رواية أهدتني معاقاً الفصل الثالث والعشرون 23 بقلم أم عائشة (أسماء عبدالهادي)

دق جرس المنزل

يامن _تلاقى ادهم جه هروح افتح الباب ،ادخلى انتى يا فروح

فتح يامن الباب فوجد ادهم فبادر بابتسامه واسعه _ادهم بجد وحشتنى

بادله الاخر بنفس الابتسامه _يامن حبيبى اخبارك ايه

يامن _الحمد لله،تمام ياباشمهندس

اتفضل ادخل ،نورتنا والله

ادهم_اصل انا مش لوحدى معايا بن عمى

يامن من قبل ان يراه _يا اهلا وسهلا بيه ،خليه يدخل

تقدم امجد الى جوار ادهم قائلا_ازيك يا يامن

عندما رآه يامن عرفه على الفور فقال بتجهم _انت ثم سريعا ما استعاد نفسه_اهلا وسهلا اتفضل ادخل

خطوا للداخل وجلسوا فى صالة المنزل

يامن ببشاشه _اخبارك يا ادهم ،سعيد انى شوفتك تانى

ادهم _وانا كمان على فكرة ،انت من الناس اللى تركت فيا اثر

ضحك يامن _ياااه انت لسه فاكر

ادهم بابتسامة ودى حاجه تتنسى ،حلا مش بتبطل سؤال عليك

ابتسم له يامن _سلامى ليها ،وقولها لو بس اخوكى زعلك فى حاجه تعالى قوليلى

ضحك ادهم بشدة _يابنى هوا انا عارف اكلمها،كل شويه هقول ليامن ،بتهددنى بيك هههه

بادله يامن الضحك _ناس مش بتيجى غير بالتهديد

لاحظ يامن صمت امجد فعلم انه ربما يكون محرج من فعلته السابقه فقال بابتسامه_نورتنا يا باشمهندس امجد

استغرب امجد منه _يعنى انت مش زعلان منى على اللى عملته زمان

يامن بنفس الابتسامة الهادئه_وانت قلتها زمان ،اللى فات مات يابشمهندس

رفع امجد احد حاجبيه فى عدم تصديق ايعقل ان ينسى الاهانه بهذه السهوله

لاحظ ادهم استغراب امجد فقال_متستغربش كده ،انت لسه متعرفش يامن انسان قلبه كبير بجد

نادت والدته على يامن لتعطى له ما يقدمه لهم كواجب للضيافه واكرام الضيف

يامن_حاضر يا امى ،قام وذهب اليها واخذ منها صينيه المشروبات _متحرمش منك يا امى

قدم يامن لهم المشروبات_اتفضلوا

امجد _دى طنط احسان ؟!

يامن باستغراب_انت تعرف امى؟!(منك لله يا كارم )

امجد_اه ،اتعرفت عليها فى الفيلا عندنا

يامن بدهشه_انت ابن مدام امال ،حكت لى عنك

امجد_ممكن اقابلها عايزها فى شغل

يامن_ تمام،لحظه ،بعد برهه عاد يامن ومعه امه التى رحبت بهم جيدا _اهلا اهلا بحبايب الغالى نورتونا والله

نظرت لامجد_ازيك يا امجد يابنى وازى مدام امال

امجد بابتسامه _كويسه ،ايه مش ناويه تشرفينا تانى هناك ولا ايه

احسان بابتسامه_ان شاء الله

امجد لادهم _اتكلم انت مع يامن بخصوص الشركه وانا عايز طنط احسان فى شغل

احسان_طيب تعالى عند المكنه هنا نتكلم ونسيبهم براحته

امجد _تمام يكون افضل

اخرج امجد صورة من جيبه واعطاها لاحسان _ايه رايك فى الفستان ده يا طنط

نظرت احسان باعجاب الى الفستان _تحفة يا امجد

امجد _تقدرى تعملى زيه

نظرت احسان الى الفستان مرة اخرى بحيرة ،اخرجها امجد من حيرتها هذه_حضرتك ممكن تكتبى لى كل الحاجات اللى هتحتاجيها وانا هتصرف واجيبها لك علشان تعملى الفستان

احسان_ هحاول اعمله ،الفستان فخم جدا ومحتاج شغل كتير

امجد _وانا متأكد ان حضرتك قدها

اخرج امجد من جيبه نوته صغيرة وقلم _اتفضلى دونى الحاجات اللى محتاجاها

احسان باستغراب_انت مستعد بقا،طيب ليه مش تشتريه افضل

امجد بغموض_لا افضل حضرتك اللى هتعمليه وهحطيكى المبلغ اللى تطلبيه ١٠ الاف كويس؟!

شهقت احسان _ايه انت بتقول ايه ،ده مبلغ كبير اوى

امجد بغرور _ما هو انا لو كنت هشتريه مش هجيب حاجه باقل من كده ،،وكمان عايزة خلال اسبوع

احسان_صعب يا امجد ،ده محتاج وقت جامد مش اقل من اسبوعين

امجد _انا عايز حضرتك تتفرغى للفستان ده وبس

احسان _اوعدك انى هحاول اعمل اللى اقدر عليه

امجد _امال عم محمود فين مش شايفه

احسان_ فى مشوار وزمانه جاى ،

امجد_اصل كنت عايزه فى موضوع كده

احسان _خير يابنى

امجد_انا كنت عايز …

محمود _السلام عليكم

احسان _وعليكم السلام ،كويس انك جيت امجد بن مدام امال كان عايزك فى موضوع ،ثم قالت لامجد _تمام يا امجد لما تبعتلى الحاجات اللى كتبتها هباشر الخياطه باذن الله ،هستأذنك انا

امجد_ استنى يا طنط احسان ،عايز حضرتك كمان تكونى موجودة ثم نظر الى محمود _ازى حضرتك ياعمى

محمود_الحمد لله يابنى بخير ،ازيك انت ووالدك ووالدتك

امجد _بخير ،عم محمود انا كنت عايزك فى

محمود _خير يا امجد

امجد _انا كنت طالب ايد بنت حضرتك الانسه فرح

ابتسمت احسان فهى بفطنه الام استشفت ما يريد قوله من قبل ان يصرح بذلك

نظر امجد الى وجه محمود فوجده خال من التعابير لا يعرف ان يكون له اى رده فعل فقال_قولت ايه يا عمى

محمود_والله يابنى انت فاجئتنى ،ناخد راى فرح الاول

نظر امجد الى احسان_وحضرتك يا طنط

كانت احسان معجبة بامجد منذ موقف توصيلهم بالسيارة لا تدرى احبته _انت انسان محترم وتستاهل كل خير ،بس الراى راى العروسه بردو

كان يامن قد انهى حديثه مع ادهم وسمع كلمة عروسه ،فتقدم اليهم هو وادهم

يامن_عروسة ايه

ادهم _ازى حضرتك يا عمى

محمود_اهلا يابنى نورتنا والله

ادهم_الله يعزك يا راجل يا طيب

احسان_امجد طالب ايد فرح

يامن وادهم وهم ينظران لبعضهم بصدمه_اييه؟!

امجد_ انسه فرح ،انا لو لفيت الدنيا كلها مش هلاقى باخلاقها وادبها ،ربنا يبارك فيك بجد ياعمى

محمود_تشكر يابنى ،

اقترب ادهم من امجد هامسا بضيق_انت ايه اللى بتعمله انت اتجننت

امجد_ليه ما انا قلت لك انى هتجوز فرح

ادهم مغتاظا_ياسلام ومين قالك انها هتوافق

امجد بغموض فهو ينوى على شىء ما_هتوافق

امجد _طيب احنا هستأذن واجى لحضرتك بالليل اجيب الطلبات

ها يا عمى حضرتك هترد عليا امتا علشان اجيب اهلى واجى اتقدم رسمى

محمود_ادينا فرصه اسبوع كده ونرد عليك

امجد_ماشى يا عمى اللى تشوفه، يلا يا ادهم ،نظر الى ادهم فوجده يقف كالصنم متوجما لا يتحرك ،فهزه قائلا _ادهم

فاق ادهم من شروده_ها ،ماشى ،مع السلامه

محمود _نورتونا،مع السلامه

*****

احسان بفرحه _ايه رايك يا محمود ،شاب اخلاق ومال وجاه مفيش بعد كده

محمود_مش عارف ،نسال عليه ونشوف،رايك ايه يا يامن

يامن كان فى قراره نفسه لا يرتاح لامجد ،بسبب ما فعله ف السابق هو لا يعلم ان امجد كان سببا فى هجوم البلطجيه عليه ،لكنه قال ربما تغير مع الوقت واصبح افضل _ممم معتقدش فرح هتوافق،الناس دى مختلفه عننا ،عندهم كل حاجه عادى ،بيئتهم وعاداتهم مناقضه تماما

محمود_معاك حق يا يامن،وكمان هما فين واحنا فين

احسان_انا عارفه العيلة دى من زمان ناس متواضعه وطيبه،مدام امال مفيش فى طيبتها

يامن _نشوف رأى فرح ،ونسال عليه كمان

محمود_نادى اختك نسألها

دخل يامن غرفه اخته فرح قائلا بمزاح _متقدملك عريس يا بيضه

تفاجئت فرح وقالت بتلقائيه _ادهم؟!

يامن بابتسامه_لا ابن عمه

فرح_ابن عمه مين

يامن _امجد ،انتى عارفاه

فرح وقد انتفضت بمجرد سماع اسمه فقالت بفزع _لاااا ،امجد لااا مستحيل

ظن يامن ان فرح ترفضه لانها ما زالت تذكر له فعلته بالماضى _فرح اللى عمله ده كان زمان وكنا لسه صغيرين ،اكيد كبر وعقل خلاص ،النهارده كان حد محترم جدا

فرح فى نفسها ،اسكت يا يامن انت متعرفش حاجه ،ده كبر وبقا اسوء اضعاف مضاعفه ،امجد مفيهوش حاجه واحده كويسه

يامن _ايه يافرح قولتى ايه

فرح بثبات _لا مش موافقه ،يامن ارجوك مش عايزة كلام فى موضوع امجد ده تانى

يامن_متأكده يافرح ان رفضك مش بسببى ؟

فرح_صدقنى ملوش علاقه ،امجد مش الانسان اللى اتمناه زوج ليا

يامن بخبث وهو يرفع احد حاجبيه_مم وادهم؟!

ارتبكت فرح_ادهم؟!اشمعنى

يامن _يعنى اول ما قلت لك عريس ،قلتى ادهم علطول

زفرت فرح بارتياح _اكيد يعنى علشان هوا اللى كان هنا من شويه فخمنت انه هوا

يامن _ممم ماشى هصدقك يابيضه ولا انى حاسس ان عينيكى بتقول حاجه تانيه

فرح بغضب_قصدك ايه ياسى يامن

يامن بضحك_ ولا حاجه يا عروسه ،،،جرت فرح ورائه _يااامن

يامن بمزاح_ايه يابنتى مالك بقول عروسه فيها ايه دى

فرح_يامن متهزرش فى الموضوع ده

يامن وهو يكتم ضحكاته_حاضر يا عروسه

فرح بغضب شديد_طب انت الجانى على نفسك وانهالت عليه ضربا

يامن بادعاء المسكنه_اااه ،يافرح كفايه هموت فى ايدك

كفت فرح عن ضربه وقالت وهى تتفقده بخوف_يامن انت كويس ،انا اسفه

يامن وهو يلوى ذراع اخته_ايه يابنتى مفكرة ،الضرب بتاعك ده هيأثر فيا ،تعالى اعلمك الضرب على اصوله

فرح بصراخ_يااامن انت كنت بتخدعنى

يامن وهو يضربها بمزاح_علشان تبطلى خوفك الزايد ده عليا

******

ادهم فى نفسه_الظاهر ياامجد انك مش بتهتزر بجد،احس بالاختناق لمجرده فكرة زواج فرح بغيره،لكن كان عليه ان يضحى من اجل صديقه ورفيق دربه،لذا حاول ان يخبأ المه فى قلبه وينسى فرح تماما فى حاجه موافقتها على الزواج من امجد

****

جاء اتصال لامجد وهو يقف بجوار سيارته مع ادهم ،،تغيرت ملامح امجد واحسن انه سيجن وهم بركوب السيارة باقصى سرعه

ادهم بقلق_فى ايه يا امجد ،المكالمة قلبتك كده ايه

امجد _انا رايح لكارم الدار

ادهم بفزع_عمى ،استنى انا جاى معاك

*******

فى المساء

فى غرفة مكتب الفيومى

_انت يازفت ،مش قلت هتجيب لى الاخبار بالليل ،ولا اتصرف انا بمعرفتى

شهاب بضيق_مش عارف اوصل لبنت الايه دى ،،استنى عليا بكرة كمان

الفيومى بسخريه_لما نشوف

شهاب بخبث_صدقنى هجيبلك الاخبار كاملة بكرة

*****

فى شقه فرح

كانت احسان تجلس على ماكينه الخياطه وسمعت صوت جرس الباب نادت على فرح لتجيب_فرح شوفى مين ايدى مش فاضيه ،،فرح _حاضر

ارتدت فرح اسدالها وفتحت الباب،تغيرت ملامح وجهها الى الامتعاض_انت ؟!وهمت بالدخول

_استنى يافرح ،قصدى انسه فرح ،انا اسف بجد ،ارجوكى تسامحينى انا بعتذر لك عن اللى حصل،انا كنت متسرع وغبى كمان

حاولت فرح اخفاء ابتسامتها عندنا وصف نفسه بهذا الوصف،علمت انه ليس مغرورا فهو مدير فى شركه ويعتذر منها اكتر من مرة وينعت نفسه بالغبى من اجل ان تسامحه

لاحظ ادهم تلك الابتسامه الخفية _ايوه يا شيخه اضحكى خلى الدنيا تنور

رجعت فرح لحدتها _انت هتهزر ؟!

ادهم _ايه ده انتى بتتحولى بسرعه ليه،والله عسل وانتى بتبتسمى

غضبت فرح من كلامه فنظرت له بتجهم واغلقت الباب فى وجهه،،وقف ينظر للباب مزبهلا من تصرفها فقال_افتحى يافرح

_لا لما تحترم نفسك ومش تتعدى حدودك معايا

_خلاص،اسف مش هقول كده تانى ،انتى مش عسل ياستى ،ها كده حلو

فتحت له فرح _اخلص جاى ليه

ادهم بهيام_انتى مش عسل لا ده انتى قمر

وجد ادهم كف خماسى الاصابع على وجهه ،صدم من رد فعلها الشرس معه فعاده ما تحب الفتيات سماع مثل هذه الكلامات وتزداد انكشاحا

فرح بغضب_اتفضل امشى

ادهم_انتى ايه يابنتى متخصصه ،ضرب بالاقلام ،حرام عليكى

همت فرح لتغلق الباب مرة اخرى ،وضع ادهم قدمه على عتبه الباب ليمنعها من غلقه _استنى انا جاى لطنط احسان علشان اعطيها الحاجات دى ،ورفع الاكياس التى كان قد وضعها جانبا

فتحت فرح الباب ثم ابتعدت قليلا_اتفضل ادخل

حمل ادهم الاكياس ودخل ،،اشارت له فرح حيث تجلس والدتها

ادهم _طنط احسان ،دى الحاجات اللى حضرتك طلبتيها من امجد

ابتسمت احسان وتعجبت من سرعه احضار امجد لمستلزمات عمل الفستان

احسان_شكرا يا ادهم ،ربنا يباركلك يابنى

ادهم وهو ينظر الى فرح_شكرا يا طنط ،منتظرينك يا فرح فى الشركه بكرة فى غمز لها ،متتأخريش ها

احسان_طبعا يابنى ده شغل مش لعب عيال

نظرت له فرح بضيق فهى كانت قد نوت الا ترجع للشركه مطلقا

ابتسم ادهم لها فى تسلية ثم قال لاحسان_طنط ممكن اتكلم مع فرح فى حاجه خاصه بالشغل

احسان بترحاب _اتفضل يا باشمهندس ،روحى يافرح هناك فى الصاله ،كانت الصاله امام ناظرى احسان مباشرة لذا تركت فرح تجلس مع ادهم طالما هى تراهم من مكانها

ذهبت فرح على مضض مع ادهم ،فرح بضيق_حضرتك عارف انى مش كنت هرجع الشركه تانى ليه تقول كده قدام ماما

ادهم_خلاص بقا يا فرح انا اعتذرت ليكى ،وكمان لما تيجى الشركه امجد هيقطع العقد قدامك وكمان هتكتبى عقد جديد بشروطك انتى ،كده مرضيه؟!!

لم تجد فرح ما تقوله_ممم ماشى ،بس ممنوع تتعدى حدودك انت وامجد باشا بتاعك

ابتسم ادهم _حاضر يا فندم ،قبل ما امشى ممكن تبلغى يامن انى هعدى عليكم اوصلكم كل واحد لشركته ،هوا هيبتدى ايول يوم بكرة فى شركه الصياد

عاد يامن بعد ان احضر العشاء من الخارج ،فوجد ادهم

يامن_ادهم ،معقول ايه المفاجئه الحلوة دى

ادهم_شوفت ياعم مرتين فى اليوم اهو ،،انا كنت لسه بقول لفرح انى هعدى عليك اوصلك لشركتك

يامن_وليه تتعب نفسك يا ادهم بس ،هروح انا علشان اوصل فرح لشغلها

ادهم _مفيش مشكلة اوصلك واخد فرح فى طرقى مااحنا رايحين نفس الوجهه،يلا استأذن انا

يامن _زى ما تحب ،بس مش هتمشى قبل العشا

فرح ممكن تجهزى لنا العشا ،ولو تحبى اجى اساعدك؟!

فرح وهى تأخد منه الاكياس_لا خليك انت يا حبيبى ،وتعمدت قولها امام ادهم ليعلم انه كان يظلمها عندما فهم مكالمتها خطأ

يامن_ماشى يافرحة قلبى ،منتظرين

جاء محمود من الخارج وتناول يامن مع صديقه ادهم ووالده العشاء

***

جلست فى غرفتها تبكى بحزن شديد عندما علمت من فرح ان امجد جاء اليوم الى بيتها ليطلب يدها للزواج

هى عاهدت نفسها ان تفرح لفرح صديقتها وان تقدم سعادة فرح قبل سعادتها هى تمنت لها الخير والسعاده ،لكن ليس بيدها الا تحزن ،تحزن لقلب تعلق بالسراب

كان عزاءها الوحيد ان فرح لا تحب امجد ،لكنها قالت ربما تحبه مع الوقت فلتساعد امجد اذا على الوصول لقلب فرح

*****

جاء الصباح ليعلن عن بدء يوم جديد

جاء ادهم ليوصل يامن وفرح الى عملهم ،

ادهم_يامن بعد ما تخلص رن عليا انا هاجى اوصلك

يامن _لا يا ادهم كفايه عليك تعبت نفسك على الصبح بتوصيلنا

ادهم _يابنى انت واحشنى جدا ،وكمان حلا عايزة تشوفك واهى بالمرة تتعرف على فرح

يامن _ماشى يا ادهم زى ما تحب

اوصل يامن الى شركته

يامن_خد بالك من فرح مش هوصيك عليها

ادهم _اطمن يا يامن

فرح_ربنا يستر ،من ادهم ده كمان

،واكمل ادهم مع فرح الطريق الى شركتهم

كان صامتا طوال الطريق يخشى ان يتفوه بكلمه فيغضبها الى ان وصلوا _اتفضلى يافرح وصلنا

نزلت فرح _شكرا با باشمهندس ودخلت سريعا دون ان تنتظره

اتصلت فرح بنغم فهى معتاده ان تراها كل صباح فهى كانت تركب معها بسيارتها_نغم حبيبتى اخبارك ايه

نغم بصوت ناعس تجاهد ان تبقى مستيقظه فهى من شدة حزنها امس لم تذق طعم النوم الا ساعات معدوده _الحمد لله

فرح بمزاح_ايه هترجعى للكسل تانى ،لا انا هرجع اخليكى توصلينى كل يوم

ابتسمت نغم_عيونى ليكى يا فروح

فرح_حبيبتى يا نونا ،انا كنت بطمن عليكى كملى نوم يلا

****

جلست على مكتبها وباشرت فى عملها الذى لم ينتهى امس الى ان يطلب منها امجد بقيام شىء اخر

جاء ادهم _انسه فرح، امجد جوا؟!

فرح_احم مش عارفه ،بس اكيد هيكون جوا

ادهم _تمام هدخله

***

قابل يامن، حازم فى شركه الصياد واستعادا لبدء العمل معا ،اطلعهم زياد والد حازم على المكتب الخاص بكل منهم وعلى طبيعه عملهم ،كان يامن سعيدا للغاية فاليوم اول يوم للعمل وهو فى قمة حماسته وشغفه

نظر يامن فوجد مكتب اخر ثالث معهم بالغرفه _حازم هو فى زميل كمان هيكون فى التيم معانا ولا ايه

حازم وهو يفرك ذقنه _اممم الظاهر كده بس بابا مقلناش يعنى

يامن _دلوقتى يجى ونتعرف عليه

بعد لحظات جاء لهم الرعد “وحش عائله الصياد”،فهبوا واقفين من مجلسهم

رعد_خليكم زى ما انتم ،انا جيت ابارك ليكم استلام العمل ،عايز شغل يشرف،خدوا بالكم انا مش بسمح بغلطات ها

يامن وحازم_ تمام يا باشمهندس

رعد_عايزكم ترحبوا بالعضو الثالث والمؤقت معاكم هنا فى المكتب

تعالى يا اسيل

يامن وحازم ينظرون لبعضهم باستغراب _اسيل

رعد _انا مش برحب بفكرة وجود اختلاط فى العمل بس مفيش بنات عندنا فى مجال عمل اسيل ،علشان كده انتم انسب اتنين اسيل ممكن تشتغل معاهم ،ياريت متقصروش رقبتى ومسمعش اسيل بتشتكى منكم ،

يامن وحازم _اطمن يا باشمهندس،هنكون قد ثقه حضرتك فينا

جاءت اسيل على استحياء والقت السلام فهى فتاة خلوقه وحييه جدا

جلست على مكتبها ولم تنظر الى ايا منهم

وقف بجوارها خالها رعد مطمئنا_لو احتجتى حاجه كلمينى علطول ،انا مش هكون مديرك المباشر ،بس بامكانك تكلمينى على تلفونى الشخصى لو فى حاجه ضرورى

اسيل_حاضر يا خالو ،نظر لها الرعد فقالت مسرعه _قصدى باشمهندس رعد

ابتسم لها الرعد وودعهم وانصرف

يامن _اهلا بيكى يا باشمهندسه ،،يشرفنا وجودك معانا في التيم

حازم _نورتى يابنت عمى

اسيل بحرج_ شكرا ليكم

تابع ثلاثتهم العمل بجد الى أن جاءت فترة البيرك

حازم _اسيل احنا هنروح ناكل اى حاجه من المطعم تيجى معانا

اسيل _شكرا يا حازم ،رايحه مع عمو زياد

زياد بغمزة ايوة يا عم حد قدك هتتغدى مع المدير ذات نفسه

تحرجت اسيل كثيرا وانطلقت خارجا

نكزه يامن فى كتفه _احرجتها يا زفت

****

دخل ادهم الى امجد فوجده يجلس ناظرا الى الاوراق بشرود ويطرق باصابعه على المكتب ويبدو انه لا يركز فى ما يفعله

ادهم بخبث_اللى اخد عقلك يا باشا ،ليك حق تسرح عريس بقا وكده

_ادهم انا مش فايقلك

دخل اسر وقد سمع كلمة عريس فقام باستفهام_عريس ،،ثم اكمل بفرحة_اخيرا النحس بتاع واحد فينا هينفك

زفر امجد بضيق_عاجبك كده ،اهو احنا مش هنخلص بقا

اسر _مقولتوليش مين العريس فيكم

تجاهله كل من امجد وادهم الذى قال _امجد انا وعدت فرح انك انت بنفسك هتقطع العقد

اسر_ايوة يا امجد ،ياريت البنت طيبه وغلبانه وكمان رقيقه

اوى

امسكه امجد من ملابسه _وايه كمان علشان اخلص عليك واخلص

اسر بخوف_ايه يا امجد ،هوا انا قلت حاجه ده انا بقول الحقيقه،فرح بنت جميله كوكتيل كده بين الرقه والشرا..

لم يكمل كلمته “الشراسه”فلقد لكمه امجد لكمة قويه أوقعت به ارضا

ادهم بضحك_تستاهل ،حد قالك تلعب مع العريس

اسر بصدمه ووجع من الضربه معا_نهار ابيض اوعوا تقولوا أن فرح هى العروسه

امجد بسخريه _عندك مانع يا خويا

سمعوا صوت شجار قوى بالخارج

نظر ادهم من النافذة فتغيرت معالم وجهه _فرح ايه اللى خرجها من الشركه

نظر امجد واسر الى ما ينظر اليه ادهم ،وانطلقوا ثلاثتهم للخارج

وجدوا فرح تتحدث مع احد ما بعصبيه شديدة ،عندما شاهدهم الرجل يتأتون من بعيد حاول الاعتداء على فرح وضربها فيبدوا انه ينوى اثارة غضبهم

جرى اليه بسرعه كبيره وامسك يده قبل أن تطال فرح بسوء وانهال عليه ضربا حتى ابرحه ،استغل الرجل فرصه إنشغال امجد بالنظر الى فرح ،وهرب بعيدا بسرعه

اقترب منها فى قلق حقيقى _فرح انتى كويسه ،الحيوان ده عملك حاجه؟!

كانت فرح تنظر اليه بنظرات لم يستطع امجد تفسيرها_فرح ،ردى عليا ،انتى كويسه

تكلمت فرح اخيرا فى حين أن ادهم واسر يقفان بعيدا نسبيا باوامر من امجد

فرح باستهزاء _عايز تفهمنى انك مش صاحب المسرحيه الهزليه اللى اتعملت دلوقتى

نظر اليها بعدم فهم _انتى بتقولى ايه

صرخت فيه فرح بحدة _انا فاهماك كويس اوى يا امجد ،وفاهمه انك لما تكون عايز حاجه بتعمل المستحيل علشان توصله ، اتفقت مع حد علشان يجى يقولى أن يامن بينتظرنى تحت وانا صدقته زى العبيطه ونزلت لقيت الرجل ده واول ما شافك عمل انه عايز يعتدى عليا وطبعا علشان حضرتك تيجى وكانك البطل المغوار وتنقذنى

،،لعبتك مكشوفه اوى يا امجد باشا ،

نظر لها امجد بصدمة فهو حقا لا يعرف شيئا عما حدث للتو

فى حين أكملت فرح _انا عارفه انت بتعمل ده ليه ،وبقولهالك اهو يا امجد انت لو اخر واحد فى العالم انا عمرى ما هوافق بيك ابدا ،

يتبع..