رواية عريس لقطة الفصل الثالث والعشرون 23 بقلم حنين عادل

المحامي : خدوا 4 ايام علي ذمه التحقيق .

فارس: ايه …

طلعت انا وماما وبابا من المكتب متكلبشين

لأول مرة في حياتي بشوف امي بتعيط ????

وابويا قليل الحيله ولأول مرة بحس أن بكره حد لدرجه فوق الوصف ربنا ينتقم منك يا حسن ????

فارس : استني دقيقه بس يا دفعه ..

..فارس البنت بتاعت الشاي هيا السبب يا فارس ومتفقه مع حسن ارجوك ساعدنا ساعدنا يا فارس ..

فارس: شاي ايه …

..المحامي هيفهمك علي كل حاجه  ارجوك يافارس ما تسبناش احنا دلوقتي مش لينا غيرك???? ..

فارس: ما تقلقوش أن شاء الله خير وكله هيبقي تمام.

العساكر مشوا بابا راح سجن الرجاله وانا وماما علي سجن الحريم …

دخلنا انا وماما بعد ما زقونا بالراحه خالص.

اشكال غريبه هنا اخدين في وشهم أخماس في اسداس ????

ست منهم : انتم جايين في ايه يا وليه منك ليها ..

..جايين في البوكس ????

الست : هههههه دا انتي بتستظرفي بقا .

ماما بتقرب مني : اسكتي ابوس ايدك هيعملونا صينيه بطاطس محمره  سيبيني اتكلم انا ????

..حاضر يا كبيرة ????????

ماما : جايين في قتل إن شاء الله (عوجت بوقها ) يعني اعدام اعدام فا معندناش مانع نقتل حد كمان ????????

الست: اه دا الحلوين بقا ليهم ريش عايز يتقص .

ماما : وليه منك ليها انا روحي في مناخيري يعني اللي هيقرب مني هاشقه اتنين ????

..ايوه اتقوا شرنا احسنلكم دا احنا نفرمكم فرم يلا يا سجن مافهوش ست من النهاردة مفيش كبير هنا انا الكبيرة يلا يا شويه عاهات يا اوباش ????

ماما : ????????

..ايه رأيك بقا خوفتهم اهو ????

ماما : منك لله يا شيخه ???????? مش قلتلك اخرسي.

الست: يلا يا ستات نوريهم أن احنا عاهات ونشوف هيفرمونا اذاي ..

تيست تيست معكم حنين من السجن تنقل لكم اهم الانباء خبر هام وعاجل تجمع هائل من سيدات ليست جميلات بالعكس فاتنات ذو طابع ملائكي وهذا الطابع يظهر علي وجهوهم الجميله يتجمعون علي قلب رجل واحد حتي يعطونا علقه سخنه ومن هوا السبب أنها الكبيرة امي العزيزة التي استفذتهم لهذه الدرجه وسنوافيكم بأهم الأنباء لاحقا ابقوا معنا ????

وبيقربوا مننا …

انا وماما : عااااااااااااااااااا????

وفجأة الباب بيتفتح كل واحدة رجعت مكانها ????

العسكري : حنين عادل و فاتن سمير ..

انا وماما : ايوه يا فندم ….

العسكري بياخدنا معاه

الست بتبصلنا كأنها بتقولنا خلصوا بسرعه عشان انا مستنياكم وهاروقكم روحي يا شيخه ربنا هيعاقبك اكتر من كده اذاي مش كفايه سحنتك دي اهي دي اللي ينطبق عليها القول المصري الشهير وشك يقطع الخميرة من البيت

لا دي مش بس الخميرة دي الخميرة والميه والنور والشمس والهوا اعمل ايه لولا أني مش بحب اتنمر علي خلق الله كنت قلت كتير ????يلا الحمد لله الذي عافانا مما ابتلى به غيرنا ????

ياتري هوا اخدنا علي فين ..

شكلهم هيروقونا زي الأفلام وضرب بقا وفرج…عاااااا ???? بلاش فرج والنبي….

دخلوني اوضه وسابوا ماما بره

اوضه عتمه ومش باين فيها حاجه وفجأه الباب اتفتح

ودخل لوح كبير لأن لفظ الدلفه مش كفايه عليه .

مشي أيده علي صدره كده وعمل حركه من حركات حمدي الوزير ببوقه ????

اه يا حوستي السودة يا نا يا ما اه يا حوستي السودة يا نا ????????

قرب مني ولقيته بيفك زراير قميصه كده وبيقلع طلع هوا فررررررج ????

قرب مني ..

طلعت اجري منه وقعدت في ركن الأوضه واصوت واعيط عاااااااا????

فجأة الاقي قلم نازل علي وشي ????

العسكري: ايه بقالك ساعه بتصوتي انت مجنونه يا بت انتي حد عملك حاجه ????

..ايه ده انا بتخيل الحمد لله الحمد لله ????????

العسكري: يعني من دقيقه كنتي بتصوتي وبتعيطي ودلوقتي بتضحكي انتي هبله ????

..شوف مودينا علي فين يا دفعه يلا واتقي الله في اكل عيشك عشان ربنا يباركلك واياك والظلم ويا بخت من مات ولسه عايش ويا بخت من وفق راسين في الحلال واجري جري الوحوش ياتلحق القطر يا ما تلحقهوش ..

ماما والعسكري : ????????

..ايه في ايه ????

العسكري بيقول لماما : هيا ترلولي ولا أيه ????

ماما: يعني شويه صغيرين ????

العسكري: صغيرين بس ماشي ????

دخلنا العسكري مكتب الظابط ولقيت فارس قاعد وبابا موجود برده ????

 والظابط متعصب جدا مش عارفه ليه الهي اشوفك بلبوص في عز البرد يا حسن يا بن بهانه وماتلاقي اللي يغطيك الهي تقع في بلاعه وماتلاقي اللي يحميك ????

فارس بقلق: انتم كويسين حد عمل فيكم حاجه ????

..كان دقيقه كمان ونطلع من هنا علي المستشفي بس الحمد لله ربنا ينتقم من اللي كان سبب بهدلتنا الهي اشوفه  متكهرب من سلك عريان ما يسبهوش الا لما تطلع روحه الهي يقابل كلب مسعور ينهش في لحمه ما يسيب حته سليمه الهي ي…

حظابط : ايه ما خلاص ????

انا وانا بجز علي سناني : أوامرك يا باشا (اه لو مين يمسكني رقبتك كنت قرمتها لحد ما تطلع في أيدي زمارة رقبتك ????)

فارس: انتوا هتقضوا الليله هنا لما اشوف حل وماتقلقوش أن شاء الله هتخرجوا ????

..طب ازاي عملتها ازاي ..

حظابط : ازاي يعني بالكوسه والبرنجان يعني هيبقي بايه ????

..احلي كوسه وبرنجان دي ولا ايه أن شاء الله يخليك ليا ويحميك ويسترك وياخد كل الناس اللي السبب في المشاكل دي يا فارس يا ابن????…..

الا صحيح امك كان اسمها ايه يا فاروستي ????

فارس: اسمها زينب ربنا يرحمها ????

..يارب يرحمها ..

بابا : كتر خيرك يا بني انت ابني اللي مخلفتهوش ????

ماما : الخير لسه موجود يا دوله هوا صحيح في ناس ناقصين وولاد حرام بس الخير اكتر وبتبص علي حظابط باشمئزاز وغضب????

فارس : انتم اهلي اطمنوا أن شاء الله هتطلعوا وهحاسب اللي عمل كده وهاعقبه اشد عقاب ????

حظابط : احم …يلا يا استاذ انا وانت هنمشي وهقفل عليهم الباب للصبح نكمل التحقيقات الوقت أتأخر. .

فارس: يلا ????

ما تقلقوش هتخرجوا أن شاء الله بكره ..

حظابط : هههه في البطاطا ????

فارس بيمد رجله وحظابط ماشي بيتعنقل فيها وبيقع علي وشه ????

فارس: يقطعني ???? انا اسف يا حضرة الظابط ????

حظابط : ???? اتفضل يلا يا استاذ

قام حظابط من علي الأرض وهوا متعصب وطلع فارس وقفل الباب علينا بالمفتاح…

فارس ده عوض من ربنا لينا كلنا ل بابا اللي كان نفسه يبقي ليه ولد يشيل عنه همنا وهم الايام ويبقي ليه سند وماما اللي من يوم ما شفته حبته وليا انا اكتر واحدة هوا اكتر حاجه حلوة حصلت لي في حياتي هوا عوض ربنا ليا هوا سندي وضهري بعد ربنا وبابا ????❤️

…………..

فارس في الشارع. ..

مسك تليفونه : الوووو ايوه يا سيف تعالي ليا تحت بيت حنين ..

سيف: ايه انت وحشتك التلاجه ولا ايه هنروح بالليل كده نعمل أيه ????

فارس: اخلص بسرعه وبلاش غلبه يلا ????

سيف: اه يا متبهدل يا نا ???? طيب جاااي ????

…………..

في مكتب حضرة الظابط…..

لقينا اللي بيفتح الباب …اصل اكيد مش هنام في ظروف زي دي …

حظابط : ههههه منظركم تحفه ????

..سم ????

حظابط: بقا انا اترفض ههههه اديكوا شفتم انا اعرف اعمل أيه????????

 كنت مفكرة يا استاذة حنين تعمليني شخشيخه في ايدك وتخلي حبيب القلب يغير عليكي بيا وانا ابقي لعبه ما بينكم هوا عشان كنت طيب معاكي تعملي كده طب لما بتحبي واحد تاني ليه خلتيني يبقا عندي امل ليه علقتيني بيكي ????

..علقتك ايه انا عملت معاك ايه يخلي عندك امل بهزر بضحك دا لو اللي خلاك تفكر اني بحبك ما هو مش كل حد ضحكتله أو كلمته حلو يبقي اتجوزه دا انا كده اتجوز مصر كلها ????

بابا : ما شاء الله عرفتي تربي يا حاجه ????

ماما : اومال ????

حظابط : بص شوف حظابط هيعمل ايه ????

..فاروستي حبيبي هايعلقه من رجليه ???????? نيهاهاهاه..

ماما : طول عمرك لسانك اطول منك اسكتي يا بنت الهبله ????

..ايه اللي قلقك يا ماما حد يبقي معاه الملك ويخاف من الوزير ????

حظابط : ???? ماشي

..اعمل اللي تقدر عليه كله في الفاضي يا سوسو ????

حظابط : سوسو ????

وخرج وقفل علينا الباب …

يمكن كان مستني يشوفنا مكسورين أو نقعد نستسمحه عشان يحن علينا ويطلعنا بس لأ انا قهرته ابن الوارمه ده اللي معاه الملك ما يخافش من الوزير ????….يتبع ..

متابعه لصفحتي الشخصيه ولاف ورأيكم قبل اي حاجه

هل استفزاز حنين لحظابط ممكن يخليه يعمل حاجه وهل فارس هيعرف يطلعها وليه فارس قال ل سيف يستناه تحت بيت حنين  توقعاتكم مع ان انا محدش يتوقعني ????????

يتبع..
لقراءة الفصل الرابع والعشرون : اضغط هنا