رواية عشقي الجزء الثاني الفصل الخامس والعشرون 25 بقلم ياسمين مصطفى

في شقه قاسم….

عشق بحزن: قاسم…. هو احنا فعلا هنسيب هنا ونروح فيلتنا….

قاسم بهدوء: انتي عايزه ايه…

عشق بحزن: انا مش عايزه اسيب هنا وامشي لان زي ما انت شايف ان زينه صحبتي…. سكنت هنا… وكمان روضه وعم رضوان ومي انا اتعودت عليهم اوي…. وبردو مش عايزه اسيب فيلتنا… لان فيها كل ذكرياتنا سوا… ووحشتني اووي…

قاسم: طيب انا عندي الحل….

عشق ب امل:ايه…

قاسم:ايه رأيك لو يشتروا مثلا فيلا جنبنا…..ونطلب من عم رضوان وبناته انهم يسكونوا ف الفيلا الصغيره الي ف فيلتنا…

عشق:طب والله فكره…..انا موافقه جدا…نادي بقا ع الولاد وخد رأيهم….

قاسم:جاااسر….يزززن….اددم…

جاسر:خير يابابا…..

قاسم:نادي ع اخواتك يا جاسر وتعالي عايزكوا ف موضوع…

جاسر راح نادي لي اخواته…

وبعد دقايق راحوا كلهم وكان باين علبهم الحزن…

قاسم:هاااا مالكوا…

نور بحزن:مش عايزه امشي من هنا….

قاسم:ليه بقا ياست نور….

نور:بص حوليك يابابا….وانت هتعرف الفرق بين هنا والفيلا….هنا الناس كلها بتحب بعضها بمعني الكلمه…مفيش حقد….مفيش كره…حتي لو اتخانقوا مفيش دقايق وبتصالحوا…لكن بص بقا ف مجتمعنا…..هتلاقي حقد وكره.وكله عشان الفلوس…وكملت ف نفسها…والسبب الاول والرئيسي دكتور جمال…..

قاسم:امممم يعني مفيش سبب تاني…

نور بتوتر:لا…مفيش…

قاسم بنظره ذات معزي.:لو في حاجه كدا ولا كدا احكيلي…مش لازم تخبي حاجه عني…..واستاذ ادم زعلان ليه…..

ادم:انا حبيت عم رضوان واووي وحبيت العيشه هنا…ورأيي موافق لرأي نور…وف نفسه.والسبب التاني مي….

قاسم بنفس النظره:اممم حبيت عم رضوان بردو….طيب تمام…

قاسم:واستاذ يزن طبعا معروفه مش عايز يمشي ليه….

يزن ب احراج:احم…عادي يعني كلها اسبوع وروضه تبقي مراتي…

قاسم ببسمه:وانا جبت سيره روضه…..

فضحكوا كلهم لان قاسم وقع يزن ف الكلام…..

قاسم: لكن طبعا الاستاذ جاسر مبتسم لان مراته معاه ف كل حته…ومراد…اي دا مالك يا مراد ياحبيبي….

مراد بحزن:انا زحلان….

قاسم بسخريه:وزحلان من ايه بقا ان شاء الله….

مراد:لاني معنديش سبب يخليني اروح هناك…او ابقي هنا….كلهم عندهم اسباب الا انا…لييييه يااارب….

نور:الله عليك يا فنان برافو….

قاسم:ربنا يشفيك يا مراد يبني….

مراد:كتر من الدعوه دي لاني مصدع….

قاسم:تعالي ياحبيبي قرب مني كدا….

مراد قرب منه:مش مطمنلك يا والدي….

ثاسم:اقعد جنبي….

مراد:ماشي…مع اني مش مرتاح….

قاسم مسكه من ودنه وقاله:قسما بربي….لو اتكلمت كمان كلمه او اتنفست وانت قاعد…..معرفش هعمل فيك ايه سعتها

مراد شاور براسه انه هيسكت….ف حط ايده علي مناخيره وكتم نفسه….

قاسم مسح علي وشه بعصبيه:يبني انت ناااوي تجنني…انت بتهبب ايه…

مراد بص علي مناخيره…

قاسم:يعني عايز ايه يعني مش فااهم….

مراد بص لنور ف فهمت…..

نور.:يااارب الصبر…اضغط عليها يا بابا….

قاسم ضربه علي مناخيره جاامد…

مراد بنهجان:مااايه…هاتولي اشرب…..

قاسم!اخررس بقا….المهم ياشباب…. انتوا عايزين ايه….

نور: بص حضرتك احنا عادي هنا او هناك مفرقتش لكن المشكله ف الناس

قاسم: خلاص انا  قررت ان انا هنقعد هنا كمان شهر….

الجميع بفرحه: بجد…

قاسم ببسمه: اااه بجد…. ويالا بقا حضروا الفطار عشان هنطلع نفطر فوق…..

وفعلا قامت عشق ونور وحضروا الفطار وحولوه هماا والشباب ع الترابيزه اللي فوق…..

ع الســـــــــــــــــــــــــــــطح…..

قاسم:خلاص كدا ياشباب كل حاجه جهزت…..انزل بقا يا جاسر نادي  علي عدي وجماعته….

جاسر نزل فعلا….وخبط ع الباب وفتحتله فرح….

فرح ب حب:نعم…

جاسر سند ع الباب وقال:احلي نعم دي ولا ايه…..

مراد كان نازل:ايه المحن دا….

جاسر من مسكه من قفاه:انا عايز افهم انت ايه اللي نزلك…

مراد:ابوك ياعم مبيحبش يريحني….رايح اجيب اطباق…وبعدين سيب الشااااااكيييت

جاسر:شاكيت…شاكيت ايه يالا…وزقه…روح شوف مصلحتك….وبص لفرح قال شاكيت قال….

فرح بضحك:اخوك  دا عسل..

جاسر:ايييه بجد….عسل…طب يالا ياعسل عشان نطلع….

فرح:حاضر ياحبيبي…يالا يابابا يالا ياماما عشان نفطر….

جاسر:تعالي بقا وهما هيطلعوا….

واخد جاسر فرح وطلعوا ع السطح….

اما جوا الشقه عند مراد….ف مراد كان بيجيب الاطباق من الرشاقه…..ف وقع طبق وفضل يلف ف الارض….

مراد:يشيخ ما تتكسر بقا وتريحني….اتكسر يلعن ابو شكلك….ياعم اتكسر بقا امي لو جت هتنفخني….

اما الطبق ف فضل يلف ف الارضيه…..

مراد:اعمل ايه دلوقتي….ياعم العفريت لو انت اللي بتخليه يلف وقفه….

الطبق وقف….

مراد بخوف:احيييييه ليكون عفريت بجد….

مراد:طب لو انت عارفيت بجد حرك الستاره…ف الستاره اتحركت….

مراد بخوف:احيييييييييه….طب اطفي النور…

النور اطفي….مراد طلع يجري وهو بيقول

مراد!الحقوناااااايييي…..الحقوووونيييي….

اما ف الشقه….

يزن فضل يضحك:ههههههههههههه…..تستاهل يا مراد من اعمالك…..

وطلع ع السطح هو كمان بس شاف حاجه من الشباك اللي ع السلم خلته يقف ف مكان يراقب اللي بيحصل…..وشاف حاجه وراح جري ع السطح وقال…..

يزن:بابا….لو سمحت عايزك….

قاسم:فيه حاجه ولا ايه…..

يزن:تعالي بس يابابا اول….

قاسم راح مع يزن…يزن:تعالي من هنا كدا وبص….

قاسم:ايه يبني في ايه…

يزن:بص يا بابا شايف العربيه السودا دي….ف واحد فيهم مسلح….وقفل الشباك وبص من الخرم…بص علي شقه الراجل اللي اسمه محمود خليل….هتشوف ان فيه واحد معاه قناص متصوب علي شقه جمال…..

قاسم طلع ع السطح بسرعه وقال….:انزلوا كلكوا تحت فورا….

ودا لان شقه جمال مقابله للسطح ف ممكن حد من ولاده يتصاب…..

عشق بخوف:في ايه يا قاسم قلقتني….

قاسم بهدوء مخيف:اتحركوا بهدووء….ولا كأن في اي حاجه…كأننا اكلنا ونزلين فاهمين…..

نور بخوف:هو فيه ايه يابابا…

قاسم:نور حبيبتي…ااسمعي الكلام….جاسر انزل عند عدي ورسيل  وخليهم يروحوا شقتنا…..بسرعه…..

جاسر:هو ايه اللي بيحصل….

قاسم:هو انتوا مش بتسمعوا الكلام دا ليه…..جاسر هتنزل انت وفرح….وبعدين…هينزل يزن ووراه فورا مراد…..واحنا 3 هنظاهر اننا خلصنا الاكل وناخدهم وننزل تحت…يالا بسرعه….

وفعلا عملوا اللي قاسم عايزه ونزلوا تحت من غير اللي بيراقبوهم ما يلاحظوا…..وكان عدي بيستني قاسم ف شقته….

عدي:في ايه يا قاسم خصتني….

قاسم:استني ياعدي وراح جري ع الاوضه الي يزن بيقعد فيها ومسك تليفونه ورن علي رضوان…..واللي قاسم طلب منه انه يروح عند الشباك…..

وراح رضوان عند الشباك….

قاسم:عم رضوان ارجوك اسمعني…

عم رضوان:خير يبني في ايه….

قاسم..:بص حضرتك….هتنادي علي جمال….وهتخليه يجي شقتك….

يزن:اي دا انت بتقول ايه……

قاسم:يزن مش وقت غيره…..

قاسم:مي وروضه فين…

رضوان:جوا….ونادي عليهم….ودخلوا الاوضه بسرعه….

البنات:نعم….

قاسم:اسمعوني…..لازم تتعاونوا معانا…..مي انتي هتنادي علي جمال وهتخليه يجي عندكوا هو عيلته طبعا….

مي:حاضر…

ادم بغيره:مفيش غيرها….

قاسم:اددم مش وقتك….خااالص….

مي:تمام يا عمو هعمل اللي طلبته….

قاسم:بسرعه يامي…..

وفعلا مي نادت علي جمال من قدام شقتها…واللي سمعها وفتح الباب فورا….

جمال:خير…

مي:بص حضرتك….لازم تيجي شقتنا دلوقتي…

جمال:افندم….

مي:دا طلب من عمو قاسم استاذ  جمال…لازم حضرتك تيجي….ومعاك عيلتك طبعا….بيقولك حاجه مهمه جدا….وبيقولك متروحش عند الشباك نهائي….

جمال:هو في ايه…..ونادي علي عز وزينه….ونزلوا من ع السلم  وكان قدامهم الباب….

جمال:طيب دلوقتي هنطلعلك ازاي هنطير….

مي بثقه:قرب حضرتك عند الدايره السوده دي..ومحدش يعدي الخط….

وفعلا عملوا اللي مي طلبته منهم….

مي:امسكوا نفسكوا 1…2…3….وضغطت علي زرار ف الحيطه….وفعلا كان اسانسير….بس علي لون البلاط….

زينه ب دهشه:واوو….اي دا…ووصلوا ادام شقه رضوان…

مي:احم اتفضلوا….معلش مش عارفه عمو قاسم عامل نظام البيت دا غريب كدا ليه بس اكيد فيه سبب….

زينه:انا عمري ما شوفت بيت كدا…فيه سلمين السلم الاول بيودي لشقه ومبيوصلهاش للي  فوق…والسلم التاني بيوصل للشقه اللي فوق ومش بيعدي ع اللي تحت حاجه عجيبه….

مي:فعلا….اتفضلوا….

ودخلوا ف اوضه مي اللي مقيمه فيها روضه….

فقال قاسم….

قاسم:كلكوا موجودين……تمام اووي….عم رضوان…فاكر زمان لما حصل الاعتداء علينا عملنا ايه….

عم رضوان:الباب المشترك….

قاسم:هااايل……دلوقتي حضرتك هتاخدهم كلهم وتروح عند الباب المشترك ومتنساش تقفل كل الشبابيك و الابواب….

رضوان:بس كدا…الماضي بيعيد نفسه….

قاسم:فعلا….يالا بسرعه….

وخرج قاسم من الاوضه وراح الصاله…وقال…

قاسم:اقعدوا كلكوا…..محدش يقف…مراد هات كل الكراسي اللي ف البيت انت وادم وحطها ف الدور اللي تحت….

مراد:حاضر….

قاسم:ادم اقفل كل الشبابيك…

ادم:تمام….

قاسم.:يزن جهز الاوضه اياها…..

يزن:تمام….

قاسم بخبث:جاسر….جهز السلاح…..

عدي:هو الموضوع خطير اووي كدا….

قاسم:طبعا خطير جدا…..

اما عند عم رضوان…ف وقفوا كلهم ف الدايره السودا ونزلوا لتحت….ف رضوان ضغط علي زرار….وحط ايده ودا يدل انه بصمه ايد واتفتح باب مشترك بيودي علي بيت قاسم….

زينه وعز بصدمه:اييه دا…..

ووصلوا وطلعوا عند شقه قاسم…

قاسم:اتفضلوا…دلوقتي كل حاجه علي ما يرام وبص لجمال بصه…..ذات معني…..

قاسم:اتفضلوا كلكوا ورايا…..ووصل قاسم ل اوضته هو وعشق وقال….

قاسم:شباب سلعدوني….

وفعلا ولاده ساعدوه ف انه يشيل الدولاب….وشال قاسم اللوحه الكبيره اللي ورا الدولاب….

زينه بدهشه:النهارده يوم المفاجات العالمي ولا ايه…..

وفتح قاسم باب…..وقال…

قاسم:اتفضلوا….ودخلوا كلهم وقاسم ضغط علي زرار البيبان كلها اتقفلت الكتروني والشبابيك….

ونزل قاسم لتحت ف كان مكان مظلم….ف قاسم ضغط علي زرار التشغيل ف المكان نور…..

عز الدين:واووو مكان حته من الجنه….كان مكان فيه حمام سباحه…وشاشه كبيره جدا…وفيه اوضه كتير…..

قاسم:احنا دلوقتي تحت الارض الجن الازرق ميعرفوش يجولنا……

قاسم:طبعا عشق ونور ورسيل ومدام زينه…ومي وروضه عليكوا الفطار اللي ملحقناش ناكله….

عشق:بس مفيش هنا..اكل….

قاسم:مين  قالك… كل حاجه جاهزه مش كدا ولا ايه وكمل بصوت عالي يا كااارم….

خرج التوأم كارم وكرم لو فاكرينهم كانوا حراس قاسم….

كارم ببسمه:ازي حضرتك مدام عشق…

عشق بخوف:انا الحمد لله…قاسم كرم وكارم يبقي فيه مشكله…..

كرم ببسمه:تقصدي اننا بتوع مشاكل حضرتك….احم..وقطع كلامه لما شاف نظره قاسم

كارم:الاوضه جاهز والفطار جاهز وكل حاجه جاهز يا قاسم بيه…..

قاسم:تمام شكرا ليكوا…اتفضلوا علي اوضه الاجتماعات وانتوا بردو يا شباب….ويالا ياعدي…عشق حبيبتي زي ما قولتلك بقا هاا….قدامكوا الفيلا كلها اعملوا فيها اللي انتوا عايزينوا ….

ودخل قاسم اوضه الاجتماعات وكان معاه…كارم وكرم وعدي وجاسر ويزن وادم ومراد وعز الدين وجمال.وعم رضوان ..ودخلوا واتفاجأوا كلهم عدا قاسم لما شافوا مراد….

مراد الصغير:مراااد انت جيت امتي حمد لله ع السلامه…..

وكلهم سلموا عليه ما عدا جمال اللي حس بغيره ان هو دا اللي حبيبته بتقول عليه حبيبها…..وكمان مراد مش باين عليه نهائي انه كبيره ودا لانه صابغ شعره اسود ومضبط نفسه ع الاخر….وهو من اول ما شافه مش بيطيقه

قاسم:اتفضلوا استريحوا…وفتح كاميرات المراقبه اللي اتفتحت علي شاشه كبيره….فقال قاسم وهو بيبص للتوأم وبعدين بص لجمال….

قاسم:هتقول انت ولا اقول انا…..

جمال بثبات:اقول ايه ب الظبط….

قاسم:امممممم يعني انت متعرفش مراد…..

جمال برخامه:محصليش الشرف…..

قاسم:مش هتقول يعني ولا ايه….

جمال:اقول ايه….

قاسم ببسمه:اممممم…هقول انا….جمال عز الدين نور….ظابط ف المخابرات العامه…..اكفئ ظابط…رجل المهمات الصعبه…..اتنكر ف دور دكتور ف الجامعه…..ودا لان ف الجامعه بيتم تهريب مخدرات…..ودا بتكلفه من اللوا. عز الدين نور اللي هو يبقي ابوه….اللي كان مسافر برا ف قضيه تهريب سلاح واتنكر  ف مصر ب دور رجل اعمال…….وجمال عز الدين حااصل علي اوسمه عسكريه كتير جدا…..

قاسم اتكلم تحت صدمه اللي قاعدين:اكمل ولا كفايه….

جمال بثبات:اتفضل كمل….

قاسم:اجي هنا لسببين….السبب الاول ان امره بدأ يتكشف ف مجتمعه….والسبب التاني انا وهو عارفينه كويس مش كدا ولا ايه…..

جمال:اممم فعلا كلامك مظبووط بس نسيت تضيف حاجه…..ان انا كنت عارف ان حضرتك بتجمع المعلومات دي عني بردو….ما حضرتك مش  اي حد….وكنت بتراقبني

عز الدين:بس حضرتك عرفت المعلومات دي كلها ازاي…..

جمال:انا كنت حاسس اني شوفتك قبل واللي اكدلي دا عدي….لما انت غلطت وناديته ب اسمه….اللي مفيش حد من غير الداخليه يعرفه….والسبب التاني ان ابنك كان عليه حركات غريبه…..مثلا كل يوم ينزل بعد الساعه 12 ميجيش غير 4 الفجر…وزي مثلا ان بيبقا لابس كاب مغطي بيها وشه….وانه بيغير عربيه كل يوم تقريبا….وانه بردو كان يخرج بهدوم ويروح بهدوم تانيه خالص…..7

جمال:بس دا مش مبرر….

قلب قاسم من علي كاميرا المراقبه لشويه صور وفيديوهات…

قاسم:بس دا مبرر…

قام يزن ووقف مع ابوه وقال….

يزن ببسمه:ودا طبعا لما بابا طلب مني بمناسبه اني هاكر قدرت اني ادخل علي حساب جمال واشوفه بيراقب ايه وبيعمل ايه…واكتشفت انه بيكلم حد…وكل يوم بيبعتله معلومات…..واماكن وصور معمول عليها دواير ب الخط الاحمر……

فقام عدي….

عدي:وبما اني العقرب ف مش سهل بردو اني اتكشف…انا اللي لميت المعلومات عنك وعن والدك…وعرفت كل حاجه من اول ما شوفتكوا ف المستشفي…..

ادم:اي دا….هو انتوا ازاي كدا…بسم الله ماشاء الله….

مراد:الواد دا بيحسد يا جماعه…..

واخيرا اتكلم مراد الكبير….

مراد ببسمه:احب اعرفكوا بنفسي…انا مراد الاسيوطي…العقيد مراد معتز الاسيوطي….تعرفوا مين اللي كان بيحميكوا من الخطر اللي انتوا كنتوا هتقعوا فيه وتسبب فرووق بينكوا وبين بعض…وتدمر العيله..انا .وبص لجمال ببسمه…زي ما انا اللي كنت بصدر الاوامر للاستاذ جمال..ايوا متتصدمش كدا .زي ما انا امرته انه يمشي من الطريق دا…وينقذ جاسر ..من غير ما اعرفه حاسر دا يبقي مين…وزي ما خططت مع القائد انه يحط الخطه اللي انا مجهزها لجاسر……ومش شخص واحد اللي بيفرق بينكوا….دول 3 اشخاص اسف ع الكلام ممكن يجرح بس دي الحقيقه….اول واحد سليم الاسيوطي…..خرج من السجن وحاليا بيشوف مين اللي بيقلب وراه….اللي هو انا بس بشكل جمال….عشان كدا بعت ناس يقتلوه برا…ي.عني اللي برا دول جاين لجمال…من سليم الاسيوطي…للاسف عمي…..اما الشخص التاني اكيد الاستاذ قاسم هيفتكرها…..

قاسم بصله ف بصله مراد بحزن وقال….

مراد:للاسف هي….

قاسم بصدمه:مايا…..هي…هي لسه عايشه ازاي..دي ماتت….

مراد:لا يا قاسم انت غلطان انت.شوفتها وهي بتقع لكن مشوفتهاش وهي ميته…..

قاسم:صح…صح انا مشوفتهاش وهي ميته….انا غبي كان لازم اتأكد انها ميته….

مراد:وللاسف الشخص التالت هي….

عدي بمقاطعه:سيرين….سيرين بنت مصطفي هي الشخص التالت اللي بيساعد ف قتلنا وتفرقينا وبص لجاسر اللي فهم معني النظره……

جاسر بشر:فين مكانها دلوقتي….

مراد:حاليا ف محافظه دمياط ب التحديد ف راس البر…قال ايه بعيد عن الانظار…الغبيه متعرفش ان اقرب شخص ليها هو اللي بيدينا المعلومات….وهو الرائد خالد الاسيوطي….ابن سليم الاسيوطي الغير شرعي…????

يتبع …..