رواية عشقي الجزء الثاني الفصل السادس والعشرون 26 بقلم ياسمين مصطفى

قاسم بصدمه:ايييييييه…..ابن غير شرعي….ازاي….

مراد:انت متعرفش ان كان سليم ليه علاقات كتير….بس مامت خالد كانت هربت بيه وهو صغير….وهو ببحاول يوصل لخالد عشان يقتله…..لان خالد دخل شرطه عشان خاطر يوصله للمشنقه…بسبب اللي كان بيعمله فيه هو وامه ايام زمان…..

قاسم بحزن:يعني اللي حصل زمان بيتكرر تاني دلوقتي وبيتكرر كمان علي ولادي…

مراد بقوه:ايه يا قاسم هو احنا مش مالين عنيك ولا ايه….انت مستقل بينا…..معاك العقرب اللي مش بيتاخف منه….والرائد جاسر…الداهيه زي ما بيقولوا…..ورجل المهمات الصعبه وبص لجمال….ومعاك اللوا عز الدين والعقيد مراد الاسيوطي انت كدا بتستقل بينا….وغير كدا معاك الهاكر الخفي اللي المافيا كلها مقلوبه ع الباشا…..

قاسم بصدمه وخوف علي ابنه:اييييييييه…وبص ليزن اللي بص ف الارض…يعني ايه يا مراد….مافيا ايه بس….انت كدا هتودينا حته تانيه يايزن….وكمل بصوت عالي كان ايه اتفاقنا من الاول مش كان اتفاقنا انك تبعد كل البعد علي انك تدخل ف حاجات الحكومه والمافيا…انت ازااي عملت كدا يا يزن اززاي….

مراد:متقلقش يا قاسم بيساعدنا الاقوي منهم….

قاسم:ياااارب يارب ارحمني…ويطلع مين دا بقا اللي بيساعدنا….

مراد بثقه:ليل….ليل السيوفي…..2

قاسم بصدمه كبيره:لييل…وحش الاقتصاد….ايه اللي وصله للمافيا…..

مراد:واحد كبير كدا زي ليل….ليه اسمه ووزنه ف السوق….ف اكيد هيبقي ليه علاقات كتير….

قاسم:عايز اقابله…..

مراد  :هو حاليا مع خطيبته ف تايلاند…..

يزن:ااااه لو يكتشفها علي حقيقتها…بس قريب اووي هساعده ف كدا….

قاسم:هتعمل مصيبه ايه تاني يابيه….

يزن بحزن:بابا….ليل دا كان معرفه قديمه مش معقول لما يطلب مني حاجه معملهالوش…..

قاسم:يعني….يعني ليل هو اللي طلب منك تخترق الشبكات دي…..

يزن:فعلا…..وانا مصر اني اكشفله حقيقه خطيبته دي واقوله انها خاينه ومتستحقش واحد نضيف زي ليل……

قاسم:وانت مالك يا اخويا….

يزن:بابا انت لو تعرف اللي ليل عمله معايا هتعمل اكتر من كدا……

قاسم:هيكون عمل ايه يعني….

يزن:هقولك…..ليل معملش حاجه واحده عمل حاجات كتير جدا…..اول حاجه انه انقذ روضه حبيبتي بعد ما كانوا بيحاولوا يخطفوها……وانقذ ادم ونور من انهم يتخطوفوا وقت ما كانوا بيروحوا ف الموصلات العاميه….واقولك الكبيره بقا…..ليل هو اللي انقذنا من اننا نموت ف المره الاولي علي الصحراوي…..وعمل حاجات كتير جدا…..

قاسم:انا كنت مأمنكوا وملبس كل واحد فيكوا حمايه…..

يزن:لا يابابا دا بتهيألك….انت كنت بتحمينا بس ليل كان ببحمينا ف الخفي….من تحت لتحت…..ليل دا انا مديون له بحياتي…….

قاسم:للدرجه دي…..

يزن:واكتر كمان…كان ممكن بعد ماياخد كل المعلومات اللي عايزها عن المافيا يقولهم علي مكاني

مراد كمل:خاصه بعد ما حطوا 10 مليون دولار مكافأه للي يلاقي يزن…..

قاسم:انا لسه عند قراري عايز اقابل ليل…

مراد:تمام هظبطلك معاد معاه….المهم هنعمل ايه…..انتوا دماغ كل واحد فيكوا توزن بلد بحالها….. فكروا متبقوش كدا…..

مراد الصغير بخبث:انا عندي الفكره….

قاسم:لا خليك انت براها انت متهور وهتودينا ف داهيه….

مراد بثقه:عيب عليك يا والدي انا صحيح اهبل بس دماغي توزن بلد…..افتح الكاميرات يا والدي واتفضلوا اقعدوا….

سكت قاسم لما يشوف ابنه هيقول ايه…..

مراد بثقه:اول حاجه لازم تحصل….ان الاتنين دول يبعدوا عن المكان ب اي طريقه……والحاجه الاهم ان لازم كلنا نخرج من هنا بسرعه….وكمل بغمزه….وحضرتك عارف هنروح فين…..

قاسم:لااااا….لا يامراد انسي اللي بتفكر فيه دا مستحيل حد غير انا وعشق يروح المكان دا….

مراد بحزن:انت كدا بتخاطر بحياتنا…..

قاسم:لاا…علي جثتي نروح هناك يامراد فااهم

مراد الكبير ببسمه:دا المكان اللي اتعمل فيه فرحك انت وعشق….

قاسم:ايوا هو….

مراد الصغير بذكاء:بص يا والدي ب العقل كدا….اللي جاين برا دول مش جاين عشان جمال بس….وطبعا احنا عارفين الحكايه كلها….ودي حاجه كويسه ان حضرتك كنت بتحكيلنا….دلوقتي  انا فهمت ان سليم الاسيوطي اللي كان محبوس دا خرج…وخرج بعد كتير….ومايا اللي هي المفروض بنت خالتك وكانت عايزه تقتل امي طلعت زي القطه بسبع ارواح ولسه عايشه…وسيرين دي اللي هي بنت عمي عدي….طب ليه سيرين عايزه تأذينا وهي واحده مننا….

عدي بحزن:لان الحقيقه سيرين مش بنتي…ولا اخت فرح….وحكالهم قصه سيرين….

وطبعا كلهم اتصدموا….

مراد الصغير:طب السبب الرئيسي عايزه تفرقنا ليه….

جاسر:لانها كانت بتحبني وانا كنت بحب فرح….ب الاضافه لدت انها عايزه تاخد فلوس عدي كلها…..

مراد:ههههه…..بتهيألكوا ان دا السبب مش دا السبب خالص..اي نعم دا سبب من الاسباب لكن مش السبب الرئيسي….تعرفوا السبب الرئيسي  ايه….انها عايزه تنتقم من رسيل…لان الحقيقه سيرين متبقاش بنت مصطفي اخو مدام رسيل….

الجميع بصدمه بما فيهم عدي:اييييييييييييييييه

مراد الصغير:تاااااني…..

عدي:اومال تبقي بنت مين…..

مراد:تبقي بنت اسامه….فاكر اسامه ياعدي….

عدي:طليق رسيل….

*لو تفتكروا ان اسامه طليق عدي لما عدي دخل الشقه وضربو…*

مراد:ب الظبط كدا…..اسامه طليق مدام رسيل وصاحب مصطفي…اللي اثبت التحريات انه مات بسبب جرعه زياده….اسامه كان متجوز….ومخلف كمان….واقولكوا ع الكبيره بقا….كان متجوز علي رسيل وهي علي زمته…..وخلف من مراته التانيه بنت اللي هي سيرين…وكان دايما بيضرب سيرين ومامتها……عشان اسف يعني…عشان مدام رسيل….لان مرات اسامه تبقي بنت خالته….يعني حماتها خالتها….اسامه كان بيحب رسيل جدا…فوق ما تتخيلو…هددوه انه يبعد عنها عشان ميقتلوهاش….وطبعا امه هي اللي هددته…حتي انها عطت حقنه لمدام رسيل خلتها فتره متخلفش… وطبعا دا كان مثابه تأكيد لتهديد امه بقتلها..يعني زي ماقدرت تعطيها حقنه تخليها متخلفش تقدر تعطيها حقنه تخليها تموت…..المهم انه مكنش بيحب مراته ولا بنته وكل اما يشوفهم يضربهم…عاشت سيرين ايام زباله مع اسامه…..

عدي بصدمه:انت عرفت كل دا ازاي….

مراد بثقه:عيب عليك تسأل السؤال دا ليا….بس هجاوبك….الكلام دا لما بدأت اشك ف المحامي..سعد المحامي او نقول المحامي المزيف معرفش الكلام دا دخل عليك ازاي ياعدي…..شكيت فيه وبدأت اراقبه وف مره لقيته دخل شقه وخرج متوتر…..دخلت الشقه دي…وابتديت اشوف فيها ايه….شوفت جثه واحد معرفوش مرمي ع الارض وجنبه حقنه…دورت ف جيبه لقيت البطاقه واكتشفت ان دا يبقي اسامه طليق مراتك……ولقيت فيه مذكرات كتير جدا ع الترابيزه اخدتهم كلهم وحولتهم علي عربيتي….وبعدين دخلت تاني واكتشفت ان اسامه اتقتل…بس باين انه مات بجرعه زياده ……

قاسم:يعني سعد المحامي هو اللي قتل اسامه…..

مراد:انا فكرت زيك كدا…لكن مش هو اللي قتله لو كان هو اللي قتله كان طول شويه لكن دا دخل وخرج ف لمح البصر….المهم بعدها لقيت واحد صحبي بيرن عليا وبيقولي في قضيه قتل ف شارع ******** واكتشفت ان موقع الجريمه هو نفسه المكان اللي انا واقف فيه……وفعلا بعد التحقيقات اكتشفنا ان كان فيه علمات صوابع علي رقبه اسامه…..

جاسر:يعني هو اللي قتله……

مراد:لا….كان فيه خرابيش علي رقبه اسامه….واللي انا اكتشفته ف التحريات وانا بحقق مع سعد انه دايما بياكل ضوافره….وبعدين وانا ماشي كدا شوفت تليفون….والصدمه ان كان التليفون دا بيصور….ودا كان الدليل ان اللي قتل مصطفي….ام سيرين

يزن بصدمه:ايييه الكلام الجامد دا….انت ازاي كدا….

جمال:يعني الاب يبقي اسامه طليق مرات الاستاذ عدي….من كتر حبه اسف ف اللفظ ف مراته سابقا كان بيعاقب مراته وسيرين دي….عشان مفكرهم انهم السبب…..

مراد:ب الظبط كدا…..

جمال:انا كدا فهمت…ف سيرين دي مفكره ان رسيل هي السبب ف حياتها اللي اتدمرت…..

مراد:ب الظبط كدا…..

عدي:وفين ام سيرين دي…..

مراد:اول حاجه لازم تعرفوها ان ام سيرين دي كانت ست قاسيه كانت دايما تضرب ف سيرين عشان شيفاها غلطه…..وتقولها دايما….”ابوكي سايبني وبيحب ف الخاينه”…و هي حاليا متوفيه…قتلت نفسها  ف السجن لان حكم عليها ب المؤبد…اما ب النسبه ل ام اسامه ف ماتت بجلطه بعد ما عرفت اللي حصل ل ابنها……

ادم:طب ليه بقا قالو ان سيرين تبقي بنت مصطفي مش بنت اسامه…..

مراد ببسمه ثقه:امم سؤال ذكي وانا هجاوبك….اسمعوا دا…وكان مسجل صوتي ..

“هعمله علي هيئه فلاش باك…”

فلـــــــــــــــــــــــــــــــــــــــــــــــاش باااك

ثريا ام سيرين:اسمعي يابت انتي….انت لازم تنتقميلي من الخاينه اللي ابوكي فضلها عليا وخلاني زوجه تاانيه…..لازم تخدي كل فلوسها…عارفه ليه…وكملت بكذب….لان ابوكي كان غني وهي ضحكت عليه واخدت كل فلوسه…واتجوزت واحد فقير وعملتله قيمه…وبنت قصر….واتجوزته وخلفت…وعملت عيله….هي عايشه  ف الهنا من فلوس ابوكي واحنا هنا عايشين ف فقر….

سيرين:بس ياماما حرام….

ثريا بشر:حرمت عليكي عيشتك يا بعيده….ومكنش حرام لما كان يجي يضربني ويضربك ويقولنا انتوا السبب…وهي السبب ف اللي احنا عايشين فيه….هي اللي جرت ابوكي انه يتجوزها…..وكانت السبب ف اننا هنا دلوقتي…

الضابط:يالا يا مسجونه انتي وهي….ادخلوا مكانكوا…..

ثريا:فاهمه يابت….سعد ابن عمي هيفهمك كل حاجه…لازم تفرقيهم وتحاولي انك تعملي مشاكل…وتاخدي فلوس ابوكي كلها وتعيشي ايامك يا بنت الكلب….

ودخلت ثريا مكانها اما سيرين بصت لسعد اللي بصلها بقسوه…

سعد:تعالي….انتي وابوكي السبب كان فاتني دلوقتي متجوز امك…وعايشها ومستتها…..تعالي اما افهمك هتعملي ايه…..ابوكي اسمه ايه…..

سيرين:اسامه…

سعد بقسوه:غلط….ابوكي اسمه مصطفي وانتي مشوفتيهوش خالص…هو مات وانتي صغيره….

سيرين:لا بابا اسامه…..

سعد ضربها جامد علي وشها وقال:اما انتي بنت كلب صحيح…انتي بنت مصطفي مش بنت اساامه…

سيىين بعياط:حاضر انا بنت مصطفي….

سعد فهمها كل حاجه ومن هنا هيبدأ يتحول قلب سيىين من البراءه والطيابه…للكره والحقد والقسوه علي عيله عدي وقاسم…..

باااااااااااااااااك…..

عز الدين:لا انت عرفت دا ازاي…..

مراد:لما كنت بحقق مع سعد ب اعتبار انه يبقي قريب مرات مصطفي….قدرت اني ازرع حاجه صغيره كدا ف جسمه….حاجه بتلزق من اول ما بتتحط ع الجسم…الحاجه دي زي مسجل….بيسجل  كل حاجه…..اما ب النسبه لسعد المحامي المزور دا ف انا اكتشفته وكنت معاكوا اول ب اول….وهو بيقرا الوصيه المزيفه…حتي انتوا لو جبتوا اي ورقه من خط ايد مصطفي زمان مش هتلاقوه نفس الخط اللي ف الوصيه المزيفه….ازاي دخلت عليك يا عقرب انه رجع بعد كل السنين دي عشان ينفذ الوصيه……

عدي:انا سعتها مكنش هامنني حاجه غير دموع رسيل…مكنتش قادر افكر…..

ادم:بردو مجاوبتش ع السؤال بتاعي ..ايه السبب اللي خلي سيرين تبقي بنت مصطفي….اشمعني مصطفي يعني…..

مراد:لان بسهوله مصطفي من ساعه فرح رسيل وعدي  اختفي….عشان كدا قاله انه اتجوز ب التحديد مكنش حد يعرف حاجه…لكن ف الحقيقه مصطفي كان بيتعالج من مرض نادر جدا….والسبب التاني ان مدام رسيل بتحب اخوها جدا وبتنفذله اي طلب…ف الضربه اللي هما ضربوها صابت…..

ادم:اي دا بجد حاجه مرعبه….انت عرفت منين دا بردو….

مراد بحزن:من سيرين….

الجميع بصدمه:اييييه….هي اللي قالتلك…..

مراد شغل فويس تاني…..

فلاش باااك……

ف امريكا:

مراد ببسمه حب:اشربي كمان يا سيري….اشربي عشان تنسي….

سيرين فضلت تشرب عشان تنسي اللي هي بتعيشه….

مراد:هاا احكيلي بقا….هما ليه قالولك ان انتي تبقي بنت مصطفي مش بنت اسامه….

طبعا سيرين مش واعيه ففضلت تحكي كل حاجه ومراد بيسجل….

مراد بيسمه عاشق:خلاص كفايه شرب ياسيري تعالي اوصلك البيت…..

بااااااك……

جمال:ممكن اسأل سؤال…..

مراد:اتفضل….

جمال:ايه اللي يخليك ساكت كل المده دي…..

مراد بحزن:لاني بحبها!؟!

“””””””””””””””””””””””””””””””””””””””””

اما في دمياط وب التحديد ف راس البر كانت سيرين واقفه بتبص للبحر بشرود….

سيرين:لا ياسيرين لاا….دا كان بيلعب بيا…مستحيل احبه دا ف سن ابويا…..لا ياسيرين لا….اوعي تفكري فيه…اوعي تنسي هدفك…هدفك هو الانتقام وبس…الانتقام من كل واحد اذاني ومعشتش طفولتي زي اي بنت ف سني….

“”””””””””””””””””””

اما عند سليم الاسيوطي…..

سليم:انا اخيرا خرجت….وهنتقم من قاسم ابن الكلب دا…بس المره دي الانتقام مش هيبقي ف قاسم ولا مراته الانتقام هيبقي ف بنته….واهي ترجعني شباب من تاني وكمل بخبث دي هتبقي ليله ولا الف ليه وليله……

دخلت مايا وقالت ب استعلاء….

مايا:هااي….

سليم:هااي يا جميل…

مايا:مش وقته….المهم دلوقتي ان الاتنين البهايم اللي انت باعتهم يقتلوا الظابط اياه…بيقولوا انه لسه مطلعش…وحتي قاسم بردو….لسه مفيش ولا واحد منهم خرج…..

سليم:اتكي ع الصبر ياقمر….وكمل بخوف….عارفه ايه اكتر حاجه مخوفاني…ان مراد ينزل مصر….مراد مش طيب زي الاول مراد عارف معلومات عننا يودينا ف داهيه…بس معرفش هو ساكت ليه….والمعلومات اللي معاه دي معاها دليل……

مايا بخوف:ربنا يستر…

سليم:في واحد ليه وزنه بيساعدهم….هموت واعرف هو مين……

……….:انا يا سليم يا اسيوطي…..

سليم بص لبصوت ب رعب:ليل…ليل السيوفي….

ليل بقسوه وقلب متحجر:لو فكرت تقرب لعيله قاسم او تأذي واحد فيهم يا سليم…نهايتك هتبقي علي ايدي فاهم وكمل بخبث اظن انت عارف انا ممكن اعمل ايه…ومسكه من قميصه…وفرع حاجبه بعصبيه ..الفرق الوحيد بيني وبين قاسم…ان قاسم قلبه طيب وبيسامح….لكن ليل السيوفي قلبه حجر….لا بيسامح ولا قلبه طيب….ورماه ع الارض….متحاولش تتدخل ف شغلي تاااني فااااااااهم….اكرم….

اكرم ب احترام:اوامرك ليل بيه…..

ليل بخبث:براحه عليه اصله راجل كبير….سلام ياسليم….وانت ياحلوه…ابعدي عنهم احسنلك….

مايا بخوف:حاضر حاضر….

ليل ببروود:امممممم…انا عارف انك كذابه بس ثانكس جود…سلام…..

سليم بوجع:ااااااااه….ليل….انقذني….ليل…اااه….

******************

اما عند البنات…..

عشق بقلق:هما اتأخروا اوب كدا ليه….

زينه بتهدأه:اكيد بيقولوا حاجات مهمه اهدي ياعشق…وكملت ببسمه لسه فيكي الطبع دا…بتخافي من اقل حاجه

عشق بيسمه:لسه فكراه يازينه….

زينه حضنتها ودمعت:عمري ما نسيت اي تفصيله تخصك يا عشق…..

مي:اممم دول هيعيطوا…بقولك ايه يانونو…ما تفتحي الشاشه دي واقفلي النور وهاتي الفشار دا….

روضه لقتها ب المخده:صدقي والله انتي ما فيه عندك ريحه الدم

مي:حبيبي…ربنا يبارك فيكي يا سكره ياعسل انتي…يالا يا نونو…

وشغلت نور فعلا التيليفزيون….وعملت اللي مي قالتلها عليه…

يتبع …..