رواية هل عجز الطب الفصل الثاني 2 بقلم نور محمد
رواية هل عجز الطب الجزء الثاني
رواية هل عجز الطب البارت الثاني
رواية هل عجز الطب الحلقة الثانية
شوفت كائن المفروض أنه سارة بس عروقها منتفخة جدا وعيونها حرفيا لونها احمر والمشهد الافظع انها كانت ماسكة مامتها من رقبتها ورفعتها من على الأرض بأيد واحده وبتحاول تخنقها مكمتش عارف اعمل ايه ساعتها لقيت كرسي سفرة جنبي رفعته ورميته عليها طبعا الكرسي مأثرش فيها بس على الاقل سابت مامتها ، وبعدين لقيتها بتبصلي بتوعد وبتقرب منى انا كنت جايب معايا حقنة مخدرة قولت يمكن احتاجها طبعا مكنتش متوقع أنها هتكون بالمنظر ده والمفروض أن الحقنه بتأثر على البشر الطبيعين بس لما قربت منى غرست الحقنة في ساقها بسرعه مكنتش متأكد أن الحقنة هتأثر فيها خصوصا انها قربت منى تاني بعد ما اديتها الحقنة بس فجأة لقيتها وقعت واغمى عليها اخدت نفس وبصيتلها بذهول ازاي طفله زي دي يبقى عندها القوة دي كلها ولاحظت أن جسمها بدأ يهدأ وبدأت ترجع لطبيعتها بس في علامه زرقاء ظهرت على جبينها اي ده انا بهلوس ولا ايه وساعتها مامتها كانت منهارة وقالتلى .
-هنعمل ايه
-طبعا هي مينفعش تفضل في البيت ومفيش غير حل واحد ولازم توافقي
– هتوديها المصحة
– اكيد ده مش معاناه انها مجنونة بس المصحة هي المكان الوحيد الى هيكون في غرفة مخصصة لحالة زي كده لو الحالة جتلها .
– يا دكتور يعني إلى فيها ده مش .. ولسه هتكمل قاطعتها
– بعد اللى انا شوفته ده مش عارف انا حاسس انى في فيلم خيال علمي.
اخدناها وحجزناها في المصحة وبعدها ركبت العربيه وانا راجع البيت وكنت مشغل الراديو وكانت المذيعة بقرأ النشرة وفجأة لقيتها بتقول يا يوسف ابعد عن سارة .. ايه اللى انا سمعته ده ركزت معاها لقيتها بتقرأ النشرة عادي .. وبعدين قالت خاف على ابنك ومراتك .. طبعاً خوفت معقولة اكون اتجننت بس لا انا عاقل وقفلت الراديو وانا متعصب ولما رجعت البيت حاولت معلش اي صوت علشان مأصحيش مريم وكريم ودخلت الاوضة براحة لقيت مرم بتقولي
– كنت فين لحد دلوقتي
– في ايه يا مريم اول مرة تتكلمي معايا بالطريقة دي وبعدين كنت في الشغل هكون فين يعني .
– شغل ايه اللى لحد دلوقتي يا يوسف وبعدين انت مشيت من العيادة من بدري وبعدين انا حاسة انك في حاجة شغلاك اليومين دول ومش عايز تحكيلي فيه ايه بالظبط.
ساعتها انا سرحت في قصة سارة اقولها يمكن تساعدني في حل اللغز ده ولا مقولهاش علشان متخافش و بعدين فوقت على صوتها .
– يوسف انا بكلمك على فكرة سرحان في ايه .
-ها …..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية هل عجز الطب)
