رواية الجميع يعاني الفصل الأول 1 بقلم أمل صالح
رواية الجميع يعاني الجزء الأول
رواية الجميع يعاني البارت الأول
رواية الجميع يعاني الحلقة الأولى
– يعني مش هتجوزهالي.!
قال بنبرة تهديد فرد الراجل قدامه – هو انا يوم ما اجوز بنتي اجوزها لواحد بلطجي يا سيد!؟
إبتسم “سيد” بتريقة ورد عليه بثقة – حيث كدا بقى أنا مضطر اقولك على اللي فيها.
بصله الراجل وهو مش فاهم قصده وبترقب لباقي كلامه، أما سيد فكمل – بنتك يا عم رفعت اللي أنت طالع بيها السما دي أنا مش دايب فيها، أنا كنت حابب أستر عليكم بفضيحتها.
زعق عم رفعت بعصبية – فضيحة مين يا ** أنت فاكرنا زيك ولا إي.
رد سيد ببرود – لا زيي ولا مَـ زييش، قوم روّح وإسال بنتك كانت فين أول امبارح الساعة ٨ ونص … وآه مكنتش عند ريماس صاحبتها.
قام وقف – سلام يا عم رفعت.
مِشى وساب رفعت في حيرته، لكن مستناش كتير وقام بسرعة رجع للبيت، فتحتله مراته اللي استغربت حالته وهو متكلمش ولا قال أي حاجة.
وبدون ذرة تفاهم دخل أوضة زاهية بنته اللي كانت ماسكة تلفونها وبدخوله المفاجئ عليها اتخضت وقفلت التلفون بتلقائية.
أما هو فبصلها بعيون ضيقة وقال – هسألك سؤال واحد و والله اللي مفيش احسن منه، لو كذبتي عليا يا زاهية أنتِ حرة.
وقفت برعب وهي مش فاهمة سبب تصرفه دا وهزت راسها بماشي، فكمل – أول امبارح الساعة ٨ ونص، كنتِ فين؟ أنتِ قولتيلي إنك راحة المكتبة تصوري ورق مهم للكلية، حصل ولا محصلش؟
قلبها دق بسرعة وبخوف وقالت بكل صدق – أنا فعلًا مروحتش المكتبة يا بابا، أنا روحت لريماس عـ…
ملحقتش تخلص كلامها كان نزل بإيده على وشها وهو بيزعق بجنون وهو مش مصدق إن كلام سيد صح – آه يا **، كنتِ فين يا ** أنتِ انطقي.
مراته عينها وسعت بصدمة وجِرَت على بنتها – أنت اتجننت يا راجل أنت.!
شاور لمراته – ابعدي أنتِ الوقتي، ابعدي احسن اطلعهم فيكي.
– مش هبعد، هي عملت اي يعني لكل دا؟
اتكلمت زاهية وهي بتعيط – والله يا بابا دا اللي حصل، اقسم بالله كانت تعبانة ولما قولتلك أروحلها رفضت فاضطريت اقولك إني محتاجة حاجات من المكتبة عشان أروحلها.
بصلها وهي ورا مامتها بسكوت وهو بيتنفس بسرعة وكأنه بيفكر في شيء .. شيء جحـ.ـيمي هيد.مرها.
نزل من البيت وفي خلال دقايق كان واقف قصاد سيد اللي كان بيدخن وعلى وشه إبتسامة انتصار..
– أنا موافق اجوزهالك..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الجميع يعاني)
