه شدها من ايديها بين ايده بدء يرقص بيها وهو بيقولها

وحشتيني اوي ليه بعدتي نفسك عني كده

انت مجنون اوعي شيل ايدك عني قبل قاسم ما يشوفك

بس بس اهدي يا روحي ده رقص سلو وعادي يعني اي واحد يرقص مع اي بنت في الفرح

طلعت روحك سيبني سيبني

بس قبل ما هو يسبها كنت انا ساحبها ورا ضهرى
والمرة دي رفعت ايدي عشان اضربه بس وقف رامي بيني وبينه

قاسم عشان خاطري انا الفرح هايبوز

شدتها من ايدها بغضب واخدتها وخرجنا برة الفرح كله وطلعنا علي جناحنا

ادخلي يا هانم بترقصي مع راجل غريب عنك يا بنت عزوز

والله يا قاسم هو اللي شدني من ايدي وانا حاولت ابعده عني

اخرسي خالص مش عايز اسمع صوتك

حاضر حاضر بس انت ماتزعلش مني والله ماعملت حاجة

ابعدي عني ماتتكلميش معايا دلوقتي

قعدت علي الكرسي وانا هافرقع من الغيظ
وهي دخلت تغير هدومها ومابطلتش بكي

ورجعت ليا قعدت علي الارض بين رجليا وهي ساكته خايفة تتكلم من كتر الغضب اللي اترسم علي وشي

قاسم عشان خاطرى ماتزعلش مني والله ما عملتش حاجة

رفعتها مابين ايدايا وقعدتها علي رجلي واترمت في حضني

ناوية تعملي فيا ايه يا اكتر من كده يا بت عزوز

يتبع …. 

لقراءة الفصل السابع والعشرون : اضغط هنا

   &
nbsp;                                                      لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى