رواية أهدتني معاقاً الفصل الخامس والعشرون 25 بقلم أم عائشة (أسماء عبدالهادي)

عندى فكرة وافقى على الخطوبه وساعتها استدرجيه وهاتى منه العقد وقطعيه وبعدها افسخى الخطوبه

اتسعت بابتسامة فرح بهذه الفكرة,وعزمت على تنفيذها

سمعتا طرقات على الباب فتحت فرح بعد أن مسحت دموعها _يامن انت جيت امتا

يامن _لسه حالا ،بس جيت اسالك موافقه ولا لا علشان اكلمه دلوقتى

فرح وهى تنظر لنغم فهى نوت تنفيذ فكرة نغم _موافقه

يامن _متاكدة يافرح

حلا من خلفه_خلاص يا يامن مش تحرجها بقا

ابتسم يامن_على خيرة الله،مبرروك يا حبيبتي ،عقبالكم يابنات

اسرعت حلا_اااامين

نغم _ايه يابنتى ،يامن يقول عليكى ايه

حلا_ايه واحدة وعايزة تتجوز فيها ايه

جاء اتصال لحلا_ايوة يا ادهومى ،،ايه بجد طيب ،تمام

نغم _ايه؟!

حلا_ادهم بيقول امجد جاى كمان نص ساعه ويدوب فرح تجهز

فرح بعدم فهم _اجهز لايه

نغم _اكيد  للخطوبه

فرح بتهزروا_ مش كنتوا بتقولوا بكرة

حلا_يابنتى امجد ابن عمى ده محدش يتوقعه ،بيعمل اللى هوا عايزه فى اى وقت

فرح بضيق وغضب_انتى هتقوليلى ،حسبى الله

حلا_طيب يلا علشان تجهزى ياعروسه

فرح _اجهز  ايه انا هقابله كده وان كان عاجبه

نغم_ايه باسدال الصلاة ده

فرح بعند_اه

حلا باستنكار _بتهزرى

فرح وقد اعجبتها الفكرة_لا طبعا بتكلم جد ،انا مش هقابل سى امجد ده الا بالاسدال

رن هاتفها معلنا عن وصول رساله ،فتحتها”احسنلك تلبسى الفستان اللى مامتك عملته والا هيكون ليا تصرف تانى معاكى يافرح وانتى عارفه انا ممكن اعمل ايه “

لعنته فرح فى سرها وركلت الارض بقدميها فهى ترفض ان تكون ضعيفه لذا قررت أن تعدى هذه الليله على خير ومن ثم تريه من هى فرح الحقيقيه بعد تقطيع العقد

نغم_رساله من امجد صح

فرح باستياء_حلا هاتى الفستان علشان البسه

حلا بانتصار_يس هوا ده الكلام

ساعدت نغم وحلا ،فرح على ارتداء الفستان والحجاب المخصص له ،بدت رائعه الجمال كسندريلا ديزنى فى افلام الكرتون،ولكن بالحجاب

فرح وهى تنظر لنفسها باعجاب شديد فالفستان ابدعت امها فى تصميمه

حلا بمرح_فرح فرح ممكن بعد الحفله اخده منك سلف

فرح_خديه من دلوقتى يا حلا وريحينى منه بجد ،خسارة ف امجد البس حاجه زى دى

طرقت احسان الباب _يلا يابنات شهلوا المأذون جه

شهقت فرح ووقع على السرير كرد فعل عن الصدمه _ماذون

كادت أن تغمى عليها من الصدمه والالم

صرخت نغم وحلا_فررح

جاء يامن على اثر الصوت وخلفه والدته

يامن بلهفه_فرح انتى كويسه

حاولت فرح الحديث وقالت بدموع _لا يا يامن مش كويسه

امجد وهو يقف بكبرياءه المعهود وغروره الزائد وبحلته التى تخطف الانظار رغما عنك _تلاقى بس دى دموع الفرح ،ماهى فرح فرحها النهارده

الجميع بصدمه _ايه ؟!!!

????????????

نظرت نغم الى امجد بحزن شديد جاهدت فى اخفاءه????

لم تتحمل فرح الصدمه فاغشى عليها

حاول يامن افاقتها الى أن فاقت اخيرا ،حاول يامن أن يجعل امجد ينتظر للغد ففرح ليست بحاله جيده لكن امجد اصر على رايه وانه سوف يعقد على فرح اليوم

كانت فرح كالمغيبه تماما لا تشعر بما يدور حولها ،كانت تراهم امامها اشباه اشخاص لا تميز الوجوه من بعضها ولا تستطيع تميز يا يقولون فاصواتهم مشوشه متختلطه ببعضها

لم تفهم حلا لما الحاله التى وصلت لها فرح

فقال امجد _يا جماعه ده شىء طبيعى ،البنت مصدومه شىء جديد عليها النهارده كتب كتابها

تمت اجراءات كتب الكتاب (عارفه انكم هتضربونى ????????)

كان هناك جاسوسا وسط الحضور رفع هاتفه على اذنه_تمام يا باشا ،اتجوزها والماذون مشى خلاص

ابتسم ابتسامه عريضه ومن ثم ضحك ضحكه مطوووله _لااا بجد مش قادر اشوف رد فعل امجد لما يعرف الحقيقه ،شابو ميدو عملت انتصار النهارده ????

(عرفتوا ده مين،شهاب الغبى ????????)

انزوت نغم فى ركن بعيدا عن الحضور وكذلك ادهم احس بالاختناق فذهب الى النافذة عله يستنشق بعض الهواء

طلب محمود من الجميع ترك العروسين مع بعضهما لبعض الوقت

استغل امجد فرصه كونها لوحدهما وقال بابتسامة عريضه_مبروك يا عروسه

لم تجبه فرح فهى لا تشعر بما يدور حولها من الأساس يعصب عليها تصديق ما حدث،ولما كل شىء حدث بهذه السرعه وكما يخطط امجد دائما

تألم امجد لرؤيتها هكذا فهو لم يكن ليفكر قط فى بمثل اسلوب الابتزاز هذا،كان يريدها أن تحبه مثلما يفعل فهوا حقا احبها بصدق ❤

لم يتحمل امجد المكوث اكثر من ذلك فحالتها لا تسر فعلا,شعر بتأنيب الضمير نحوها لذا قرر الهروب من الموقف والابتعاد فقلبه يؤلمه بحق، نادى على نغم التى جاءت والحزن يفتك بها _نعم ياامجد

لاحظ امجد حزنها_فى حاجه يانغم ،حد زعلك

ازاحت نغم دمعه سقطط رغما عنها _لا يا امجد ،مفيش

امجد_ازاى والدموع دى ايه

نغم بادعاء الفرح_دى دموع الفرح

امجد _طيب خدى بالك من فرح ،شكلها مش مظبوط ،انا همشى ،لو الامر استدعى طبيب كلمينى حالا

نغم _حاضر

غادر امجد ومعه ادهم وحلا

امجد_انا همشى فرح شكلها تعبان ،خد بالك منها يا يامن مش هوصيك عليها

يامن _دى اختى ياامجد ،متقلقش عليها

ابتسم له امجد وغادر

على وعد بان يأتى فى الصباح لاخذ فرح معه الى الفيلا حيث سيسكن مع والدته ????

امجد_انا كنت عايز اخد فرح معايا النهارده بس بما انها تعبانه نأجلها لبكرة

يامن_خيرما عملت ،بكرة أن شاء الله تاخدها  رغم انه هيكون صعب عليا اوى انها تبعد عنى

امجد بحب_متقلقش فرح هتكون فى عينيا وقلبى كمان ،يلا سلام

يامن_سلام ،سلام يا ادهم ،سلام يا انسه حلا

حلا _بااى يامن

***

نغم بداخل غرفه فرح التى تجلس صامته كجثه هامدة لا حياة فيها _وبعدين معاكى يافرح انتى كأنك فى ميتم ،حرام عليكى نفسك

تخلت فرح عن صمتها_واللى عمله امجد ده مش حرام ،مش حرام عليه يبتزنى ويهددنى باهلى علشان يتجوزنى ،ثم أكملت بانفعال ودموع _ردى عليا يانغم ،ليه بيعمل كده ،ليه أنا يجرالى كده ،انا مبقتش قادرة اتحمل

نغم _ اهدى يافرح وكل حاجه وليها حل ،عصبيتك دى مش هتفيدك بحاجه

فرح _اللى انا مستغربه له ،ان الكل موافق على امجد وكأن امجد ده ملاك ،حتى يامن فكرت انه اول واحد هيرفض لقيته موافق ومشجع كمان

سمعت نغم يامن ينادى عليها

نغم هشوف يامن عايز ايه وراجعه لك

ارتدت نغم حجابها وخرجت حيث يامن_نعم يا يامن

يامن_نغم ممكن تفضلى النهارده بايته مع فرح ،يعنى كنوع من الدعم هيه محتاجاكى ،امجد هيجى يأخدها بكرة

نغم بحزن( وسنعرف سببه لاحقا الا اذا انتم خمنتوه)_حاضر

يامن بامتنان_شكرا ليكى بجد يانغم انتى انسانه رائعه بجد ،

تحرجت نغم فاسرع يامن _احم اقصد يعنى صديقه رائعه

ابتسمت نغم لارتباكه فهى تعلم ان يامن لا يقصد معاكستها او شىء من هذا القبيل_شكرا ليك يا يامن ،انا بعتبرك اخ ليا لانى للاسف مش لاقياه فى شهاب

يامن _ وانتى كمان بعتبرك زى فرح بالظبط،يلا ادخلى لها ولو احتجتم حاجه انا ف اوضتى

***

فرح _خير ،يامن عايزك فى ايه

نغم_بيقولى انام معاكى هنا

فرحت فرح كثيرا فهى تشعر انها ليست على ما يرام لذا سعدت أن نغم ستظل معها طوال الليل

***

فى الصباح

اتصل امجد بيامن ليسأله عن أحوال فرح ويعلمه انه سيأتى بعد ساعه

احسان وهى تحتضن ابنتها_هتوحشينى ياقرة عينى

فرح باستغراب_ليه يا ماما  ما انا قاعده معاكى اهو

نغم بحرص فهى تخشى ردة فعل فرح عندما تعلم ان فرح ستنتقل للعيش فى فيلا امجد _فرح انتى ناسيه ..انك اتجوزتى امبارح

فرح بامتعاض_يووه يانغم ليه  بتفكيرنى انى اتهببت

نغم _فرح واللى بتتجوز بتروح على بيت العريس مش كده ،لانه هيكون بيتها خلاص

فهمت فرح ما تقصده  _قصدك ايه ،لا بتهزروا ،،لا والله حرام اللى بيحصل ،ليه كل حاجه بالسرعه دى ،امجد ده عمل فيكم ايه غسيل مخ ،لا حرام

احسان بحزن_مالك بس يا فرح انتى مش كنتى موافقه امبارح ،امجد كان هياخدك معاه امبارح ،بس بما لقاكى تعبانه كتر خيره سابك معانا للصبح

فرح بسخريه _لا كتر خيره بجد ،ثم اكملت وهى تكاد تجن _يامن فين ،انا محتاجه يامن حالا

نادت احسان ليامن لياتى لفرح _ فروح حبيبتى ،مالك

فرح بدموع_ يامن انت مش بتحبنى

يامن_ليه بتقولى كده

فى هذه اللحظه رن جرس البيت معلنا عن وصول امجد وادهم ومعهم حلا

ذهبت احسان لتفتح الباب

فى هذه اللحظه احست فرح بانها ستفقد عقلها ،لا تكاد تصدق ما يحدث اهى بحلم ام خيال ليست هذه اللحظه التى تمنتها ،كانت تحلم انها ستكون فى قمة سعادتها عندنا تترك بيت اهلها وتذهب الى بيت زوجها الذى تحب فى ثوب عرس فاخر وحفلة جميلة هادئه ،لكن ما يحدث فاق توقعاتها بكثير ،فهاهى تزف بدون عرس حتى لاكتر شخص تبغضبه بالعالم ،لاخر رجل كانت لتفكر به يوما زوجا لها

تشبثت فرح فى يد يامن كالغريق الذى يستنجد باحد كى ينقذه وقالت برجاء يشوبه الدموع_ يامن ارجوك انا مش عايزة اروح معاه ،لو كنت بتحبنى بجد يا يامن ،خليه يمشى

اقترب يامن من اخته وقال بحب_فرح انتى عارفه غلاوتك عندى قد ايه ،انا عمرى ما هعمل حاجه تأذيكى ،انتى فرحه قلبى ،انتى مش اختى بس انتى حبيبتى وصدقيتى كمان ،صدقينى امجد هيحطك جوه عينيه وهياخد باله منك

فرح وهى تهز رأسها يمنه ويسرة _لا انا عايزة افضل معاك هنا _يامن انت بترمينى فى النار ارجوك

يامن وهو لا يدرى بما يقول_فرح انا جيت وسالتك امبارح قلتى موافقه ،جايه بعد كتب الكتاب تقولى لا،انا عارف انك متوترة ،علشان هتروحى بيت جديد وناس جديده عليكى ،بس هناك طنط امال ست طيبه خالص وماما بتشكر فيها جدا ،يعنى هتكون ام تانيه ليكى يافرح

حلا _عروستنا الجميلة ،اتفضلى امجد جايب لك الفستان ده علشان تلبسيه

يامن _يلا يافرح ادخلى البسيه امجد مستنى برا

اخذت فرح الفستان والقته ارضا ،مش هلبس ده

اقتربت حلا ورفعت الفستان عن الارض_فرح الفستان تحفه وكمان غالى جدا

فرح _مش عايزاه ميهمنيش فلوسه ولا هو كمان يهمنى ،ليه محدش عايز يفهم ده

نغم_خلاص يافرح البسى بتاع امبارح بلاش ده

يامن _يلا بقا يافروح

محمود مستفهما_فى حاجه يا ولاد،مالك يا فروح

جاهدت فرح لتبدو طبيعيه حتى لا تحزن والدها_لا يابابا انا داخله البس اهو

دخلت فرح واردت الفستان التى صممته والدتها والتى ارتدته يوم امس كان بالون الموف الهادئ ويجعل فرح ملكه جمال

خرجت فرح وجدت يامن بانتظارها شبك ذراعه بذراعها ومشا بها حيث يجلس امجد وادهم

تمنى فى تلك اللحظه ان فرح تزف له هو  وليس امجد تحامل على نفسه وصمت حتى لا ينكشف امره لكن كانت نظرات الحب نحو فرح تفضحه”ادهم”

عندما رآها اتسعت ابتسامته وقام من مكانه متجها نحوها اقترب منها بنظرات اعجاب وفرحه حقيقيه وهى تبادله بالنقيض تمام ،نظرات كره وغل وضيق

امجد_مبروك يا احلى عروسه فى الدنيا ،عن اذنك يا يامن اخد ايد عروستى كفايه عليك كده

يامن_على عينى انى اعطيهالك ،لو حد غيرك مكنتش سمحت بده ابدا مش عارف ليه مستسلم لك

امجد بثقه_وانت تقدر تمنع فرح عنى ؟!

يامن _لا طبعا ،اتفضل ،حافظ عليها ،دى ضى عينيا

امجد وهو يحاول مسك يد فرح_ فرح دى عيونى توأم قلبى يا يامن

ازاحت فرح يدها كى لا يمسكها امجد قائله بحده_انا اعرف امشى لوحدى

نظر امجد الى يامن بضيق_شايف

يامن_معلش لسه مش متعوده عليك

حاول امجد ضبط انفعالاته _طيب يلا بينا

سلمت الفتيات على فرح وكذلك والدها ووالدتها ،احست فرح انهم يشيعونها لجنازتها وليست لزفافها ،احسن انها سوف تذهب للموت للجحيم اغمضت اعينها فى الم وسارت خلف امجد التى رفضت ان يمسك يدها وتسير بجواره ،اقترب منها يامن وقبل رأسها واحتضنها بقوة_فرح خليكى واثقه انى عمرى ما هضيعك ،هجيلك دايما اطمن عليكى

امجد بغيرة_ما خلاص بقا يا يامن ،راعى شعورى ياخى

يامن_ايه يابنى اختى وبسلم عليها مالك انت

امجد بعند _وانا جوزها

يامن بعند مشابه_ وده ميمنعش انى احضن اختى

امجد بضيق_ماشى يا يامن لك يوم

ابتسم يامن عندما وجده غاضبا_واقترب من فرح وضمها اليه مرة اخرى كمحاولة لاغاظهةامجد، لم تكن فرح تريد ليامن الابتعاد فهى لم تعتد البعاد عنه ابدا ظلت متشبثه به تستمد منه الامان التى فقدته

الى ان نزع امجد يامن بالقوة _ايه يازفت متخلنيش اتعصب عليك

يامن بتحدى _امجد متخلنيش الغى الجوازة دى بجد ،انا مش فاهم انت غيران منى ليه _دى اختى

لوى ادهم شفتيه فى ضيق من تصرفاهم _ احنا لو فضلنا على الحال ده  سنه مش هنخلص_خف يا خفيف منك ليه ،يامن سيب فرح تروح مع امجد بقا،وانت ياامجد دى اخته فاهم  يعنى بلاش غيرتك دى

زفر امجد فى ضيق_ ماشى ،يلا ،ثم وجه حديثه ليامن ،حسابك معايا بعدين يا زفت

نظر له يامن وهو يضحك بتسليه فهو نجح فى اثارة غضب امجد لاقصى حد

مشت معهم فرح وهى تنظر للخلف ترجو يامن بعينيها الا يتركها فحتى لسانها لم يعد يقو على الكلام ،وكأنه فهم ما تريده ،لحق لهم _انا جاى معاكم اوصل فرح لحد الفيلا

امجد بضيق_ياباى انسان زرل ،يامن فرح معايا دلوقتى

يامن بابتسامه واسعه_ماشى يا امجد هوصلها لحد الفيلا وامشى اذا مفيش عندك مانع

امجد وهو يعيد خصلات شعره المتمرده _اخلص اركب لما اشوف اخرتها

عاون يامن اخته على صعود السيارة واقترب من حلا هامسا فجرت حلا وصعدت بجوار فرح

زفر امجد بضيق_رايحه فين انتى كمان ،حلا_ايه يا امجد هقعد جنب فرح

كتم كل من ادهم ويامن ضحكاته بصعوبه على منظر امجد والدماء تجرى فى عروقه من الغضب

يامن _ابو نسب تعالى اقعد جنبى يا عريس

امجد بصوت حاد _انت تسكت خالص ،فاهم

يامن وهو ينظر لادهم ويضحك_مش فاهم اخد منى موقف ليه

اقترب ادهم هامسا_انت تحمد ربنا انه مطول باله عليك لاقصى درجه

يامن وهو يرفع حاجبين_ياراجل ،طيب خلينى ساكت

امجد وهو يجلس بجوار يامن _اتاخر ياخويا ولا هتاخد العربيه كلها

ادهم بضيق_خلاص بقا يا امجد فضها سيرة خلينا نمشى بقا

بعد عدة دقائق  وصلت السيارة للفيلا

كانت فرح تحاول فيهم عصر اعينها لتبكى لكن جفاها الدموع وابت السقوط

نزل امجد مسرعا ليفتح لفرح باب السيارة ،التى رفضت ان تنزل منها الا عندما وقف امامها يامن ومد يده ليعاونها وهو ينظر لامجد بانتصار

تجاهله امجد حتى لا يفقد اعصابه اكثر

خرجت فرح من السيارة وجدت يامن يشدد على يدها _متقلقيش كل حاجه هتبقى تمام ،لو احتجتينى فى اى وقت هتلاقينى جنبك

اقترب امجد من فرح قائلا _يلا يافرح ،مشت فرح معه عندما اشار لها يامن بالذهاب

حلا وهى تقبل فرح_مع السلامه يا فروح

ركب يامن مع ادهم وحلا عائدا الى المنزل

يامن_ودينى على شركه الصياد

ادهم _ماشى يا يامن

***

استعدت للخروج من المنزل ومعها حقيبتها الكبيرة التى ستضع فيها الاموال التى سوف تسحبها من البنك

بعد حوالى نصف ساعه وصلت للبنك

واعطت للمحاسب المسئول هناك الرقم الخاص بحسابها

المحاسب_تمام يافندم ، ثوانى بس

سماح_خد راحتك ياخويا احنا ورانا ايه ،اخذت تفكر ماذا ستفعل بالاموال ،فكرت بعد ان تزوج ابنتها تنتقل لمكان اخر للعيش به غير تلك الحارة الفقيرة البائسه

المحاسب _حضرتك مدام سماح متولى

سماح بفرحه_ايوه انا سماح متولى

المحاسب _حساب حضرتك اه …..ثوانى

اتسعت ابتسامة سماح وكادت ان تطير من فرط الفرحه قالت بلهفه_ ايوة يا خويا انا عايزة اسحبهم كلهم

المحاسب_اه يافندم بس حضرتك سحبتيهم بالفعل

سماح باستغراب_ازاى انا قدامك اهو ولسه جايه اسحبهم

المحاسب_يافندم ظاهر عندى ان حضرتك سحبتيهم ورصيدك صفر

سماح بصدمه وفزع_صفر صفر ازاى ،انا من ٢١وعشرين سنه حطيت١٠٠الف جنيه فى حسابى هنا ،وشوف هيبقوا كام دلوقتى

المحاسب_لو كلامك مظبوط هيكونوا ٢مليون جنيه يافندم

جحظت عينى سماح وقالت بصوت اشبه بصراخ_طب هما فين

المحاسب_حضرتك سحبتيهم وصفيتى الحساب ،شوفى حضرتك عطيتى الرقم السرى بتاعك لحد ممكن يكون جه وسحبه بدالك

سماح وهى تكاد تجن_مفيش حد يعرف كلمة السر ده انا شايلاها جوه عنيا

المحاسب_تمام ،شرفتينا يافندم

سماح بصراااخ _هو ايه اللى شرفتينا،فين فلوس ياشوية حراميه ،عايزين تسرقوا منى اتنين مليون جنيه ده انا ارتكب جنايه هنا

اخذت سماح تزوم وتصرخ بالمجنونه والموظفون يحاولون افهامها ان اموالها قد تم سحبها من قبل احد ما او ان حسابها كان وهميا ولم يكن له وجود من قبل

اقترب منها رجل ما من عملاء البنك_اسمعى يا حجه ،انا اعرف واحد زميلى كان نفس مشكلتك كده،وبعد بحث ومحاكم ودوخه ،اكتشفنا ان الشيك اللى كان معاه وحط المبلغ بتاعه فى البنك كان شيك مزيف مش حقيقى علشان كده ،لما جه يسحب لقا رصيده صفر ،يمكن انتى الشيك فى الاصل مزيف يا حجه كان لازم تتاكدى ،استعوضى ربنا فى الفلوس اللى راحت

جن جنون سماح واخذت تصرخ وتصوت بصوت عالى هيستيرى وتلطم على وجهها وصدرها وفقدت القدرة تماما على التحكم فى نفسها،مما ادى الى ان رجال الامن اخرجوها خارج البنك لتصرفاتها الجنونيه تلك

جلست على الرصيف بجوار البنك تندب حظها وتشد فى ملابسها وحجابها الذى اصبح لا يغطى الا جزءا بسيطه من شعرها هداها شيطانها ان دكتور منصور قد خدعها وغشها

منذ البدايه واعطى لها شيك مزور فى حين اخذ هو كل الاموال لنفسه ،نظرت امامها فى غضب شديد وعيون تملأها الشرر وعزمت النيه على الانتقام من منصور هذا فهى فقدت كل شئ بسببه واولهم ضميرها ،مشت فى الشوارع كالمجنونه الهائمه على وجهها ،تصطدم بهذا وتخبط فى ذاك ????

****

ترددت ان تدخل للداخل ترى ماذا تفعل فهى لا تريد تلك الزيجه،حثها امجد على الدخول _ادخلى يافرح واقفه ليه ،ماما بانتظارنا جوة

فتحت الخادمه الباب_نورت ياامجد باشا

دخل امجد الفيلا وورائه فرح

عندما رأتها امال هبت واقفه واتجهت نحوها_الف مبروك يا فرح ،ربنا يسعدكم ،امجد ابنى مش هتلاقى حد فى طيبة قلبه وشهامته ابدا (متاكده يا طنط امال ؟!????)

ابتسمت فرح فى سخريه فهى تعرف اخلاقه جيدا بل ان امجد عديم الاخلاق من الاساس

جاهدت فى رسم ابتسامه مخادعه_شكرا يا طنط

جاءت من بعيد وعلى وجهها ملامح الغضب _بقى دى يا امجد اللى تسيبنى علشانها وانت عارف انا بحبك قد ايه ومستعدة اعمل المستحيل علشان تحبنى زى ما بحبك ؟!

تجهمت ملامح امجد وقال بحدة_نودى اتكلمى كويس عن فرح ،مسمحش لحد يهينها مفهوم

فرح فى نفسها_لا كتر خيرك

نودى بحزن ودلع_بقى كده  ياامجد انا نودى حبيبتك تزعقلى بالشكل ده

امجد_نودى انتى اللى اضطرتينى لده ،نودى اسمعى انتى عارفه معزتك عندى وانى بعاملك زى اختى بالظبط  ومقصرتش معاكى فى حاجه وعمرى ما زعلتك فارجوكى حافظى على العلاقه دى

نودى بدلع_انا اسفه يا ميدو بس انت عارف غلاوتك عندى

امجد_علشان كده ،لازم تحبى فرح وتحترميها دى بقت مراتى دلوقتى

اقشعر بدن فرح من هول الكلمة ،فهى لا كانت ولن تكون زوجته هكذا قررت

نودى بحزن_بس ياامجد

امجد_من فضلك يانودى متخلينيش اقلب على الوش التانى معاكى

نودى بقلة حيلة_حاضر يا امجد

امال _يلا يا امجد خد فرح واطلعوا ريحوا شويه

فرح بخوف فقالت بصوت مرتبك_لا انا عايزة اقعد مع حضرتك شويه

امسك امجد ايد فرح وسحبها خلفه قائلا_ يلا يافرح ،هتقعدى مع ماما كتير بعدين

سحبها وصعد بها الدرج الى اعلى حيث غرفته

عندما وصلوا لاعلى الدرج نزعت فرح يدها بحدة _سيب ايه واياك تتجرأ وتمسكها تانى مفهوم

امجد_وبعدين معاكى بقا يا فرح ،بلاش تخلينى ازعل منك

ادخلى دى اوضتى ،،فرح باستنكار_ولما دى اوضتك انا هدخل اعمل فيها ايه

امجد _ايه الغباء ده ،امال هتقعدى فين يعنى

فرح وهى تستطلع المكان من حولها_عايز تفهمنى ان الفيلا الطويلا العريضه دى مفيهاش اوضه تانيه انام فيها

امجد بنفاذ صبر _فرح انتى هتنامى معايا فى الاوضه ،انتى ناسيه اننا اتجوزنا خلاص

فرح بصراخ_مش ناسية انى اتنيلت اتجوزتك بس انت عارف انه بالغصب والابتزاز وانا مش موافقه على حاجه زى دى ابدا ،واستحالة اقعد معاك فى اوضه واحده

امجد بنتهيدة_وبعدين بقا معاكى ،اتفضلى ادخلى

هداها تفكيرها ان تدخل الى غرفته مضطرة وتغلق الباب خلفها مانعه اياه من الدخول

دخلت والتفت لتغلق الباب خلفها بسرعه كبيرة ،ابتسم امجد على حركتها الطفوليه تلك

امجد_افتحى يافرح ،دى اوضتى على فكرة

فرح_ بقت اوضتى خلاص،شوفلك مكان تانى تنام فيه

امجد_ يعنى مش هتفتحى

فرح بعند_لا طبعا

جلس امجد بقلة حيلة امام باب الغرفه  وهو يتوعد لها _ماشى يافرح

دخلت الغرفه وتفاجئت بكبر حجمها وفخامتها ،جلست على اقرب مقعد وتنهدت بضيق

بعد عدة دقائق سمع وقع اقدام على الدرج فعلم ان والدته ربما جاءت لاحضار الطعام فقام فزعا من مكانه يدق الباب قائلا _فرح افتحى بسرعه امى طالعه ارجوكى شكلى مش هيكون لطيف لو لقتنى قاعد قدام الباب كده ،،فرح ارجوكى افتحى

_فرح بسرعه خلاص جايه عليا

ترددت فرح اتفتح ام لا ،فحسمت امرها فى النهايه لتفتح وتتاكد من كلامه ،فتحت الباب بحذر ،فدفشها ودخل مسرعا

تضايقت من فعلته تلك وهمت للخروج هى لكنه سحبها للخلف_رايحه فين بقولك ماما طالعه حالا

ثوانى واستمعا دقات خفيفه على الباب_افتح يا امجد انا ماما ،جبت لكم اكله خفيفه زمانكم جعانين

اشار امجد لفرح ان تصمت وفتح الباب _تعالى يا ماما اتفضلى ،جايه الاكل بنفسك مبعتيهوش ليه مع حد من الخدم

امال بابتسامه _لا طبعا ،لازم اطلعه انا ،دى فرح حبيبتى

ثم نظرت اليهم وجدتهم مازالوا لم يبدلوا ملابسهم بعد _ايه يا امجد انتوا لسه مغيرتوش هدومكم ليه

وانتى يافرح لسه بالحجاب كمان ،فكيه يا حبيبتى مفيش هنا حد غريب ،وقامت بنزع حجاب فرح لينسدل شعرها الناعم على ظهرها

تحرجت فرح كثيرا من ظهورها بدون حجاب امام  امجد تمنت لو ان الارض تنشق وتبتلعها فتلك اللحظه احرجتها كثيرا

امال باعجاب_بسم الله ماشاء الله عسوله ،وشعرك جميل اوى ،

اخفضت فرح راسها لاسفل_شكرا ياطنط

امال هى تعود للباب _طيب يلا اسيبكم تاخدوا راحتكم ،مع السلامه وخرجت واغلقت الباب خلفها

يتبع..