رواية جايده وشريف الفصل الرابع 4 بقلم نور رأفت

رواية جايده وشريف الجزء الرابع

رواية جايده وشريف البارت الرابع

رواية جايده وشريف الحلقة الرابعة

_ممكن انام معاك في اوضتك مش هعمل صوت
=نعم!!!!
_مش عارفه انا وحدي فا ممكن تنام معايا
=اه قلتيلي ،هيا مهمه منيله شكلي هتنقط
_ايه المشكله اني انام معاك
=استهدي بالله تنامي معايا فين يا ماما
_ممكن انام علي الكنبه وانت علي السرير
=طيب متشرحي يا جايده يا بنتي ،تعالي خلي ليلتك تعدي علي خير
نومها علي السرير و هوا نام علي الكنبه ،لقيها بتتقلب و منامتش
_شريف أنت صاحي
=نعم
_ممكن اطلب طلب لو سمحت
=قولي
_ممكن تحكيلي قصه
اتعدل بضيق و بصلها كانت نايمه ومطلعه رأسها برا الغطاء بترجي
=قصه ايه يا جايده أنا مبعرفش اقول قصص
_خلاص ،اسفه
تمتمت ورجعت تنام لحد ما مرت ساعتين و هوا لسا حاسس بنفسها المش منتظم
اتنفس بضيق و حاول ينام ويسيبها
_شريف ،شريف اصحي أنا خايفه يا شريف
=ايه يا جايده علي الصبح
_فيه حد بيخبط جامد علي الباب
=دقيقه هشوف مين
راح لقي ام ناهد باعته مع ناهد الفطار طلعت جايده بخوف من جوا قابلتها ناهد وهيا عمال تتكلم مع شريف إلي نايم علي نفسه
~بس يا سي شريف و قمت قايله لا أنا اللي اجبلك الاكل ب ايديا منتا طول عمرك بتحب تأكل من ايديا
بصت لقيت جايده لابسه عبايتها
وقالت ب حسره”هيا مالها يا اخويا العبايه احلوت كدا ،مكانتش حلوه كدا عليا ليه ،روحي يخربيتك وانتي بتنوري في الضلمه ،عندك حق تحبها يا سي شريف
قربت منها جايده و حضنتها ب فرحه “شكرا يا ناهد علي العبايه شريف قال إنها بتاعتك ”
حاولت تبصلها بقرف لكن صعبت عليها لما لقيتها طيبه كدا و قالت بصوت حاولت تخليه مضايقه”متشكرينيش ياختي دا انتي برضو ضيفتنا ”
طبطبت عليها و شريف شايف جايده بتتعامل ازاي معاها بلطف
~ا…احم أنا همشي يا أبيه فطار الهنا
_ناهد دي كويسه اوي
=ايوه طيبه
_كل المصريين كدا طيبين و حلوين
=لا مش كل الناس يا جايده متتعامليش مع حد غير لما تقوليلي
اومأت وهوا راح اتشطف و رجع لقيها قاعده علي الكنبه
=انتي مفطرتيش ليه
_مستنياك مش بعرف أكل وحدي
=طب يلا
قعدو ياكلو لقيها مش مركزه
=انتي منمتيش باليل
اتحمحمت بكسوف وقال”اسفه معرفتش انام م…..منغير قصه ”
اومأ التاني و عمال يفكر ازاي دي المفروض عندها 22سنه ازاي بس
=أنا رايح مكان هرجع علي اخر الليل هوديكي عند بيت ناهد تقعدي معاهم عشان متقعديش وحدك
_بس مش المفروض تستأذنهم ،افرض مرضيوش
=لا متشغليش بالك
خدها وهيا مسكت أيده بتوتر خبط علي الباب وفتحت ام ناهد
=يا ام ناهد هسيب عندكم جايده شويه لحد ما اخلص شغلي
قربت منو قوي بخوف لما شافت بنات كتير بصو من الباب مره واحده
~احنا نفديك الساعه لما ست جايده تقعد معانا يا اهلا وسهلاً يا بنتي ادخلي اتفضلي
قرب منها و همس “متقلقيش دول ناس كويسه ،متخافيش”
شدت علي ايده بخوف”ه…هتتأخر ،انا معرفش غيرك ”
طبطب علي أيدها بيطمنها
=لا مش هطول لو احتجتي حاجه قولي ل ام ناهد
~تعالي يا ناهد انتي و عبير خدو جايه معاكم
جات عبير خدتها و شريف اتكلم مع ام ناهد فهمها الوضع ب أختصار و أن جايده في خطر خلا الست حزنت عليها
~متخفش يا ابني دي في عنيا
=عشان كدا سايبها عندك يا ام ناهد ، همش أنا بقي
عند عبير اللي دخلت جايده علي ناهد و البنات اللي متجمعين في اوضه كبيره بيتكلموا
~ابيه شريف رايح مشوار و ساب جايه معانا
~اهلا يا بت الأجانب تعالي تعالي
~ادخلي يا جايده
كانت مكسوفه منهم و مش عارفه تتعامل وهما قاعدين في دائره بيتكلموا
~مالك ياختي متفرفشي كدا و تناخشينا
_ا أنا اسفه مش عارفه المفروض اعمل ايه
~متعمليش حاجه يختي اقعدي شاركينا بتعملي ايه يختي
اتكلمت ناهد وهيا بتشدها من البنات لجنبها ” بس يا بنات مش متعوده علي الزريبه دي هيا براحه
_لا لا معنديش مشكله بس أنا مش عارفه ممكن اتكلم في ايه
~البت فاطمه فرحها اخر الاسبوع و بنعمل ماسكات و حجات بنات كدا عشان نقبي بدر منور في الفرح،عندك أي ماسكات زينه للبشره
قعدو يتكلموا معاها و يعودوها عليهم لحد ما اندمجت معاهم لحد اليل جه شريف خبط عليهم و استأذن ياخدها
اول ما شافته ودعت البنات و جريت مسكت في أيده زي الاطفال
=عملتي ايه
_البنات لطاف خالص قعدنا نتكلم بس قالولي دي حجات بنات مينفعش نتكلم فيها مع واحد راجل ،سألتهم ينفع اتلكمت معاك قالولي لا أنت واحد راجل برضوا
اومأ و هوا بيبتسم و بيفتح الباب بتاع بيته
=جبتلك شنطك
_شكرا خالص
=مش عارف هتكفيكي لحد ما تمشي ولا لاء بس لو كدا ممكن تشتري اللي ناقصه من هنا
_هوا احنا هنطول هنا
=ايه مش حابه المكان
_لا،دا لطيف الناس هنا حلوه ،طنط أم ناهد قعدت تأكل فيا وتقلي كلي يا بت انتي هفتانه ليه كدا رمي عضمك ،مش عارفه كان قصدها ايه بس كان أكلها حلو
ضحك عليها و حرك شعره ل ورا ب سخريه من اللي بيعمله و انو قاعد يسمع حكاوي عيله بدل ما يقوم قتل اللي حاول قتلها و يخلص
_و بس فاطمه قالتلي اني شبه واحده قريبتها و لقيت شبيهي الثالث لأني في لندن شفت شبيهتي الثانيه
=كويس انك انبسطي ،أنا تعبان خالص هدخل انام
دخلوا ينام هوا نام علي الكنبه وهيا نامت علي السرير مر شويه وقت و برضو منمش من التفكير و التعب
_انت نمت
=لا
_انتَ تعبان
=ايوه
قامت شدته من أيده وهوا مش فاهم
خلته ينام علي السرير و قعدت تملس علي شعره “كان يا مكان في سالف الزمان قبل الأوان ما يبان ”
=انتي بتعملي ايه يا جايده