رواية ظلام الرعد الحلقة الرابعة والعشرون 24 بقلم فاطمة عيد

رواية ظلام الرعد الحلقة الرابعة والعشرون 24 بقلم فاطمة عيد

رواية ظلام الرعد الحلقة الرابعة والعشرون 24 بقلم فاطمة عيد

رواية ظلام الرعد الحلقة الرابعة والعشرون 24 بقلم فاطمة عيد

-في الصباح نزلت الي الحديقه والإبتسامة تحتل وجهها ولكن تغيرت حينما وجدته يجلس بهيئته المنزعجه عقدت حاجبيها بدهشه واتجهت إليه قائله:-

قاعد كده ليه يامازن

مازن:-

ازاي ياكيان مانا قاعد عادي

-جلست بجانبه وهي تقول بابتسامه:-

مين زعلك بس

مازن:-

چنا هتتجوز

كيان:-

طب ما تتجوز عادي

مازن:-

مش عارف ليه زعلت كده

كيان:-

انت كنت حابب محاولتها معاك بس هي حاولت كتير وانت كنت بتتظاهر بالرفض دي النتيجه

مازن:-

تقوم تحب بعدي بالسهوله دي

كيان:-

اها…عارف ليه انتو مفيش بينكم اي ذكريات حلوه لو جت تفتكرلك حاجه مش هتلاقي الا تجاهل وجفاء ف اكتر وقت كانت محتاجالك فيه وف نفس الوقت جه واحد تاني حاول عشانها من غير حسابات حاول بقلبه وبس لانه واثق ف نفسه وعارف أنه هيكون اد المسؤوليه

مازن:-

هو انا وحش ياكيان

-صمتت للحظات ليقول هو:-

تقريبا الاجابه وصلت

كيان:-

مش بالظبط بس انت ملكش شخصيه يامازن سوري يعني

مازن:-

ده ليه بقا

كيان:-

شخصيتك مش بتتلخص ف لبسك وهو اد اي شيك وغالي ولا عدد اللغات اللي بتتكلمها ولا البنات اللي هتموت عليك ولا تهورك واستهتارك ..شخصيتك الحقيقيه موجوده في كيانك كيانك اللي مش هتلاقيه الا بشغلك

مازن:-

واشتغل ليه انا مش محتاج فلوس

كيان:-

الشغل مش عشان فلوس بس يامازن في جوانب كتير اوي حتي الناس اللي بتشتغل مش واخده بالها منها ..الشغل بيعلم الصبر والتعامل والتفاهم من شغلك هتكون صداقات وهتكون ناجح ف حاجه نجاحك فيها هيخليك تحبها وتكتشف حاجات جديده انت مكنتش تعرف عنها حاجه ..انت راجل ولازم تشتغل لان ببساطه الشغل هيعلمك ازاي تكون مسؤول

مازن:-

هحاول

كيان:-

كلنا مستنين قرارك يا مازن ارمي حياتك القديمه ورا ضهرك وأبدأ من جديد

-في ذلك الوقت كانت تراقبهم من شرفتها بشرود ليعتدل الآخر ويقول لها:-

مالك واقفه زي المخبر ليه

ورد:-

دلوقتي بقيت مخبر

أدهم:-

مخبر قلبي ياقمر

ورد:-

زعلانه علي مازن …تصدق هو غبي اوي

أدهم:-

ليه

ورد:-

جدو مقدمله فرصه لحياه جديده وهو مش عايزاها مع أن ناس كتير بتتمني تلاقي حاجه جديده تتعمل

أدهم بابتسامه:-

الناس الكتير دول بيكونو زي حضرتك كده مش عارفين يهدو لكن مازن فالتراوه اساسا

ورد:-

انا فعلا بلف حوالين نفسي دايما …أدهم انت مستحملني ليه

أدهم:-

عشان قدري… ياورد انا بحبك زي ماانتي بخوفك وتفكيرك اللي مبيخلصش انا حبيت عيوبك قبل مميزاتك

ورد:-

طب عشان الكلام الحلو ده مش هنكد عليك تاني

أدهم:-

بجد … احلفي كده

ورد:-

انت عايزني احلف…انت مكدبني ياادهم

أدهم:-

اتعدلي بدل ما ارجعك لجدك

ورد:-

الله يرحم أما كنت بتحقد عليه الصبح

أدهم:-

كنت مفكرك رومانسيه طلعتي بومه مش فالحه غير فالنكد

ورد بابتسامه:-

خلاص متزعلش…تعالي نخرج

أدهم:-

لا هروح الشغل اشوف الوضع الجديد ..متنسيش رعد ف اجازه

——-

استيقظ بتكاسل ليجدها ليست بجانبه ابتسم ابتسامته الخفيفه وذهب الي غرفته ..

بعد مرور دقائق ..

توجه إلي الحديقه ليجدها جالسه علي الارجوحه الخاصه بها جلس بجانبها وهو يقول:-

صحيتي امتي

كيان:-

من بدري ….نزلت عشان جدو

رعد:-

بما انك ناسيه انك مراتي اروح اخونك بقا

كيان:-

لا مش ناسيه بس مش عايزه أتفهم غلط..وكمان انا بحب النظام

رعد:-

طب ياحضرت المنظمه روحي البسي عشان هنخرج

كيان بحماس:-

ماشي

-صعدت الي غرفتها بسرعه لتدلف إليها وتتفاجئ بعلبه انيقه موضوعه علي سريرها ..فتحتها لتجد بداخلها فستانا باللون الاسود ذو تصميم راقي ابتسمت فهي تعلم مدي حبه لذلك اللون

بعد مرور نصف ساعه …

نزلت لتجده بانتظارها أمسك بيدها وقام بتقبيلها لتبتسم هي وتقول:-

افهم اي الفستان ده وهنروح فين لو تكرمت

رعد:-

المكان الأول مفاجأه بعدها هاخدك بيتنا عشان تتفرجي عليه

عانقته بقوه وهي تبتسم وقالت له بخفوت:-

بحبك

رعد:-

اشمعنا الكلمه دي بتوطي صوتك ماانتي طول النهار بتجعري عادي

كيان:-

بقا كده

رعد:-

لا خلاص هنبوظ اليوم يعني

-اتت داليا من خلفهم وهي تقول :-

رايحين فين

رعد بابتسامه:-

خارجين شويه ياحبيبتي

داليا باقتضاب:-

تمام هاجي معاكم

-حمحم بحرج ونظر لها بدهشه لتقول لها كيان بسرعه:-

تعالي ياماما

داليا:-

هلبس واجي

غادرت ليقول رعد بغضب:-

ليه عملتي كده

كيان:-

يارعد مامتك بتحبك اوي وخايفه اني ابعدك عنها ..صحيح انت مبقتش تعاملها بقسوه وجمود زي الاول لكن يعتبر مش بتعاملها خالص علي طول مشغول فالشغل ومعايا لازم تهتم بيها شويه

-كانت تراقبهم من بعيد وابتسمت بفخر وعلمت أنها ظنت السوء ب كيان وعلمت أنها لم تكذب منذ البداية هدأئت من روعها وهمت بالنزول قائله:-

سوزان هانم اتصلت بيا وهي منتظراني فالنادي اخرجو انتو

ابتسمت كيان وهي تقول:-

اللي يريحك ياماما

غادرت برفقته ليقول:-

انا مش عارف اقولك اي

كيان:-

مامتك تبقي مامتي يارعد هي اللي مربياني اصلا يعني من غير اي حاجه راحتها تهمني

————

في الشركه

يقين:-

معتز بقا روح شوف شغلك

معتز وهو يقترب منها:-

خلصته تحبي اساعدك

أبعدته عنها وهي تقول:-

لا زوق عجلك بقا

معتز:-

طب تعالي نغدا سوا

يقين:-

ضاربه كشري والله ياعسل

معتز:-

ربنا يصبرني

يقين:-

يارب….علي فكره ماما مستنياك كمان يومين بعد المغرب

معتز:-

ماشي ياختي كملي شغل

يقين:-

انت اتحولت كده ليه

معتز بابتسامه:-

المعامله بالمثل ياحلوه …بس ممكن ارجع عادي

يقين:-

انا بقول انك تروح بقا

معتز:-

ليه …طيب علي راحتك

غادر لتقول هي بخفوت:-

اللهم لا اعتراض يارب ليه

يتبع..

لقراءة الحلقة الخامسة والعشرون : اضغط هنا

لقراءة باقي حلقات الرواية : اضغط هنا