رواية في قلبي أمنية الحلقة الأولى 1 بقلم إيمان فتحي
 |
| رواية في قلبي أمنية الحلقة الأولى 1 بقلم إيمان فتحي |
رواية في قلبي أمنية الحلقة الأولى 1 بقلم إيمان فتحي
قاعدة في اوضتها بتلعب على التليفون
مروة : يووووه انا زهقت معقول مفيش ولا شركة راضية ترد عليا ليه ياربي انا اتهريت نزول مواقع
عايدة : اي يمروة صوتك عالي ليه لسة برده مفيش حد رد عليكي
مروة : ادعيلي
عايدة : ربنا يرزقك بعريس ابن حلال يختي
مروة: وبعدين بقا في الموضوع الل يحرق الدم دا اقفلي الباب وراكي يماما انا هنام
صحيت من النوم على صوت رنة التليفون
بعد 5 دقايق
ماما ….ماما ماما
عايدة : ايه يبت خضتيني حصل اي
مروة بسعادة: اتقبلت يماما في شركة ومش أي شركة دي شركة مقاولات كبيرة اوي
عايدة : يكش بس تستمري فيها دا انتي مبتعرفيش حاجة
مروة : يستار قولي ربنا يفتحها في وشك انا داخلة اكمل نوم
تاني يوم الصبح جهزت ولبست طقم حلو وطرحة جميلة مروة بنت آية في الجمال لسة متخرجة من كلية هندسة عندها 23سنة …وصلت عند الشركة
مروة : لو سمحتي كان عندي معاد شغل هنا
السكرتيرة : اسمك اي
مروة : مروة ابراهيم العشري
السكرتيرة : اتفضلي ووديتها القسم والمكان الل هتشتغل فيه
مروة اتعرفت على زمايلها داليا وهند وكان معاهم محمد ومصطفى
مروة اخر اليوم : انا تعبت اي دا كله
محمد : انتي فرفورة اوي يمروة اصلا شكلك مش لايق على هندسة تقومي كمان تدخلي مدني
الكل قعد يضحك وفجأة دخل عليهم شاب يجي 27سنة وسيم جدا
احمد : اي يشباب اخبار الشغل بتشتغلو ولا تضحكو ولمح مروة قاعدة باصة للارض بكسوف ….انتي يبشمهندسة اول مرة اشوفك انتي مين
مروة : مروة العشري لسة متعينة النهاردة
احمد : تمام لما تخلصي عدي شغلك عليا في مكتبي
مروة : مين دا يشباب وبيشخط فينا كدا ليه
داليا : دا بقا بشمهندس احمد ابوه شريك ف الشركة دي ابن الدكتور كمال السروي …احمد دا جد جدا في شغله بس محترم وعنده ضمير وبيشتغل باجتهاد هو نرفوذة شوية اه بس ابن حلال بصراحة لو طلبتي منه مساعدة مبيرفضش
مروة :ربنا يستر شكل كلامك هيكون حقيقي ولا اي ي امي وهرجعلك قفايا مقمر عيش
احمد : ادخل
مروة : حضرتك قولت اعدي عليك شغلي
احمد : وريني….اي دا يبشمهندسة انتي بتهزري ! هو دا شغل شركة زي الل احنا فيها دي
مروة بخوف: ماهو حضرتك انا لسة متعينة النهاردة وجديدة
احمد : انتي ازاي تتعيني هنا من غير خبرة اصلا …اتصل احمد بشيماء السكرتيرة : شيماء ابعتيلي الCV بتاع مروة العشري حالا
مروة بتزعيق : من غير شوشرة وفضايح يفندم انا ماشية انا لقيت اعلان عن انكم محتاجين طلبة تحت التدريب وقدمت وانتو قبلتوني مش مشكلتي ..وخبرة اي الل انت بتتكلم عنها انا لسة متخرجة من سنة وراحت ناحية الباب علشان تمشي
احمد : استني يبشمهندسة اقعدي متمشيش
مروة : افندم
احمد : هنقلك قسم تاني تتدربي فيه وانا الل بشرف عليه انتي روحتي قسم غلط …دا لو حابة تكوني مهندسة شاطرة
مروة: انا مش عايزة انزل بس مواقع انا ضغطي بيوطى من الحر والفرهدة
احمد : انتي بتهزري يبشمهندسة!؟ …يلا روحي لشيماء انا هبعتلها المكان الل هتروحيه
راحت المكان الل هتتدرب فيه قعدت شوية تتعلم مع الطلبة الل زيها وبعدين روحت
عايدة : اي يبت دخلتي ع الاوضة علطول ليه مش تيجي تحكيلنا عملتي في اول يوم شغل اي شكلهم رفدوكي ومخبية
مروة : بالله عليكي يماما طفي النور انا مصدعة وعايزة انام
عايدة : براحتك بس لما تصحى عرفينا اي الل حصل ابوكي واخوكي بيسألو
حطت دماغها على المخدة وبتفكر في سفر اخوها الل مش عارف يسافر يشتغل وفلوس دوا باباها الل تعبان ومبيشتغلش وطفولتها الل معشتهاش وكليتها الل خلصتها بالعافية واخرهم احمد الل زعق ليها
مروة: انا ازاي مديتوش قلم على وشه كنت خرسته ….بس انا برده فاشلة كفاية انهم شغلوني عندهم ..انا ليه مكلتش اول ماوصلت …احمد دا حلو في الشكل وصوته حلو بس عصبي واي قلة الذوق دي حد يعامل انسة رقيقة زيي كدا …اوافق على اخر عريس كان متقدملي وخلاص وبلاها شغل وتهزيئ ..انا اسبونچ بوب …اه يدماغي كفاية تفكير
نامت اخيرا
صحيت تاني يوم راحت الشركة متأخر
وهى داخلة
احمد : اي يبشمهندسة مروة جاية بدري كدا ليه !
مروة : اسفة يبشمهندس اصل …
احمد : اتفضلي برة مش هتحضري الكورس كمان ساعتين ابقي ادخلي
خرجت برة وقعدت ف الكاڤتيريا
مروة : احسن اهو افطر بالمرة …اي البني آدم قليل الذووق وعديم الفهم دا هو احنا في جامعة دا هى يدوب ربع ساعة منه لله
طارق : بتشاكلي في دبان وشك ليه على الصبح
مروة : افندم وانت مالك
طارق : حقك …انا بشمهندس طارق بشتغل هنا متشرفتش بالقمر قبل كدا
مروة اخدت السندوتش في ايديها وكوباية الشاي ولسة بتقوم وقعت كوباية الشاي على طارق
مروة : انت الل جبته لنفسك يهندسة
طارق باابتسامة : اعتذري طيب عن الل حصل
مروة : اسفة
طارق : اظن نتعرف بقا
مروة : مروة العشري مهندسة هنا تحت التدريب
طارق : بتوع التدريب شغالين اي مش معاهم ليه
مروة : الافندي الل اسمه بشمهندس احمد دا يدوب اتأخرت ربع ساعة قالي اخرجي برة متحضريش غير بعد ساعتين نينينيني … انا اصلا مليش عمار في الشركة هنا البني ءادم دا مش هعرف استمر معاه من طريقته دي يشبع بالشركة بالل فيها …وانت وقعت كوباية الشاي بتاعتي واهو السندوتش برد ..طلبتيها ونولتيها يماما انا هوافق على العريس
لسة بتلف وراها
احمد بسخرية : شغل امبارح الل طلبته منك فين يبشمهندسة مروة !
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
