سكريبت كسرة قلب الفصل الأول 1 بقلم روان محمد

ملك: يمى بحبو يمى طيب شايفة القميص الجامد إلى هو لابسه دا اروح اخطبه طيب!!

مى : يبنتى إحترمى نفسك بقى هتفضحينا الله يفضحك 

ملك: الاااه اعمل ايه يعنى مهو إلى قمرين…… قطع كلامى القمر إلى بكراش عليه من الصبح دا

مالك بابتسامة: ايه ي دكاترة لو سمحت مش عايز صوت احنا فى مؤتمر

مى بإحراج: احنا اسفين يدكتور 

ملك و هى بتنغزها و بصوت واطى: بتتأسفى ع ايه

مالك: بتقولى حاجة ي دكتور ملك

ملك و هى بتجز ع سنانها: بقول سلامتك يدكتور سلاامتك

“انا ملك 26 سنة دكتورة جراحة عامة و الدكتور إلى كنت بكلمه دا دكتور مالك أو مالك قلبى ايهما اقرب لوووح تلج فى وشه بقالى سنة بس البعيد لوووح”

كنا قاعدين فى أوضة الدكاترة و جت حادث سير كانو عيلة ولد و بنت و الأب و الأم 

ملك: الولد بيموت بسرعاااة مى حد يجى يساعدنى بسرعااة

مالك: انا معاكى اهو

حاولنا بس طبيعى يكون للقدر رأى تانى للأسف خسرنا الولد و البنت لما مقدرتش انقذ الطفل قعدت على الأرض و كفوفى حاضنة وشى بقله حيلة و حزن يمكن بشوف كتير و المفروض اكون اكتسبت مناعة بس لما فقدنا البنت كان عندى أمل ننقذ الولد عشان أهله قبل ما يكون عشانه بس للأسف فشلت

الممرضة: المريضة فى أوضة 106 فاقت

ملك: انا جااية ثوانى و اكون عندك… و لبست البالطو و روحت و يارتنى ماروحت

المريضة بتعب: ولا..دى…ولادى 

ملك بحزن: أهدى بس و استريحى

المريضة: ولادى حص حصلهم..حاجة صح انا قلبى بيوجعنى

ملك: البقاء لله ربنا يعوضك خير عنهم و يجعلهم سبب فى دخولك انتى و والدهم الجنة

المريضة بصراخ: لاااااا بالله عليكى قولى انك بتكدبى انا فضلت مستنياهم سنتين و لما عرفت انى حامل فرحت و فرحتى أضعفت لما عرفت انهم تؤام و بعد ما خلفتهم تعبت و شلت الرحم و حمدت ربنا و شكرته و قولت هعيش مع ولادى وقولت ربنا قبل ما يبتلينى بالمرض اداهملى عشان يكونو سبب فى صبرى بس حراام انا عملت ايه فى حياتى عشان يحصلى كدا

كنت واقفة بعيط مش عارفة اقولها ايه انا حاولت والله حاولت عشان انقذه جيت ارد لقيت مالك دخل

مالك: اديكى قولتى ابتلاء و ربنا بيختبر صبرك عشان يجمعك بيهم فى الجنة احمدى ربنا و اصبرى و ربنا هيعوضك خير عن خسارتهم والله

بعد الحالة دى كنت عايزة اسيب المجال و الشغل و اقعد فى البيت مكنتش هقدر اشوف حالات تانية و يحصل إلى حصل بس حصل حاجة غير متوقعة كنت خلاص خارجة من المكتب لمكتب المدير اقدم استقالتى لكن لقيت مالك فتح الباب بعصبية و مى وراه

مالك: ممكن افهم بقا استقالة ايه ال الهانم هتقدمها

ملك: هتكون ايه يعنى هستقيل

مالك: هاتيها كدا و شدها وقطعها و خرج

مى بضحك: طب والله جامد عمل إلى معملناهوش

ملك بغيظ: اعععع بارد

و بعد الفترة دى بإسبوع حصل……

والدها: ملك فى عريس متقدملك و تعرفيه كويس جدااا

ملك و قلبها يكاد ينخلع من مكانه: مين

والدها: ……….

ملك: اييييه إنت بتهزر

والدها: ……….