رواية إنها صدفة الحلقة الأولى 1 بقلم ميشو محمد
 |
| رواية إنها صدفة الحلقة الأولى 1 بقلم ميشو محمد |
رواية إنها صدفة الحلقة الأولى 1 بقلم ميشو محمد
ايمان صلت العصر وقرت قرآن ونزلت خشت لغرفة بوها: السلام عليكم بابا
علي: وعليكم السلام يابنتي
ايمان قعمزت: قالت اسماء تبيني ف موضوع
علي: يابنتي ياايمان انتي تعرفي معزتك عندي صح؟
ايمان: انشالله
علي: ربيتك وعلمتك وكبرتك وعلمتك الصحح قبل الغلط
ايمان: اي الحمدلله
علي: توا انتي كبرتي وطلبك مني ولد عمك حمزة
ايمان جمدت ف مكانها
علي: ومن عداتنا وتقليدنا ناخدو شور البنت
ايمان وقفت: لـ يريحك يابابا.. وطلعت
نفهمك محتوى القصة
عيلة هي حرييصه بشكككل المهم رح تفهمو القصه اني مش حابه نشرح
ايمان: يبي يرتاح مني بـ اااي طريقه المهم انك بنت وعار ممنوع البنت تطلع ممنوع تخش ممنوع ممنوع كلللل شي ممنوع
…
مهند قعمز ع الكنبه رجل فوق الكنبه والتانيه ع الارض: اني تعببت ياسر لو سمحتو وارجوكم واسف وسامحوني(شاف ع جنب ????) هكي تبيني نتكلم مستحيل نشكر حد مستحيل نعتذر لحد مستحيلل نقلد حد افهم
مصعب: كلمهم باهي
مهند وقف بعصبيه:يمشوو ????????عيلة تامه اني مش خايف من حد واحد قتل واحد اني مندخلي بحددد ????????
مصعب:خوك قتله يعني لو شدوك رح ياخدو تار خوهم
مهند:خووي قتله اني مدخليش بحدد
القصه متع تار اخ مهند ضرب ولد ومات الولد هدا والعيلة متع الولد بياخدو التار عيلة مهند سافرت وهربوو من منطقتهم لكن مهند رفض انه يهرب
مصعب: سافر ياراجل اسمع مني ولا رح تجي ع راسك
مهند: مش هارب من حد اني بنقعدد وهني
مصعب: يقتلووووك تار خوهم
مهند: تعرف نرتاح ياريت
مصعب: اني بنقعد ف حوشك ملا تبي ماتبيش بنقعد غصبا عنك
مهند: اقعد..طلع دخان وبدي يدخن
….
#بعد_مرور_اسبوع:-
اسماء اخت اخلاص ومتزوجه :ايماااان مرت حمزة الاولى مواليد1988معنها هو مواليد كم اني مش رح نستنى امتى ماتدمري قدامي حرام عليك ياايمان صغيرونه انتي وتهبببلي اضيعي عمرك مع حمزة
ايمان:بوك يعرف مصلحتي وهدا (نزلت دمعتها) نصيبي هكي قسمتي وكان حلوووة شنو رح يتغير بابا عطاني لـ حمزة
اسماء: قوليله يابابا مانبيش وترجيه
ايمان: تتكلمي ع اساس ماتعرفيشي بوك وداير روحه حاجه كبيرة وع اساس ياخد ف شوري
اسماء: صبررر ياربي اني تزوجت واحد مايعرفش ربي وكل يوم ف ضرب وهزايب وسكير وخمررر تبي تصيري زي اختككك (شدت كتافها وتهز فها)تكلممممي تبي راجلك زي راجلي
ايمان تبكي وحضنتها اسماء:نبي نقرااا نبي نكمل تعليمي مانبيشي يااسمااااء
طق طق
اسماء: خش مني
عصام اخ ايمان الكبير:اسماء تعالي معاي
اسماء طلعت مع عصام
عصام: حمزة طلقها مرته وبيقرا الفاتحه ع ايمان وبياخدها الفاتحه بعد اسبوعين يوم الخميس
اسماء: هكي بتعطي اختك لا حنه لا جهاز هكي ياعصام
عصام: اسماء حمزة مايبيهاش تجيب شي ومش شارط شي مش ضروريات هادم
اسماء بعبرتها : مش مهمات صح لكن رح تفرح بيهم بحنتها بجهازها تطلع عروس
عصام: نعرف واني كلمته بوك وقتله علاش حمزة والبنت صغيرة قالي انه القرار قراره هو مش طالع بيدي شي اختي لـ من لحمي ودمي بتطلع من حوشنا زي البنت اللقيظه لا حفله لا حنه لا بودري (بصوت فيه عبره) لو بيدي مانعطيها لحدد لا توا ولا بعدين تقعد ايمان الصغيرونة الحيوانة الشطانه المشاغبه وبسسس
ايمان سمعت كل شي حضنت عصام وتبكي: عصاام
عصام حضنها: ماتبكيش بلله عليك اشششش
عصام قرصها ع خدها:رح نكلمه بوك واني رح نطلعك غصبنا ع بوك ورح نجهزك اني ورح تطلعي زي اي بنت
ايمان دموعها ع خدها وتقول مع روحها ياريت القصه ف الملابس وف الحفلة القصه ف حمزة ياعصام
عصام نزلت دمعته وطلع بسرعععه
…
مهند راقد
مصعب: اني مش مطمن وخايف وهو راااقد مرتاااح..يفيق فيه
مصعب:مهننند مهنننند
مهند: هاااا هااااا
مصعب: نوض نوض بنمشو لحوشي لو يعرفوك قعد هني رح يقتلوني معاك نووض
مهند: حووول ياراجل خيرك خايف النمم
مصعب:اني خايف عليك لو مش صاحبي راه خليتك
مهند:منور يامصعب امشي روح اني بنقعد
مصعب وقف:نووووض ياراجل شن بنقعد نحرس فيك
مهند وقف: ووووك هي نوض وانت خايف
وطلعووو
مصعب سمع دوشه قدام باب الجنان
مهند شاف وراه: ف صوت رد بالك مصعب
مصعب بصوت واطي: خش مهند
مهند شد مرفق مصعب وع اساس بيخشو مع بعض لكن مهند دف مصعب وصكر الباب بلمفتاح
مصعب: مهند افتح ياراجل لااا النممم
مهند: المشكله مشكلتي اني خليك ف امان ياصاحبي..ومشي
باب الجنان نفتح وخشو شخصين
مهند واقف وراى باب الجنان صفرلهم وتلفتوله:يامرحب
هجمو ع مهند
مصعب طلع من باب المطبخ ونزل فيهم ضرب
مهند شاد واحد ومصعب شاد التاني عجنوهم طريحه ????
مهند شاف مصعب:يسلمو ايديك ياقدر
مصعب:لا قدر لا طنجره حصلت ضربات حتى ني
مهند:تعلا نقيموهم نحطوهم ف سيارتهم
مصعب ومهند قموهم محطوهم ف السيارة متعهم وبعد ما حطوهم وواحد منهم طلع سكين من سرواله وغرزه ف بطن مهند
مهند غمض عيونه وشد السكين
مصعب: هيااا اطلع من سيارتهم خيرك
مهند يشوف ف الراجل لغرزه وتنهد بوجع: اممم هه
مصعب جبد مهند من السيارة مهند طاح ع الارض السكين ف بطنه
مصعب شافله وبسرعه شاف الراجل لغرزه وضرب بوووني بكللل قوته ع انفه لـ درجة الراجل داخ
مهند ايده ع السكين: اح
مصعب قعمز جنب مهند: مهند نوض ناخدك للمستشفى
مهند: لااااا
مصعب بعصبيه: ياننممممم علاش تصكر ف راسك
مهند يطلع ف السكين ببطىء وطلعه:اااه
مهند حدف السكين وبيقعمز: مصعب السكين صغير بسيطه
مصعب: صغير لكن ممكن يسببلك حاجه داخل
مهند:بسيط ياراااجل صغير السكين واصلا بسيطه
مصعب سند مهند وركبو ف للسيارة ومشوو للاستراحه متع مصعب
مصعب: ف صندوق اسعاف هني تقريبا نشوفه ونجيك
مهند قعمز ع الكنبه ببطىء
…
تاني يوم
مهند بعد السهر رقد سعتين
مصعب راقد
مهند فاق وشاف جرحه مضمد لبس سوريته الجيشيه وكويشه الاسود وركب سيارة مصعب ومشي
…
عصام:بنت تطلع من حوش بوها وتكنها دايره العيبه اني بنخدلها جهازها بلفوسي افهم
علي: تطلع وهي لابسه الملايا والنقاب
عصام قلب عيونه:باه .وطلع
عصام:اسماء لبسي اختك واطلعوو
اسماء وايمان طلعو
ايمان لابسه النقاب والعبايه:عصام مش ضروري تصرف فلوسك
عصام:هدية لكن سيارتي مبيتش تولع الدراه طلبت تاكسي وهي جايه
ووصلت التاكسي وركبوو
وبعدد التسوق هدا كلله ايمان طلبت روب واحد بس وهي مش راضيه اصلا وخدت مكياج وحاجات خدتهملها اسماء
ركبو ف التاكسي لكن عصام وسواق مكانوش فها
ايمان:السواق وعصام وين
اسماء شافت عصام وقف مع واحد: خلي نمشي نقوله هياا..ونزلت
ايمان قعدت بروحها ف التاكسي تشوف م الشباك
..
مهند نزل من سيارة مصعب وخش للصيداليه خدي معقم وقطن وطلع ولم طلع شاف قدامه خوت عدنان (لقتله خوه)
مهند تلفتت بسرعه وشاف صاحب بوه يشتغل ع تاكسي قدام محل
مهند: مبرووك نبي تاكسي بسرععه
مبروك شافله:ياساتر شن صاير خيره سوريتك دم
مهند:مبررروك متصاوب اني نبي التاكسي ضروري
التاكسي كانت مظلمه من الخلف
مبروك عطاه المفاتيح
مهند تلفتت وجت عينه ف عين اخ عدنان وجاه يجري
مهند ركب التاكسي وشاف للخلف وشاف وحده لابسه عباية ونقاب معرفهاش بنت ولا عزوز:انزللي بسرعععه
ايمان شافت مهند:انت السواق؟
مهند شاف اخ عدنان قرب منه ولع ومشي
عصام واسماء شافو التاكسي مشت
عصام:ووووووقف
مبروك فكر لو تكلم وقال انه مهند يقربله رح يخش ف مشاكل وممكن يقتلوه:خنببب التاكسييي
عصام:ايمان ف التاكسي
اسماء جمدت لسنها ارتبط
..
ايمان خافت: نزززلني مني انت
مهند وجه المرايا ع وجه ايمان: مانقدرش ياوخيتي مانقدرش انزلك لو نزلتك رح يفكروك تعرفيني وبنسببلك مشاكل لم نضيعهم من وراي رح نرجعك اوتقي فيا اني ف مشكله
مهند رجع المرايا ع الطريق وزاد ف السرعه:اتصلي بزوجك لكن ينادي عليك لكان معاك وطمنيه رح نرجعك اني مانبي منك شي
ايمان خايفه: انتتت منييي؟
مهند زاد السرعه
ايمان خايفه: نزلني تربح
مهند وجه المرايا ع وجها: لو نزلتك رح يفكروك تعرفيني رح نضيعهم ونوصلك لباب حوشك
ايمان شافت عيون مهند كيف مقرونات
لم يتجه يمين او يسار السيارة من السرعه ادير ف صوت تصطريب
لعند وهو يسوق ويسوق وفات اشارة المرور بسرعه ووصلو ف مكان مهجووور
مهند وقف السيارة وتنهد بوجع طول الوقت ف السواقته وهو يتوجع ومقعمز وضاغط ع الجرح جرحه ينزف نزل من السيارة
مهند ايده ع جرحه وداايخ قعمز جنب السيارة وسند ضهره ع السيارة
ايمان خايفه بتموووت
مهند فتح يشوف ف المكان المهجور شبه غابه فتح الازرار التلاته الاخيرات متع سوريته وشاف جرحه لينزف:اااه
ايمان نزلت بتهرب لكن لم نزلت شافت ف مهند قبل ماتهرب وكان مقعمز وجرحه مكشوف
مهند: ماتهربيش غابه هني رح اضيعي صدقيني انتي بمسابت امي او اختي مش رح نضرك رح نرجعك
يتبع..
