رواية مغرور ولكنني أحببته الفصل الأول 1 بقلم ملك محمود

في الكافيه

عمر:المينيو لو سمحت

اتقضل يافندم

تمام واحد ليمون فريش

وجاله تليفون ف قام يرد بره وبعد حوالي 4 دقائق خلص ولسه داخل الكافيه خبط في تمارا اللي جايبه الاوردر

تمارا:بعصبيه اه مش تفتح يا أعمي ! 

إيه قلة الذوق دي! 

عمر: أعمي وقلة ذوق وانتي اللي غلطانه !

استوووب

(تمارا عندها 23 سنه من عائله متوسطه بشرتها بيضاء وشعرها اصفر وعيونها لبني لون السماء وطولها متوسط وجسمها كيرڤي وشخصيتها عنيده )

(عمر عنده 30 سنه ومن عائله اغنياء بشرته بيضاء وطويل القامه وجسمه رياضي وبعضلات وعيونه رمادي وشعره اسود ومغرور جدا )

باااااك

تمارا: لا انت اللي غلطان لان المفروض تبقي واخد بالك يعني انت ماشي وماسك الموبايل وباصص فيه وانا جايه بالعصير انت خبطت فيا

عمر: بقول لك ايه يابت انتي ماتطوليش معايا في الكلام وتطولي لسانك بدل ما أعمل تليفون واحد اوديكي في داهيه

تمارا: هههههههههاي تصدق ضحكتني يابتاع انت

عمر:لوسمحت نادي ل صاحب المكان ده

محمد (صاحب المكان): خير يافندم فيه ايه اي ده عمر باشا عندنا!!!

عمر: اذيك يامحمد عامل ايه

محمد: تمام ياباشا

عمر: بقول لك مين البت اللي شايفه نفسها ولسانها فالت منها دي ?

تمارا: برقتله بت اما تبتك واحترم نفسك بدل ما اهزقك

محمد:بصوت عالي تمااارا اسكتي !انتي ماتعرفيش انتي بتكلمي مين?

تماراا: بصوت عالي مايشرفنيش اعرف هو مين ده  انا مابخافش بلا بتكلمي مين بلا مش بتكلمي مين  !!

عمر بيقول ل محمد: البت دي تتطرد حالا

محمد: انا اصلا همشيها بس اهم حاجة ماتزعلش وحقك عليا انا

تمارا: انا اصلا كنت ماشيه واخدت حاجتها ومشيت

بعد ماخرجت اتصلت ب صاحبتها واتقابلوا وحكت لها علي اللي حصل معاها وانها اتطردت وقعدت تعيط رغم شخصيتها القويه وتقول يعني هو علشان ابن اكابر. صاحب الكافيه يطردني من غير مايعرف السبب ولا حتي يسأل ايه اللي حصل لا وكمان هاممه زعله وبيتأسف له احنا بقينا عايشين في دنيا غريبه هلاقيها منين ولا منين انا ياربي اهئ اهئ اهئ

اسيل:معلش ياحبيبتي ده اختبار من ربنا الحمد لله علي كل شئ وفداكي اي حاجة 

اكيد ربنا عمل كده علشان كان ممكن يحصل لك حاجة

اهدي بس ان شاء الله هندور وتلاقي شغل احسن من ده ميت مره

تمارا: يااارب يسمع منك لان بجد انا تعبت

عمر: راح الشركه وقعد في مكتبه وبيفكر في اللي حصل

السكرتيره(يمني): خبطت علي باب المكتب

عمر: ادخل

السكرتيره: استاذ عمر كان فيه موعد  اجتماع النهارده 

عمر: لا انا لغيت الميعاد وعرفي باقي الموظفين وهيبقي الاجتماع بكره

يمني: حاضر. وخرجت

وبعدين عمر قعد يفكر ومستغرب شخصية البنت وازاي كلمته كده وكلمت صاحب الشغل بتاعها كده ده مافيش ولا واحده قدرت انها تكلمني هي زعقت وغلطت بس اهو قطعت اكل عيشها علشان تاني مره تفكر في كلامها قبل ماتقوله

اسيل: حصل خير ياقلبي ماتدايقيش نفسك

واحد ماشي يوزع ورق دعايا ف اداهم كل واحده ورقه لقوا مكتوب فيها مطلوب موظفات للعمل في اكبر شركه من شركات مستحضرات تجميل في مصر

تمارا: بفرحه ايه ده انا لقيت شغل الحمد لله يارب الحمد لله

اسيل: مش انا قولتلك ده خير ليكي واكيد ربنا شايل لك حاجة احسن

تمارا: تعالي اروح احجر واخد مواعيد الشغل

اسيل: تعالي

وراحوا وتمارا سجلت اسمها وبياناتها واخدت ميعاد ومشيت

السكرتيره (يمني):طلعت ل مكتب عمر واعطته الورقه وقالت له …………..