رواية عشق حياة الفصل العشرون 20 بقلم زوزة

في قصر الشناوي

في غرفه تالا 

كسر الحراس باب الغرفه ودخلت ثريه ومايا وخالد وصدموا مما رأوه ….

فقد رأوا أن تالا قد أخذت علبه دواء كامله محاوله أن تنتحر .

ثريه بغضب : حد يجيب دكتور بسرعه .

خالد الشناوي : لا خلينا نخدها مستشفي ثم نادي علي أحد الحراس بأن يحملها ثم ذهبوا مسرعين الي مستشفي من أجل إنقاذ حياتها .

ثم بعد مده قليله وصلوا إلى مستشفي واخذوها الي غرفه العنايه في كانت في حاله حرجه .

ثريه بغل : بقا بنتي هتموت عشان حفيدك يا بابا وهو مش سال فيها ينفع كده .

خالد الشناوي بغضب مكتوم : هي تفوق بس وانا هعملها كل اللي هي عايزاه .

ثريه بغل : ما كلنا عارفين انها عايزه كنان .

خالد الشناوي بغضب: يبقي كنان يتجوزها .

ثريه بتفكير : بس كنان مش هيرضي يا بابا .

خالد الشناوي بغضب : لا هيتجوزها حتي لو غصب عنه .

ثريه بغل واضح : انت مبتقدرش تغصب علي احفادك يا بابا وبالذات كنان انت بتحبه اكتر واحد .

خالد الشناوي بغضب: لا هيتجوزها وكلامي هيتنفذ والا هحرمه من الميراث ومن اسم عيله الشناوي . 

ثريه بكره : ايوه يا بابا كنان لازم يتأدب ده بنتي كانت هتموت بسببه .

خالد الشناوي : هيتجوزها غصب عنه بس هي تفوق هيا .

ثريه بغل : طب كلمه يا بابا خليه يجي هي لو شافته هترتاح ونجوزهم كمان اسبوع .

خالد الشناوي : ماشي ثم أخذ هاتفه واتصل علي كنان .

كنان : الو يا جدو اخبارك وحشني ولله .

خالد الشناوي بعصبيه: بكرا الصبح تكون قدامي فاهم والا لا .

كنان : في ايه يا جدو .

خالد الشناوي بعصبيه : انا قولت كلمه بكرا تكون عندي في القصر .

كنان بطاعه : حاضر هطلع من هنا بكرا الصبح وهوصل متاخر عندك .

خالد الشناوي بعصبيه : لا تطلع دلوقتي وتكون عندي الصبح .

ثم قفل معه دون أي رد .

ثريه بغل : ايوه يا بابا لازم تشد عليه عشان يعرف أنه ميقدرش ينسي تالا .

خالد الشناوي بغضب: بكرا ياجي وساعه ما يجي هيكون المأذون جه ويكتب عليها ونعمل فرحهم بعد تلات ايام .

ثريه بغل: اللي تشوفه يا بابا بس اكيد تالا عايزه فرح كبير .

خالد الشناوي: هعملها اكبر فرح في مصر كلها .

ثريه : وتجبلهم قصر بس يكون باسم تالا يا بابا عشان انت شايف تصرفات كنان .

خالد الشناوي بتفكير : ايوه كل حاجه هتكون باسمها هي .

ثريه بغل : ايوه يا بابا عن اذنك هروح اشوف الدكتور ثم تركته وذهبت الي غرفه طبيب .

ثريه : يا دكتور تالا عامله ايه طمني علي بنتي جرالها حاجه .

الدكتور بضحك : بنتك مفيهاش اي حاجه يا ثريه هانم .

ثريه بضحك : طب هما طولوا معاها جوا ليه .

الدكتور : عشان كل حاجه تبان طبيعيه وهي كويسه جدا .

ثريه وهي تعطيه مال : اتفضل يا دكتور ده حقك .

الدكتور بطمع : شكرا يا ثريه هانم بس الموضوع مكلف كتير وعايز زياده .

ثريه وهي تعطيه مال اخر : اتفضل دول كمان ولو الفرح تم هديك قدهم مرتين .

الدكتور بطمع : هيتم هيتم .

ثريه بغل : لازم تبين للكل أنها في حاله خطر من الاكتئاب .

الدكتور : طبعا ثم خرج مع ثريه وذهب الي غرفه تالا وبعد مده خرج هو ومن كان بالغرفه ثم قابله خالد الشناوي بقلق : طمني عليها يا دكتور .

الدكتور بتمثيل : مش هخبي عليك يا فندم بس هي في مرحله اكتئاب حاد ومش لازم حد يزعلها خالص وتبعدوا عنها كل حاجه تاذيها لأنها معرضه للحصل انهارده أنها تعمله تاني .

خالد الشناوي : ماشي طب هي هتفوق امتا .

الدكتور : هتفوق علي بالليل وممكن تخرج بس تاخدوا بالكوا منها وبلاش حد يزعلها وتركهم وغادر .

ثريه بدموع مزيفه : بنتي كانت هتروح مني انهارده بسبب حفيدك يا بابا أنا مش مسمحاه ابدا .

خالد الشناوي بغضب : حفيدي هيتجوزها وغصب عنه واللي تالا عايزاه هيحصل .

ثريه بدموع مزيفه : انا اهم حاجه عندي سعاده بنتي يا بابا وهي هتكون سعيده مع كنان هما مهما كان بيحبوا بعض .

خالد الشناوي : اللي تالا عايزاه هيحصل وهو بكرا الصبح هيكون هنا …

~~~~~~~~~~~~~~~~~~~~~

في الصعيد 

في الاسطبل .

كريم : تعالي يا حياه اوريكي الامانه اللي جدي موصيني عليها .

حياه بابتسامه : حاضر يلا 

وذهبوا الي مكان به حصان شديد الجمال وشعره طويل لونه بني ولون الحصان بني علي ذهبي فكان ذلك الحصان كل من يراه يحبه .

حياه بدهشه : الله ايه ده بسم الله ما شاء الله جميييييل اوووي .

كريم : ده رعد ابن المهره اللي عمتي كانت هتحبها وده هيكون بتاعك انتي .

حياه بابتسامه : يعني ده بتاعي انا .

كريم : ايوه بس خدي بالك وانتي بتجربي منيه عشان هو مبيحبش الغرباء عنيه .

حياه وهي تقترب بابتسامه : لا هو هيحبني زي ما أمه حبت ماما.

وأخذت تقترب منه بهدوء وابتسامه وذلك الحصان ينظر لها بهدوء إلي أن لمسته بهدوء وأخذت تملس يديها عليه بهدوء وابتسامه والحصان لا يتحرك ولا يعمل اي صوت هادئ جدا .

كريم بدهشه : ده اول مره اشوفه هادي ٱكده ده هو اسمه رعد عشان هو متل الرعد مبيهداش واصل .

حياه وهي مازالت واضعه يديها عليه : لا هو حلو خالص وانا حبيته اوووي .

كنان بابتسامه : تعالي اركبك فوقه .

حياه وهي تنظر إلي الحصان : ينفع اركب عليك ، فظل الحصان هادي ، فاتي كنان وحملها كي تركب علي الحصان وبالفعل ركبت عليه .

كنان بابتسامه : ها مبسوطه يا حياتي .

حياه بفرحه : جداااااا .

كنان : طب يلا نتمشي بالاحصنه .

وأخذ كل منهم حصان وذهبوا يمشون بهم براحه الي أن تسابق كل من عدي ووعد .

حياه بفرحه : نفسي اتسابق بس خايفه .

كنان بضحك : لا يا حياتي في البيت عندنا هبقي أعلمك وواحده واحده يبقي اتسابقي بيه .

حياه : بس انا عايزه رعد .

كنان بابتسامه : هبقي اخلي جدك يبعته ليكي هناك .

حياه بفرحه : بجد .

كنان : ايوه يأ حياتي واعرفك علي برق .

حياه : برق مين .

كنان : حصاني .

حياه بفرحه : ماشي .

ثم اتي إليهم عدي ووعد .

وعد بفخر : سبقتك يا عدي الشناوي .

عدي بضحك : لا يا ماما انا اللي سبقتك .

حياه بضحك ؛ انتوا الاتنين وصلتوا في نفس اللحظه .

كنان بضحك : وبقا في حد يسبقك يا عدي ثم رن هاتفه فوجده جده فرد عليه وبعد أن قفل .

عدي : جدك عايز ايه .

كنان باندهاش : معرفش كان متعصب وقالي بكرا الصبح تكون قدامي .

عدي ؛ طب ليه .

كنان : مش فاهم ايه اللي حصل ده بقوله اطلع بكرا الصبح عشان مش هنهض اطلع بالليل قالي تكون عندي الصبح .

عدي بهدوء : خلاص هنعرف لما نسافر وهنسافر في الطياره مش بالعربيات عشان نوصل بدري .

حازم : بس ايه اللي حصل خلي جدك متعصب وعايز كنان .

عدي : مش عارف ثم فكر قليلا وقال : مؤيد هي عمتك وبناتها لسه في القصر.

مؤيد : ايوه لسه موجودين هناك وتالا كانت حزينه ديما عشان كنان مش موجود  .

عدي : طب جدك مقالش لتالا حاجه .

مؤيد : كان ديما يقولها متزعليش ولما كنان يجي هعملك اللي انتي عايزاه .

عدي بتفكير : طب يلا نروح علي البيت .

حياه وهي حزينه : ايوه يلا  

ثم قامت بسبقهم قليلا بحصانها .

وعد وهي تشير الي كنان : علي فكرة زعلت عشان مؤيد قال أن تالا حزينه عشان أنت مش موجود .

عدي : روح راضيها واحكي ليها كل حاجه .

كنان : بس هي ممكن متتقبلش الحقيقه .

عدي : لا حياه طيبه وهتفهمك وهتفهم انت عملت كده ليه روح وراها يلا .

فأسرع كنان بحصانه خلفها .

كنان : حياتي استني .

حياه بحزن : لا عايزه اروح تعبانه .

كنان : استني بس عايز احكيلك علي حاجه .

حياه : نعم .

كنان وهو ينزل من علي حصانه وذهب باتجاه : تعالي انزلي يلا وهنقعد هنا واقولك كل حاجه .

حياه بحزن : لا .

كنان وهو يحاول أن ينزلها : طب يلا انزلي ثم نزلت هي وهو حملها .

حياه بصدمه : انت شيلني ليه .

كنان بحنيه : عشان حياتي زعلانه مني .

حياه بحزن وبحرج : بس انا مش زعلانه نزلني.

كنان بحنيه : انا ماقولتش حاجه تزعلك وبعدين هما قالوا هي زعلانه مش كنان زعلان يعني تفرق .

حياه بحزن : بس انت بتحبها وهي بتحبك وانا دخلت بينكم .

كنان بحنيه : لا محصلش ثم انزلها وقبل رأسها وجلسوا سويا وهو اخذها في حضنه ثم قال : بصي يا حياتي انا ممكن كنت بحبها أو كنت واهم حبي ليها يعني اللي هو من وانا عيل يقولوا كنان لتالا وكنان بيحب تالا لما اخدت علي كده يعني اتوهمت بكده بس لما قابلتك مش عارف ايه اللي حصلي أو امتا حبيتك ايوه انا حبيتك معرفش امتا أو ازاي بس حبيتك من غير ما احس انا عمري ما كنت حنين مع حد زيك كده غير اخواتي وبس انتي عارفه لما بتضحكي انا ببقي فرحاااان اوووي اووي عارفه لما كنتي هتموتي انا كنت حاسس بقلبي انا اللي وقف كنت هموت وراكي انا معيطتش قدام حد قبل كده بس لما كنتي هتروحي مني كنت بعيط قدام الكل وادعي ربنا أنك تقومي بالسلامه مكنش همني حد غيرك انا مش حبيتك انا عشقتك مش عارف امتا بس انتي ملكتي قلبه كله اللي كان لتالا ده كان وهم .

حياه بحزن : بس حتي لو وهم انا دخلت بين اتنين بيحبوا بعض يعني انا بقيت زي ما بيقولوا خطافه رجاله خطفت واحد من حبيبته وانا مش كده حتي لو اتعلقت بيك وحبيتك بس عمري ما اخد واحد من حبيبته .

كنان بحنيه وهو يقبل رأسها : مين قال كده يا حياتي بصي يا حياه انا هحكيلك كل حاجه وانتي قوليلي رايك انا مكنتش مع تالا لما انتي دخلتي حياتي احنا سايبن بعض م زمان وهقولك السبب .

فلاش باك 

تالا بدلع : ها يا كنونتي هنروح فين انهارده .

كنان : عايزه تروحي فين .

تالا : عايزه نروح اسبوع شرم نقضيه هناك .

كنان: اسبوع ايه بس انا عندي امتحانات وهتخرج وورايا شغل انتي عارفه اني ببني مستقبلي لسه .

تالا : مستقبل ايه ده انت هتخلي جدو يبنيلك مستشفي خاصه وانت هتكون مديرها وعندك شركات بتنزل تشتغل ليه بقا ماهي الشركه بتاعتك انت واخوك .

كنان : حتي لو بتاعتنا بس انا عايز اعتمد علي نفسي ابني مستقبلي بنفسي .

تالا : اووف بقا كنان انت غاوي تعب ، طب تعالي انهارده نروح نسهر في حته .

كنان : وهتسهري فين بقا .

تالا بدلع : هنسهر في النيتكلب الي أصحابنا بيسهروا فيه انا بروح فيه علي طول الدنيا هناك حلوه خالص .

كنان : انا مبحبش السهر ده .

تالا بدلع : تعالي عشان خاطري وانا هنسيك الدنيا كلها ثم بعد الحاحها ذهب معه الي هناك .

وظلت تشرب هي وتعطيه يشرب كثيرا ثم اشربته كثيرا إلي أن بدأ يفقد وعيه .

فاتيت إليها مايا ثم قالت : جدعه يا تالا تعالي بقا نوديه الاوضه وانتي هتنامي معاه وانا هصوركوا في أوضاع وحشه زي ما ماما قالت .

تالا بشر : وبكده بقا يسمع كلامي انا والا اقول لجدو أنه ضحك عليا واخليه يستعجل ويتجوزني .

مايا : ايوه ونخليه يعمل مستشفي والا ننشر صوره دي ويمشي علي مزاج ماما زي ما هي عايزه .

تالا ؛ ايوه وبكده يفكر أن الموضوع ده يخصه هو .

مايا : متخفيش طول ما ماما معاكي .

ثم نامت بجنب كنان ومايا بالتقاط بعد الصور المخله للأدب ثم تركتهم وخرجت .

بعد مده استيقظ كنان علي صوت بكاء تالا ..

تالا بدموع : انت ليه عملت فيا كده انا عملتلك ايه انت دمرتني انا اقول ايه دلوقتي لامي قولي وظلت تبكي ..

كنان بصدمه : ايه اللي حصل .

تالا بدموع : انت ضحكت عليا انا وثقت فيك وانت ضحكت عليا وظلت تبكي وتلوم في كنان .

قام كنان وارتدا ملابسه وقال لها أن ترتدي هي أيضا وسيوصلها الي منزلها .

وظل كنان اسبوع يلوم في نفسه وفي حاله .

ثم اتصل به شخص وأراه صوره هو وتالا وقال له أن يأتي له بمليون جنيه ثم أخذهم وظل يأخذ منه لمده .

ثم بعد اسبوعين أتيت إليه تالا بدموع وقالت له : انها حامل ويجب ان يتزوجوا بسرعه .

كنان بصدمه : ح..ح..حامل .

تالا بدموع مزيفه : ايوه وماما شاكه فيا ولازم نتجوز بسرعه .

كنان بغضب : طيب طيب هتصرف .

وذهب الي عدي وحكي له عن كل شئ وأنه هناك شخص يبتذه وان تالا حامل .

عدي بغضب : انتي غبي ازاي تعمل كده .

كنان : ولله ما اعرف ده حصل امتا ولا فاكر حاجه خالص .

عدي بغضب : وانت منتاش فاكر حاجه ازاي .

كنان بحزن : ولله ما فاكر حاجه خالص انا صحيت لقيت كل حاجه .

عدي بتفكير : طب ايه اللي حصل يعني انا عارف انك مبتحبش تروح اماكن فيها شرب .

كنان بحزن : تالا قعدت تزن عليا جامد وروحت عشانها وبقت تديني حاجه اشربها وتقولي ده مش خمرا ده عصير تفاح .

عدي بصدمه : انت غبي للدرجه دي .

كنان : واثق فيا يعني لو ادتني سم هشربه وانا واثق فيها .

عدي بتفكير : طب قولي اليوم اللي كنت فيه وكنت امتا بالظبط وقولي انت لما قومت كان في دم علي السرير .

كنان بحيره : مكنتش مركز بس تقريبا لا مش فاكر يا عدي .

عدي بتفكير : طب اهدي ومتجبش سيره لحد عن الموضوع ده ولما الرقم اللي بيهددك يكلمك قولي .

كنان بهدوء : طب وتالا اقولها ايه .

عدي بتفكير : قولها اديني مهله ولازم تروح معاها تشوف ابنك يعني قولها بعد ما اخلص امتحانات كمان شهر ونجوز بس روح معاها وانت اكيد دكتور وتفهم .

كنان بهدوء : حاضر .

عدي بهدوء : متخفش انا في ضهرك .

وبالفعل بعد اسبوع ذهب كنان مع تالا الي المستشفي وراي طفله الذي ببطنها ثم ثاني يوم اتصل به الرقم الذي يهدده وكان عدي يراقب هاتفه فعلم اين موقعه ووجده أنها مايا فقام باختطفاها وأخذ منها الصور وقالت له أنه يوجد نسخه في خزنه والدتها فذهب وأخذها وعلم من كاميرات النيتكلب أن مايا وتالا هم الذين ضحكوا علي كنان وكنان لم يقترب منها وكانت هي حامل بابن شخص ثاني قام بالضحك عليها مره وهي تشرب وكانت تريد أن تدبس كنان في الموضوع .

عوده من الفلاش باك .

كنان بهدوء : وده كل الي حصل وبعدها سبتها معرفش عملت ايه وبقت تيجي عندنا كل فتره وانا كنت اقولها اني معتش بحبها ومن يومها وانا كرهتها لأنها طلعت خاينه وكدابه وانا بكره الخيانه والكدب .

حياه بدموع : أنت عيشت كل ده .

كنان بهدوء : ايوه وعدي هو اللي باينلي الحقيقه انتي متعرفيش انا كان ضميري هيموتني أيامها .

حياه وهي تحتضنه وتبكي : حقك عليا انا دي بنادمه طماعه بس ابنها راح فين .

كنان : معرفش سمعت انها عملت حادثه ومات معرفش هي بعد الموضوع ده فضلت فتره متجيش وبعد كده بقت تيجي.

حياه بدموع : ولا يهمك انساها .

كنان بحب : انا نسيتها بس محبتش اخبي عنك اللي حصل انا بجد حبيتك ونفسي تحبيني ونعيش مع بعض ديما حياه انا بجد بحبك وهثبتلك ده .

حياه بحب : طب احب يلا عشان اتاخرنا .

كنان بابتسامه : بس انا عايز افضل في حضنك شويه .

حياه بكسوف: كنان اتلم بقا .

كنان بضحك : يخربيتك لما بتحمري ثم اقترب من شفتيها والتهمهم لمده ثم قال وهو يلتقط أنفاسه : لو قعد اكل فيهم 100 سنه مش هشبع انتي حطه عليهم ايه دول حلوين اوووووي .

حياه خجلت كثيرا فدفنت رأسها في حضنه .

كنان بابتسامه : بحبك اوووي .

حياه بخجل وتوتر : احم و .. و .. انا ..ك ..ك ..كم..أن ..

كنان بصدمه : انتي قولتي ايه .

حياه بخجل : بس بقا .

كنان بحب : طب عشان خاطري قوليها مره بس نفسي اسمعها .

حياه بخجل : و.. انا..ك..ك..كمان ب..ب..بحب..ك .

كنان وهو يحتضنها لدرجه كاد أن يكسر ضلوعها وبعلو صوته : وانا بعشششششششقكككك يا حياتي وبحباااااااااااك وأخذت الاحصنه تهلل لهم كأنهم شعروا بفرحتهم .

حياه بخجل : احم بس هنفضل زي ما احنا شويه ممكن لغايه ما استعد للموضوع .

كنان بابتسامه : اهم حاجه تكوني جنبي وبس .

حياه بابتسامه : طب يلا عشان نروح البيت اتاخرنا .

كنان بحب : يلا يا حياتي .

وبعد فتره وصلوا المنزل وقال لهم عدي أنهم سيغادرون في الطائره غدا الساعه 8 صباحا .

وقال أحمد الصافي : أنه سياتي معهم هو وإبراهيم لكي يروا محمد ابو حياه .

ثم صعدوا جميعهم الي غرفهم وناموا واستيقظوا في الصباح وذهبوا الي الطائره وسافروا بها .ووصلوا الي القاهره .

وصعد كل منهم الي سيارته وذهب الي منزله وذهب كنان وحياه واحمد وإبراهيم الي منزل ابو حياه .

حياه بتوتر : بابا هيعمل ايه .

كنان بهدوء : اهدي وانا هفهمه .

وبعد مده وصلوا الي منزل حياه .

وفتحت لهم عهد .

عهد بابتسامه : حياااااه وحشتيني اوووووي .

حياه وهي تحتضنها : وانتي اكتر يا قلب اختك وحشتيني جدا .

عهد وهي تشير الي من معه : مين دول .

حياه بابتسامه : دي حكايه طويله المهم بابا فين .

عهد : نزل يجيب حاجه من الصيداليه وجاي .

حياه بقلق : ليه ماله .

عهد وهي تطمنه : مفيش بس هو تعب بقاله اسبوعين ومرداش يقولك لما كنتي بتكلميه وكان لولا تعبه هيجيلك .

حياه بقلق : يعني بابا ماله .

عهد : ياحبيبتي اهدي جاله حمي بس الحمد لله خف وبقا كويس بس هو لسه متابع علي العلاج بس وزمانه طالع اهو .

كنان وهو يقوم : معلش يا حياه نسيت حاجه تحت في العربيه هنزل اجبها واجي عن اذنك يا حاج احمد انت وحاج ابراهيم .

ونزل الي الاسفل بسرعه ينتظر ابو حياه وعندما وجده .

محمد الصافي : دكتور كنان انت جيت طب وحياه فين .

كنان بهدوء : حياه فوق بس انا كنت عايز اقولك حاجه .

محمد الصافي: اوعي تقولي هتسافر تاني انا لولا تعبت كنت جيت اخدتها .

كنان : لا ياعم الحاج بس هحكيلك علي اللي اخرنا هناك وحكي له كل شئ حتي موضوع زواجه بحياه .

محمد الصافي بعصبيه : ازاي تتجوزها.

كنان بهدوء: اهدي انا لو متجوزتهاش كان حد من عيله الدهشوري هيتجوزها بعد ما كدبنا عليهم وانا كدبت علي جدودها وقولت ليهم اني خطيبها عشان كان ممكن يظنوا فيها ظن وحش عشان انا قولت انا جوزها .

محمد الصافي بعصبيه : وأنا ايه اللي خليني مظنش فيك .

كنان بهدوء: انت اكيد عارف بنتك وواثق فيها وانا اه اتجوزها من يومين بس لسه متجوزتهاش رسمي عشان اجي انا وعيلتي نطلبه منك تاني وهعلمها فرح كبير هنا بردو .

محمد الصافي بعصبيه : وانا ايه اللي يخليني اثق في كلامك .

كنان بهدوء: اسال بنتك وانا هاجي اطلبها انهارده بالليل انا وعيلتي والفرح بعد تلات ايام .

محمد الصافي بصدمه : ليه بالسرعه دي .

كنان بهدوء : الناس اللي فوق مفكرين اني كنت خطيبها يعني احنا في بينا اتفاق كان قبل كده وأن احنا كنا هنجوز كده كده .

محمد الصافي : بس انت مبتحبش بنتي .

كنان بابتسامه : بالعكس أنا بحبها جدا حتي لو محصلش كل ده كنت هاجي واطلبها منك عشان خاطري وافق انا ما صدقت لقيت  حد شبهها ومتشليش هم حاجه كل حاجه هتكون جاهزه .

محمد الصافي : ماشي .

كنان بابتسامه : انت ولله راجل طيب تعالي نطلع عشان اهلك فوق .

وبالفعل ذهبوا إلي فوق وعندما دخلوا ذهب محمد لكي يحضن أباه ولكنه ضربه كف علي وجهه ……..

يتبع..