رواية قلب تائه الفصل الثالث 3 بقلم هاجر عمر
رواية قلب تائه البارت الثالث
رواية قلب تائه الجزء الثالث
رواية قلب تائه الحلقة الثالثة
حطت عينها ف الارض بخوف و ندم
انا حامل من مصطفى
كانت هتهجم عليها تانى بالضر.ب لكن طارق منعها و من جواه مكسور من اللى سمعه و موجوع منها بس حاول يتماسك قدامهم مهما ان كان اللى عملته ما يقدرش يشوفها بتتاذى بالشكل المهي.ن دا و شكل الد.م و هو نازل من مناخيرها و بوقها
وقع ع السرير بكسرة و دمعة على باب عيونه
ليه يا بنتى تعملى كدا و تكسرينى عملتلك ايه !! كدا يا طيف تحطى راسنا ف الطين
جريت عليه بلهفة و ركعت قدامه ع الارض و دموعها على خدها
انا اسفة والله يا بابا بس مصطفى كجوزى انا ما عملتش حاجة تغضب ربنا
بلعت غصة ف قلبها
انا عارفة انه غلط لانى خو.نت ثقتكوا و خا.لفت تقا.ليد المجت.مع بس والله غصب عنى انت اكتر واحد عارف انا حبيت مصطفى قد ايه و اللى حصل كان غصب عنى انا و هو لحظة ضعف و دخلها شيطا.ن بس ما اذ.نبناش يا بابا انا مراته على سنة الله و رسوله و قدام الناس و كله يشهد
دموعها نزلت
غلطنا الوحيد اننا ما كناش عاملين حساب لارادة ربنا و المستقبل صدقنى يا بابا انا ندمانة بس والله غصب عنى
دموعهم نزلت من كلامها كلهم و مصطفى نار قايدة ف قلبه من كلامها و قابض على ايده بقوة عشان يتحكم ف انفعالات وشه
ابوها حط راسه بين ايده و فضل يبكى على اللى حصل و الكارثة اللى وقعوا فيها
امها قربت بكسرة و قعدت جنب ابوها تخبط على رجليها و تندب
و يفيد بايه ندمك .. يفيد بايه ف الفضيحة اللى هنتفضحها
قرر يخرج عن صمته اخيرا ويقدم حل للمشكلة
لا فضيحة و لا حاجة يا طنط حضرتك هتروحى لاهل مصطفى و تعرفيهم كل حاجة و ان شاء الله تتحل و الطفل يتنسب لابوه و زى ما طيف قالت هو جوزها شرعا و قانونا و ف عقد يثبت كدا و بكدا هتنسبوا الطفل لابوه عادى
قام بعد صمته و حاول يتماسك قرب من مصطفى و طبطب على كتفه بامتنان و خجل من بنته
متشكرين يا طارق يا بنى على وقفتك معانا .. تعبناك يا حبيبي
قاطعه بسرعة
تعب ايه يا عم محمد ما تقولش كدا انا ما عملتش حاجة .. يا ريت كنت اعرف اساعد و الله ما كنت هتاخر
بصله بامتنان
عارف يا ابنى سداد يا طارق
بص لطيف بصة اخيرة و رجع لمحمد بعيونه و اتكلم بادب
طب استاذن انا يا عم محمد و لو احتاجت حاجة انا موجود
هز راسه بموافقة و انسحب طارق بهدوء
بصتله منيرة بوهن و حسرة
هنعمل ايه دلوقتي؟!
اتنهد
العمل عمل ربنا
عقدت حواجبها باستغراب
يعنى ايه ! هتسكت
اتكلم بحسرة
لا يا منيرة مش هسكت .. هتروحى بكرة من صباحية ربنا لام مصطفى و تحكيلها و هى هتقدر و إن شاء الله تتحل
بص لطيف اللى متكومة على الارض و راسها ف الارض بخزى و اتكلم بوجع منها
هى كانت بتحب طيف وكانت بتتمنى تبقى ف بيتها
لوت بوقها بسخرية
بتحبها
مصمصت شفايفها .
على الله تصدق بس
~~~~~~~~~~~~~~~~~~~~~~~
عدى اليوم و تانى يوم راحت منيرة لبيت مصطفى خبطت و فتحت لها ام مصطفى
ابتسمت بوهن
تعالى يا ام طيف اتفضلى يا حبيبتى
سمت الله و دخلت
يزيد فضلك
دخلتها الصالون و بتتكلم ببشاشة
والله ليكى وحشة و طيف وحشانى اوى هى فين بقالها فترة مش بتييجى و لا تسال .. دى من ريحة الغالى
اتوترت منيرة
و الله يا ام مصطفى انا كنت جيالك ف موضوع يخص طيف و مصطفى الله يرحمه
القلق بان على وشها
مالها طيف كويسة ؟! و مصطفى ؟!
التوتر اتملك منها اكتر
انا بس .. انا .. بصراحة كدا يعنى .. يعنى طيف و مصطفى
اتكلمت بحدة ناتجة عن خوفها و توترها
ما تتكلمى يا منيرة قلقتينى مالها طيف ؟!
بسرعة و اندفاع
بصراحة كدا يا ام مصطفى طيف حامل من مصطفى ابنك
فتحت عيونها بصدمة من رد فعل ام مصطفى **
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلب تائه)
