Uncategorized

اسكريبت أحببت حلوفاً لا يبالي الحلقة الأولى 1 بقلم فرح وائل

 اسكريبت أحببت حلوفاً لا يبالي الحلقة الأولى 1 بقلم فرح وائل 

اسكريبت أحببت حلوفاً لا يبالي الحلقة الأولى 1 بقلم فرح وائل 

اسكريبت أحببت حلوفاً لا يبالي الحلقة الأولى 1 بقلم فرح وائل 

= انت شايفني مليش شخصيه يعني

_ لا دا انتي قمر قلبي اصلا 

= بطل محن وجاوبني

_ طب اتنيلي اسألي 

_ طب شايفني هلهوله..هوزء قدامك مثلا!؟

= لا عاش ولا كان..في ايه بقا انجزي وهاتي من الاخر

_ماهو مفيش سبب يخليك تسيبني ملطوعه كده وتقعد تبص ع اللي رايحه ولا الجايه مش قلقاسه انا يا بيه

= يبنتي استني بس دا انا قبل ما انزل امي قالتلي اللهي تقابل اللي تسعدك يبني وماشاء الله يعني من ساعه ما نزلت وانا عمال اقابل في مزز كده وشكلها هتفرج ان شالله وعقدتي هتتفك

_ يبني احترمني بجنيه يبني بطل تبقي مهزأ كده 

= احترمك!! انتي بتقولي كلام غريب الصراحه 

_ بص انا يأست منك 

= ايه الجديد

_يلاااا بطل برود يلاا يخربيتك

= من بعض ما عندكم يا قطه

_ ادهم خلاص كفايه صحوبيه لحد كده وشوفلك بيست غيري عشان انا مرارتي بقت يدوبك والله 

= اشطا انا موافق جدا يلا 

_ يبني اتمسك بيا شويه مش كده 

= يا رناا ما انتي بتقولي كل يوم نفس الكلام وبعدين انتي مش وزيره الخارجيه يعني بروح امك

_ شكرا يا ابن الناس يا مهزأ.. شكرا

= العفو يا بيبي.. نروح بقا!! 

_ يلا بينا ما انت حسبي الله ونعم الوكيل فيك كلكوا مصطفي ابو حجر 

» كنت بكلمه ع الواتساب زي عادتي «

_ البس الدريس الموف ولا الاوف وايت

= اي حاجه فيكي بتبقي حلوه

_ ادهم اخلص

= الاوف وايت احلي 

_ مكان من الاول يا زفت انت

= جرا ايه يابت متحترميني شويه بلعب مع اهلك في الشارع انا!! 

_ احترمك!! انت بتقول كلام غريب الصراحه

= هههه بتردهالي يعني!! اشطا ماشي 

_بقولك ايه انا رايحه عيد ميلاد لوجي بكره

= تمام وبعدين 

_ ما تيجي معايا!! 

= ما انتي عرفاني مش بحب جو الحفلات دا 

_ اه بس انا بحبه.. وبعدين انت عايزني اروح بكره لوحدي واتعاكس من الشباب وكده يرضيك!!  

= ما انا عندي حل احسن

_ ايه هو 

= انك ما تروحيش خاالص!! 

_ هو ايه اصله دا.. لا طبعا 

= طب مفيش اعياد ميلاد ودا اخر كلام عندي

_ يارب ربع ثقته في نفسه وهو بيتكلم كده.. جرا ايه يلا انت نسيت نفسك ولا ايه

= استني بس عشان انا بجرب لما اخطب هعمل ايه وكده يعني

_ حد قالك اني فار تجارب ما تتلم كده 

= طب احنا نعمل ديل حلو ايه رأيك

_ ايه هو 

= تفكك من عيد ميلاد لوجي دا خالص وتيجي اوديكي تتفرجي علي اهلك

_اتفرج علي اهلي ازاي يعني.. ليه هنروح فين!! 

= جنينه الحيوانات يعني مش محتاجه فقاقه. 

_انا مش عارفه ليييه انا مضيعه وقتي مع حلوف زيك كده 

= عشان انا مفيش في جمال امي اتنين طبعا احنا هنهزر

_ نتكلم جد بقا شويه ولا فقره ابو حفيظه دي هتطول

= لا والله خلاص هنتكلم جد

_ طيب ها هتوديني فين

= اي حته!! شوفي انتي عايزه تروحي فين

_ عايزه اتمشي ع البحر واكل غزل بنات

= خلاص اشطا موافق

_ بس كده لوجي هتزعل!! 

= ما تتفلق لوجي.. انتي ناسيه ان لوجي دي هي اللي اتريقت عليكي لما طلعتلك حبايه في حواجبك وقعدت تقول الساري الهندي وصل يا حاره!!! 

_ اه فعلا تصدق عندك حق

= ولا لوجي دي اللي قالتلك كل الدفعه بقت مخطوبه وانتي لسه تحبي ادورلك علي عريس!! 

_ بس احنا اتصالحنا

= يبنتي دا مكر تعالب يبنتي ايش فهمك انتي هي بتعمل كده عشان تجرجرك لحد عيد الميلاد وتعمل نمره عليكي. 

_ عندك حق فعلا يا ادهم.. فاكر لما كانت بتقولي ايه الدريس اللي انتي لبساه دا.. مش هتبطلي لبس الفلاحين دا

= علي اساس انك سكتلها مثلا.. ما انتي قولتيلها ميكب اللي انتي حطاه دا ولا مشروع بلياتشو

_ الله ماهي اللي بدأت يا ادهم

= معالينا.. البس ايه بكره بقا 

_امم اي حاجه غير القميص الزيتي دا

= اشمعنا يعني

_ مش بحبه هو كده

= بس دا جميل عليا!! 

_ نينيني ما انا عارفه يخفيف

= طب ولما انتي عارفه مش عيزاني البسه ليه

_ مزاجي بقا..اعترض 

= لا طبعا اعترض ازاي انتي عيزاني اقعد اصالح في بوز اسبوع!! لا طبعا موافق

= شطوره يا ادهم

_ شطوره!! باي يا رنا باي

= استني بس انت قفوش كده ليه بهزر

_ هزارك رخم علي فكره 

= قصدك ان انا رخمه!!

_ انا قولت هزارك!!!!!

= دا علي اساس ان انا وهزاري مش حاجه واحده!!

_ نكدوو

= كمان بتقولي نكد..اه الطعنه جت من قرييب اووي ليه كده يا ادهم ليه 

_ امييينه يا رزق

= نعم!

_ خفي شويه عشان منكدتش عليكي في خروجه بكره؟!

= ياااا ياولا يا ادهم انت بتصدق دا انا بضحك معاك 

_ طيب يختي انا داخل انام تصبحي علي خير

= وانت من اهله..باي

» طبعا كلكوا شايفين ان علاقتي ب ادهم علاقه بيست فريند عادي وكده.. بس انا في الحقيقه بحبه..وبحبه جدا كمان بس هو حلوف لا يبالي..ومش كده وبس لا دا الحج محفوظ بوشكاش بيضحي النهارده..البيه كل يوم مرتبطلي بواحده شكل..والبجح شوووف البجح عايزني اظبطهاله..ولكن مع ذلك بحبه وموافقه اني اكون جمبه حتي لو في مكانه بيست فريد بس مش اكتر انا موافقه «

_ صباح الفل 

= صباح الزفت علي دماغك يا ادهم..ايه دا 

_ ايه في ايه

= هو انا مش قولتلك متتنيلش تلبس القميص الزيتي!

_ والله يبنتي امي عامله حمله غسيل برعايه ڤانش تقريبا..ولمت كل الهدوم وغسلاها 

= واشمعنا القميص دا بالذات اللي مغسلتوش

_ عشان دا الوحيد اللي مش بلبسه كتير ف هي اصلا كانت ناسيه انه موجود..وبعدين ايه اعتراضك عليه 

= شكله حلو فيك

_ انا اول مره اشوف واحده بتكره ان صاحبها يبقي شكله حلو!!

= اه يا خفه ما انت عايز تتعاكس وانا امشي الم وراك جتك القرف في منظرك عيل عره..ادهم روحني

_ يساتر يارب نافوره هباب وفتحت في وشي اخرسي شويه ويلا بينا

= يلا يا مسهوك يا بتاع البنات يلا 

» وفي حين احنا قاعدين في مطعم وبنتغدي..الاقي واحده زباله حقيره مشافتش ب 2 جنيه تربيه بتبوسه من خده..انا نفسي اعرف ايه الامهات اللي بتفضل الشوبينج عن تريبه ابنائها دي..حاج جبتها ربيها معلش يعني هنتعبك معانا «

= ايه يا ماما هي زريبه..فكراها السرايه بتاعه ابوكي 

& مين دي يا دودي

= دودك!! اللهي دوده تتدخل من صارصور ودنك ما تخرجش غير بمصارينك يبعيده

& دودي ما ترد عليها

= اه يا دودها.. رد عليا يلا

_ اا اهدي كده بس يا رنا..وانتي يا ماهي اقعدي هنا يلا

= تقعد!! تقعد فين قعدت مكسره البعيده 

_ يا رنااا اهدي بقا وسيبيني اتكلم.. اقعدي يا ماهي 

& ايه يا حبيبي مش هتقولي مين دي برضه

= حبك برص شبهك كده يا سلعوه انتي

_ اهدوا يجماعه..دي رنا يا ماهي ماي بيست فريد وزي اختي بالظبط..ودي ماهي يا رنا ماي جيرل فريند الجديده!

= اييه..ماي ايه ياعنيااا لا كلمني عربي وحياه خالتك فوزيه

_ قصدي انها ح ح.. اقصدي يعني ا هي ح 

= ايييه يا ادهم هتفضل تقول ح ح ايه قصدك حماره يعني..هي فعلا حماره انت مكدبتش

& لا يا حبيبتي هو عايز يقولك اني حبيبته الجديده..وكمان اسبوع وهنعمل خطوبه.

= خطوبه!!

_ اه بس ا..

= اه ايه..دا انت مقولتليش حتي انك صاحبت اكتشف بالصدفه انك هتخطب كمان اسبوع يا ادهم 

_ يبنتي والله كنت هقولك النهارده..احنا لسه مقررين حوار الخطوبه دا امبارح اصلا

& بيبي بس انت مقولتليش اننا هنتقابل مع صاحبتك..انت قايلي اننا هنتقابل لوحدنا

= تتقابلو!!!

_ اه يا رنا ما انا نسيت امبارح اني متفق معاكي اننا نخرج وعزمت ماهي علي الغدا وبعدين افتكرت لما انتي رنيتي عليا

= اه اممم.. طيب اا انا ا هخش الحمام

_ طيب انتي كويسه يا رنا 

= اه يعم انا تمام..يلا عن اذنكو

» روحت الحمام وانا متضايقه جدا اكاد افرقع من الغيظ حرفيا..وحقيقي مش طايقاه ولا طايقاها ولا طايقه نفسي المتخلفه اللي حبته دي..دخلت الحمام وقعدت اعيط بقا بعد كل دا..كل دا يخطب!! لا ونسي يقولي ونسي اننا كنا هنتقابل..للدرجادي هيا شغلاه لحد هنا وخلاص يا ادهم انا مش هقبل اكون بديل او اتجرح من قربك دا انا لازم ابعد واشوف حياتي بعيد عنك «

_ رنا مشيتي ليه من غير ما تقوليلي

= ماما رنت عليا وقالتلي تعالي ضروري

_ انا سؤالي واضح مشيتي ليه من غير ما تقوليلي

= مكنتش عايزه اشغلك يا ادهم عادي

_ انتي مالك في ايه انا حاسك متغيره وبتقفلي في الكلام

= لا يسطا انا تمام..انا بس عايزه اكل عشان الحق البس وانزل وكده 

_ رايحه فين!!

= رايحه عيد ميلاد لوجي

_ عيد ميلاد لوجي!! هو احنا مش اتفقنا انك مش هتروحي

= لا مش هينفع مروحش هتزعل

_ ايوا بس ا..

= مبسش يا ادهم هروح

_ ولو قولت لا!!

= هروح برضه عادي

_ انتي بتهزري صح!!. رنا البسي انا جاي

= جاي!! جاي ليه

_ ما انا مش هسيبك تروحي لوحدك اكيد

= ليه 

_ هو ايه اللي ليه ماتتعدلي يا رنا كده

= ادهم سلام 

_ هو ايه اللي سلام انا ا..

» مستنتش انه يكمل كلام وقفلت السكه حقيقي مش طايقه اسمع صوته مخنوقه منه ومن غبائه.. بس فيه هواجس في دماغي بتقولي وهو لو مش بيحبك هيجي معاكي ليه! اكيد بيحبك وخايف عليكي واللي معاه دي مجرد نزوه او انه يأكد لنفسه العكس.. يمكن قولت كده لان عقلي مش راضي يستوعب انه بقا لغيري ف بيحط مبررات وخلاص «

= الو

_ انتي فين

= فين البيت

_ طب يلا انزلي انا تحت

» لقيته واقف تحت فعلا ولابس طقم كاجول قمر وبيضحكلي.. دا جه بجد.. انا كنت متأكده انه بيحبني اكيد بيحبني..نزلت جريت ع السلم وانا مبسوطه اوي وضحكتي تكفي بلد «

_ايه القمر دا!! 

= عجبك الفستان

_ قمر هياكل من عليكي حته

= انت كمان طقمك حلو اوي

_ الطقم بس!!

= ادهم اتلم ويلا بينا 

_ يلا يستي 

» ضحكتله وفتحت باب العربيه عشان اقعد جمبه لقيت ماهي قاعده «

= ماهي!! 

& هاي رنا 

= اا ا انا كويسه..ه هو ا انتي جايه ليه

& ادهم قالي اني اجي معاه عشان عنده عيد ميلاد

= ادهم!!

_ اه يا روري ما انا جبتها عشان اعرفها علي شلتنا وتبقي واحده مننا..ومفيش فرصه احسن من دي لان الشله كلها متجمعه

= الشله..هتعرفها علي شلتنا!!

_ اه..فيها ايه

= لا مفيهاش حاجه..ن نورتي يا ماهي

& بنورك يروحي 

_ يلا يا رنا اركبي عشان نروح

» رجعت وركبت في الكنبه اللي ورا وانا مش مستوعبه ان هي اللي قاعده قدام..هي اللي قاعده جمبه مش انا..هي اللي اخدت مكاني لا وكمان هيعرفها علي شلتنا هو بيحبها اوي كده!! هو للدرجادي انا عاميه.. واتدمر اي ضوء امل كان ممكن يكون جوايا ناحيته « 

~ ايه يا رنا هانم الواحد مبقاش يشوف وشك غير في المناسبات وبس 

= معلش يا احمد والله بس انت عارف مشاغل بقا وكده

~ عارف يبنتي بس بجد وحشتيني خالص 

= ربنا يخليك تسلم

~ وايه الحلاوه دي يعم انتي ناويه تتطلعي بعريس ولا ايه

= اقل حاجه عندي علي فكره..دا انا مرضتش اتشيك اووي عشان مغطيش عليهم بس ????

~ يا وااد يا جاامد لا بس انتي غطيتي خلاص

_ ايه يا رنا مش هتروحي ل لوجي

= اه هروح بس كنت بكلم احمد 

_ اه ما انا اخدت بالي…بس بتتكلمو تقولو ايه يعني

~ ايه يعم ادهم مفيش ازيك كده..وبعدين هنقول ايه يعني كنت بقولها انها غطت ع البنات النهارده بحلوتها

_ لا يا راجل..شوف ازاي 

= ادهم هي ماهي فين

_ معرفش

= طب ما تروح تشوفها 

_ ايوا انتي عايزاني امشي ليه..انا واقف معاكو اهو كملو كلام

~ طيب يا رورو انا هروح اجيب حاجه اشربها واجيلك

= اه اوكيه ماشي

» احمد سابنا ومشي وحطني قدام المدفع وهرب الجبااان بس ولا يهمني انا استرونج اند بندت وومان ومبتهزش… خدت نفس كده وجيت ابص ل ادهم لقيت وشه احمر..واللي هو لو كانو بيشوا ع خده بوفتيك مكنش هيبقي احمر كده..المهم تحولت نظره الاسترونج الي نظره كتكوت مبلول عامل حمام علي نفسه قدام الضيوف ومستني مامته تيجي تغيرله «

= في ايه يا ادهم مالك بتبصلي كده ليه

_ انتي واقفه ليه وايه المحن والقرف اللي انا سمعته دا 

= انت اتجننت يا ادهم دا هاني

_ رنا بطلي زفتت هزار وردي عليا 

= في ايه يا ادهم..عايز ايه

_ كان بيقولك ايه

= وانت مالك انت..روح يا ادهم شوف خطيبتك فين وبالمره تعرفها ع شلتنا وفكك مني خاالص

» وانا قولت الكلمتين من هنا ولقيت ادهم بيطلع دخان من ودانه شبه المدخنه بتاعه الفراخ المشويه كده ولقيته مسك ايدي جامد وشديني لبره الڤيلا خالص ووقفنا قدام عربيته «

_ اركبي 

= اركب ايه لا انا مش همشي

_ بقولك اركبي يا رنا واقصري الشر انا عفاريت الدنيا بتتنطط قدامي دلوقتي

= انشالله يرقصولك حتي انا مش هركب..وفكك مني وروح لماهي يلا 

_ وانا مش هروحلها وهتركبي يا رنا 

= انا ا…

& ايه يا بيبي مالك واقف كده ليه في حاجه 

_ لا يا ماهي دي رنا بس نسيت حاجه في العربيه وكنا بنجيبها

» بصتله بصدمه كده اللي هو للدرجادي خايف منها وخايف تقولها انك واقف بتحاسبني عشان كنت واقفه مع واحد زميلي عادي « 

& طب لقتيها يا رنا 

_  اه لقيتها عن اذنكو

» وسبتهم ودخلت جوه وانا متعصبه جدا و ل سوء حظي لاني كنت لابسه هيلز عالي ف اتكعبلت وكنت هقع ناحيه البسين وانا مغمضه عيني ومستنيه صوت التش بتاع المايه دا بس لقيت ان محصلش حاجه وموقعتش بفتح عيني «

~ انتي كويسه!!.

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية فتاة حطمها العشق للكاتبة حبيبة حسن.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى