رواية لن أتركها الحلقة الأولى 1 بقلم اسراء السيد
 |
| رواية لن أتركها الحلقة الأولى 1 بقلم اسراء السيد |
رواية لن أتركها الحلقة الأولى 1 بقلم اسراء السيد
# راحت فين !! دوروا عليها قبل ما تهرب بسرعة.
= ” اااااه” وقعت مكانها مش قادرة تتحرك بس لازم تتحرك بسرعة قبل ما يلاقوها قامت جرت تاني لحد ما وصلت للطريق العمومي ولسة هتجري تاني لقت فجأة نور عربية نور جامد في وشها ومن مفاجئتها وتعبها وجريها وقعت مكانها واتخبطت خبطة من العربية.
### ” دي رقية بنت جميلة رقيقة عنيها بني زي لون القهوة وشعرها بني بيلمع في الشمس عندها ١٧ سنة عايشة في ميتم العيشة صعبة معاها جدااا بتتعلم ..في ٣ ثانوي..كل يوم الدنيا بتدوس عليها اكتر ..كبيرة الميتم كل يوم بتقسي عليها اكتر لحد ما قررت تهرب لما سمعت إن في واحد عاوز يتبناها واتفق مع صاحبة الميتم وبعد ما طلع برة سمعته بيتكلم في التلفون وبيقول أنه هيخليها خدامة وبكدا هتقعد من دراستها”###
* في مكان تاني في فيلة جميلة عايش فيها شاب ووالدته بس والده متوفي ومعندوش اخوات ..أمه ست طيبة جداا بتحب إبنها قووي ..كان آسر راجع من شغلة اليوم دا متأخر لأنه كان عنده ميتنج مهم في شغلة وكان بيسوق عادي وتلفونه رن ..طلعه ورد علي التلفون وكانت والدته .قالها أنه راجع في الطريق ….قفل معاها وبيرجع تلفونه تاني فتلفونه وقع منه تحت رجله فميل شوية بجسمه وكان لسه بيجيبه وقام تاني بس لقي بنت صغيرة وقفت قدامه فجأة وبسرعه حاول أنه يوقف العربية بس ملحقش قووي يدوب علي آخر لحظة بس ضربها ضربة خفيفة .
” دا آسر الراوي ماسك شركات والده وهو كبرها أكتر من ما كانت ..شاب وسيم بشرته قمحيه شعره أسود وحلو وعيونه سود زي عتمة الليل جسمه ممشوق عنده عضلات ورشيق لانه بيتمرن علطول وبيحب شغله جدا وبيحب يتمرن علطول “”.
# وقف مكانه اتصدم من الي حصل نزل بسرعة من العربية يشوف ايه الي حصل طلع لقي بنت ملمحها مش باينة قووي بسبب شعرها ووقعه قدام العربية جري عليها رفع راسها علي رجله وشال شعرها من علي وشها واول ما شاف ملمحها العادية الجميلة فضل فترة يبص ليها وبعد كدا افتكر الي بيحصل معاه ..حاول يفوق فيها بس ملقاش منها اس رد فعل بص حواليه علي الطريق ويحاول يعرف هي جاية منين او يشوف حد كان بيجري وراها بس للأسف ملقاش اي حاجة شالها بسرعة ودخلها العربية حطها في الكنبة الي ورا وركب مكانة ورن علي مامته وقالها تجيب دكتورة للبيت ..امه استغربت وسألته في اي بس قالها مش وقته ولما يوصل هيفهمها ساق بأقصي سرعة ليه لحد ما وصل البيت والامن اول ما شافوا عربيته فتحوا البوابة بسرعة ليه.* دخل آسر وقف قدام سلم البيت ونزل وراح للباب الي ورا فتحه وشالها ودخل بيهاكانت مامته لسه بتفتح الباب.
امه اول ما سمعت صوت العربية طلعت بسرعة تشوف في اي..لقت آسر وشايل بنوته صغيرة ومتبهدلة ومغمي عليها .
– امه: في اي يا آسر مين دي يا حبيبي واي الي حاصلها .
– آسر: مش عارف يا ماما بس وقعت قدام العربية فجأة وأنا بسوقؤ.
– أمه: طب طلعها بسرعة الدكتورة جوا .
## طلع آسر علطول لفوق فتح أوضة ودخلها فيها ووأمه واه هي والدكتورة ..كان واقف بعيد متوتر وخايف وقلقان وميعرفش هو حاسس بكدة ليه أصلا.
# الدكتورة كشفت عليها وادتها حقنة مسكنة ولفت رجلها برباط ضاغط وبعد كدا كتبت شوية ادوية ليها وطلعت بره وهما وراها .
– آسر: ها اي الي حصلها بالظبط اخبارها اي.
– الدكتورة: باين عليها أنها كانت خايفة وبتهرب من حاجة وإنها جريت كتير وحضرتك لما خبطها بالعربية رجلها إتكسرت وحصلها شوية رضوض وكدمات في جسمها أناىلفيتلها رجلها دلوقتي بس بكرة هاتها المستشفي علشان رجلها تتجبس وكتبتلها شوية ادوية ومراهم هتدهنوهملها مكان الإلتواء وإن شاء لله هتخف علطول.
– آسر: متشكر ليكي جداا وان شاء الله لما تفوق هجيبها علطول.
– الدكتورة : ماشي حمدلله علي سلامتها مرة تانية .
– آسر: الله يسلمك( بعد كدا بص لأمه) معلش يا ماما وصليها لتحت وأنا هشوف سمير يجيب العلاج كدا .
“” سمير دا إيد آسر اليمين بيخلصله اي حاجة في الشركة وأكتر واحد مخلص ليه .
” ام آسر اسمها زينب وبيدلعها زوزو” .
* زينب نزلت الدكتورة وآسر رن علي سمير يجيب العلاج ولسه هيدخل أوضته لقي زينب بتندهله التفتلها ولسه هتتكلم ..
– آسر: معلش يا زوزو هاخد شاول بس واغير هدومي واجيلك .
– زينب: طيب يا حبيبي هدخل استناك في اوضتي.
## دخل آسر قلع هدومه ودخل آخد شاور .. بعد شوية طلع بالبرنس ولبس لبس نومه وطلع راح لأمه وحكالها كل الي حصل .
– زينب: صعبانة عليا قووي باين عليها متبهدلة قوي.
– آسر: ايوا فعلا مش عارف هي كانت بتهرب من حد ولا ايه اللي كان بيحصل معاها .
– زينب: بكره ان شاء الله هتفوق ونفهم منها الحكاية.
– آسر: ان شاء الله يا أمي يلا تصبحي علي خير .
– زينب : وانتا من أهله يا حبيبي .
* دخل آسر ينام واول ما حط راسه علي المخده لقي تفكيرة بيروح ليها وبيفتكر لما لقاها مرمية علي الارض وقلبة كان هيقف علشانها وفضل يفكر فيها لحد ما نفض تفكيرة وحاول ينام وفعلا بعد شوية راح في النوم .
# النهار طلع وآسر قام اخد شاور وغير هدومه للبس الشغل وكان لسه رايح يصبح علي مامته بس فكر أنه يروح للبنت وفعلا راحلها …
* دخل براحة وراح عند السرير بتاعتها ووقف جنبها يتأمل في ملمحها …أخد شوية يتأمل فيها وكان لسه هيخرج بس سمع همهمات منها..راح تاني بسرعه ولهفة ووقف جنبها.
* رقية بدأت تفوق وبعد كدة افتكرت الي حصل قامت مفزوعة ولسة بتبص حواليها لقت شاب بيبصلها بتوتر وخوف وجمود في نفس الوقت ..رقية قلبت نظراتها تاني حواليها تشوف هي فين وايه الي حصل معاها بعد ما طلعت للطريق بس مش فاكرة اي حاجة….
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
