رواية ليل الفصل العشرون 20 بقلم ياسمين خالد

مؤمن بيصحي بدري تاني يوم بيجيب الحاجه إللي قال عليها لِ ليل ..بيرجع البيت بيتسحب عشان ليل متصحاش..

بيبوس راسها ويتأمل فيها ..

بينزل عشان يسافر

“بعد مرور 4 ساعات”.

مؤمن بينزل القريه ..بيروح البيت علي اللوكيشن إللي إتبعتلهٌ

بيدخل البيت بعد م بيتأمل ف المكان بعيونه ..قاطع إستكشافه ممدوح وهو بيبص بخُبث.

“مؤمن بَص بتحدي،وكإنه بيقولهُ أنا فاهمك”.

_”ممدوح بمكر حاول يداري إنتقامهُ..كان واقف معاه سعد وسمير ولادهُ”..إتفضل يابني إتفضل.

=يزيد فضلك ياحاج ..أمال فين ماجد والجماعه!

_طب مش تاخد واجبك الأول وبعدين تشوف الجماعه !

= “ضحك ب سخريه” هو واجبي مينفعش يتاخد والجماعه موجودين!

_”بص ل سمير وسعد بمعني ان مؤمن شك ف حاجه من كلام ماجد ..إتنهد وحاول يداري الغل إللي جواه”..يابني لا مش كده بس هما برا دلوقتي ..هنشرب حاجه وبعدين يكونوا جُم ..أنست وشرفت والله

_ الله يكرمك ..

“سعد أومأ رأسه لِ مؤمن”

=سعد: تعالي ياحاج عاوزك ف حاجه .

_ ممدوح ب ابتسامه مُزيفه: طب عن إذنك يامؤمن مش هنتأخر.

=أه طبعا اتفضل.

“بيمشي هو وسعد علي اوضه المكتب”.

_سمير :جاهز وكله تمام!

=اه جاهز بس فهمني براحه إيه إللي حصل كله ..

_ طب تعالي بَدِل معايا وخليني أنا أقعد ف وش الباب عشان أول ما يطلعوا أغير الموضوع بدل ماإنت تتوتر.

=ماشي .

“بيبدلوا الاماكن “..

_ها إحكيلي.

=إمبارح بليل كنا كلنا متجمعين ف الجنينه حتي أبويا كان معانا،وبعدين امي كنا متفقين معاها انها تهزر مع ابويا هزار تقيل عشان يدخل اوضه المكتب او ترمي كلام يزعلوا ويخليه يتعصب وسعد يدخل ونبتدي نسجله بالفعل امي عملت كده وشدوا مع بعض وبهدلها قدامنا كلنا دخل وهو الشياطين كلها قصاد عينه ..راضينا أمي وقولنالها هتعرفي كل حاجه بعدين ..وفعلا مزعلتش هي كان عندها فضول تعرف ليه ولادها خلوها تعمل كده ..كلهم طلعوا الأوضه بما فيهم سميه وعم علي ومراته وامي وانا وماجد وعمي فؤاد وأسيل ..ماجد إبتدا يفتح اللاب عشان يتابع الحديث إللي هيدور بين سعد وأبويا..سعد دخل لأبويا المكتب وقعد قصادهُ فتره بحيث إنه يهدا وكمان إحنا نكون رتبنا نفسنا وفتحنا اللاب وحطينا الفلاشه إللي هنسجل عليها الموضوع إللي هيحصل ..قعد حوالي 10 دقايق وبعدها أبويا هو إللي بدأ الكلام..

_____________

“فلاش باك”.

________________

_”بعصبيه”لما إنت هتفضل ساكت أمال داخل ليه!

= طب إهدي ياحاج ،انا بس قاعد كده عشان مستنيك تكون هادي ونعرف نتكلم..

_ شايفني مجنون ماانا هادي أهو ..إتكلم سامعك عاوز تقولي ايه امك مش قصدها ! مش قصدها تقول قدامهم وتلقح بالكلام وتبصلي نظرات إتهام وتقول مش بيموتوا غير المظلومين اما اللي بيقتلوا لسه متهنين علي وش الدنيا وبيسكروا وعايشين حياتهم وحياتهم كلها مُنكر مش صح ولا إيه ياحاج ! بتستفزني ولما تجاهلت كلامها ..كررت نفس كلامها تاني عاوزني كنت اعمل ايه اقل حاجه البهدله اللي خدتها مني دي قدام الناس تستاهل

“بيقوم علي دولابهُ الخاص بالخمور ..بيجيب إزازه وكوبايه وبيتجهه تاني لكرسي المكتب بيخرج من درج المكتب سجاير ..

_ معلش بردو ياحاج انت اتوترت ليه ممكن يكون مش قصدها عليك يعني إنت هتكون قتلت مثلا عشان كده هي بترميلك الكلام ،ماهو عصبيتك المُفرطه دي حسستها وحسست كل اللي قاعد انك عملت كده فعلا ،”سعد حَب يرمي كلمه وسط كلامه عشان يشوف رد فعل أبوه” ..وممكن كمان دماغهم تودي وتجيب ويفتكروا إن إنت إللي قتلت عم فرغلي.

_”بَص لسعد نظرات حاده ..ابتلع ريقه ..إتوتر خد شفره من الخمر الخاص بيه ممزوج بنفس من سجارته ..تفتكر شكوا ف حاجه .

_”سعد بخبث” ..انك قتلت عمي !

= “بيقطع ف الكلام” أ ..أه يعني أ أنا طبعا معملتش ..معملتش كده بس يعني لو شكوا أنا مش هعرف أثبتلهم عكس كده 

= بص ياابويا مش عارف ،بس بصراحه كده ف حاجه شاكك فيها عشان كده امي قالت الكلام ده وحسيتها من وقتها إتغيرت .

_”بفضول وخوف بان علي كلامه وملامحه معرفش يداريهم ” قول بسرعه.

= امي دخلت المطبخ كان وقتها عم علي جايب خضار وطلبات للبيت وراح دخلهم لمراته جوا عشان تبتدي تعمل الأكل ،وبعدها أمي انت عارف لازم تدخل تشرف علي المطبخ الاول المهم قابلت عم علي ف المطبخ .

_عرفت ازاي!

= هفهمك انا كنت داخل صدفه عشان اشرب ،بس سمعت طشاش كلام كده إن والله مش ذنبه وانك انت السبب ف حاجه ومن الواضح بيتهمك بحاجه ف لما لاقيت كده وقفت  اسمع علي قد مااقدر لكن معرفتش اجمع اي كلام ،وغير كده قاطعتني الزفته اللي اسمها سميه دي اللي اتجوزتها بالغصب وسالتني واقف كده ليه وصوتها عِلي ف هما سمعوا وعم علي اتوتر وطلع ومن بعدها امي وشها كان أصفر وكإن الدم هِرب من جسمها ..وعم علي خرج اول ماشافني ..هو ف حاجه ياابويا احكيلي يمكن اقدر اساعدك ..انت عارف اني دراعك اليمين وأي حاجه هساعدك فيها ،عم علي ده ماسك عليك حاجه!

_”بتوتر خد شَفره من الكوبايه وهَبد الكوبايه بعنف علي المكتب “..هو فين علي دلوقتي ناديهولي حالا

= وبعد ماتناديه !

_ هنهيه من علي وش الدنيا خالص .

= طب ليه!.

_ من غير ليه.

=طب تفتكر لما تإذيه أمي مش هتعرف ان انت السبب وكمان مراته خصوصا ان الكلام كان قدامها 

_سكت دقيقه وقال: خلاص تعرف اللي تعرفوا ولا يفرق معايا 

= المشكله مش فيها المشكله فيه هو لانه كان بيتكلم بثقه كإن معاه دليل قوي علي الحاجه اللي ماسكها عليك 

_هيكون دليل إيه يعني!

= مش لما اعرف الحاجه دي الأول يااحاج.!

_ “ضَغط بإيدو وهو محاوط الكوبايه جَز علي سنانه ” ..أكيد قالها إنه قولتله يقتل أخويا..

= “سعد عَمل نفسه مُتفاجئ” إيه ..إنتو إللي قتلتوه!

_ أه إحنا

=طب وليه عملكم ايه !

_مالك حاسس انك بتدافع عن عمك كإنه إدالك أرض زي أخوك 

=”سعد حاول يتراجع وميبينش إنحيازوا تجاهه عمهُ “..لأ لأ إنت فهمتني غلط انا بس عاوز أعرف الأسباب عشان لو حصل ف الامور أمور أعرف أرد ويكون معايا أسباب 

_”طلع سجاره من العلبه بتوتر “..وبنبره كلها حقد ..طول عمروا معاه كل حاجه..طول عمروا الناس كلها بتحبه حتي أبويا وامي كنت بحس إنهم بينحازوا ليِه هو جاتلوا بعثه وسافر وجيه بقي عندو بدل البيت ٣ وبدل الفيلا ٥ وبدل العربيه اتنين وتلاته جوز بنته واحد غني وسفرها وابنه ماجد مدير شركات وابنه عمر عايش برا إتجوز اللي كنت بحبها 

_ اللي كنت بتحبها!

= اه كانت جارتنا هو اه مكنش حد يعرف بس هو اول مانزل خطبها واتجوزوا الحظ كان واقف معاه ف كل حاجه ،بقي عايش ف القاهره وانا هنا ف القريه وسط المزرعه واصوات البقر والبياعين اللي اصواتهم مزعجه وكمان مسابنيش ف حالي بقي عضو ف مجلش الشعب وبقي كل شويه يجي ويخلي الناس تحبه ويساعدهم اما انا  ..كنت يادوب شغال عندو ف الارض بتاعته باخد القبض بتاعي كل اول شهر ولما مكفاش اشتغلت ف السلاح والبودره وهو ده اللي خلاكوا تعيشوا العيشه المرتاحه دي لولا كده كنتو هتفضلوا عايشين ف البيت اللي معمول من الطوب الأحمر وهو عايش ف فيلل ..”بيتكلم بغل أكتر” كل حاجه اتمناها كانت تحت رجله إلا أنا مفيش حاجه حلمت بيها جاتلي ..كنت بحاول أبين إني بحبه لكن الكرهه كان بيزيد جوايا كل ما بشوفه بينجح وانا واقف مكاني 

_ ليه مرضيتش باللي ربنا كاتبهولك ! ليه شايل كل ده ف قلبك وساكت ليه ربيت جواك حقد وغل كده ليه!!

_”بعصبيه” الغل والحقد ده هو اللي زرعوا جوايا ..قبل ماكان يتمني حاجه كانت بتجيلوا علي طبق من دهب مكنش بيتعب أبدًا..كان بيقبض ف الشهر فوق ال 3 مليون من محصول الاراضي غير شغلوا غير نسبته ف مجلس الشعب ويديني انا كام ألف ف الاخر كإني كلب بيرميلهُ إللي إتبقي من أكلهُ ..

_بس هو بدء من الصفر وده رزقه لو كنت صبرت وإستنيت ربنا كان بعتلك رزقك ربنا مبياخدش رزق حد عشان يديه لحد تاني حتي لو رزقك قليل ف الدنيا لو صبرت هتلاقيه ف الأخره وربنا هينعم عليك بالجنه .

_ بنبره شك”:كلامك إتغير كده ليه ياسعد!!

= متغيرش ياابويا انا بس بقولك اللي مفروض انت كنت تحطوا ف دماغك ،انا مش فاهم يعني انت عملت ايه بردو وايه علاقه عم علي بالموضوع 

_ علاقته إن انت وقت ماغلط مع بنته هو جالي وهددني فعلا انه هيقتلك وبعدها كان موضوع قتل فرغلي ده شاغل بالي بقاله فتره خصوصا لما واحد قالي ان انا اللي استاهل مش هو وانه هيساعدني اكون عضو ف المجلس بس حاول تخلع اخوك.

_ قالك اقتله!

= لا قالي حطلوا حشيش ف العربيه حطلوا اي حاجه تخلي سمعته ف الارض ،بس كنت عارف لو عملت كده محدش كان هيصدق وكان بردو وقفه الناس جمبهُ هتخليه ينجح ايه يعني هيسيب المجلس هو كده كده مش محتاجوا وهيفضل يساعد الناس بعدها قولتله عاوز سعد يتجوز بنتك اقتل فرغلي اخويا قعد يقولي لا بس ضغط عليه وفعلا وافق وقبل ماينفذ اقنعتك تتجوزها وبعد الجواز هو قتلوا وانا بعت واحد من رجالتي يصوروه وحطيت الفلاشه دي علي مكتب ماجد ولحد الان مفيش رد فعل من ماجد ولا من  علي حتي يمكن هو شافها وشالها وبعدين هما جم قعدوا معانا هنا لكن انا مش عارف ايه اللي علي بيحاول يعملوا.

_انه اكيد تعب وضميروا أنبوا ف قال يعرف امي مش عارف دماغه فيها إيه ..

“بيسمعوا صوت صويت جاي من الغرفه “.

“بيتنفضوا من مكانهم ..سعد أول حاجه جت ف باله سميه وامها ان ممكن يكون جرالهم حاجه من الصدمه وهول اللي سمعوه..

“طلعوا يجروا”

____________

علي الجانب الاخر ..ف نفس توقيت الكلام اللي كان بيدور مابين سعد وممدوح

“سميه بتبص لأبوها نظرات كلها خيبه أمل ..”

_”عيونها إتملت بالدموع” قتلت ..قتلت عشان تسترني!طب ليه ! ده مبرر تقوله لقاضي محكمه، لظابط ف نيابه، لكن مبرر انك تقوله وانت واقف قدام ربنا!

“اصوات أنفاسها بتتسارع”ليه فهمني ليييه!!!!! ده انت اول راجل ف حياتي ياابويا وكنت قدوتي وسندي ،ليه بعد عمرك ده تقابل ربنا وانت شايل ذنب قتل شخص برئ مالهوش ذنب عشان بس يرضي حقدوا وغرورا ..ده انا حطيت ثقتي كلها فيك ..انت ! إزاي!! 

“بيقرب عليها”.

_إبعد متقربش ،أنا خايفه منك ..حضنك اللي كنت بترمي فيه من خوفي من الدنيا بقي بالنسبالي مرعب، شوك هيلمس جسمي ..اهرب لمين دلوقتي !كنت بهربلك انت ..حاسه ان ضهري بقي مكشوف أوي اي حد ممكن يطعن فيا وانت مش موجود عشان تحميني ..ابص لجوزي ازاي دلوقتي وانا ابويا قتل عمه ..

_قاطعت كلامها مراته ب عتاب ولوم” بنتك كان ليها رب يجيبلها حقها ياخساره ،ياخساره ياعلي خيبت ظني فيك أنا وبنتك كل ده يطلع منك إنت ياعلي .

“علي بيخرج عن صمته وبزعيق وعصبيه مفرطه”: بس بقي كفايه ،عارفين يعني إيه اللي عملوا فيكي !!! انا الدنيا اسودت قدامي ومكنش فيه مقابل غير اني اقتل اخوه عشان يتجوزك ..كنت هتعذب كل يوم وانا بشوف دموعك تنزل اخر الليل علي مخدتك ..كنت هشوفك مكسوره وحلمك زي اي بنت لابسه فستان ابيض وف الكوشه مع عريسك ضاع جايين تلوموني ليه!!! هو انا كان بمزاجي أقتل بمزاجي أشيل ذنب كبير زي ده ..بمزاجي اني مش قادر حتي اصلي واسجد لربنا حاسس ماليش عين ،ايوه ماليش عين زي ماانا ماواقف قدامكم كده ماليش عين ،عيني مكسوره بس والله غصب عني ..انا عيني مشافتش النوم من يوم ماقتلته بشوفه ف حلمي بيجي يعاتبني ويقولي ليه ياعلي ويمشي !..لو هو اتقتل وارتاح ..ف انا كل يوم بيمر عليا بموت فيه الف مره تأنيب الضمير بيقتل فيا كل يوم بخنجر تِلم ..سامحني ياماجد بيه سامحوني كلكم ..بلاش اشوف النظرات دي في عيونكم حتي قبل مااموت.

“ثريا مرات ممدوح بعتاب”: انا مصدقاك والله وعارفه ان ممدوح يطلع منهُ كل حاجه بس،بس ليه مجيتش تقولي! انا عمري ماكنت هكسر نِفسك..انت ليه استسهلت انا كنت هساعدك

_ خوفت ..خوفت تفتكريني بكدب وتهاجميني وتقوليله وهو يستخدم اي وسيله ف أذيه بنتي 

“بيمسك قلبهُ”.

سميه بتجري عليه هي ومراتهُ ..بابا قوم بابا ..

بتصرخ ..باباااااا ..

“ماجد بيجري عليه..بيسمع ضربات قلبه ..

_ماجد بَص لفؤاد بحُزن ويأس:مفيش ضربات قلب ..للاسف مات 

“بيصرخوا بهستيريه لأاااا ..بابا قوم والله مسمحاك قوم بس ..قوم بالله 

“ممدوح وسعد بيطلعوا علي السلم.. سعد سبق ممدوح لان ممدوح كان جسمه مش مُتزن بسبب اللي شربوا سعد بيدخل الاوضه ..بص علي اللاب توب جري خد الفلاشه وحطها ف جيبهُ لان الكل كان ملخوم ملحقش يقفل اللاب ممدوح كان واقف قدام باب الاوضه ..سعد بخضه جري علي سميه :ف ايه!بص علي عم علي ..جراله  ايه انطقي.

_سميه بصت لممدوح وهو واقف مكانه متحركش بحُرقه وعياط :منك لله،حسبي الله ونعم الوكيل فيك ..إنت السبب

_ بعنف مسك إيديها”: إنتي إزاي تتكلمي معايا كده انا مش فاهم حاجه وهو انا اللي موتوا ..

_ اه إنت ،انت اللي قتلته زي ماقتلت اخوك بالظبط 

=”إتوتر وبص لماجد وفؤاد بخوف..وجهه نظروا ليها انتي بتقولي ايه ..

_ بقول ايه!!! انت عارف كويس أوي..إنت أكبر مُخادع الحقيقه خلاص اتكشف وكل حاجه متس “سعد بصلها بحده بمعني انها متقولش حاجه “..فهمت نظرته وكملت كلامها وقالت ..كل حاجه بابا قالها قبل مايموت وهوديك ف ستين داهيه..

“سعد غمزلها..عَمل نفسهُ بيمسك إيديها بعنف ..” ولا تعرفي تعملي حاجه إنتي فاهمه !!.

_ لا هعمل ،ايه انت وابوك ايه عاوزين تقتلوا الناس وتفضلوا زي ماانتو متاخدوش عقابكم!!

= ثريا بتقرب علي ممدوح: خساره ياالف خساره علي الدم اللي كان بيربُط بينك وبين اخوك اللي مش شبهك ..خساره فيك اي حاجه حلوه “بتبصله ب استحقار” مش قرفان من نفسك!

“ساكت مبيردش وعيونه كلها غِل وشر”..انتي تسكتي خالص مسمعش نفسك انتي فاهمه!.

=متسمعش نفسي ليه ياممدوح! تصدق بالله انت ماتستاهل اي حاجه حلوه عملتهالك لا انا ولا اهلي اتجوزتني عشان الفلوس واهلي ومناصبهم كل حاجه ف حياتك الفلوس ..فلوس فلوس فلوس واخره الفلوس ايييه!!! ” ب انفعال” قتلت! قتلت روحين ده غير اللي منعرفهوش..

” بيلوي دراعها بعنف ويقرب منها وبنبره شر وتهديد قولتلك إخرسي مسمعش صوتك بدل ماإنتي إللي هتبقي الجُثه التالته فهمتي!.

فؤاد بيقرب وبيشدها مِنهُ ،بيقف قصادوا بنظرات كلها إستحقار ..وبتحدي قال:مش يمكن تكون إنت الجُثه التالته!

هه يابجاحتك ياأخي لسه ليك عين تتكلم علي رأي مراتك مش قرفان من نفسك!.

“بيقاطع حديثهم صوت سُميه وهي بتعيط بهستيريه جمب أبوها وأمها اللي قاعده حاضناه وبتعيط بحُرقه ” 

ماجد بيقرب علي سميه :البقاء لله ياسميه ..

_ لأ ،لأ ابويا مامتش صح !!..

قوم يابابا ..بابا متسبنيش يابابا ..طب هو انا دوقت من نفس الكاس اللي ماجد وعمر وآيات داقوا منهُ! إتحرمت منك ! طب أنا ذنبي إيه ف وجع القلب ده! أنا حسيت بيك دلوقتي ياماجد ،حسيت والله بكسره نفسك ووجع قلبك ..بالله عليكم تسامحوه بابا مالهوش ذنب عمل كده عشاني،عشاني أنا ياماجد ..”بتبوس إيدو” إنت سامعني! حقك عليا يابابا اني وجعتك بالكلام ،حقك عليا بجد بس مكنتش مصدقه انك تعمل كده ..سامحني .

_ ماجد بتعاطف معاها لإنه حاسس بيها وبالبركان اللي جواها:انا مسامحوا وانتي ادعيلهُ بالرحمه

_ماجد بِ غِل : ها ياعمي ..مردتش علي عمي فؤاد مستنضف نفسك كده وبالك مرتاح ..يعني بتعرف تنام كده زينا !زي البني آدمين العادين !.

_ اه بعرف ..”بيطلع سلاح من جيبو” وبيوجهه عليهم كلهم ..

اقعدوا كلكم جمب بعض ..”بزعيق ” قولت أقعدوا .

“بيقعدوا كلهم جمب بعض ماعدا سعد “..

بيوجهه سؤاله ليهم كلهم علي قال لمين تاني الكلام ده!.

“الكل ساكت “.

“ضرب رصاصه علي إزاز الأوضه ..ك نوع من أنواع التهديد ” ها ردوا بدل الطلقه التانيه هتيجي ف حد فيكم ” ..

_ سعد : قالوا لواحد إسمه مؤمن 

= ماجد وفؤاد وسمير بصوا ل سعد بصدمه ..

_ مؤمن ..مؤمن مين ده ياسعد!.

= مش عارف ياابويا بس ده واحد عايش ف القاهره وعم علي قال قدامه ،يعني منقدرش نأذيهم لحسن مؤمن ده يكون مآمن نفسه أو مسجلين أي حاجه .

_ ممدوح بيوجهه كلامه لفؤاد وماجد: مين مؤمن ده ،هتنطق ولا تتحسر علي بنتك الحلوه دي هي واللي ف بطنها!!!.

“ماجد حاوط أسيل ب إيديه خوفًا عليها”

= “فؤاد وهو يبتلع ريقهُ ” شعر بالخوف علي مؤمن والخوف من ممدوح ليأذي إبنته وحفيدهُ : مؤمن ده بشمهندس كان بيشتغل عند فرغلي وعم علي قالوا كل حاجه .

_” سعد بيقدم خطوتين تجاه عائلته وأبوه من خلفه ..بيغمز لهم بحيث يفهموا ان دي خطه منهُ وميخافوش ” 

_ حلو اوي كده يبقي احنا هنتصل بيه وتعرفوا إن ابويا إعترف علي نفسه وتخليه يجي بكره بحجه انك ف خطه جديده عشان هتوقعوا بيها .

= طب وانت عايز ايه من مؤمن!.

_هتعرف لما يجي بكره.

= هو مالهوش ذنب ف حاجه.

_ممدوح وهو بيهددوا بالسلاح..هتسمع كلامه ولا لا !!.

= هسمع ..

“سعد بياخد رقم مؤمن من تليفون ماجد ..بيتصل وممدوح ماسك السلاح علي دماغ ماجد .

_ ألو..ألو.

_ ماجد مكنش قادر يرد وكان حاسس بتُقل ف لسانه..بعد دقيقتين.

= ألو..

_ ايوه مين.

= انا ماجد.

= عامل ايه.

= كويس.

_ ايه مالك بتتكلم تحت تهديد السلاح !.

= لا .

_ امال ايه .

= عايزك تيجي بكره القريه .

= ليه ف حاجه ! 

_ اه عشان نكمل باقي خطتنا وهو إعترف علي نفسهُ.

_ طب ماترجعوا.

= لا مش هينفع لما تيجي هتفهم ..

_ طب خلاص ماشي مع ان مرات..

= كويس ان مراتك مسافره ع متسالكش وكده هبعتلك اللوكيشن عشان تيجي عليه..

“بيقفلوا”.

_ ماجد بحيره بيسال سعد: هتعمل ايه معاه!.

= قولتلك هتعرف اما يجي بكره ..تعالي ياحاج عايزك .

_ بيخرج سعد وممدوح برا وبيقفلوا عليهم الباب.

“ماجد وفؤاد وسمير شالوا جثه عم علي وغطوها ..أسيل وثريا وسميه ومامه سميه كانوا مُنهارين من البكاء ..وضامين نفسهم والخوف متملك منهم 

_ ماجد بحيره: تفتكر سعد كان بيخدعنا ولا فعلا دي خطه!

= فؤاد :لا سعد ذكي حاسس ان دي خطه..

“ماجد بيروح عند اللاب توب ..ايه ده الفلاشه مش موجوده!!.

_ معقوله يكون ممدوح اللي خدها!.

= سمير: يمكن سعد اخويا خدها قبل م ابويا ياخد باله.

_ماجد: انا مبقتش عارف حاجه ،ولا بقيت فاهم حاجه بس سعد لو خدعنا هنكون روحنا ف ستين داهيه ،مبقاش عندي ثقه ف حد بجد.

“قعدوا كلهم منظرين اي إشاره تعرفهم حقيقه سعد وهل هو مخادع ولا لا ،وهل هو كان بيعمل إشارات تدل علي انه معانا عشان ياخد مننا اي دليل وينتقم مننا هو وابوه !.

 سميه فضلت تعيط ف حضن مامتها لحد ماراحت ف النوم وأسيل ف حضن ثريا لحد مانامت ..ومازال التشتت الفكري بيحاوط سمير وفؤاد وماجد .

_____________

علي الجانب الآخر ..

_ هنعمل إيه ياممدوح يابني !.

= ولا أي حاجه ،هنستني لما مؤمن ده يجي بكره ونخليه بطريقتنا يعترف إذا كان ف دليل علينا هو ماسكوا ولا لأ .

= ماشي ،بس تفتكر البتاع الكمبيوتر ده بتاع ماجد عليه فيديوهات! .

_ شايف الفلاشه دي!.

= اه .

_ دي فيها كل حاجه كانت متسجله ..وهتتحرق دلوقتي قصاد عينك.

_ دي مؤامره كانت علينا!!.

= الظاهر كده ياحاج 

“بيدخلوا المطبخ ..وبيشغلوا عين البوتجاز وبيحرق الفلاشه لحد م ساحت كلها “

_ سعد ب ابتسامه : متشيلش هم طول ماانا جمبك ونام وارتاح وهيفضلوا محبوسين لحد مامؤمن ده يجي بكره .

_ طب وعلي!

=هيدفن بكره عادي ايه المشكله !.

_ يعني انام وانا مطمن اني خلصت من الكابوس ده 

= مش انت بتثق فيا !

_ مش بثق غير فيك.

= بس كده ،روح نام وانا كمان هطلع انام وولا كإن حاجه حصلت  

_ عندك حق ،تصبح ع خير.

= وانت من اهله  

“ممدوح بيدخل الاوضه وبيقفل عليه الباب،سعد بيلف قدام باب الاوضه اكتر من تلت ساعه ..بعدها فتح الباب ب كل هدوء ..حاول يتسحب لحد ماوصل عند السرير يتأكد إنه نام  ..خد مفتاح الاوضه وإتسحب وقفل الباب وطلع تاني ف الاوضه اللي فيها الجماعه..اول ما فتح باب الأوضه الكل اتفجع حتي اسيل وسميه قفل باب الاوضه ..وقرب عليهم بنظرات تحذيريه ..رفع حاجبيه 

_ ماجد : لا بس بجد ممثل شاطر عرفت تخدعنا كلنا ..سرقت الفلاشه ..خليتني اكلم مؤمن..عملت كل ده ازاي بجد لا احييك محترف .

_ ها وإيه كمان !.

= سمير: معقوله ياسعد كنت بتكدب!.

_ ها ياسميه وانتي كمان شايفاني ايه !.

“بصتله ب استحقار ودفنت وشها بين كفوفها “

قبل أي ظلم هتظلمهوني انا لا مخادع ولا اي حاجه من دي ولو كنت مخادع فعلا ف انا بخادع ابويا ..بيطلع الفلاشه من جيبوا ..ادي الفلاشه ..وكان معايا فلاشه فاضيه حرقتها قصاد ابويا عشان يثق فيا اكتر اما بالنسبه اني خليتك تتصل ب مؤمن ف عشان من رابع المستحيلات ان ابويا يسيب حد فيكم ولا انا ينفع اهرب حد فيكم لاني كده ولا كإني عملت أي حاجه ،ف خليتك تكلم مؤمن وبعد م اتاكدت ان ابويا نام بعت لمؤمن مسدجات ..

تقدر تقراها ياماجد 

“بياخد الموبايل منهُ،محتوي المسدجات “

_مؤمن متقلقش لازم ضروري تيجي بكره انت الوحيد اللي تقدر تنقذنا كلنا ..انا مقدرش ابلغ الشرطه هنا لان ابويا عارف ناس كتير اوي هنا وهيخرج منها بفلوس وولا كإننا عملنا حاجه ..هتجيب ولاعه أو أي خاتم وتروح للشرطه وهيحطوا جهاز تتَبُع ف الحاجه دي وهيكونوا متابعين كل حاجه وخطوه بخطوه عشان مش ضامنين ممكن يوديك اي مكان ف طول م الحاجه دي معاك البوليس هيكون وراك ..وانا معايا الفلاشه اللي عليها الاعترافات وكل حاجه لازم تيجي ضروري ومتقلقش من حاجه توكلنا علي الله وعليك .

ماجد انهى من قراءه المسدج ..

_ بجد الله ينور عليك ياسعد.

“ثريا بتقوم تاخدوا ف حضنها ” ..ياااه ياامي وحشني حضنك اوي 

_ متزعلش يابني حقك عليا لو بينت حبي لسمير اكتر منك بس إنتو الإتنين نفس الغلاوه ربنا يعلم .

_ انا مش زعلان ياأمي ..

“بيسيب حضنها ويروح لسهيله اللي واخده ركن وضامه نفسها بيقرب عليها وبيشدها لحضنه “.

_ ابعد عني ،ابعد لو سمحت.

= انا عملتلك ايه ياسميه!

_ إنت السبب ،طلقني ..انا خلاص مش عايزاك .

= السبب! ومش عايزاني!

_ ايوه انت السبب ،لو مكنتش أذيتني مكنش أبويا كانت هتبقي عينه مكسوره ولا كان هيضطر يقتل عشاني ،لو مكنتش غلط معايا مكنش ماجد واخواته إتحرموا من عم فرغلي ..ايوه انت السبب طلقني ..”بتعيط ” ابعد عني ..انا بكرهك “بتضربه علي قلبه ” بكرهك وبكرهه وجودك ابعد عني .

“بيحاول يقربها من حضنه لإنها مش ف وعيها ومصدومه وحقها تقول اي كلام ” بترفض ..

قولتلك إبعد عني،مش طايقاك ولا طايقه ريحتك تكون ف حضني انت ايه مبتحسش قولتلك مش عايزاك .

_بس انا اتغيرت.

= بعد ايه !!! بعد ايه تغيرك ده !

_ هجيب حق ابوكي وعمي من ابويا ده ميغفرليش ياسميه غلطتي!متسكتيش وردي عليا متبصليش نظرات الإتهام دي .

_ انا مش عايزاك ،حابب تسمعها كتير مش كده.

= تعوزيني او لا ف انا مش هسيبك 

_ لأ هتسيبني ،انا استحاله اعيش تاني معاك ،كل م اشوفك هشوف فيك ابويا وهو بيستسلم للموت قصاد عيني انا بكرهك وبكرهه ابوك ابعد عني متقربش مني.

_ طلعي كل اللي ف قلبك انا سامعك ومش هزعل.

= ولو زعلت ،زعلك مش هيفرق ف حاجه معايا .

_ طب اعمل ايه يرضيكي! انا اسف طيب .

= اسف ! هترجع ابويا اللي مات!.

_ابوكي وابويا غلطوا ودي النهايه .

= امشي من قدامي ،امشي بكرهك .

_ ششش اهدي ،اهدي كل حاجه هتبوظ لو ابويا صحي .

= طب متقربليش .

_ ماشي ياسميه ،بس اعملي حسابك اني مش هسيبك انتي مراتي مهما عملتي وقولتي مراتي وانا مش مستعد بعد مااتغيرت للاحسن ارجع احس بالفشل تاني وارجع أسوء.

_فؤاد : خلاص سيبها يابني لحد ماتهدا.

=ماشي ياعمي 

_ فؤاد: طب مؤمن رد عليك.!

_ايوه قالي توكلنا علي الله ،انتو واثقين فيه!

= اه جدًا مؤمن ذكي ومش هيخيب ظننا ..

_ ماشي،انا لازم انزل وهاخد سمير معايا وننام تحت فِ الدِوان ومضطر اسيبكم هنا معلش 

_ فؤاد :طب خد امك يابني ترتاح.

= انا مضطر اخد سمير عشان يكون معايا لما مؤمن يجي واعرف ابويا ان احنا وقفنا جمب بعض وهكذا عشانه هو وان احنا مش هنسيبه لكن امي بعد كل الكلام اللي قالته هيشك فيا اني خليتها تخرج واحنا مش عايزين اي شك ..هقفل عليكم من برا وهخبي المفتاح عشان ميقدرش يجي يدخلكم بليل ..وانا هنزل افتح الباب عليه تحت عشان ميشكش ف اي حاجه.

_فؤاد: خلاص ماشي ،توكلوا علي الله  .

ماجد بياخد اسيل ف حضنه وبيطمنها ،وسميه بتنام علي رجل مامتها والدموع ماليه عيونها وثريا بتنام علي الكنبه ،وفؤاد قاعد مكانه علي الكرسي ،الكل كان باله مشغول محدش كان عارف ياتري هيعيش ! ولا ممدوح اللي هينتصر ،بس صعب الشر ينتصر علي الخير.

سعد نزل وفتح الباب ..سعد حط راسه علي المخده لكن كلام سميه بيدور ف ذهنه ..ياترى انا هعرف أعيش من غيرها بجد! طب هل انا عندي القدره اني اخليها تنسي وترجع تحبني تاني ولا ده بقي حلم مستحيل!يمكن تحن تاني لما تشوف ان حق ابوها جيه ،طب وانا ! انا اللي عملته صح ان اودي ابويا لحبل المشنقه ب ايدي! ..بس لو كنت سكِت كنت هحس اني شيطان ..الساكت عن الحق شيطانٌ أخرس ..مكنش ينفع اسيب حق عمي ودمه يروح هَدر ،مكنش ينفع اساهم ف رجوع الحق لأصحابه ..ابويا هو السبب ف كل حاجه وهو اللي إختار الطريق ده من البدايه ..كل طريق وحش ف مسيروا ينتهي مش هيفضل مكمل ،لو كنت داريت علي ابويا ،الله اعلم كانت الضحيه الجايه هتكون مين!

“إتنهد ..ومازال التفكير مستمر” 

________________

 “Back”

______________ ده كل اللي حصل يامؤمن .

= طب هو سعد قال لباباك يلا ندخل اوضه المكتب ليه!

= اكيد عشان يقوله حاول تداري نظراتك لان نظرات ابويا ليك واضحه اوي ان كلها إنتقام ،وان اكيد هيدخلك ف الاوضه اللي ف الباب الخلفي عشان ابويا يتمسك متلبس ..وهو بيعذبك.

_ايه ده انا هتعذب ياسطى!

= ده انت هتتنفخ 

_ طب انا بقول اخد بعضي وامشي 

= لا لا خليك ،فين جهاز التتبُع ده !

_ ف الخاتم ده 

= بس خاتم فِخِم ..ابقي ادهوني بعد المهمه .

_ لو كان ليا عُمر بقي

= ياعم متقلقش احنا معاك ،المهم الشرطه فين!

_ محاوطين البيت متقلقش

“بيقاطع كلامهم صوت باب اوضه المكتب بيتفتح.

_ سعد ب ابتسامه: تعالي معايا يابشمهندس ف اوضه كنت عاوزك تشوفها عشان تغيرلنا الديكور بتاعها.

_ ماشي اتفضل ..

مؤمن وسعد بيسبقوا خطوتين قدام ..وسمير وممدوح وراهم .

_مؤمن بصوت خافت: معاك الفلاشه.

= اه متخافش ،المهم البوليس جيه معاك.

_ هما حوالينا دلوقتي ،تفتكر هلحق اتعذب ولا هيلحقوني..!

= انت وحظك .

_قد ايه انت واطي 

= عرفت ان عم علي مات.

_ مؤمن بخضه إيه بتقول ايه!.

= ممدوح : ايه ف ايه !

_سعد حاول يداري علي مؤمن:عاوز ياخد ف ديكور الاوضه الواحده 10.000 بس 

ف بقولوا هما 2000 لاقيتوا اتخض .

_ممدوح بنبره تهديد: ده لو لحقت تاخدهم

_ نعم!

= يعني اقصد لو لحقت تاخدهم قبل ماسعد يرجع ف كلامه.

“مؤمن تجاهل كلامه وابتدا يمشي مع سعد وهو عقله بيفكر مش عارف هل ممدوح اللي قتله ولا مات لوحدوا!.

سعد: طب هي الحكومه هتعرف ازاي انك دخلت الاوضه مع ابويا ويقبضوا عليه.

_ قولتلك هما حوالينا ف كل مكان  ..ومتحاولش تلتفت يمين وشمال ،وبعدين جهاز التتبع ده مش من فراغ .

“بيدخلوا الاوضه  ..مكنتش فيها نور غير الضوء اللي جاي من الشباك عليها مكتب وكرسي ومليان تراب وكُرباج.. باب الاوضه خشبي سهل الكسر لو القوه جت هتقدر تقتحمهُ ممدوح بيمسك الكرباج وبيقرب علي مؤمن بتهديد..ها بقي ياحلو ..معاك دليل يثبت اني قتلت فرغلي اخويا.

“القوه بتقتحم الباب وبيوجهوا السلاح علي راس ممدوح.

_ اه معاه دليل ،ارمي اللي ف ايدك وامشي معانا بهدوء ومن غير شوشره لو سمحت .

= ممدوح بيرمي الكُرباج من إيدو بصدمه مش مستوعب اللي هو شايفوا .

_ مين اللي معاه الفلاشه !.

“سعد بيطلع الفلاشه من جيبوا ” انا ياحضره الظابط .

“ممدوح بيبص بصدمه ل سعد “فلاشه ! ..فلاشه ايه ياسعد!

_ دي نهايه كل ظالم وقاتل ،مش معني انك ابويا انك متاخدش جزاءك 

“نزلت كلمات سعد كالصاعقه علي قلب ممدوح ..مسكوه وهو كان مستسلم مشي معاهم وركب العربيه “..

سعد وسمير ومؤمن طلعوا للجماعه وبلغوهم بكل حاجه  ..

كل واحد منهم ارتاح وحس ان النار اللي جواهم بردت ..

=سعد بيوجهه كلامه لسميه : انتي كويسه النهارده!

_”بتتكلم بكل قوه”: اه كويسه ،دلوقتي بس بعد الخبر ده حاسه اني كويسه

= انا ممكن اعمل اي حاجه مقابل رضاكي.

_ رجوعنا شئ مستحيل ياسعد 

_ فؤاد :طب مش وقته اي كلام دلوقتي، لازم ندفن عم علي الاول .

بيتصلوا بعربيه الموتي بيروحوا يدفنوه وبيقفلوا البيت ..خَدوا كل هدومهم وراحوا يعيشوا ف بيت فرغلي كلهم  ..قفلوا البيت وقرروا يسيبوه للابد  وعرضوه للبيع ..

________________

ف طريقهم للقاهره.

_ ماجد: عرفت عم ممدوح اتحكم عليه ب ايه!

= هي دي محتاجه سؤال! اعدام ملهاش حل تاني دي اعترافات رسميه صوت وصوره ..اتحقق معاه واتعرض للنيابه ويوم الجمعه في جلسه وف الجلسه دي القضاء هيقول حكمهُ .

“سميه كانت سرحانه طول الطريق والحزن مالي قلبها مش عارفه تزعل من ابوها ولا تزعل عليه وتزعل من سعد انه كان السبب من البدايه ولولا غلطته دي مكنش كل ده حصل ولا تسامحه انه اتغير وجاب حق ابوها وحق عمه من ابوه اللي هو اغلي حاجه عندهُ ..

قاطع شرودها وتفكيرها سعد وهو متبت ف ايديها ومش عاوز يسيبها..

_ سيب ايدي ياسعد

= مش هسيبها ،احنا ف العربيه ها والناس حوالينا.

_ طب سيب ايدي وانا مش هتكلم .

=”بيجز علي سنانه” مش هسيبها ومش هتتكلمي 

_ ده عافيه .!

= اه عافيه إن كان عاجبك.

“سكتت لحد م وصلوا لحد البيت “..

_ ماجد بيرحب ب سعد وسمير وب ثريا وسميه ومرات عم علي ..ده بيتكم وبيت ابويا دايما مفتوح ليكم ،انتو مش هترجعوا تاني للبيت اللي ف القريه خلاص كده ،إستقروا هنا وإبدأوا من جديد عارف ان امبارح والنهارده كان يوم صعب وكله مليان صدمات بس ده قضاء ربنا ومينفعش نعترض عليه 

_ ونِعمَ بالله.

=اتفضلوا استريحوا ،ولما نصحي ناكل كلنا سوا.

“الكل ابتدا يدخل الاوضه اللي بتعجبوا ..ماجد بيوجهه كلامه ل مؤمن: تعبتك معايا اوي يامؤمن ،ولولاك مكناش هنعرف اي حاجه من البدايه ربنا يسترها عليك يارب وبجد انت اجدع من اخويا الواد عمر .

_ “بيضحك” انا معملتش حاجه ده واجبي ،هسيبك انا بقي عشان المدام حامل وعاوز الحق اروح قبل م تصحي .

_ متقلقش ده هو كل الحوار ٦ ساعات والساعه لسه واحده الضهر مش هتكون صحيت ..لازم تتغدا معانا 

_ معلش والله ،لازم اروحلها الجايات كتير ..استأذنك أنا.

= ف رعايه الله ،والف الف مبروك ربنا يقومهالك بالسلامه.

_ الله يبارك ف عمرك ،الله يسلمك يارب ..مع السلامه.

______________

“مؤمن بياخد تاكسي “..

وهو علي وشك وصوله للبيت “..

_____________ 

علي الجانب الأخر 

ليل كانت بتحاول تفوق،بتدور بعيونها علي مؤمن ف الاوضه مش بتلاقيه..بتعرف انه سافر بتحاول تفوق وتشد الغطا من عليها بتتصدم ..بتحاول تفرك بعينيها ان اللي شايفاه صح ولا لا!.

“بتمسك موبايلها بتشوف الساعه كام ..

ياخبر الساعه ٢ الا ربع زمان تيتا فاطمه ميته من الجوع وصحيت بدري بتطلع برا الاوضه بتلاقيها قاعده ف الصاله وبتفطر هي وعائشه .

_ ياروح قلبي هو انتي اللي حضرتي الفطار!.

= تيتا فاطمه ب استغراب”: ايه ده هو مش انتي اللي محضراه علي السفر وكنتي مغطيه الاطباق! 

_”بتبتسم ” لا ده اكيد مؤمن ..والله حقك عليا راحت عليا نومه 

= عارفه وانا حاولت استناكي كتير انا وعائشه بس جوعنا ..صح ياعائشه!.

_ صح ياتيتا ،تعالي كلي معانا يامامي.

= طب حاضر هغسل وشي واطمن علي بابي وهاجي.

_ ماشي يامامي ..

= تيتا فاطمه بتأكل عائشه ف بؤها ،يلا هَم ياجمل .

_ انا جمل ياتيتا!.

_ انتي سكر ياقلب تيتا .

“صوت مفاتيح مؤمن ..” .

هيييه بابي جيه باببي جيه.

_” ليل بفرحه ” مؤمن جيه! فضلت متوتره وهي ف الحمام كانت بتغسل وشها 

_ ياروح قلب بابي ..صباح الفل.

“بيبوس ايد تيتا فاطمه ” صباح الفل ياتيتا 

= صباح النور ياحبيبي يلا اغسل وشك وتعالي .

_ حاضر ..

“مؤمن بيروح للحمام بيلاقي ليل طالعه والفوطه علي وشها ..بتخبط فيه وبعدها بتشيلها من علي وشها..وحشتني اوي.

_ لو كنت وحشتك كنتي هتكلميني .

= والله لسه صاحيه محستش بنفسي كل ده..وبعدين ايه القمر اللي صحيت لاقيته ده !

_زمانهُ باظ والله او برد.

_ انا هاين عليا مكلهوش اصلا شكله تحفه بجد ..

“بتشد ايدو وبيدخلوا اوضتهم ” ..انت عارف ان نقطه ضعفي البرجر والشاورما لا وانت كمان مخلي شكل البرجر حلو وعليه حروف اسمي محطوطين ف عيدان خشب وحواليه جبنه وبطاطس وكمان شاورما ..عاوزه اقولك انا صاحيه بتنطط من الفرحه بجد.

_ اعيش وافرحك ياحبيبتي،وبعدين دي حاجه بسيطه خالص 

= الحاجه البسيطه منك كبيره ف عيني بحبك اوي يامؤمن .

“بتترمي ف حضنه “..

لسه كمان ف مفاجاه .

_ ايه هي!.

= ناكل الأول وبعدين أقولك .

_ طب صور البرجر بتليفونك وابعتهالي علي الواتساب ..

= حاضر..

“بيطلعوا علي السفره وبيبتدوا ياكلوا سوا “.

_____________

علي الجانب الاخر.

_ ايوه يعني انا مش قولت الطقم ده ميتلبسش عشان مُلفت ياندي ولا انا كلامي هوا مبيتسمعش.

_ده دريس وبعدين مش ملفت ياحسام.

= لا ملفت ياندي ،اتفضلي اقلعيه ياإما والله ماف نزول من البيت

_ شايف طريقتك معايا ياحسام ،يعني لازم اي خروجه بينا تعمل مشكله بسبب اللبس ده ! وبعدين انا بصورلك اللبس قبل م انزل عشان تكون عارف ومتتفاجأش ..

_ ماهو انا لو اتفاجأت هروحك بيتك ومفيش خروجات .

= طب مش انا قولتلك ان كده كده بابا جاي معانا الخروجه دي ! يعني متقلقش محدش هيضايقني وكمان هاجي بالعربيه بتاعته محدش هيلحق يشوفني .

_ بتحرقي انتي ف الكلام كتير خدي بالك.

= بحرق! ايه يابني السرسجه دي!

_ يابنتي ياحبيبتي ياامي هو احنا مش هنتغدا مع بعض وهندخل مطعم! اخلي الناس بقي وانتي ماشيه جمبي اقولهم اتفرجوا علي الجامده اللي ماشيه جمبي .

“بتضحك”.

_ متضحكيش عشان بضعف والله ،غيري ياحبيبتي ربنا يهديكي وهجيبلك حاجه حلوه

_ هتجيبلي ايه! .

= اي حاجه بتحبيها هتلاقيها ف شنطه حلوه كده كبيره بس تغيري الطقم .

_ حاضر .

= ندى

_ نعم.

= انا مقصدش أتحكم فيكي ولا ألغي شخصيتك ولا شخصيه باباكي انا بس بخاف عليكي وبغير حد يبص عليكي غيري وباباكي بردو مش شاب زينا وفاهم دماغ الشباب او بيقولوا ايه مثلا ..ف انا عشان فاهم مش عاوزك تلبسي حاجه ملفته  ..الحاجات دي ياحبيبتي تتلبس كده لما نتجوز ان شاء الله غير كده متتلبسش ف الشارع امين!.

= امين ياباشا ،صلي قبل ماتنزل ها.

_ حاضر ،انتي صليتي!

= اه صليتهُ حاضِر الحمدلله .

_ ماشي ياحبيبتي ،طب مامتك هتيجي !

= لا ف الشغل ،بابا هو اللي اجازه النهارده 

_ خلاص اتفقنا ..هقفل البس وانتي البسي الدريس اللي قولتلك عليه .

= حاضر ،باي.

_ باي .

_____________

باباها بيخبط ع الباب ..

_ ادخل.

= اذيك ياحبيبتي .

_الحمدلله يابابا ،والله شاطور لبست قبل مني .

= اه لبست ،بس انتي بقي ايه الفستان ده!

_ هقلعوا والله متبقاش انت وحسام عليا .

=والله راجل وجدع ايوه كده امال عاوزاه يقولك امين علي كل حاجه!

_ انتو الاتنين نفس الدماغ ياربي ،محدش فيكم يتهاون شويه!

_ لا اذا كان عاجبك.

= ماشي ماشي ،يلا خد الباب ف ايدك

_ بتطرديني!.

= اه ياحاج يلا بقي عشان البس .

_ ماشي لما اشوف حسام بس.

= هتخوفني بيه ولا ايه! علي فكره مبخافش.

_ متاكده من الكلمه دي ! 

= مش اوي يعني 

_ ايوه ارجعي ف كلامك كده وجيبي ورا.

= كلمه كمان وانت واقف مكانك خُلقي هيضيق واحلف ماانا رايحه وتخرج انت وهو .

_ يبقي احسن علي الاقل اعرف اعاكس براحتي.

= إيه ..تعاكس!! طب لما تجيلك ماما .

_ ياساتر عليكي بت مبتستُرش

_سيد عيب احنا اهل 

=انا هخرج من وشك احسن.

_ ف رعايه الله 

“بيضحك ويخرج ..وبتكمل لبس”.

“بتكلم ساره “.

_الو

= ايه يابنتي عامله ايه!

_ خارجه مع حسام .

= ايوه بقي ياباشا والعه معاكي

_ طب قولي الله اكبر بدل م تولع فيا وفيكي وف اللي جابوني

= يابت هو انا هحسدك  ..! الحقي اخرجي ف الخطوبه قبل الجواز هتقعدي زي برميل المخلل ف البيت .

_ م انا بردو حسيت انك فشولتي مش عارفه ليه لحد مالاقيتك بتقولي التشبيهه ده ..صَدَقتِي والله خسي يابت الراجل هيتجوز عليكي.

= ميقدرش يعملها ،قال يايوسف تقدر تتجوز .

_ بصي انا الاقي الفرصه بس ومش هستني حد يوجهني .

_ ماشي يايوسف لما أخلص بس 

= ندى وهي بتضحك”: مش قولتلك 

_ ماشي يامُهزقه ،هتلبسي ايه!

= الدريس بتاع قرايه الفاتحه .

_ اه جميل عليكي .

“يوسف تليفونه بيرن مكالمه من سهيله “..

ساره رفعت حاجبيها ..” سهيله بتتصل ليه يايوسف!

_ مش عارف والله.

= طب اقفلي انتي ياندى

_ ف حاجه !

= لا مفيش ،لما ترجعي من الخروجه كلميني .

_ حاضر ،واتكلمي بهدوء ماشي .

= ماشي.

_________

رد ..

_ انتي بتتكلمي كده ليه ياساره!

= رد يايوسف 

_بتأفف ماشي هرد ..الو ،اذيك ياسهيله.

_ الحمدلله ،اذيك انت يايوسف 

= انا كويس .

_ اسفه لو اتصلت من غير سابق استئذان بس كنت عاوزه اطلب منك طلب .

= اه طبعا اطلبي .

_ الولاد وحشوني اوي ،يعني لو كان ينفع يقضوا معايا النهارده لو مش هضايقك.

_ لا طبعا ياسهيله متقوليش كده انتي مامتهم وده حقك اصلًا انا هبلغهم وهجيبهم لحد عندك.

_ لا متتعبش نفسك ،عشان ميحصلش مشكله بينك وبين ساره وتفهم غلط 

_ لا ساره عاقله وفاهمه 

= خلاص اللي تشوفوا ف انتظاركم .

_ ان شاء الله ،مع السلامه .

_ وانت عاوز تروحلها انت ليه!

= ساره انا فتحت الاسبيكر وسمعتك طريقتها ،دي واحده مش عاوزه مشكله كل اللي طالباه تشوف ولادها ودول حقها اصلا انهم يعيشوا معاها وبتستأذن فيها ايه دي .

_”عيونها إتملت بالدموع” مفهاش يايوسف ،مفهاش ..

بتسيبهُ وتدخل الحمام بتنفجر من العياط ..

يوسف بيخبط عليها ..افتحي ياساره.

_ عاوز ايه يايوسف .

= انا عارف انك بتعيطي اطلعي ،غلط تعيطي ف الحمام.

_ مبعيطش انا .

= طب اطلعي وغلاوه مروان عندك .

_ “بتفتح الباب” ..بتعيطي ليه !.

_ حقي اني اغير يايوسف دي طليقتك وام ولادك .

_ اديكي قولتي طليقتي يعني فعل ماضي .

_ بس ام ولادك دي حاجه مستمره مش ماضي.

= هي ام اولادي ليها احترامها واللي بينا ود عشان الاولاد ولولا اتغيرت مكنش هيبقي ليا علاقه بيها ..هي كانت مراتي ..لكن انتي حبيبتي ومراتي ومحدش يقدر ياخد مكانك فهمتي!.

_ غصب عني بغير ..حتي لو واثقه من حبك ليا دي حاجه مش بإيدي

= طب خلاص طيب ،بحبك ها.

_ وانا كمان بحبك.

= طيب انا هاخد دش وانتي روحي قولي لأنس ورودينا يجهزوا اتفقنا!

_ اتفقنا .

“بتروح تقول لأنس ورودينا ..”.

_ انا كده كده لابس

_ انت كنت عارف ياانس.

= لا ياماما ساره بس كنت رايح درس وبعدين المستر اعتذر ولسه مغيرتش ،خلي رودينا تلبس

_ طب انا هروح البس بسرعه.

_ انس هو انت ورودينا بتحبوني بجد!

= اه طبعا 

_ يعني عمري مازعلتكم او قولت كلمه جرحتكم 

= لا بالعكس والله انتي حتي لما بتتعصبي بتحاولي تيجي عندي انا ورودينا وتتماسكي ،ولو بتتكلمي علي اننا مبقناش نزعل واحنا رايحين لماما ف عشان احنا كبرنا وعرفنا ان ماما كويسه زي حضرتك بالظبط وان ده حقها .

_ ماشي ياحبيبي ،خلي بالك من نفسك انت ورودينا.

= حاضر .

“بعد مرور ربع ساعه من تجهيزاتهم يوسف بياخدهم وقبل م يمشي ..بيقول ل ساره..جهزي نفسك عشان هنخرج النهارده 

“قالت ب ابتسامه ” حاضر .

“بينزلوا “.

حور بتخبط علي ساره ..

_ معندكيش كيس صلصه .

= خشي خدي اللي عايزاه من التلاجه.

_ مالك ياساره شكلك متضايقه.

= حاولت تداري زعلها ب ابتسامه “: لا كويسه مفيش .

_ يوسف زعلك !.

_ نزل يودي الاولاد ل سهيله ..

= وانتي غيرانه !

_ اووي ،اوي ياحور ..فكره انه بس يشوفها ولا يسلم عليها دي مخلياني مش طايقه نفسي ..ده حقي ،حقي اغير

_ حقك وكل حاجه لو هي لسه بتلعب عليه لكن فعلا هي اتغيرت ،وبتحاول تبعد نفسها علي قد ماتقدر عشان متسببش مشاكل .

_ تفتكري عمروا ماهيحنلها!.

= انتي هبله والغيره لحست دماغك ..لا طبعا يوسف بيحبك انتي  ،يلا كده قومي فرفشي وفرصه الاولاد مش موجودين حاولوا تنزلوا تغيروا جو تتكلموا كده .

_ هو قالي اجهزي عشان هخرجكك ..

= طب يابومه اجهزي بقي

_ حاضر .

_ هاخد الصلصه من التلاجه ها.

= خدي 

_ وسيبي مروان يلعب مع مازن متاخديهوش معاكي.

= هيغلبك يابنتي.

_ وايه يعني هسايسوا لحد ماتيجي  

_ خلاص ماشي 

_ خدي بوسه ومتزعليش .

_ “بتبتسم”مش زعلانه خلاص

______________

علي الجانب الأخر 

يوسف بيقابل سهيله ..

كانت وقتها سهيله ف عربيه حسام ..سلموا علي بعض وساب الاولاد معاها ومشي ..

_ اذيك ياخالو !.

= الحمدلله ياحبايب خالو ..النهارده هتقطعوا عليا انت وامك واخواتك وكمان ابو ندى شوفت المآساه ياأنس انت ورودينا اعاكسها ازاي انا دلوقتي 

_ انس بمشاكسه: ياخالو ماانت ياما عاكست مجتش من النهارده يعني 

_ ماشي ياانس ماشي .

_____________

بيروحوا المطعم وبيتقابلوا كلهم سوا وبيطلبوا آكل..

_ حسام بيقول لندي بصوت خافت: وحشتيني ها .

= بابا بيبص عليك بطرف عينه واخد بالك.

_ ابوكي مخابرات ولا اشتغل جاسوسي قبل كده!.

= لو سمعك هيسلمك للسفاره نفسها .

“بيضحك”.

منور ياعمي والله.

_ده نورك ..ومتقربش من البت اوي كده اظبط نفسك وكل وانت ساكت .

=والله ماقربت ده انا بقولها احطلك كاتشب ولا مش عاوزه .

_ كاتشب اه ،ياض الشعر الابيض ده مش من فراغ لعبتها كتير قبلك ..ابوكي جاسوس ولا شغال ف المخابرات.

_ م شاء الله ياعمي ودانك متلمعه.

= قُر بقي ..وانتي اذيك ياسهيله يابنتي عامله ايه !.

=كويسه الحمدلله ..

_ والحلوين دول عاملين ايه ف الدراسه !.

= الحمدلله ياجدو .

_ تستاهلوا الحمد يارب.

___________

علي الجانب الأخر.

_____________

=انا تحت البيت ياساره انزلي .

_حاضر انا نازله 

“بتنزل” .

_ مروان فين !

= مع حور 

_اوعي تكوني كلتي !

= لا مكلتش .

_ لسه قالبه وشك 

= انا مش قالبه وشي ،انا غيرانه بس 

_طب اصالحك ازاي!.

= اكلني كشري

_ قد ايه انتي قنوعه .

_ لا م انا عشان عارفه انك مش معاك غير ٥٠ جنيه واحنا اخر الشهر ،لكن ليا خروجه حلوه ماليش دعوه 

_ حاضر 

= ناكل كشري ،ونتمشي علي الكورنيش واحنا بناكل دره ايه رايك.

_ اتفقنا .

_ هتبقي احلي خروجه وب ٥٠ جنيه الحمدلله علي الفقر والجدعنه .

“بتضحك طب يلا يلا “

‘”بياكلوا ويتمشوا شويه وبياكلوا الدره”

.

عارفه ياساره .

_ نعم !

= انا بحبك اوي .

_ اضحك عليا بحاجه غيرها.

_ اعيد من الاول يعني!.

= اه .

_ عارفه ياساره!

= نعم.

_ انا بموت فيكي.

_ نينينيني .

_ مفيش كلمه حلوه بعد اكله الكشري والتمشيه الحلوه دي .

_ انا كمان بحبك .

= مش سامعك من الدي جي 

_ بقول بحبك.

= لا لا مش من قلبك .

_ اه من بؤي .

= طب هاتي الدره اللي جايبهالك دي انا غلطان اصلا .

_ خلاص هات بقي متبقاش قفوش .

“بيكلبش ايدو ف ايديها ” ..سكر ماشي معايا يالهوي ياجدعان ..والله مايملي قلبي قبل عيني غيرك انتي .

_ خلاص طيب عشان كسفتني

= حاضر ،بس انا عمري ماهبص لغيرك

_ وعد

= وعد

_______________

علي الجانب الاخر 

مؤمن بياخد تيتا فاطمه وليل وعائشه وبيطلعهم فوق السطوح ..

_ ليل بصدمه وفرحه وهي بتبص للسطوح ب انبهار ..اللله انت عملت كل ده ازاي!

_ عيب تساليني انا بالذات السؤال ده ..

_ انت بجد غيرت ديكور السطح خالص ..القاعده العربي اللي متحاوطه ب مظله وحواليها الورد وشاشه العرض الكبيره كإننا قاعدين ف سينما بالظبط ،بجد انا مش عاوزه انزل خلاص .

_ طب الحمدلله انها عجبتك ،ايه رايك ياتيتا .

_طب يابني اخد نفسي الاول 

“بيسندوها هو وليل ..ويقعدوها ..”..والله بجد ماشاء الله عليك الفكره حلوه اوي وكمان بليل مع الهوا الجو هيكون جميل ..خلي مامتك وباباك يطلعوا بقي .

_ انا هجيب الغدا وهعدي عليهم يطلعوا ونتغدا هنا.

= خلاص ماشي 

“ليل بتجري عليه وتميل علي كتفه ” انت احسن زوج ف الدنيا بجد ..

_ وانتي اللي وجودك جمبي مخليني احسن زوج ف الدنيا.

_ بابي انت ليه مسالتش عائشه ده حلو ولا وحش !.

= ياخبر انا وحش كده ازاي فاتت عليا بس ،طب ها قوليلي ايه رايك.

_ حلو اوي يابابي ،بس متخليش انس يشيل الورد ده عشان حلو

= حاضر.

“ليل كانت جايبه طبق فاكهه حطيتوا قدام تيتا فاطمه وعائشه وشغلوا الشاشه علي فيلم..ليل بتاخد مؤمن علي جمب ..

ها مقولتليش ايه حصل النهارده!

_طب ماتيجي احكيلك واحنا بنطير الطياره الورق زي زمان!.

= الله ..انت كمان دي جبتهالي!!

_ انا اقدر انسي طفولتي معاكي .

“بصتله بحُب ” ربنا مايحرمني منك يارب.

_ ولا منك ياأم رحيم..

“بيفكوا الحبل وبيبتدوا يطيروا الطيارات وبيحكيلها ..”.

______________

علي الجانب الأخر ..

ف المطعم عند ندى وحسام ..

حسام طول الوقت كان مراقب نظرات ولد مركز مع ندى ف الترابيزه اللي قصادهم ..

ندى طلبت انها تروح الحمام ..وسهيله راحت معاها ..كان مراقب ياتري هيروح وراهم ولا هو مجرد واحد بيشبهه بس ..

الولد استني شويه وبعدها مشي الاتجاه اللي سهيله وندى مشيوا منوا ..

_ بعد اذنك ياعمي ثواني .

= اتفضل يابني 

بيمشي وراه لحد ما راح وراه وكان هو واقف ف وشه وسهيله وندى واقفين ومش شايفين حسام ..

قرب عليهم وندي كانت بتقول ..يابني عاوز ايه مني مش كفايه ..

حسام بكل عنف قرب عليه وضربهُ