رواية لقاء الحلقة الأولى 1 بقلم دعاء عرقوب
 |
| رواية لقاء الحلقة الأولى 1 بقلم دعاء عرقوب |
رواية لقاء الحلقة الأولى 1 بقلم دعاء عرقوب
مافيش حد بيختار اهله ولا بيختار حياته كلنا بنوعي ع الدنيا في الي بيلاقي نفسه متشال ع كفوف الراحه وفي الي مش بيلاقي فرشه ينام عليهاا ،ذي مافي مناهج في الكتب بندرسها في مناهج في الحياه بس الفرق إن مناهج الحياه بنخدها عملي فجاه بتلاقي نفسك بتضرب من اهلك لمجرد انك مش عاوز تسيب المدرسه نفسك تتعلم ذي اي طفل في سنك لكن هما ليهم رأي تاني المهم بالنسبه ليهم انك تنزل تلقط رزقك ذي مابقولوا ، كنت مفكره كل الأهالي بتعمل كدا مع أولادها بس مطلعش كدا كنت بشوف الي بيمسكوا ايد ولادهم ويودوهم المدرسه كنت بشوفهم لما بيصورهم علشان تبقى ذكري يفتكروها لما الولاد تكبر كنت بسرح بخيالي واحط نفسي مكانهم بس كنت برجع للواقع المر ع صوت الي بيقولي علبه منديل مانا نزلت الشارع ابيع منديل كنت بخلص واروح ع المطعم جري مش ذي الي في سني اروح مع اهلي نتعشي لا كنت بروح علشان اغسل الاطباق وبعد شغل مبينتهيش ارجع البيت ايام كنت بتأخر وكنت بتبهدل واتشتم مش علشان اتاخرت وهما خايفين عليا لا علشان إتأخرت بالأكل عليهم سنين بتعدي ورا بعضها والحال ذي ماهو مرمطه وذل واهانه ونظرات الناس ما بين الشفقه وما بين الاستحقار بيحسسوكي انك نكره ملكش الحق انك تعيش ذيهم وانك عاله ع المجتمع، وأهو النهاردة هكمل العشرين سنه أول مره اكون فرحانه كدا واذاي مش هفرح وانا واقفه في قصر وهشتغل خدامه فيه متستغربوش ليه اهاا فرحانه اوي كمان عارفين يعني ايه هشتغل خدامه يعني مافيش مرمطه في الشوارع تحت الشمس يعني هترحم من نظرات الي رايح والي جاي يعني هلاقي سرير انام عليه ، يعني هتلاقي سقف يحميني، معقوله الحياه بدأت تضحكلي
-انتي مين وبتعملي ايه هنا
بخضه”انا …انااا لقاء يست هانم الي هشتغل مكان ام محمد و…
– صفيه؟!…
صفيه:ايوا يست هانم
نوال:دي الي هتشتغل مكان ام محمد لحد ماترجع خديها فهميها الي هتعمله وخليها تغير اللبس البيئة الي لبساه دا
صفيه:امرك ي هانم
لقاء وهي تنظر لملابسها فيها ايه هدومي
صفيه:اسمك ايه
لقاء :هاا…..اسمي لقاء
صفيه:طب بصي يست لقاء علشان متتعبيش هنا الي كانت واقفه هنا دلوقتي تبقى ست نوال هي دايما متعصبه كدا ومناخيرها في السماء ومتحبش حد يقولها لا يعني حاضر ونعم وعينك في الارض وانتي بتكلميها وتعالي بقى لما اوديكي المكان الي هتنامي فيه والشغل الي عليكي
“هو أنا ليه محبتش الوليه دي مش مرتحلها من قبل صفيه ماتكلمني عنها قلبي انقبض أول ماسمعت صوتها اهاا هي شكلها حلو ولبسها حلو اوي بس تحس ان ورا الجمال دا حد مش كويس أنتي بتقولي ايه اوعي حد يسمعك ويروح يقولها هتبقى ي فرحه ماتمت اهم حاجه اني اخليها مبسوطه مني وابعد عن شرها ”
صفيه:دي الاوضه الي هتنامي فيها ودا فستان البسيه
لقاء بصدمه:انتي بتهزري معايا صح كل دي ليا لوحدي ي حلاوه ي ولاد
صفيه: مهو حظك الحلو انك جايه مكان ام محمد ودي اوضتها فانتي هتقعدي فيها لحد ماتيجي انا هطلع علشان الشغل الي ورايا خلصي وتعالي ع المطبخ الي وريتهولك واحنا جاين
مسكت الفستان ووقفت قدام المرايه أول مره اخد بالي من لو عيني العسلي الفاتح وابتسامتى الناس كانت بتستغرب لما تشوفني ببيع مناديل في الشوارع أول مره اخد بالي هما ليه بيستغربوا مهو الجمال دا كله مش معقوله يكون لبنت فقيره ذي أول مره اخد بالي اني جميله كدا يمكن لاني أول مره ابص لنفسي في مرايه نضيفه دي حتي انضف من حياتي
لبست الفستان وروحت المطبخ ذي ما صفيه قالتلي والله مانا عارفه دا مطبخ ولا مطعم
صفيه:القهوه دي هطلعيها للبشمهدس آسر اوضته أول اوضه في الدور التاني حطيها واساليه لو محتاج حاجه تانية
خدت القهوه وطلعت خبط ع الباب لكن محدش فتح طب ادخل ولا ارجع اقولها محدش فتح طب أفضل واقفه ولا اعمل ايه دلوقتي فتحت الباب ودخلت مكنش حد موجود يمكن دخلت اوضه غلط بس دي أول اوضه وبعدين هي قالتلي بشمهندس و الاوضه مليانه ورق مرسوم عليه اكيد هي اوضته
آسر:نتي مين ؟
لفت لقاء للصوت ومن الفزع القهوه وقعت منها
آسربغضب:انتي اتجننتي ايه الي عملتيه دا ؟!
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية شمس للكاتب حمدي قدري.
