رواية ملاكي الفصل الرابع والعشرون 24 بقلم نيللي ياسر

مصطفى: ايه اللي انتي عملتيه ده!.

كارلا: عملت ايه يعني..بزين الاوضه.

    “كارلا كان معاها صور كارتون كتير من اللي بتلزق علي الحيطه ده غير الانوار والدباديب اللي حطتها في الأوضه..من الآخر بقت اوضه أطفال” 

مصطفى بصدمه وبدأ يتشل: كارلا دي..دي اوضتي يا كارلا!!.

كارلا: أيوه انا عارفه بس هي أحلي اوضه.

  ” مصطفى لا إراديا أبتسم علي طريقتها ولبسها كانت لابسه بيچامه لونها بينك وعليها شخصيات كرتونيه ورافعه شعرها ديل حصان وفي خصل نازله علي وشها مصطفى قرب منها ورفع ليها الخصل اللي علي وشها ونزل بسرعه من الاوضه”

كارلا: الواد ده عنده خاله عبيطه اه والله!!. 

…. ” أميره خلصت الشغل وروحت علي طول علشان متشوفش حازم بس الغريبه أنها ملقتهوش في الشركه أصلا بس مهتمتش وروحت البيت دخلت اوضتها بس اتصدمت لما شافت الاوضه بتاعتها كلها بلالين لونها لبني وفي حاجات كتير متعلقه برضو لونها لبني وحازم واقف في نص الاوضه وقدامه بوكس كبير أوي نص طول حازم مثلاً وحازم لابس بدله لبني وماسك تورته عليها صوره أميره”

اميره بصدمه: انت…انت هو..في ايه!!.

حازم بابتسامة جذابه جدا: happy birthday❤️.

أميره بدموع فرحه: حازم..انت .. انت عرفت عيد ميلادي.

حازم: انا أعرف كل حاجه عنك.

   ” اميره قربت منه وخدت التورته حطتها علي تربيزه جمبها وحضنته وهو رفعها من علي الارض وبيلف بيها في الاوضه لغايه لما وقع بيها علي السرير”

اميره بضحك: هههههه..انا..انا بحبك اوي يا حازم.

حازم: وانا بعشقك يا عيون حازم.

  ” فضلو باصين لبعض كتير لغايه لما حازم اتكلم”

حازم: طب انا كده ممكن اتهور عادي جدا وكمان أهلك مش هنا.

أميره: اه صح جبت المفتاح منين.

حازم: من عمي القمر.

اميره: هههههه.

حازم: يخربيت جمال امك.

اميره بكسوف: حازم.

حازم: لا انا بقول تعالي نشوف الهديه احسن.

اميره: يلا.

  ” حازم فتح البوكس واميره بدأت تطلع حاجات كتير جداً زي مثلاً دباديب كتير وعلب ميكب غاليه جدا وكمان العاب كتير ( علشان هو عارف انها طفله ????) و شوكلت كتير جدا وشيبسي وحاجات كتير بقي وفي الاخر حازم طلع علبه صغير وفتحها قدام اميره”

اميره: ايه دي.

حازم: ايه رايك فيها.

  ” كانت فيها سلسلة فضه رقيقه جدا وفيها نص قلب”

اميره: الله دي جميله جدا بس لايه نص قلب.

حازم: علشان النص التاني هيبقي معايا.

اميره: انا بحب الفضه أوي.

حازم: وانا بحبك اوي.

….. ” ملاك خلصت شغل وادهم رفد نادر وبعدين خد ملاك وركبو العربيه وهيروحو يجيبو زينب وقدام باب الشقه”

ملاك: تك..تك.

زينب: مين.

ادهم: انا ادهم يا زوزو.

زينب فتحت: أهلا يا حبيبي..ملاك وحشتيني اوي ( حضنتها.

  ” تامر أول لما سمع اسم ملاك قلبه دق جامد وعايز يقوم يشوفها بس قرر يسلم عليها ويمشي”

ملاك: انتي اكتر والله يا زوزو..الله دي ريحه مح….

  ” مكملتش كلامها لما شافت تامر قدامها ومبتسم بس عنيه بتدمع لأول مرة يصعب عليها وهي مكنتش عايزه تحرجه”

ملاك: تامر..ا..از..ازيك.

تامر: الحمدلله عن أذنك.

   ” ادهم كان عايز يمسكه يرميه من الشباك بس الحمدلله الواد تامر مشي بسرعه و زينب اتكلمت “

زينب: عامل ايه يا ادهم.

ادهم: تمام يا زوزو .

ملاك: يلا يا زوزو علشان تيجي معانا.

زينب: انا مش هسيب بيتي يا ملاك.

أدهم: لايه بس يا زوزو و تعالي معانا.

  ” وبعد كلام كتير علشان تيجي معاهم برضو موافقتش”

زينب: انا قولت لا يا كوكي.

  “” أتكلمو تاني بس مفيش فايده ف روحو البيت”

…. ( عند جمال قاعد مع واحد وبيتكلم)

جمال: يعني ايه المشروع خسر انت عارف انا دافع كام .

الراجل: يعني خسر وحل عند دماغي بقي.

جمال: ايه البرود ده يا أخي ده انا دافع 500 مليون.

الراجل بغضب: والمشروع خسر روح اشتكي الحكومه بقي.

جمال: انت واحد نصاب.

الراجل: باي يا جمال.

  ” ومشي وجمال كان متضايق جدا علشان فلوسه بتخلص”

…. ” عند نادين البت الملزقه اللي بتحب حازم قاعد بتتكلم مع اتنين رجاله”

نادين: ها فهمتو انا عايزه إيه.

راجل1: يعني انتي عيزانا نخطفها وبعدين نقتلها.

نادين: مين جاب سيره قتل يا غبي..انا بقول تعملو فيها اللي انتو عاوزينه وبعدين ترموها في الشارع وتتطلبو الإسعاف ولما الاسعاف تيجي تكونو انتو مشيتو وتكسرو الخط.

راجل2: ولما المستشفى تكتشف انها مش مبقتش بنت وحازم بيه يعرف اكيد مش هيتجوزها صح.

نادين: الله ينور عليك.

الراجل1; طب هنروح ليها امتي.

نادين: هو عندها دلوقتي انتو تستنوه ينزل وتطلعو تخطفهوها وخدو الفلوس دي.

الراجل 2: هي اسمها ايه.

نادين: اميره.

…. ” عند اميره”

اميره: يا حازم خليك شويه بقي.

حازم: معلش يا ميرو بس علشان بابا.

اميره: طيب خلي بالك من نفسك.

حازم: وانتي كمان ومتفتحيش لحد لغايه لما أهلك يجو.

اميره: ماشي باي.

حازم: باي ( ومشي).

  ” اميره قفلت الباب ولسه هتدخل الأوضه الباب خبط”

اميره: اكيد نسيت حاجه يا حازم( فتحت الباب لقت ٢ رجاله.

اميره: انتو مين.

  ” بس رشو حاجه في وشها واغمي عليها وشالوها بس وهما ماشين بيها كان حازم لسه متحركش بالعربيه وشافها”

حازم: اااااااااميره!!!!.