رواية ملك روحي الفصل العشرون 20 بقلم أمل مصطفى

رواية ملك روحي الجزء العشرون

رواية ملك روحي البارت العشرون

رواية ملك روحي الحلقة العشرون

كنت عمله مفاجأه
لبليل وأبلغه الخبر بس حصل الحصل
عمري ما كنت اتخيل أشوفه بحالته دي أبدا
خوفت اتكلم بعد ما ضربني يشك أنه مش منه ويحاول يقتله ويعيش عمره ندمان .
لا يعلم ماذا يقول حتي يطيب خاطرها متزعليش بكره كل حاجه ترجع زي ما كانت .
أوصلك عند أهلك وأرجع أشوف أيه الحصل .
تحدثه بفزع أهلي لا أرجوك لو رحت لهم كده عمرهم
مايسبوني أرجع وحياة أخواتي تتهد قبل ما تبداء
أنا عايزه أطمن علي أبني وبعد كده وديني أي مكان
فندق أو شقه لحد ما جسمي يرجع لطبيعته وأشوف حل
تحدث بقلة حيله لأنه لا يستطيع تركها بتلك
الحاله. حاضر
أملته عنوان الطبيبه ودخل معاها
قامت الطبيبه بصدمه من هيئتها مدام ملك
مالك وأيه ده وهي تشاور علي وجهها
جلست بتعب وقعت من علي السلم وكنت جايه أطمن
علي البيبي .
الطبيبه ::بعدم تصديق أتفضلي علي السرير ثم شاورت علي مراد بسؤال ده جوزك
تحدثه بنفي بعد أن صعدت سرير الكشف لا أخوه ل
حسام مش موجود حاليا
بعد الكشف جلست الطبيبه علي مكتبها وتحدثه
بعمليه الجنين الحمد لله كويس بس طبعا الوقعه
هيكون ليها تأثير فيما بعد .
أنت محتاجه راحه تامه تنامي علي ضهرك لمدة
أسبوعين تتحركي للحمام بس. غير كده مافيش حركه نهائي
ولا علاقه زوجيه الفتره دي أحمر وجه ملك من الخجل
بينما أخفض مراد وجهه
رمقتها الطبيبه بعدم إرتياح و أكملت بصي لو أنتي خايفه علي البيبي كلامي
يتنفذ بالحرف أنتي لسه في الأول وربنا سترها معاكي ونجاكم من الوقعه دي
الوقعه وعلاقه كأنك بتقتليه بنفسك
حركه يدها علي جنينها الذي لم يظهر بعد بحنان حضرتك متقلقيش
اكملت الطبيبه تاخدي العلاج ده بإنتظام وأشوفك كمان أسبوع
نزل مراد وتوجه إلي هايبر
ملك عايزه حاجه معينه
ردت بتعب أنا عايزه أنام
نظر لها بإشفاق ثواني أجيب شوية طلبات لأني مش بروح الشقه و مافهاش حاجه
رجع مراد بعد ساعه وهو يحمل الكثير من الشنط ووضعها في السياره
وانطلق إلي شقته
************
دخل أدهم القصر بلهفه وقلق وجد الفتيات يبكون بشده
مرر عيونه بينهم ويشع من الغضب وتوجه لامه يسألها ماما أيه حصل حسام ضرب ملك أزاي هو
أتجنن
هتفت ناهد بدموع مش عارفه إحنا كنا قاعدين
سمعنا صراخها خرجنا لاقيناه بيسحبها علي
السلم كأنها مش إنسان
لم يصدق ما يسمعه وهتف أدهم بجنون وهي فين
مش عارفه طردها بره القصر ولما جيت
أروح معاها حلفيتني أخليني جنبه
هتف بعصبيه يعني أيه أزاي توفقوا علي كده وهي مشيت من أمتي
بكت ناهد بقوه من ساعه و مش عارفه هي فين خارجه من غير فلوس أو موبيل
رفع هاتفه واتصل باليليان التي هتفت بسعاده حبيبي وحشتني الفرحه في صوتها تنفي معرفتها لما حدث لأختها وإلا ما كان هذا رد فعلها هو يعلم جيدا قوه إرتباطهم بملك
تمالك نقسه حتي لا يظهر قلقه الذي تسلل لقلبه وأنتي أكتر يا حبيبتي معلش كان عندي
شغل أخبار ماما وبابا أيه
هتفت بحنان حبيبي ولا يهمك وكلنا بخير الحمد لله
أخبار ماما ناهد وملك والبنات أيه
كلهم بخير بس ملك فونها ضاع لما تجيب
فون وخط تبقي تكلمك معلش مضطر اقفل الوقت ولما أفضي أكلمك تاني يا قلبي
شعر بحزنها وهي ترد تمام لا إله إلا الله لكنه الأن مضطر لتركها حتي يبحث عن أخته
محمدا رسول الله
ثم إلتف لتلك العيون التي تتابع مكلمته بفضول مش عند أهلها أنا طالع أطمن علي حسام
وأنزل أدور عليها وربنا يستر
****************
دلف أدهم جناح أخيه الذي يدخله لأول مره
وجد الغرفه محطمه كليا وأخيه يجلس علي
الأرض يستند برأسه علي حافة السرير
جلس أدهم جواره وهو يطالع ملامح وجهه حزينه منكسره لأول مره يري حاله الإنهزام التي تلبست أخيه كأنه كبر في العمر تحدث بحنان مالك يا حبيبي ليه عملت كده في الأوضه هانت عليك ملك يا حسام
إلتف لأخيه بحده و رمقه بنظرات غضب مش عايز أسمع حاجه عنها وكويس إن مقت_لت_هاش بإيدي
سأله بعتاب ليه
نظر له حسام و تحدث بغضب ينطق كلمات عقله يقنعه بها لكن قلبه غير مقتنع ليه خاينه بتخوني مع شريف حمدان .
وجاتلي صور ليهم وهما مع بعض وخرجت النهارده
من غير ماتقول و الصور بنفس الطقم الكانت
خارجه بيه.
تحدث بهدوء وأنت تصدق برده أن ملك ممكن تعمل
حاجه تغضب ربنا دي ملك بتعشقك وكلنا واثقين
من كده مافيش زوجه ممكن تشوف جوزها مع طليقته وتسامح زي ما ملك عملت
استعاد ذكري ذلك اليوم وهتف بألم الوقت عرفت هي عملت كده ليه مش حب ليا لا لأن مهمهاش
هي مثلت الحب علشان تعرف تنتقم مني
قابلته نظره أخيه المصدومه تنتقم منك ليه وأنت بتعمل المستحيل علشان رضاها
هرب من الرد بالصمت فلا أحد يعلم كيف غصبها علي الإرتباط به غير حاتم ومعتز ولا يريد أن تهتز صورته في نظر عائلته وهو الحكيم دائما في تصرفاته
تأمل أدهم صمته ليكمل بص يا حسام أنت ظلمت ملك وبكره لما
تعرف الحقيقه هتندم بس تفتكر هي ممكن تسامحك
المره دي مأظنش
أنت هنتها وطردتها بره القصر
من غير فلوس أو تليفون فكرت ممكن يحصلها أيه
أو تتصرف أزاي
أنا هثبتلك أنها بريئه وأنك ظلمتها
ووريني هاتقدر ترجعها لحضنك تاني أزاي
خرجت كلمات أخيه مثل خنجر يغرز في جسده بلا رحمه وسأل نفسه هل ظلمها و خسرها للأبد
************
صعد مراد هو وملك بالاسانسير الدور الثالث
فتح الباب وأدخلها أستريحي وأنا هاخد من البواب
الطلبات
الشقه فاخره ذات ذوق راقي جلست علي كنبه
كبيره
وقفت أمامه تتحدث برجاء أرجوك يا مراد مش عايزه أي حد يعرف مكاني مهما كان الشخص ده مين لحد ما أكون بخير أوعدني يا مراد
أوعدك رغم أن الكل هيتعب بس اللي يريحك أعمليه تعالي أوريكي أوضتك تدخلي تغيري هدومك
وترتاحي علي ماحضر حاجه تشربيها .
دخلت ملك الأوضه بعد وقت بسيط طرق مراد الباب و ناولها عدت حقائب ورقيه سألته ملك عن ماهيتهم
مش عارف أنا طلبت من البنت في المحل
تعمل تشكيلة عبايات وإسدالات وهدوم مريحه
للبيت بس بصراحه ماشفتش هي جابت أيه
شكرته ملك بإمتنان شكرا ليك يا مراد أنت نعم الأخ .
تحدث بإحترام وأنتي نعم الزوجه والأخت ربنا يريح
قلوبكم
دخل مراد المطبخ وهو محتار فأول مره يوضع في
هذا الموقف أخرج الفاكهه وغسلها ووضع عصير
بكاس ووضعهم علي صينيه وذهب إلي ملك
نداها من خلف الباب ملك أفتحي
فتحت ملك الباب ليه كل ده أنا والله ماليش نفس
تحدث بتأكيد أنتي سمعتي كلام الدكتوره لأزم غذا
وتاخدي علاجك بإنتظام علشان تحافظي علي أبنكم
أنا عايز ابن أخويا ينزل قوي زي أبوه
أنتي بتاكلي علشانه هو ولا عايزاه يزعل منك .
وضعت ملك يدها بحب علي بطنها لا أنا مقدرش
علي زعله .
خلاص كلي ده مؤقتا أصل أخوكي ميح
مش بيعرف يعمل حاجه أنا رايح أشوف حسام
وأعرف أيه حصل لكل ده
تحدثه ببكاء و الحزن يعتصر قلبها أرجوك خلي بالك منه
رمقها بإحترام وتقدير لسه خايفه عليه بعد العملوا
فيكي دانتي يا بنتي وشك مشوه
اخفضت وجهها وهي تردد بحزن أنا حاسه بيه وعارفه أن فيه حاجه كبيره
وصلته لكده وعارفه هو الوقت قد إيه بيتألم ولولا
خوفي علي أبنه كنت فضلت جنبه مهما ضرب فيه
بس خوفت ضربه تيجي في بطني تموت إبني
************
رددت كلمتها بحقد و شماته كل اللي خططنا ليه حصل وأكتر كمان ضربها وطردها
أتاها صوته الغاضب أيه ضربها
ابتسمت وهي تكمل بشماته لا ده خلا وشها شوارع بتجيب
دم من كل مكان أخيرا هرتاح منها هي وأخوتها
دانتي داهيه
أومال كنت عايزني أسيب أبني يرتبط
بوحده زي دي وأسكت لا طبعا بعد الحصل أهلها
هيطلقوا بناتهم خوفا عليهم ويبقي ضربنا عصفورين
بحجر واحد
تحدث بسخريه كل ده مش مهم أهم حاجه أنها تكون ليا
وبس وأنا أقدر أعوضها عن كل حاجه
تحدثه باشمئزاز أنا مش عارفه دي يتحب فيها أيه
صدعت ضحكه شريف الساخره من غيرتها لو دي ما تتحبش شريف
يبقي مافيش حريم تنفع تتحب يا مدام نفين
***************
رجع مراد القصر وجد الجميع في حالة حزن
تعامل علي أنه لا يعلم شيء وهو يسأل خير يا جماعه مالكم
::اردفت ناهد بدموع أنت كنت فين يا مراد أتصلت بيك كتير
ردد باسف مالك يا ست الكل كنت في مشوار خير
::لم تستطع ناهد السيطره علي دموعها لتتحدث ببكاء أخوك ضرب مراته وطردها وحالته فوق
صعبه
مراد وهو يمثل عدم الفهم ليه كل ده قطعت إسترسال حديثه صوت نفين الحاقد لأنه عرف حقيقتها اللي كله رفض يعترف بيها
رد مازن بصرامه ::
بعدين بقي لو سمحتي يا ماما ماتتكلميش
عليها كده ثم رمقها بسخريه وبعدين غريبه أن حضرتك موجوده
بينا النهارده ده يوم كتب كتابنا ماكنتيش
فاضيه
::توترت نفين خوفا من كشف لعبتها لترد بحده ولد أتكلم عدل ومتنساش أني مامتك
::إبتسم مازن بسخريه لا حضرتك اللي ناسيه أن ليكي ولاد
إلتف مراد لأمه يكمل حديثه بإهتمام وبعدين أيه حصل يا أمي
ردت نيفين بسخريه إكتشف إنها بتخونه مع شريف
أردف مراد بعصبيه لاء طبعا مستحيل ملك تعمل كده دي بتعشق حسام وعمرنا ما نصدق الكلام ده
مررت عينها بينهم بسخريه كله طلع تمثيل عقبالكم أنتم كمان لما تفوقوا
تحدث مراد بحده لا مش تمثيل يا مرات عمي أحنا رجاله
لفين ونعرف نميز بين الوحده المحترمه والوحده
الشمال كويس
وملك مرات أخويا ملاك بمعني الكلمه بعد إذنكم
أنا طالع لحسام
تحركة نيفين بضيق أنا خارجه أصل محدش بيطقلي كلمه
**********
خرج مازن حديقة القصر ورن علي لي لي
إزيك يا حبيبي أخبارك أيه
أتاه صوتها الهادي الحنون الحمد لله أنت عامل أيه
تنهد مازن بحزن بخير وحشتيني يا قلبي
سألته بلهفه أنت كمان مش ها تيجي أشوفك
دائما وجود أمه البسيط يطفيء فرحتهم وجمعهم السعيد خرج صوته محمل بالهموم عندي شغل أول ما يخلص هكون عندك أنتي وحشاني قوي
سمع صوتها الرقيق وهو ينادي أسمه بقلق مالك يا مازن أنت فيك حاجه
تمني لو كانت حلاله في تلك اللحظه و ارتمي في حضنها وبكي مثل طفل صغير فقد أمه لقد وجد عندها الحنان والامان الذي لم يجده في أمه تنهد وهو يرد لا يا حبيبتي أنا بخير
لم تتغير طريقتها المتوتره حاسه فيك حاجه تعباك أو متضايق
زفر بحب لأنها تشعر به يعني أنتي حاسه بيه يا لي لي
هتفت بخجل أه حاسه فيك حاجه مضيقاك اتكلم معايا وأنا سمعاك أو تعال نأكل مع بعض وأتكلم براحتك
أردف بحزن ماما يا لي لي عايشه في عالم وإحنا في عالم تاني خالص مش حاسه بوجودي أنا ومي
كل حاجه عندها الفلوس والسفر وبس
تخيلي ساعات بيعدي الشهر من غير ما شوفها
ولما تدخل القصر بحس بشر غريب وبشوف المتعه بعيونها لما نكون تعبانين
هتفت بحنان حتي تخرجه من حزنه معلش يا حبيبي هي إتعودت علي كده بكره ربنا يهديها بس أكيد بتحبكم إدعليها كتير يا مازن وبكره ترجع لحضنكم من تاني
تنهد بغرام مش محتاجها خلاص ربنا عوضني بيكي أنتي نعمه كبيره ربنا بعتهالي
وحط حبك في قلبي من أول مره عيوني شافتك عوضتيني
حب وحنان الأم اللي فقدته من سنين وربنا يقدرني
أسعدك و أحافظ عليكي