رواية أحببته قائداً الحلقة الأولى 1 بقلم منة حسام
 |
| رواية أحببته قائداً الحلقة الأولى 1 بقلم منة حسام |
رواية أحببته قائداً الحلقة الأولى 1 بقلم منة حسام
_ انت بتخونيي!! يا إسلام !!
بصلها بإستغراب وقال/ عفوا؟!! هو أنا اعرفك أصلا!!!
_ يا بجاحتك يا أخي وكمان عامل مش عارفني هي دي آخرتها يا إسلام!!!
_إسلام مين وبتاع مين انتي مين انتي ؟!!
بصت للبنت اللي واقفه جمبه وقالت/ وانتي مين يا حلوة وبتعملي ايه مع خطيبي؟!!
البنت بصدمة/خطيبك؟!! انت بتضحك عليا يا وائل؟!!
_هه هو مفهمك انه إسمه وائل؟!!
_ يا ربييي هو أنا أعرفك يا بنتي؟!! دينا صدقيني انا معرفهااش ! دينا استني !! دينااا!
!!
_ شوفت مشيت وسابتك !؟!! فين الثقة المتبادلة بين أي اتنين ؟!! فين الوعود بالبقاء ؟!! كانت هتعيش معاك ازاى وهي مبتثقش فيك؟!!
_ يا شيخه انتي مااالك؟!! انتي مين انتي وطلعتيلي ازاى هو أنا أعرفك يا بت انتي؟!!!
_ لا يا حبيبي بت اما تبتك احترم نفسك وانت بتتكلم معايا فااهم!!
_ اسمعي يا اسمك ايه انتي هتروحيلها دلوقتي وتقوليلها اني معرفكيش فاهمه؟!!
_ طب ما انت قولتلها ومصدقتكش هتصدقني انا ليه؟!!
_ قوليلها انك كنتي بتلعبي الشايب مع صحابك وحكمو عليكي انك تعملي كده
_ هم فين صحابي دول؟!!
_ يا ستي اضحكي عليها مش ذنبي!!
_ انت بتشجعني علي معصية ربنا؟!! انت عاوزني أكون منافقه؟!!
_ ما انتي منافقه !!! وبعدين ما انتي كدبتي من الأول وغلطتي صلحي غلطتك بقي!!!
_ اسمع يا جدع انت ، وطي صوتك وانت بتكلمني ، وبعدين انا أقول علي نفسي منافقه انت لاا فااهم!! ويلا سلام مبقفش مع شباب دادي هيزعقلي
_ مبقفش مع شباب؟!! ودادي ؟!! يا اسمك اييه !! استنيي! يا دينااا
| ده وائل مش إسلام زي ما انا قولت ، ده كان معايا في الثانويه ، دلوقتي هو مهندس ،عارفه انه صايع ،وعارفه ان كل يوم مع وحده شكل ،وعارفه تاريخه الأسود كله ، بس انا مقدرش اشوفه مع وحده تانيه! مش بحبه تؤ تؤ تؤ تؤ خالص.! انا بس ببعده عن المعصيه ،ما انا مش هتجوز واحد صايع انا!! |
بعد اسبوعين
_ السلام عليكم
_وعليكم السلام ورحمه الله وبركاته، جيتي بدرى يعني يا وسيلة يا بنتي !
وسيلة قعدت وفكت الخمار بتاعها وقالت/ ايوه يا امي خلصت المحاضرات بدرى وبعدين انا قولت اكيد البيت افتقدني يعني ومامتي العسل دي زمانها بتعيط من بعدي عنها
_ يا بت عليا الكلام ده برضو ! ماشي يا ستي اتفضلي غيري هدومك ويلا عشان نتغدا
_ حالا يا فطوم
| دي ماما اقرب حد ليا صاحبة وأم واخت انا وهي عايشين لوحدنا بعد وفاة بابا ومليش اخوات ، انا ومااما ،ماما وانا |
| اتغديت مع ماما ونضفت المكان ودخلت قعدت علي اللاب شوية وكالعادة بتاعتي الغبية فتحت صفحة الفيسبوك بتاعة وائل لقيته منزل صورة ليه مع بنت ! وييت هو لسه سايب البنات الملزقة اللي اسمها دينا ،هو لحق !! انا ايه الغباء اللي عندي ده ! بحب واحد مش عارف اني موجوده علي الكوكب لا وكمان بحاول ابعده عن البنات عشان ميغضبش ربنا !! طب وأنا؟!! قلبي ايه نابه من ده كله؟!! , قفلت اللاب و سمعت صوت آذان المغرب قومت صليت ودعيت ربنا إنه يهديه ويبعده عن المعاصي دعيت كتير و شكيت همي لربنا ، انا مش عاوزه ألفت إنتباهه انا أقدر اعمل كده يا رب بس انا بخافك ! بخاف من عقابك يا رب لو هو مش هيخافك ويقرب منك فأنا خلاص مش عاوزاه حتي لو بحبه هدوس علي قلبي بأقدمها جزمة|
_ سوسو ، تعالي يا حبيبتي خالتك وبنت خالتك هنا!
_جاية يا فطوم
« طبقت المصلية وطلعت الريسيبشن أشوف خالتو »
_ زوزا هنا أتارى البيت منور يا جدعان!
الخالة بإبتسامة/ والله انتي اللي نور البيت ونور حياتنا يا وسيلة !
وسيلة راحت حضنتها وقالت / ازيك يا زوزا
_ الحمدلله يا حبيبتي بخير
_ ازيك يا ديدا
فريدة شدتها وقالت/ الحمدلله يا اختي ، سوسو ما تيجي نتمشي علي البحر!
_دلوقتي؟!! المغرب اذن يا ماما!!
_ خديها وإنزلو يا وسيلة اتمشو شوية البحر جمب البيت
وسيلة بإستسلام/ طيب هغير وننزل
| دخلت أغير هدومي ما انا عارفاها زنانة وهتقرفني وانا بيني وبينكم كنت عاوزه أغير جو نزلت انا وفريده وفضلنا قاعدين قدام البحر بنتفرج علي الناس والموج الجو كان هادي بطريقة مريحه |
_ انتي يا آنسة انتي لازم تصلحي غلطتك!!
بصيتله بصدمه هو إيه جابه هنا ده عملت مش عارفاه سامحني يا رب وقولت/ عفوا؟!!
_ عفوا ايه وبتاع ايه؟! انتي اتبليتي عليا ولا نسيتي؟!!
_ اتبليت عليك ايه يا اخينا هو أنا أعرفك أنا؟!!
_ إسمعي بقولك ايه انتي لازم تيجي معايا دلوقتي وتروحي لدينا وتقوليلها إنك كنتي بتهزرى معاها فاهمه!!
_ بقولك ايه إمشي من هنا يا عم انت دينا ميت وبتاع مين انت شكلك شارب حاجه وانا مش فايقالك
| لقيته قرب مني ومسك إيدي وإتكلم بعصبيى وقال |
_ إنتي هتيجي معايا دلوقتي فااهمه !!!
فريده بغضب/ انت يا جدع انت سيب ايدها انت اتجننت
_ اركني انتي علي جمب ، هتيجي معايا دلوقتي يلااا!!!
| لسه هعترض لقيت حد جه وضربه بالبوكس في وشه وقال بغضب|
_ لا مش هتروح في حتة يا روح أمك!!!
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
