رواية ما بين الحلم والحقيقة (دار الأيتام 2) الفصل الثاني 2 بقلم أميرة أسامة

عشق…….????️????️

أحساس صعب اوي لما تتفاجئ بموت حد غالي عليك.???? بتحس بعدها ان ضهرك اتقسم او أنك أتعريت وسط ناس كتير كلهم شايفينك وانت ومش قادر حتي تغطي نفسك وقتها بتبقي تايهه مش سامع اي حاجه ولا حتي شايف و حرفيا انت عقلك في مكان تاني انت نفسك مش عارف هو فين بتحاول علي اد ما تقدر انك تجمع نفسك بس في حاجه غصب عنك بتمنعك بتحس كأن كل الحواس بتاعتك وقفت إلا خطوات أقدامك وبس هي اللي ماشيه ومكمله…….بس الاصعب من كل ده لما تبقي عارف ان في حد غالي عندك هيموت في توقيت معين وانت بس اللي عارف لا انت قادر تتكلم ولا انت عارف أذا كنت هتقدر تبعد الموت عنه ولا لا….صحيح محدش فينا بيقدر يمنع موت إنسان..لانه مكتوب بس في أسباب ربنا بياخد بيها…

عشق…..سألت نفسي كتير اوي هو انا ليه حلمت؟؟؟طيب هو انا ليه صحيت من الحلم ؟؟؟؟ طيب مش يمكن اكون لسه بحلم اصلا؟؟؟؟؟ طيب مش يمكن اكون انا مكنتش بحلم واضربت فعلا بالرصاص وانا الوقتي في غيبوبه واللي حاصل ده اصلا حلم????؟؟؟

طيب ليه هو كان حلم اصلا ليه مفضلش حقيقه وانتهت بموتي وخلاص؟؟؟أصل أستحاله اكون حلمت عشان اصحي والحلم ده يتحقق من تاني كل دي أسأله كانت في بالي من يوم ما صحيت من الحلم وشوفت قصادي بابا من تاني…….بس اخيرا وصلت لاجابه تريحني عالاقل شويه من دوامه الاسئله اللي مش قادره الاقيلها إجابه????يمكن دي رساله من ربنا ليا عشان اقدر امنع حجات كتير هي بالفعل ممكن تكون هتحصل أمنع موت بابا أمنع انتقام هايدي من تمارا امنع فضيحه نور ونوح من سامر وهايدي وريما امنع عم ليل من انتقامه منه امنع حجات كتير اوي ممكن تحصل يمكن اكون مقدرتش امنع حادثه تمارا مع ان كان فاصل بيني وبين اني انقذها خطوات بس حاجه وقفتني من بعيد أشوف الحادثه حتي من غير ما انطق ولا اصرخ لما شوفتها واقعه وافقده الوعي.يمكن وقتها حسيت اني في كابوس مش قادره اتحرك واجري عليها مش قادره اصرخ بأسمها عشان تنتبه وما تتخبطش بالعربيه احساسي وقتها وانا شيفاها واقعه عالارض والناس حواليها كأن حد شال قلبي من جوايا ورماه فالارض وداس عليه حتي دموعي رفضت انها تنزل وكأني مطمنه انها هتفوق منها ومش هيحصلها حاجه غير ان ايدها بس هي اللي هتتصاب اصل اللي خلاني أصحي واشوف بابا ونور واشوف عياده الدكتور واشوف المحل اللي اشتغلت فيه زهره واشوف الشوارع بكل التفاصيل اللي حصلت يخليني اطمن ولو واحد فالميه ان تمارا مش هيجرالها حاجه وفعلا كل حاجه حصلت زي الحلم من وقتها بس وانا بقيت واثقه ان كل حاجه هتمشي زي الحلم وبالرغم من اني كان ممكن امنع اي حاجه وحشه تحصل لتمارا إلا اني سكت اصل يمكن تكون حادثه تمارا هي الحاجه الوحيده اللي كانت لازم تحصل حادثه تمارا هي الاساس وهي الحاجه اللي مترتب عليها كل حاجه انا حلمت بيها……فكرت كتير اني امنع حادثه تمارا وبالتالي مكنتش هايدي شافت تمارا ولا حطتها في دماغها وكانت هتتجوز جاسر وبابا مكنش هيموت لانه موته كان بسبب ظهور تمارا مكنش هيحصل حاجه لنور كنا هنعيش في امان. مكنش حد من الشباب اللي دخلوا علينا عشان يغتصبونا هيدخل علينا…بس مقدرتش???? مقدرتش اني مشوفش ليل مقدرتش أني مقربش منه يمكن تكون انانيه مني ودي لاول مره في حياتي اني افكر في نفسي بس غصب عني اصل استحاله يكون حبي لليل كان مجرد حلم وبس لااااااا انا لحد الوقت حبي ليه زي ما هو او يمكن يكون اتضاعف اصل اغلبنا بيحلم وبمجرد ما نصحي لو حلم حلو بنضايق اننا صحينا منه بس شويه وخلاص بننسي الحلم لاكن أني احس ان ليل لسه جوايا ده استحاله يحصل مع اي حد  اللي كان مصبرني طول الوقت ده اني خدت رقمه من موبايل بابا من غير ما يحس لان رقمه الحاجه الوحيده اللي مكنتش فكراها من الحلم….ومن يوم ماصحيت وانا مبقدرش انام غير لما اسمع صوته واطمن عليه واحس انه كويس وأتاكد انه موجود فعلا…….والاهم من كل ده حتي لو كنت اكتفيت بمنع حادثه تمارا وفكرت اننا نعيش في امان طيب ما هو ليل في خطر ليل محتاجني اوي ليل لسه ميعرفش مين اللي ممكن يأذيه من اللي حواليه وانا استحاله أسيبه لوحده.????????

بعد وقت طويل من الكتابه…

سابت عشق القلم من ايدها وقررت تقوم تجهز وتنزل….وفجأه الباب خبط..

عشق….مين

نور….افتحي يا عشق انا نور

عشق…باستغراب بصت فالساعه كانت داخله علي 9الصبح…..نووور؟؟

فتحت عشق الباب….ايه ده انتي ايه اللي رجعك فيكي حاجه

نور…لا انا بخير الحمد لله بس المطر بره مغرق الدنيا والجو وحش اوي.. وواحده زميلتي قالتلي ان الدكتور لغي محاضرات انهرده حتي السكشن اتلغي فا رجعت من الطريق مكملتش خصوصا الجو قالب جدا تحت.

عشق ..المهم انك كويسه الحمد لله

نور…بضحك شوفتي مهونتيش عليا رجعتلك علي طول ازاي ????????

عشق…حبيبتي بس انا يعني كنت

نور….كنتي ايه مالك يا عشق

عشق…مفيش بس كنت نازله لقيت إعلان عن شغل دكتور بيطري محتاج مساعده معاه فقولت اني اروح اشوفه

نور…ايوه يا عشق بس ده الجو وحش اوي تحت هتنزلي ازاي

المطره مغرقه الدنيا تحت

عشق…معلش مش مهم دي فرصه بالنسبالي يا نور مصدقت اني اشوف إعلان شغل ينفع مع تخصصي ادعيلي بس تظبط معايا انهرده واشتغل بقي

نور…يا حبيبتي ان شاء الله ربنا يوفقك بس بردو انا قلقانه عليكي وبعدين انتي من امبارح مرشحه ومش مظبوطه وشكلك كده داخله علي دور برد

عشق…ربنا يستر يا نونه سبيني بقي البس وانزل واااه معلش ممكن لو اتأخرت تجهزي الاكل وانا والله هرجع بسرعه اساعدك.

نور ..تساعديني في ايه بس احنا عندنا عزومه ده انا هعملكم اكله إنما ايه هتاكلوا صوابعكم وراها هعملكم شاورما لزوم السهره بتاعت انهرده بمناسبه اني رجعت

عشق…تسلم ايدك يا قلبي ????

نور…يلا روحي البسي لحد ما اغير هدومي

عشق…حاضر…..

عدي حوالي ربع ساعه كانت عشق لبست بسرعه…

عشق….نور.انا هنزل عايزه حاجه

نور…لا يا قلبي خلي بالك من نفسك بس وحاولي تبعدي عن المطر

عشق…حاضر

نور…لابسه تقيل

عشق…يا بنتي متعطلنيش بقي اه والله لابسه سلام بقي

نور….باي البت دي متسربعه كده ليه ????????????

…………..

اما في شركه السيوفي..

دخل جاسر مكتب ليل..

جاسر..صباح الخير

ليل…صباح النور اعد

جاسر….لا انا داخل المكتب انا قولت اعدي عليك اشوفك

ليل….ايه زعلان زي العيال الصغيره.عشان اللي حصل امبارح من هايدي

جاسر….مين قال اني زعلان انا تمام

ليل…لا والله عليا علي فكره انا مكنتش حابب كل ده يحصل بس مينفعش با جاسر الشركه والموظفين يأعدو يتفرجوا علي اصحاب الشركه وهما بيتخانقو

جاسر…والله ياليل انا مش زعلان وهايدي اللي غلطت وانا عارف من البدايه ان هي لما تيجي وتشوف تمارا كل ده كان هيحصل

ليل طيب المهم عايز بس اقولك ان تمارا ملهاش زنب

جاسر ..متقلقش عارف هي اه لسانها عايز قطعه بس متقلقش المهم معرفتش اي حوارها مع عم محمد ولا كبرت دماغك

ليل…انت تعرف عني كده متقلقش كله تحت السيطره وخلاص قربت اعرف ايه حكايتها.

جاسر ماشي ياعم تمام

ليل…تمام يا صاحبي يلا روح شوف شغلك لحد ما يجي معاد الاجتماع

جاسر…تمام

عدي الوقت بسرعه وابتدا الاجتماع

فالوقت ده كانت عشق واقفه تحت ادام الشركه بقالها اكتر من ساعه باصه عالشركه بشرود  شيفاها بكل تفاصيلها كأنها شافتها قبل كده مش مصدقه ان بيفصلها عن ليل خطوات بسيطه وخلاص اخيرا هتشوفه بعد غياب اكتر من شهرين….وقفت سرحانه ومش حاسه بالمطر اللي نازل عليها وابتدت تقول عشق لنفسها..

انا هطلع اقول ايه لبابا وتمارا هقولهم اني جيت ليه؟؟؟ طيب الاهم من ده كله اواي امنعهم يخرجوا انا خلاص هتجنن…انا هدخل واللي هيجي في بالي هقوله والاهم اني لازم امنع موت بابا واللي يحصل يحصل..

دخلت عشق بخطوات بطيئه وضربات قلب عنيفه وكأنها مغيبه تماما كل خطوه بتمشيها هي عرفاها حاله من الدهشه والخوف والزهول كانت مسيطره عليها…

الامن…يا انسه علي فين.

عشق…طالعه لبابا او يعني زي ما بتنادوله حج محمد

الامن….حضرتك بنت حاج محمد

عشق..ايوه هو مستنيني فوق

الامن…طيب اتفضلي بس عارفه الدور

عشق…عارفه.

الامن…تمام اتفضلي 

طلعت عشان وكل ما تقرب ضربات قلبها تزيد وصلت ادام مكتب عم محمد سابته واتجهت علي طول علي مكتب ليل

قابلت عشق نفس الموظف اللي شافته فالحلم

عشق….لو سمحت

الموظف….اتفضلي

عشق… بابا مش موجود في مكتبه هو مع مستر ليه فالاجتماع

الموظف…هو حضرتك تقصدي مين مفيش جوه غير عم محمد

عشق…ايوه هو.

الموظف…حضرتك نور بنته

عشق…لا قوله عشق

الموظف…متنح في جمالها عشق حاضر حاضر هو عموما الاجتماع خلص وانا هدخل لمستر ليل الورق وهبلغه

عشق…تمام.

دخل الموظف جوه سلم ليل الملف.

ليل…شكرا اتفضل

الموظف…ايوه بس

ليل…في ايه

الموظف…في بنت بره بتقول انها عايزه حاج محمد.

ليل….بنت

حاج محمد…عيزاني انا مين دي

الموظف…بتقول بنتك

حاج محمد بخوف هو تمارا مع بعض…نووور

ليل…طيب خليها تدخل فورا احنا هلصنا

الموظف…لا هي مش نور هي بتقول ان اسمها عشق.

ليل…عشق

قام حاج محمد هو وتمارا وقفوا بخوف.

حاج محمد…. استر يارب

ليل….دخلها????

خرج الموظف لعشق وقالها تدخل…

دخلت عشق بخطوات بطيئه قلبها بيدق بعنف رهيب خبطت براحه وفتحت الباب….ومن اول ما فتحت الباب وهي مركزه عينها علي نقطه واحده بس ليل❣️

دخلت من غير ولا كلمه وعينها مانزلتش من عليه لدرجه ان الجميع كان مستغرب

حاج محمد….عشق في ايه يا بنتي انتي فيكي حاجه طمنيني

عشق…….سكوت تام

تمارا…عشق في ايه ردي نور وزهره فيهم حاجه ايه اللي جابك

حاج محمد…ماتردي يابنتي قولي مالك.

حست عشق…ان الكلام كان صعب انه يطلع مش عارفه ترد مش قادره تتكلم مش مصدقه انها شايفه ليل مش عارفه تقول ايه سبب انها جت مش قادره تتكلم

نوح….طيب براحه عليها ياجماعه شويه انتي كويسه

جاسر….مين دي يا ح محمد.

أسئله كتير كانت بتتسأل من كل واحد فيهم للتاني  حاج محمد وتمارا بيسألوا عشق عن سبب وجودها جاسر بيسأل حاج محمد مين دي…ادم كمان بيسأل نوح بيحاول يعرف ويهدي الموقف..

لاكن عشق وليل وكأن اصابهم سهم الصمت الاتنين باصين لبعض وساكتين

حاج محمد…يابنتي ردي سيبتي مفاصلي كلمي نور يا تمارا بسرعه اطمني عليهم.

اخيرا عشق اتكلمت…لا انا كويسه وهما بخير متقلقش يا بابا

تمارا…امال في ايه جيتي ليه ومال شكلك.

عشق…مفيش والله انا بخير اطمنوا

حاج محمد…نطمن ازاي انتي وشك ابيض وجسمك بيتنفض وكأنك شايفه عفريت نزلتي ليه من البيت

عشق…صدقني انا بخير ممكن اكون بس خدت برد انا بس نزلت عشان لقيت اعلان شغل عند دكتور بيطري فقولت اشوفه يمكن الاقي اشغل

تمارا…تقومي تنزلي فالجو ده

حاج محمد…طيب بردو انتي جيتي هنا ازاي وعرفتي العنوان منين وايه اللي جابك

عشق…ارتبكت انا انا مش فاكره سمعت العنوان من حضرتك او من تمارا وجيت لاني نسيت المفتاح فالبيت ولما الجو قلب  معرفتش اروح فين وخوفت اروح الشقه افضل اعده كتير عالسلم.

تمارا…..طيب ما زهره فالشغل وقالت مش راحه الجامعه كنتي خدتيه منها.

حست عشق انها ارتبكت اكتر ومبقتش عارفه ترد.

واخيرا ليل انقذ الموقف.

ليل….خلاص يا تمارا بقي وانت  ياراجل ياطيب  أهدي المهم ان مفيش حاجه حصلت اتفضلي اعدي يا انسه استني معانا احنا خلاص خلصنا

هزت عشق دماغها بهدوء واعدت مصدقت وكأنه انقذها من سؤال ملهوش اجابه

حاج محمد…الحمد لله دمي نشف

ليل…نرجع لشغلنا تاني بقي

كمل ليل الشغل وهو دماغه مشغوله ومش مصدق اي كلمه من كلام عشق ارتباكها وخوفها وكلامها اللي مش مترتب كانوا بيأكدو كل شكه لاكن قرر انه يتجاهل اللي حصل

عدي الوقت بسرعه وخلصوا ولسه عشق في دوامه ازاي هتقدر تنقذ حاج محمد

تمارا…عشق انا هروح المكتب الم حاجتي بسرعه وارجعلك

حاج محمد…يلا نستناها في مكتبي.عايز حاجه يا ليل يا ابني

ليل…تسلم يا راجل يا طيب…نورتي يا انسه

حاج محمد..عشق اسمها عشق نسيت اعرفك دي اخت تمارا وفي اختهم التالته اسمها زهره..

ليل…نورتي.

عشق…شكرا.

خدها حاج محمد وراح عالمكتب حاول يطمن منها لان هو كمان مقتنعش

عشق…صدقني يا بابا مفيش اي حاجه والله اطمن انا اللي شكلي هتعب

حاج محمد…ربنا يستر باين علي وشك ياريتك مانزلتي

عشق…حصل خير هبقي كويسه..

دقايق وكانت تمارا دخلت المكتب اطمنت علي عشق ونزلوا مع بعض ومع كل خطوه كانت عشق بتحس ان قلبها هيقف من الرعب.

وقفوا ادام الشركه وفضلت عشق عينها علي باب الشركه مستنيه نزول ليل وجاسر وادم ونوح.

واخيرا ظهروا ادامها..

قربوا منهم

ليل…ايه ياراجل يا طيب واقفين كده ليه.

عشق…كانت لتسمع كل كلمه بتتقال وكأنها فلاش باك للحلم كانت بتردد الكلام بداخلها قبل ما يتقال منهم

حاج محمد…مستنين تاكسي او اي مواصله.

ليل…مواصله ايه الوقت يا راجل يا طيب يلا تعالي انا هوصلكم

حاج محمد…لا توصلنا ايه بس احنا هنروح

ليل..الجو قالب ومش هينفع تروحوا ولا اصلا هتلاقوا حاجه توصلكم…

فاللحظه دي….بصت عشق علي اول الطريق وكأن المشهد بيتعاد من تاني وهي بتلمح العربيه جايه من بعيد شكلها كان يخوف مش سامعه اي حد فيهم هما مستغربين شكلها

تمارا…عشق انتي كويسه

حاج محمد…مالك يا عشق يا بنتي

حست عشق انها متكتفه لتاني مره زي ما حصل مع تمارا لا قادره تتكلم ولا تصرخ ولا تنقذها حست ان نفس اللي حصل هيحصل مع حاج محمد قررت انها تتغلب عالكابوس اللي ماسك جسمها ولسانها ومسيطر عليها.

ليل…انسه عشق في حاجه؟؟انتي كويسه؟؟؟

بصتله عشق بسرعه واستغرب الجميع من كلامها وخصوصا انها اتكلمت معاهم من غير القاب والمفروض انها اول مره تشوفهم ويشوفوها…

عشق…والدموع بتجري بسرعه من عنيها..ليل ….انا عارفه انك مبتثقش في اي حد بسهوله بس ارجوك حاول تثق فيا وفاللي هقوله انا عارفه انك مستغربني الوقت بس ارجوك مش وقته  ارجعوا لورا كلكم بسرعه في عربيه جايه من بعيد عايزه تخبط  تمارا وتموتها بس جاسر هيلحقها وبابا هيتخبط وهيموت ارجوك اوعي تسيبه يموت

الكل كان باصصلها باستغراب مش فاهمينها ولا فاهمين تقصد ايه

ليل….انا مش فاهم حاجه

عشق…ارجوك مش وقته ارجعوا لورا بسرعه.

تمارا….بخوف مستر ليل اسمع كلام عشق ارجوك

رجع الجميع علي الرصيف الفاصل للشركه وفي اقل من ثواني كان صوت اصتدام العربيه وصرخه عملت صدي صوت فالمكان ????????????????????????????????????

????????????????????????

يتبع…..