رواية زمردة الزين 2 الفصل الثامن عشر 18 بقلم فاطمة سعيد
 |
| رواية زمردة الزين 2 الفصل الثامن عشر 18 بقلم فاطمة سعيد |
رواية زمردة الزين 2 الفصل الثامن عشر 18 بقلم فاطمة سعيد
كريم وجويرية خلصوا إجراءاتهم وركبوا الطيارة واتجهوا لتركيا
فى الطيارة …..
جويرية قاعدة جمب كريم ومغمضة عينيها جامد وماسكة فى فستانها
كريم لاحظ خوفها واستغرب لانه عارف انها سافرت قبل كده
كريم مسك أيدها اللى بتضغط بيها على الفستان
كريم : مالك يا جورى
جويرية بدموع : عايزة بابا
كريم باستغراب : بابا مالك فى اي
جويرية : اصلى بخاف من الطيارة ولما بسافر بيبقى معايا بابا وبمسك فيه انا عايزة بابا
كريم ابتسم بخبث : وعملالى فيها عبدو موتة وانتى نيللي اهو
جويرية بدموع : لو ربنا كتبلى عمر ونزلت وحياة النعمة لاوريك
كريم ضحك عليها وخدها فى حضنه عشان يهديها
وهى مسكت فى قميصه جامد ودفنت وشها فى صدره ودموعها نازلة
كريم بيحاول يهديها وبيطبطب عليها : خلاص يا جورى مفيش حاجة دى حاجة بسيطة
بعد ما استقرت الطيارة فى الجو حس أن أنفاسها انتظمت وعرف أنها نامت أو اغم عليها من الخوف ايهما أقرب ????
فضلت نايمة وقت طويل لحد ما وصلوا وكريم صحاها
جويرية بنوم : اي يا ماما
كريم بضحك : قومى يا روح ماما وصلنا
جويرية قامت لقت نفسها لسة فى حضن كريم
جويرية بنوم وكسوف : اي ده فى اي
كريم بخبث : ابدا كنتى نايمة فى حضنى بس
جويرية بكسوف بتغير الموضوع : وصلنا صح
كريم ابتسم على هبلها وكسوفها : اه وصلنا يلا بينا
نزلوا وخلصوا اجرائاتهم وها هم خرجوا لاراضى تركيا
خرجوا لقوا عربية بسواق مستنياهم
الحوار مترجم ….
السائق : اتفضل سيد كريم
كريم لبس نظارته وجويرية كمان وركبوا العربية
فى الطريق ….
السائق : حضراتكم مصريين صح
كريم باستغراب : اه مصريين انت مصرى والا بتتكلم عربى
السائق : لا انا مصرى بس شغال هنا بقالى اكتر من ٧ سنين
كريم ابتسم : ربنا يرزقك
السائق باستغراب : بس غريبة حضرتك يعنى بتتكلم معايا عادى لو حد غيرك كان قالى انت هتصاحبنى وركز فى شغلك
كريم ابتسم : كلنا زى بعض يعنى وانت زى اخويا يا اسطا اكيد واحشاك يا اسطا دى
السائق بضحك : ياااه سبع سنين مسمعتهاش دى
كريم بضحك : طول ما احنا هنا هقولك يا اسطا خلاص
السائق : ربنا يكتر من أمثال حضرتك وتواضعك
كريم ابتسم وبص لجويرية بحب وامتنان فهى السبب بتلك الشخصية المرحة التى خرجت منه إذا كان هو كريم السابق لم يكن ليسمح للسائق بكلمة
جويرية ابتسمت له بحب
وهو مسك أيدها وكملوا طريقهم
لحد ما وصلوا الفندق
السائق : هما قالولى اوصل حضراتكم للفندق عشان ترتاحوا وان شاء الله الاجتماع بكرة
كريم وجويرية لقوهم حجزوا اوضة واحدة بس لأنهم فاكرينهم متجوزين
جويرية : اي الاغبية دول حاجزين اوضة واحدة
كريم : افتكروا أننا متجوزين
جويرية بغباء : طب ما احنا متجوزين بس حجزوا اوضة واحدة لي بردو
كريم ضحك : أيوة احنا متجوزين كاتبين الكتاب ولسة بقى الفرح هما لما قولتهم مراتى مقولتش معلش احنا كاتبين الكتاب بس
جويرية : طب هنعمل اي دلوقتى
كريم بخبث : هنعمل اي يعنى هنتشارك الاوضة
جويرية بصتله بنص عين : يلا يا بابا روح احجزلى اوضة
كريم ضحك : خلاص يا شبح كده كده كنت هعمل كده استنى هنا وجايلك
كريم راح ورجع : للاسف مفيش اوضة تانية يا جورى هنضطر بقى نقعد مع بعض هنعمل اي
جويرية : خلصانة نروح فندق تانى
وسابته ومشيت شدها وضحك : خدى يا هبلة مفتاح اوضتك اهو
جويرية بمرح : أيوة كده
وصلوا الاوض كانت كل اوضة فى وش التانية
كريم : طبعا محجزتلكيش بعيد انتى هنا وانا فى وشك اهو لو ندهتى عليا بس هتلاقينى عندك
جويرية بضحك : تمام يا فندم
انا هروح بقى ارتاح من السفر لانى خلاص هلكت
كريم بصدمة : ترتاحى انتى عارفة انتى نمتى اد اي فى الطيارة
جويرية بتخمس فى وشه : يا باشا قول ماشاء الله بس
وبعدين انا مش هنام هاخد شاور واكلمهم فى البيت
كريم بضحك : خلاص خلصى وخبطى عليا ننزل نتمشى ونتفرج على البلد انا كمان مش عايز انام
جويرية ابتسمت : خلاص ماشى
و دخلوا كل واحد اوضته
عند يزيد فى القسم ……
سليم دخل عليه
يزيد بضحك : يا ابنى انت معندكش مكتب انت ليه مش مقتنع انك محامى يا حبيبى مش ظابط
سليم بضحك : انا غلطان انى بخلص شغلى وباجى لبغل زيك
وأكمل باستغراب : بس غريبة أول مرة تضحك فى الشغل
يزيد : اصلى مبسوط سيكا
سليم : لقيت حاجة والا اي
يزيد : بص يا سيدى انا اتاكدت أن اللى سيد قاله ده حقيقى طلع واد غلبان اصلا وضاحى أجل اخر عملية ليه مش عارف ليه بس اتاجلت والمهمة اتاجلت وحسابه بيتقل معايا
سليم بضحك : على اخبارك يا سيدى اي الجمر ده
يزيد ضحك ونده على العسكرى عشان يجيب سيد
يزيد : اقعد يا سيد
سيد قعد : تحت امرك يا باشا
يزيد : انا اتاكدت من المعلومات اللى قولتها وطلعت كلها صح اسمعنى بقى اختك ربنا يشفيها ويخليهالك انا نقلتها مستشفى على حسابى وهتتعالج هناك وانت هجيبلك شغل غير أنك بقيت من رجالتى خلاص
سيد : بس ده كتير اوى يا باشا
يزيد : ولا كتير ولا حاجة انت جدع واحد غيرك كان عمل اللى اتفق عليه معاهم وقال وانا مالى
بص بقى انا عايزك تقولى كل المعلومات اللى عرفتها أما كنت من رجالتهم كل حاجة يا سيد
سيد : بص يا باشا هو على طول كان بيكلم واحد تقريبا من عيلتكوا لانه دايما يقوله انا عايز اعرف كل تحركاتهم وكان بيعرفها ومعتقدتش أنه حد معينه يراقبكوا لانه مكنش هيعرف بالدقة دى
يزيد : معاك حق اكيد مش حد بيراقبنا
وبعدين بص لسليم : من العيلة
سليم فهم بيحاول يوصله اي وشاورله بعينه
سيد : فى مرة كان بيكلمه واتنرفز عليه وقاله انا مش زارعك وسطهم عشان تبقى واحد من العيلة يا روح امك انا عايز اعرف كل خطوة بيخطوها واى حاجة بيخططوا يعملوها انت سامع وكان بيزعقله جامد
يزيد : تمام انت هتخرج دلوقتى لضاحى وتقوله : …………….
سيد : تحت امرك يا باشا انا من ايدك دى لايدك دى
يزيد : لا ولا ايدك ولا بتاع اعمل بس المطلوب منك على أكمل وجه وليك عليا مكافئات اكتر من اللى خدتها
سيد : انا بجد مش عارف اشكر حضرتك ازاى
يزيد : ولا شكر ولا حاجة ده واجبى يلا افراج
سيد : معلش ممكن طلب انا عايز اشوف اختى الاول
يزيد : اكيد هى فى مستشفى …. روح شوفها وبعدين شوف شغلك
سيد قام : ربنا يخليك لينا يا باشا ويكتر من امثالك عن اذنكوا
سليم : انت ساعدته جامد يا يزيد على فكرة وازاى وثقت فيه
يزيد : هوريك المعلومات اللى جمعتها عنه ده واد غلبان
وقعدوا يزيد وسليم يكملوا شغل وبعدين كل واحد روح بيته
عند كريم وجويرية ….
كريم خلص لبسه وراح يخبط على جويرية
قبل ما أيده تلمس الباب لقى الباب بيتفتح وبيخرج منه حورية بمعنى الكلمة
كريم فضل متنح فى جمالها ونسى حتى ينزل أيده اللى كان هيخبط بيها ????
جويرية بتشاور قدام عينه : كريم كريم مالك متنح ليه
كريم بتوهان : اي القمر ده
جويرية اتكسفت وبصت فى الارض : يا باشا يلا ننزل
كريم : لا عبدو موتة ده يتدفن لحد ما نرجع متبوظيش القمر ده
جويرية ابتسمت بكسوف : طب يلا بينا
كريم ابتسم بحب : يلا يا وردتى
نزلوا اتغدوا وفضلوا يتمشوا ويخرجوا وكانوا مبسوطين جدا وشافوا حاجات جديدة
ودخلوا محل لبس وجويرية كانت بتقيس هدوم كتير وكريم يشوف المناسب وكريم بردو وجورى تشوف
جويرية بضيق : ما هو مش معقول كل حاجة مش عاجباك كده فى اي
كريم : ما الفساتين كلها حلوة اوى عليكى يا جورى
جويرية : أيوة اي المشكلة المفروض اجيب وحشة
كريم قرب منها : يعنى يرضيكى الجمال ده يشوفه حد غيرى ده انا عايز اخبيكى كده
جويرية بكسوف : طب اوعى طيب فى اي لا اله الا الله
كريم ضحك وبعد ونقى كام فستان لجورى
وجه دوره بقى هو يقيس وهى تقرر وجويرية لاحظت البت بتاعت المحل ونظرات الاعجاب منها لكريم
جويرية بضيق : المحل ده حاجته مش حلوة فى الشباب يلا بينا
كريم باستغراب : كل ده ومش حلوة
جويرية بضيق : اه مش حلوة وقولت يلا بينا
كريم لاحظ نظراتها للبت اللى واقفة بتبصله وابتسم بخبث وخدها ومشيوا من المحل
كريم ملاحظ أنها متضايقة : جويرية
جويرية قطعته بحدة : بلا جويرية بلا زفت اسكت خالص عاجبك انت اللى بيتغزلوا فيك دول يلا نروح الفندق
كريم ضحك عليها
جويرية بضيق : بتضحك على اي
كريم بضحك : على حبيبى وهو غيران
جويرية تقريبا بتولع : غيران فى عينك هو مين اللى غيران ومن اي اصلا من الضفدعة دى
كريم قرب وشه منها سيكا : واضح انك مش غيرانه ده انتى هتولعى من الغيرة أو الكدب ايهما أقرب
جويرية ابتسمت غصب عنها على طريقته وكشرت تانى : مالكش دعوة يا كريم
وبعدين شافت البت واقفة على باب المحل بتبص عليهم شدته من أيده ومشيوا : اللهم طولك يا روح
وكريم بيضحك عليها وعلى غيرتها
خلصوا لف وجابوا هدوم معظمها شبه بعض ورجعوا الفندق
جويرية : تصبح على خير
كريم : وانتى من أهلى يا وردتى
جويرية ابتسمت بكسوف وحب وهو ابتسم بحب ودخلوا اوضهم وناموا من تعب اليوم
( تفتكروا السعادة دى هتدوووم ) ????????????????
ت ت ت ت ت