رواية عريس لقطة الفصل الأول 1 بقلم حنين عادل

معديه الشارع في امان الله

وفجأة عربيه تيجي وتخبطني

..اه يا غبي يا متخلف عاااااااا اه ياجسمي الله اتكسر اه يا رجلي اه يا ايدي

بينزل من عربيته

لابس بدله وبيحوش خصله الشعر اللي نازله علي وشه

بينزل لمستوايا عالارض بقلق

_انتي كويسه

رفعت عيني ببص ولسه هشتم

..هوا انت عشان حلو يعني تموت الناس

بصلي بعيونه الخضر اللي هتموتني: نعم

انا ماشوفتيش بربع جنيه تربيه انا عارفه بس انتم مش عارفين الوضع اللي انا فيه اني اسف

_معلش انا اسف ماكنش قصدي انتي كويسه ولا تروحي المستشفي

..اه يا قلبي

_هوا انا خبطتك في قلبك ولا في رجلك

..???????? الاتنين

_ههههه

وفجأة رجعت للواقع انا عارفه أن شكلي زباله بس هوا في كده يعني معقول لا يا بت ماتضيعيش الفرصه

..ااه اله

_طب انتي بتعيطي ليه الوقتي

..ايدي رجلي

_بيرفع شعره تاني

قلبي يا ناس حرام كده

..شعري

_طب ايدك ورجلك ماشي شعرك ازاي ده

..مش كفايه خبطتني ودمرت مستقبلي بتسال كمان

_خلاص انا اسف تعالي أما اوديكي مستشفي

..اه ياني

_بتعيطي تاني ليه

..مش شايف هاقوم ازاي اه يا رجلي اه يا ايدي

_خلاص يا ستي هاشيلك

بيقرب مني وبيشيلني انا حاسه ان قفصي الصدري في عصافير قلبي بيطير وفي سيمفونيه شغاله يخربيت كده اتعلقت في رقبته ملامحه حلوة اوي ايه ده ولا عنيه تعالي خوديني يا اما بنتك ما شفتش بجنيه تربيه بس ده واللهي يتعاكس رموشه وطويله وملامحه رجوليه

اجي يركبني في العربيه

وانا لسه متشعلقه فيه

..ما تخليني شويه ياقمر

_نعم

..اه يا رجلي اه يا ايدي

_هههههه

..بتضحك علي وجعي بتضحك علي المي اه يا نا يا ما

_بس يا اوفر انت مرة تمسكي رجلك اليمين ومرة الشمال ما تحددي انهي

يا كسفتي ايه يا جماعه هوا انا واقعه اوي كده لا احنا اشرف من الشرف وكملت تسبيل

قفل باب العربيه بابتسامته اللي هتجنني ولف وساق

_انتي اسمك ايه

..حنين

_انا اسف يا حنين انا اسمي فارس

..وهتيجي تاخدني علي الفرس امتي

_نعم

..اه تعبانه بموت بدلع

اتقلي يا بت شويه اللي بيميز المراه خجلها

_عندك كام سنه

..21 سنه كليه تجاره ساكنه في شارع صلاح الدين

_ايه حيلك هوا انا جاي اخطبك

يا كسفتي اني اسفه يا كرامتي يا اللي معتيش موجودة ..

..وهوا انت تطول اساسا تخطبني

_بابتسامه لا طبعا هوا انا اطول

طول الطريق بتخيل شكله في بدله الفرح وانا في فستان الفرح لا انا مني لله ..

_وصلنا

انا وانا متيمه في ملامحه: فين

_المستشفي

..اه يا نا

_يا رجلي يا ايدي يا شعري

..كمان بتتريق هما الحلوين عشان حلوين يعملوا كدهوا

نزل من دون أي كلام هوا انا باين عليا اني بعاكسه اكيد لا صح ولا ايه

نزل من العربيه وفتح الباب

واجي اشتالني تاني قلبي الصغير لا يحتمل في أي يا بني مالك كده توم كروز في نفسك ليه ريتيك روشان ليه

حسيت أنه بينهج

اسكت لا ما اسكتش

..انت واد نايتي ولا ايه بتنهج اومال اي لازمه العضلات دي

_معلش بقا اصل العضلات مش عارفه هيا شايله اي البعيدة ما بتحسش

..اه قصف جبهه اين جبهتي لا اراها ????

دخلنا عالمستشفي وحطني علي السرير وكان ياعين أمه بينهج اد ايه انا حنينه

..ممكن ترنلي علي ماما فاتها قلقانه وتليفوني وقع مني ساعه الحادثه

_تمام قوليلي الرقم

مليته الرقم ورن علي ماما وكانت يا عيني قلقانه

الدكتور كشف عليا مع أن كان نفسي يتأخر شويه عديم الاحساس وقال كدمات بسيطه

_بابتسامه وشعرها يا دكتور كويس

يا كسفتي انا ماعنديش كرامه اساسا

الدكتور بضحك وتقريبا فهم: كويس

امي داخله ونظرها باتجاهي: مين المتخلف اللي عمل كده انتي كويسه

_انا اسف يا طنط

.ماما:.انت اسف علي ايه بزعيق وبتلف يا روح طنط ولا يهمك

_معلش ماكنش قصدي

.. ماما:ولا تقصد يا حبيبي الحمد لله جت سليمه

وسيله زي ما انا مسبله

احنا مننا لله ..

ايه يا ماما اهدي اهدي يا حبيبتي انتي متجوزة ابويا هينفخك.

_طيب احنا اطمنا عليها ممكن امشي عشان عندي ميتنج مهم

ماما: طيب يا حبيبي ممكن رقمك نطمن عليك

..لا يا ماما ماينفعش كده احنا ماحليتناش غير كرامتنا اله

اخدت رقمه وودعنا بابتسامه اه يا ما عايزاه عريسي يا ما

بعد ما مشي

ماما: ايه الحلويات القشطات المهلبيات دي

..اهدي يا حاجه ابويا هينفخك بتعاكسي الواد قد بنتك

ماما: بس يا هبله انا اخدت رقمه عشانك

..اد ايه انت ام عظيمه ????

ماما: عريس لقطه يا بت واد شيك وموز الموزز

..خلي بس ابويا يسمعك

ماما: سيبك المهم احكيلي حصل أي قبل ما جي ..

..ولا حاجه يا ستي وشي طول السكه احمر من الكسوف انتي عارفاني خجوله يقولي اسمك ايه ماردش يقولي انتي كويسه ما ردش يقولي انا اسمي فارس ماردش انتي عارفه ياماما انا خجوله اوي ومابعرفش اتصرف

ماما: ما ده اللي هيوكسك ويقعدك جمبي