رواية الحربايه والثعبان الفصل الثاني والعشرون 22 بقلم منة محمد

رواية الحربايه والثعبان البارت الثاني والعشرون

في منزل عائله آمير
آمير نازل ع السلم: جبتي كل الاشعه والتحاليل
دعاء نزله جانبه: ايوه كله معايا متقلقش
جمال: مساء الخير
آمير: اهلا جمال عامل ايه؟؟!!
جمام ابتسم: نايس وانت
آمير: الحمد لله
جمال: دعاء عامله ايه
دعاء : بخير
جمال: هو انتم رايحين في مكان؟؟
آمير: ايوه رايحين متابعه لدكتوره دعاء
جمال بلهفه: هي كويسه
آمير اخد باله ولسه هيرد ناني جات: جمال وصلت
جمال بأبتسامه : ازيك ياطنط
ناني الحمد لله حبيبي
جمال: ياتري رحاب جاهزه كله الجروب مستنينا
ناني : هي بتلبس ونازله اتفضل اقعد , دعاء هاتي عصير لجمال
جمال بخبث: ميرسي ياطنط , لو امكن بس كوبايه ميه عليها تلج , وسوري يا آمير عطلتكم
آمير: لاء عادي , دعاء هاتي كوبايه الميه , وبعدين لسه فيه وقت ع معاد الكشف
دعاء: حالا
ناني: والدتك عامله ايه
جمال :بخير
آمير: اتفضل اقعد واقف ليه؟؟!!
جمال قعد وابتسم: نسيت اقولك استلمت صور الفرح امبارح
ناني :بجد وطالع ازاي
جمال ضحك :فري جود حاجه سبيشيل , الجده اكتر واحده طالعه زي القمر , وحضرتك طبعا والعروسه ملكه جمال , لون الفستان الي اخترته كان جميل جدا
ناني: سامع يا آمير شكله باكش
آمير: اطمني مش هيعرف يبكش علينا
دعاء جابت كوبايه الميه وجمال اتعمد وهو بياخدها يمسك ايدها واتك عليها ٠٠ودعاء فلتتها منه بسرعه ٠٠في نزول رحاب ع سنجه عشره٠٠ وناني قامت ترد ع الموبيل
جمال اتنهد بصوت مرح: اخيرأ , ده انا قولت هلغي الخروجه اليوم
رحاب: لاء مش كأني اتأخرت سنه
جمال: رحاب هم متجمعين عشانا, لازم نبقي اول ناس هناك
آمير قام وقف: تمام احنا هنعمل زيكم ،ونقوم احنا كمان نروح مشورنا سلام
جمال : سلام , معلش رحاب اخلص كوبايه الميه
امير لرحاب: استمتعي بعشاكي
رحاب: اوكيه
آمير وهو ماشي جنب دعاء وقف وقالها: انا بستلطف جمال , هو بس جريئ , ومتحرر شويه
دعاء : ايوه بس التحرر طول الوقت مش ظريف , يعني مش كل الناس تقبله , الجراءه والتحرر بياخدوها بطريقه غلط , وتأذي الغير , لازم يفكر, قبل اي كلمه او خطوه
آمير بقتناع: عندك حق يله’ اركبي يله .
………………قصص منه محمد كاتب……………
في النايت كلاب قاعدين سوي بعيد ع الشله
جمال: قوليلي حاجه واحده بثقي فيا قد ايه؟؟!!
رحاب: كتير
جمال: بجد يعني هتصدقي اي حاجه اقولهالك
رحاب: تقدر تجربني
جمال: يوم فرحنا دعاء كانت طول الوقت مكشره , وباهته كدا , حسيت انها مش مبسوطه
رحاب: معرفش انا ملحظتش ده خالص , يوم فرحي يوم مهم في حياتي , ومفكرتش غير في سعادتي , ذائد ليه كنت مركز معاها
جمال: لانها كانت قاعده قدامي , وكان مودها واضح جدا بالنسبه لي
رحاب : هي بتغير مني مـ وت , انا متأكده مقدرتش تتحمل سعادتي معاك , وعرفت ايه الي مغير مودها الحقد الي جواها
جمال: لكن قوليلي , هو آمير ودعاء فات اد ايه ع جوازهم , قصدي يعني ازاي جابوا طفل بالسرعه دي , مش المفروض يستعمتعوا بحياتهم الاول , يعني ليه يحملوا نفسهم مسؤليه بدري , بس احنا مش هنعمل زيهم
رحاب: نفس تفكيري , لكن متوقع ايه من بنت من طبقه فقيره زي دعاء , كل الي بيفكروه فيه خلفه عيال بمجرد ما يتجوزه ويتقلوا ع ازواجهم بالطلباتهم , هم معتقدين ان كدا بيربطوا الراجل جنبهم , تفكير بلدي اوي
جمال: يعني رآيك ان موقف دعاء بيقوي في البيت
رحاب: مش شايف البيت كله بيلبي كل احتياجاتها , وكأنها عملت انجاز , ولا حاجه فريده انسي مش عايزه اتكلم عنها , واضيع وقتي , واغير مودي
جمال: اوكيه يله نرقص معاهم
رحاب قامت: يله بينا
…………………….قصص منه محمد كاتب……………
في منزل عائله دعاء
داغر بيقفل زراير كم القميص: امي انا خارج وهرجع بعد ساعه
بهيه: رايح فين؟؟!!
داغر: عندي كام شغلانه هرجع بعد ما اخلصها
بهيه: اقف واسمعني
داغر: نعم
بهيه: اتصل بألفت
داغر: طلعت منين الفت
دعاء: انا واختك هنشتري الدهب ونقي العفش, بس فستان الفرح , هي الي تنقيها ع ذوقها
داغر: ماتتقي انا مالي, ليه ترمي المسؤليه دي عليا , اتوليها انتي او دعاء
بهيه : يابني كل بنت بتحب عريسها يهتم بيها اتصل الله يرضا عليك
داغر: حاضر هتصل ممكن امشي بقي!!!
بهيه : مع السلامه
بهيه سامحني يابني بعمل كدا عشان اتقي شرهم فيا وفيك ظلمتك وجيت عليك
……….قصص منه محمد كاتب…………..
في منزل عائله دعاء الي وصلها آمير تقعد مع امها
بهيه: يعني هتفضلي مقموصه امال جيتي ليه
دعاء بتشيره: جايه بيت ابويا , وايوه مقموصه منك يابهيه
بهيه ضحكت: يابنتي اخوكي صمم وكان زعلان , وهو ابني مهم رضاه : بكره تخلفي وتعرفي قيمه الضنا, والام بتبقي مستعده تضحي بروحها عشان ولادها
دعاء: خلاص انسي قوليلي بدئتي ترتيبات الفرح
بهيه: ايوه وانتي لازم تساعديني ع الاقل تشترلها غوشتين انتي عارفه مش هقدر اعمل كل حاجه لوحدي
دعاء: انا هنا اليوم كله، نروح لمحل الدهب ،ونعدي لمحل العفش
داغر طلع: ماما خدي الفلوس اهيه
بهيه: اديهم لاختك هتروح معايا لمحل الدهب
دعاء لفت وشها بزعل منه وقالت: خاليهم معاكي ياماما , انا جايه معاكي , عشان خاطرك انتي وبس
بهيه: يابنتي مش فهمتك حالا دلوقت
داغر حط الظرف في ايد دعاء غصب ومشي
دعاء: انتي مش عارفه الاحراج الي اتحطيت فيه بسببه , والحمد لله ان آمير اتعامل مع الامر بطريقه سلسله
بهيه: ايوه ياحبيبتي , امير جوزك عليه قلب ابيض , وانسان متواضع , ومحترم , وانا اتصلت بيه هو وامه باركتلهم
دعاء: هي قالت لي
ميسر طلعت وشدت الظرف: حلو اوي داغر عطاكي الفلوس كويس انه عمل كدا
بهيه: ميسر ليه متجيش معانا
ميسر: وليه تاخدي دعاء ،اظن لازم تفضل هنا في البيت , دي حامل وانا هشتري كل حاجه حسب رغبه اختي انا وهي هنروح ننقي العفش, , ونشتري الغوايش ,لو معندكيش اعتراض
بهيه: ليه يابنتي يكون عندي اعتراض ،في الاول والاخر حاجاتها , روحي انتي واختك
داغر من جوه: ماما ممكن لحظه هنا
بهيه قامت من مكانها: جايه يابني , هرجعلك يادعاء
ميسر بخبث: بس يادعاء كنتي بتيجي هنا تقريبا كل يومين , ولا اهل جوزك متعرضين ،انك بتيجي هنا
دعاء بصتلها اوي : تقصدي ايه؟؟؟! ده بيت ابويا ليه اهل جوزي يعترضوا..!
ميسر برفعه حاجب: بس مبقاش بيتك دلوقت
دعاء: افندم
ميسر: يعني بيتك عند جوزك الي عايشه فيه دلوقت , والبيت هيبقي فيه اتنين انا واختي , عشان كدا الاحسن تكني في بيتك , عشان الكل يعيش مرتاح , هتصل بألفت وارجعلك
………………قصص منه محمد كاتب…….
في الاتاليه
الفت : داغر الفستان ده حلو اوي
داغر عيونه في الموبيل: ايوه حلو
الفت : شوف ده احلي , وشكله هيبقي اجمل عليا , مش كدا
داغر عيونه مش معاها: امممم
الفت لفت وشافته : ازاي هتعرف من غير ما تشوفه..!
داغر بصلها: قصدي الاتنين حلوين ،تقدري تشتري الي يعجبك
الفت علقت الفستان وطالعه برا: عارفه قد ايه مش مهتم بيا
داغر جري وراها ولفها بحده : الفت بتعملي ايه؟؟!!
الفت بعصبيه: انا غبيه ازاي اجي معاك اشتري فستان فرحي , رغم عارفه انك مش هتهتم بيا
داغر: انا مش بفهم في اذواق الستات ،كان الاحسن لو جبتي امك ولا اختك
الفت بقهر: انا هقضي حياتي كلها معاك انت, بس انت زهقت ومليت مني , هو انا انكتب عليا اخسر في الحياه بس
داغر بصلها بستنكار: هو انتي بتفكري في الحياه انها لعبه وخايفه من المكسب والخساره
الفت بنفعال : دااااغر
داغر رفع صوباعه بتحذير: كفايه , ووقفي نقاش , ده مش المكان المناسب نتخانق , ادخلي وخلص الي جايه عشانه, اتحركي
…………..قصص منه محمد كاتب………….
في غرفه آمير بيجهز للسفر
دعاء مدتله ايدها : الساعه والمحفظه
آمير اخدهم : ميرسي حبي
دعاء: هو لازم تسافر للشغل النهارده
آمير بصلها : لازم بس ليه محسساني ان هغيب سنه , هم كلهم يومين ليه زعلانه
دعاء بتكشيره : انت عارف لما مش بتكون هنا , مفيش حاجه بيبقي ليها طعم
آمير: شرم مش بعيده تقدري تجيلي مع السواق
دعاء: كنت هعمل كدا , بس داغر فرحه بعد يومين , وفيه ترتيبات , لازم استعدلها معاه
آمير ابتسم : اوكيه ركزي ع اللاستعدادت اثناء فتره غيابي , واشتري هديه لداغر بالنيابه عننا
دعاء: اكيد بس اشتريله ايه
الباب خبط وآمير سمحله يدخل
امال فتحت ودخلت: ست دعاء والدتك قاعده تحت
دعاء: قوللها انا جايه
أمال: حاضر
دعاء: اكيد جايه تعزمكم ع الفرح هرجعلك حالا
آمير مسكها من دراعها ورجعها له: بعدتي عني اول ما سمعتي امك هنا
دعاء: لاء ياآمير مش كدا
آمير كشر جدا: لاء هو كدا, عارف كويس اوي انك بتهتمي بوالدتك اكتر مني
دعاء بصلته اوي : هو انت هتتنافس مع امي
آمير كشر اكتر: مقدرش اتنافس معاها عارف اني هخسر
دعاء: مستحيل اسمحلك بالخساره , , مفيش حد اكتر اهميه في حياتي منك , انت محور اهتمامي مما بعدت بينا المسافات
آمير ضحك : يانهار ابيض , كنت بهزر معاكي , ليه اخدتيها جد
دعاء قربت وشها قريب من وشه: انت مكنتش بتهزر , كنت بتختبرني صح, بس الي قولته حقيقه انا بحبك اوي ,يا آمير اوي
آمير لعب في خصله من شعرها : وانا مش بس وقعت في حبك , انا وقعت في كل شئ متعلق بيكي
دعاء : وانا عايزك دايما جنبي , عملت فيا ايه عشان احبك الحب ده كله
آمير سحبها من وسطها لصدره وباس خدها : سحرتلك
دعاء: بعشقك لو مرضي , ممكن بقي ننزل سوي للست امي, قاعده تحت مستينا
آمير حط ايده ع كتفها ومشي بيها :ماشي
……………………
في الصالون
بهيه: اتفضلي دعوه فرح داغر
ناني اخدتها: الف مبروك لفرح ابنك وشكرا ع عوتنا ع الدعوه
بهيه: فرحتنا هتضاعف بعشره لو شرفتونا كلكم
ناني: صعب كلنا نحضر بس بنتك وابني هيكونوا حاضرين بالتأكيد
بهيه بحرج وكسره : يامدام ناني انا اعتذرت لكن لو عـ
ناني قطعتها: اعتذرتي ومفيش داعي وهنحاول نحضر
بهيه بخجل وتردد: عايزه اطلب منك طلب ؟ تبعت لي دعاء قبل الفرح بأسبوع , دي هي الاخت الوحيده ع الولاد وهي نور بيتنا
ناني بنرفزه : ايه الداعي تقعد عندك اسبوع ’ قبل الفرح , تطلع من هنا ع يوم الفرح
آمير بص لناني ووشه متغير ورجع بص لدعاء وسكت
ناني تابعت بتوتر: انا مش مش بمنعها انا بس قلقانه , يعني فرش , وتعب وحنه , تعب عليها , وهي حامل ولازم نكون حذرين جدا , امال العصير هنا
دعاء عيونها رغرغت بالدموع وبصت لـ آمير الي ملامحه كلها ضيق
………قصص منه محمد كاتب………………
في منزل عائله آمير بالليل جمال وقف بالعربيه واتصل برحاب
رحاب ردت: الو جيمي
جمال: كنتي نايمه؟؟!!
رحاب بدلع رخم : تؤ ليه انت فين
جمال بهدوء: واقف قدام الفيلا عندك
رحاب اتعدلت بخضه: ايه بيتي؟؟!!
جمال : ايوه انا واقف قدامه، حاسس اني عايز اخرج معاكي ايه رآيك؟؟
رحاب بقلق: مش الوقت متأخر شويه
جمال: فين ده الساعه حداشر مش خمسه الفجر
رحاب :ايوه كدا هنرجع خمس الفجر وبعدين مامي وبابي نايمين كمان
جمال :خلاص براحتك بلاش انا همشي
رحاب: لاء اسمع هغير البيجام ،وهجيلك في ظرف خمس دقايق
جمال :ايوه كدا مطيعه، انا مستني ان شاء الله خمس سنين
رحاب ضحكت :اوكيه
رحاب لبست فستان كوكتيل قصير ونزلت قابلتها دعاء وهي خارجه من المطبخ
دعاء سألتها بقلق: رحاب لابسه كدا ورايحه ع فين
رحاب لعبت في خصلات شعرها : خارجه جيمي مستنين برا , هنخرج سوي
دعاء بستغراب : دلوقت انتي عارفه الساعه داخله ع كام؟؟!!
رحاب بستخاف: فين المشكله يعني , هرجع بعد شويات
دعاء بهدوء: بس ده غلط ،تخرجي في وقت متأخر من غير ما تقولي لحد ،في البيت
رحاب بملل: دعاء بليز متعمليش فيها امي , ولو قولتي لـ اي حد هنا , مش هرحمك سامعه
دعاء: اظن محدش هنا بيمنعك تقابلي جمال , بتروحي وتيجي معاه , لكن في الساعه دي وبعدين انتم يادوب لسه مخطوبين , مش من حقك تخرجي معاه , الساعه دي
رحاب بتحكم وأصرار: هخرج معاه لاني بثق فيه
دعاء: مينفعش نثق في اي حد بشكل اعمي
رحاب ضمت ايدها لصدرها باستهزاء : انا فاهمه مشكلتك , ولو حاولتي تهدديني , بانك هتقولي لحد , اتفضلي روحي قولي, لان عايلتي بتقق في , وفي جمال
دعاء لنفسها: غبيه ,بجد غبيه , وطايشه
اما رحاب طلعت وركبت العربيه
جمال: ايه قلقانه
رحاب: يعني
جمال: اه المفروض متخرجيش، بس انتي مش زي دعاء لازم يبقي فيه ثقه
رحاب: اتحرك يا جيمي وبلاش تقول كل شويه اسمها قدامي ،الكل نايم الا هي ،عامله زي الساحره الشريره، ليه صاحيه زي العفريت ،والي مقلقني لو قالت لحد في البيت ،سيبك قولي هنروح فين؟؟
جمال: مكان مرحنهوش قبل كدا
رحاب: مكان ايه ده؟؟!!
جمال: ماهي دي المفاجأه
استوب ونكمل ياتري جمال ممكن يعمل حاجه في رحاب ولا غرضه دعاء
ياتري هيحصل ايه يوم فرح داغر والكارثه الكبيره الي مش هنلحقها رايكمً وانزل بالمصيبه