Uncategorized

رواية عمر وحور الفصل الاول 1 بقلم سهيلة أشرف

 رواية عمر وحور الفصل الاول 1 بقلم سهيلة أشرف

رواية عمر وحور الفصل الاول 1 بقلم سهيلة أشرف

رواية عمر وحور الفصل الاول 1 بقلم سهيلة أشرف

 الدكتور: انتي بقا اللي مش عايزه تيجي تقابليني!
المريضة: ”انا لو اعرف انك قمر كده كنت جيت برجلي”
الدكتور: ها بتقولي حاجه ؟!
المريضة: ها لا مابقولش آه أنا اللي مش عايزه آجي وجاية غصب عني في حاجه!
الدكتور: شكلك هتتعبيني
المريضة: آه أنا متعبة جدا على فكره اطلع بقا قول لأهلي إني مش نافعة معاك
الدكتور: طب سؤال ولو جاوبتي عليه هعملك اللي انتي عايزاه
المريضة: ايه هو؟
الدكتور: مش عايزه تتعالجي ليه؟!
المريضة: عشان انا مش مريضة
الدكتور: بصي انا بمجرد ما أبصلك اقدر استنتج انك مش زي الناس الجاهلة اللي شايفة إن الناس اللي بتروح لدكتور نفسي تبقى مجنونة صح!
المريضة: آه طبعا مابفكرش كده دي ناس متخلفة 
الدكتور: كنت عارف.. طب ليه مش عايزه تتعالجي وبصراحة
المريضة: عشان مش تعبانة للدرجة دي
الدكتور: لا لو مش تعبانة للدرجة دي مكانوش أهلك اصروا إنك تيجي هنا
المريضة: لأ صدقني
الدكتور: طيب أنا مصدقك بس عايز أعرف وجهة نظرك في الموضوع يعني مثلا ليه هما عايزين كده وجابوكي غصب!
المريضة: هقولك بص! هو عشان انا حابسة نفسي على طول في أوضتي ومش بطلع منها، كل ما حد يدخل عليا بالصدفة يلاقيني ببكي وعيوني وارمة، عشان مش برضى آكل اسبوع اسبوعين معنديش مشاكل ومش باكل غير تحت تهديد السلاح ، عشان مش بعمل حاجه غير إني يا إمّا ببكي يا إمّا بذاكر عشان ما أبكيش، عشان معنديش صحاب، عشان معنديش اي application ليه علاقة بالسوشيال ميديا على الموبايل ، عشان مش بكلم حد مش بتصل بحد، و مش بخرج مع حد، عشان ساكتة مش بعرف أتكلم مش بعرف أضحك، مش بعرف أفرح، عشان انا كل ما أجيب امتياز في سنة في الكلية يلاقوني مش مبسوطة ، بس غصب عني انا مش مبسوطة عشان انا لما كنت بذاكر مكنتش بذاكر حباً في الكلية ولا حتى التعليم كله دي كانت وسيلة بس بهرب بيها ف أكيد مش هفرح، يمكن عشان بنام كتير!
الدكتور: سكتي ليه كملي
المريضة: كفاية كده تعبت لما افتكر حاجه تاني هقولك
الدكتور: والله ضحكتيني.. طب قوليلي بقا ايه سبب كل اللي انتي حكيتيه ده!
المريضة: يعني ماما بتطفي عليا المروحة وانا نايمة و بابا مش بيجيبلي  note book عليها روبانزل
الدكتور: انتي عايزه تشليني
المريضة: ليه
الدكتور: بصي في عيني كده! يعني دي مش تراكمات مثلا!! يعني مش كبت؟ يعني مش سبب لحاجات كتير عيشتيها ولسه متعافيتيش منها؟! مثلا يعني أنا بفرض
المريضة: انت عرفت منين انت بتراقبني!
الدكتور: بطلي هزار بتكلم بجد دلوقتى، طبيعي اعرف بحكم شغلي
المريضة: شغلك!!!!! ايه ده انت ضحكت عليا وخليتني حكيت واتكلمت ايه ده مخدتش بالي
الدكتور: هه طبيعي جدا انا غير
المريضة ايه الغرور ده متاخدش مقلب في نفسك
الدكتور: طب اخلصي كملي
المريضة: مش قايلة حاجه تاني
الدكتور: طب هقترح عليكي اقتراح
المريضة: هااا
الدكتور: ايه رأيك نتعرف ونتكلم ك أصحاب مش دكتور ومريضة!!
المريضة: مممم موافقة
الدكتور: طيب انا عمر 24 سنه خريج طب نفسي وبحب الكتب والروايات جدا
المريضة: وأنا حور 20 سنة طالبة في اعلام وبحب الكتب والروايات جدا جدا
عمر: الله ده في تشابه أهو
حور: آه انا كمان استغربت
يتبع…
لقراءة الفصل الثاني : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى