روايات

رواية أسير جنانها (عريس لقطة 2) الفصل الخامس عشر 15 بقلم حنين عادل

 رواية أسير جنانها (عريس لقطة 2) الفصل الخامس عشر 15 بقلم حنين عادل

رواية أسير جنانها (عريس لقطة 2) الفصل الخامس عشر 15 بقلم حنين عادل

رواية أسير جنانها (عريس لقطة 2) الفصل الخامس عشر 15 بقلم حنين عادل

فارس راح لشقه سيف التانيه مالقهوش دور في كل حته عليه مافيش فايده لغايه ما زهق ..
فارس: من الصبح بدور عليك وتليفونك مقفول يا تري انت فين يا عمر وانت تعبان المفروض ترتاح كنت المفروض تصبر????
بيركب عربيته وبيروح وهوا قلقان ..
بيدخل الفيلا …
الانوار متقفله بيفتحها وبيتفاجأ من المنظر كل الحاجات متكركبه ومتكسره ..
بيخاف وبيطلع يجري علي الاوضه ..
فارس: حنين ..حنين ..انتي فين ????
مش بيلاقيها بيقلق بزياده والاوضه متكركبه ..
تليفونه بيرن ..
فارس بيفتح بسرعه: الوووو ..
..مراتك عندنا .
فارس: ايه ..وليه ????
..انت لسه هتسأل كتير تجهز 25 مليون جنيه والميعاد هنحدده ومش عايز اقولك لو بلغت البوليس ايه اللي هيحصلها اي عوق هايحصل هابعتلك راسها ..
فارس بخوف: طيب طيب اللي انتم عاوزينه بس ان لمستم شعره من راسها وديني مايكفيني دمكم ودم اللي يعرفوكم????
..استني مكالمه مننا …
قفل التليفون ..
فارس: ياربي هالاقيها منين ولا منين سيف وحنين ????
قعد فارس وحط ايده علي دماغه حاسس انه ممكن يخسر اعز اتنين علي قلبه ????
فارس بيفتكر ذكرياتهم مع بعض وراح مغني: شافوني الناس وقالوا حرام يا عيني عليه مابينمشي دا لو عشق الاحبه حرام هادوب برده وماحرمشي خلاص القلب داب دوبان وحب خلاص وماسلمشي ولو كانت سكه العشاق خطر انا في الخطر هامشي ????????❤️
بيقوم وبيفتح خزنته وبيطلع المسدس بتااعه ..
بيحطه في ضهره وبيطلع بره الفيلا وكانه ناوي علي حاجه خطيره ????
………………..
في بيت رنا..
ام احمد: مالك يا بنتي في ايه بقالك يومين قافله علي نفسك ماهو مش كل مشكله مع سيف تعملي كده لا يا قلبي اعرفي ان سيف راجل مصري اصيل يعني النكد في دمه يعني كميه سلبيه وغباء ماشي علي الارض فهوا كده كده هيعكنن عليكي تعملي ايه بقا تقعدي تحطي في قلبك لحد ما يجيلك سكته قلبيه وتيجي علي اعصابك لغايه اما يجيلك شلل رباعي ولا ايه????
رنا بابتسامه بتداري فيها وجعها: اومال اعمل ايه ياماما☺️
ام احمد: تحرقي دمه ودمك ما يتحرقش تكيدي وماتتكاديش ماتتديش الفرصه لحد انه يعرف ايه نقطه ضعفك او ايه اللي بيضايقك ضايقي انتي كيدي انتي انما ماتتعبيش اعصابك عشان حد في الدنيا العمر واحد مش هنعيشه مرتين والصحه ماتتعوضش ولو بمال الدنيا ومافيش راجل تحت سما ربنا هايستحملك لو تعبانه هوا يتعب وانتي تتحملي وتدعيله انت تتعبي يجري يلعب بديله????
رنا: يا سلام يا ماما علي كده كل الرجاله كده ????
ام احمد: بلا استثناء حتي ابوكي الله يرحمه كان كده ????
رنا: وعملتي ايه يا ماما معاه ????
ام احمد: ماهي الله يرحمه دي عمايلي انا ????
رنا: قتلتيه يا ماما ????
ام احمد: اخص عليكي انا اقتل دا انا مابعرفش ادبح فرخه ????
رنا: اومال عملتي ايه ????
ام احمد: لا ولا حاجه اتجوز عليا عشان يكيدني ويقهرني فضلت كل يوم اشربه اعشاب واقوله عشان تخليك اسد كانت بتسيب بطنه يقوم الصبح يلاقيها دايره عالسرير سابت كل حاجه فالتانيه ما استحملتهوش وفضحته واتطلقت وبقت جرصه وسيرته بقت علي كل لسان الراجل الشايب اللي بيعمل بيبي علي نفسه المهم انا قولته انا معاك انا حبيبتك وعمري ما هتخلي عنك وعيطت وهوا عيط وحس انا اد ايه وفيه والتانيه زباله ومش بنت اصول زيي وشالني من علي الارض شيل بدأت اخفف الاعشاب اما بدأ يرجع طبيعي وكده وانا مفهماه ان ده كله عشان واقفه في ضهره وكده????
رنا: طيب مات ازاي بقا ؟!؟????
ام احمد: ماهوا رجع لطبيعته بقا بس كانت الجرصه ملازماه وكده فا كان في واحده صحبتي بتحكيلي ان جوزها مغلبها وبيفكر يتجوز وهوا عينه زايغه فحكيت ليها تعمل كده وان جوزي شايفني ملاك مع اني انا اللي سوحته بقفل التليفون معاها وبلف لقيته قدامه وبوقه اتعوج واترعش وحالته بقت حاله وجاله صرع وهوب سكته قلبيه ومات يلا الله يرحمه كان طيب وابن حلال اذكروا محاسن موتاكم ????
رنا : انتي بتتكلمي بجد يا ماما ????
ام احمد: قدر ربنا اعترضي بقا ????
رنا: جبتي لابويا اخر يا ام احمد ده انا لازم اتعلم منك بقا????
ام احمد: اومال ده انا مدرسه ????
……………………….
في ڤيلا وائل شاهين ..
فارس واقف وموجه عليه المسدس ..
فارس بعصبيه: فين مراتي وعمر ????
وائل بسخريه: مراتك اه حنين لا عرفت تختار بجد دمها خفيف وحلوه وفوق كل ده بتحبك ????
فارس ضربه بالقلم …
رجاله وائل حاوطوه بالمسدسات …
وائل: مش معقول ياعني جاي تدخل عرين الاسد وعادي كده بس القلم ده هتدفع تمنه غالي ومراتك هيبقي مصيرها زي تمارا هههه????
فارس بيزق الرجاله وعايز يضربه ولكنهم بيحاوطوه وبيحاولوا يضربوه ..
فارس قعد يضرب فيهم لحد ما نيمهم كلهم عالارض ورايح ناحيه وائل عشان يضربه ????
فارس: فين حنين وعمر رد????
وائل بسخريه: في جيبي تحب تشوف ????
ولسه فارس هايضربه مسك دماغه من اثر الضربه ????
فارس وقع عالارض مغمي عليه …
احد الرجال: ليه يا باشا سايبه كده ما نخلص عليه بطلقه من المسدس ????
وائل: وائل شاهين مش بيموت حد بسهوله كده لازم يعذبه لما يبقي بيفرفر زي الدبيحه ????
احد الرجال: طب هانعمل ايه فيه دلوقتي ????
وائل بشر: انا هاقولك ☺️
……………………………….
في المستشفي ..
بيدخل دكتور مخبي وشه بالكمامه والنضارة علي اوضه سامي شاهين …
الدكتور: عامل ايه النهارده يا سامي بيه .
سامي: انا الحمد لله بس مش قادر من الوجع والحروق دي.
الدكتور: دي حروق درجه تانيه يعني سهله وهتروح ان شاء الله وان كان عالوجع انا هديلك مسكن ..
سامي: ياريت يا دكتور ????
بيضرب الدكتور حقنه في المحلول وبيخرج ..
………………………..
بيصحي فارس بيلاقي نفسه مربوط علي سكه القطر..
بيحاول يفك نفسه بس مافيش فايده القطر بيزمر بصوت
عالي وفارس الخوف دخل قلبه وخلاص القطر قرب????
بيحاول يفك نفسه وبيتحرك اتخبط في طوبه وفقد الوعي
وهو بيقول: اشهد ان لا اله الا الله واشهد ان محمد رسول الله ….
……………………….
الدكاترة كلهم بيجروا والممرضين وصوت القلب بيقف ..
بيعملوا ليه جلسات انعاش ولكن مافيش فايده ..
بيغطوا وشه ..
…………………..
في فيلا وائل شاهين..
التليفون بيرن وبيرد..
..وائل بيه شاهين ..
وائل: ايوه ..
..البقاء لله ..
وائل وقف من علي الكرسي اللي قاعد عليه: في مين ؟!!!
..اخو حضرتك سامي بيه ..
بيقع التليفون من وائل علي الارض من صدمته ..
…………………….
بيبدأ فارس يفتح عينه ..وبيحس انه عارف المكان ..
فارس بيقوم فجأة وبيفتكر القطر ..
بيلاقيه علي سريره وفي اوضته ؟؟؟
فارس: ازاي كده طب جيت ازاي طيب ممكن اكون مت بس الجنه هاتبقي زي اوضتي ????
بيقوم فارس وبيحاول يفتكر ايه اللي حصل بس مش فاكر حاجه ..بيدخل ياخد شاور وبيطلع وهوا بينشف شعره وبيبص في المرايه علي الجروح اللي في وشه وتحت عينه . بتجيله رساله من الخاطف ..
(الساعه 12 بالليل في المكان ده *******)
بيبص فارس عالساعه بتكون 11:30 بيلبس هدومه بسرعه وبياخد الفلوس وبيمشي ????
بيركب عربيته وبيسوقها …لحد مابيوصل للمكان اللي كان في حته مقطوعه ومكان مهجور ..
بيعمر مسدسه و بيمسك الشنطه ..
بتجيله رساله يمشي علي الاشارات اللي علي الأرض. .
بينزل من عربيته وبيلاقي اسهم علي الارض بيفضل ماشي وراها لحد الباب بيزقه وبيدخل وفجأه بيسمع صوت زي انفجار????…
يتبع ….
لقراءة الفصل السادس عشر : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى