رواية عشقي الجزء الثاني الفصل الأول 1 بقلم ياسمين مصطفى

مرت الايام وعشق فرحانه جدا بجوزها من قاسم…. وان قاسم ف نظرها سيد الرجاله كلهم….. قاسم كان كل حاجه بالنسبه لعشق كان الاب والاخ والصديق والسند وكل حاجه…. بس علي اد ماهي مبسوطه كانت خايفه اووي من ان قاسم يسبها….. انه يزهق منها…. لانها عارفه ان الراجل زي البحر بيحب الزياده… هي عارفه ان قاسم طبعه مختلف عنهم… لكنه ف الاخر راجل…. بس مع كدا كاانت بتحبه وبتستمتع بكل وقت بتقضيه معاه…. اما قاسم ف اخيرا ربنا كرمه بعد ما كانت حياته كلها تعب وشغل…. قاسم كان حاسس ان ربنا سايبله حاجه كبيره….. قاسم مكنش يعرف معني الحب… لانه مجربوش قبل كدا…. كان دايما بيحس بدفا…. وعشق ف حضنه…. وبقي بيعد الساعات عشان يروح لعشقه تاني

…… الحب بيعمل اكتر من كدا… قاسم كان محتاج للحنان… اللي اتحرم منه من اكتر من 20 سنه…. زي ما تقولوا كدا ان قاسم وعشق اتخلقوا لبعض… هي كانت محتاجه لحنان الاب والاخ… وهو كان محتاج ل حنان الام والاخت… الاتنين كملوا بعض…….بس ياتري هيفضلوا مع بعض للآخر زي ما قاسم بيقول ولا….؟

اما بقا باالنسبه لرسيل وعدي… ف عدي بقي يحب رسيل اكتر من الاول….ورسيل خلاص بقت بتعشقه…. بس بتبقي خايفه لما بيخرج وبيروح شغله…. بتبقي مرعوبه من فكره انه يحصلها حاجه…. زي ماهي هتجنن وتعرف اخوها فين….. وياتري عدي ليه دخل ف اختفاء اخوها وهيسبباهم مشاكل ولا……؟

_________♕♕♕♕♕♕

في فيلا القاســــــــــم….

عشق ف الحمام: لا لا ما انا لازم اتأكد مش هفضل كدا الشك بياكلني كملت بدموع لرحه وهي بتحط ايديها علي بطنها ياااه لو يبقي حقيقي واجرب شعور الامومه….

قاسم من برا بقلق: عشق…. حبيبي انتي كويسه….

عشق: ايوا ياقاسم انا خارجه اهوو….

وخرجت عشق من الحمام قاسم قام بسرعه..

قاسم:اييه مالك وشك اصفر ليه…

عشق  :لا لا مفيش انا كويسه….هروح اعملك فطار….وبعدين باسته من خده صباح الخير….

وكانت هتمشي بكنه مسك ايديها ورجعها ليه تاني….

قاسم:تؤتؤتؤ هو انتي بتبوسي ابن اختك…قوليلي صباح الخير….

عشق:صباح الخير…

قاسم:انتي مش هتقولي خلاص انا هقول انا…

عشق بصوت عالي:ينهاار اي اللي ع الحيطه دا…

بص قاسم وراه ملقاش حاجه….بس ضحك لما لقاها خرجت تجري برا الاوضه…..

قاسم:براحه لتقعي….

عشق من برا:ما يقع الا الشاطر ياقسومتي….

ونزلت تعمل الفطار وقاسم كمل لبسه عشان ميتأخرش ع الشركه…..

اما بقا عند عدي ورسيل….

عدي وهو بيحضن رسيل من وراها:صباح الخير…..

رسيل بخضه:يووه خضتني يا عدي…

عدي بضحكه:هوا فيه غيري انا وانتي ياجميل…..

رسيل:اه فيه النجف…ويالا تعالي افطر بقا عشان تروح الشركه….

عدي بكسل:لا بفكر مروحش….

رسيل:يالا ياعدي انا جهزتلك لبسك ع السرير روح البس…..الموظفين لما يشوفوا ان رب عملهم بيغيب…..يغيبوا هما كمان…ولما يغيبوا البلد تبوظ…..

عدي:يعني اليوم هوا اللي هيبوظ البلد….

رسيل:اينعم…

عدي وهو بيدخل الاوضه:اينعم…الله يرحم امك كانت بتشرب الشوربه بخرطوم الغساله…

رسيل:بتقول جاجه ياعدي…

عدي:بدعيلك ياحبيبتي وبدعي لامك….

رسيل:ربنا يديمك ياعدي…

عدي ف نفسه:دي لو عرفت اللي بقوله…هتطردني برا البيت……

__________♕

قاسم:ياعشق…انا همشي…

عشق وهي بتخرج من المطبخ وف ايديها سندوتشات…..

عشق:انا عارفه….عارفه انك هتتأخر ف النوم اساسا….بس مش هتمشي غير لما تاكل دول…

قاسم:انا هاخد واحد عشان خاطرك….

عشق:قااسم…هتاكل كل دول….

قاسم:ياعشق ياحبيبتي انا مش صغير…

عشق:هو الجوع فيه صغير وكبير….كل ياقاسم..

قاسم:طيب….

واكلهم قاسم بسرعه….وباس راس عشق وراح عند باب الفيلا عشان يفتحه….

عشق:قاسم استني بس انت مستعجل ليه…..هتاكل ف المعياد….متقولش لا لما اخلص الورق…اول ما ابعتلك الاكل تااكل ياقاسم…..متتعبش نفسك ف الشغل…بلاس شرب قهوه…هاا بلاش..اشرب فرواله…مانجا…لمون…اي حاجه فريش….متاكلش من المطاعم ياقاسم…وكملت بغيره واااه نزل اعلان انك عايز سكرتير…هاا سكرتيررر ياقاسم….

قاسم بضحكه:والله انا عندي اكتر من 30 سنه…مش ف اولي ابتدائي….

عشق:لا ياقاسم مليش دعوه…انت هتعمل كل اللي قولتلك عليه دا…

قاسم:حاضر ياحبيبي….خلي بالك من نفسك…لو حصل اي حاجه كلميني…اي حاجه اي حاجه….فااهمه…يالا باي…

عشق.:باي ياحبيبي….

خرج قاسم وقابل عدي لان الجراچ واحد…..

عدي وهو بيحضنه:اخويا وعم عيالي….

قاسم بضحكه:هما فين العيال دول…

عدي:انت الاول ياكبير….

قاسم:كبير….امشي ياعدي اركب عربيتك…انا خايف تكون قاعد ف صفقه وتقول للعميل يامعلم…..

___________________

اما بقا.. عند ميار وحسام……

حسام:خلاص بقا ياميار هننزل مصر…..اخيرا…..

ميار:حسام عايزه اطلب منك طلب….

حسام:خير في حاجه…طيب انتي تعبانه ولا حاجه…

ميار:لا لا…انا كويسه….انا اقصد يعني….بص من الاخر كدا انا لما انزل مصر عايزه اشتغل….

حسام بضحكه:ليه يابنتي التوتر دا…..وبعدين فكراني من الناس اللي بتعارض شغل المرأه وكدا لا….انا واحد شايف…ان لولا الست ف حياتنا كان المجتمع هيبوظ…الست هي اللي بتعلم…هياللي بتطلع اجيال….في ستات كتيىه احسن من مليون رااجل….في ست سفيره…وفيه المحاميه…والمعلمه…والدكتوره والمهندسه…..انا واحد شايف ان الراجل والست متساويين….بصي انتي لو عايزه تشتغلي انا مش هعارض دا…بس فلوسك انا مش هاخد منها مليم….فلوسك انتي اللي هتشتغليبها…..هتبقي بتاعتك فااهمه….جنيه منها ميروحش ف مصروف البيت…..

ميار بحب:انت كبرت ف نظري اووي ياحسام….

حسام بعشق:وانا بحبك ياروح وقلب حساام….

______________♕

اما بقا عند عشق… ف من بعد ما قاسم مشي ميكت الفون بتاعها ورنت علي رسيل….

عشق: الووو ازيك يارسيل…..

رسيل: ايوا ياعشق اخبارك….

عشق: الحمد لله…. مش عدي مشي…

رسيل: اه…

عشق: خلاص تعالي اقعدي معايا…

رسيل: اشطا هلبس واجيلك….

عشق: بس عايزه منك حاجه………..

____________________♕

اما بقا ف الشركه عند قاسم بيه……..

مدام ملك: قاسم بيه… حضرتك طلبتني…

قاسم بجديه: عايزه الفايل بتاع شركه. M. K

ملك: تؤمر بحاجه تانيه ياقاسم باشا…

قاسم: الامر لله…. ممكن تجيبي قهوه…

ملك: حاضر…

قاسم: لا استني… هاتي لمون…..

ملك ب استغراب: لمون…

قاسم بجديه: هو كلامي مش واصح ولا ايه… اتفضلي….

خرجت ملك وهي متضايقه جدا من قاسم….

قاسم في نفسه وهو مبتسم ابتسامه حب…: انت الوحيده اللي مهتميه بيا ياعشقي….. خايفه عليا وعلي صحتي…. وافتكر مواقف كتير لما كان بيبقي ف اوضه المكتب وبيشتغل وتدخل تقوله “يوووه يااقاسم الشغب مش هيطير تعالي كل الاول…. وريح نفسك شويه وبعدين اشتغل تاني” بتهتم بيه…. فعلا الاهتمام…. قاسم كان كل لبسه بيبقي مكوي من برا…. يعني مش ف البيت… الغسيل مش غسيل بيت حتي الاكل بتاع مطاعم…. زاخيرا اكل من اكل عشق… اللي فيه كل تفصيله في اي اكله مصريه….

لحد ما دق الباب تاني….. وكانت السكرتيره جابتله اللمون واشتغل قاسم علي الصفقه….

___________________♕

رسيل: اخرجي بقا ياعشق كل دا….

عشق خرجت وهي بتعيط…. رسيل اتفزعت..

رسيل: اي ياعشق مالك ياحبيبتي بتعيطي ليه…

عشق: انا…. انا حاامل…….