رواية أسدي الحلقة الأولى 1 بقلم ألاء حلمي
 |
| رواية أسدي الحلقة الأولى 1 بقلم ألاء حلمي |
رواية أسدي الحلقة الأولى 1 بقلم ألاء حلمي
_اسدى اوعى تسيبنى انا من غيرك مش هقدر اعيش.
=اسف ي ملاكي بس لازم اسافر اوعدك اني هرجعلك.
_هي بدموع : أسدي لو سافرت انا مش هكلمك تانى خااالص.
=هو بحزن : ملاكى افهمينى انا لازم اسافر انا هنا مش هعرف اكمل انا خسرت كل الى ليا هنا.
_ هي بصدمة : خسرت كل الي ليك طب وانا انا مش مهمه عندك للدرجادى.
=ملاكي افهمينى انا مش قصدى كده بس انا مش هعرف اكل من غيرهم واوعدك انى لما اقدر ارجع هرجع.
_تمم ي أسد.
وذهبت دون ان تسمع شئ اخر منه ذهبت ودموعها مغرقها وشها.
فاقت من ذكرياتها وهاهو قد مر 5 سنوات وأسد لسة مرجعش
ملاك ف نسفها : لسة مقدرتش ترجع ي أسد هونت عليك تسيبنى كل دهه وبقوة بس خلاص معتش ملاك الى تعرفها الى متقدرش تعيش من غيرك انا عيشت حياتى زى ماانت مفضلتش عشانى انا مش هفضل موقفة حياتي.
(نسيت اعرفكوا انا مين : انا ملاك عندى 23 سنة دكتورة جراحه وشغالة ف مستشفى كبيرة والى كنت بتكلم معاه فوق دهه أسد جاري وحبيبي وصديق طفولتى كان معايا من وانا صغيرة عارف كل حاجة عني وعارف انى مقدرش اعيش من غيرة ومع ذلك سابنى وسافر سافر لما مامتة ماتت وكان باباه ميت سافر عشان مش قادر يعيش ف المكان الى مامتة كانت عايشة فيه هو كان متعلق بمامتة جداً انا مقدرة دهه بس مش ضرورى كان يسافر انا كنت جمبة وهو سابنى لوحدى المهم هو عندهه 25 سنة وهو مهندس ومسافر من خمس سنين وهو دلوقتى عندهه شركتة الخاصة).
انفتح باب مكتب ملاك بشدة رفعت نظرها وجدتها همس صحبتها الوحيدة والى عارفة كل حاجة عن ملاك.
_ملاك بعصبية : بت انتى مش انا قولت ميت مرة تخبطي قبل ماتدخلي يحيوانة انتى.
فهمت همس من عصبية ملاك ان هيا كانت بتفكر ف اسد عشان كدة متعصبة.
=همس بمرح : اي ي مزه هيا دى اول مرة ادخل كده يعني المفروض تكونى اتعودتى يمزتي.
_ملاك : اخرصي يحيوانة وقولى انتى عاوزة اى اخلصي.
_همس : احم احم جاية اقلك ان خلاص معدش فية حالات ويلا عشان نروح.
=تمم يلا.
واخدت ملاك شنطها وذهبوا الاتنين، ذهبت ملاك الى بيتها وعندما دخلت لقت مامتها بتنضف البيت وبتطبخ حاجات كتير اوى
=ملاك باستغراب : ايدا ي ماما احنا جايلنا ضيوف ولا اى.
_مامتها : ايوة ويلا ادخل جهزى نفسك وغيري هدومك.
=ملاك باستغراب وفضول : ضيوف مين دول ي ماما.
_مامتها : اسد ابن طنط مريم الله يرحمها.
=ملاك بصدمة واستغراب: ايدا هو اسد رجع من السفر ي ماما.
_ايوة رجع من اسبوع.
=ملاك بصدمة ووجع :رجع من اسبوع وبصوت هامس لا يسمعه غيرها هه دهه حتى مكلمنيش ولا عرفنى.
_بتقولى اى يبت.
=ملاك بانتباه : هه لا مش بقول حاجة انا داخلة ارتاح عشان اليوم كان متعب.
“ذهبت ملاك الى غرفتها وهيا كاتمة دموعها للدرجادى هانت عليه يبعد كل الفترة دى عنها ولا حتي يكلمها ولما يرجع ميقولهاش وبقالوا اسبوع ولا عبرها قد اى هو قاسي اوى وقعدت تعيط لغاية مانامت”
بعد ساعتين صحيت ملاك على صوت دوشه برة فعرفت ان اسد جه، قامت بكسل دخلت الحمام الموجود ب اوضتها وطلعت غيرت ولبست ووقفت قدام المراية.
=ملاك بقوة : انتى هتطلعي وهتتعاملى ببرود مش هو عاش حياتة ونسيك وحتى مفكرش يكلمك مرة حتى طول ال خمس سنين يبقا ميهمناش الى يبيعنا نبيعه.
وخرجت ملاك وهيا رافعة راسها ذهبت الى غرفة الضيوف لقت اهلها واسد موجودين.
=ملاك ببرود : السلام عليكم ورحمة الله وبركاتة.
_رد الجميع السلام وكان سليم بيبصلها بشوق كبير وقد اى هيا كبرت واحلوت.
=ملاك ببرود : حمدلله عالسلامة ي اسد.
_اسد باستغراب من البرود الى بتعاملة بية: الله يسلمك ي ملاك انتى عاملة اى.
=ملاك ببرود: تمم الحمد لله.
“استغرب اسد كثيراً البرود الى بتعاملة بية دهه فين ملاكة الشقية المرحة راحت فين”
ذهبت عيلة ملاك كل واحد يفعل شئ ومفضلش غير ملاك واسد.
_اسد لملاك : ماالك ي ملاك متغيرة معايا ليه كده.
=ملاك ببرود : والمفروض اعاملك ازاى يعني.
_ اسد باستغراب اكتر : ف اى ي ملاك مش انا سليم صاحبك وحبيبك ليه بتعامليني كده.
=ملاك باستهزاء : صاحبى وحبيبي ومفكرتش نفسك ليه من خمس سنين لما سبتنى وسافرت.
_اسد بحزن: ملاك انتى عارفة انا سافرت ليه مكنتش هقدر اعيش هنا وهيا مش موجودة ارجوك افهمي.
= ملاك بحزن ووجع : وانت مفمتش ليه انى مكنتش هقدر اعيش من غيرك ازاى هعيش من غيرك وانا من ساعة مااتولدت وانت معايا كنت معايا ف كل حاجة ازاى قدرت تبعد عنى بس خلاص انا عيشت واتعودت اعيش من غيرك ي اسد ولو عاوز تسافر تانى سافر معدش يهمنى خلاص.
_اسد بصدمة : انتى قصدك اى ي ملاك يعنى خلاص هتقدر تعيشي من غير اسدك.
_ملاك بجبروت : اهه هقدر زى ماعيشت السنين الى فاتت هقدر اعيش عادى.
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية مالك القدر للكاتبة علياء عبدالله.
