رواية المؤامرة الجزء الثاني (العودة) الحلقة الثانية والعشرون 22 والأخيرة بقلم منة محسن

روسندا: ابنك ساب فتكات وعجبه الخدامه بتاعتها..

كرم بصلها: خلاص بدل ماهو عايز يتجوزها مفيش مشكله.. بس المهم تكون محترمه وكويسه.

روسندا هزت راسها بإيجاب: هى شكلها كويس هما قاعدين مع بعض فى الصالون .

كرم وقف وبصلها بضيق: وازاى تسيبيهم مع بعض لوحدهم؟

روسندا: كررررم انا واثقه فى ابنك انت بتتكلم ازاى!

كرم بعصبيه: روسندا انتى كل تصرفاتك غلط انتى لابتكبرى حد ولا بتحترمى حدوده فى حد زاته معصبنى شوفى انتى بتعملى ايه قدام الناس وفاكره ان دى شطاره ..دى قله ادب .

روسندا بصاله ومصدومه:انت بتقول ايه يا كرم انا تصرفاتى قليله الادب!؟؟؟؟

كرم :ماينفعش تبوسينى قدام حد ماينفعش تحضنينى قدام حد غريب انا مبرضيش اكسفك ومشهستنى لما حد يتكلم زى العمه سعديه.. انتى مش شايفه ان دى حاجه غلط؟

روسندا بصاله :انت بتزعق ليه!…انت انت بتتكلم معايا كده ليه ده جزاتى لانى بحبك؟؟؟

كرم: الحب مش كده ده جنون ده تخلف انا بضحك وبحاول مزعلكيش بس انتى مبتحسيش بغلطك انتى اتماديتى اوى يا روسندا..

روسندا بصاله بدموع ومسكت قميصه بعنف: انا اعمل اللى عيزاه وقدام اى حد انت جوزى. 

كرم مسك دراعها بعنف:انتى مش حره وعيب لما تمسكى جوزك بالطريقه دى.

روسندا الدموع نزلت من عيونها وهو زاء ايدها بعنف وسابها ومشى.

روسندا حطت ايدها على بؤها وقعدت على الكنبه وهى بتعيط .

مهند: ايه اللى خلاكى تشتغلى الشغلانه دى!…يعنى فين عيلتك هما ليه سابوكى تشتغلى فى بيت ناس؟

جميله بصتله :انا ببايا متجوز و..وماما ..متجوزه واحد تانى..وعيله الست فتكات عيله كبيره والشغل معاهم هو متعب بس باخد اجر حلو..ودلوقت هى طردتنى بس هروح للست الكبيره واقولها اللى حصل.

مهند بصلها وهز راسه بنفى:ملوش داعى تروحى لحد…انا هتجوزك ده طبعآ لو وافقتى..بس الاول هتعرفى كل حاجه عنى وانا كمان عايز اعرف عنك اكتر.

جميله بصتله بصدمه ووقفت: بس..بس..

مهند وقف وقاطعها:بس ايه مش عاجبك؟…انا بروح جم والله وشايف ان جسمى حلو ..

جميله هزت راسها بنفى: مش القصد بس حضرتك مش من مستوايا و..وانا مابنفش اتجوز واحد زى حضرتك كبير مش فى السن قصدى ليك هيبه وظابط والظباط بيتجوزوا كتير وانا هبقى ليا ضره وده مش مقبول عندى اتجوز واحد فقير ومن مستوايا على انه يتجوز عليا..

مهند ابتسم: بس انا مش هتجوز تانى..انا تفكيرى غير الناس الباقيه وزى منا مقبلش ان ابويا يتجوز على امى انا مش هتجوز على مراتى..ولو انا هضايقك او هعايرك بعد كده ليه هتجوزك من الاول؟؟!

جميله بصاله بتفكير:اا..انا بسمع عن حضرتك وعن عيلتك بس..بس عمرى متخيلت انى ممكن اكون واحده منكوا..انا اسفه مش هقدر.

كرم دخل الصالون وبصلهم وجميله بصتله .

كرم بصلها وابتسم بخفه: اهلا بيكى فى بيتنا المتواضع.

جميله بصتله وابتسمت بخفه: انا انا ممنونه جدا انى موجوده هنا بجد و…وسعيده جدا انى قابلت حضرتك ..واستاذ مهند وروسندا هانم انا بجد سعيده جدا بشوفتكوا وكنت بتمنى اشوف الانسه ورد بس …بس..

كرم لاحظ توترها الزايده وقاطعها:انا حاسس ان ابنى معجب جدا بأدبك بس ده مايمنعش انه غلط لما قعد يتكلم معاكى ووترك…انا بعتذرلك بالنيابه عنه ..مهند عايزك.

مهند بصلها: عن اذنك.

مشى معاه وهى ابتسمت بسعاده: انا حاسه انى بحلم انا بجد اتكلمت مع كرم بيه وروسندا هانم ومهند بيه ..ده زى الحلم..

كرم: انت كنت المفروض تخلى امك تتكلم معاها مش تتكلم انت وتوترها وتخليها مكسوفه.

مهند: انا مكنش قصدى بس انا كنت عايز اسألها شويه اسئله عن نفسها.

كرم: يبقى امك تتكلم معاها تشوف رأيها فيك ولو كده تتكلم انت معاها.

مهند بصله وهز راسه بإيجاب: طيب..انا اسف.

كرم ابتسم وحط ايده على كتفه:انا سعيد بيك انت بجد شاب صالح.

مهند ابتسم :انا ابن كرم بيه وعايزنى ابقى مش صالح!

كرم ابتسم وروسندا قعدت مع جميله واتكلمت معاها عن موضوع جواز مهند كلمتها عن كل حاجه حصلت لمهند وازاى هو شاي كويس ومش هتندم على موافقتها عليه.

جميله: روسندا هانم انا ماطولش ابقى من عيلكوا بس..حضرتك ست وهتفهمينى.

روسندا هزت راسها بإيجاب: انا فهماكى وعيزاكى تطمنى خالص من النحيادى مهند مش كده.

جميله ابتسمت وبصت فى الارض بكسوف وبسعاده.

روسندا ابتسمت: شايفه على وشك القبول.

جميله بصتلها بأبتسامه وهزت راسها بإيجاب: انا..موافقه..

روسندا ابتسمت وقامت حضنتها جامد:يا عمرى مبرووووك يا قلبى .

جميله ابتسمت وحضنتها بسعاده.

روسندا بعدت وبصتلها بأبتسامه :انا هروح اقولهم الخبر الحلو ده ..

خرجت برا الاوضه وجميله ابتسمت بسعاده وضمت وشها بكسوف.

روسندا بصت لمهند وبتتجاهل تبص لكرم:هى وافقت.

مهند ابتسم وهى حضنته جامد:مبرووك يا عمرى..مبروك.

مهند ابتسم ومسك ايدها باسها:ربنا يخليكى ليا ياست الكل.

روسندا ابتسمت بخفه .

للكاتبه/منه محسن[Milly]

فى المستشفى.

فرح بخوف ودموع:منير اسمع كلامى وبلاش العمليه ابوس ايدك انا عارفه انى مش هخرج منها على خير.

منير ملك وشها بين ايده وبيطمنها:اهدى اهدى انا معاكى وهفضل ادعى ربنا يخرجك منها على خير بس انتى متخافيش اعرفى دايمآ ان بدل مامنير معاكى عمر محاجه وحشه هتحصلك.

فرح بصاله بدموع وهزت راسها بإيجاب وهى ماسكه ايده وباين عليها الخوف .

شاهيناز حطت ايدها على شعرها :بأذن الله هتكونى بخير يا روحى وهتكونى اسعد الناس انتى لازم تتخلصى من الخوف ..

فرح بصتلها وهزت راسها بإيجاب.

كارم حط ايده على شعرها وبصلها بأبتسامه خفيفه بيحاول يطمنها بيها:كلنا معاكى وهنقف جنبك لحد ماتقفى على رجلك بالسلامه..

فرح ابتسمت بدموع وهزت راسها بإيجاب وبصت لمنير اللى لسه ماسكه ايده.

منير بصلها وابتسم بخفه وحضنها وغمض عيونه بقلق وبحزن:اا…انا..شكلى استلطفتك و..

مسك بأيده على بؤه وكأنه عايز يقولها حاجه بس مش قادر :هو ..انا هفضل معاكى واتأكدى ان كلنا عيلتك..و..كفايه كده اظن..

فرح ابتسمت :انا كمان شكلى استلطفتك.

منير ابتسم بدموع اتجمعت فى عيونه بتلقائيه وبعد وبصلها بأبتسامه: هترجعى مش كده؟

فرح مسحت دموعها وهزت راسها بإيجاب: انشاء الله..

الدكتور: استاذه فرح معاد العمليه دلوقت.

فرح بصتله وهزت راسها بإيجاب وبصتلهم ولمنير ودموعها بتنزل من عيونها سابت ايد منير وراحت مع الدكتور.

منير غمض عيونه بتنهيد وشاهيناز بصت لكارم بحزن وحطت ايدها على كتفه :ادعى ربنا يخرجها بالسلامه..

منير بصلها وهز راسه بإيجاب.

بعد دقايق ولما بدئوا يعملولها العمليه.

منير ساند ضهره وراسه على الحيطه ومغمض عيونه مشاهده ومعملته لفرح بتتعاد قدامه وبيندم على كل لحظه هو اذاها فيها او جرح قلبها بكلامه..

Flash back

خدت الدوا وقعدت على الكنبه بتعب: اااه..

منير بصلها: ايه هتموتى؟

فرح بصتله بغضب وبعدت نظرها عنه بتعب.

منير بصلها بلؤم وقرب وهى بصاله ومستغربه من تقربه الزايد منها .

منير حط ايده على ضهر الكنبه وحاوطها وهى بصاله .

منير قرب باس رقبتها وهى زأته وجريت على فوق بسرعه وقفلت الباب.

_فرح بأنزعاج وتعب من الصوت ومن ريحه السجاير:وطى صوت التليفزيون شويه ده عالى جدا..

منير مسك شعرها بعنف وبصلها بغضب وهى صوتت من الالم:اااه…انت بتعمل ايه سيب شعرى.

منير بغل وبغضب:انتى كنتى قاصده يغمى عليكى علشان تتهربى منى.

فرح بتحاول تبعد ايده عن شعرها بغضب:انت مجنون هو انا لما اعمل نفسى مغمى عليا انت مش هتحس؟

منير بصراخ :اسكتى .

فرح سكتت وهى بصاله بدموع قاطعهم صوت خبط على باب البيت.

منير سابها بعنف وقام من على السرير:غيرى زفتك علشان تنزلى وبعد مايمشوا انا هعلمك تتهربى ازاى من منير..

_فرح بصاله وهو بصلها بأبتسامه ومسك وشها بغل:بعشق صوت المك..ومش قادر اريحك.

فرح غمضت عيونها بعياط وهو مسك وشها بعنف:عيطى عيطى اكتر يا روحى.

فرح بتعيط وبعدت وشها.

منير بعد عنها:نامى..

فرح بصتله: مش عايزه انام جانبك.

منير شدها من شعرها بعنف وهى صوتت:انا لما اقول حاجه تقوليلى حاضر ونعم وبس…مفهوم؟

فرح بتبعد ايده من على شعرها وبتعيط:منير سيب شعرى بقى انا تعبانه انت ليه بتعمل كده انا مش فاهمه.

منير زاها على السرير بعنف وحط صباعه على بؤه وبصلها بتحزير:هشششش..مش عايز اسمع صوتك..نامى ومن غير نفسك.

فرح بصتله بغضب وبعياط وهو نام وخادها فى حضنه وهى انكمشت بتوتر وخوف.

_فرح مسكت هدومه بصراخ وبعياط: انت ازاى تعمل كده وتخبى خبر موتها علشان الفرح علشان مصلحتك ورغباتك الزباله زيك انت فى نظرى السبب فى موتها السبب فى موت روحى وبسمتى فى الدنيا ..انت مجرم وربنا هينتقملى منك وهتتحاسب على كل اللى عملته انا سلمت امرى لربنا وعمرى مهسامحك وصدقنى انت هيتحرق قلبك فى يوم على حد بتحبه زى ماتحرق قلبى عليها..

Back

منير فتح عيونه فجأه اللى بقت حمرا من كميه الدموع المحبوسه فيهم..

عدت الساعات ومنير مستنى يسمع النتيجه على احر من الجمر .

بعد مالعمليه تمت والدكتور خرج.

منير راحله بسرعه:طمنى يا دكتور..هى كويسه؟

الدكتور ابتسم وهز راسه بإيجاب: اطمن العمليه نجحت.

منير ابتسم بسعاده :نجحت؟

شاهيناز ابتسمت وحضنته جامد:الحمدالله الحمدالله يا عمرى..

منير ابتسم وباس خدها وحضنها جامد.

كارم باصص لمنير وبيحاول يفهم من طريقته هو حبها ولا لا..

للكاتبه/منه محسن[Milly]

روسندا قاعده على السرير بتعيط وكرم فى الحمام بياخد دوش وسامع صوت عياطها.

كرم غمض عيونه بضيق وبعد ماخرج من الحمام.

روسندا مش بصاله وحاضنه المخده وقاعده تعيط.

كرم قعد قدامها وبصلها بقله حيله: افهم بس بتعيطى دلوقت ليه؟

روسندا بصتله وبتعيط :انت..انت اتغيرت معايا وبقيت تزعقلى وكل ده ليه علشان بحبك وعايزه ابقى جانبك دايمآ خلاص كده غلط؟؟؟!

كرم بضيق وبيحاول يتكلم بهدوء: وهو انا علشان بقولك على الصح والغلط كده انا غلط ؟!

روسندا: لا انت كنت بتكلمنى بهدوء دلوقت حالك اتبدل وبقيت تشخط فيا روسى زعلانه منك انت انت اتعودت تبقى بعيده عنك وعلشان كده مبقتش قادر تستحملنى ..

كرم ملك وشها بين ايده وهز راسه بنفى: واللهى ابدا يا روسندا انا عايزك احسن الناس ومش عايز حد يشوف تصرفاتك غلط انا شايفك بتتصرفى غلط اقولك ولا استنى لما حد يتكلم ووقتها انا مش هسكتله مع انه هيبقى عنده حق..

روسندا بصاله بدموع وسكتت وهو قرب حضنها: متزعليش منى يا قلبى انتى عارفه ان مفيش غير روسى فى قلبى وفى عقلى وهى روحى كلها لازم تفضلى عارفه كده لان عمرى ماهسيب روسى تانى وعمرى مهزعلها لو هى بقت كويسه صح؟

روسندا حضنته جامد:انا اسفه.

كرم ابتسم وباس راسها :سنويه عزام بيه بكره.

روسندا بعدت وبصتله بحزن وهزت راسها بإيجاب: انا هروح ازوره فى قبره انت هتيجى معايا صح؟

كرم ابتسم وهز راسه بإيجاب: اكيد ولا اسيب جميلتى تروح لوحدها والناس تضايقها ؟

روسندا ابتسمت وباست خده :انا هروح اطمن على مهند واشوفه نام ولا لسه ..وهكلم ورد كمان.

كرم هز راسه بإيجاب: روحى اطمنى على مهند وانا هتصل بورد عقبال ماتيجى.

روسندا هزت راسها بإيجاب وقامت راحت لئوضه مهند خبطت على باب الاوضه مردش وده اللى خلاها دخلت :مهند..

سكتت لما شافته نايم على السرير وحاضن صوره عزام.

روسندا قربت منه خدت الصوره بهدوء بصتله واستغربت جدا هو ليه معاه صوره عزام مع ان عمره مقابله ؟

مهند فتح عيونه وبصلها: ماما..

قعد على السرير وهى بصتله: اا …حبيبى انا قلقتك؟

مهند هز راسه بنفى: انا مش عارف ازاى غلبنى النوم ونيمت ..فى حاجه؟

روسندا هزت راسها بنفى: انا كنت بشوفك عامل ايه..هو انت شايل الصوره دى معاك ليه؟

مهند بصلها :هو انا مقولتلكيش!…انا دخلت اوضه عزام بيه المقفوله وحبيت استكشفها يعنى.. لقيت الصوره دى ولقيت مزكراته انا حبيته جدا الواضح انه كان شخصيه كويسه لان طريقه كلامه فى مزكراته بتبين انه كان مقريب من ربنا انا حبيته جدا واحترمته وخدته قدوه ليا..

روسندا ابتسمت بحزن وحضنته: هو فعلا كان شخص رائع ..

مهند: انتى هتزورى قربره بكره صح؟

روسندا هزت راسها بإيجاب.

مهند مسك ايدها وبصلها:انا هاجى معاكى..حابب ازوره بيقولوا ان الميت بيحس لو حد زاره واكيد هو هيبقى سعيد لو عرف انى زورته.

روسندا ابتسمت بدموع وهزت راسها بإيجاب: تعرف انه كان بيتمنى يشوف اجفاده..هو كان اكتر من اب بالنسبالى لحد دلوقت انا بحترمه وبحبه جدا.

مهند ابتسم بخفه ومسك ايدها: وهو اكيد بيحبك..هو كاتب كده فى مزكراته.

روسندا ابتسمت بدموع وحضنته وغمضت عيونها .

كرم بيكلم ورد فى التليفون .

كرم: حبيبتى متزعليش جوزك ومتجننهوش معاكى ..

ورد ابتسمت وهزت راسها بإيجاب: حاضر يا بابا..

كرم: ايه الصوت ده!

ورد بصت لثائر: اا..هو ..ثائر بيعمل اكل.

كرم كشر بأنبهار:نعم؟…ثائر هو اللى بيعمل اكل؟

ورد ضمت شفايفها وهى باصه لثائر:اا…هو عايز يكلمك.

كرم: هاتيه يا قلبى..هاتيه..

ورد ادت التليفون لثائر اللى بيعملهم اكل:السلام عليكم .

ورد ابتسمت وبتاكل من الاكل 

كرم: ازيك يا ثائر ايه اخبارك؟

ثائر: تمام الحمدالله .

بيتكلم معاه وورد بتحط ايدها على ذقنه :ياااع بتشوك.

ثائر مسك ايدها وبيشاورلها تسكت:اكيد يا عمى اكيد بوعدك مش هتلاقى اى شكوه منى..

كرم: شكوه ايه انا متأكد انى مش هلاقى شكوه منك انا خايف لانت اللى تشتكى.

ورد هزت راسها بنفى :احلقها..

ثائر :طيب يا عمى حضرتك تأمور تمام احنا هنستنى اتصالها..

بعد ماقفل معاه.

ثائر مسكها وبيزغزغها بهزراء:بجى كده تشتتينى وانا بكلم ابوكى.

ورد ضحكت و بتحط ايدها على ذقنه :ثائر احلقها بتشوك.

ثائر ابتسم وكشر:مش هچباكى؟

ورد هزت راسها بنفى: بتشوكنى .

ثائر بعند:لاع ماهحلجهاش..انا بحبها..

ورد بصتله بتكشير :وهو انت بتحبها اكتر منى!..هى بتأذينى..

ثائر ابتسم ومسك ايدها باسها: مستحيل حبها اكتر من چنزورتى.

ورد ابتسمت وبصتله بلؤم: يبقى تحلقها.

ثائر ابتسم بلؤم وهز راسه بنفى: بردو لاع.

ورد بعدت عنه بتكشير:خلاص يبقى متقربليش بقى..

ثائر شدها من وسطها عليه وبصلها بعند وبأبتسامه: لو عايز هجربلك.

ورد: هاهاها ابقى ورينى ازاى..

بتحاول تبعد ايده عنها وهو مسبتها بدراع واحد ومتهز ولا شويه .

ورد غمضت عيونها بضيق: هااا..

ثائر ضحك: اوريكى كيف جولتى؟

ورد بصتله وبأبتسامه وتهرب:هاا..اا..انا كنت بهزر معاك ..

ثائر ابتسم وهو باصصلها: امم منا خابرك..

ورد بعدت نظرها عنه وبتتهرب من نظراته ليها:اا..الاكل هيتحرق.

بعدت عنه بسرعه وهو قلب الاكل .

ورد جالها اتصال مسكت تليفونها وردت:الو .

روسندا ابتسمت لما سمعت صوتها:ازيك ياروحى عامله ايه؟

ورد ابتسمت: الحمدالله .

روسندا :ايه اخبارك وايه اخبار جوزك؟..انتى مبسوطه هناك!؟

ورد هزت راسها بإيجاب وبصت لثائر اللى واقف بيطبخ فى المطبخ:انا سعيده فى اى مكان موجود معايا فيه.

روسندا ابتسمت: ربنا يخليكوا لبعض يا عمرى ويسعد قلبك انتى وجوزك وتفضلوا مع بعض طول العمر ..

ورد ابتسمت: امين يا ماما..

فى اليوم التالى..

منير ماسك ايد فرح بأبتسامه: حمدالله علة سلامتك الف حمدالله على السلامه..

فرح بصتله وبتحاول تقعد وهو ساعدها..

فرح بتبص حواليهم وبصتله :اا..العمليه نجحت؟؟

منير ابتسم وهز راسه بإيجاب: نجحت وانتى بقيتى كويسه.

فرح بصتله بسعاده :اا..انت ..بتتكلم بجد؟؟؟؟

منير ابتسم وباس ايدها:انتى هتعيشى وهتفضلى معانا..ومنير هيجيبلك كل اللى عيزاه وعمره مهيضايقك وانا مستعد اتجوزك من جديد لو عايزه واعملك فرح تانى وكل اللى انتى عيزاه انا غلط معاكى واللى عيزاه انا هعملهولك.

فرح حضنته جامد وغمضت عيونها بعياط وهى بتضحك:انا انا متوقعتش انى هعيش انا انا ..بجد مش قادره اصدق ..

شاهيناز دخلت اوضتها هى وكارم وابتسموا لما شافوها شاهيناز جريت عليها حضنتها:حمدالله على السلامه يا عيونى .

فرح ابتسمت وحضنتها جامد:انا انا بجد متشكره جدا ومش عارفه اشكركوا ازاى من غيركوا انا مكنتش هبقى عندى الجراه ادخل اوضه العمليات او ا الخطوه دى.

كارم ابتسم وبصلها: فرح دلوقت انتى بقيتى كويسه…والخيار فى ايدك..عايزه تبقى مع منير ولا لا؟

فرح بصتله وبصت لمنير وهو بصلها :ااا..مهما كان اختيارك ف انا مش هز..

فرح قاطعته بكلمتها:لو منير هينسى كل اللى حصله ونبداء حياه جديده فانا مش هسيبه..

منير بصلها ابتسم بخفه وشاهيناز ابتسمت.

فرح بصت لمنير:هتصلى وهتمشى كويس وتتقى ربنا فى معملتك ليا..وتبقى منير اللى انا اتمنيته..ف انا بحبك..

منير باصصلها وابتسم :واللهى…هو ..

كارم قاطعه بأستعباط : لا لا انت جاى على نفسك ليه شاكله مش حابب الفكره خلاص..

منير بصله واتكلم بسرعه :لا لا مين قال …انا موافق هجرب حياتك..وخصوصآ انى عرفت ان الحياه دى متسواش حاجه ممكن اى مرض ربنا يبتليكى بيه..وتتنتهى حياتك فى اوضه صغيره محدش هيبقى معاكى فيها..

فرح ابتسمت ومسكت ايده: انا فرحانه انى بسمع منك الكلام ده..

منير ابتسم وقرب باس راسها: انا اسف.

فرح ابتسمت وهو حضنها.

شاهيناز زغردت:لولولولولى..

كارم بصلها بصدمه ومسك دراعها:يابت احنا فى المستشفى.

شاهيناز: وايه يعنى مش خساره فيهم.

فرح ابتسمت.

للكاتبه/منه محسن[Milly]

روسندا ومهند وكرم وعادل وفاطمه عند قبر عزام وجايبين شيخ بيقراء قرأن.

روسندا بتمسح دموعها اللى بتنزل من عيونها بتلقائيه ..

مهند باصص لقبره وبيكلمه من جواه..

بعد مالشيخ خلص قراه وقرئوا الفاتحه على روحه وعلى روح مامتها اللى دافنينه فى قبر جنبها..

روسندا قربت من قبره وحطت ورد وعلى قبر مامتها كمان.

كرم عمل نفس الحكايه وقرب حضنها وهى انفجرت فى العياط اكتر .

كرم بيربط على كتفها:اهدى يا روحى اهدى هو اكيد سعيد لانه مع مامتك وسعيد انك زورتيه..

روسندا هزت راسها بإيجاب وهى بتعيط .

كرم بص لمهند وهو ابتسم بخفه: عايز افضل معاه هنا شويه لوحدى..سيبونى وامشوا انتوا وانا هحصلكوا.

كرم هز راسه بإيجاب: متأخرش..

خاد روسندا ومشى ومهند انحنا قدام قبر عزام.

مهند ابتسم بخفه وهو بيحطله ورد :جدى..انا مهند..ابن بنتك روسندا.. انا بحبك جدا وبحب شخصيتك..انا اتمنيت كتير تكون عايش ونتقابل واتكلم معاك..بس ده مايمنعش انى هزورك كل يوم وهحكيلك عن كل حاجه بتحصل معانا..وهعرفك اد ايه حفيدك بقى ناجح وهيتجوز كمان وبنتك رجعت وكل حاجه اتصلحت ..انت بالنسبالى معايا فى كل مكان ووقت مبقى زعلان انا بكلمك فى غيابك ..او بقراء مزكراتك وبشوف انت ازاى كنت بتتصرف فى المواقف دى..انا بجد اتعلمت كتير منك..انا فخور ان كان فى يوم شخص زيك فى العيله الناس كلها بتحبه وبتحترمه ولسه ليه مشاريع وشركات بتتطور..وحفيدك بقى ظابط وهيحميلك كل املاكك..

عدت فتره وفى اول يوم فى عيد الاضحى..

فى فله مصطفى الجوهرى..

الخدامه طلعت لئوضه لينا:لينا هانم مصطفى بيه بيقولك انزلى بسرعه.

لينا بصتلها قفلت الروايه اللى كانت بتقرأها وهزت راسها بإيجاب: طيب قوليله نازله حالا..

الخدامه هزت راسها بإيجاب ونزلت ولينا وراها..اتصدمت لما شافت اسلام وماجده ومحمود طول الفتره اللى فاتت مكنش حد فيهم بيكلمها او بيشوفها..

ماجده ابتسمت لما شافتها قامت وحضنتها. ولينا مستغربه وشبه مصدومه بصت لمحمود وهو ابتسم وغمزلها .

ماجده بعدت وبصتلها بأبتسامه: ازيك يا لى لى؟

لينا بصالها ومصدومه:اا..الحمدالله..

ماجده ابتسمت وقعدتها معاهم وهى سلمت على محمود واسلام.

ماجده: مصطفى متفاتحها فى الموضوع اللى جاينلها علشانه..ولا اقولك انا هقولها حبيبتى انا جايه اطلب ايدك لابنى بصى هو انا جوزته بس ملقتش البنت اللى كنت فكراها هتبقى مناسبه لابنى..ومحصلش نصيب انا جايه بعتءرلك عن كل اللى حصل زمان وبتمنى تسامحينى ونبداء بدايه جديده انا عمرى مهضايقك تانى لانى فعلا عرفت ايمه البنت اللى زيك…وعاشرت ناس كتير ملقتش بنت فى طيبتك ولا فى تحملك …انتوا من فتره عملتوا اسقاط نسب وعادى لو اتجوزتوا..

لينا بصالها وبصت لاسلام اللى ابتسم وماجده مسكت ايدها بأسف:عارفه انى غلط كتير فى حقك بس مسير الواحد يعرف الصح من الغلط..وانا عرفته خلاص وعرفت انك البنت المناسبه لابنى اسلام هو بيحبك …واتمنى تكونى لسه بتحبيه ومبقاش فى حد فى حياتك.

مصطفى: هو الحقيقه ان لينا جايلها عريس وانا كنت لسه هفاتحها فى الموضوع .

ماجده ابتسمت وهزت راسها بنفى: ملوش لزوم تفاتحها الحمدالله اننا صبقنا..

وتضحك .

اسلام بص للينا بأبتسامه: وحشتينى..

لينا ابتسمت وبصت فى الارض .

ماجده: ايه موافقه؟

لينا بصتلها وبصت لمصطفى: اا..القرار قرارك.

محمود بصلها بغيره :وليه مايكونش قارى انا؟

لينا ابتسمت: القرار قراركوا..

محمود ابتسمت وبهزر:الحقيقه انا شايف انك تستاهلى شاب احسن.

اسلام بصله وبرق والكل ضحك.

محمود ابتسم:بس عازك جنبنا ومننا..وعلشان كده موافق.

مصطفى: انا شايف على وشك الرضا وبالنسبالى اتمنى اشوفك عروسه لو عندك اى اعتراض ممكن تقولي.

ماجده: لا هى معندهاش انا عارفه.

لينا ضحكت .

مصطفى ابتسم:على بركه الله..

سوسن زعردت وراحت حصنت لينا جامد:يا روحى مبرووووك ..انتوا نصيبكوا لبعض ورغم الوقت اللى عدا انتوا اتجمعتوا فى الاخر والنصيب هو اللى جمعكوا.

لينا ابتسمت وبصت لاسلام اللى مبتسم ورفعلها حواجبه وبهمس:بحبك.

لينا ابتسمت بكسوف وبعدت نظرها عنه وهو ابتسم.

للكاتبه/منه محسن[Milly]

وفى الصعيد فى محافظه المنيا بالتحديد..

ثائر لبس جلبيه بيضه وكانت مزوداه وسامه على وسامته …راح وقف قدام ورد اللى لابسه عبايه بيضه ليها اجنحه شبيهه بالفستان وحجاب ابيض.

ورد بصتله بأبتسامه وهو ابتسم: بتضحكى ليه؟

ورد ضحكت وباست خده: اول مره اشوف واحد حلو كده فى الجلبيه البيضه..

ثائر ابتسم ونزل لبطنها حط ايده عليها وباسها وهى ابتسمت: هو هيصلى معانا اول عيد يجى وهو موجود..واول عيد يجى واحنا مع بعض..

ثائر ابتسم ومسك ايدها باسها: ربنا يخليكى ليا يا ام ابنى وزوچتى الغاليه..انتى اهم حاچه فى حياتى..

ورد ابتسمت وقربت باست راسه وهو ابتسم ووقف:يلا علشان نلحج الصلاه..

ورد هزت راسها بإيجاب وبأبتسامه.

نزلوا من شقتهم وسعديه وزهراء بصولهم وابتسموا:يا ربى مابتتخيلوش جد ايه انتوا لايجين عابعض..خلى بالك عامراتك لاتج خطر عليها..

ثائر ابتسم وحط ايده على كتف ورد:ماتجلجوش هما الاتنين فى عيونى.

ورد ابتسمت وسعديه كمان:ربنا يخليكوا لبعض وتبجى دايمآ حنين عليها..

سميره:مهند يلا خود مراتك ويلا علشان منمشيش بعرض الشارع كل واتنين يمشوا مع بعض..

مهند: حاضر يا ستى.

ويمسك ايد جميله :تعالى يا روحى.

جميله ابتسمت ومسكت ايده.

مهند همسلها وهما ماشيين:كل سنه وانتى معايا..

جميله ابتسمت وبصتله: وانت طيب.

مهند ضحك: طيب هعديها بس يا ترى مراتى جابتلى هديه زى ماجبتلها؟

جميله بصتله بانبهار:انت..جبتلى هديه؟

مهند بصلها بأبتسامه وخبث : انا قولت كده؟

جميله ضحكت وبصتله بحماس:مهند بجد ..

مهند ابتسم وحط ايده على كتفها:خليها مفاجئه..بعد الصلاه هقولك.

جميله ابتسمت وباست ايده.

روسندا وكرم وعادل ماشيين مع بعض وسميره ماشيه مع فاطمه : احنا هنروح لورد وثائر علشان نصلى مع بعض.

كرم: هما قريبين من هنا يعنى ممكن نقابلهم.

خديجه ماشيه مع مؤمن وراهم وهى حاطه ايدها على بطنها بتعب.

مؤمن مسك ايدها وايده التانيه على ضهرها:حبيبتى هتولدى؟

خديجه ضحكت بتعب:متضحكنيش مش قادره هولد وانا فى التالت؟

مؤمن بضحك:عادى فى ناس بتولد فى التاسع ليه ماتولديش فى التالت؟

خديجه بتضحك:بااااااس بقى ..

مؤمن ضحك:طيب خلاص خلاص هسكت..يلا يا نور عيون بابا انا مستنيك على نار.

خديجه ابتسمت وباست ايده.

وهما رايحين على بيت ثائر وورد قابلوهم.

روسندا راحت حضنتها جامد وابتسمت: يا عمرى ايه القمر ده؟

ورد ابتسمت وثائر ماسكها بحزر وبرقه.

كرم راح حضنها وغمض عيونه بأبتسامه :فى الشهر الكام كده؟

ورد ابتسمت: الخامس..

كرم ابتسم وباس راسها:تحبى يطلع حلو لجده ولا لابوه؟

ثائر ابتسم: واللهى يا عمى اللى تشوفه انا بفضل يطلع حلو زى چده..

كرم ضحك :اراهن لوكان ده رايها.

ورد ابتسمت: انا عيزاه ياخد منكوا انتوا الاتنين.

ثائر ابتسم: اهو مزعلتش حد.

كرم ضحك :ربنا يخليهولكوا ويخليكوا لبعض.

وهما ماشيين ورد حطت ايدها على بطنها وبصت لثائر:انا نفسى فى بان كيك..

ثائر بصلها بأستغراب:وايه هو ده؟…اچيبه منين يعنى؟

ورد:لا ده بيتعمل انا هقولك تعملهولى ازاى انا نفسى فيه..

ثائر:طيب يا روحى انا مستناش ابنى يطلع عنده بان كيك ولا حاچه.

ورد ضحكت.

مشيوا كلهم وبقوا يكبروا وهما ماشيين..الله اكبر الله اكبر الله اكبر لا اله الا الله ..الله اكبر الله اكبر وللله الحمد..كلهم كانوا سعداء وصلوا العيد فى الساحه وبعد مارجوا للبيت وكان المفروض كل واحد هيزبح زبيحته.

ثائر وبعد ماعمل لورد البان كيك اللى اتوحمت عليه  زبح عند بيتهم وورد كانت قرفانا وبتتفرج من بعيد وهى بتاكل البان كيك .

ثائر بصلها بخبث وبأبتسامه خبيثه حط ايده فى الدم وهى بصتله بصدمه لانها شافته جاى عليها.

ورد بعدت:بقولك ايه ابعد وروح اغسل ايدك حالا..

ثائر بيضحك وجى يمسكها بأيده التانيه جريت على البيت ودخلت الحمام وبقت ترجع..

ثائر راح وراها غسل ايده ومسكها بلهفه وهو بيضحك:انتى كويسه ؟

ورد زأته بعيد عنها بقرف وبتحذير:ابعد ابعد عنى..

ثائر بيضحك ورفعلها ايده:غسلتها واللهى.

ورد :بردو متلمسنيش..

ورجعت ترجع تانى.

ثائر مسكها وهى زأته وهو ضحك:انتى فى ايه ولا فى ايه؟

شهاب:تصدك انا حبيت شغلتك فيها مغامره مع انى الاول كنت خايف بس حبيت روح المغامره والاكشن.

مهند ضحك:خلاص هبقى اخدك معايا العصابه الخطف الجاى.

شهاب ضحك.

رحيم زبح وبمساعده كرم كمان وكانت روسندا  قاعده فى البيت مع عادل وبتلعب مع ابن رحيم واللى مسميينه على اسم كرم.

هبه قاعده جانب اسامه :شكله زى كرم صوح؟

روسندا ابتسمت وبصتلها:مفيش حد زى كرم..

حور ضحكت:استاذ غيور..

روسندا ضحكت: هو قمر بس مش زى كرم..

كرم ورحيم دخلوا على السيره.

حور:تعالى يا عم كرم شوف مراتك بتقول ايه عليك فى غيابك..بتقول ان مفيش حد زيك.

روسندا: اه كذبت انا؟

رحيم: وانتى مضايقه ليه يا حور ده حتى جوزك احلى.

روسندا ضحكت: ده فى احلامك.

رحيم ضحك: لا فى الواقع.

كرم اتكلم من الحمام وهو بيغسل ايده وبضحك:روسندا دول ناس معندهومش زوق.

روسندا ضحكت وحور اتكلمت: لا يا بابا انا عندى جوزى احسن واحد فى العالم.

كرم: طبعآ يا حور انتى متجوزه سيد الرجاله.

رحيم ابتسم:اخويا بردو.

روسندا ابتسمت: ربنا يخليكوا لبعض.

للكاتبه/منه محسن[Milly]

منير بعد ماصلا هو وفرح .

منير :يلا اقعدى انتى حامل وانا معنديش استعاداد اخسره.

فرح ابتسمت: وهو معقول بردو ماما شاهيناز تيجى كل يوم وتعملى اكل والترويق؟

منير: خلاص انا ههتم بالاكل وبيكى وبالبيت ومش لازم ماما تيحى لو ده هيضايقك.

فرح: انا مضايقه علشان المفروض انا اخدمها مش هى ..

منير ابتسم وقرب باس راسها:انتى تتخدمى بالعيون يا فرح.

فرح ابتسمت وحضنته جامد.

منير: صح.

بعد ومدلها فلوس .

فرح بصتله بأستغراب:ايه دول؟!!

منير: العديه بتاعتك وبتاعن النونو كمان.

فرح ضحكت وحضنته جامد:ربنا يخليك ليا واعيش واخد منك عديه .

منير ابتسم وحضنها.

للكاتبه/منه محسن[Milly]

فى فرح لينا واللى معمول فى جنينه.

محمود حضنها جامد:مبرووك يا روح قلبى .

لينا ابتسمت وحضنته: الله يبارك فيك.

اسلام راح حط ايده على كتفها وبعدها عنه :عن اذنك يا حوده بقت مراتى..

لينا ضحكت ومحمود رفع حاجب واحد وشدها عليه:يله يلا انا لو عايز اخدها وامشى دلوقت هاخدها.

لينا ضحكت .

اسلام: هو انا ليه حاسس انك بتزلنى؟

ماجده راحت شدته:كفايه بقى وسيبهم مع بعض..

شدته بعيد عنهم ولينا بتضحك.

اسلام مسك ايد لينا وحط ايده على وسطها بأبتسامه:تعالى نرقص.

لينا ابتسمت وهما راحوا يرقصوا.

سوسن بصت لمصطفى بأبتسامه: مصطفى تعالى نرقص.

مصطفى بصلها ورفع حاجب واحد:ترقص ايه يا وليه انتى مش شايفه نفسك ؟

سوسن بصتله بغضب وزأته بعنف: مترقصش يا مصطفى انا هدور على واحد حلو ارقص معاه.

مصطفى ضحك:اه مركب طقم سنان.

سوسن بتريقه:هاهاها..بارد..

اسلام باصص للينا بأبتسامه: وفى النهايه بقينا مع بعض..لى لى والصغنن .

لينا ابتسمت وبصتله وهو قرب باس خدها:انا بمووووووووووووووووووووووووت فيكى..

لينا ضحكت وحضنته..

للكاتبه/منه محسن[Milly]

فى الصعيد كلهم قاعدين بياكلوا وبيضحكوا مع بعض وورد قاعده بعيد عنهم بتاكل بان كيك.

ثائر بصلها بلؤم وقرب قطعه لحمه ليها:دوجى اجده.

ورد بعدت ايده بقرف:قولت مبحبهاش ..

روسندا عامله بث مباشر مع شمس اللى بقت معاها رضيع وشاهيناز اللى حامل..

شاهيناز بتقلب شفايفها وبتشاورلها على بطنها: I’m sad..

روسندا ضحكت: اه ماهو انتوا موركوش غير الحمل والخلفه واحده تخلف والتانيه تحمل..

شاهيناز: اعمل ايه يعنى كارم عايز طفل.

روسندا بضحك:يا حنين انت .

شاهيناز ضحكت:بس علشان بتكسف..انتى الجو عامل ايه عندك؟

روسندا: تمام العديه هتتفرق بعد شويه هاا..

شاهيناز: واللهى لو مدانى عديه لاكون جايبه اجله..

روسندا ضحكت: انا بهدى النفوس الله يكون فى عونك يا كارم.

شمس: لا انا وليد قالى روحى اقعدى عند امك..هو كده مش عايز يدينى هديه؟

شاهيناز: لا يا قلبى كده مش عايز يشوف وشك.

روسندا ضحكت:لا لا وليد اكيد قصده حاجه تانيه..

شمس بصت لشاهيناز :اتلمى يابت هو علشان جوزك بس مطنشك .

روسندا: اوووووه خبطت فى الحلل .

شاهيناز مسكت شعرها وشمس صوتت:بقولك ايه يابت واللهى اروح اقتلهولك اهو متلقح فى البيت .

شمس زأتها بعنف:يا بنت المجنونه ايه الجبروت ده حتى وانتى حامل؟

روسندا ضحكت: بقولكوا ايه طيروا انتوا انا قاعده مع العيله دلوقتى..

شاهيناز: اه عيله ها ماشى يا روسندا خليكى انتى قضى العيد بعيد عن صحابك..اخس لا بجد احس.

روسندا: ياخرب بيت النبر..

وتقفل الفيديوا.

روسندا خرجت من الاوضه وقعدت جانب ورد وبصتلها بأبتسامه :هتسميه ايه؟

ثائر اتكلم بهزار:عتريس..

ورد :لا عتريس لا..انا هسميه غفران.

ثائر ضحك:عتريس احلى..

ورد خرجتله لسانها..

روسندا ابتسمت: حلو يا روحى..

جميله: عايزه اعرف بقى ايه المفاجئه.

مهند ابتسم :تعالى هوريهالك.

ادلها صندوق وهى فتحته ابتسمت بسعاده لما شافت خروف لعبه ومصحف وبرواز فيه صورته وصورتها .

جميله ابتسمت بسعاده وحضنته جامد:دى اجمل هديه بجد.

مهند ابتسم وبعد ومدلها فلوس وهى بصتله: عديتك..

جميله ابتسمت: كمان .

باست خده وحضنته جامد وهو حضنها.

بعد ماكلوا وشربوا الشاى وكنوا بيتكلموا مع بعض وثائر واخد ورد فى حضنه وهى عامله زى الطفله وسانده راسها على صدره بهدوء.

كرم ادا عيديه لكل الموجودين بما فيهم روسندا اللى جبلها بوكس مليان شيكولاته وخروف كمان وعقد فيه مصحب..وثائر جاب لورد خروف ومصحف واسدال وهدوم للاطفال ولعبه على شكل بيبى بينطق بأس ماما.

ورد مسكت كتف ثائر ومدتله ايدها:عايزه العديه انت اديت لزهراء .

ثائر ضحك وادالها ٥٠٠ جنيه :اتفضلى يا قمرى..

ورد ابتسمت وباست خده وهو ضحك: طفله والله..

مهند راحلهم:كلوا يقف ويتجمع..

شهاب بأستغراب:ليه!

مهند وهو لابس لبس الشرطه ومعاه كاميرا:عايز اخد صوره للعيله كلها..وانا معاكوا.

كرم بأستغراب: اشمعنى!

مهند: ذكرى..

الكل قام وكل واحد خاد مراته فى حضنه ومهند ثبت الكاميرا وسابها بتعد وراح حط ايده على كتف جميله والصوره التقطت.

مهند راح خاد الكاميرا وبص للصوره بأبتسامه: حلوه جدا..لان كلنا فيها..

فى اليوم التالى..

ماجده ودت الاكل لاسلام وللينا:صبحيه مباركه يا عروستنا.

لينا ابتسمت وهى حضنتها.

اسلام خرج من اوضته وحضنها:تسلمى يا ست الكل.

ماجده ابتسمت: يلا انا هسيبكوا بقى تاكلوا علشان رايحه مشوار كلوا كويس وانتى يا لينا كلى علشان تملى كده وتبقى حلوه اكتر واكتر  ..

لينا ابتسمت وهزت راسها بإيجاب وهى مشيت.

اسلام حضن لينا من ضهرها ودفن راسه فى رقبتها وهى ابتسمت وباست خده..

لينا جالها اتصال مسكت تليفونها استغربت الرقم وبصت لاسلام ورد:اا..الو .

كريم ابتسم لما سمع صوتها:ازيك يا عمرى..

لينا ابتسامتها اختفت لما سمعت صوته واسلام بصلها بأستغراب .

كريم: مبروك يا روحى انا فرحتلكوا جداا وبكلمك وبعتذرلك على اللى عملته وبتمنى من كل قلبى تسامحينى…انا قررت اتحاسب على اغلاطى واخلص نفسى من تأنيب الضمير..انا فى المطار وهروح اسلم نفسى..

لينا الدموع فى عيونها وساكته تماما ..

كريم: انا اسف مره تانيه وعارف انك قلبك كبير وهتسامحينى..صح؟…انا اتخليت عنك و..وحرمتك من كل حاجه حلوه بس عرفت غلطى ومش طالب غير سماحك ليا..

لينا ابتسمت بخفه وهزت راسها بإيجاب: انا سعيده انك فعلا عايز تبقى شخص كويس بس..

كريم قاطعها : يبقى هتزورينى صح؟..انا هستناكى..

لينا غمضت عيونها بدموع وهزت راسها بإيجاب وهو ابتسم: سلام يا روحى مع الف سلامه.

قفل الخط واسلام حضنها وهى غمضت عيونها بدموع.

اسلام: هو كان لازم يتحاسب على غلطه ..ادعيله ربنا يسامحه هو ده اللى هينفعه لانه معملش حاجه قليله هو قتل..

لينا ابتسمت بخفه وهزت راسها بإيجاب: ربنا يسامحه..

فى الصعيد فى محافظه المنيا بالتحديد.

روسندا قاعده بتلعب كوتشينا مع كرم والكل بيضحك وبيتفرج عليهم..

مهند: انا هنزل القاهره وهاجى تانى..

جميله بصتله بقلق :وليه بقى ايه لزمه نزولك وانت واخد اجازه من الشغل؟

مهند قرب باس خدها وابتسم: انا هعمل حاجه على طول وهاجى تانى مشهأخر..

جميله مسكت ايده: طب هاجى معاك..

مهند حط ايده على شعرها وبهدوء:قلبى انا مش هأخر بس فى حاجه مهمه لازم اعملها..يلا سلام.

باس جبينها ومشى وهى ابتسمت بخفه وبتفكير.

فى القاهره ولما مهند وصل وعند قبر عزام.

مهند قعد قدام قبره وحط الصوره اللى خدها للعيله كلها..فبركها وحط معاهم عزام كمان.

مهند بأبتسامه: انا وعدتك دايمآ ازورك واحكيلك على اللى بيحصل..والنهارده انا سعيد جدا لان كل العيله ملمومه ومع بعض…وناقصها انت..

ابتسم وحط الصوره ومعاه ورد وبداء يقراء الفاتحه على روحه…ناس كتير بتموت وبنزعل علشانها..بس عمرهم مابيموتوا فى قلوبنا..واحسن حاجه لو يحسوا اننا معاهم وجنبهم وكأنهم عايشين وسطينا..

★النهايه★