رواية أهدتني معاقاً الفصل العشرون 20 بقلم أم عائشة (أسماء عبدالهادي)
 |
| رواية أهدتني معاقاً الفصل العشرون 20 بقلم أم عائشة (أسماء عبدالهادي) |
رواية أهدتني معاقاً الفصل العشرون 20 بقلم أم عائشة (أسماء عبدالهادي)
التفت اليها _انتى البنت المجنونه اللى خرجت من المصعد وكان خلاص هيقفل على رجليها
فرح _نعم ،مجنونه؟!
نظر لها مطولا فهذه الفتاه عيونها تشبه امجد كثيرا وتبدو ملامحها هادئة ورقيقه
تضايقت فرح من وقاحته كيف ينظر لها هكذا فتركته وهى تمتم _ايه البنى ادم ده
نادى عليها عندما وجدها تذهب _يا ….مش عارف انسه ،مش عارف ولا مدام ،،،،،،،استنى ،كنتى عايزة حاجه
لم ترد عليه فرح واخذت تبحث عن مكتب اسر بمفردها
هو بضيق_هى فاكرة نفسها مين علشان تسينى وتمشى كده ،هيه مش شايفه لبسها عامل ازاى،،،هو ليس معتاد على هذا الزى فهو معتاد على الفتيات المتحررات بالخارج
___
واخيرا وجدت فرح مكتب باشمهندس اسر
فرح للسكرتيره _لو سمحتى ممكن اقابل باشمهندس اسر
السكرتيره _بخصوص الوظيفه ؟!
فرح _اه
رمقتها الموظفه بنظرة تفحص من رأسها لقدميها ثم قالت باستخفاف _ثانيه واحدة
لم تهتم فرح بنظراتها تلك
دخلت السكرتيره مكتب اسر_لو سمحت يا باشمهندس البنت اللى حضرتك مستنيها بخصوص الوظيفه برا
اسر’ تمام دخليها
ثم تكلم بصوت منخفض مع امجد الذى يتابع ما يحدث من خلال الكاميرا التى طلب من اسر تثبيتها _فرح جت
امجد _تمام اعمل اللى طلبته منك
اسر_ماشى
دخلت فرح والقت السلام وتركت الباب مفتوحا
اسر _وعليكم السلام اتفضلى
فرح بارتباك _انا جيت بخصوص وظيفه السكرتيره
اسر _اها ،ممكن اتشرف باسمك
فرح _فرح محمود
اسر_طيب ممكن اشوف السى فى من فضلك
فرح_اتفضل
اسر باعجاب _ممم جميل حضرتك كنتى فى السن ،ممتاز
تمام كل الصفات المطلوبه موجوده فى السى فى بتاعك ،كده نقدر نمضى العقد من دلوقتى
فرحت فرح بقبولها فى هذه الوظيفه بهذى السهولة
اخرج اسر الاوراق المطلوبه وطلب من فرح أن توقع عليها ،اتفضلى امضى العقد والمرتب بتاعك هيكون …
شهقت فرح من هول المبلغ فلقد كان كبيرا حقا ،سعدت انها سوف تستطيع مساعدة اهلها اخيرا والتخفيف من اعبائهم ،فمضت العقد وتناست أن تقرأ فحواه
ابتسم امجد من خلف الكاميرا في خبث فلقد وقعت فرح فى الفخ الذى وضعها بها دون أن تدرى ولن تستطيع الخلاص بسهوله
اسر _تمام يا انسه فرح ،حضرتك تحبى تبتدى الشغل النهارده ولا من اول بكرة ؟!
كادت فرح أن تجيب ،الا انها وجدت نفس الشخص الذي التقته مرتين يدخل
بمجرد أن رآه اسر قام مسرعا نحوه _ادهم مش ممكن ايه المفآجأه الجميله دى نورت الشركه
ادهم_ده نورك يا اسر ،وحشتونى جدا
اسر_اه ما هو واضح يابنى ،روحت وقلت عدولى
ضحك ادهم _ههه لسه زى ما انت دمك خفيف
تحرجت فرح من وجودها معهم _باشمهندس اسر ،انا هستأذن وهاجى بكرة باذن الله
نظر ادهم اليها وجدها هى _انتى ؟!
تجاهلته فرح _عن اذن حضرتك
اسر _اتفضلى يا انسه فرح همت فرح لتخرج
ادهم _استنى هنا
التفتت له فرح
ادهم _اعتقد انه مش من الذوق اكون بكلمك تسيبينى وتمشى
فرح بوجه خال من التعابير _وانا معرفش حضرتك علشان اقف اتكلم معاك،، عن اذنكم
وخرجت من الشركه
ابتسم ادهم باعجاب شديد لهذه الفتاة غريبه الاطوار
ادهم _مين فرح دى يا اسر
_دى هتكون سكرتيرتى الجديده يا ادهم
التفت ادهم الى الصوت فهو يعرفه جيدا واشتاق له ايضا _امجد ،حبيب قلبى وحشتنى جدا
احتضنه امجد بقوة وانت كمان يا ادهم متعرفش انت واحشنى قد ايه،كان لقاءا حرا بحق فلقد اشتاق امجد لابن عمه الذى يحبه كثيرا
ادهم _اخبارك ايه يا صاحبى
امجد_هيبقى افضل بوجودك جنبى
ادهم بحب_وانا هنا معاك يا امجد ،ومش هسيبك
اسر بمزاح _الله الله من لقا احبابه نسى اصحابه ،،نحن هنا
امجد بمزاح ايضا_اسر اركن على جنب
اسر _حاضر ياكبير
ضحك ادهم عليهم _يااه وحشنى جدا ،لمتنا زمان وقعدتنا الحلوى الا مكانتش بتخلى من هزاركم الثقيل ده
اسر _ما ابن عمك ده اللي ايده طارشه وطايح فينا ومحدش عارف يكلمه
امجد_ااااسر
اسر_اهو شفت،،يابنى هوا انا اتكلمت
ابتسم لهم ادهم _بس غريبه يا امجد انك تقبل ان بنت بالشكل ده تكون سكرتيرتك الخاصه ،مش ده اللى اعرفه عنك
اسر _لااا ما هو انت متعرفش أن امجد باشا وقع خلاص
هنا امسكه امجد وانهال عليه ضربا _الحقنى ياادهم ابن عمك هيموتنى
ادهم وهو يخلص اسر من قبضته_سيبه يا امجد احنا هنا فى الشركه
امجد وهو يتركه _اطلع برا يا زفت
اسر وهو يجلس على كرسي مكتبه _بس ده مكتبى
امجد وهو يقترب نحوه _انا قلت غور من وشى
اسر وهو يخرج سريعا _طيب ياعم متزوقش
ادهم _ مالك يا امجد ،حاسك مخنوق ،مش زى امجد بتاع زمان اللى مفيش حاجه بتهمه
تنهد امجد بضيق_مخنوق يادهم
*****
فرح وهى تحادث نغم فى الهاتف _نغم انا خارجه دلوقتى من الشركه ،انتى فين ،روحتى
نغم _لا ،،انا مستنياكى ،انزلى
ركبت فرح مع نغم السيارة
وجدت ملامح نغم تشى بالحزن_مالك يا نغم حاجه حصلت
نغم وهى تخفى ما بداخلها_لا بس تقريبا عايزة انام
فرح _انا اسفه يانغم تعبتك معايا
نغم_بتقولى ايه يافرح، احنا أخوات يابنتى ،،ها عملتى ايه
فرح_ولا حاجه مضيت العقد مع باشمهندس اسر وجيت
نغم_بس مقابليش حد تانى
فرح _لا قابلت حد غريب اول مرة اشوفه وتقريبا كده لسه جاى من السفر،بس شكله كده مغرور
نغم _ااه ده ادهم ،لا بالعكس مش مغرور ،ده طيب جدا ،بس تلاقيه مش اخد على الجو هنا فى مصر لانه بقاله فترة عايش برا
فرح باندهاش_انتى تعرفيه منين؟!
نغم_ اتعرفت على اخته من زمان فى النادى وهى عرفتنى عليه، بنت كيوت وعسل خالص هيه اصغر مننا بكم سنه بس عسل مش هتبطلى ضحك لو قعدتى معاها،يارب تكون نزلت مع ادهم على مصر
فرح _طيب يلا نروح نطمن ماما زمانها قلقانه
***
يامن_ها يا حازم نقول مبروك ولا عمك ناوى يعمل اختبارات تانيه
حازم _وطى صوتك يابنى عمى يسمعك تطق فى دماغه يعمل اختبار تانى ،،ربنا يستر
ضحك عليه يامن_مفيش مشكله انا مستعد ،اهى فرصه الواحد يعرف قدراته
لؤى من بعيد_برافو عليك ،يعجبنى جدا ،الانسان اللى بيحب يواجه الصعاب بصدر رحب،،اهلا بيك يا يامن وسطنا
يامن_دكتور لؤى ،اهلا بحضرتك،شرف كبير ليا انى اكون معاكم
لؤى بابتسامته الهادئه المعهوده_من اول الاسبوع الجاى ،هتبتدى الشغل معانا انت وحازم ،تمام
يامن _تمام يا دكتور ،شكرا لحضرتك
لؤى_طيب يلا سلام ،محتاجين حاجه؟!
يامن _شكرا يا دكتور
حازم _حضرتك مروح ولا رايح المستشفى
لؤى _المستشفى اكيد
ابتسم حازم باعجاب فهو يعلم مدى تعلق عمه لؤى بمهنته الطب كثيرا _ماشى سلام يا عمى
يامن _دكتور لؤى ،شخصيه من النادر تشوف منها اتنين
حازم _معاك حق ،رغم ذكاءه الشديد وبراعته فى اكتر من مجال مختلف الا انه انسان متواضع وطيب جدا
يامن_فعلا انسان يحتذى به بجد ،ربنا يبارك
لمح حازم فتاة تخرج من الغرفه المجاوره
حازم_اسيل،بتعملى ايه هنا ؟!
اسيل _كان عندى اختبار خالو رعد عامله ليا،،ربنا يستر
دهش حازم_اختبار ايه ،ده انتى لسه بتدرسى
اسيل _اه ما هو انا كنت عايزة اجى اتدرب فى الشركه خالو رعد قالى لازم اتخطى الاختبار الاول
حازم_يانهار ابيض عمى رعد مش عاتق حد ،واسيا مجتش معاكى ليه
اسيل_لا اسيا اول ما عرفت أن فى اختبار لغت الفكرة
ضحك حازم_قصدك خلعت
اسيل بضحكه متحفظه_اه بالظبط كده
حازم_طيب لو هتروحى ،تحبى اوصلك
اسيل_شكرا يا حازم عمو زياد هيوصلنى انا كنت واقفه مستنياه
حازم_اوك ،هخلع انا لاحسن انا وابويا مش على وفاق اليومين دول
ابتسمت اسيل_بسبب حور بردو (حور اخت حازم ياشباب ،اما اسيل تبقى بنت مازن وريم)
حازم _هوا في غيرها مطلعه عينى ،،يلا عن اذنك صاحبى مستنينى
اسيل_مع السلامه
***
ذهب حازم الى حيث يقف يامن
يامن بغضب_مين دى يا استاذ اللى حضرتك واقف تحكى معاها باريحيه كده
حازم بتلقائيه _دى بنت دكتور مازن بنت عمى يعنى
يامن _ولو بردو ميصحش تقف تحكى معاها كدا
حازم_انا بس كنت بسالها بتعمل ايه هنا وعرضت عليها انى اوصلها
يامن بغضب_كمان
حازم_فى ايه يا يامن بس
يامن_مفيش اتفضل قدامى ،قال توصلها قال
حازم _يابنى دى بنت عمى
يامن_حتى لو بنت خالتك مينفعش تركب معاك لوحدها
حازم_يابنى انا متأكد أن عمرها ما كانت هتوافق،اسيل دى اعقل بنات العيلة صراحه بس كان لازم اعرض عليها من باب الواجب وكده
يامن_طيب يايلا يا خويا صاحب واجب اوى ،،هتفطرنا فين
حازم بمزاح وهو يخرج جيوبه ليعلم يامن انه مفلس_كان على عينى بس ابويا مبسوط منى الايام دى علشان كده حرمنى من الفيزا بتاعتى
يامن _عملت ايه المرة دى اوعى تقولى حور تانى
حازم بضيق_هوا فى غيرها ،بنت مجنونه مش هتعقل ابدا ،تشوف اسيل وتتعلم منها
يامن_يابنى اختك لازم تحتويها وتكون صديق ليها ،مينفعش تكون معاها قفش كده ،لو مكنتش انت تتحملها مين هيتحمل بس ،تروح تصالحها ياباشا وتراضى ابوك فاهم
حازم_اراضى ابويا على عينى ،لكن حور ،لا زودتها وانا مش هصالحها غير لما تعرف غلطها
يامن_خلاص بقا ياحازم،اختك وبتدلع عليك
حازم_يامن فوكك منها ويلا نروح نفطر
يامن _يلا يا اخرت صبرى
****
جلسا فى مطعم بجوار الشركه لتناول الافطار معا ،طلبا ما ارادا تناوله وانتظرا الى ان ياتى النادل بالطعام ،اخذوا يتطرقون الى احاديث عدة ،وفجاءه جاءت فتاة شابه فى العقد الثانى من العمر
حازم وهو ينظر من بعيد_ نهارك اسود،ايه اللى جابها هنا دى
نظر يامن الى ما ينظر اليه حازم _انت تعرفها
حازم بعصبيه وهو يكز على اسنانه_دى الانسه المبجلة اختى ،حور
لما اقتربت منهم قام حازم وامسكها من ذراعها قائلا بحدة_انتى ايه اللى جابك هنا ،انتى اتجننتى ياحور
يامن وهو يحس حازم على الا ينفعل على اخته_حازم سيبها مينفعش كده انت مش ف البيت يابنى
حور بخوف _انا جيت علشان اعتذرلك يا حازم ،انا اسفه
تركها حازم وقال لضيق_والاسف ده مينفعش يستنى لحد ما ارجع البيت
حور بطفوليه_ما انت مش راضى تصالحنى فقلت اجيلك هنا
حازم_وعرفتى مكانى منين
حور_من اسيل فى الشركة سالتها عليك قالت لسه ماشين حالا،فخرجت تانى لقيت عربيتك قدام المطعم فعرفت انك جوا
حازم_ طب يلا ،ارجعى زى ما جيتى
يامن _حازم انا قلت لك ايه ،،انا هسيبكم تاخدوا راحتكم عن اذنكم
حور برجاء_استنى يا استاذ يامن من فضلك ،ارجوك خليه يصالحنى بقا ،انا اعتذرتله كتير ،خليه يسامحنى بقا واجهشت فى البكاء
رق قلب يامن كثيرا لها عندما رآها تبكى فلقد تذكر فرح اخته ووضعها مكانها ،لكز حازم فى جنبه _انت يازفت هتفضل واقف كده اتحرك
حازم بادعاء عدم الفهم _ايه بتخبطنى ليه
يامن_اتفضلى اقعدى يا انسه حور،ولو سمحتى متبكيش ،حازم بس بيهزر معاكى هو مش زعلان ولا حاجه،صح ياحازم
حازم بجمود_لا
حور بحزن_شوفت يا يامن
نظر يامن بحدة الى حازم_حااازم
حازم_خلاص ،سامحتك ،متزعليش بقا
يامن_قوم بوس راسها
حازم بسخريه_ناقص تقولى حب على ايديها كمان
يامن_دى اختك ياغبى ،عارف يعنى ايه اختك ،يعنى انت درع الامان ليها وحتى لو هيه غلطانه تصالحها ،مش تجيلك لحد عندك هنا وبردو بتعاند
حازم وهو يقبل رأس حور_انا اسف حقك عليا يا مجنونه
ضحكت حور_ شكرا يا يامن بجد،ثم قالت لحازم_اصلا لو مكنتش صالحتنى كنت اخدت دى وصرفتها كلها وابقى اتصرف انت مع بابا “كانت تشير الى الفيزا كارد الخاصه بحازم”
حازم بصدمه_نهارك مش فايت اخدتيها ازاى دى ،هاتيها
حور _قولت لبابا عايزاها فعطهالى
حازم_ياسلام بالبساطه دى
حور بغرور _يابنى ده انا حور
حازم باسلوب طفولى مماثل_اصلا مش كنتى هتعرفى الباسورد
حور بثقه_ربنا يخلى انطى همسه للشعب هع
حازم بفزع_حور بتهرجى ،اوعى تكونى عملتى حاجه فى الكارد بتاعى
حور_لا ما هو انت خلاص صالحتنى بقا
حازم_طيب هاتيها بقا
حور بعند_لا
حازم بضيق وهو ينظر ليامن_شايف عمايلها
كان يامن يحاول كبت ضحكاته عن هذا الثائى المرح
يامن_اعطيله الكارد يا انسه حور
حور_مش هينفع ،لازم ارجعها لبابا
هنا جاءت اسيل من بعيد على استحياء
اسيل_السلام عليكم
الجميع_وعليكم السلام
حازم_تعالى يا اسيل خلصينى منها
اسيل بهدوء_انا كنت جايه ،انادى عليها ،علشان عمو زياد هيروحنا ،
حور_طب مكلمتنيش فى التلفون اسهل ليه
حازم_اكيد علشان عادتك الغبية ،بتنسى الموبايل سايلنت
اسيل وهى تهز رأسها باستياء فهذه عادة حور دائما
حور وهى تخرج الهاتف من حقيبة يدها_اوبس،،صحيح نسيته صامت
رفز حازم بغضب_حوور انا قلت لك مليون مرة متسيبهوش سايلنت ،،حد ياخد البنت دى من قدامى حالا
اسيل_يلا يا حور عمو منتظر من بدرى
حور _اوك يلا ،سلام يا يامن ،سلام حزومى
حازم بحنق_مع السلامه ياختى، اثار اسلوب حازم هذا ضحك يامن
حازم_يامن بتضحك على ايه انت كمان
يامن وهو يكبت ضحكه _لا ولا حاجه
حازم بتبرم_بحسب يعنى ،يلا ناكل بقا
رن هاتف يامن
فرح_كده ،يا سى يامن ،مفيش ولا رنة حتى تطمن على اختك فروح حبيبتك
يامن_فرحة قلبى والله كنت هكلمك بس انشغلت فى مشكلة كده بخصوص حازم
فرح بخضه_مشكلة ايه خير
يامن_لا متقليش ،هبقا احكيلك فى البيت،ها عملتى ايه
فرح _كله تمام،مضيت العقد
يامن_الحمدلله ،بالتوفيق ياقلب يامن
فرح_حبيبى يا يامن ،وانت عملت ايه
يامن بسعادة_الحمد لله هستلم الشغل الاسبوع الجاى
فرح_باذن الله ،ربنا يحقق لك كل اللى بتتمناه
يامن_يارب،ها اجيلك اروحك
فرح _لا ،معايا نغم هتوصلنى
يامن_تمام ،خدوا بالكم من نفسكم
فرح_حاضر ،سلام
*****
فى المساء
ادهم _امجد تعالى نروح نلعب بلياردو ،انت ارهقت نفسك فى الشغل النهارده ،وعارف ان البلياردو هيخفف عنك
امجد بهدوء_ماشى يلا
فى صالة الالعاب وخاصه الصاله الخاصه بالبلياردو
ادهم_براحة يا امجد الكور هتتكسر كده
امجد يضرب الكور بالعصا الخاصه باللعبه بقوة وهو لا يكاد يعى ما يدور حوله
شهاب من بعيد بسماجته المعهودة_وانا بقول المكان نور ليه،،،ادهم باشا بنفسه هنا ،مراحب يا ادهم
ادهم فى نفسه_اعوذ بالله ،انسان سمج ثم قال_اهلا ،شهاب
عندما شاهد امجد شهاب قال بخداع”فهو يشك انه السبب فى انهيار الشركه هو ووالده” _حبييبى ،شهاب ،عامل ايه
شهاب بخداع مماثل_امجد باشا ،اخبارك ايه ياصاحبى
امجد بتحدى_مية مية يا باشا
رسم شهاب بسمة مصطنعه على وجه
جاء اتصال هاتفي لامجد
اخرج امجد هاتفه من جيب بنطاله مجيبا وهو مازال ينظر الى شهاب _امال،هانم ست الحسن والجمال
انا فى صالة الالعاب
_تعالى حالا يا امجد عايزاك ضرورى
_خير بس يا ماما ،انا مش فاضى دلوقتى السهرة لسه في اولها
_انت اتجننت يا امجد عايز تحط ابوك فى دار للمسنين هيه حصلت
_طيب انا جايلك حالا
ذهب امجد مع ادهم الى الفيلا
_يا ماما ،مش احسن لما يروح مصحه نفسيه والناس يقولوا عليه مجنون وانتى عارفه أن الصحافه والاعلام مش هيسكتوا
_تقوم تحطه فى دار مسنين ،ده جزاته يا امجد
_ده انسب حل فى الوقت الحالى،متقلقيش يا قمرى انا عارف مصلحة ابويا كويس اوى
_وانا مش موافقه يا امجد وعمك ايهاب كمان. اكيد مش هيوافق
_يا ماما صدقينى ده وضع مؤقت ،هناك هيسترد عافيته بسرعه ،وهيتابع معاه دكتور نفسى كمان
امال بحزن_قوله حاجه ياادهم
تدخل ادهم_امجد معاه حق يا امال هانم ،،هيروح هناك لمصلحته وكمان احنا معاه وهنزوره يوميا نطمن على صحته
جلست امال على الاريكه بحزن،اقترب منها امجد بحب شديد ،فهو يحب والدته كثيرا _مش عايز اشوفك زعلانه ابدا ،،مقدرش على زعلك ده ،انتى مش عارفه انتى بالنسبه لي ايه
امال وهى تحتضن وجه امجد بكفيها_وانت كل حياتى يا امجد ،ياروح قلبى انت
امجد _يبقى تثقى فيا ،انا حتى نزلت الشركه وبمساعدة ادهم هنرجع الشركه زى ما كانت لحد ما كارم يتعافى تماما ،هيرجع يلاقى كل شىء زى الاول وافضل كمان
فرحت امال_بجد يا امجد
امجد _ايوة كده اضحكى خلى الدنيا تنور
****
تم إجراءات نقل كارم الى اكبر دار للمسنين واشراف اكبر الدكاتره على حالته فهو اصبح صامتا طوال الوقت ويحلم بكوابيس كثيرة كل ليله الى جانب انه يتفوه بكلام غير مفهوم وتصل حالته الى حد البكاء دون سبب
امال وهى تبكى _معلش يا كارم ده وضع مؤقت لحد ما صحتك تتحسن وترجع لينا تانى بالسلامه،انا مش فاهمه اللى حصلك ده امتا وازاى
امجد_خلاص بقا يا ماما ،سيبيه دلوقتى يرتاح ،هنا هيكون فى رعايه شاملة طول الوقت متقلقيش
ادهم_اطمنى يا امال هانم ،،هو هنا لمصلحته ،،ربنا يشفيه
ايهاب_كان مكتوب لك ده فين بس يا كارم ،
حلا_ياحبيبى يا عمو ،ربنا يشفيك
****
فى فيلا الفيومى
داخل مكتب الفيومى
شهاب _عندى لك خبر هيعجبك اوى
نظر له الفيومى ليكمل
شهاب_كارم شرف الدين فى دار مسنين,ا مجد ابنه اللى وداه هناك لنفسه
الفيومى بسعادة _ههههه تلاقيه متحملش اللى حصل الشركه فانهار هوا كمان ثم اكمل بخبث_انا لازم اروحه اعمل الواجب معاه
شهاب بخبث ايضا _وماله احلى واجب لعيون كارم باشا ،عقبال ابنه لما يحصله
****
فى صباح اليوم التالي
ذهبت فرح الى الشركه بسيارة نغم ايضا
صعدت الى الدور الخامس تبحث عن باشمهندس اسر لتستلم العمل
فرح _باشمهندس اسر،انا جيت علشان استلم الشغل زى ما حضرتك قولتلى
اسر_تمام ،اتفضلى روحى على مكتب رئيس مجلس الاداره انتى هتكونى السكرتيره بتاعة مكتبه
فرح _تمام يا باشمهندس
اسر _هتمشى علطول اول اوضه تقابلك على اليمين
فرح _تمام ،شكرا لحضرتك ،وخرجت لتلقى المجهول”امجد”
اسر فى نفسه_ربنا يستر لما تعرف
***
ذهبت فرح الى حيث اخبرها اسر وجدت المكتب التى تبحث عنه ،طرقت الباب الى أن سمعت الاذن بالدخول
دخل فرح وتركت الباب مفتوحا،زهلت من تصميم المكتب من الداخل فهو مختلف حقا عن اى مكتب هنا ،حتى انه افخم اضعاف المرات من مكتب اسر نفسه
وجدت الكرسى مدارا فى الجهه الاخرى
تنحنحت فرح _احم انا السكرتيره الجديدة يافندم
ادار كرسيه ناحيتها لتستطيع أن تراه فكانت الصدمه حقا
امجد وهو يلتف بالكرسى نحوها ويجلس عليه بكبرياءه المعهود_اهلا بيكى يا سكرتيرتى المصونه
شهقت فرح _امجد ،،انت بتعمل ايه هنا
امجد بغرور_انا رئيس مجلس الاداره،ها ايه رايك فى المفآجأه الحلوة دى
فرح وهى تكز على اسنانها _دى حلوة بشكل وقالت وهى تستدير للخلف _عن اذنك
امجد _رايحه فين ؟!
فرح _هروح من مكان مجيت
امجد بادعاء السذاجه_ايوة بس انتى لسه مشتغلتيش علشان تمشى
فرح بحدة_وانا ميشرفنيش انى اشتغل مع واحد زيك
امجد بحدة مماثلة_فرح اتكلمى كويس احسنلك
فرح _انا ماشيه ،سلام
امجد وهو يضع قدما فوق اخرى _وانتى مفكرة أن دخول الحمام زى خروجه
فرح_ يعنى ايه،،هتشغلنى عندك غصب عني مثلا
امجد وهو يبتسم ابتسامه صفراء استفزتها_مثلا
تركته فرح وهمت بالخروج الى خارج المكتب فوجدت ادهم امامها
ادهم_انتى تانى ،هوا انا كل لما امشى فى مكان فى الشركه هلاقيكى فى وشى
فرح باستخفاف _اطمن انا ماشيه ،مش هتشوف وشى خالص ،عن اذنك
ادهم _قصدك ايه
لم تجيبه فرح واكملت طريقها فى الخروج
ادهم_استنى ،انا بكلمك ،،،لا رد
زفر ادهم بضيق _ايه البنت دى ،
ثم وجه حديثه لامجد الذى يجلس مبتسما _فى ايه يا امجد ،فرح ماشيه وضاربه بوزها شبرين ليه ،وكلام ايه اللى هيه بتقوله ده
امجد _متاخدش على كلامها شويه وهترجع ،المهم قولى مفيش حل
ادهم _الحل الوحيد اننا نشوف شركه توافق على التعاقد معانا ،وساعتها نقدر نثبت اننا ادها ونقدر دخل السوق من جديد
امجد _تمام دى مهمتك ،باشر عليها من دلوقتى
ادهم _تمام ،وانت عملت ايه
امجد _بكمل مراجعه الملفات ،،لقيت اخطاء كتير جدا وحسابات مزورة ،الظاهر كان فى ايد خفيه هنا ف الشركه
ادهم_خير ما عملت انك مشيت معظم الموظفين
امجد _دى اول حاجه فكرت فيها،وفعلا طلع ظنى فى محله
ادهم_تمام كمل ،وانا هروح اكمل شغلى ،سلام
***
فرح _باشمهندس اسر لو سمحت انا عايزة اقدم استقالتي
عرف اسر أن هذا ما ستفعله فرح _ايوة يا انسة فرح بس انتى لسه مبدأتيش حتى
فرح _معلش يا باشمهندس،انا ليا اسبابى
اسر_ممكن اعرف ايه هيا
فرح _معلش يا فندم مش هقدر اقول،انا محتاجه اخد السى فى بتاعى علشان امشى
اسر_تمام زى ما تحبى ،بس انتى لازم تدفعى الشرط الجزائي الاول
فرح _افندم؟!شرط جزائي ايه
اسر_دى قوانين الشركه هنا ،اى حد يخالف العقد يدفع الشرط الجزائي
فرح _بس انا مخالفش العقد
اخرج اسر نسخه من العقد التى مضت عليه فرح والذى ينص على “يتم التعاقد لمدة عام وفى حالة محاولة فسخ العقد قبل مرور العام او تقديم الاستقالة يدفع الطرف الثانى مبلغ قيمته مائة الف جنيه”
شهقت فرح فى صدمه(يبدو أن النهاردة يوم الصدمات ليكى يافرح)
ازاى ده ،حضرتك مقلتليش على حاجه من دى قبل ما امضى العقد
اسر_حضرتك مسألتيش ،علشان اقولك ،ثم انك مضيتى العقد بكامل ارادتك
كورت فرح يدها فى عصبيه ملحوظه_يعنى ايه انا هشتغل هنا غصب عنى
اسر_ليكى مطلق الحريه يا انسه فرح
فرح بسخريه_حرية ايه بقا ،ما هو امجد خلاص لعبها صح ،عارف انى مش هقدر ع المبلغ اللى فى الشرط الجزائي ده ،قدر يمسكنى من ايدى اللى بتوجعنى
لا يخفى عليكم تضايق اسر من اجلها فهو رآها فتاة طيبه
